רקע
שלמה אבן גבירול
[ברכה לשר]
mנחלת הכלל [?]
tשירה
פרטי מהדורת מקור: ירושלים: מכון שוקן תשל"ה; 1974

הַשָּׂר בְּעֹז הָרֵם יְמִינֶךָ / וּתְפשׂ בְּצִיצִת רֹאשׁ זְמַנֶּךָ

וּכְבשׁ יְלָדָיו לַעֲבָדִים לָךְ / כִּי נִכְנְעוּ לִפְנֵי גְאוֹנֶךָ

יָצָא לְהִלָּחֵם בְּךָ אָכֵן / יָצָא אֱלֹהֶיךָ לְפָנֶיךָ

וַיַּעֲמֹד לָרִיב וְשָׂרִיתָ / עִמּוֹ וְעִם אִישָׁיו בְּאוֹנֶךָ

וַיִּהֲדֹף צִבְאֵי כְזָבָיו כִּי / עָרְכוּ לְעֻמָּתוֹ אֱמוּנֶיךָ

קָשַׁר צְנִיף הָדָר עֲלֵי רֹאשָׁךְ / וּרְבִיד [שְׂרָ]רָה עַל גְּרוֹנֶךָ

כִּי יָקְרָה נַפְשָׁךְ בְּעֵינֵי צוּר / דמו מ….[נֶיךָ]

וַיַּעֲלֶה שַׁוְעָךְ בְּאָזְנָיו כִּי / עָרַב נְעִים קוֹלוֹ בְאָזְנֶיךָ

וַיַּעֲמֹד מֵלִיץ בְּיִשְׁרָתָךְ / וּזְכוּת מְקֻדָּשָׁיו זְקֵנֶיךָ

וַיְצַו רְפוּאָה לַעֲצָמֶיךָ / תִּהְיֶה לְרִקָּבוֹן לְמוֹנֶיךָ

לָבְשׁוּ יְדִידֶיךָ לְבוּשׁ [שָׂשׂוֹן] / וַיִּסְחֲבוּ כַנְפֵי רְנָנֶיךָ

..ה יצלח דרכה וְאַל יִהְיוּ / רוֹעִ[ים] בְּנֵי נֵכָר בְּצֹאנֶךָ

יַנְחֵם בְּתֹם לֵבָב לְהַשְׁקוֹתָם / מִנַּהֲרֵי נַחְלֵי עֲדָנֶיךָ.

המלצות קוראים
תגיות