אֵיכָכָה אוּכַל וְרָאִיתִי בְּאָבְדָן / אִם לֹא אֶכְתְּבֵם בְּסֵפֶר לְזִכָּרוֹן / בַּעֲמָלִי מַה־יִּתְרוֹן / וְאִם אֵחָשֵׁב כְּסִיל אוֹ יָהִיר / לְשׁוֹנִי עֵט סוֹפֵר מָהִיר / מִי יִתֵּן וְיִכָּתְבוּן מִלַּי / וְסִבַּת עֵט מְכַתֵּב מְשָׁלַי / עַל־אוֹפַן גַּלְגַּל הָעוֹלָם / אֲשֶׁר מֵעֵינֵי שִׂכְלִי נֶעֱלָם / הַמִּתְגַּלְגֵּל בְּאִי הַיָּם / אֵלֶּה הֵמִית וְאֵלֶּה חִיָּם / וַיִּפְשֹׁט בְּמֶרְחֲבֵי אָרֶץ / לִפְרֹץ פֶּרֶץ עַל־פְּנֵי־פָרֶץ / וּבְגַלְגַּל עֶגְלָתוֹ הָמַם / הַיְשָׁרִים עַד תֻּמָּם / וְאוֹפַן מַרְכְּבוֹתָיו / מִתְהַפֵּךְ בְּתַחְבּוּלוֹתָיו / עַל הַטּוֹבִים וְיַכְנִיעֵם / וְעַל הָרָעִים וְיוֹשִׁיעֵם / וַיַּרְא כִּי הָאֱמֶת עָמְדָה בַמִּישׁוֹר / וְכִי יָדֶיהָ שִׁלְּחָה בַכִּישׁוֹר / וַיַּךְ אוֹתָהּ אֶל הַחֹמֶשׁ / וַיָּנֶף עַל רַגְלֶיהָ חֶרְמֵשׁ / וַיְקַצְּצֵם וַיִּרְעֲצֵם / הַבָּשָׂר עִם הָעֶצֶם / וַיְסִירֶהָ מִגְּבִירָה / כַּאֲשֶׁר לִזְנוּנִים הָרָה / וַתְּהִי לְדֹפִי / וַתֵּלֶךְ שֶׁפִי / וְתַחְתֶּיהָ אֶת הַשֶּׁקֶר אָהַב / וַיּוֹשֶׁט לוֹ אֶת שַׁרְבִיט הַזָּהָב / וַיִּקְרָאֵהוּ לְפָנָיו / וַיִּמְצָא חֵן וָחֶסֶד בְּעֵינָיו / וַיַּעֲמִידֵהוּ עַל רַגְלַיִם / וַיְיַפֵּהוּ בִיפִי נַעֲלַיִם / וַיְקָרֵב כָּל קְרוֹבָיו וְאֹהֲבָיו / וַיְרַחֵק בּוֹזָיו וְאֹיְבָיו / עַד כִּי עָלוּ בְּמַעֲלוֹת / פּוֹעֲלֵי עַוְלוֹת / וַיָּשִׂימוּ עֲלִילוֹת / לְהַכְרִית עוֹלֵלוֹת / וּנְטִישׁוֹת וְזַלְזַלִּים / מֵאֶבְיוֹנִים וְדַלִּים / וַאֲשֶׁר לֹא יַעֲשׂוּ כְמוֹהֶם / כְּלֵי קְרָב בְּפִיהֶם / חֲרָבוֹת שִׂפְתּוֹתֵיהֶם / חֲנִית וְחִצִּים שִׁנֵּיהֶם / לְשׂוּמָם מִרְמָס כְּטִיט חוּצוֹת / עַל כֵּן מָעֲטוּ גוֹדְרֵי פְרָצוֹת / כִּי הָרְשָׁעִים נוֹשָׁעִים / וְלֹא חֵן הַיּוֹדְעִים / וְהַצַּדִּיקִים נֶאֱנָקִים / וְהַמָּרִים נִמְתָּקִים / וּבְנֵי בְלִיַּעַל עָלוּ / וְהַגְּבֹהִים יִשְׁפָּלוּ / וְהַתְּפִלָּה תִפְלָה / וְהַתְּהִלָּה תָהֳלָה / וְהָעוֹלָה עַוְלָה / וְהַמְּזִמָּה זִמָּה / וְשָׁרְשָׁם פָּתוּחַ אֱלֵי מִרְמָה / יוֹצְאִים בְּיָד רָמָה / וְקָרְאוּ בִשְׁמוֹתָם עֲלֵי אֲדָמוֹת / אֲשֶׁר נִמְשְׁלוּ כַבְּהֵמוֹת / וְאַנְשֵׁי צֶדֶק / כִּמְשֻׂכַת חֶדֶק / וְטָחֵי תָפֵל / יוֹשְׁבִים בָּעֹפֶל / וְרוּם אֲנָשִׁים שָׁפֵל / בַּחֹשֶׁךְ וַעֲרָפֶל / כְּפוּפֵי רֹאשׁ כְּאַגְמוֹן / וְיִירְאוּ מִקּוֹל הָמוֹן / אִישִׁים אֲשֶׁר מָאֲסוּ אֲבוֹתָם / הַיֹּשְׁבִים בְּחַצְרֵיהֶם וּבְטִירוֹתָם / עֲנוּקֵי גַאֲוָה וָרָהַב / כּוֹסְפֵי כֶסֶף, אֹהֲבֵי זָהָב / הַיְרֵאִים לִשְׁלֹחַ יָד בְּהוֹנָם / אַךְ לְשַׁקֵּר בִּלְשׁוֹנָם / וְלֹא הֵבִיאוּ צַוָּארָם / בֵּעֲבוֹדַת צוּרָם / מִגַּאֲוָה נֶעֶנְקוּ / וְהַעֲנֵק לֹא הֶעֱנִיקוּ / אַךְ שָׁמְנוּ עָשְׁתוּ / כֹּל אֲשֶׁר יָזְמוּ עָשְׁתוּ / בְּבֶצַע מַעֲשַׁקּוֹת / לְהַחֲנִיף בַּחֲלָקוֹת / וַיַּעֲשׂוּ וַיַּצְלִיחוּ / כַּיָּמִים אֲשֶׁר נָחוּ / וְהֹלֵךְ צֶדֶק וְדֹבֵר מֵישָׁרִים / צַלְמָוֶת וְלֹא סְדָרִים / וּמִקּוֹל מְחַצְּצִים / הַמִּתְלוֹצְצִים / סְעִפַּי בִּי נִצִּים וְאָצִים / לִנְטוֹת עֵטִי לְמָשָׁל / עַל הַשֶּׁקֶר אֲשֶׁר מָשַׁל / לָשֶׁבֶת עַל מְרוֹמֵי קָרֶת / וַתְּהִי הָאֱמֶת נֶעְדָּרֶת / וְסָר מֵרָע מִשְׁתּוֹלֵל / וְרָשָׁע עַל תַּאֲוָתוֹ הִלֵּל / וּמָלְאוּ פְנֵי תֵבֵל / רֵיקִים עוֹשֵׂי תֶבֶל / וּמְכַבְּדֵי אֵל יֵקָלוּ / וְרֹדְפֵיהֶם יִקַּלוּ / הָהּ כִּי נִלְכְּדָה בִמְצוּדָה / הָאֱמֶת אֲשֶׁר עָמְדָה / וְהַנְּבָלִים עָלוּ לְמַעְלָה / וְהַנְּדִיבִים יָרְדוּ שְׁאוֹלָה / וְשָׁב כָּל רֹאשׁ לְזָנָב / וַיִּשְׂתָּרֵר כָּל בְּלִיַּעַל וְגַנָּב / וְקָצְרוּ דַרְכֵי אֱמֶת וְנֶחְבָּאוּ / וַיַּאֲרִיכוּ הַבַּדִּים וַיֵּרָאוּ / וְהָעֲנִיִּים בְּעֵינֵי הָעֲשִׁירִים כְּדֻבִּים / וְאֹהֲבֵי עָשִׁיר רַבִּים / וְהָאֱוִיל מַשְׁרִישׁ / וְהֶחָכָם יִשְׂבַּע רִישׁ / וְיִרְבּוּ וְיַעַצְמוּ / עֵינַיִם קָרְצוּ וְעָצְמוּ / וּנְשִׁיקוֹת אַחִים / אֲשֶׁר בִּלְחֵיהֶם חַחִים / וְקֹוֵי לְמֶתֶק סוֹד רֵעִים / כִּי יִמְצָאוּם רָעִים / וּמְלָשְׁנִי בַסֵּתֶר / יֵאָמֵר לוֹ: אָכֹל וְהוֹתֵר / בְּפִיו מְהַלֵּל / וּבְקִרְבּוֹ מְקַלֵּל / מִשְׁתַּחֲוֶה וְכֹרֵע / מְחַשֵּׁב אַךְ לְהָרֵעַ / וְהָאוֹפָן אֲשֶׁר כָּל זֶה יַצְמִיד / עֹבֵר עָלֵינוּ תָמִיד / וְיַךְ בְּזַעְפּוֹ וְיַגֶּה / כָּל חֵךְ בֶּאֱמֶת יֶהְגֶּה / וּמִתְהַלֵּל בְּמַתַּת שֶׁקֶר / לִכְבוֹדוֹ אֵין חֵקֶר / נְשִׂיאִים וְרוּחַ וְאֵין גֶּשֶׁם / בְּנֵי נָבָל גַּם בְּנֵי בְלִי שֵׁם / וּשְׂפָתַיִם דֹּלְקִים וְלֶב־רָע / יַאֲרִיךְ יָמִים יִרְאֶה זֶרַע / וּבִמְעִיל בּוּץ מְכֻרְבָּל / וְזֵר עַל צַוָּארוֹ סַרְבָּל / בְּלִי כֹל שָׁלוֹם, בְּלִי בֶגֶד / וְשָׁלוּ כָּל בֹּגְדֵי בָגֶד / בְּפֶה חָנֵף יַשְׁחִית רֵעֵהוּ / וִיחַבְּקֵהוּ וִינַשְּׁקֵהוּ / חֹנֶף בְּפִיו וְאָוֶן בְּלִבּוֹ / וּבְקִרְבּוֹ יָשִׂים אָרְבּוֹ / דְּבַר בְּלִיַּעַל יָצוּק בּוֹ / וְכָל אָח עָקוֹב יַעֲקוֹב / וּבִרְאוֹתִי זֶה הַזְּמָן אֶקּוֹב.

וָאֶשָּׂא מְשָׁלִי וָאֹמַר:

נְהֵה עֵטִי עֲלֵי אוֹפַן עֲגָלָה / וְלַגַּלְגַּל אֲשֶׁר נִגְלַל וְנִגְלָה

וּמִתְהַפֵּךְ עֲדֵי כָשְׁלָה וְנָפְלָה / שְׂפַת הָאֱמֶת וְשֶׁקֶר קָם לְמָעְלָה

וְהָיְתָה כָּל תְּפִלַּת זַךְ לְתִפְלָה / וְחַף רֹאשׁ חָף וְהַתְּהִלָּה לְתָהְלָה

וְהֻקַּם עָל בְּלִיַּעַל וְעוֹלָה / יְמִין עַוְלָה וְהַתָּם תַּם וְנִקְלָה

בְּאִי הַיָּם עֲדַת שֵׂכֶל שְׁכוּלָה / וְעֶטֶר בּוּז וּמִשְׁפָּחָה שְׁפָלָה

וְאֹזֶן רֹב עֲשִׁירֶיהָ עֲרֵלָה / לְכָל שֹׁאֵל וְלַנֹּתֵן מְהוּלָה

וְחִפְּשׂוּ בוֹגְדֵי בֶגֶד עֲלִילָה / שְׁלֹל בֶּגֶד יְשַׁר־דֶּרֶךְ וְשִׂמְלָה

עֲדַת חָנֵף שְׂמֵחָה הִיא וְצָהְלָה / וְתוֹךְ מַחְנֵה יְשָׁרִים קוֹל יְלָלָה

וְאִשְּׁרוּ פֶה אֲשֶׁר דֹּבֵר נְבָלָה / וְהַדֹּבֵר נְכֹחוֹת לִקְלָלָה

וְרֵעַ כַּטּוֹב וּבָלָה כַבְּתוּלָה / כְּמָתוֹק מַר וְאוֹרָה כַאֲפֵלָה

וּבֶרֶכְיָה זְמָן קִלֵּל וְאָלָה / וְסִבּוֹתָיו קְטַנָּה וּגְדוֹלָה

וְטוֹב לִי פַת חֲרֵבָה וַעֲמֵלָה / וְזוּלָתָם וְלֹא עִמָּם בְּנַחְלָה.

כְּחָשְׁבִי עַל זֶה יְבַהֲלוּנִי רַעְיוֹנַי / וְתִדַּד שְׁנָתִי מֵעֵינַי / לָשׂוּם בְּסֵתֶר דִּבְרָתִי / מִלִּים אֲשֶׁר מָלֵאתִי / וָאֹמַר לַאֲשֶׁר יָבֹא מִכְתָּבִי לַחֲזוֹת / אֱכֹל אֶת הַמְּגִלָּה הַזֹּאת / כִּי מֵהָאֹכֵל יֵצֵא מַאֲכָל / וְשֵׂכֶל יֵצֵא מִשָּׂכָל / וְאַל יֹאמַר אֲשֶׁר מְשָׁלַי יִזְכּוֹר / חוֹחַ עָלָה בְיַד שִׁכּוֹר / וּמָשָׁל בְּפִי כְסִילִים / כְּרֹב חֲלוֹמוֹת וַהֲבָלִים / כִּי מֵרְשָׁעִים יֵצֵא רֶשַׁע / וּמִן הַמּוֹשִׁיעִים יֶשַׁע / אִם אִישׁ עָלַי יַמְרֶה חִכּוֹ / חָכְמַת עָרוּם הָבִין דַּרְכּוֹ.

וְהִנְנִי מְמַשֵּׁל בְּחַיּוֹת וְעוֹפוֹת / לְחַזֵּק יָדַיִם רָפוֹת / וּבָרֶמֶשׂ וּבַשֶּׁרֶץ / הִנָּם לְמָשָׁל לְיוֹשְׁבֵי הָאָרֶץ / וְאָחֵל בָּאַרְיֵה הַמֹּלֵךְ עַל כֻּלָּם / מִקְּטַנָּם וְעַד גְּדוֹלָם / כִּי כְּבוֹדוֹ בְּקָלוֹן הֵמִירוּ / כֵּן לֶעָשִׁיר שֶׁנּוֹרַשׁ חֲבֵרָיו לוֹ יִתְנַכָּרוּ.