רקע
שלמה אבן גבירול
[תְּבֹרַךְ מִבְּלִי קֵצֶה]
mנחלת הכלל [?]
tשירה

[שיר אהבה]


תְּבֹרַךְ מִבְּלִי קֵצֶה / בְּכָל תָּבֹא וְכָ͘ל תֵּצֵא

קְרָאַנִי שְׁלוּחֶךָ / וְהוּא נֶחְפָּז וּמִתְרַצֶּה

וְשַׂשְׂתִּי בוֹ כְּאִלּוּ עַד / וְשָׁלָל רַב אֲנִי מוֹצֵא

וְהִבְעִיר אֵשׁ בְּתוֹךְ גּוּפִי / כְּמִקָּצֶה וְעַד קָצֶה

וּבָאתִי אֶל נְהַר חִשְׁקוֹ / אֲשֶׁר צַוָּאר וְרֹאשׁ יֶחְצֶה

וּמִי יִתֵּן יְחָנֵּנִי / וְיֵעָתֵר וְיֵרָצֶה

וְיוֹאֶל־נָא וְאֶרְדֶּה צוּף / דְּבַשׁ פִּיהוּ וְגַם אֶמְצֶה

וְהַצֹּפֶה יְהִי נִרְדָּם / וְרֹאוֹתָיו מְעַט יַעְצֶה

וּמִדְבָּרָיו מְשֹׁהָמִים / בְּעֵת יָנוּב וְעֵת יִפְצֶה

יְמִיתֵנִי בְּעֵת יִזְעַם / יְחַיֵּנִי בְּעֵת יִרְצֶה

וּמִשַּׁחַת יְחִידָתִי / אֲזַי יַצִּיל וְגַם יִפְצֶה

צְבִי פָנָיו וְאוֹרֵהוּ / כְּאוֹר שֶׁמֶשׁ בְּעֵת יֵצֵא.

המלצות קוראים
תגיות