רקע
שלמה אבן גבירול
[יְדִידִי צָמְקוּ]
mנחלת הכלל [?]
tשירה

יְדִידִי, צָמְקוּ דַדֵּי תְבוּנָה / וְסָפוּ יוֹנְקֵי הַשִּׁיר וְכָלוּ,

וְנֶהֶרְסוּ שְׁתוֹת בָּתָּיו, וְאַבְנֵי / אֲדָנָיו נוֹשְׁנוּ הַיּוֹם וּבָלוּ,

וְסָרוּ יוֹדְעָיו, אַנְשֵׁי עֲצָתוֹ, / וְנָדוּ כָל מְיֻדָּעָיו וְגָלוּ.

וְקָמוּ אַחֲרֵיהֶם נוֹגְנִים יֹא- / מְרוּ הַשִּׁיר וְאִוַּלְתָּם יְגַלּוּ,

אֲשֶׁר יֶהְגּוּ בְּשִׁיר בָּתִּים רְצוּצִים / וְרָשׁוּ מִמְּצֹא דַּרְכָּם וְדַלּוּ,

וְלֹא חָסוּ עֲלֵי חֶשֶׂף קְלוֹנָם / וְלֹא פָחְדוּ וְלֹא רָגְזוּ וְחָלוּ,

וּמִבּוּז פָּרְשׂוּ מָסָךְ עֲלֵיהֶם / וְשִׁירָם רָצְפוּ לַעַג וּמִלְאוּ

וְרָצוּ פַּעֲמֵיהֶם מִצְּבָאִים / וּמִהְרוּ מִנְּשָׁרִים עוֹד וְקַלּוּ.

המלצות קוראים
תגיות