[מרוֹמָא, חי במחצית השניה של המאה הי"ג]

תּוֹכֵחָה

אֱנוֹשׁ אָנוּשׁ הֶבֶל יִפְצֶה

נְהַר אֲשָׁמָיו עַד־צַוָּאר יֶחֱצֶה

בְּגַפּוֹ יָבֹא בְגַפּוֹ יֵצֵא.

בִּמְסִבּוֹת הַזְּמָן יָרוּץ וְיִרְכָּב

וְהָאֲדָמָה אֲשֶׁר מִמֶּנָהּ הָרְכָּב

הִיא שִׂמְלָתוֹ לְעֹרוֹ בַּמֶּה יִשְׁכָּב.

גּוּף נָגוּף וְאַשְׁמָתוֹ נוֹבָעַת

בְּנֶפֶשׁ נִגְאֶלֶת גַּם בְּלֹא־דָעַת

כִּי תֹאכְלֶנּוּ הַתֹּלָעַת.

יָגוֹן לֵילוֹ וַאֲנָחָה יוֹמוֹ

וּבִמְלֹאת קִצּוֹ יִכָּרֵת שְׁמוֹ

מֵעִם אֶחָיו וּמִשַּׁעֵר מְקוֹמוֹ.

יָשֹׁם עַל־עֵקֶב בָּשְׁתּוֹ

וַעֲדֵי אֹבֵד אַחֲרִיתוֹ

וְעָלָה בָאְשׁוֹ וְתַעַל צַחֲנָתוֹ.

בְּפֶתַע יָצָא מִכַּנּוֹ

וְיָשִׂים בַּסֶּלַע קִנּוֹ

וְיֵבוֹשׁ מְקוֹרוֹ וְיֶחֱרַב מַעְיָנוֹ.

אֵיךְ יָרוּם לִבּוֹ וְעַפְעַפָּיו יִנָּשֵׂאוּ

וּמְהָרְסָיו וּמַחֲרִיבָיו מִמֶּנּוּ יֵצֵאוּ

עַל־פִּיו יֵצְאוּ וְעַל־פִּיו יָבֹאוּ.

מַה־יִּתְרוֹן הָעוֹשֶׂה בַּאֲשֶׁר יִצְבֹּר

וְעָרוֹם יְרִיצוּהוּ אֶל־הַבּוֹר

אַל־יָנוּס הַקַּל וְאַל־יִמָּלֵט הַגִּבּוֹר.

זָכְרָה זֹאת אֱנוֹשׁ וְהַעֲלֵה עַל־לְבָבֶךָ

פְּקֻדַּת כָּל־הָאָדָם תִּפָּקֵד וּמָוֶת תְּשִׁיבֶךָ

הָאָרֶץ יִהְיֶה מוֹשָׁבֶךָ.

דָּמִיתָ כְּמַר מִדְּלִי וּכְשַׁחַק מֹאזְנָיִם

וַעֲפַר־אֶרֶץ אֲשֶׁר בְּפֶתַח עֵינָיִם

הִנֵּה הוּא־לָךְ כְּסוּת עֵינָיִם.

בְּשָׂרְךָ יִלְבַּשׁ גּוּשׁ עָפָר וְרִמָּה

וְכַחוֹל אֲשֶׁר עַל־שְׂפַת יָם הָעֲצוּמָה

יַאֲרִכוּן יָמֶיךָ עַל הָאֲדָמָה.

רְאֵה זְמָן בּוֹגֵד וְטוּבוֹ

כִּסָּה פְּנֵי יְצוּרָיו בְּחֶלְבּוֹ

יֶאְשְׁמוּ כָּל־הַחֹסִים בּוֹ.

מְיַחֲלֵי הַזְּמָן בּוֹשׁוּ וְנִכְלָמוּ

יִמָּאֲסוּ כְּמוֹ־מַיִם יִתְהַלְּכוּ לָמוֹ

כָּל־אֹכְלָיו יֶאֱשָׁמוּ.

זְמָן הָרַע בְּחֶרְמוֹ יְגוֹרֵם

וְעַל־יְדֵי מָוֶת יַגִּירֵם

וְעַצְמֹתֵיהֶם יְגָרֵם.

יַשְׂכִּילוּ זֹאת יָבִינוּ לְאַחֲרִיתָם

יוֹם תּוֹלָעִים יִדְרְכוּ עַל־בָּמוֹתָם

גֹזְלֵי עוֹרָם מֵעֲלֵיהֶם וּשְׁאֵרָם מֵעַל עַצְמוֹתָם.

שׁוּבוּ בָּנִים אֶרְפָּה מְשׁוּבֹתֵיכֶם

הִמֹּלוּ לַיְיָ אֱלֹהֵיכֶם

וְהָסִרוּ עָרְלוֹת לְבַבְכֶם.

אַל־תִּבְטְחוּ בִנְדִיבִים בְּבֶן־אָדָם

שֹׁכְנֵי בָתֵּי־חֹמֶר בְּעָפָר יְסוֹדָם

כָּעוֹף יִתְעוֹפֵף כְּבוֹדָם.

וְטִמֵּאתָ אֶת־צִפּוּי גַּאֲוַת לְבָבֶךָ

וְאֶת־אֲפֻדַּת מַסֵּכַת זְהָבֶךָ

כִּי יִהְיֶה לְמוֹקֵשׁ בְּקִרְבֶּךָ.

הִכֹּן וְהַכֵּן לְיוֹם הַפְּקֻדָּה

וּבְטֶרֶם בֹּא יְמֵי הַפְּרִידָה

הָכִינוּ לָכֶם צֵדָה.

רַבֶּה צְבָאֲךָ עַל־יִצְרֶךָ

הַתַּנִּים הַגָּדוֹל הָרֹבֵץ בְּתוֹךְ יְאוֹרֶיךָ

וּפָרַקְתָּ עֻלּוֹ מֵעַל צַוָּארֶךָ.

רְעֵה אֱמוּנָה וּשְׁכָן־אָרֶץ

בְּטֶרֶם בֹּא יְמֵי הָרָעָה וְהַקָּרֶץ

וַיְהִי בֵיתְךָ כְּבֵית פָּרֶץ.

בַּיּוֹם אֲשֶׁר גְּמוּלְךָ יְשַׁלֵּם

וּמַצְפּוּנֵי לְבָבְךָ יְגַלֵּם

לֹא תוּכַל לְהִתְעַלֵּם.

טֻמְאַת נַפְשְׁךָ בְּשׁוּלֶיהָ

חֶרֶב תַּאֲוָתְךָ וּמִשְׁאֲלֶיהָ

הֵנַפְתָּ עָלֶיהָ וַתְּחַלְלֶהָ.

הָבָה נִתְחַכְּמָה לִבְשָׂרֵנוּ

פֶּן־יִרְבֶּה וּמָוֶת כִּי תִקְרֲנוּ

וְנוֹסַף גַּם־הוּא עַל־שׂנְאֵנוּ.

זָחַלְתִּי וְיָרֵאתִי מִיּוֹם הַבָּא

פֶּן מַה־תַּעֲשֶׂה נַפְשִׁי הָעֲצוּבָה

בַּיּוֹם שֶׁיְּדֻבֵּר־בָּהּ.

מָה אֲדַבֵּר וּמָה אֱהִי צוֹרֵחַ

וְלִבִּי כְגֵר בָּאָרֶץ וּכְאֹרֵחַ

מִלִּפְנֵי יְיָ הוּא בֹרֵחַ.

לִבִּי יָחִיל בְּקִרְבִּי

וְיִרְאָה וָרַעַד יָבֹא בִי

כִּי־אֵיךְ אֶעֱלֶה אֶל־אָבִי.

נַפְשִׁי עֹז תַאֲוֹתַיִךְ תִּדְרֹכִי

וְזִכְרִי זֹאת וְהִמָּלֵכִי

אֵי־מִזֶּה בָאת וְאָנָה תֵלֵכִי.

עַד־מָתַי תִּתְחַמָּקִין הַבַּת הַשּׁוֹבֵבָה

הַיּוֹם קָצֵר וְהַמְּלָאכָה מִרֻבָּה

וַאֲנִי אָנָה אֲנִי־בָא.

יְיָ אֱלֹהַי קָדְשִׁי לֹא נָמוּת

בְּעֻזְּךָ תְּנַהֲגֵנוּ עַל־מוּת

תְּבָרֶכְךָ נַפְשִׁי בְּטֶרֶם אָמוּת.

עֻזִּי וּמָעֻזִּי לְךָ אֶשְׁאַל שָׁאֹל

לִפְדּוֹת נַפְשִׁי מִיַּד שְׁאוֹל

כִּי אֵין זוּלָתְךָ לִגְאוֹל.

מְשֹׁךְ חַסְדְּךָ עָלֵי וְנָעֳמֶךָ

וְאַחֲרֶיךָ לְבָבִי בַּעֲמָמֶיךָ

לְבַד־בְּךָ אַזְכִּיר שְׁמֶךָ.

נַחַל עֲדָנֶיךָ תַּשְׁקֵנִי

וּמִתְּהוֹמוֹת הָאָרֶץ תָּשׁוּב תַּעֲלֵנִי

וְאַחַר כָּבוֹד תִּקָּחֵנִי.

וּלְשׁוֹנִי תֶּהְגֶּה צִדְקָתֶךָ

יְסַפֵּר פִּי כָּל־מַלְאֲכוֹתֶיךָ

לְכָל־יָבוֹא גְּבוּרָתֶךָ.

אֱלֹהַי פַּלְּטֵנִי מִיַּד רָשָׁע

לַפֶּתַח רֹבֵץ וְעַל־פַּת־לֶחֶם יִפְשָׁע

אָזְנָיו הַכְבֵּד וְעֵינָיו הָשָׁע.

לֵאוֹר בְּאוֹר פָּנֶיךָ אֶל־מִקְדַּשׁ אֵל

תְּבִיאֵנִי וְאִמְרַת הַשּׁוֹאֵל

תָּקוּם כִּי עִמָּנּוּ אֵל.