רקע
אהרן אמיר
לְנֹחַ יוֹם־הוּלֶדֶת
xמוגש ברשות פרסום [?]
tשירה
פרטי מהדורת מקור: ירושלים, תל אביב: מוסד ביאליק, זמורה ביתן; 1991

אֲנִי נֹחַ בֶּן לֶמֶךְ

שִׁבְעִים שָׁנָה וּשְׁבַע־מֵאוֹת שָׁנָה יְמֵי־שְׁנֵי־חַיַּי

גַּם טוֹבָה גַּם רָעָה רָאִיתִי בִּימֵי־חֶלְדִּי

הַרְבֵּה מְאֹד:

תַּחַת אֱלֹהִים הָיִיתִי נֹחַ

אַרְבָּעִים יוֹם וְאַרְבָּעִים לַיְלָה

בְּמַיִם עַזִּים נְתִיבָה

גַם כָּל יֶתֶר הַיָּמִים וְהַלֵּילוֹת עָבַדְתִּי אֱלֹהִים בֶּאֱמוּנָה

כִּי נֹחַ אִישׁ צַדִּיק בְּדוֹרוֹתָיו

וְאֶת אֱלֹהִים הִתְהַלֵּךְ

תָּמִים:


יְמֵי מַבּוּל מִי יְשִׁיבֵנִי

אַרְבָּעִים יוֹם וְאַרְבָּעִים לַיְלָה בַּתֵּבָה

וַאֲנִי מִתְהַלֵּךְ אֶת אֱלֹהִים כִּבְחִיר־כָּל־חַי

חוֹתֵךְ חַיִּים וּמָוֶת לְכָל חַי

פְּלֵטַת־כָּל־חַי עִמָּדִי תֻּכּוּ לְרַגְלַי

וַאֲנִי מְנַחֲמָם מִן הָאֲדָמָה אֲשֶׁר נֵאָרָה

עַד חָסֹר הַמַּיִם עַל הָרֵי־אֲרָרָט

עַד שָׁבָה אֲדָמָה לְהִגָּלוֹת בְּהָרֵי־אֲרָרָט

עַד נָתֹן אֱלֹהִים אוֹת בְּרִית בֶּעָנָן:


אֲנִי נֹחַ

אִישׁ צַדִּיק הָיִיתִי בְּדוֹרוֹתַי

וֵאלֹהִים חָזִיתִי בַּעֲנַן־קַשְׁתָּם אוֹת־בְּרִיתָם בַּאֲרָרָט

וָאֶתְהַלֵּךְ לִפְנֵיהֶם

תָּמִים:

יְמֵי־שְׁנֵי־חַיַּי עַתָּה שִׁבְעִים שָׁנָה וּשְׁבַע־מֵאוֹת שָׁנָה

גַּם טוֹבָתָם גַּם רָעָתָם קַלּוּ מִנִי רָץ

גַּם קַשְׁתָּם גַם עֲבֵיהֶם נָמוֹגוּ כֶּעָשָׁן


וְהַמַּבּוּל אַחַרַי לֹא עֵץ־גֹּפֶר וְלֹא כֹּפֶר

נוֹתַרְתִּי אֲנִי לְבַדִּי:


אַיֵּה עַתָּה דּוֹרוֹתַי־בַּהַפְלָגָה

אַיֵּה תֵּבָתִי־בְּמַיִם־עַזִּים

אַיֵּה אֱלֹהַי

אַיֵּה הָרַי־בָּאֲרָרָט:


ירושלים, 18.11.1980

המלצות קוראים
תגיות