רקע
מיכה יוסף ברדיצ'בסקי
סֵפֶר בְּרֵאשִׁית
mנחלת הכלל [?]
lפרוזה
פרטי מהדורת מקור: בתוך: ניצנים, ורשה: תושיה; תרס"ז

1

מַעֲשֶׂה בְאָדָם אֶחָד שֶׁהָיָה לוֹ בֵּן יָחִיד. וַיִּגְדַּל הַנַּעַר וַיִּגָּמֵל וַיְהִי בֶּן שָׁלשׁ שָׁנִים. וַיִּכְתֹּב לוֹ אָבִיו סֵפֶר בְּרֵאשִׁית וַיָּבֵא אֶת הַנַּעַר אֶל בֵּית הַמִּדְרָשׁ לִקְרֹא בוֹ. וַיְהִי הַיּוֹם וַיָּבֹאוּ אַנְשֵׁי צָבָא עַל הָעִיר וַיִּשְׁבּוּ אֶת הַנַּעַר, וְסֵפֶר הַחֻמָּשׁ בְּיָדוֹ. וַיּוֹלִיכוּהוּ לִמְדִינָה שֶׁל מֶלֶךְ וַיִּתְּנוּהוּ בְבֵית הַסֹּהַר, וְאֶת הַסֵּפֶר שָׂמוּ בְּבֵית הַמֶּלֶךְ. וַיְהִי בְּלַיְלְה אֶחָד נָדְדָה שְׁנַת הַמֶּלֶךְ, וַיֹּאמֶר לְהָבִיא אֶת סְפָרָיו וְלִקְרֹא לְפָנָיו. וַיִּמָּצֵא סֵפֶר הַנַּעַר בֵּינֵיהֶם, וְלֹא יָדַע גַּם אֶחָד מֵעַבְדֵי הַמֶּלֶךְ לִקְרֹא בוֹ. וַיְצַו הַמֶּלֶךְ וַיָּבִיאוּ אֶת הַנַּעַר לְפָנָיו וַיָּשִׂימוּ אֶת הַסֵּפֶר בְּחֵיקוֹ. וַיֹּאמֶר לוֹ הַמֶּלֶךְ: הֲתוּכַל לְהַגִּיד לִי מַה כָּתוּב בַּסֵּפֶר הַזֶּה? – וַיֹּאמֶר: כֵּן. – וַיֹּאמֶר לוֹ הַמֶּלֶךְ: קְרָא לְפָנָי. וַיִּקְרָא הַנַּעַר: “בְּרֵאשִׁית בָּרָא אֱלֹהִים אֵת הַשָּׁמַיִם וְאֵת הָאָרֶץ”. וַיּוֹסֶף לִקְרֹא: “וְהָאָרֶץ הָיְתָה תֹהוּ וָבֹהוּ וְחֹשֶׁךְ עַל פְּנֵי תְהוֹם וְרוּחַ אֱלֹהִים מְרַחֶפֶת עַל פְּנֵי הַמָּיִם. וַיֹּאמֶר אֱלֹהִים: יְהִי אוֹר! – וַיְהִי אוֹר”. וַיִּקְרָא הָלְאָה. וַיּוֹשֶׁב הַמֶּלֶךְ אֶת הַנַּעַר עַל הַמִּטָּה וַיֹּאמֶר: יִתְבָּרֵךְ אֱלֹהֵי הַשָּׁמַיִם וְהָאָרֶץ. וַיְצַו הַמֶּלֶךְ לְהַלְבִּישׁ אֶת הַנַּעַר וַיּוֹשִיבֵהוּ לְפָנָיו וַיֹּאמֶר לוֹ: בֶּן-מִי אָתָּה? וַיֹּאמֶר הַנַּעַר: בֵּן יָחִיד אֲנִי לְאָבִי וּלְאִמִּי. וַיִּשְׁבּוּ אוֹתִי מִלִּפְנֵי רַבִּי עִם הַסֵּפֶר הַזֶּה. – וַיֹּאמֶר לוֹ הַמֶּלֶךְ: אַל תִּירָא, כִּי אֲנִי אֲצַוֶּה לְהוֹלִיכְךָ לְאָבִיךָ. – וַיְהִי בַבֹּקֶר וַיְצַו הַמֶּלֶךְ לָתֵת לוֹ מַתָּנוֹת רַבּוֹת וּלְשַׁלְּחוֹ לְבֵית אָבִיו. וַיַּעֲשׂוּ כֵן. וַיָּבֹא לְבֵית אָבִיו בְּכָבוֹד גָּדוֹל, וַיְסַפֵּר לָהֶם אֵת כָּל אֲשֶׁר קָרָהוּ; וַיְבָרְכוּ וַיְהַלְלוּ אֶת יְיָ שֶׁהִגְדִּיל לַעֲשׂוֹת עִמָּהֶם וְעִם בְּנָם יְחִידָם חָסֶד.


  1. מִסֵּפֶר מַעֲשִיּוֹת לְרַבֵּינוּ נִסִּים גָּאוֹן ז"ל בְּרַבִּי יַעֲקֹב נִשְׁמָתוֹ עַדֶן.  ↩

המלצות קוראים
תגיות