רקע
שלמה אבן גבירול
[תְּרִיבוּן אִישׁ אֲשֶׁר לוּלֵי דְמָעָיו]
mנחלת הכלל [?]
tשירה

ולה מראג֗עה֒ [ולו תשובה]


תְּרִיבוּן אִישׁ אֲשֶׁר לוּלֵי דְמָעָיו / קְרָבָיו נִשְׂרְפוּ מֵאֵשׁ צְלָעָיו

אֲמַרְתֶּם דֹּם וְהִתְאַפַּק וְדַי כִּי / בְאֹרֶךְ הַנְּדֹד כָּלוּ נְגָעָיו

וְדַל מֵרָב־חֳלִי עַד כִּי־נְשָׂאוֹ / זְבוּב קָטָן בְּאַחַד מִזְּרֹעָיו

וְהֹמֶה בַבְּכִי תָמִיד כְּאִלּוּ / פְרָת עֵינָיו וְכִנֹּרוֹת בְּמֵעָיו

וְצִירָיו הָֽפְכוּ עָלָיו לְבָבוֹ / וְנֶהֶפְכוּ עֲלֵי אַרְצוֹ רְקִיעָיו

וְנָדַר אַחֲרֵי בֶגֶד יְדִידוֹ / וְלֹא עָלָה עֲלֵי עֶרֶשׂ יְצוּעָיו

הֲבָגַדְתָּ יְדִידִי בָּאֳהָבִים / וְאֵיכָה אִישׁ־אֱמֶת יִבְגֹּד בְּרֵעָיו

וּמִיּוֹם סֽוּרְךָ לֹא־סָר יְגוֹנִי / וְהִצִּיב הַכְּאֵב עָלַי כְּרָעָיו

שְׁאַל יָעֵל לְעַפְעַפַּי וְיַגִּיד / אֲשֶׁר הִמְסוּ בְמֵימֵיהֶם סְלָעָיו

אֲהַבְתַּנִי וְהָיָה לִבְּךָ לִי / כְּלֵב זָקֵן לְיֶלֶד שַׁעֲשׁוּעָיו

נְטַעְתַּנִי וְאַחַר כֵּן תְּמָאֵן / וְאֵיךְ יַעְקֹר אֱנוֹשׁ חָכָם נְטָעָיו

וְאֵיךְ תִּגְרַע וְתִמְנַע הַֽיְדִידֹת / וְאַתָּה מִנְּדִיבֵי עָם וְשׁוֹעָיו

וְאֵיכָה מִמְּךָ חִשְׁקוֹ יְכַסֶּה / לְבָבִי וַאֲנִי אֵדַע פְּשָׁעָיו

וְלוּ כָתַב לְךָ סֵפֶר יְרִיבוֹת / קְרַעְתִּיהוּ וְשָׂרַפְתִּי קְרָעָיו

בְּאַנְשֵׁי רִיב יְהִי חֶרֶץ וְכָלָה / וְיָשׁוּף הַזְּמַן רָאשֵׁי צְפָעָיו

אֲשֶׁר פָּתְחוּ כְּמוֹ‏־חֶרֶב לְשׁוֹנָם / וְכַקַּשׁ נֶחְשְׁבוּ אַבְנֵי קְלָעָיו

וְאַל־יַשִּׁיאֲךָ מֵהֶם שְׁלוֹמָם / הֲיַשִּׁיא מֵחֲמַת תַּנִין צְבָעָיו.

המלצות קוראים
תגיות