רקע
שלמה אבן גבירול
[בְּאֵל תָּרוּם יְמִינֶךָ]
mנחלת הכלל [?]
tשירה

וקאל איצ͘א


בְּאֵל תָּרוּם יְמִינֶךָ / וְעָלָיו בִּטְּחוֹנֶךָ

וְהָעֹשֶׁר וְהַכָּבוֹד / פְּקִידִים עַל חֲרוֹנֶיךָ

וְתָמִיד לִבְּךָ נָדִיב / וְחֶסֶד עַל לְשׁוֹנֶךָ

וְגֹדֶל חַסְדְּךָ עָלַי / כְּגֹדֶל רַעֲיוֹנֶיךָ

וְאֶחְשֹׁב כִּי חֲשַׁבְתַּנִי / כְּמוֹ יֶלֶד זְקֻנֶיךָ

וְהָיִיתִי כְּמוֹ חוֹתָם / עֲלֵי אֶצְבַּע יְמִינֶךָ

וְסַרְתִּי מֵעֲלֵי יָדְךָ / וְזֹאת מֵאֵין רְצוֹנֶךָ

הֲבָגַדְתָּ יְדִיד נַפְשִׁי / הֲבָגַדְתָּ בְּבָנֶיךָ

הֲשָׁכַחְתָּ אֱמוּנָתִי / בְּיוֹם עָמְדִי לְפָנֶיךָ

וְלָמָּה לֹא־דְרַשְׁתַּנִי / וְהִנֶּנִי לְעֵינֵיךָ

הֲלֹא אַתָּה נְטַעְתַּנִי / וְצָמַחְתִּי בְגַנֶּךָ

וְהָיִיתִי כְּעֵץ שָׁתוּל / עֲלֵי נַחַל עֲדָנֶיךָ

עֲדֵי כֻלָּם קְרָאוּנִי / חֲבַצֶּלֶת שְׁרוֹנֶךָ

וְעַתָּה שׁוּב יְדִידִי לִי / וְהַעְדֵּנִי עֲדָנֶיךָ

אֲנִי אֶכְתֹּב שְׁבָחֶיךָ / אֲנִי אֶלְקֹט פְּנִינֶיךָ

וְאִם־אַתָּה כְּמוֹ־מֶלֶךְ / אֲנִי אַחַד סְגָנֶיךָ

וְאִם־אַתָּה כְּמוֹ אָדוֹן / אֲנִי עֶבֶד לְפָנֶיךָ

וְאִם־אַתָּה כְּמוֹ־שַׁחַר / פְּרֹשׂ עָלַי עֲנָנֶיךָ.

המלצות קוראים
תגיות