רקע
שמואל הנגיד
[עָבַרְתִּי עַל מִבְנֶה]
mנחלת הכלל [?]
tשירה

למותת

עָבַרְתִּי עַל מִבְנֶה רָם לֹא

נִרְאָה בָעוֹלָם כָּמוֹהוּ

בִּנְיַן-אִישׁ בָּן כִּי מֵת הוּא הֶעְ-

מִידוֹ בַּעְבוּר הַזְכִּירֵהוּ

שָׁאַלְתִּי שָׂבִים בּוֹ אִם שָׁמְ-

עוּ מִשּׂבִים שֵׁם בּוֹנֵהוּ

עָנוּ: שַׁרְנוּ שָׂב שָׂח שַׁרְתִּי

שָׂב שָׁאַל שָׂב בַּעְבוּרֵהוּ

שָׂח: שָׂח לִי שָׂב שָׂח לוֹ שָׂב שָׂח

לוֹ שָׂב לֹא נוֹדַע יוֹדְעֵהוּ

אָבַד זֵכֶר עוֹשוֹ מֵאֶ-

רֶץ וַיִשּׁאֵר מַעְשֵׂהוּ

וּבְסוֹף יֹאבַד בִּנְיָן זֶה גַּם

שׁוֹמְעוֹ אַף כִּי שֶׁרָאָהוּ

שַׂמְתִּי זֶה אֶל נַפְשִׁי גַּם בּוֹ

נוֹעַץ לִבִּי וַיְבִינֵהוּ

וָאֶתְמַהּ מֶנְהוּ כִּנְבוֹנִים

הֵמָּה רָאוּ כֵּן תָּמָהוּ

וָאוֹדֶה כִּי לַכֹּל עִנְיָן

כֹּל פָּעַל אֵל לַמַּעְנֵהוּ

וָאָבִין כִּי אֶרֶץ שָׁפְלָה

וּשְׁמֵי שָׁמַיִם גָּבָהוּ

גַּם שׁוֹכְנֵיהֶם אֵל יַשְׁחִיתֵם

עַד אֵין עוֹלָם יִשּׁאֶר הוּא.

המלצות קוראים
תגיות