רקע
שמואל הנגיד
הֱיֵה קַל
mנחלת הכלל [?]
tשירה

הֱיֵה קַל רֹאשׁ בְּשֶׁבֶת בֵּין חֲבֵרִים

וְכֶבֶד רֹאשׁ בְּשֶׁבֶת בַּשְּׁעָרִים

וְקַל-עַיִּן בְּחֹק וּבְדִין וְכָבֵד

בְּעַיִן לַהֲלוֹךְ אַחַר נְעוּרִים

וְקַל-אֹזֶן לְשֵמַע דָּת וְכָבֵד

בְּאָזְנַיִּם לְפִי זָרוֹת וְזָרִים

וְקַל-הָאַף עֲלֵי-חַטֹּאת רְשָׁעִים

וְכֶבֶד-אַף עֲלֵי-כַעַס נְבָרִים

וְכֶבֶד פֶּה וְשָׂפָה בַּמְּרִיבוֹת

וְקַל-שָׂפָה בְּהֵעָצֵר גְּבָרִים

וְכֶבֶד יָד לְהָרִים יָד בְּרֵעֶה

וְקַל-הַיָּד לְמַלֵּא יַד חֲסֵרִים

וְכֶבֶד לֵב לְכַבֵּד הַנְּבָלִים

וְקַל-הַלֵּב לְכַבֵּד הַיְּקָרִים

וְכֶבֶד בַּפְּעָמִים עַל נְתִיב-רָע

וְקַל-פַּעַם אֱלֵי דֶרֶךְ-יְשָׁרִים.

המלצות קוראים
תגיות