וַיְהִי אַחֲרֵי סַפֵּר הַנַּעֲרָה שָׁהֵר-זָד רַבִּים מִסִּפּוּרֶיהָ לַמֶלֶךְ שָׁהֵר-בָּז, וַתּוֹסֶף וַתְּסַפֵּר לֵאמֹר:

 

א. הַמֶּלֶךְ עוּמָר וְצֶאֱצָאָיו.    🔗

שָׁמוֹע שָׁמַעְתִּי, אֲדוֹנִי הַמֶּלֶךְ הַמְּפֹאָר, כִּי בְעִיר-הַשָּׁלוֹם בַּגְדָּד הָיָה, לִפְנֵי מְלֹךְ עַבְּדְ אַל מָלֵךְּ בֶּן-מִרְוָן, מֶלֶךְ אַדִּיר וּשְׁמוֹ עוּמָר אַל נַעְמָן, וְהוּא גִבּוֹר חַיִל, וְיָדוֹ חָזְקָה עַל כָּל-הַמְּלָכִים הַגְּדוֹלִים, לֹא יַעֲמֹד אִישׁ בְּפָנָיו, וְלֹא יַעַבְרֵהוּ בִּמְרוּצָתוֹ. וַיְהִי שַׁלִּיט עַל כָּל-הָאָרֶץ, וְחֵילוֹ רַב וְעָצוּם מְאֹד. קַצְוֵי מִזְרָח וּמַעֲרָב לוֹ נִכְנָעוּ, וְכָל-עַמֵּי הָאֲרָצוֹת, אֲשֶׁר בֵּינֵיהֶם הִנְדְ וְסִנְדְ וְסִין וְחִיגָ’ז וְתֵימָן וְסוּדָן, לוֹ בֶרֶךְ יִכְרָעוּ. וַתְּהִי מְצוּדָתוֹ פְרוּשָׂה עַל כָּל-עֶבְרֵי הַנְּהָרוֹת הַגְּדוֹלִים, סִיחוּן וְגִ’יחוּן וְהַיְאֹר וּפְרָת. וַיִשְׁלַח צִירָיו לְמֵרָחוֹק לָדַעַת מַה-שְּׁלוֹם הָאָרֶץ וּמַה-יֵּעֲשֶׂה בָּה. וַיָּשׁוּבוּ אֵלָיו וַיַּגִּידוּ לוֹ כִּי יֹשֶׁר וְאֵמוּן שׂוֹרְרִים בְּכָל-הָאָרֶץ, וְכָל-הַתּוֹשָׁבִים נִכְנָעִים וּמִתְפַּלְּלִים לִשְׁלוֹם הַמֶּלֶךְ עוּמָר אַל נַעְמָן. וּלְעוּמָר יַחַס וָשֵׁם, וּמִכָּל-עֵבֶר וּפִנָּה יוֹבִילוּ לוֹ שָׁי.
וּלְעוּמָר בֵּן וּשְׁמוֹ שַׁרְכָּן, וְהוּא גִבּוֹר חַיִל כָּמוֹהוּ וּפֶלֶא מִפִּלְאֵי הַזְּמַן, יַחֲלֹשׁ גִבּוֹרִים אַדִּירִים, וְיָרֹעַ כַּבִּירִים. וַיֶּאֱהָבֵהוּ אָבִיו אַהֲבָה נִצַּחַת וַיּוֹרִישֵׁהוּ כֶתֶר הַמְּלוּכָה אַחֲרָיו. וַיִּגְדַּל הַבֵּן וַיְהִי בֶן-עֶשְׂרִים שָׁנָה, וַיִּשָּׁמְעוּ לוֹ כָּל- נְתִינָיו. וּלְעוּמָר אַרְבַּע נָשִׁים נְשׂוּאוֹת לוֹ, כַדָּת וְכַהֲלָכָה, וְגַם פִּילַגְשִׁים רַבּוֹת לוֹ, אַך לֹא חֲנָנוֹ הָאֱלֹהִים בְּזֶרַע אֲנָשִׁים, מִלְּבַד שַׁרְכָּן אֲשֶׁר יָלְדָה אַחַת מִנָּשָיו.

וַיִּרְבּוּ הַיָּמִים וַתַּהַר לוֹ אַחַת מִפִּילַגְשָׁיו, וַיִּוָּדַע הַדָּבָר לַמֶּלֶךְ וַיִּשְׂמַח שִׂמְחָה גְדוֹלָה, וַיּאֹמֶר: מִי יוֹדֵעַ, אוּלִי יִהְיֶה גַם זֶה לִי בֵן. וַיִּכְתֹּב אֶת יוֹם הֶרְיוֹנָהּ בַּסֵּפֶר וַיֵּיטֶב לָהּ. וְהַדָּבָר נוֹדָע גַּם לְשַׁרְכָּן וַיֵּצֶר לוֹ מְאֹד, וַיֹּאמֶר: עָתָּה יְבוֹאֵנִי צַר בְּמַמְלַכְתִּי, וַיִּגְמֹר אֹמֶר לֵאמֹר: אִם תֵּלֵד הַפִּילֶגֶש בֵּן וַהֲמִתִּיו. וַיִּשְׁמֹר אֶת-הַדָּבָר בְּלִבּוֹ.
וְהַפִּילֶגֶשׁ נַעֲרָה יְוָנִית, וּמֶלֶךְ יָוָן הַשַּׁלִּיט בְּקֵיסָרִיָּה שְׁלָחָהּ לוֹ לְמִנְחָה, וְאִתָּהּ סְגֻלּוֹת מְלָכִים, וְשֵׁם הַנַּעֲרָה צְפִיָּה, וְהִיא יְפַת תֹּאַר, חֲמוּדָה וּצְנוּעָה, בַּת שֵׂכֶל וְטוּב טַעַם, וַתְּהִי שׁוֹכֶבֶת בְּחֵיק הַמֶּלֶךְ וְאוֹמֶרֶת אֵלָיו: אֲדוֹנִי הַמֶּלֶךְ, אַחַת שָׁאַלְתִּי מֵאֵת יְיָ, כִּי יָחְנְךָ מִמֶּנִי בֵן זָכָר לְמַעַן אֲחַנְּכֵהוּ וְאַדְרִיכֵהוּ בְדֶרֶךְ הַטּוֹב וְהַיָּשָׁר. וַיִּשְׂמַח הַמֶּלֶךְ לִדְבָרֶיהָ וַיִּמְצְאוּ חֵן בְּעֵינָיו. וַיְהִי כִּי הָרָתָה, וַתְּהִי מִתְפַּלֶּלֶת תְּפִלּוֹת יוֹם יוֹם בְּמוֹעֲדָן, וַתִּתְחַנַּן אֶל יְיָ כִּי יְחָנֶּהָ בְּבֵן זָכָר וְיָקֵל עָלֶיהָ לֵדָתָהּ.
וְהַמֶלֶךְ הִפְקִיד עַל יָדָהּ מְשָׁרֵת, וַיְצַו עָלָיו לֵאמֹר: בְּיוֹם לִדְתָּה וְהוֹדַעְתַּנִי אִם בֵּן יָלְדָה אִם בַּת. וְגַם שַׁרְכָּן בְּנוֹ עָשָׂה כַדָּבָר הַזֶּה. וַיְהִי בְלֶדֶת צְפִיָּה וַתִּתְבּוֹנַנָּה הַנָּשִׁים בַּיִּלּוֹד וַתִּרְאֶינָה וְהִנֵּה הִיא בַת יָפָה כַלְּבָנָה, וַתּוֹדַעְנָה זֹאת לַנֶּאֱסָפִים, וַיְמַהֵר צִיר הַמֶּלֶךְ וַיּוֹדִיעֵהוּ הַדָּבָר. וְצִיר שַׁרְכָּן עָשָׂה גַם הוּא כָּזֹאת, וַיִּשְׂמַח שַׁרְכָּן שִׂמְחָה גְדוֹלָה.
וַיְהִי אַחֲרֵי לֶכֶת הַצִּירִים וַתִּקְרָא צְפִיָּה לַמְּיַלְּדוֹת: חָשָׁה הִנְנִי בְּמֵעַי עוֹד דָּבָר. תִּוַ_רַח¹ וַתִּפְעֶה וַיֹאחֲזוּהָ חֲבָלִים שֵׁנִית, וַיָּקֶל הָאֱלֹהִים לֵדָתָהּ וַתַּפְלֵט יִלּוֹד שֵׁנִי, וַתִּתְבּוֹנַנָּה בוֹ הַמְּיַלְּדוֹת וַתִּרְאֶינָה וְהִנֵּה הוּא בֵן מֵאִיר כַּסַּהַר, וּמִצְחוֹ מָלֵא זֹהַר, וּלְחָיָיו אֲדֻמּוֹת וְרֻדּוֹת, וַתִּשְׂמַח בּוֹ אִמּוֹ וְכָל-מְשָׁרְתֵי הַמֶּלֶךְ וּנְעָרָיו. וַתַּעֲבֹר הָרִנָּה בֶחָצֵר, וַתִּשְׁמַעְנָה יֶתֶר הַפִּלַגְשִׁים וַתְּקַנֶּאנָה בָהּ. וְעוּמָר אַל נַעְמָן שָׁמַע אֶת-הַבְּשׂוֹרָה וַיִּשְׂמָח. וַיָּקָם וַיִּשַּׁק לָהּ בְּרֹאשָׁהּ. וַיִּתְבּוֹנֵן בַּיֶּלֶד וַיִּשַּׁח וַיִּשַּׁק גַּם לוֹ. וַתֵּצֶאנָה הַפִּילַגְשִׁים בְּתֻפִּים וּבִמְחוֹלוֹת, וְלַשִּׂמְחָה אֵין קֵץ. וַיְצַו הַמֶּלֶךְ וַיִּקְרְאוּ לַיֶּלֶד דַּו אַל מַכָּן² וְלַיַלְדָּה נֻזְהַת-אַל זְמָן³. וַיִּקְבַּע לָהּ הַמֶּלֶךְ מֵינִיקוֹת וּמְשָׁרְתוֹת לַעֲמֹד לְפָנֶיהָ. וַיִקְצֹב לָהֶן שְׂכָרָן וַיַּעֲנֵק לָהֶן סֻכָּר וּמַשְׁקִים וְתַמְרוּקִים, תִּלְאֶה כָּל-לָשׁוֹן לְסָפְרָם.
וְאַנְשֵׁי בַגְדָּד שָׁמְעוּ כִּי פָקַד הָאֱלֹהִים אֶת-מַלְכָּם בְּבֵן וּבְבַת וַיְכַבְּדוּ אֶת-הַלַּיְלָה בְאוּרִים, וְכָל-הַשָּׂרִים וְהַנִּצָּבִים וְהָרוֹזְנִים וְרַבֵּי הַמְּלוּכָה בָּאוּ וַיְבָרְכוּ אֶת-הַמֶּלֶךְ לְהוּלֶדֶת בְּנוֹ וּבִתּוֹ. וַיּוֹדֶה לָהֵם הַמֶּלֶךְ וַיְחַלֵּק לָהֵם בִּגְדֵי-מַחֲלָצוֹת וּמִגְדָּנוֹת, וַיִּיטֶב לְכָל-הַבָּאִים לְמִגָּדוֹל וְעַד קָטֹן. וַיְהִי בְכָל-עֲבֹר יָמִים אֲחָדִים וְשָׁלַח הַמֶּלֶךְ וְשָׁאַל לִשָׁלוֹם צְפִיָּה וִילָדֶיהָ. כָּכָה יַעֲשֶׂה מֶשֶׁךְ אַרְבַּע שָׁנִים. וּבִמְלֹאת הַיָּמִים הָאֵלֶּה צִוָּה הַמֶּלֶךְ וַיָּבִיאוּ אֵלֶיהָ חֲלָאִים וְעֲדָיִים וְכָל יִקְרוֹת הַמְּלָכִים. וַיִצַו עָלֶיהָ לְגַדֵּל אֶת-יְלָדֶיהָ וּלְחַנְּכָם כָּרָאוּי לִבְנֵי מְלָכִים.

וְשַׁרְכָּן בֶּן-הַמֶּלֶךְ לֹא יָדַע כִּי נוֹלָד לְאָבִיו גַּם בֵּן, כִּי הִסְתִּירוּ אֶת-הַדָּבָר מִמֶּנוּ, וְהוּא עָסוּק כָּל-הַיָּמִים בְּהִתְחָרוּת עִם הַגִּבּוֹרִים.

 

ב. מִשְׁלַחַת שַׁרְכָּן וְדִנְדָּן.    🔗

וַיְהִי הַיּוֹם וְעוּמָר אַל נַעְמָן יוֹשֵׁב עַל כִּסְאוֹ, וַיָּבֹאוּ שׁוֹמְרֵי הַסַּף וַיִּקְּדוּ לְפָנָיו אַפַּיִם אַרְצָה וַיאֹמְרוּ: אֲדוֹנֵנוּ הַמֶּלֶךְ, הִנֵּה בָאוּ צִירֵי מֶלֶךְ יָוָן הַמּוֹשֵׁל בְּקֻשְׁטַנְדִּינָה הַבִּירָה לְהִתְיַצֵּב לְפָנֶיךָ וְלִרְאוֹת פָּנֶיךָ, וְעַתָּה אִם עַל הַמֶּלֶךְ טוֹב יְצַוֶּה וְיָבֹאוּ. וַיֹּאמֶר הַמֶּלֶךְ: יָבֹאוּ. וַיָּבֹאוּ וַיִקְּדוּ לְפָנָיו אַפַּיִם אָרְצָה. וַיִּשְׁאָלֵם הַמֶּלֶךְ לִשְׁלוֹמָם וְעַל דְּבַר בּוֹאָם, וַיֹּאמְרוּ: אֲדוֹנֵנוּ הַמֶּלֶךְ הַגָּדוֹל! אֲדוֹנֵנוּ אַפְרִידוֹן מֶלֶךְ יָוָן אֲשֶׁר בְּקֻשְׁטַנְדִּינָה שְׁלָחָנוּ אֵלֶיךָ לֵאמֹר: מִלְחָמָה גְדוֹלָה לִי כַיּוֹם עִם הַגִּבּוֹר הָאַדִּיר בַּעַל קֵיסָרִיָּה, וְזֶה דְבַר הַמִּלְחָמָה: אַחַד מַלְכִּי הָעַרְבִים מָצָא בְּאַחַת מִלְחֲמוֹתָיו אוֹצָר יָקָר מִימֵי אֲלֶכְסַנְדֵר בַּעַל-הַקַּרְנַיִם וּבֵין הַדְּבָרִים אֲשֶׁר מָצָא הָיוּ שָׁלֹשׁ חֲרוּזוֹת עֲגֻלוֹת, וְהֵן אַבְנֵי שֹׁהַם יְקָרוֹת אֲשֶׁר אֵין עֲרֹךְ לָהֶן, גָּדְלָן כְּגֹדֶל בֵּיצַת בַּת הַיַּעֲנָה, וְעֵל כָּל חֲרוּזָה כְתוּבוֹת מִלִּים בְּאוֹתִיוֹת יְוָנִיּוֹת כְּתָב רָזִים. וְלַחֲרוּזוֹת תּוֹעֲלִיּוֹת רַבּוֹת וּסְגֻלּוֹת עֲצוּמוֹת. וְאַחַת סְגֻלּוֹתֵיהֶן הִיא כִּי כָּל-נוֹלָד אֲשֶׁר יִתְלוּ עָלָיו אַחַת מֵהֶן לֹא יִפְגַּע בּוֹ כָּל-רָע וְלֹא יֶחֱלֶה כָּל-יְמֵי הֱיוֹת הַחֲרוּזָה עָלָיו. וַיְהִי בְּהַגִּיעָן לְיָדוֹ וַיִּגָּלוּ לוֹ כָּל-סוֹדוֹתֵיהֶן, וַיֹּאמֶר לְשָׁלְחָן לִתְשׁוּרָה לַאֲדוֹנֵנוּ אַפְרִידוֹן יַחַד עִם סְגֻלּוֹת מְלָכִים אֲחֵרוֹת, וַיָּכֶן שְׁתֵּי אֳנִיּוֹת, הָאַחַת לָשֵׂאת אֶת-הַסְּגֻלּוֹת הַיְקָרוֹת, וְהַשְּׁנִיָּה לָאֲנָשִׁים הַשּׁוֹמְרִים עֲלֵיהֶן מִפְּנֵי שׁוֹדְדֵי הַיָּם. וַיְהִי בְשָׁלְחוֹ אֶת-הָאֳנִיּוֹת וַתַּפְלֵגְנָה עַד אֲשֶׁר קָרְבוּ אֶל אַרְצֵנוּ. וְהִנֵּה יָצְאוּ גְדוּדֵי שׁוֹדְדִים מִבְּנֵי הָאָרֶץ, וּבֵינֵיהֵם אַנְשֵׁי צָבָא בַעַל קֵיסָרִיָּה. וַיִּקְּחוּ כָּל-אֲשֶׁר בָּאֳנִיּוֹת, אוֹצְרוֹת יְקָר וּסְגֻלּוֹת מְלָכִים, וְגַם אֶת-שָׁלֹשׁ הַחֲרוּזוֹת לָקְחוּ וְאֶת הָאֲנָשִׁים הָרָגוּ. וַיְהִי כִּי נוֹדַע הַדָּבָר לְמַלְכֵּנוּ וַיִּשְׁלַח אַנְשֵׁי חַיִל לְהִלָּחֵם בָּם וַיִפְּלוּ לִפְנֵיהֶם, וַיִשְׁלַח שְׁנִיִּים חֲזָקִים מֵהֵם וַיְּמִיתוּם גַּם הֵם. וַיִּקְצֹף הַמֶּלֶךְ מְאֹד וַיִּשָּׁבַע כִּי לֹא יֵצֵא לְנֶגְדָּם בִּלְתִּי אִם הוּא בְעַצְמוֹ עִם כָּל-חֵיל צְבָאוֹ, וְלֹא יָשׁוּב עַד אִם יָשִׂים אֵת קֵסָרִיַּת-אַרְמִינְיָה לְחֻרְבַּן עוֹלָם, וְעַתָּה בָאנוּ אֵלֶיךָ, מֶלֶךְ הַזְּמַן, עוּמָר אַל נַעְמָן, מֶלֶךְ בַּגְדָּד וְחוֹרָסָן, לְבַקֶּשְׁךָ לָבוֹא לְעֶזְרָתֵנוּ בְאַנְשֵׁי צְבָאֲךָ, וְהָיְתָה תִפְאַרְתְּךָ עַל הַדֶּרֶך הַזֹּאת. אַף תְּשׁוּרוֹת יְקָרוֹת שָׁלַח מַלְכֵּנוּ אֵלֶיךָ עַל יָדֵינוּ וְהוּא מְחַלֶּה פָנֶיךָ לְקַחְתָּן וּלְחוֹנְנֵהוּ בְעֶזְרָתֶךָ.
וְאַחַר הִשְׁתַּחֲווּ הַצִּירִים לִפְנֵי הַמֶּלֶךְ וַיָּבִיאוּ לְפָנָיו אֶת-תְּשׁוּרַת מַלְכָּם: חֲמִשִּׁים עַלְמָה מִיפֵיפִיּוֹת אֶרֶץ יָוָן, כֻּלָּן לְבוּשׁוֹת מַחְלְצוֹת אֲרִיגִים לֹא יְסֻלְּאוּ בַפָּז, וַחֲמִשִּׁים עֲלָמִים לְבוּשִׁים מְעִילִי מֶשִׁי, וַעֲלֵיהֵם חֲגוֹרוֹת כֶּסֶף וְזָהָב, וּבְאֹזֶן אִישׁ אִישׁ מֵהֵם נֶזֶם זָהָב וּבוֹ פְנִינָה תִשְׁוֶה אֶלֶף שֶׁקֶל זָהָב.
וַיְהִי כִרְאוֹת הַמֶּלֶךְ אוֹתָם וַיִּשְׂמַח בָּם וַיִּקָּחֵם, וְאֶת-הַצִּירִים כִּבֵּד. וַיִּשְׁלַח וַיֶּאֱסֹף אֶת-שָׂרָיו וְיוֹעֲצָיו לְהִוָּעֵץ אִתָּם. וַיָּקָם מִבֵּינֵיהֶם וָזִיר זָקֵן בָּא בַיָּמִים וּשְׁמוֹ דִנְדָּן וַיִּקֹּד לִפְנֵי הַמֶּלֶךְ וַיֹּאמֶר: אֲדוֹנִי הַמֶּלֶךְ, זֹאת עֲשֵׂה: הָרֵק צִבְאוֹתֶיךָ מַחֲנֶה כָבֵד מְאֹד, וְשִׂים עֲלֵיהֵם לְרֹאשׁ אֶת-שַׁרְכָּן בִּנְךָ, וַאֲנַחְנוּ נֵצֵא וְנָבוֹא לְפָנָיו, וְהָיָה בְהָגֵן צְבָאֵנוּ עַל מֶלֶךְ יָוָן וְיַכְנִיעוּ אֶת-אוֹיְבוֹ, וְיָצָא שִׁמְךָ בְּכָל קְצוֹת הָאָרֶץ, וְכָל-אִיֵּי הַיָּם וְאַרְצוֹת הַמַּעֲרָב יוֹבִילוּ לְךָ שָׁי.
וַיִּיטְבוּ דִבְרֵי דִנְדָּן בְּעֵינֵי הַמֶּלֶךְ וַיַּלְבִּישֵׁהוּ מַחֲלָצוֹת, וַיֹּאמֶר אֵלָיו: אָכֵן דְּבָרֶיךָ טוֹבִים וּנְכוֹנִים, וְעַתָּה תִהְיֶה בְרֹאשׁ צְבָאִי וְשַׁרְכָּן בְּנִי יְנַהֶלְכֶם.

וַיְצַו הַמֶּלֶךְ וַיָּבִיאוּ אֶת-שַׁרְכָּן לְפָנַיו, וַיְהִי בְּבוֹאוֹ וַיִּקֹּד אַפַּיִם אַרְצָה וַיֵּשֵׁב. וַיְסַפֶּר-לוֹ אָבִיו אֶת-אֲשֶׁר הִגִּידוּ הַצִּירִים וַאֲשֶׁר יָעַץ דִנְדָּן. וַיְצַוֵּהוּ לִבְחֹר מִבֵּין אַנְשֵׁי צְבָאוֹ עֲשֶׂרֶת אֲלָפִים פָּרָשִׁים מְזֻיָּנִים וְאַמִּיצֵי לֵב, וְלָקַחַת אִתּוֹ כָּל-הַדָּרוּשׁ לוֹ לְדַרְכּוֹ, וְלַעֲשׂוֹת כְּכָל-אֲשֶׁר יִיעָצֵהוּ דִנְדָּן וְזִירוֹ. וַיַּעַשׂ שַׁרְכָּן כַּאֲשֶׁר צִוָּה עָלָיו אָבִיו, וַיָּקָם וַיִּבְחַר מִבֵּין אַנְשֵׁי חֵילוֹ עֲשֶׂרֶת אֲלָפִים פָּרָשִׁים, וְאַחַר בָּא אֶל הֵיכָלוֹ וַיְחַלֵּק לְאַנְשֵׁי צְבָאוֹ כֶסֶף רַב, וַיֹּאמֶר אֲלֵיהֶם: לְכוּ לְבֵיתְכֶם וְאַחֲרֵי שְׁלֹשֶׁת יָמִים תָּשׁוּבוּ אֵלָי. וַיִּקְּדוּ לְפָנָיו וַיֵצְאוּ לְהִתְכּוֹנֵן וּלְסַדֵּר עִנְיְנֵיהֶם. וְשַׁרְכָּן בָּא אֶל בֵּית הַנֶּשֶׁק וַיִּקַּח כָּל-הַדָּרוּשׁ לוֹ, וְאַחַר הָלַךְ אֶל הָאֻרָווֹת וַיִּבְחַר לוֹ סוּסִים אַבִּירִים.

וּבִמְלֹאת שְׁלֹשֶׁת הַיָּמִים יָצָא הַצָבָא אֶל מִחוּץ לָעִיר בַּגְדָּד, וְהַמֶלֶךְ עוּמָר אַל נַעְמָן בְּרֹאשָׁם לְלַוּוֹתוֹ. וַיִתֵּן לִבְנוֹ שִׁבְעָה מֵאוֹצְרוֹת כַּסְפּוֹ לְמִנְחָה, וְאֵת הַוָּזִיר דִּנְדָּן צִוָּה עַל חֵיל שַׁרְכָּן בְּנוֹ, וַיִּקֹּד דִּנְדָּן לְפָנָיו וַיֹאמֶר: כָּל-אֲשֶׁר יְצַוֶּה עָלַי אֲדוֹנִי הַמֶּלֶךְ אֶשְׁמַע וְאֶשְׁמֹר. וְאַחַר פָּנָה הַמֶּלֶךְ אֶל שַׁרְכָּן בְּנוֹ וַיְצַוֵּהוּ לִשְׁאֹל בַּעֲצַת הַוָּזִיר בְּכָל-אֲשֶׁר יַעֲשֶׂה, וַיָּשָׁב אֶל בֵּיתוֹ.
וְשַׁרְכָּן צִוָּה אֶת-שָׂרֵי הַצָבָא לַעֲרֹך צִבְאוֹתָם, וַיִּפְקְדוּם וַיְהִי מִסְפָּרָם עֲשֶׂרֶת אֲלָפִים פָּרָשִׁים מִלְּבַד הַהוֹלְכִים אִתּוֹ. וַיָּחֵלּוּ לָלֶכֶת, וַיַּכּוּ הַמְּתוֹפְפִים בְּתֻפֵּיהֶם, וְהַמְּחַצְּצְרִים מְרִיעִים בְּחֲצוֹצְרוֹתֵיהֶם, וְהַדְּגָלִים מְנַפְנְפִים עַל רָאשֵׁיהֶם. וַיִּהְיוּ הוֹלְכִים וְצִירֵי אַפְרִידוֹן לִפְנֵיהֶם לְהוֹרוֹתָם הַדֶּרֶךְ עַד אֲשֶׁר פָּנָה הַיוֹם וַיְהִי לָיְלָה. וַיֵּרְדוּ וַיָּנוּחוּ וַיָּלִינוּ הַלַּיְלָה, וּבַבֹּקֶר שָׁבוּ וַיִּרְכְּבוּ וַיֵלְּכוּ.
וַיְהִי בַּיּוֹם הָאֶחָד וְעֶשְׂרִים לְמַהֲלָכָם וַיַּגִּיעוּ אֶל נַחַל רְחַב יָדַיִם וּסְבִיבוֹ מַטְּעֵי עֵצִים וְכָל-צֶמַח, וַיְצַוֵּם שַׁרְכָּן לָרֶדֶת וְלָנוּחַ שָׁם שְׁלֹשֶׁת יָמִים. וַיֵּרְדוּ הַפָּרָשִׁים מֵעַל סוּסֵיהֶם וַיִּתְקְעוּ הָאֹהָלִים וַיָּפוּצוּ יְמִינָה וּשְׂמֹאלָה. וְהַוָּזִיר דִנְדָּן יָרַד גַּם הוּא וְאִתּוֹ צִירֵי אַפְרִידוֹן, אַךְ שַׁרְכָּן הוֹחִיל עַד אֲשֶׁר כִּלוּ כֻלָּם לָרֶדֶת וְלָפוּץ בְּכָל-עֶבְרֵי הַכִּכָּר, וְאַחַר צִוָּה אֶת נְעָרָיו וּבְנֵי לִוְיָתוֹ לָשֶׁבֶת עִם הַוָּזִיר דִּנְדָּן, וְהוּא הָלַךְ לוֹ לְבַדּוֹ רָכוּב עַל סוּסוֹ, כִּי אָמַר אֲבַקְּרָה אֶת הַכִּכָּר וְאֶפְקֹד אֶת הַשּׁוֹמְרִים בְּעַצְמִי כְּמִצְוַת אָבִי, כִּי עַתָּה הִגַּעְנוּ אֶל גְּבוּל אֶרֶץ הָאוֹיֵב.
וַיִּתְהַלֵּךְ שַׁרְכָּן בַּכִּכָּר הָלוֹךְ וְעָבוֹר עַד עָבַר הָאַשְׁמֹרֶת הָרִאשוֹנָה, וַיִּיעָף וַיֵּרָדַם, וְלֹא יָכֹל לְהָרִיץ אֶת-סוּסוֹ, וַיֵּלֶךְ הַסּוּס הָלְאָה לְאִטּוֹ, עַד בּוֹא חֲצִי הַלָּיְלָה. וַיַךְ הַסּוּס בְּפַרְסָתוֹ עַל הָאָרֶץ וַיִּיקַץ שַׁרְכָּן וַיַּרְא וְהִנֵּה הוּא בְּתוֹךְ יַעַר עֵצִים וְהַיָּרֵחַ מֵאִיר בַּשָּׁמַיִם,וַיִבָּהֵל וַיִקְרָא: אֵין עֹז וְאֵין אֱיָל אֶלָּא לְאַלָּה לְבַדּוֹ!

וַיְהִי הוּא עוֹמֵד וַיַּרְא לְנַפְשׁוֹ מֵחַיוֹּת הַיַּעַר וְהִנֵּה הֵפִיץ הַיָּרֵחַ אוֹרוֹ עַל מִישׁוֹר פּוֹרֶה כְגַן הָאֱלֹהִים, וּלְאָזְנָיו הִגִּיעַ קוֹל נָעִים וּצְחוֹק מְצוֹדֵד נְפָשׁוֹת. וַיֵּרֶד מֵעַל סוּסוֹ וַיִּקְשְּׁרֵהוּ אֶל אַחַד הָעֵצִים וַיֵּלֶךְ עַד אֲשֶׁר הִגִּיעַ אֶל נְהַר מַיִם שׁוֹטְפִים, וְשָׁם עוֹפוֹת מְצַפְצְפִים, וּצְבָאִים מְשׁוֹטְטִים, וּבַעֲלֵי חַיִּים שׁוֹנִים רוֹעִים, וְהַמָּקוֹם כֻּלּוֹ מְשֻׁבָּץ צְמָחִים לְמִינֵיהֶם, כְּדִבְרֵי הַמְשׁוֹרֵר:
נָתְנוּ רֵיחַ יַחְדָּו הַנְּרָדִים,

צָץ וְצוֹמֵחַ פַּרְדֵּס הַמְּגָדִים

וַעֲצֵי חֶמְדָּה נָטוּ בֵין צְלָלִים,

מִשְּׂמֹּאל קִדָּה מִיָּמִין אֲהָלִים.

 

ג. שַׁרְכָּן וּבַת מֶלֶךְ יָוָן.    🔗

וַיִּתְבּוֹנֵן שַׁרְכָּן בַּמָּקוֹם וַיַּרְא וְהִנֵּה שָׁם מִנְזָר, וּמִתּוֹכוֹ מִתְרוֹמֵם מִגְדָּל גָּבוֹהַּ וָרָם, וְנָהָר יוֹצֵא מִמֶּנוּ אֶל הַגַּנִּים לְהַשְׁקוֹתָם. וְשָׁם אִשָּׁה יַעֲלַת חֵן וּלְפָנֶיהָ עֶשֶׂר עֲלָמוֹת לְבָנוֹת כַּלְּבָנוֹת, וַעֲלֵיהֶן מַחֲלָצוֹת וַעֲדָיִים מַפְלִיאֵי עֵינָיִם. וַיִּשְׁמַע שַׁרְכָּן וְהִנֵּה הִיא אוֹמֶרֶת לָעֲלָמוֹת: גֵּשְׁנָה וְנֵאָבֵקָה, וַתִּגַּשְׁנָה אַחַת אֶחָת. וַיְהִי בְכָל-גֶּשֶׁת אַחַת מֵהֶן וַתֵּאָבֵק אִתָּהּ וַתַּפִּילֶנָּה אַרְצָה וַתַּאַסְרֶנָּה, וַתַּעַשׂ כָּכָה לִיֶתֶר הָעֲלָמוֹת עַד אֲשֶׁר הִפִּילָתָן כֻּלָּן וַתֶּאֶסְרֵן. וְעַל יָדָהּ אִשָּׁה זְקֵנָה וַתֹּאמֶר אֵלֶיהָ בְקֶצֶף: הַאַף אֻמְנָם תִּשְׂמְחִי בְהַפִּילֵךְ אֶת- הָעֲלָמוֹת? הִנֵּה אָנֹכִּי זְקֵנָה וְאָנֹכִּי הִפַּלְתִּין כְּבָר אַרְבָּעִים פַּעַם, וּמַה-לָּךְ אֵפוֹא כִּי תִּתְפָּאֵרִי? אִם כֹּחֵךְ חָזָק בֶּאֱמֶת נַסִּי נָא לְהֵאָבֵק אִתִּי, וְרָאִית אִם לֹא אָשִׂים רֹאשֵׁךְ בֵּין רַגְלָיִךְ.

וַתְּחַיֵךְ הַצְּעִירָה בְכַעַס עָצוּר וַתָּקָם וַתֹּאמֶר לָהּ: גְּבִרְתִּי תַּחְבְּלָנִית הֲתֹאמְרִי בֶּאֱמֶת לְהֵאָבֵק אִתִּי, אוֹ אַךְ שְׂחוֹק בָּחַרְתְּ לָךְ? וַתֹּאמֶר הַזְּקֵנָה: אָכֵן חֲפֵצָה הִנְנִי לְהֵאָבֵק אִתָּךְ. וְַתֹּאָמַר הַצְּעִירָה: קוּמִי אֵפוֹא וְנֶאֱבַקְנוּ אִם כֹּחֵךְ בְּמָתְנָיִךְ. וַיְהִי כִשְׁמֹע הַזְּקֵנָה אֶת-דִּבְרֵי לַעֲגָהּ וַתִּקְצֹף קֶצֶף גָּדוֹל וְשַׂעֲרוֹתֶיהָ סָמְרוּ כְּדָקְרְנֵי הַקִּפּוֹד וַתָּקָם וַתַּעֲמֹד עַל רַגְלֶיהָ הָכֵן. וַתָּקֶם הַצְּעִירָה כְּנֶגְדָּהּ. וַתִּגַּש הַזְּקֵנָה כְשֵׁד מִשַּׁחַת אוֹ כְפֶתֶן מְנֻמָּר וַתִּתְנַפֵּל עַל הַצְּעִירָה וַתִּקְרָא אֵלֶיהָ: הָבָה, אֵלָי!

וְשַׁרְכָּן מַבִּיט מִשְׁתָּאֶה מִמְּקוֹמוֹ וּמִתְבּוֹנֵן בְּכֵעוּר פְּנֵי הַזְקֵנָה וּמְצַחֵק. וְהִנֵּה הֵחֵלוּ לְהֵאָבֵק הַזְּקֵנָה וְהַצְּעִירָה, וַיָּרֶם שַׁרְכָּן עֵינָיו הַשָּׁמַיְמָה וַיֶּעְתַּר לָאֵל כִּי תְנַצֵּחַ הַצְּעִירָה. וְהַצְּעִירָה תָפְשָׂה אֶת-הַזְּקֵנָה וַתְּרִימֶנָּה בְיָדֶיהָ מָעְלָה, וַתִּתְאַמֵּץ הַזְּקֵנָה לְהֵחָלֵץ מִיָּדֶיהָ וְהִנֵּה נָפְלָה מְלוֹא קוֹמָתָהּ אַרְצָה עַל גַּבָּהּ. וַיְמַלֵּא שַׁרְכָּן פִּיהוּ שְׂחוֹק עָלֶיהָ, וְאַחַר קָם וַיִּשְׁלֹף חַרְבּוֹ וַיִּפֶן יְמִינָה וּשְׂמֹאלָה וַיִּגַּש אֲלֵיהֶן וַיַּרְא וְהִנֵּה נִגְּשָׁה הַצְּעִירָה אֶל הַזְּקֵנָה וַתְּבַקֵּש סְלִיחָתָהּ וַתֹּאמֶר: גְּבֶרֶת תַּחְבְּלָנִית, אָנֹכִי אָמַרְתִּי לְהֵאָבֵק אִתָּךְ וְהִנֵּה הִתְחַלַּקְתְּ מִבֵּין יָדָי. וְעַתָּה בָּרוּך יְיָ כִּי לֹא קָרָךְ כָּל-רָע. וְהַזְּקֵנָה לֹא עָנְתָה דָבָר וַתָּקָם וַתֵּלֶךְ בְּבֹשֶׁת פָּנִים עַד אֲשֶׁר נֶעֶלְמָה, וַתִּשָּׁאַרְנָה הָעֲלָמוֹת כְּפוּתוֹת וְהַצְּעִירָה עוֹמֶדֶת לְבַדָּהּ.

וַיֹּאָמַר שַׁרְכָּן בְּלִבּוֹ: אָכֵן מֵיְיָ מִצְעֲדֵי גֶבֶר כּוֹנָנוּ. וְאַךְ לְאָשְׁרִי גָבְרָה עָלַי הַשֵּׁנָה עֲדֵי הֱבִיאֲנִי סוּסִי אֶל הַמָּקוֹם הַזֶּה. וַיִּפֶן אֶל סוּסוֹ וַיִרְכַּב עָלָיו וַיְרִיצֵהוּ, וַיָּעָף כְּחֵץ מִקֶּשֶׁת וְחַרְבּוֹ שְׁלוּפָה בְיָדוֹ וַיִקְרָא: לְאַלָּהּ הַיְשׁוּעָה!

וַיְהִי כִרְאוֹת הַצְּעִירָה אוֹתוֹ וַתָּקָם וַתָּשֶׂם כַּפּוֹת רַגְלֶיהָ עַל שְׂפַת הַנָּהָר הָרָחָב כְּשֵׁשׁ אַמּוֹת בְּאַמַּת הַבַּנָאִים וַתִּקְפֹּץ וַתְּהִי מֵעֶבְרוֹ הַשֵּׁנִי וַתַּעֲמֹד עַל רַגְלֶיהָ וַתִּקְרָא בְקוֹלָהּ הָרָם:

– מִי אַתָּה, הָאִישׁ הַמַּפְרִיעַ שִׂמְחָתֵנוּ וְשׁוֹלֵף חַרְבּוֹ כְעוֹמֵד לַעֲרֹךְ קְרָב עִם אַנְשֵׁי חַיִל? מֵאַיִן בָּאתָ וּלְאָן אַתָּה הוֹלֵךְ? הָבָה תָמִים וְאַל תְּכַזֵב, כִּי הַכָּזָב מִמִּדַּת הַשְּׁפָלִים, אֵין זֹאת כִּי תָעִיתָ בְדַרְכְּךָ הַלַּיְלָה וַתַּגִּיעַ אֶל הַמָּקוֹם הַזֶּה אֲשֶׁר אִם תִּהְיֶה נַפְשְׁךָ בוֹ לְךָ לְשָׁלָל תֵּחָשֵׁב לִמְאֻשָּׁר. הִנְּךָ כָעֵת בַּמִּישׁוֹר הַזֶּה אֲשֶׁר אִם נִצְעַק צְעָקָה אַחַת וּבָאוּ אֵלֵינוּ אַרְבַּעַת אֲלָפִים הֶגְמוֹנִים, וְעַתָּה הַגֵּד חֶפְצְךָ וּמַאֲוָיֶיךָ. אִם חָפַצְתָּ כִּי נוֹרְךָ דַרְכְּךָ נוֹרְךָ, וְאִם עֶזְרָה דְרוּשָׁה לְךָ עָזוֹר נַעַזְרֶךָּ.

וַיְהִי כִשְׁמֹע שַׁרְכָּן דְבָרֶיהָ וַיֹּאָמַר אֵלֶיהָ: גְבִרְתִּי, אִישׁ-זָר הִנְנִי מִבְּנֵי הַמֻּשְׂלָמִים, וָאֵלֵךְ הַלַּיְלָה לְבַדִּי לְבַקֵּש שָׁלָל לִי, וְהִנֵּה הִקְרָה הָאֱלֹהִים לְפָנַי אֶת-עֶשֶׂר הַנְּעָרוֹת הָאֵלוּ וּלְקַחְתִּין וְשַׁבְתִּי אִתָּן אֶל רֵעָי.

וַתֹּאמֶר הַצְּעִירָה: אַל יִתְהַלֵּל חוֹגֵר כִּמְפַתֵּחַ, שְׁלָלְךָ טֶרֶם יִפֹּל בְּיָדֶךָ, וְהַנְּעָרוֹת אֵינָן עוֹד שְׁבוּיוֹת חַרְבֶּךָ. וְלוּלֵא יָרֵאתִּי פֶּן יִהְיֶה מוֹתְךָ עַל יָדִי, כִּי עַתָּה, חֵי הַמָּשִׁיחַ! צָעַקְתִּי צְעָקָה אַחַת וּמָלֵא כָל-הַמִּישׁוֹר הַזֶּה אַנְשֵׁי חַיִל וּפָרָשִׁים. אַך נַפְשִׁי חָסָה עָלֶיךָ, הַזָּר, וְאִם שָׁלָל חָפַצְתָּ זֹאת עֲשֵׂה: רְדָה מֵעַל סוּסְךָ, וְהִשָּׁבַע לִי בֵאלֹהִים כִּי לֹא תִקְרַב אֵלַי בִּכְלִי נֶשֶׁק, וְנֶאֱבַקְנוּ שְׁנֵינוּ אָנֹכִי וְאַתָּה, וְהָיָה אִם תַּפִּילֵנִי אַתָּה – וְשַׂמְתַּנִי עַל סוּסְךָ וּלְקַחְתָּנוּ כֻלָּנוּ לִשְׁבוּיוֹת. אַךְ אִם אָנֹכִי אַפִּילְךָ וְהָיָה גוֹרָלְךָ בְיָדִי, הִשָּׁבְעָה לִי עַל זֹאת.

וְשַׁרְכָּן לָהוּט לְקַחְתָּה וַיֹּאמֶר אֵלֶיהָ: הַשְׁבִּיעִינִי בַאֲשֶׁר חָפַצְתְּ. אָנֹכִי לֹא אֶקְרַב אֵלַיִךְ עַד אֲשֶׁר תִּקְרְאִי לִי לָגֶשֶּׁת וּלְהֵאָבֵק. וְהָיָה אִם תַּפִּילִינִי אַתְּ וּפָדִיתִי נַפְשִׁי בִרְכוּשִׁי הָרַב, וְאִם אַפִּילֵךְ אָנִי וְהָיָה שְׁלָלִי עָצוּם. וַתֹּאמֶר הַצְּעִירָה: לוּ יְהִי כִדְבָרֶיךָ, וְעַתָּה הִשַּׁבָע לִי בַשָּׂם הָרוּחוֹת בַבְּשָׂרִים, וּמַגִּיד חֻקָּיו לִבְּנֵי הָאָדָם בַּסְּפָרִים, כִּי לֹא תַעֲשֶׂה לִי כָל-רָעָה; וְאִם אַיִן מוֹת תָּמוּת וְלֹא בְדַת הָאִשְּׂלָם. וַיֹּאָמַר שַׁרְכָּן: חַי יְיָ, לוּ הָיָה שׁוֹפֵט הַשּׁוֹפְטִים מַשְׁבִּיעֵנִי לֹא הִשְׁבִּיעַנִי שְׁבוּעָה חֲמוּרָה כָמוֹהָ. וַיִּשָּׁבַע לָהּ כִּי לֹא יַעֲשֶׂה לָהּ כָל-רַע, וַיִּקְשֹׁר סוּסוֹ אֶל אַחַד הָעֵצִים וְנַפְשׁוֹ הוֹמָה, וַיִּתְכּוֹנֵן לְהֵאָבֵק וַיִּקְרָא אֶל הַצְּעִירָה: חֲצִי אֶת-הַנָּהָר וְעִבְרִי.

וַתֹּאמֶר: הֲלֹא תַעָבַר אָתָּה, הַגֶּבֶר. וַיֹּאָמַר שַׁרְכָּן: אֵין לְאֵל יָדִי לַעֲשׂוֹת כָּזֹאת. וַתֹּאמֶר: וּבְכֵן, אָבוֹא אֲנִי אֵלֶיךָ. וַתִּקְפֹּץ וַתְּהִי מֵעֵבֶר הַנָּהָר הַשֵּׁנִי, וַתָּרֶם אֶת שַׁרְכָּן עַל יָדֶיהָ בִּמְהִירוּת הַבָּרָק, וְאַחַר זְרָקַתּוּ אַרְצָה וַתֵּשֶׁב עַל חֲזֵהוּ וַתֹּאמֶר: הוֹי, הַמֻּשְׂלָם! הֵן הֲרֵגַת הַנּוֹצְרִי מֻתֶּרֶת לְפִי חֻקֵּי דַתְכֶם, וְעַתָּה מַה-תֹּאמַר לַהֲרֵגָתְךָ בְיָדִי? וַיֹּאמֶר שַׁרְכָּן: גְּבִרְתִּי, הֲרֵגָתֵךְ אָכֵן אֲסוּרָה. כִּי מֻחַמָּד נְבִיאֵנוּ, שְׁלוֹם הָאֵל עָלָיו, אָסַר אֶת-הֲרֵגַת הַנָּשִׁים וְהַיְלָדִים וְהַזְּקֵנִים וְהַכְּמָרִים. וַתֹּאמַר: אִם כָּכָה נִגְלָה לִנְבִיאֲכֶם בֶּחָזוֹן, עָלֵינוּ לְהָשִׁיב לוֹ כִּגְמוּלוֹ; הִנֵּה נָתַתִּי לְךָ נַפְשְׁךָ לְמָנָה, וְלֹא יֹאבַד חֵסֶד בֵּין בְּנֵי הָאָדָם. וַיָּקָם שַׁרְכָּן וַיְנַעֵר הֶעָפָר מֵעַל רֹאשׁוֹ, וְהַנַּעֲרָה קָפְצָה וַתְּהִי מֵעֵבֶר הַנָּהָר הַשֵּׁנִי, וַתִּצְחַק וַתִּקְרָא לְשַׁרְכָּן: אָכֵן קָשָׁה עָלַי פְרִידָתְךָ, הַגֶּבֶר, וְעַתָּה לֶךְ-לְךָ אֶל יְדִידֶיךָ בְטֶרֶם יָבוֹאוּ הַהֶגְמוֹנִים וּבִתְּרוּךָ בְחַרְבוֹתָם, וְאַתָּה אֵין בְּךָ כֹחַ לְהָגֵן עַל נַפְשְׁךָ מִפְּנֵי אִשָּׁה וְאֵיךְ תּוּכַל לְהָגֵן עָלֶיהָ מִפְּנֵי הַגְּבָרִים הַגִּבּוֹרִים? וְשַׁרְכָּן נָבוֹךְ וַיֹּאמֶר אֵלֶיהָ: גְבִרְתִּי, הַאֶדְרֹךְ אַדְמַת אַרְצֵךְ וְאָשׁוּב מִבְּלִי טְעֹם מִצֵּידֵךְ וּמֵאָכְלֵךְ?

וַתֹּאמַר: אָכֵן אַךְ נִבְזֶה יְמָאֵן בִּנְדִיבוּת, הִתְכַּבֵּד אֵפוֹא וָבֹא, בְּרוּךְ יְיָ, רְכַב סוּסְךָ וְלֵךְ לְיַד שְׂפַת הַנָּהָר נִכְחִי וְאָרַחְתָּ בְּבֵיתִי. וַיִּשְׂמַח שַׁרְכָּן וַיְמַהֵר אֶל סוּסוֹ וַיִּרְכְּבֵהוּ וַיֵּלֶךְ נִכְחָהּ וְהִיא הוֹלֶכֶת לְפָנָיו, עַד אֲשֶׁר הִגִּיעַ אֶל גֶּשֶׁר עֲצֵי לִבְנֶה וּבוֹ גַלְגַּלִּים בְּשַׁלְשְׁלוֹת בַּרְזֶל, וַעֲלֵיהֶם מַנְעוּלִים. וַיִּתְבּוֹנֵן שַׁרְכָּן וַיַּרְא וְהִנֵּה הַנְּעָרוֹת אֲשֶׁר שַָֹּׂחֲקוּ אֶת-הַצְּעִירָה עוֹמְדוֹת וּמְחַכּוֹת לָהּ.

וַיְהִי בְהַגִּיעָהּ אֵלֵיהֶן וַתֹּאמֶר לְאַחַת מֵהֶן יְוָנִית: גְּשִׁי אֵלָיו וְהַחֲזִיקִי בְּמוֹשְׁכוֹת סוּסוֹ וַהֲבִיאִיהוּ הַמִּנְזָרָה. וַיֵּלֶךְ שַׁרְכָּן אַחֲרֶיהָ עַד עָבְרוֹ אֶת הַגֶּשֶׁר וְלִבּוֹ מָלֵא הִתְפַּלְּאוּת לְכָל-מַרְאֵה עֵינָיו.

וַיִּפֶן אֶל הַצְּעִירָה וַיֹּאמֶר אֵלֶיהָ: בִּשְׁתַּיִם חַבְתְּ לִי עָתָּה: חוֹבַת הָרֵעוּת וְחוֹבַת הָאוֹרְחוּת, וּמִי יִתֵּן וְהֵטַבְתְּ חַסְדֵּךְ אִתִּי לָלֶכֶת עִמִָּדִי אֶל אַרְצוֹת הָאִשְּׂלָם כִּי עַתָּה תִרְאִי אֶת- גִּבּוֹרֵינוּ הַעֲצוּמִים וְיָדַעַתְּ מִי אָנִי. וַיְהִי כְשָׁמְעָהּ אֶת-דְּבָרָיו וַתִּקְצֹף וַתִּקְרָא: חֵי הַמָּשִׁיחַ! חָשׁוֹב חֲשַׁבְתִּיךָ לְאִישׁ חֲכָם-לְבָב, וְעַתָּה רָאִיתִי רִפְיוֹן דַּעְתְּךָ וְחֹסֶר לִבֶּךָ. הִנֵּה אָמַרְתָּ כִּי לְבָבִי יִפֹּל לְמַרְאֵה גִּבּוֹרֵי הַמֻּשְׂלָמִים, וְאָנֹכִי רָאִיתִי כְבָר אֶת-צְבָאֲכֶם הַבָּא לְאַרְצֵנוּ מִזֶּה יוֹמַיִם, וְהִנֵּה אֵין תַּרְבּוּתְכֶם תַּרְבּוּת-מְלָכִים כִּי תַּרְבּוּת הֲמוֹנִים מְלֻקָּטִים. וּבַאֲשֶׁר לְךָ אָתָּה, אַגִּיד לְךָ כִּי אֵינֶנִי עוֹשָׂה אִתְּךָ חֶסֶד לִכְבוֹדְךָ כִּי אִם לְתִפְאָרְתִּי, וְאִישׁ כָּמוֹךָ לֹא יַגִּיד זֹאת לְכָמוֹנִי, וְלוּ גַם הָיִיתָ שַׁרְכָּן בֶּן-הַמֶּלֶךְ עוּמָר אַל נַעְמָן בַּעַל הַשֵּׁם הַמְּפֹאָר. וַיֹּאמֶר אֵלֶיהָ: הַאַף יָדַעַתְּ אֶת-שֵׁם שַׁרְכָּן? וַתֹּאמַר: כֵּן, וְגַם זֹאת יָדַעְתִּי כִּי בָא הוּא וּבְרַגְלָיו עֲשֶׂרֶת אֲלָפִים אַנְשֵׁי צָבָא אֲשֶׁר שָׁלַח אָבִיו עִמּוֹ לְעֶזְרַת מֶלֶךְ קֻשְׁטַנְדִּינָה, ומִי יִתֵּן והִגִּיעַ אֶל הַמִּנְזָר הַזֶּה כִּי עַתָּה יָצָאתִּי לִקְרָאתוֹ וָאֶשְׁבֵּהוּ שֶׁבִי.

וַתִּצְלַח רוּחַ גְּבוּרָה עַל שַׁרְכָּן וַיֹּאמַר: אִנָּעֵר וְאַרְאֶנָּה גְבוּרָתִי וְעֹצֶם יָדִי, אַךְ יָפְיָהּ וַהֲדַר מַרְאֶהָ מְנָעָהוּ, כְּמַאֲמַר הַמְּשׁוֹרֵר:

אִם הֶעֱוָה הַנֶּהְדָּר אַחַת

יָבִיא יְפִי פָנָיו מְלִיצִים אָלֶף.

וַתָּקָם וַתֵּלֶךְ וְהוּא אַחֲרֶיהָ עַד הַגִּיעָם אֶל פֶּתַח מִתַּחַת לְאַבּוֹל שַׁיִשׁ, וַתִּפְתַח הַנַּעֲרָה אֶת-הַשַּׁעַר וַתָּבֹא וְאִתָּהּ שַׁרְכָּן. וַיֵּלְכוּ אֶל מָבוֹא אָרֹךְ מִתְרוֹמֵם עַל עֲשָׂרָה אַבּוּלִים מְקֹרִים, וּבְכָל-אַבּוֹל מְנוֹרַת זְכוּכִית יְקָרָה מְפִיצָה אוֹר בְּקַוֵּי זֹהַר. וַיְהִי בְהַגִּיעָם אֶל קְצֵה הַמָּבוֹא וַתְּקַדֵּמְנָה הַנְּעָרוֹת פְּנֵיהֶן בְּנֵרוֹת מְקֻטָּרִים, וְעַל רֹאשָׁן צְנִיפִים מְשֻׁבָּצִים אַבְנֵי יְקָר. וַתֵּלֶךְ וְנַעֲרוֹתֶיהָ לְפָנֶיהָ וְשַׁרְכָּן אַחֲרֶיהָ עַד הַגִּיעָם אֶל הַמִּנְזָר. וַיַּרְא שַׁרְכָּן וְהִנֵּה מִסָּבִיב חֲדָרִים מַקְבִּילִים הָאֶחַד לְעֻמַּת מִשְׁנֵהוּ, וְלִפְנֵיהֵם מָסַכִּים וַעֲלֵיהֶם כְּלִילֵי זָהָב, וְקַרְקַע הַמִּנְזָר מְרֻצֶּפֶת רִצְפָּת שַׁיִשׁ גָּזִית, וּבַתָּוֶךְ בְּרֵכַת מַיִם וְעָלֶיהָ עֶשְׂרִים וְאַרְבַּע מְזַנְּקוֹת זָהָב, וְהַמַּיִם מְזַנְּקִים מֵהֶן כִּרְסִיסֵי כֶסֶף. וּבְרֹאשׁ הֶחָצֵר מִטָּה רְבוּדָה מֶשִׁי הַמְּלָכִים.

וַתֹּאמֶר הַנַּעֲרָה: עֲלֵה נָא, אֲדוֹנִי, עַל הַמִּטָּה הַזֹּאת. וַיַּעַל שַׁרְכָּן. וְהִיא הַלְכָה לָהּ וַתֵּעָלֵם. וַיְהִי כַעֲבֹר זְמַן וַיִּשְׁאַל עָלֶיהָ אֶת הַמְּשָׁרְתִים וַיֹאמְרוּ אֵלָיו: הָלוֹךְ הָלְכָה אֶל חֲדַר מִשְׁכָּבָהּ, וַאֲנַחְנוּ נַעֲמֹד עָלֶיךָ לְשָׁרֶתְךָ כַּאֲשֶׁר צִוָּתְנוּ. וַיַּגִּישׁוּ אֵלָיו מַעֲדָנִּים וּמִגְדָּנוֹת וַיֹּאכַל וַיִּשְׂבָּע, וְאַחַר הֵבִיאוּ מַשְּׁכֵּל זָהָב וּלְגִין כֶּסֶף, וַיִּרְחַץ יָדָיו, וְלִבּוֹ פוֹעֵם חָרֵד לְחֵילוֹ וְלֹא יָדַע מַה-קָּרָם, וַיִּזְכֹּר גַּם אֶת-מִצְּוַת אָבִיו אֲשֶׁר שְׁכֵחָהּ, וַיְהִי נָבוֹךְ וְנִדְהָם וְנִחָם עַל מַעֲשֵׂהוּ.

וַיְהִי בִהְיוֹת הַבֹּקֶר וְהַשֶּׁמֶשׁ הֵאִירָה לָאָרֶץ וְלַדָּרִים עָלֶיהָ וַיִּיקָץ, וַיַּרְא וְהִנֵּה כְעֶשְׂרִים נְעָרוֹת יָפוֹת כַּלְבָנָה הוֹלְכוֹת וּקְרֵבוֹת אֵלָיו, וּגְבִרְתָּן בֵּינֵיהֶן כַּיָּרֵחַ בֵּין הַכּוֹכָבִים, וְהִיא לְבוּשָׁה מַחֲלָצוֹת וְאֵזוֹר מְשֻׁבָּץ תִּשְׁבֶּצֶת פְּנִינִים אָזוּר בְּמָתְנֶיהָ. וַתִּגַּשׁ הַצְּעִירָה אֵלָיו וַתִּתְבּוֹנֵן בּוֹ וַתַּכִּירֵהוּ וַתֹּאמֶר: הִנֵּה הֵאִיר בְּאוֹרְךָ מְקוֹמֵנוּ, שַׁרְכָּן; אֵיךְ עָבַר עָלֶיךָ הַלַּיְלָה, הַגִּבּוֹר הָאַדִּיר, אַחֲרֵי עָזְבֵנוּ אוֹתָךְ? וְאַחַר הוֹסִיפָה וַתֹּאמֶר: אַל לַמְּלָכִים שֶׁקֶר, כִּי לְחֶרְפָּה יֵחָשֵׁב לָהֶם, הַגֵּד וְאַל תְּכַחֵד, הֵן שַׁרְכָּן בֶּן-הַמֶּלֶךְ עוּמָר אַל נַעְמָן הִנֶּךָ, אַל-נָא אֵפוֹא תַסְתִּיר סוֹדֶךָ וְעִנְיָנֶךָ, וְאַל תַּשְׁמִיעֵנִי בִּלְתִּי אִם דְּבַר אֱמֶת.

וַיְהִי בְשָׁמְעוֹ דְבָרֶיהָ וְלֹא יָכֹל לְכָחֵד עוֹד וַיֹּאמֶר: אָכֵן שַׁרְכָּן אָנֹכִּי בֶּן-עוּמָר אַל נַעְמָן, אֲשֶׁר בָּגַד בּוֹ הַזְּמַן, וַיַּשְׁלִיכֵהוּ הֵנָּה לְפָנַיִךְ, וְעַתָּה עֲשִׂי בִי כַטּוֹב בְּעֵינַיִךְ, כִּי הִנְנִי כַיּּוֹם בְּיָדָיִךְ. וַתָּכָף רֹאשָּׁה וַתַּחֲשֹׁב, וְאַחַר פָּנְתָה אֵלָיו וַתֹּאמֶר: הֱיֵה שָׁלוֹם וְאַל תִּירָא, כִּי עַל כֵּן אוֹרְחִי הִנֶּךָ, וְלֶחֶם וּמַיִם בֵּינֵינוּ, חֵי הַמָּשִׁיחַ! לוּ יֹאמְרוּ כָל-יוֹשְׁבֵי תֵבֵל לִנְגֹעַ בְּךָ לְרָעָה לֹא יַגִּיעוּ אֵלֶיךָ, עַד תִּתִּי נַפְשִׁי פְדוּת נַפְשֶׁךָ. וַתֵּשֶׁב לְצִדּוֹ וַתַּרְגַּע רוּחוֹ, וְאַחַר הִגִּידָה לְשִׁפְחָתָהּ דָּבָר בִּיְוָנִית וַתְּשַׁלְחֶהָ. וְאַחַר שָׁבָה וְאִתָּהּ שֻׁלְחָן עִם הָאֹכֶל וְהַמַּשְׁקֶה. וַיֹּאמֶר שַׁרְכָּן בְּלִבּוֹ: מִי יוֹדֵעַ מַה-שָּׂמוּ בַּמַּאֲכָלִים הָאֵלֶּה, וְלֹא מִהֵר לֶאֱכֹל, וַתָּבֶן אֶת אֲשֶׁר בְּלִבּוֹ וַתֹּאמֶר: אֵין בַּמַּטְעַמִּים כָּל-דָּבָר רָע, וְלוּ חָפַצְתִּי לְהָרְגֶךָ כִּי עָתָּה הֲרַגְתִּיךָ בְיָדִי. וַתִּגַּשׁ אֶל הַשֻּׁלְחָן וַתִּטְעַם מִכָּל-מַאֲכָל. וַיֹּאכַל שַׁרְכָּן, וַתֵּשֶׁב גַּם הִיא וַתֹּאכַל אִתּוֹ. וַיְהִי אַחֲרֵי רַחֲצָם יְדֵיהֶם וַתְּצַוֶּה עַל אֲמָתָהּ לְהָבִיא רָאשֵׁי בְשָׂמִים וּכְלֵי הַשְּתִי, כְּלֵי כֶסֶף וּכְלֵי זָהָב וּזְכוּכִית יְקָרָה. וַתָּבֵא כָל-אֲשֶׁר צִוַּתָּהּ, וַתִּגַּשׁ וַתְּמַלֵּא גָבִיעַ וַתֵּשְׁתְּ רִאשׁוֹנָה, וְאַחַר מִלְּאָה גָבִיעַ שֵׁנִי וַתִּתְּנֵהוּ לוֹ וַיֵּשְׁתְּ, וַתֹּאמֶר אֵלָיו: הַמֻּשְׂלָם! עַתָּה תִרְאֶה כִּי נָעוֹם יִנְעֲמוּ לְךָ הַחַיִּים אִתָּנוּ פֹּה. וַתָּשָׁב וַתְּצַו עַל אֲמָתָהּ וַתָּבֵא אֶת-כְּלֵי הַשִּׁיר, וַתִּקַּח אֶת-הַכִּנּוֹר בְּיָדָהּ וַתְּנַגֵּן וַתָּשַׁר מִמֵּיטַב הַשִּׁירִים הָעַרְבִים, וַתָּפָג רוּחוֹ בְשִׁירָהּ וַיִּתְעַלָּף. וְאַחַר הֵקִיץ וַתֹּאמֶר אֵלָיו: הֲיוֹדֵעַ אָתָּה לְשַׂחֵק שְׂחוֹק הַשָּׁךְ? וַיֹּאמַר: כֵּן, גְּבִרְתִּי. וַיְהִי בְכָל-אֲשֶׁר אָמַר לְהִתְבּוֹנֵן לְמַהֲלָכָהּ בַּמִּשְׂחָק וַיַּבֵּט בְּפָנֶיהָ וַיִּדָּהֵם, וַיַּצֶּג אֶת-הַפָּרָשׁ בִּמְקוֹם הָרָץ וְאֶת-הָרָץ בִּמְקוֹם הַפָּרָשׁ. וַתִּצְחַק וַתֹּאמֶר: אִם כָּכָה אַתָּה מְשַׂחֵק הֵן לֹא יָדַעְתָּ שַׂחֵק. וַיֹּאמֶר: זֹאת הָיְתָה הַפַּעַם הָרִאשׁוֹנָה, אַל נָא תִּתְחַשְּׁבִי אִתָּהּ. וַיָּשָׁב וַיְשַׂחֵק שֵׁנִית וּשְׁלִישִׁית וּרְבִיעִית וַחֲמִשִׁית, וְהִיא זוֹכָה בְכָל-פַּעַם. וַתֹּאמֶר: אָכֵן מְנֻצָּח אַתָּה בַכֹּל. וַיֹּאמֶר: גְבִרְתִּי, טוֹב הֱיוֹת מְנֻצָּח אִתָּךְ מִהְיוֹת מְנַצֵּחַ אֶת-אֲחֵרִים.

הֵם עוֹדָם יוֹשְׁבִים וּמִתְעַנְּגִים עַל רֹב טוּב, וְהִנֵּה נִשְׁמַע קוֹל רַעַשׁ גָּדוֹל וְצַעֲדֵי אֲנָשִׁים בָּאִים. וַיִּשְׂאוּ עֵינֵיהֶם וַיִּרְאוּ וְהִנֵּה הֶגְמוֹנִים בָּאִים וּבִידֵיהֶם חֲרָבוֹת שְׁלוּפוֹת, וְהֵם קוֹרְאִים יְוָנִית: נָפַלְתָּ בְיָדֵינוּ, שַׁרְכָּן! אוֹי לְךָ כִּי בָא קִצֶּךָ!

וַיְהִי כִשְׁמֹעַ שַׁרְכָּן אֶת-דִּבְרֵיהֶם וַיֹּאמֶר בְּלִבּוֹ: אַךְ הַעֲרֵם הֶעֱרִימָה הַצְּעִירָה הַיָּפָה וַתַּשְׁאִירֵנִי אִתָּה עַד בּוֹא אֲנָשֶׁיהָ, אֲבָל אָשֵׁם אָנֹכִי בְנַפְשִׁי כִּי תַרְתִּי אַחֲרֵי לְבָבִי וְאַחֲרֵי עֵינַי וָאָבוֹא הֵנָּה. וְאַחַר פָּנָה אֶל הַצְּעִירָה לְהוֹכִיחָהּ עַל מַעֲשֶׂיהָ, וַיַּרְא וְהִנֵּה פָּנֵיהָ חָוָרוּ. וַתָּקָם עַל רַגְלֶיהָ וַתִּקְרָא אֶל הָאֲנָשִׁים: מִי אַתֶּם? וַיֹּאמַר הַהֶגְמוֹן הָרֹאשׁ: גְּבִרְתִּי, הַטֶּרֶם תֵּדְעִי מִי הוּא הָאִישׁ אֲשֶׁר אִתָּךְ? וַתֹּאמֶר: לֹא יָדָעְתִּי. וַיֹּאמֶר: הֵן זֶה הוּא מַחֲרִיב אָרְצֵנוּ וּמַרְבֶּה חֲלָלֵינוּ, זֶה הוּא שַׁרְכָּן בֶּן-הַמֶּלֶךְ עוּמָר אַל נַעְמָן, הוּא הָאִישׁ אֲשֶׁר כָּבַשׁ אֶת-הֶעָרִים, וְהִפִּיל לָאָרֶץ אֶת-הַמִּבְצָרִים, וְשָׁמְעוֹ הִגִּיעַ עַד מַלְכֵּנוּ חַרְדוּב אָבִיךְ מִפִּי גְבִרְתֵּנוּ הַזְּקֵנָה תַחְבְּלָנִית. וְעַתָּה אַשְׁרַיִךְ כִּי מִיָּדֵךְ בָּאָה גְאֻלָּתֵנוּ, מִכַּף צָרֵנוּ וּמַשְׁמִיד גְּלִילוֹתֵינוּ.

וַיְהִי כְשָׁמְעָהּ אֶת-דִּבְרֵי הַהֶגְמוֹן וַתַּבֵּט אֵלָיו וַתֹּאמֶר: מַה-שְּׁמֶךָ? וַיֹּאמַר: שְׁמִי מְסוּרָה בֶּן-עַבְדֵּךְ מוּסוּרָה בֶּן-כְּשַׁרְדָה הֶגְמוֹן הַהֶגְמוֹנִים. וַתֹּאמֶר אֵלָיו: וְאֵיכָכָה בָאתָ הֵנָּה מִבְּלִי שְׁאֹל פִּי? וַיֹּאמֶר: גְּבִרְתִּי, בְּהַגִּיעִי אֶל פֶּתַח הַהֵיכָל לֹא מְנָעַנִי שׁוֹעֵר אוֹ שׁוֹמֵר, כִּי כָל-הַשׁוֹעֲרִים קָמוּ וַיֵּלְכוּ לְפָנֵינוּ כְנָהוּג. וְעַתָּה אַל נָא נַאֲרִיךְ בִּדְבָרִים כִּי הַמֶּלֶךְ מְחַכֶּה לְשׁוּבֵנוּ אֵלָיו וּבְיָדֵנוּ הַמֶּלֶךְ הַזֶּה נְגִיד צִבְאוֹת הַמֻּשְׂלָמִים יַהַרְגֵהוּ וְשָׁבוּ צִבְאוֹתָיו אֶל הַמָּקוֹם אֲשֶׁר בָּאוּ מִמֶּנוּ וְלֹא נִיגַע בַּהֲרֵגָתָם. וַתַּעַן הַצְּעִירָה: דְּבָרֶיךָ אֵינָם נְכוֹנִים. וְאָכֵן שִׁקְּרָה הַגְּבֶרֶת תַּחְבֵּלָנִית, כִּי הָאִישׁ אֲשֶׁר אִתִּי אֵינֶנּוּ שַׁרְכָּן וְאֵינֶנּוּ שָׁבוּי, כִּי אִם אִישׁ עוֹבֵר אֹרַח אֲשֶׁר בָּא וַיְבַקְּשֵׁנִי לְאָרְחוֹ, וְלוּ גַם הָיָה שַׁרְכָּן לֹא אוּכַל לְהַסְגִּירוֹ בְיֶדְכֶם אַחֲרֵי בוֹאוֹ לַחֲסוֹת בְּצֵל קוֹרָתִי. אַל נָא תִּתְּנוּנִי לִבְגֹד בְּאוֹרְחִי וְאַל תְּשִׂימוּנִי לְחֶרְפָּה בְִּפִי בְנֵי הָאָדָם. וַיֹּאָמַר מְסוּרָה: גְבִרְתִּי, לֹא אוּכָל לִרְאוֹת אֶת-פְּנֵי הַמֶּלֶךְ בִּלְתִּי אִם אִישׁ חֶרְמוֹ בְיָדִי.

וַתִּקְצֹף הַצְּעִירָה וַתֹּאמֶר: אוֹי לְךָ, שׁוּב וְהַגֵּד לְאָבִי אֶת-תְּשׁוּבָתִי וְאַל תִּירָא לְנַפְשֶׁךָ. וַיֹּאמֶר: לֹא אוּכַל לָשׁוּב עַד אִם לְקַחְתִּיו אִתִּי. וַתָּשָׁב וַתִּקְרָא בְקֶצֶף: הַקֵּץ לְדִבְרֵי הֶבֶל! הָאִישׁ הַזֶּה לֹא בָא אֶל תּוֹךְ בֵּיתִי בִלְתִּי אִם יָדַע כִּי יָכוֹל הוּא לְעוֹרֵר חֲנִיתוֹ עַל מֵאָה פָרָשִׁים הוּא לְבַדּוֹ. וְאִם אֹמַר לוֹ: אַתָּה זֶה שַׁרְכָּן בֶּן-הַמֶּלֶךְ עוּמָר אַל נַעְמָן, יֹאמַר: אָכֵן אֲנִי הוּא. אַךְ אָנֹכִי לֹא אֶתֶּנְכֶם לִנְגֹעַ בּוֹ כִמְלוֹא הַשַּׂעֲרָה וְכָל הַנּוֹגֵעַ בּוֹ לֹא יִנָּקֶה, וְכֻלְּכֶם תִּפְּלוּ חֲלָלִים לְרַגְלָיו. וְאִם חֲפֵצִים אַתֶּם אֲבִיאֵהוּ לִפְנֵיכֶם בְּחַרְבּוֹ וּבְמָגִנּוֹ. וַיֹּאמֶר הַהֶגְמוֹן: אִם אֶשְׁלַם מֵחֲרוֹנֵךְ מִי יַצִּילֵנִי מֵחֲרוֹן אַף אָבִיךְ? הוֹצִיאִיהוּ אֵפוֹא אֵלֵינוּ, וְהָיָה אַךְ אֶרְאֶה פָנָיו וְרָמַזְתִּי לַהֶגְמוֹנִים כֻּלָּם וְסַבּוּהוּ וּלְקָחוּהוּ וְהֱבִיאוּהוּ עַד לִפְנֵי הַמֶּלֶךְ אָבִיךְ.

וַיְהִי כְשָׁמְעָהּ אֶת-הַדְּבָרִים הָאֵלֶּה וַתִּקְרָא: הָיֹה לֹא תִהְיֶה! אָכֵן נְבָלָה הִיא זֹאת, כִּי הוּא אֶחָד וְאַתֶּם מֵאָה. אִם חֲפֵצִים אַתֶּם בֶּאֱמֶת לְהִלָּחֵם בּוֹ עִרְכוּ לְפָנָיו אֶחָד אֶחָד וְיָדַע הַמֶּלֶךְ מִי הוּא הַגִּבּוֹר בָּכֶם. וַיֹּאמֶר מְסוּרָה: חֵי הַמָּשִׁיחַ כִּי כַאֲשֶׁר אָמַרְתְּ כֵּן יָקוּם, וְאָנֹכִי אֶהְיֶה הָרִאשׁוֹן לָצֵאת לַמַּעֲרָכָה אִתּוֹ. וַתֹּאמֶר הַצְּעִירָה: חַכֵּה נָא עַד אֲשֶׁר אֵלֵךְ אֵלָיו וְהוֹדַעְתִּיו אֶת-הַדָּבָר וְשָׁמַעְתִּי מַה-בְּפִיו, וְהָיָה אִם יֹאבֶה וְעָשִׂינוּ כָּזֹאת, וְאִם יְמָאֵן לֹא תִגַּע בּוֹ יָד, כִּי אָנֹכִי וְכָל-אֲשֶׁר אִתִּי בַּמִּנְזָר נַפְשֵׁנוּ תַחְתָּיו לָמוּת.

וַתָּבֹא אֶל שַׁרְכָּן וַתַּגֶּד לוֹ אֶת-הַדָּבָר. וַיְחַיֵּךְ וַיֵּדַע כִּי אָכֵן נֶאֱמָנָה רוּחָהּ אִתּוֹ, וְשָמְעוֹ הִגִּיעַ עַד הַמֶּלֶךְ וְהִיא לֹא יָדָעָה. וַיָּשָׁב וַיַּאְשֵׁם אֶת-נַפְשׁוֹ וַיֹּאמֶר: אֵיכָכָה הִשְׁלַכְתִּי נַפְשִׁי בְּאֶרֶץ הַיְּוָנִים! וְאַחַר אָמַר אֶל הַצְּעִירָה: אִם יַעַרְכוּ לְנֶגְדִּי אֶחָד אֶחָד וְנִכְרְתוּ כֻלָּם; הָבָה יַעַרְכוּ עֲשָׂרָה עֲשָׂרָה. וַתַּעַן הַצְּעִירָה: אָכֵן אִישׁ לְעֻמַּת אִישׁ יַעַרְכוּ בַּמַּעֲרָכָה.

וַיָּקָם שַׁרְכָּן עַל רַגְלָיו וַיֵּלֶךְ לִקְרָאתָם וְנִשְׁקוֹ אִתּוֹ, וַיַעֲרֹךְ מְסוּרָה לְנֶגְדּוֹ וַיִּתְנַפֵּל עָלָיו, וַיַּעֲמֹד שַׁרְכָּן לְנֶגְדּוֹ כַאֲרִי טוֹרֵף, וַיַּכֵּהוּ בְחַרְבּוֹ עַל כְּתֵפוֹ וַתֵּצֵא מִגַּבּוֹ וּמִמֵּעָיו וְהִיא מַבְרִיקָה. וַיְהִי כִרְאוֹת הַצְּעִירָה אֶת-זֹאת וַתַּכֶּר אֶת-גְּבוּרָתוֹ, וַתֵּדַע כִּי לֹא יָכְלָה לוֹ בְהֵאָבְקָהּ עִמּוֹ בְכֹחָהּ כִּי אִם בִּיפִי פָנֶיהָ אֲשֶׁר הִדְהִימָהוּ. וַתֵּפֶן אֶל הַהֶגְמוֹנִים וַתִּקְרָא: נִקְמוּ כַיּוֹם נִקְמַת חֲבֶרְכֶם! וַיֵּצֵא אֲחִי הַנֶּהֱרָג וְהוּא גִּבּוֹר כַּבִּיר וַיִּתְנַפֵּל עַל שַׁרְכָּן. וַיִּפֶן שַׁרְכָּן כְּרֶגַע וַיַּכֵּהוּ בְּחַרְבּוֹ עַל כְּתֵפוֹ וַתֵּצֵא מַבְרִיקָה מִמֵּעָיו. וַתִּקְרָא הַצְּעִירָה: הוֹי עוֹבְדֵי הַמָּשִׁיחַ! נִקְמוּ נִקְמַת אֲחֵיכֶם. וַיַּעַרְכוּ לְמוּלוֹ אֶחָד אַחֲרֵי הַשֵּׁנִי, וְשַׁרְכָּן מְשַׂחֵק אִתָּם בְּחַרְבּוֹ עַד אֲשֶׁר הָרַג חֲמִשִּׁים מֵהֶם, וְהַנִּשְׁאָרִים יָרְאוּ לְנַפְשָׁם וַיֶּחֱרָדוּ, וְלֹא יָצְאוּ לִקְרָאתוֹ אֶחָד אֶחָד כִּי אִם כֻלָּם יַחַד הִשְׂתָּעֲרוּ עָלָיו. וַיָּרָץ לִקְרָאתָם בְּלֵב חָזָק מִצֹּר וְלֹא הִרְפָּה מֵהֶם עַד אֲשֶׁר טְרָפָם כְּחַיַּת טָרֶף.

וַיְהִי כִרְאוֹתָהּ אֶת אֲשֶׁר עָשָׂה בָהֶם וַתְּבָרְכֵהוּ וַתֹּאמֶר: אָכֵן גִּבּוֹר נַעֲרָץ אַתָּה, וּבְכָמוֹךָ יִתְהַלְּלוּ הַפָּרָשִׁים. וְהוּא קָם וַיְּנַגֵּב חַרְבּוֹ מִדַּם הַחֲלָלִים וַיְשִׁיבֶנָּה אֶל תַּעֲרָהּ. וַתִּגַּשׁ הַצְּעִירָה אֵלָיו וַתְּבָרְכֵהוּ לְנִצְחוֹנוֹ. וְאַחַר עָלְתָה אִתּוֹ אֶל הֵיכָלָהּ וַתָּסַר שִׁרְיוֹנָהּ מֵעָלֶיהָ וְאֶת-חַרְבָּהּ אֲשֶׁר בְּיָדָהּ הִשְׁלִיכָה, וַתֹּאמֶר: חֵי הַמָּשִׁיחַ, כִּי בְנַפְשִׁי הָיִיתִי מְגִנָּה עַל אוֹרְחִי וְלוּ נִשְׁאַר שְׁמִי לִקְלָלָה בֵּין הַיְּוָנִים. וַתִּגַּשׁ אֵלָיו וַתִּשַּׁק יָדוֹ. וַיֹּאמֶר אֵלֶיהָ: לָמָּה זֶה לָבַשְׁתְּ שִׁרְיוֹנֵךְ וַתִּשְׁלְפִי חַרְבֵּךְ? וַתֹּאמֶר: מִיִּרְאָתִי עָלֶיךָ מִפְּנֵי הֶעָרִיצִים הָאֵלֶּה.

וְאַחַר קָרְאָה אֶת-הַשּׁוֹעֲרִים וַתִּשְׁאָלֵם: אֵיכָכָה זֶה נְתַתֶּם לְאַנְשֵׁי הַמֶּלֶךְ לָבוֹא בֵיתִי וְאֶת-פִּי לֹא שְׁאֶלְתֶּם? וַיֹּאמְרוּ: גְּבִרְתֵּנוּ הַמַּלְכָּה, הֵן זֶה מִשְׁפָּטֵנוּ מֵאָז, כִּי אֶת-מַלְאֲכֵי הַמֶּלֶךְ נִתֵּן לָבוֹא מִבְּלִי מַפְרִיעַ, וּמַה-גַּם הַהֶגְמוֹן ֹהַגָּדוֹל. וַתִּגְעַר בָּם בָּחֳרִי-אַף וַתְּגָרְשֵׁם מִלְּפָנֶיהָ, וַיִּשָׁאֵר אִתָּה אַךְ שַׁרְכָּן. וַתֹּאמֶר אֵלָיו: עַתָּה כְבָר נִגְלוּ לְךָ כָּל-תַּעֲלוּמוֹת מַחְשְׁבוֹתַי, וְעַתָּה שְׁמַע נָא סִפּוּרִי: דַּע לְךָ כִּי אָנֹכִי הִנְנִי בַּת חַרְדוֹב מֶלֶךְ יָוָן וּשְׁמִי אַבְרִיזָה, וְהַזְּקֵנָה תַחְבְּלָנִית הִיא זְקֶנְתִּי אֵם אָבִי, וְהִיא הִיא אֲשֶׁר הוֹדִיעָה אֶת-אָבִי עַל אוֹדוֹתֶיךָ, וְעַתָּה תְחַבֵּל בְּוַדַּי תַחְבּוּלוֹת לְכַלּוֹתֵנִי, וּמַה-גַּם אַחֲרֵי הֶרֶג הֶגְמוֹנֵי אָבִי, וְאַחֲרֵי אֲשֶׁר יִוָּדַע הַדָּבָר כִּי אָנֹכִי עָזַרְתִּי לַמֻּשְׂלָמִים, וּבְכֵן אֵין דֶּרֶךְ אַחֶרֶת לְפָנַי עַתָּה בִּלְתִּי אִם לַעֲזֹב אֶת-הַמָּקוֹם הַזֶּה, וְעָלֶיךָ לַעֲשׂוֹת אִתִּי חֶסֶד כַּחֶסֶד אֲשֶׁר עָשִׂיתִי עִמָּךְ, כִּי כָל-הָאֵיבָה אֲשֶׁר יִשְׂטְמֵנִי אָבִי מֵעָתָּה הֵן רַק בִּגְלָלְךָ הִיא.

וַיְהִי כִשְׁמֹעַ שַׁרְכָּן דְּבָרֶיהָ וַיִּפְחַד וַיִּרְחַב לִבּוֹ וַיֹּאמֶר: כָּל-עוֹד נִשְׁמָתִי בְּאָפִּי לֹא יִגַּע בָּךְ אִישׁ לְרָעָה, אֲבָל הַאֻמְנָם יֵשׁ בְּלִבֵּךְ דֵי אֹמֶץ וְעֹז לַעֲזֹב אֶת-הוֹרַיִךְ וּבֵית אָבִיךְ? וַתֹּאמֶר: כֵּן.

וַיִּשָּׁבַע לָהּ שַׁרְכָּן לְקַחְתָּהּ אִתּוֹ וּלְהָגֵן עָלֶיהָ מִכָּל-רָע. וַתֹּאמֶר: עַתָּה בָטַח לִבִּי; אַךְ עוֹד דָּבָר אֶחָד לִי אֵלֶיךָ. וַיֹּאמֶר: וּמָה הַדָּבָר? וַתֹּאמֶר: כִּי תָשׁוּב עִם צְבָאֲךָ אֶל אַרְצֶךָ. וַיֹּאמֶר אֵלֶיהָ: גְּבִרְתִּי, עוּמָר אַל נַעְמָן אָבִי שְׁלָחַנִי לְהִלָּחֵם בְּאָבִיךְ בִּגְלַל הַהוֹן אֲשֶׁר לָקַח מִמֶּנּוּ, וּבְיִחוּד בִּגְלַל שְׁלֹשׁ הַחֲרוּזוֹת הַגְּדוֹלוֹת אֲשֶׁר סְגֻלּוֹת נִפְלָאוֹת לָהֶן. וַתֹּאמֶר אֵלָיו: הַסְכֵּת נָא וּשְׁמַע וְסִפַּרְתִּי לְךָ עִנְיָנָן וְסִבַּת שִׂנְאָתֵנוּ לְמֶלֶךְ קֻשְׁטַנְדִּינָה. דַּע לְךָ, שַׁרְכָּן, כִּי חַג לָנוּ מִדֵּי שָׁנָה בְשָׁנָה, הוּא חַג הַמִּנְזָר, וְנֶאֶסְפוּ בוֹ הַמְּלָכִים מִכָּל-קְצוֹת הָאָרֶץ וְאִתָּם בְּנוֹת הַשּוֹעִים וְהַשּׁוֹחֲרִים וּנְשֵׁיהֶם, וְגַם אֲנִי בְתוֹכָן. וְאָרַךְ הַחַג הַזֶּה שִׁבְעַת יָמִים. וַתְּהִי הַשָּׁנָה וַתָּבֹאנָה בְּנוֹת הַשּוֹעִים מִכָּל-קַצְוֵי הָאָרֶץ אֶל הַמִּנְזָר בַּחַג כְּמִשְׁפָּטָן, וּבַת מֶלֶךְ קֻשְׁטַנְדִּינָה בְתוֹכָן, וְהִיא עַלְמָה יָפָה וּשְׁמָהּ צְפִיָּה, וַתֵּשֵׁבְנָה בַמִּנְזָר שֵׁשֶׁת יָמִים. וַיְהִי בַיּוֹם הַשְּבִיעִי, בְּשׁוּב כָּל-הַקָּהָל אִישׁ לִמְקוֹמוֹ, וַתֹּאמֶר צְפִיָּה: אָנֹכִי לֹא אָשׁוּב אֶל קֻשְׁטַנְדִּינָה בִלְתִּי אִם דֶּרֶךְ הַיָּם. וַיָּכִינוּ לָהּ אֳנִיָּה וַתָּבוֹא אֵלֶיהָ הִיא וְכָל-בְּנֵי לִוְיָתָהּ. וַיְהִי כַאֲשֶׁר הִתִּירוּ אֶת-הַקְּלָעִים וַיֵּלְכוּ, וְהִנֵּה רוּחַ חֲזָקָה מִתְרוֹמְמָה וַתּוֹצֵא אֶת הָאֳנִיָּה מִדֶּרֶךְ מַהֲלָכָהּ, וְשָׁם אֳנִיָּה נוֹצְרִית מֵאִי הַכֹּפֶר וּבָהּ כַּחֲמֵשׁ מֵאוֹת פְרַנְקִים מְזֻיָּנִים הַמְּשׁוֹטְטִים בַּיָּם. וַיְהִי בִרְאוֹתָם אֶת-קַלְעֵי הָאֳנִיָּה אֲשֶׁר צְפִיָּה וַאֲנָשֶׁיהָ בְתוֹכָהּ וַיִּתְנַפְּלוּ עָלֶיהָ, וַיַּשְׁלִיכּו וָוִים וַחֲבָלִים אֵלֶיהָ וַיִּמְשְּכוּהָ אֶל אֳנִיָּתָם וַיַּתִּירוּ אֶת-קְלָעֶיהָ וַיִּפְנוּ וַיֵּלְכוּ אֶל אִי מוֹשָׁבָם. וַיְהִי אַךְ הֵחֵלוּ לָלֶכֶת וְהִנֵּה הִתְחוֹלְלָה הָרוּחַ מֵעֵבֶר אַחֵר וַתִּסְחָבֵם הַצִּדָּה, וְאֶת-קַלְעֵי אֳנִיָּתָם נִתְּקָה וַתַּגִּיעֵם אֶל חוֹפֵנוּ. וַנֵּצֵא אֲלֵיהֶם וַנֹּאמֶר: אַךְ שָׁלָל הוּא לָנוּ אֲשֶׁר שְׁלָחוֹ הָאֱלֹהִים אֵלֵינוּ. וַנִּקָּחֵם וַנַּהַרְגֵם, וְאֶת-כָּל-הוֹנָם וְהַסְּגֻלּוֹת אֲשֶׁר אִתָּם בַּזְֹנוּ לָנוּ, וּבָאֳנִיָּה אַרְבָּעִים עַלְמָה וּצְפִיָּה בְתוֹכָן, וַנִּקָּחֵן וַנְּבִיאֵן אֶל אָבִי, וְלֹא יָדַעְנוּ כִּי צְפִיָּה הִיא בַת הַמֶּלֶךְ אַפְרִידוֹן מֶלֶךְ קֻשְׁטַנְדִּינָה.

וַיִּבְחַר לוֹ אָבִי מִבֵּינֵיהֶן עֶשֶׂר עֲלָמוֹת וּצְפִיָּה בַּת הַמֶּלֶךְ בֵּינֵיהֶן, וְאֶת יִתְרָן חִלֵּק בֵּין מְקֹרָבָיו. וְאַחַר הִפְרִיד מֵהֶן חָמֵשׁ עֲלָמוֹת וּצְפִיָּה בַּת הַמֶּלֶךְ בְתוֹכָן, וַיִּשְלָחֵן אֶל אָבִיךָ עוּמָר אַל נַעְמָן לְמִנְחָה, וְאִתָּן שֵׁשׁ וְרִקְמָה וּכְלִי חֶמְדָּה. וַיְקַבְּלֵן אָבִיךָ וַיִּבְחַר לוֹ מִבֵּינֵיהֶן אֶת-צְפִיָּה. וַיְהִי בְיוֹם רֵאשִׁית הַשָּׁנָה וַיִּכְתֹּב אָבִיהָ מִכְתָּב אֶל אָבִי וַיְדַבֵּר אִתּוֹ קָשׁוֹת לֵאמֹר: אַתֶּם בַּזֹּתֶם לִפְנֵי שְׁנָתַיִם אַחַת אֲנִיּוֹתֵנוּ אֲשֶׁר הָיְתָה בִידֵי שׁוֹדְדֵי הַיָּם הַפְרַנְקִים, וּבָהּ הָיְתָה גַם בִּתִּי וְאִתָּהּ כְּשִׁשִּׁים עַלְמָה, וְלֹא הוֹדַעְתּוּנִי לֹא שְׁלַחְתֶּם אֵלַי אִישׁ לְהַגִּיד לִי. וַאָנֹכִי חָקַרְתִּי עַל הַדָּבָר עַד אֲשֶׁר הֻגַּד לִי מִפִּי אֶחָד מֵרָאשֵׁי הַשּׁוֹדְדִים הַפְרַנְקִים, כִּי שָׁמַע שְׁמוּעָה כִּי אַתֶּם לְקַחְתּוּהָ מִידֵי הַשּׁוֹדְדִים. וְעַתָּה אִם אֵינְכֶם חֲפֵצִים בְּאֵיבָתִי וּבְחֶרְפַּת בִּתִּי מַהֲרוּ וְשִׁלְּחוּהָ אֵלַי כְּבוֹא סִפְרִי זֶה אֲלֵיכֶם, וְאִם תְּמָאֲנוּ וּמְרִיתֶם וְשִׁלַּמְתי לָכֶם שֶׁבַע עַל חַטַּאתְכֶם.

וַיְהִי כְהַגִּיעַ הַמִּכְתָּב הַזֶּה אֶל אָבִי וַיִקְרָאֵהוּ וַיִּכְאַב לִבּוֹ עָלָיו וַיִּנָּחֵם עַל מַעֲשֵׂהוּ, כִּי לֹא יָדַע כִּי בַת הַמֶּלֶךְ אַפְרִידוֹן הִיא בֵּין הָעֲלָמוֹת הָאֵלוּ, וַיְהִי נָבוֹךְ מְאֹד, כִּי אַחֲרֵי עֲבֹר זְמַן רַב כָּזֶה לֹא יָכֹל עוֹד לִשְׁלֹחַ אֶל הַמֶּלֶךְ עוּמָר אַל נַעְמָן לְדָרְשָׁהּ מִמֶּנּוּ, וּמַה-גַּם אַחֲרֵי שָׁמְעוֹ כִּי לִפְנֵי מֶשֶׁךְ זְמַן יָלְדָה לוֹ צְפִיָּה יְלָדִים. וַיֶּחֱרַד לִבֵּנוּ מְאֹד וַנֹּאמֶר: אַךְ זֹאת צָרָה צְרוּרָה. וַיִּכְתֹּב אָבִי אֶל הַמֶּלֶךְ אַפְרִידוֹן וַיִּשָּׁבַע לוֹ כִּי לֹא יָדַע כִּי בִתּוֹ הִיא בֵּין הָעֲלָמוֹת אֲשֶׁר הָיוּ בָאֳנִיָּה הַהִיא. וַיּוֹדִיעֵהוּ כִּי שְׁלָחָהּ אֶל הַמֶּלֶךְ עוּמָר אַל נַעְמָן וְגַם יָלְדָה לוֹ בָנִים. וַיְהִי כְהַגִּיעַ מִכְתַּב אָבִי אֶל אַפְרִידוֹן מֶלֶךְ קֻשְׁטַנְדִּינָה וַיִּקְצֹף וַיִּתְמַרְמַר מְאֹד וַיִּקְרָא: הַכְּפִּילֶגֶשׁ יַעֲשׂוּ אֶת-בִּתִּי?! חֶרְפָּה כָזֹאת לֹא תִמָּחֶה, עָתָּה אֶעֱשֶׂה מַעֲשֶׂה אֲשֶׁר יְסֻפַּר לְדוֹר אַחֲרוֹן. וַיּוֹחֶל עַד חַבְּלוֹ תַחְבּוּלוֹת. וַיִּשְׁלַח מַלְאָכִים אֶל אָבִיךָ עוּמָר אַל נַעְמָן כַּדְּבָרִים אֲשֶׁר יָדָעְתָּ. וְאָבִיךָ שְׁלָחֲךָ אֵלָיו עִם צְבָאֲךָ אֲשֶׁר אִתְּךָ, וְהָיָה כְּבוֹאֲכֶם אֵלָיו וּתְפָשְׂךָ אַתָּה וּצְבָאֲךָ לְעֵרָבוֹן בְּעַד בִּתּוֹ. וְעַל דְּבַר שְׁלֹשׁ הַחֲרוּזוֹת אֲשֶׁר הִגִּיד לְאָבִיךָ אוֹדוֹתָן, דַּע לְךָ כִּי אָכֵן הָיוּ הַחֲרוּזוֹת הָאֵלוּ בִידֵי צְפִיָּה, וְאָבִי לְקָחָן מִמֶּנָּהּ כַּאֲשֶׁר תְּפָשָׂהּ הִיא וְנַעֲרוֹתֶיהָ וַיִּתְּנֵן לִי וְהֵן אִתִּי. וּבְכֵן לֶךְ-לְךָ אֶל צְבָאֲךָ וַהֲשִׁיבֵם לְאַרְצְךָ בְּטֶרֶם יַחְדְרוּ אֶל אֶרֶץ הַפְרַנְקִים וְהַיְּוָנִים פְּנִימָה וְלֹא יוּכְלוּ עוֹד לְהִמָּלֵט. וְאָנֹכִי יָדַעְתִּי כִּי צְבָאֲךָ עוֹדֶנּוּ יוֹשֵׁב בִּמְקוֹמוֹ כַאֲשֶׁר צִוִּיתָם, וּמַה-גַּם אַחֲרֵי אֲבֹד לָהֶם עִקְבוֹתֶיךָ וְהֵם נְבוֹכִים מִבְּלִי דַעַת מַה-לַּעֲשׂוֹת.

וַיְהִי כִשְׁמֹעַ שַׁרְכָּן אֶת-דְבָרֶיהָ וַיֹּאמֶר: בָּרוּךְ יְיָ אֲשֶׁר הוֹבִילַנִי אֵלַיִךְ לְהַצִּיל חַיַּי וְחַיֵּי כָל-אֲנָשַׁי, וְעַתָּה עָשֹה אֶעֱשֶׂה כִדְבָרָיִךְ. אֶפֶס כִּי פְרִידָתֵךְ קָשָׁה עָלַי מְאֹד, וּמִי יוֹדֵעַ מַה-יִקְרֵךְ אַחֲרֵי עָזְבִי אוֹתָךְ. וַתֹּאמֶר אֵלָיו: לֵךְ אַתָּה כַיּוֹם אֶל צְבָאֲךָ וַהֲשִׁיבֵם לְאַרְצְךָ, וְאִם מַלְאֲכֵי אַפְרִידוֹן אִתָּם וּתְפַשְׂתָּם וְרָאִיתָ כִּי אָכֵן כֵּנִים דְבָרָי. שׁוּבוּ עַתָּה בִהְיוֹתְכֶם קְרוֹבִים לְאַרְצְכֶם, וְאַחֲרֵי שְׁלֹשֶׁת יָמִים אַדְבִּיקְכֶם גַּם אֲנִי, וּבָאנוּ כֻלָּנוּ יַחַד שַׁעֲרֵי בַגְדָּד. וַתָּקָם וַתְּבָרְכֵהוּ וַתֵּלַךְ. ד. הַקְּרָב עִם הַפְרַנְקִים. וְשַׁרְכָּן קָם וַיֵּרֶד מֵהַמִּנְזָר, וַיַּגִּישׁוּ לוֹ אֶת-סוּסוֹ וַיִּרְכְּבֵהוּ וַיֵּצֵא. וַיְחַפֵּשׂ אַחֲרֵי הַגֶּשֶר וַיַּגִּיעַ אֵלָיו וַיַּעַבְרֵהוּ וַיָּבֹא בֵּין עֲצֵי הַיָּעַר. וַיְהִי בְצֵאתוֹ מִתּוֹךְ סִבְכֵי הַיַּעַר וַיַּרְא וְהִנֵּה שְׁלשָׁה פָרָשִׁים בָּאִים. וַיִּירָא וַיִּשְׁלֹף חַרְבּוֹ. וַיְהִי בְקָרְבָם אֵלָיו וַיִּרְאוּ אִישׁ אֶת-רֵעֵהוּ וַיַּכִּירוּהוּ וְגַם הוּא הִכִּירָם, כִּי הָאֶחָד הָיָה הַוָּזִיר דִּנְדָּן וְאִתּוֹ שְׁנַיִם מֵהַנְּסִיכִים. וַיְהִי כִרְאוֹתָם אוֹתוֹ וַיֵּרְדוּ מֵעַל סוּסֵיהֶם וַיֵּלְכוּ בָרֶגֶל וַיִּדְרְשׁוּ לִשְלוֹמוֹ. וְדִנְדָּן שְׁאָלָהוּ: אֵיפֹה הָיִיתָ, אֲדוֹנִי בֶן-הַמֶּלֶךְ, וּמַה-קָּרְךָ? וַיַּגֶּד לָהֶם שַׁרְכָּן כָּל-אֲשֶׁר קָרָהוּ עִם אַבְרִיזָה בַת הַמֶּלֶךְ, וַיּוֹדוּ לַיְיָ חַסְדּוֹ. וְאַחַר אָמַר שַׁרְכָּן: עַתָּה עָלֵינוּ לְמַהֵר וְלַעֲזֹב אֶת-הָאָרֶץ הַזֹּאת בְּטֶרֶם יוֹדִיעוּ מַלְאֲכֵי אַפְרִידוֹן אוֹתוֹ כִּי בָאנוּ וּמִהֲרוּ צִבְאוֹתָיו וּתְפָשׂוּנוּ.

וַיַּעֲבֹר שַׁרְכָּן בְּקֶרֶב הַמַּחֲנֶה וַיִּקְרָא לַמַּסָּע, וַיִּסְעוּ כֻלָּם בְּחָפְזָה עַד הַגִּיעָם אֶל הַנָּחַל. וּבָעֵת הַהִיא וּמַלְאֲכֵי אַפְרִידוֹן שָׁבוּ אֶל מַלְכָּם וַיּוּדִיעוּהוּ כִּי בָא שַׁרְכָּן וּצְבָאוֹ, וַיֶּאֱסֹף חֵילוֹ לְתָפְשׂו הוּא וְכָל-אֲשֶׁר אִתּוֹ.

וְשַׁרְכָּן וְחֵילוֹ נָסְעוּ הָלְאָה דֶּרֶךְ חֲמִשָּׁה וְעֶשְׂרִים יוֹם עַד הַגִּיעָם אֶל גְּבוּלוֹת אַרְצָם. וַיְהִי כִּי הִגִּיעוּ שָׁמָּה וַיִּבְטָחוּ, וַיֵּשְׁבוּ לָנוּחַ. וְאַנְשֵׁי הַמָּקוֹם יָצְאוּ וַיְקַדְּמוּ פְנֵיהֶם וַיְכַלְכְּלוּם וּמִסְפּוֹא נָתְנוּ לְסוּסֵיהֶם. וַיֵּשְבוּ שָׁם יוֹמַיִם וְאַחַר שָׁבוּ לָלֶכֶת.
וְשַׁרְכָּן שָׁלַח אֶת-דִּנְדָּן לְפָנָיו עִם צִבְאוֹת חֵילוֹ. וַיִּשָּׁאֵר אַךְ הוּא וּמֵאָה מִפָּרָשָׁיו אִתּוֹ. וַיְהִי אַחֲרֵי עָבַר יוֹם וַיִּרְכַּב הוּא וּפָרָשָׁיו עַל סוּסֵיהֶם וַיֵּלְכוּ דֶּרֶךְ שְׁתֵּי פַרְסָאוֹת עַד בּוֹאָם אֶל מָקוֹם צַר בֵּין שְׁנֵי הָרִים. וַיְהִי כְהַגִּיעָם שָׁמָּה וְהִנֵּה אָבָק מִתְאַבֵּךְ לִפְנֵיהֶם, וַיַּעַמְדוּ כְשָׁעָה עַד הִתְפָּזֵּר עַמּוּד הָאָבָק, וְהִנֵּה לִפְנֵיהֶם מֵאָה פָרָשִׁים אַבִּירִים כֻּלָּם לְבוּשִׁים שִׁרְיוֹנֵי בַרְזֶל וּבִידֵיהֶם מָגִנִּים נוֹצְצִים, וַיְמַהֲרוּ וַיִקְרְבוּ אֶל שַׁרְכָּן וַאֲנָשָׁיו וַיִּקְרְאוּ בְקוֹל: אַךְ זֶה הַיּוֹם שֶׁקִּוִּינוּהוּ! זֶה לָנוּ יָמִים רָבִּים רוֹדְפִים אַחֲרֵיכֶם גַּם יוֹמָם גַּם לָיְלָה עַד הַדְבִּיקָנוּ אֶתְכֶם פֹּה, וְעַתָּה רְדוּ מֵעַל סוּסֵיכֶם וּתְנוּ בְיָדֵינוּ נִשְׁקְכֶם וְנַפְשְׁכֶם, לְמַעַן נְחַיֵיכֶם וְלֹא תָמוּתוּ.

וַיְהִי כִשְׁמֹעַ שַׁרְכָּן אֶת-דִּבְרֵיהֶם וַתְּעֻשֶּׁנָה עֵינָיו מִכַּעַס וּפָנָיו אָדְמוּ, וַיִּקְרָא: אֵיךְ הִרְהַבְתֶּם, הַכְּלָבִים, עֹז וַתָּבוֹאוּ אֶל אַרְצֵנוּ, וַתּוֹסִיפוּ עוֹד וַתְּדַבְּרוּ אֵלֵינוּ עַזּוֹת? הֲתַחְשְׁבוּ כִּי תִמָּלְטוּ מִיָּדֵינוּ וְתָשׁוּבוּ אֶל עָרֵיכֶם? וְאַחַר קָרָא אֶל מְאַת הַפָּרָשִׁים אֲשֶׁר אִתּוֹ וַיֹּאמֶר: הִנֵּה הַכְּלָבִים הָאֵלֶּה לִפְנֵיכֶם, וּמִסְפָּרָם כְּמִסְפַּרְכֶם. וַיְמַהֵר וַיִּשְׁלֹף חַרְבּוֹ וַיִּתְנַפֵּל עֲלֵיהֶם הוּא וְהַפָּרָשִׁים אֲשֶׁר אִתּוֹ, וְהַפְרַנְקִים עָרְכוּ לִקְרָאתָם וַיִּשְׂתָּרְעוּ עֲלֵיהֶם בֶּעֱזוּז חֵילָם, וַתְּהִי חֶרֶב אִישׁ בְּרֵעֵהוּ כָל-הַיּוֹם עַד בּוֹא הַלַּיְלָה, וְאַחַר נִפְרְדוּ שְׁנֵי הַמַּחֲנוֹת, וַיֶּאֱסֹף שַׁרְכָּן אֶת-אֲנָשָׁיו וַיִּפְקְדֵם וְהִנֵּה לֹא נִפְצַע בָּהֶם אִישׁ מִלְּבַד אַרְבָּעָה אֲשֶׁר נִפְצְעוּ פְצָעִים קַלִּים, וַיֹּאמֶר אֲלֵיהֶם שַׁרְכָּן: כָּל-יְמֵי חַיַּי צָלַלְתִּי בִמְצוּלוֹת הַקְּרָב, וּמֵעוֹדִי לֹא רָאִיתִי אֲנָשִׁים אַמִּיצֵי לֵב כַּפָּרָשִׁים הָאֵלֶּה. וַיֹאמְרוּ אֵלָיו: דַּע לְךָ, אֲדוֹנֵנוּ הַמֶּלֶךְ, כִּי יֶשְׁנוֹ בֵינֵיהֶם פָּרָשׁ פְרַנְקִי הַיּוֹצֵא לִפְנֵיהֶם, לוֹ עֹז וֶאֱיָל מֵאֵין כָּמוֹהוּ, אַךְ כָּל-אֲשֶׁר יִפֹּל בְּיָדוֹ יַעֲלִים עֵינָיו מִמֶּנּוּ וְלֹא יַהַרְגֵהוּ. וְלוּ אָבָה לְהָרְגֵנוּ כִּי אָז הֲרָגָנוּ כֻלָּנוּ. וַיְהִי כִשְׁמֹעַ שַׁרְכָּן אֶת-דִּבְרֵיהֵֶם וַתִּפָּעֶם רוּחוֹ וַיֹּאמֶר: מָחָר נַעֲרֹךְ מַעַרְכוֹתֵינוּ וְנֵצֵא לִקְרָאתָם, וְהָאֱלֹהִים יִהְיֶה בְעֶזְרֵנוּ. וַיָּלִינוּ הַלַּיְלָה וְלִבָּם מָלֵא תִקְוָה בְנִצְחוֹן יוֹם הַמָּחֳרָת.

וְהַפְרַנְקִים הִתְאַסְּפוּ עַל יַד מְפַקְּדָם, וַיֹאמְרוּ אֵלָיו: הַיּוֹם לֹא עָלָה בְיָדֵנוּ לַעֲשׂוֹת לְאוֹיְבֵינוּ דָבָר. וַיֹּאמֶר הַמְּפָקֵּד: מָחָר נַעֲמֹד בַּמַּעֲרָכָה וְנֵצֵא לִקְרָאתָם אִישׁ אַחֲרֵי רֵעֵהוּ. וַיָּלִינוּ גַם הֵם בַּלַּיְלָה הַהוּא וְלִבָּם מָלֵא תִקְוָה.

וַיְהִי בְאוֹר הַבֹּקֶר וַתֵּצֵא הַשֶּׁמֶש בְּרֹאשׁ הֶהָרִים וְהַגְּבָעוֹת. וַיִּרְכַּב הַמֶּלֶךְ שַׁרְכָּן, וְאִתּוֹ מֵאַת פָּרָשָׁיו. וַיָּבוֹאוּ אֶל שִׂדְרַת הַמַּעֲרָכָה וַיִּרְאוּ וְהִנֵּה הַפְרַנְקִים עוֹמְדִים כְּבָר בַּמַּעֲרָכָה הָכֵן, וַיִּקְרָא שַׁרְכָּן לַאֲנָשָׁיו: הִנֵּה אוֹיְבֵינוּ עוֹמְדִים בַּמַּעֲרָכָה, מַהֲרוּ וּגְשׁוּ אֲלֵיהֶם. אָז יֵצֵא מִבֵּין הַפְרַנְקִים כָּרוֹז וַיָּרָץ אֶל בֵּין שְׁתֵּי הַמַּעֲרָכוֹת וַיִּקְרָא אֶל שַׁרְכָּן וּפָרָשָׁיו: מִי מִגִּבּוֹרֵיכֶם – אֵלֵינוּ! וַיִּצֵא אֶחָד פָּרָשֵׁי שַׁרְכָּן וַיַּעֲמֹד בֵּין שְׁנֵי הַמַּחֲנוֹת וַיִּקְרָא: מִי יֵצֵא לְהִלָּחֵם בִּי? הָבָה יִקְרָבָה! הוּא טֶרֶם כִּלָּה לְדַבֵּר וְהִנֵּה אַחַד הַפְרַנְקִים יוֹצֵא לִקְרָאתוֹ, חָמוּשׁ בְּכָל-כְּלֵי נִשְׁקוֹ, וּבְגָדָיו שְׁזוּרִים חוּטֵי זָהָב, וְהוּא רוֹכֵב עַל סוּס לָבָן, וְהוּא צָעִיר לְיָמִים וּזְקָנוֹ טֶרֶם יִצְמָח. וַיָּאֶץ בְּסוּסוֹ עַד אֲשֶׁר עָמַד בְּאֶמְצַע הָרְחָבָה, וַיָּחֶל לְהַכּוֹתוֹ, וְהִנֵּה דְקָרָהוּ הַפְרַנְקִי בְּחַרְבּוֹ מְעַט וַיַּשְׁלִיכֵהוּ מֵעַל סוּסוֹ וַיִּקָּחֵהוּ בַשֶּׁבִי. וַיִּשְׂמְחוּ בוֹ כָל-אֲנָשָׁיו, וְלֹא נְתָנוּהוּ לָשׁוּב אֶל הַמַּעֲרָכָה וַיִּשְׁלְחוּ אַחֵר בִּמְקוֹמוֹ, וְגַם מֵהַמֻּשְׂלָמִים יָצָא אַחַד הַפָּרָשִׁים, הוּא אֲחִי הַשָּׁבוּי, וַיַּעַרְכוּ אִישׁ לִקְרַאת רֵעֵהוּ בְמֶשֶׁךְ שָׁעָה, וְאַחַר רָץ הפְרַנְקִי וַיִּטְעַן אֶת-הַמֻּשְׂלָם בִּקְצֵה רָמְחוֹ וַיַּשְׁלִיכֵהוּ מֵעַל סוּסוֹ וַיִּקָּחֵהוּ בַשֶּׁבִי.
וַיּוֹסִיפוּ הַפְרַנְקִים לַצֵאת אִישׁ אַחֲרֵי רֵעֵהוּ, וְהַמֻּשְׂלָמִים יוֹצְאִים לִקְרָאתָם וְנוֹפְלִים בִידֵיהֶם אֶחָד אֶחָד עַד אֲשֶׁר עָבַר הַיּוֹם וַיַּגִּיעַ הַלַּיְלָה. וַיִּרְאוּ וְהִנֵּה נִפְקְדוּ מֵהַמֻּשְׂלָמִים כְּעֶשְׂרִים אִישׁ אֲשֶׁר לֻקְּחוּ בַשֶּׁבִי.

וַיְהִי כִרְאוֹת שַׁרְכָּן אֶת-הַדָּבָר וַיִּחַר לוֹ מְאֹד וַיֹּאמֶר אֶל אֲנָשָׁיו: מָה-הַדָּבָר אֲשֶׁר קָרָנִי? מָחָר אֵצֵא אָנֹכִי בַּבֹּקֶר אֶל הַמַּעֲרָכָה וְדָרַשְׁתִּי כִי יִשְׁלְחוּ אֵלַי אֶת-מְפַקְדָּם לְמַעַן אֵדַּע לָמָּה זֶה בָא אֶל אַרְצֵנוּ, וְהִזְהַרְתִּיו מֵהִלָּחֵם אִתָּנוּ, וְהָיָה אִם יְמָאֵן לִשְׁמֹעַ בְּקוֹלִי וְשַׁבְנוּ וְנִלְחַמְנוּ אִתָּם, וְאִם הַשְׁלֵם יַשְׁלִים אִתָּנוּ וְכָרַתְנוּ אִתּוֹ בְרִית שָׁלוֹם. וַיָּלִינוּ בַלַּיְלָה הַהוּא עַד אוֹר הַבֹּקֶר.
וַיְהִי בַּבֹּקֶר וַיִּרְכְּבוּ שְׁנֵי הַגְּדוּדִים עַל סוּסֵיהֶם וַיַּעַמְדוּ שְׁתֵּי מַעֲרָכוֹת, וַיֹּאמֶר שַׁרְכָּן לַצֵאת אֶל הַמַּעֲרָכָה, וַיַּרְא וְהִנֵּה יוֹתֵר מֵחֲצִי הֲמוֹן מַחֲנֵה הַפְרַנְקִים הוֹלְכִים בָּרֶגֶל לִפְנֵי אַחַד פָּרָשֵׁיהֶם עַד הַגִּיעָם אֶל תּוֹךְ הַמַּעֲרָכָה. וַיִּתְבּוֹנֵן שַׁרְכָּן בָּפָּרָשׁ וְהִנֵּה הוּא הַמְּפַקֵּד, וְהוּא לָבוּשׁ מְעִיל קְטִיפָה כְּחֻלָּה, וּפָנָיו כִּפְנֵי הַלְּבָנָה בְהוֹפִיעָהּ, וְעָלָיו שִׁרְיוֹן קַשְׂקַשִּׂים, וּבְיָדוֹ חֶרֶב הֹדּוּ, וְהוּא רוֹכֵב עַל סוּס שָׁחוֹר, וּבְפָנָיו צִיצָה לְבָנָה, וְהַפָּרָשׁ צָעִיר לְיָמִים וְשֵׂעָר טֶרֶם צָמַח בִּלְחָיָיו. וַיָּאֶץ הפָּרָשׁ בְּסוּסוֹ עֲדֵי עָמְדוֹ בְתוֹךְ שְׂדֵה הַמַּעֲרָכָה, וַיִּפֶן אֶל הַמֻּשְׂלָמִים וַיְדַבֵּר אֲלֵיהֶם עֲרָבִית צֶחָה לֵאמֹר: הוֹי שַׁרְכָּן, הוֹי בֶּן-עוּמָר אַל נַעְמָן, הוֹי כּוֹבֵשׁ הַמִּבְצָרִים, הוֹי מַחֲרִיב הֶעָרִים, הֲרוֹאֶה אַתָּה כָל-הַגְּדוּד הַזֶּה? צֵא וְהַרְאֵה כֹחֶךָ, הֵן אַתָּה גְבִיר גְּדוּדְךָ הִנֶּךָ וְאָנֹכִי רֹאשׁ גְּדוּדִי, הָבָה נִלְחֲמָה שְׁנֵינוּ וַאֲשֶׁר יְנֻצַּח מִמֶּנּוּ וְהָיָה כָל-חֵילוֹ לַעֲבָדִים לִמְנַצְּחוֹ.
הוּא טֶרֶם כִּלָּה לְדַבֵּר וְשַׁרְכָּן נִתַּר מִמְּקוֹמוֹ וְלִבּוֹ מָלֵא זַעַם, וַיָּרֶץ אֶת-סוּסוֹ עַד אֲשֶׁר קָרַב אֶל הַפְרַנְקִי בַּמַּעֲרָכָה בִגְבוּרָה וּבְעָצְמָה וַיַּכֵּהוּ מַכַּת הַפָּרָשִׁים. וַיָּחֵלוּ לִדְקֹר וּלְהַכּוֹת אִישׁ אֶת-רֵעֵהוּ, וַיָּרוּצוּ וַיִּתְרוֹצְצוּ כִשְׁנֵי הַרְרֵי-עַד מִתְמוֹטְטִים, אוֹ כִשְׁנֵי יַמֵּי-תְהוֹם מִתְקוֹמְמִים. וַיֵּאָבְקוּ כָּל-הַיּוֹם עַד בּוֹא הַלַּיְלָה בְחֶשְׁכָּתוֹ וַיַּפְרֵד בֵּינֵיהֶם, וַיָּשׁוּבוּ אִישׁ אִישׁ אֶל גְּדוּדוֹ.

וַיְהִי כְבוֹא שַׁרְכָּן אֶל גְּדוּדוֹ וַיֹּאמֶר אֲלֵיהֶם: עוֹד טֶרֶם רָאִיתִי בְכָל יְמֵי חַיַּי כַּפָּרָשׁ הַזֶּה. אַךְ דָּבָר אֶחָד נִפְלָא בְעֵינַי, כִּי בְכָל-עֵת אֲשֶׁר יָכֹל לְהַכּוֹת אֶת-מִתְנַגְּדוֹ מַכַּת מָוֶת יַהֲפֹךְ רָמְחוֹ וְיַכֵּהוּ בְקָצֵהוּ הַשֵּׁנִי.

וַיָּלֶן שַׁרְכָּן בַּלַּיְלָה הַהוּא. וּבְאוֹר הַבֹּקֶר יָצָא הפְרַנְקִי שֵׁנִית אֶל הַמַּעֲרָכָה, וְשַׁרְכַָּן יָצָא לִקְרָאתוֹ. וַיָּחֵלוּ לְהֵאָבֵק וּלְהִתְגּוֹלֵל, וְעֵינֵי כָּל-הַמַּחֲנֵה נְשׂוּאוֹת אֲלֵיהֶם. וַיּוֹסִיפוּ מַכּוֹת רְמָחִים וְצִּלְצוּל שְׁלָחִים, עַד עָבַר יוֹם וַיַּאַת לָיְלָה. וַיָּשׁוּבוּ וַיִּפָּרְדוּ וַיֵּלְכוּ אִישׁ לְאֹהָלָיו, וַיְסַפְּרוּ לְרֵעֵיהֶם אֶת-אֲשֶׁר קָרָם, וְהַפְרַנְקִי אָמַר לְרֵעָיו: מָחָר וְיָדַעְנוּ אַחֲרִית דָּבָר. וַיָּלִינוּ הַלַּיְלָה עַד אוֹר הַבֹּקֶר, וַיָּשׁוּבוּ לְהֵאָבֵק עַד הַצָּהֳרָיִם. אָז הֶעֱרִים הַפְרַנְקִי וַיָּאֶץ בְּסוּסוֹ, וְאַחַר מְשָׁכָהוּ בְמִתְגוֹ וַיִּכָּשֵׁל וַיַּפִּילֵהוּ. וַיְמַהֵר שַׁרְכָּן וַיִּתְנַפֵּל עָלָיו וַיֹּאמֶר לְדָקְרֵהוּ בְחַרְבּוֹ, וְהִנֵּה הפְרַנְקִי קוֹרֵא: הוֹי שַׁרְכָּן, הֲכָזֹאת יַעֲשׂוּ הַפָּרָשִׁים? וַיְהִי כְשָׁמְעוֹ אֶת-דִּבְרֵי הפָּרָשׁ וַיִּתְבּוֹנֵן בּוֹ הֵיטֵב וְהִנֵּה הוּא אַבְרִיזָה הַמַּלְכָּה. וַיְהִי בְהַכִּירוֹ אוֹתָהּ וַיַּשְׁלֵךְ חַרְבּוֹ מִיָּדוֹ וַיִּקֹּד אַרְצָה לְפָנֶיהָ וַיֹּאמֶר אֵלֶיהָ: מָה הִמְרִיצֵךְ, גְבִרְתִּי, לַעֲשׂוֹת אֶת-הַמַּעֲשִׂים הָאֵלֶּה? וַתֹּאמֶר: אָמַרְתִּי לְנַסּוֹתְךָ בִשְׂדֵה הַמַּעֲרָכָה וְלִרְאוֹת כֹּחֲךָ בַמִּלְחָמָה, וְכָל-הַפָּרָשִׁים הָאֵלֶּה אֲשֶׁר אַתָּה רוֹאֶה הֵן נַעֲרוֹתַי, וְהֵן הֵן אֲשֶׁר נִצְחוּ אֶת-פָּרָשֶׁיךָ בַּמִּלְחָמָה אַךְ לֹא נָגְעוּ בָהֶם לְרָעָה. וְלוּלֵא נִכְשַׁל סוּסִי וַיַּשְׁלִיכֵנִי כִּי עַתָּה רָאִיתָ כֹּחִי וְעֹצֶם יָדִי, וַיְחַיֵּךְ שַׁרְכָּן וַיֹּאמֶר: בָּרוּךְ הָאֱלֹהִים אֲשֶׁר נָתַן שָׁלוֹם לָךְ וַיָּשָׁב לְקָרְבֵנוּ.

וְהַמַּלְכָּה אַבְרִיזָה קָרְאָה לְנַעֲרוֹתֶיהָ וַתְּצַו אוֹתָן לְהוֹצִיא לַחָפְשִׁי אֶת-עֶשְׂרִים הַשְּׁבוּיִים אֲשֶׁר שָׁבוּ מֵאַנְשֵׁי שַׁרְכָּן וְלָגֶשֶׁת אֶל שַׁרְכָּן בָּרֶגֶל וְלִדְרֹשׁ בִּשְׁלוֹמוֹ. וַתַּעֲשֶׂינָה הַנְּעָרוֹת כְּכָל-אֲשֶׁר פָּקְדָה עֲלֵיהֶן. וְאַחַר אָמְרָה לָהֶן: אָכֵן רָאִיתִי כִּי אוּכַל לִסְמֹךְ עֲלֵיכֶן בְּעֵת צָרָה. וְשַׁרְכָּן אָמַר לְאֲנָשָׁיו: דִּרְשׁוּ בִשְׁלוֹם הַגְּבֶרֶת. וַיְּקְרְבוּ כֻלָּם וַיִּקְּדוּ לְפָנֶיהָ אָרְצָה, וְשַׁרְכָּן הִגִּיד לָהֶם כָּל-אֲשֶׁר קָרָהוּ.

אַחֲרֵי הַדְּבָרִים הָאֵלֶּה שָׁבוּ מָאתַיִם הַפָּרָשִׁים אֲשֶׁר עִם שַׁרְכָּן וַיִּרְכְּבוּ סוּסֵיהֶם וַיֵּלְכוּ יוֹמָם וָלָיְלָה מֶשֶׁךְ שֵׁשֶׁת יָמִים עַד הַגִּיעָם אֶל מְקוֹמָם. אָז אָמַר שַׁרְכָּן לַמַּלְכָּה אַבְרִיזָה ולְנַעֲרוֹתֶיהָ לִפְשֹׁט אֶת-בִּגְדֵי הַפָּרָשִׁים הַפְרַנְקִים אֲשֶׁר עֲלַיהֶן וְלִלְבֹּשׁ בִּגְדֵי בְנוֹת הַיְּוָנִים, וַתַּעֲשֶׂינָה כִדָבָרָיו. וְאַחַר שָׁלַח אֲנָשִׁים מִידִידָיו אֶל בַּגְדָּד לְהוֹדִיעַ אֶת-אָבִיו אֶת-דְּבַר בּוֹאוֹ וַהֲבִיאוֹ אִתּוֹ אֶת-הַמַּלְכָּה אַבְרִיזָה בַת הַמֶּלֶךְ חַרְדוֹב מֶלֶךְ יָוָן, לְמַעַן יִשְׁלַח לְקַדֵּם פָּנֶיהָ. וַיֵּשְבוּ כֻלָּם בַּמָּקוֹם הַהוּא וַיָּלִינוּ בוֹ, וּבַּבֹּקֶר רָכַב שַׁרְכָּן הוּא וְכָל-אֲשֶׁר עִמּוֹ, וַתִּרְכַּב גַּם הַמַּלְכָּה אַבְרִיזָה וְכָל-אֲשֶׁר אִתָּהּ, וַיָּחֵלוּ לִנְסֹעַ, וְהִנֵּה לִקְרָאתָם הַוָּזִיר דִּנְדָּן וְאֶלֶף פָּרָשִׁים אִתּוֹ, יוֹצְאִים לְקַדֵּם פְּנֵי הַמַּלְכָּה אַבְרִיזָה וְשַׁרְכָּן, כִּי שְׁלָחָם הַמֶּלֶךְ עוּמָר אַל נַעְמָן, וּבְגִשְׁתָּם אֲלֵיהֶם יַרְדוּ וַיִּקְדוּ אָרְצָה, וְאַחַר שָׁבוּ וַיִּרְכְּבוּ כֻלָּם יַחַד וַיִּסְּעוּ עַד בּוֹאָם הָעִירָה לִפְנֵי הֵיכַל הַמֶּלֶךְ.

וַיְמַהֵר שַׁרְכָּן וַיָּבֹא אֶל אָבִיו, וַיָּקָם אָבִיו וַיְחַבְּקֵהוּ וַיִּשְׁאָלֵהוּ עַל כָּל-אוֹדוֹתָיו. וַיְסַפֵּר לו שַׁרְכָּן כָּל-אֲשֶׁר סִפְּרָה לוֹ הַמַּלְכָּה אַבְרִיזָה וְכָל-אֲשֶׁר קָרָהוּ אִתָּה, וְכִי עָזְבָה אֶת-אַרְצָהּ וְאֶת-בֵּית אָבִיהָ. וַיּוֹסֶף וַיֹּאמֶר: הִיא בָחֲרָה לִנְסֹעַ אִתָּנוּ וְלָשֶׁבֶת אֶצְלֵנוּּ. וּמֶלֶךְ קֻשְׁטַנְדִּינָה חִבֵּל תַּחְבּוּלוֹת כְּנֶגְדֵּנוּ בִּגְלַל צְפִיָּה בִתּוֹ, כִּי מֶלֶךְ יָוָן הוֹדִיעָהוּ כִּי נְתָנָהּ לְךָ לִתְשׁוּרָה בַאֲשֶׁר לֹא יָדַע כִּי בִתּוֹ הִיא, וְלוּ יָדַע זֹאת כִּי אָז הֱשִׁיבָהּ אֶל מְקוֹמָהּ. וְאַחַר אָמַר שַׁרְכָּן אֶל אָבִיו: אַךְ הִיא הִיא אֲשֶׁר הִצִּילַתְנִי מִידֵי הַהֶגְמוֹנִים, וּמִיָּמַי לֹא רָאִיתִי גִּבּוֹר וְחָזָק מִמֶּנָּה. וַיְסַפֵּר לְאָבִיו כָּל-אֲשֶׁר קָרָהוּ, מֵרֹאשׁ וְעַד סוֹף.

 

ה. אַבְרִיזָה בְּבֵית הַמֶּלֶךְ.    🔗

וַיְהִי כִשְׁמֹעַ עוּמָר אֶל נַעְמָן אֶת-דִּבְרֵי שַׁרְכָּן בְּנוֹ וַיִּגְדַּל כְּבוֹד אַבְרִיזָה בְעֵינָיו וַיִּשְׁתּוֹקֵק לִרְאוֹתָהּ. וַיֵּלֶךְ שַׁרְכָּן וַיַּגֶּד לָהּ לֵאמֹר: הִנֵּה הַמֶּלֶךְ קוֹרֵא לָךְ. וַתְּמַהֵר וַתָּבֹא. וְהַמֶּלֶךְ יוֹשֵׁב עַל כִּסְאוֹ וַיּוֹצֵא כָל-הַנִּצָּבִים עָלָיו, וְלֹא נִשְׁאָר בִּלְתִּי הַמְּשָׁרֵת. וַתִּגַּשׁ אַבְרִיזָה וַתִּקֹּד לִפְנֵי הַמֶּלֶךְ אַרְצָה, וַתְּדַבֵּר בְּחֵן שְׂפָתֶיהָ. וַיִּתְפַּלֵּא הַמֶּלֶךְ עַל נֹעַם דְּבָרֶיהָ וַיְהַלְּלֶנָּה עַל כָּל-אֲשֶׁר עָשְׂתָה לְשַׁרְכָּן בְּנוֹ, וַיֹּאמֶר לָהּ לָשֶׁבֶת וַתֵּשֵׁב, וַיִּתֵּן לָהּ הַמֶּלֶךְ הֵיכַל מְיֻחָד לָהּ וּלְנַעֲרוֹתֶיהָ, וְקִצְבָה קָצַב לָהּ כְּיַד הַמֶּלֶךְ. וְאַחַר שְׁאָלָהּ עַל דְּבַר הַחֲרוּזוֹת, וַתֹּאמֶר אֵלָיו: הִנֵּה הֵן אִתִּי, אֲדוֹנִי מֶלֶךְ הַזְּמַן, וַתָּקָם וַתֵּלֶךְ וַתַּתֵּר אֶת-חֲבִילוֹתֶיהָ וַתּוֹצֵא מִשָּׁם קֻפְסָה, וּבַקֻּפְסָה תַכְרִיךְ, וַתַּתִּירֵהוּ וַתּוֹצִיא מִמֶּנּוּ אֶת שְׁלֹשׁ הַחֲרוּזוֹת, וַתִּשַּׁק לָהֶן וַתִּתְּנֵן לַמֶּלֶךְ וַתֵּלַךְ.

וַיְהִי אַחֲרֵי צֵאתָהּ וַיִּשְׁלַח הַמֶּלֶךְ וַיִּקְרָא אֶת-שַׁרְכָּן בְּנוֹ וַיִּתֶּן לוֹ אַחַת הַחֲרוּזוֹת, וַיִּשְׁאָלֵהוּ שַׁרְכָּן לִשְׁתֵּי הַחֲרוּזוֹת הַנִּשְׁאָרוֹת. וַיֹּאמֶר הַמֶּלֶךְ: אֶת-הָאַחַת אֶתֵּן לְאָחִיךָ דַו אַל מַכָּן וְאֶת-הַשֵּׁנִית לַאֲחוֹתְךָ נִזְהַת אַל זְמָן. וַיְהִי כִשְׁמֹעַ שַׁרְכָּן כִּי עוֹד אָח לוֹ וּשְׁמוֹ דַו אַל מַכָּן, וַיִּפֶן אֶל אָבִיו וַיֹּאמֶר: אֲדוֹנִי הַמֶּלֶךְ, הַאֻמְנָם עוֹד בֵּן לְךָ מִבַּלְעָדָי? וְאָנֹכִי לֹא יָדָעְתִּי. וַיֹּאמֶר הַמֶּלֶךְ: כֵּן הַדָּבָר, וְהוּא כַיּוֹם בֶּן שֵׁשׁ שָׁנִים. וַיּוֹדִיעֵהוּ כִי אָחִיו וַאֲחוֹתוֹ נוֹלְדוּ תְאוֹמִים. וַיִּקֶשׁ הַדָּבָר לְשַׁרְכָּן, אֶפֶס כִּי הִתְאַפֵּק וַיַּסְתֵּר כַּעֲסוֹ בְּלִבּוֹ, וַיֹּאמֶר לְאָבִיו: יְבָרְכֵם הָאֵל, אָבִי, וַיַּשְׁלֵךְ אֶת-הַחֲרוּזָה מִיָּדוֹ וַיְנָעֵר חָצְנוֹ. וַיֹּאמֶר אֵלָיו הַמֶּלֶךְ: רוֹאֶה הִנְנִי כִּי שֻׁנּוּ פָנֶיךָ בְּשָׁמְעֲךָ אֶת-הַשְּׁמוּעָה הַזֹּאת, וְאַתָּה הֵן יָדַעְתָּ כִּי אַתָּה הוּא יוֹרֵשׁ הַמְּלוּכָה וְכָל-חֵילֵנוּ נִשְׁבַּע לְךָ שְׁבוּעַת אֱמוּנִים, הִנֵּה לְךָ אַחַת הַחֲרוּזוֹת, קָחֶנָּה לָךְ. וַיּוֹרֶד שַׁרְכָּן רֹאשׁוֹ וַיַּחֲשֹׁב מַחֲשָׁבוֹת, וַיֵּבוֹשׁ מִפְּנֵי אָבִיו וַיָּקָם וַיֵּלֶךְ מִבְּלִי דַעַת אֶת אֲשֶׁר יַעֲשֶׂה, כִּי גָּדוֹל כַּעֲסוֹ מְאֹד. וַיּוֹסֶף לַלֶכֶת עַד בּוֹאוֹ אֶל הֵיכַל אַבְרִיזָה הַמַּלְכָּה. וַיְהִי בְּבוֹאוֹ וַתָּקָם לִקְרָאתוֹ וַתְּבָרְכֵהוּ הוּא וְאָבִיו עַל חַסְדָּם אִתָּה, וַתּוֹשִׁיבֵהוּ לְצִדָּהּ. וַיְהִי כְשִׁבְתוֹ וַתַּכֵּר בְּפָנָיו אֶת רִשְׁמֵי הַכַּעַס וַתִּשְׁאָלֵהוּ עַל זֹאת, וַיּוֹדִיעֶנָּה כִּי עַתָּה נוֹדַע לוֹ כִּי לְאָבִיו נוֹלְדוּ מִצְפִיָּה גַם בֵּן גַּם בַּת, וְשֵׁם הַבֵּן דַו אַל מַכָּן ושֵׁם הַבַּת נֻזְהַת אַל זְמָן. וַיּוֹסֶף לֵאמֹר: וְעַתָּה נָתַן לָהֶם שְׁתַּיִם מֵהַחֲרוּזוֹת וְלִי נָתַן אֶת-הָאֶחָת, וָאֶעֶזְבֶנָּה. אַךְ לִבִּי לֹא נָח מִזַּעְפּוֹ עַל הַיְדִיעָה הַזֹּאת. וַתֹּאמֶר אַבְרִיזָה: וְאָנֹכִי אָמַרְתִּי כִּי לֹא יִתֵּן מֵהַחֲרוּזוֹת אַף אַחַת לְבָנָיו, כִּי שָׁמֹר יִשְׁמְרֵן בְּאוֹצְרוֹתָיו יַחַד עִם כָּל סְגֻלּוֹתָיו. וְעַתָּה אִם שׁוֹב תָּשׁוּב לָקַחַת אֶת-הַחֲרוּזָה אֲשֶׁר נָתַן לְךָ אָבִיךָ הוֹאֶל נָא וּתְנֶהָ לִי. וַיֹּאמֶר לָהּ: אֶעֱשֶׂה כִדְבָרָיִךְ. וַתֹּאמֶר אֵלָיו: אַל נָא תִדְאַג וְאַל יִפְּלוּ פָנֶיךָ. וַתֵּשֶׁב לְשׂוֹחֵחַ אִתּוֹ וַתֹּאמֶר: יְרֵאָה הִנְנִי פֶּן יִשְׁמַע אָבִי כִּי הִנְנִי בְבֵיתְכֶם וְהִשְׁתַּדֵּל לְדָרְשֵׁנִי מִיֶּדְכֶם, וְהִתְחַבֵּר עִם אַפְרִידוֹן הֶחָפֵץ לְחַלֵּץ אֶת-צְפִיָּה בִתּוֹ, וּבָאוּ שְׁנֵיהֶם עֲלֵיכֶם בְּרֹב חֵילָם. וַיֹּאמֶר שַׁרְכָּן: גְּבִרְתִּי, אִם שִׁבְתֵּךְ אִתָּנוּ תִנְעַם לָךְ אַל נָא תַחְשְׁבִי עַל אֹדוֹתָם, וְלוּ גַם יֵאָסְפוּ עָלֵינוּ כָל מַלְכֵי מִזְרָח וּמַעֲרָב. וַתֹּאמֶר אֵלָיו: הָבָה נְקַוֶּה אַךְ לְטוֹב. וְעַתָּה אִם הֵיטֵב תֵּיטִיבוּ אִתִּי וְנִשְׁאַרְתִּי בְתוֹכְכֶם, וְאִם תָּרֵעוּ לִי וְנָסַעְתִּי מִזֶּה. וְאַחַר צִוְּתָה עַל הַשְּׁפָחוֹת וַתַּגֵּשְׁנָה מַטְעַמִּים, וַיִּטְעַם שַׁרְכָּן מְעָט, וְאַחַר הָלַךְ לְבֵיתוֹ סָר וְזָעֵף.

וְעוּמָר אֶל נַעְמָן קָם אַחֲרֵי לֶכֶת שַׁרְכָּן בְּנוֹ וַיָּבֹא אֶל פִּילַגְשׁוֹ צְפִיָּה וְעִמּוֹ שְׁתֵּי הַחֲרוּזוֹת. וַיְהִי כַאֲשֶׁר רָאַתְהוּ וַתָּקָם וַתַּעֲמֹד עַל רַגְלֶיהָ עַד שִׁבְתּוֹ, וַיִּגְּשׁוּ אֵלָיו יְלָדָיו דַו אַל מַכָּן וְנֻזְהַת-אַל זְמָן. וַיְהִי כַאֲשֶׁר רָאָם וַיִּשַּׁק לָהֶם וַיִּתְלֶה עַל כָּל-אֶחָד מֵהֶם חֲרוּזָה אֶחָת. וַיִּשְׂמְחוּ הַיְלָדִים וַיִּשְּׁקוּ אֶת-יָדָיו וְאַחַר שָׁבוּ אֶל אִמָּם. וַתִּשְׂמַח בָּהֶם וַתְּבָרֶךְ אֶת-הַמֶּלֶךְ. וַיֹּאמֶר אֵלֶיהָ הַמֶּלֶךְ: וְאַתְּ לָמָּה לֹא הוֹדַעְתִּנִי בְּמֶשֶׁךְ כָּל-יְמֵי שִׁבְתֵּךְ אִתִּי כִּי בַת הַמֶּלֶךְ אַפְרִידוֹן מֶלֶךְ קֻשְׁטַנְדִּינָה הִנָּךְ? כִּי אָז הוֹסַפְנוּ לָךְ יְקָר עַל יְקָרֵךְ וַנָּרֶם מַעֲלָתֵךְ. וָתֹּאמֶר צְפִיָּה: אֲדוֹנִי הַמֶּלֶךְ, מַה-לִי לִדְרֹשׁ יְקָר יוֹתֵר מֵאֲשֶׁר הוֹקַרְתָּנִי? הֵן טָבַעְתִּי בְיַם חֲסָדֶיךָ וְטוֹבוֹתֶיךָ, וְהָאֱלֹהִים חָנַּנִי מִמְּךָ גַם בֵּן גַּם בַּת. וַיִּיטְבוּ דְבָרֶיהָ בְעֵינֵי הַמֶּלֶךְ וַיָּקָם וַיֵּלֶךְ וַיְצַו וַיָּכִינוּ לָהּ הֵיכָל מְפֹאָר, וַיַּעֲמֵד לְפָנֶיהָ מְשָׁרְתִים וּמְשָׁרְתוֹת, וַיָּבֵא אֶת יוֹדְעֵי דָת וָדִין וְאֶת-הַתּוֹכְנִים וְאֶת הָרוֹפְאִים וַיְצַוֵּם עַל יְלָדָיו. וְאַחַר שָׁב אֶל הֵיכַל מַלְכוּתוֹ לָשֶׁבֶת וְלִשְׁפֹּט אֶת-עַמּוֹ.

וַיִּזְכֹּר הַמֶּלֶךְ גַּם אֶת-אַבְרִיזָה הַמַּלְכָּה, וַתִּשָּׂא חֵן וָחֶסֶד לְפָנָיו בְּיָפְיָהּ וּבְטוּב טַעֲמָהּ, וַיִּכְבְּשֶׁנָּה לוֹ לְפִילֶגֶשׁ וַיִּתְעַלֵּס בָּהּ יָמִים, וְהִיא סָרָה וּזְעֵפָה וְלִבָּהּ מָלֵא מְרוֹרוֹת.

וַיְהִי כַעֲבֹר זְמַן וַיִּגְבְּרוּ גַעְגּוּעֶיהָ לְמוֹלַדְתָּהּ וּלְבֵית אָבִיהָ, וַתֵּבְךְּ וַתְּהִי נוּגָה וַעֲלוּבָה כָּל-הַיָּמִים. וְאַחַר סָגְרָה דֶלֶת בֵּיתָהּ וָתֹּאמֶר לְנַעֲרוֹתֶיהָ: אַל תִּתֵּנָה לְאִישׁ לָבוֹא אֵלַי, וְהִגַּדְתֶּן כִּי חוֹלָה הִנֵּנִי, עַד אֲשֶׁר אֵדַע אֶת אֲשֶׁר יַעֲשֶׂה הָאֱלֹהִים עִמָּדִי. וַתַּגִּיעַ הַשְּׁמוּעָה לְאָזְנֵי הַמֶּלֶךְ לֵאמֹר, הַמַּלְכָּה אַבְרִיזָה חוֹלָה, וְגַם אֵינֶנָּה נוֹתֶנֶת אֶת-אִישׁ לָבוֹא אֵלֶיהָ לִרְאוֹתָהּ. וַיִּשְׁלַח אֵלֶיהָ הַמֶּלֶךְ שִׁקּוּיִים וְסֻכָּר וְתוּפִינִים. וַיַּעַבְרוּ יְרָחִים אֲחָדִים וְהִיא סְגוּרָה וּמְסֻגֶּרֶת בְּבֵיתָהּ. וְאַהֲבַת הַמֶּלֶךְ אֵלֶיהָ הוֹלֶכֶת הָלוֹךְ וְרָפָה וַיִּשְׁכָּחֶנָּה, וְהִיא הָרָה לוֹ, וַיֵּצֶר לָהּ מְאֹד.

וַיְהִי הַיּוֹם וָתֹּאמֶר אַבְרִיזָה אֶל מַרְגָּ’נָה שִׁפְחָתָהּ: דְּעִי לָךְ כִּי לֹא הָאֲנָשִׁים הָאֵלֶּה הֵרֵעוּ לִי, כִּי אָנֹכִי בְנַפְשִׁי, אָנֹכִי עָזַבְתִּי אֶת-אָבִי וְאִמִּי וּמַמְלַכְתִּי, וְעַתָּה קָצָה נַפְשִׁי בְחַיַּי וְכֹחוֹתַי עֲזָבוּנִי, לְפָנִים שָׁלַטְתִּי בְסוּסִי הָאַבִּיר וְעַתָּה אֵינֶנִּי יְכוֹלָה גַם לִרְכַּב, וּלְלַעַג הִנְנִי בְעֵינֵיהֶם, וְאִם אָמַרְתִּי אָשׁוּבָה אֶל אָבִי אֵיכָכָה אֶשָׂא פָנַי אֵלָיו? וַתֹּאמֶר אֵלֶיהָ מַרְגָּ’נָה: עֲשִׂי כַטּוֹב בְּעֵינַיִךְ, הִנְנִי לְמִשְׁמַעְתֵּךְ. וַתֹּאמֶר: חָפַצְתִּי לַצֵאת מִזֶּה בַסֵּתֶר וְלָשׁוּב אֶל בֵּית הוֹרַי, וְהָאֱלֹהִים הַטּוֹב בְּעֵינָיו יַעֲשֶׂה. וַתֹּאמֶר: טוֹבָה עֲצָתֵךְ, אֲדוֹנָתִי הַמַּלְכָּה.

 

ו. אַבְרִיזָה שָׁבָה אֶל בֵּית אָבִיהָ.    🔗

וַתָּחֶל אַבְרִיזָה לְסַדֵּר עִנְיְנֶיהָ בַסֵּתֶר מֶשֶׁךְ יָמִים עַד אֲשֶׁר יָצָא הַמֶּלֶךְ לָצוּד צַיִד וּבְנוֹ שַׁרְכָּן הָלַךְ אֶל הַמִּבְצָרִים לְהִתְבּוֹנֵן בָּם. אָז אָמְרָה אֶל מַרְגָּ’נָה שִׁפְחָתָהּ: הַלַּיְלָה הִנְנִי אוֹמֶרֶת לִנְסֹעַ מִזֶּה, וְעַתָּה עוּצִי עֵצָה מַה-לַּעֲשׂוֹת, וְאַחַר חָשְׁבָה מְעַט וַתֹּאמֶר: לְכִי חַפְּשִׂי לָנוּ אִישׁ אֲשֶׁר יִסַּע אִתָּנוּ וִישָׁרְתֵנוּ בְדַרְכֵּנוּ, כִּי אָנֹכִי אֵינֶנִּי יְכוֹלָה עוֹד לָשֵׂאת נֶשֶׁק. וָתֹּאמֶר מַרְגָּ’נָה: אֵינֶנִּי מַכִּירָה בִּלְתִּי אִם עֶבֶד כּוּשִׁי וּשְׁמוֹ עַצְבָּן מֵעַבְדֵי הַמֶּלֶךְ עוּמַר אַל נַעְמָן, וְהוּא אִישׁ חָזָק וְגִבּוֹר וְהַמֶּלֶךְ צִוָּהוּ לְשָׁרְתֵנוּ. אֵצֵא אֵלָיו וְדִבַּרְתִּי אִתּוֹ בַדָּבָר הַזֶּה, וְגַם כֶּסֶף אַבְטִיחַ לָתֶת-לוֹ, וְאִם יֹאבֶה לְהִשָּׁאֵר אִתָּנוּ וְהֵיטַבְנוּ לוֹ. וָתֹּאמֶר אֵלֶיהָ: קִרְאִי לוֹ וְדִבַּרְתִּי אִתּוֹ. וַתֵּצֵא מַרְגָּ’נָה וַתִּקְרָא לְעַצְבָּן וַתֹּאמֶר אֵלָיו: שְׁמַע נָא, עַצְבָּן, אִם תִּשְׁמַע לַדָּבָר אֲשֶׁר תֹּאמַר אֵלֶיךָ גְבִרְתִּי וְהָיִיתָ מְאֻשָּׁר בַּחַיִּים. וַתִּקָּחֵהוּ וַתְּבִיאֵהוּ עַד לִפְנֵי הַמַּלְכָּה. וַיְהִי כַאֲשֶׁר רָאָהּ וַיִּשַּׁק יָדָהּ. וְאַבְרִיזָה אַךְ רָאַתְהוּ וַתָּקָץ נַפְשָׁהּ בּוֹ, אַךְ אָמְרָה בְלִבָּהּ: אַבְלִיגָה עַל רִגְשׁוֹתַי, כִּי אֵין דֶּרֶךְ אַחֶרֶת לְפָנָי. וַתֹּאמֶר אֵלָיו: הֲתִרְצֶה, עַצְבָּן, לְעָזְרֵנִי עַתָּה בַצַּר לִי? וְאִם אֲגַלֶּה לְךָ סוֹדִי הֲתַסְתִּירֵהוּ? וַיְהִי אַךְ הֵעִיף הַכּוּשִׁי עֵינוֹ בָהּ וַיַּחְמְדֶנָהּ בְלִבּוֹ, וַיֹּאמֶר: גְּבִרְתִּי, כָּל-אֲשֶׁר תְּצַוִּינִי אֶעֱשֶׂה. וַתֹּאמֶר: חָפַצְתִּי כִּי תִקָּחֵנִי אֲנִי וְשִׁפְחָתִי וּשְׁתֵּי בִכְרוֹת קַלּוֹת וּשְׁנֵי סוּסִים מִסּוּסֵי-הַמֶּלֶךְ הָאַבִּירִים, וְשַׂמְתָּ עַל כָּל-סוּס שְׁלִיף⁴ מָלֵא כֶסֶף וְזָהָב וְצֵדָה אֲשֶׁר אֶתֵּן לָךְ, וּהָלַכְתָּ אִתָּנוּ אֶל אֶרֶץ מוֹלַדְתִּי. וְהָיָה אִם תֹּאבֶה לָשֶׁבֶת אִתָּנוּ וְנָתַנּוּ לְךָ אַחַת מֵעַלְמוֹתֵינוּ אֲשֶׁר תִּבְחַר לְךָ לְאִשָּׁה וְחָיִיתָ חַיֵּי אֹשֶׁר. וְאִם תַּחְפֹּץ לָשׁוּב אֶל אַרְצְךָ וְנָתַנּוּ לְךָ אֵת אֲשֶׁר תְּאַוֶּה נַפְשֶׁךָ, מִלְּבַד הַכֶּסֶף אֲשֶׁר נִתַּן לְךָ דֵי צָרְכֶּךָ, וְשִׁלַּחְנוּךָ בְשָׁלוֹם. וַיִּשְׂמַח עַצְבָּן שִׂמְחָה גְדוֹלָה. וַיֹּאמֶר: גְּבִרְתִּי, אָנֹכִי אֲשָׁרֶתְכֶן וְאֵלֵךְ אִתְכֶן, וְאֶת-הַסּוּסִים אֶחְבּשׁ כַּאֲשֶׁר אָמָרְתְּ. וַיֵּצֵא וְלִבּוֹ שָׂמֵחַ.

וַיֵּלֶךְ וַיָּשָׁב וְאִתּוֹ שְׁתֵּי בִכְרוֹת קַלּוֹת וּשְׁלֹשָׁה סוּסִים, וְהוּא רוֹכֵב עַל הָאֶחָד מֵהֶם, וַיִּקְרַב אֶל הַמַּלְכָּה אַבְרִיזָה וַיַּגֶּשׁ אֵלֶיהָ אֶת-שְׁנֵי הַסּוּסִים, וַתִּרְכַּב הִיא עַל הַסּוּס הָאֶחָד וְאֶת-מַרְגָּ’נָה הִרְכִּיבָה עַל הַסּוּס הַשֵּׁנִי. וַיִּסְעוּ בֵין הֶהָרִים יוֹמָם וָלַיְלָה עַד אֲשֶׁר נִשְׁאַר עוֹד רַק מַסָּע יוֹם אֶחָד עַד גְּבוּלוֹת אַרְצָהּ, וְהִנֵּה אֲחָזוּהָ צִירִים וַחֲבָלִים וְלֹא יָכְלָה לְהִתְאַפֵּק וַתֹּאמֶר אֶל עַצְבָּן: הוֹרִידֵנִי כִּי אֲחָזוּנִי צִירִים, וְאֶל מַרְגָּ’נָה קָרְאָה: רְדִי וְיַלְדִינִי. וַתֵּרֶד מַרְגָּ’נָה מֵעַל סוּסָהּ וְגַם עַצְבָּן יָרַד מֵעַל סוּסוֹ וַיִּקְשֹׁר אֶת-הַסּוּסִים, וְהַמַּלְכָּה יָרְדָה מֵעַל אַבִּירָהּ וְהִיא נַעֲלָמָה מֵעָצְמַת מַכְאוֹבֶיהָ. וַיְהִי כִרְאוֹת עַצְבָּן אוֹתָהּ שׁוֹכֶבֶת עַל הָאָרֶץ וַיִּלְחַשׁ לוֹ הַשָּׂטָן בְּאָזְנָיו לְעַנּוֹתָהּ. וַיִּשְׁלֹף חַרְבּוֹ בְּפָנֶיהָ וַיַּגֶּד לָהּ אֶת-אֲשֶׁר בְּלִבּוֹ. וַיְהִי כְשָׁמְעָהּ אֶת דְּבָרָיו וַתִּקְרָא: אָכֵן בָּא עַתָּה תוֹר הָעֲבָדִים הַשְּׁחוֹרִים אַחֲרֵי סָרְבִי לַמְּלָכִים הָאַדִּירִים! וַתֵּפֶן אֵלָיו וַתִּקְרָא: אוֹי לָךְ! אֵיךְ נוֹעַזְתָּ לְהוֹצִיא מִפִּיךָ דְבָרִים כָּאֵלֶּה? אַל תּוֹסֶף עוֹד לְדַבֵּר בְּאָזְנַי, כִּי נִבְחָר לִי הַמָּוֶת מֵחַיֵּי קָלוֹן, וְעַתָּה כַּתֵּר לִי עַד אֲשֶׁר אֲסַדֵּר אֶת-דְּבַר הַיִּלּוֹד וְאַחַר תְּמִיתֵנִי. וְאִם לֹא תַרְפֶּה מִמֶּנִי אֶטְרֹף נַפְשִׁי בְכַפִּי וְרָוַח לִי מִכָּל-צָרוֹתָי.

וַתֵּבְךְּ תַּמְרוּרִים וַתִּקְרָא: הוֹי, עַצְבָּן! הַאָמְנָם כָּכָה גָדְלָה עַזּוּתְךָ, אַתָּה הַנִּקְלֶה? הַאָמְנָם חוֹשֵׁב אַתָּה כִּי אֵין אֱלֹהִים שׁוֹפְטִים בָּאָרֶץ?

וַיְהִי כִשְׁמֹעַ עַצְבָּן אֶת-דְבָרֶיהָ וַיִּקְצֹף מְאֹד וַחֲמָתוֹ בָעֲרָה בוֹ. וַתְּלַהֵטְנָה עֵינָיו וּנְחִירָיו הִתְנַפְּחוּ, וַיִּגַּשׁ אֵלֶיהָ וַיַּכֶּנָּה בְחַרְבּוֹ וַתָּמוֹת. וַיִּקַּח כָּל-כַּסְפָּה וַיִּרְכַּב עַל סוּסוֹ וְגַם אֶת-אַבִּירָהּ לָקַח אִתּוֹ, וַיִּבְרַח אֶל בֵּין הֶהָרִים וַיִּמָּלֵט.

וְהַיִּלּוֹד הָרַךְ יֶלֶד יָפֶה, וַתִּקָּחֵהוּ מַרְגָּ’נָה וַתְּנִיקֵהוּ וַתַּלְבִּישֵׁהוּ וַתְּשִׂימֵהוּ עַל יַד אִמּוֹ, וַיִּתְפֹּשׂ שָׁדֶיהָ וְהִיא מֵתָה. וַתִּצְעַק מַרְגָּ’נָה צְעָקָה גְדוֹלָה וּמָרָה, וַתִּקְרַע בְּגָדֶיהָ וַתָּשֶׂם עָפָר עַל רֹאשָׁהּ וַתִּתְיַפַּח וַתַּךְ עַל לְחָיֶיהָ עַד זֹב דָּם וַתִּקְרָא: הוֹי גְבִרְתִּי! אוֹי לָרָעָה הַמּוֹרָאָה! אֵיךְ הֲרָגָךְ עֶבֶד כּוּשִׁי נִבְזֶה!

וַיְהִי הִיא עוֹדֶנָּה בוֹכָה וְהִנֵּה אָבָק עוֹלֶה וַיְכַס אֶת-עֵין הָאָרֶץ, וְאַחַר הִתְפַּזֵּר וַיֵּרָא מֵאַחֲרָיו הֲמוֹן חַיִל גָּדוֹל.

וְהַחַיִל חֵיל הַמֶּלֶךְ חַרְדוֹב אָבִי הַמַּלְכָּה אַבְרִיזָה, כִּי שָׁמַע חַרְדוֹב כִּי בִתּוֹ בָרְחָה יַחַד עִם נַעֲרוֹתֶיהָ אֶל בַּגְדָּד, וְכִי הִיא בְבֵית הַמֶּלֶךְ עוּמָר אַל נַעְמָן. וַיֵּצֵא הוּא וַאֲנָשָׁיו לִשְׁאֹל אֶת-פִּי עוֹבְרֵי אֹרַח אִם יָדְעוּ דָּבָר עַל אֹדוֹתֶיהָ וְאִם שָׁמְעוּ כִּי אָכֵן הִיא בְּבֵית עוּמָר אַל נַעְמָן, וַיְהִי בְצֵאתוֹ מֵאַרְצוֹ הַרְחֵק דֶּרֶךְ יוֹם וַיַּרְא מֵרָחוֹק שְׁלֹשָׁה פָרָשִׁים וַיֹּאמֶר לִקְרַב אֲלֵיהֶם וּלְשָׁאֳלָם, אִם הֵם יוֹדְעִים דָּבָר עַל אֹדוֹת בִּתּוֹ, וְהַפָּרָשִׁים הָיוּ בִתּוֹ וְשִׁפְחָתָהּ וְעַצְבָּן, וַיְהִי כִרְאוֹת עַצְבָּן אֲנָשִׁים בָּאִים וַיְמַהֵר וַיַּהֲרֹג אֶת אַבְרִיזָה, וְאֶת-כָּל-רְכוּשָׁהּ לָקַח וַיִּמָּלֵט לְנַפְשׁוֹ.

וְהַמֶּלֶךְ נִגַּשׁ אֶל הַמָּקוֹם הַהוּא וְהִנֵּה לְפָנָיו בִּתּוֹ שׁוֹכֶבֶת עַל הָאָרֶץ מִתְבּוֹסֶסֶת בְּדָמֶיהָ וְשִׁפְחָתָהּ סוֹפֶדֶת לָהּ, וַיַּשְׁלֵךְ נַפְשׁוֹ מֵעַל סוּסוֹ וַיִּפֹּל אַרְצָה מִתְעַלֵּף. וַיֵּרְדוּ כָל-הַפָּרָשִׁים אֲשֶׁר אִתּוֹ מֵעַל סוּסֵיהֶם וַיִּתְקְעוּ אָהֳלֵיהֶם שָׁם, וְאֹהֶל גָּדוֹל תָּקְעוּ לַמֶּלֶךְ חַרְדוֹב, וְכָל-רַבֵּי הַמְּלוּכָה אֲשֶׁר אִתּוֹ עָמְדוּ נִצָּבִים פֶּתַח הָאֹהֶל, וּמַרְגָ’נָה רָאֲתָה אֶת-אֲדוֹנָהּ וַתַּכִּירֵהוּ וַתֹּסָף לִבְכּוֹת, וְהַמֶּלֶךְ הֵקִיץ מֵהִתְעַלְּפוּתוֹ וַיִּשְׁאָלֶנָּה עַל דָּבָר מוֹת בִּתּוֹ. וַתְּסַפֵּר לוֹ אֶת-כָּל-הַדָּבָר וַתֹּאמֶר אֵלָיו: הָאִישׁ אֲשֶׁר הָרַג אֶת-בִּתְּךָ הוּא עֶבֶד שָׁחוֹר מֵעַבְדֵי עוּמָר אַל נַעְמָן. וַיְהִי כְשָׁמְעוֹ זֹאת וַיֵּבְךְּ וַיִּתְאַבֵּל. וְאַחַר צִוָּה וַיָּבִיאוּ אַפִּרְיוֹן וַיִּשְׂאוּ בוֹ אֶת-גּוּפַת בִּתּוֹ וַיְבִיאוּהָ אֶל הֵיכָלוֹ וַיִּקְבְּרוּהָ שָׁם.

וַיֹּאמֶר הַמֶּלֶךְ חַרְדוֹב אֶל אִמּוֹ: הֲכָזֹאת יַעֲשׂוּ הַמֻּשְׂלָמִים בְּבִתִּי? הֲכָכָה קַל עֶרְכָּה בְּעֵינֵי מַלְכָּם עַד כִּי נְתָנָהּ בִּיְדֵי עֶבֶד שָׁחוֹר לְהָרְגָהּ! חֵי הַמָּשִׁיחַ, כִּי נָקָם אֶקַּח, נָקָם וְשִׁלֵּם, וְאֶת-הַחֶרְפָּה אָגֹל מֵעָלָי, וְאִם אַיִן אֶטְרֹף נַפְשִׁי בְכַפִּי.

וַתֹּאמֶר אֵלָיו אִמּוֹ: בְּנִי, לֹא הָרַג אֶת-בִּתְּךָ בִּלְתִּי אִם מַרְגָּ’נָה כִּי שְׂנֵאַתָּהּ בְּלִבָּהּ. וְאַחַר אָמְרָה אֶל בְּנָהּ: וּבִדְבַר נִקְמָתָהּ אֶל תֵּעָצֵב, כִּי אָנֹכִי לֹא אַרְפֶּה מֵעוּמָר אֶל נַעְמָן עַד אִם הֲרַגְתִּיו הוּא וּבָנָיו, וְעָשִׂיתִי בוֹ שְׁפָטִים אֲשֶׁר יְסֻפְּרוּ לַדּוֹר, אַךְ אַתָּה תִשְׁמֹר לַעֲשׂוֹת אֶת אֲשֶׁר אֲצַוֶּךָּ. וְדַע לְךָ כִּי כָל-הַמִּתְאַמֵּץ לְהַשִּׂיג דָּבָר יַשִּׂיגֶנּוּ, וַתּוֹסֶף וַתֹּאמֶר: וְעַתָּה הָבֵא מָאתַיִם נַעֲרָה בְתוּלָה, וּקְרָא לְחַכְמֵי הַדּוֹר וְלִמְדוּן חָכְמוֹת וּמַדָּעִים וְנִמּוּסֵי הַדִּבּוּר עִם הַמְּלָכִים וְהַיְשִׁיבָה בַחֶבְרָה. וּמֵחַכְמֵי הָאִשְּׂלָם תִּקַּח וְהוֹרוּן דִּבְרֵי יְמֵי הָעַרְבִים וְהֶחָ’לִיפִים, וְעָלֶיךָ, בְּנִי, לְהַאֲרִיךְ רוּחֲךָ וְלוּ גַם תִּדָּרַשְׁנָה לָזֹאת עֶשֶׂר שָׁנִים, כִּי אַחַד הָעַרְבִים אָמַר: גַּם מֶשֶׁךְ אַרְבָּעִים שָׁנָה קָצָר לִלְקִיחַת הַנְּקָמָה. וְאִם לַמֵּד נְלַמֵּד אֶת-הַצְּעִירוֹת אֵת אֲשֶׁר אָמַרְתִּי נַשִּׂיג מֵאוֹיְבֵנוּ אֶת אֲשֶׁר נְאַוֶּה, כִּי יָדוּעַ הוּא בְאַהֲבַת הַצְּעִירוֹת, וּבְהֵיכָלוֹ שְׁלֹשׁ מֵאוֹת וְשִׁשִׁים וְשֵׁשׁ צְעִירוֹת, מִלְּבַד הַצְּעִירוֹת אֲשֶׁר הָיוּ בְלִוְיַת בִּתֶּךָ. וְהָיָה כִּי תִכְלֶינָה שְׁנוֹת לִמּוּדָן וְלָקַחְתִּי אֶת-הַטּוֹבוֹת בָּהֶן, וְקַמְתִּי וְנָסַעְתִּי אִתָּן וּבָצַעְתִּי זְמָמִי.

וַיְהִי כִשְׁמֹעַ הַמֶּלֶךְ אֶת-דִּבְרֵי אִמּוֹ בַעֲלַת הַתַּחְבּוּלוֹת וַיָּקָם וַיִּשַׁק לָהּ בְרֹאשָׁהּ, וְאַחַר שָׁלַח מֵאֲנָשָׁיו אֶל קְצוֹת מַמְלַכְתּוֹ לְהָבִיא אֵלָיו אֶת-חַכְמֵי הַמֻּשְׂלָמִים. וַיֵּלְכוּ הָאֲנָשִׁים וַיָּבִיאוּ אֵלָיו אֶת-הַחֲכָמִים וְיוֹדְעֵי הַמַּדָּע כַּאֲשֶׁר בִּקֵשׁ. וַיְכַבְּדֵם הַמֶּלֶךְ כָּבוֹד גָּדוֹל וַיִּתֵּן לָהֶם חֲלִיפוֹת יְקָרוֹת וּמַשְׂכֹּרֶת וּמַתָּנוֹת, וַיַּבְטִיחֵם לְשַׁלֵּם לָהֶם כְּיַד הַמֶּלֶךְ בְּלַמְּדָם אֶת-הַנְּעָרוֹת כָּל-דְּבָר חָכְמָה וּמַדָּע. וַיַּעֲשׂוּ כִדְבַר הַמֶּלֶךְ.

 

ז. שַׁרְכָּן מֶלֶךְ דַּמֶּשֶׂק.    🔗

וְעוּמָר אַל נַעְמָן שָׁב אֶל הֵיכָלוֹ מִצֵּידוֹ וַיְצַו לְהָבִיא לְפָנָיו אֶת־אַבְרִיזָה הַמַּלְכָּה. וַיְחַפְּשׂוּ אַחֲרֶיהָ וְלֹא מְצָּאוּהָ. וְאִישׁ לֹא יָדַע אֵיפֹה הִיא וּמַה־מַּעֲשֶׂהָ, וַיֵּרַע הַדָּבָר בְּעֵינָיו וַיִּקְרָא: אֵיךְ תֵּצֵא צְעִירָה מֵהֵיכָלִי וְאָנֹכִי לֹא יָדָעְתִּי? אִם כָּכָה הִיא מַמְלַכְתִּי הֵן אָבֹד תֹּאֵבד. וְעַתָּה לֹא אוֹסִיף עוֹד לָצֵאת לָצוּד צַיִד עַד אִם אוֹשִׁיב אֲנָשִׁים בַּשְּׁעָרִים לִשְׁמֹר עַל כָּל־יוֹצֵא וָבָא.

וַיִּתְעַצֵּב אֶל לִבּוֹ מְאֹד לִבְרִיחַת הַמַּלְכָּה אַבְרִיזָה. וַיְהִי הוּא עוֹדֶנּוּ מִתְאַבֵּל וְשַׁרְכָּן בְּנוֹ בָא מִמַּסָּעוֹ, וַיּוֹדִיעֵהוּ אָבִיו כִּי בָרְחָה אַבְרִיזָה מֵהֵיכָלוֹ בִימֵי צֵידוֹ. וַיֵּצֶר לְשַֹרְכָּן מְאֹד וַיְהִי סָר וְזָעֵף.

אָז הֵחֵל הַמֶּלֶךְ לְבַקֵּר אֶת־יְלָדָיו יוֹם יוֹם, וַיִּתֵּן לָהֶם מַתָּנוֹת בְּאַהֲבָתוֹ אוֹתָם. וַיְהִי כִרְאוֹת שַׁרְכָּן אֶת־זֹאת וַיִּחַר לוֹ מְאֹד וַיְקַנֵּא בְאָחִיו, עַד אֲשֶׁר נִרְאוּ רִשְׁמֵי חֲמָתוֹ בְּפָנָיו וַיִּדַּל מְאֹד.

וַיְהִי הַיּוֹם וַיֹּאמֶר אָבִיו אֵלָיו: מַדּוּעַ הִנְנִי רוֹאֶה פָנֶיךָ דַלִּים וְגֵוְךָ הוֹלֵךְ וְרָפֶה מִיּוֹם לְיוֹם? וַיֹּאמֶר אֵלָיו שַֹרְכָּן: אָבִי, בְּכָל־עֵת אֲשֶׁר אֲנִי רוֹאֶה אוֹתְךָ מֵאִיר פָּנֶיךָ לְאָחִי וְלַאֲחוֹתִי תִּתְעוֹרֵר בִּי אֵשׁ הַקִּנְאָה וְיָרֵא הִנְנִי פֶן תִּגְדַּל עַד אֲשֶׁר אֶהֶרְגֵם וְאַתָּה תַהַרְגֵנִי בִגְלָלָם. וְעַתָּה הוֹאֶל־נָא וּתְנָה לִי מִבְצָר רָחוֹק וְיָשַׁבְתִּי בוֹ שְׁאֵרִית יְמֵי חַיָּי. הֲלֹא כֵן יֹאמְרוּ הַמּוֹשְׁלִים: רָחֳקִי מֵחֲבִיבִי יָפֶה וָטוֹב – עַיִן לֹא תַבִּיט וְלֵב לא יִתְעַצֵּב.

וַיְהִי כִשְׁמֹעַ עוּמָר אֶת־דְּבָרָיו, וַיֵּדַע כִּי אָכֵן הוּא הָאָשֵׁם בַּדָּבָר, וַיְדַבֵּר אֵלָיו רַכּוֹת וַיֹּאמֶר: בְּנִי, כְּחֶפְצְךָ כֵן אֶעֱשֶׂה. וְעַתָּה אֵין בְּמַמְלַכְתִּי גָדוֹל מִמִּבְצַר דַּמֶּשֶׂק וְהִמְלַכְתִּיךָ עָלָיו מֵעַתָּה. וַיִּקְרָא הַמֶּלֶךְ לַסּוֹפְרִים וַיְצַוֵּם לִכְתֹּב כְּתָב מִנּוּי לְשַׁרְכָּן בְּנוֹ עַל מְחוֹז דַּמֶּשֶׂק, וַיִכָּתְבוּ הַסְּפָרִים בְּשֵׁם הַמֶּלֶךְ, וַיָּכִינוּ לוֹ כָל־הַדָּרוּשׁ לוֹ לְמַסָּעוֹ. וַיְצַוֵּהוּ אָבִיו עַל דְּבַר הַמְּלוּכָה וְחָכְמַת הַמְּדִינָה, וַיִּשְׁלָחֵהוּ הוּא וְכָל־רַבֵּי הַמְּלוּכָה וְגַם אֶת־דִּנְדָּן וְזִירוֹ שָׁלַח אִתּוֹ. וַיֵּלֶךְ הוּא וְכָל־חֵילוֹ עַד בּוֹאָם דַּמֶּשְׂקָה. וַיְהִי בְהַגִּיעוֹ שָׁמָּה וַיֵּצְאוּ כָל־הָאֲנָשִׁים לִקְרָאתוֹ בִתְרוּעָה וּבַחֲצוֹצְרוֹת, וְאֶת־כָּל־הָעִיר הֵאִירוּ בְאוּרִים. וַיֵּלְכוּ לִקְרָאתוֹ בַסָּךְ, המַּיְמִינִים יָמִינָה וְהַמַּשְׂמְאִילִים שְׂמֹאלָה.

וַיְהִי אַחֲרֵי נְסֹעַ שַׁרְכָּן מֵאֵת פְּנֵי אָבִיו וַיַּעֲלוּ הַחֲכָמִים אֶל הַמֶּלֶךְ וַיֹּאמְרוּ אֵלָיו: אֲדוֹנֵנוּ הַמֶּלֶךְ, הִנֵּה גָמְרוּ בָנֶיךָ אֶת־לִמּוּדָם בַּחָכְמוֹת וּבְכָל־מַדָּע. וַיִּשְׂמַח הַמֶּלֶךְ מְאֹד וַיִּיטֶב לַחֲכָמִים, כִּי רָאָה כִּי גָדַל בְּנוֹ דַּו אַל מַכָּן וַיְהִי בָחוּר בָּרִיא וְרַעֲנָן, וְהוּא בֶן אַרְבַּע עֶשְׂרֵה שָׁנָה, טוֹב וְיָשָׁר לִפְנֵי אֱלֹהִים וַאֲנָשִׁים, וְכָל־יוֹשְׁבֵי בַגְדָּד הַגְּבָרִים וְהַנָּשִׁים אֲהֵבוּהוּ.

 

ח. בְּנֵי הַמֶּלֶךְ יְצָאוּהוּ.    🔗

וַיְהִי הַיּוֹם וַיַּעֲבֹר בְּבַגְדָּד מַחְמַל⁵ הָעִירָק לְהַזְכִּיר אֶת־הַמַּאֲמִינִים אֶת מִצְוַת־הַחַג'⁶ וּבִקּוּר קֶבֶר הַנָּבִיא. וַיְהִי כִרְאוֹת דַּו אַל מַכָּן אֶת־כָּל־הַכְּבוּדָה וַתֶּחֱשַׁק נַפְשׁוֹ לָלֶכֶת גַּם הוּא לָחֹג, וַיָּבֹא אֶל אָבִיו וָיַּגֶּד לוֹ אֶת־חֶפְצוֹ. וְלֹא נְתָנוֹ אָבִיו לַעֲשׂוֹת זֹאת, וַיֹּאמֶר אֵלָיו: חַכֵּה נָא עַד הַשָּׁנָה הַבָּאָה וְאָז נָחֹג שְׁנֵינוּ יַחְדָּו. וַיְהִי כִרְאוֹת הַנַּעַר כִּי מָנַע אָבִיו מִמֶּנּוּ אֶת־מַשְׂאַת נַפְשׁוֹ, וַיָּבֹא אֶל אֲחוֹתוֹ נֻזְהַת אַל זְמָן וְהִנֵּה הִיא עוֹמֶדֶת וּמִתְפַּלֶּלֶת. וַיְהִי בְכַלּוֹתָהּ תְּפִלָּתָהּ וַיֹּאמֶר אֵלֶיהָ: אֲחוֹתִי, נַפְשִׁי כָלְתָה לָלֶכֶת לָחֹג וּלְבַקֵּר אֶת־קֶבֶר נְבִיאֵנוּ וָאֲבַקְּשָׁה אֶת־אָבִינוּ עַל זֹאת וַיְמָאֵן לְמַלֵּא בַקָּשָׁתִי. וּבְכֵן הֶחְלַטְתִּי לָקַחַת אִתִּי כֶסֶף וְלָלֶכֶת לָחֹג בַּסֵּתֶר. וַתֹּאמֶר אֲחוֹתוֹ: חַי יְיָ כִּי תִקָּחֵנִי גַם אֲנִי אִתְּךָ וְאַל נָא תִמְנַע מִמֶּנִּי לְבַקֵּר קֶבֶר נְבִיאֵנוּ גַם אָנִי. וַיֹּאמֶר: טוֹב הַדָּבָר. הַלַּיְלָה, בִּגְבֹר הַחשֶׁךְ, תֵּצְאִי מִן הַמָּקוֹם הַזֶּה וְלֹא יִוָּדַע הַדָּבָר לְאִישׁ.

וַיְהִי בַחֲצִי הַלַּיְלָה וַתָּקָם נֻזְהַת אַל זְמָן וַתִּקַּח אִתָּהּ כֶּסֶף וְזָהָב. וַתִּלְבַּשׁ בִּגְדֵי גֶבֶר, וַתֵּלֶךְ עַד בּוֹאָהּ אֶל שַׁעַר הַהֵיכָל וַתִּמְצָא שָׁם אֶת־אָחִיהָ וְאֵת הַגְּמַלִּים טְעוּנִים. וַיִּרְכְּבוּ שְׁנֵיהֶם עַל הַגְּמַלִּים וַיֵּלְכוּ בַלַּיְלָה בֵין קְהַל הַחוֹגְגִים וַיִּסְּעוּ וַיֵּלְכוּ יָמִים רַבִּים עַד הַגִּיעָם אֶל מַכָּה הַקְּדוֹשָׁה. וַיַּעַמְדוּ בָעֲרָבָה וַיְמַלְּאוּ חֻקּוֹת הַחַג כְּמִשְׁפָּטָן, וְאַחַר אָמְרוּ לָשׁוּב עִם הַחוֹגְגִים לִמְקוֹמָם.

וַיֹּאמֶר דַּו אַל מַכָּן אֶל אֲחוֹתוֹ: אֲחוֹתִי, חָפֵץ הִנְנִי לִרְאוֹת גַּם אֶת־יְרוּשָׁלַיִם וְחֶבְרוֹן עִיר אַבְרָהָם עָלָיו הַשָּׁלוֹם. וַתֹּאמֶר נֻזְהַת אַל זְמָן: גַּם אֲנִי חָפַצְתִּי לָלֶכֶת שָׁמָּה. וַיֵּצֵא דַו אַל מַכָּן וַיִּשְׂכֹּר לוֹ וְלָהּ סוּסֵי־רֶכֶב עִם הַיְרוּשַׁלְמִיִּים, וְגַם צֵידָה הֵכִין לְדַרְכָּם, וַיִּסָּעוּ. וַיְהִי בַלַּיְלָה הַהוּא וַתִּתְקֹף קַדַּחַת אֵת נֻזְהַת אַל זְמָן וַתָּחַל. וַיְהִי הִיא הִבְרִיאָה וְהִנֵּה חָלָה אָחִיהָ, וַתְּהִי הִיא מְפַקַּחַת עָלָיו. וַיּוֹסִיפוּ לִנְסֹעַ עַד הַגִּיעָם יְרוּשָׁלָיְמָה. אָז חָזְקָה הַמַּחֲלָה עַל דַּו אַל מַכָּן וַיֶּחֱלַשׁ וְכֹחוֹ עֲזָבָהוּ. וַיֵּרְדוּ אֶל חָן⁷ שָׁמָּה וָיִשְׂכְּרוּ לָהֶם חֶדֶר וַיֵּשְׁבוּ בוֹ. וְהַמַּחֲלָה הָלְכָה וְחָזְקָה עַל דַּו אַל מַכָּן עַד אֲשֶׁר רָזָה וַיִּכְחַשׁ מְאֹד. וַתִּתְעַצֵּב נֻזְהַת אַל זְמָן אֶל לִבָּהּ מְאֹד וַתֹּאמֶר: אֵין עֹז וְאֵין אֱיָל אֶלָּא בְאַלָּהּ! זֹאת הִיא גְזֵרַת הַאֵל עָלֵינוּ. וַתֵּשֶׁב הִיא וְאָחִיהָ בַּמָּקוֹם הַהוּא. וְהַמַּחֲלָה הוֹלֶכֶת וַחֲזָקָה, וְהִיא מְשָׁרֶתֶת אוֹתוֹ וְדוֹאֶגֶת לְצָרְכֵי שְׁנֵיהֶם עַד אֲשֶׁר תַּם הַכֶּסֶף אֲשֶׁר אִתָּם. וַתִּשְׁלַח אֶת־נַעַר הֶחָן הַשּׁוּקָה וְאִתּוֹ מְעַט מִבְּגָדֶיהָ לְמָכְרָם. וַתַּעַשׂ כָּכָה עַד אֲשֶׁר תַּם כָּל־אֲשֶׁר אִתָּהּ, לֹא נִשְׁאַר לָהֶם בִּלְתִּי אִם מַחְצֶלֶת קְרוּעָה, וַתֵּבְךְּ וַתֹּאמֶר: אָכֵן יְשָׁרִים דַּרְכֵי יְיָ לְעוֹלָם. וַיֹּאמֶר אֵלֶיהָ דַו אַל מַכָּן: אֲחוֹתִי, מַרְגִּישׁ הִנְנִי כִּי הִנְנִי הוֹלֵךְ וּמַבְרִיא וְנַפְשִׁי מִתְאַוָּה בְשַׂר צָלִי. וַתֹּאמֶר אֲחוֹתוֹ: אָחִי, בּשְׁתִּי לְבַקֵּשׁ נְדָבוֹת, אַךְ מָחָר אָבוֹא אֶל בֵּית אַחַד הַגְּדוֹלִים וְעָבַדְתִּי שָׁם וְהִשַּׁגְתִּי בִמְחִיר עֲבוֹדָתִי צָרְכֵי חַיֵּי שְׁנֵינוּ. וְאַחַר שָׁבָה לַחְשֹׁב וַתֹּאֶמר: קָשֶׁה עָלַי לְהִפָּרֵד מִמְּךָ וְאַתָּה חוֹלֶה וְרָצוּץ; אַךְ מָה אוּכַל לַעֲשׂוֹת? וַיֹּאמֶר אָחִיהָ: הַאָמְנָם אַחֲרֵי הֱיוֹתֵךְ כְּבוּדָה תֵּזְלִי כָּכָה? אֵין עֹז וְאֵין אֱיָל אֶלָּא בְאַלָּהּ! וַיֵּבְךְ וַתֵּבְךְ אִתּוֹ גַם הִיא, וַתֹּאמֶר: אָחִי, שְׁנֵינוּ הִנְנוּ זָרִים פֹּה, וְעַתָּה זֶה לָנוּ כְשָׁנָה בַּמָּקוֹם הַזֶּה וְאַף אִישׁ לֹא דָפַק עַל דַּלְתֵּנוּ לִשְׁאֹל לָנוּ וְלִשְׁלוֹמֵנוּ. וְעַתָּה הַאָמְנָם נִתַּם לִגְוֹעַ? אֵין עֵצָה כִּי אִם לָצֵאת וּלְשָׁרֵת, וְהֵבֵאתִי אֵלֶיךָ הַדָּרוּשׁ לְכַלְכְּלָתְךָ עַד אֲשֶׁר תַּבְרִיא וְאַחַר נִסַּע שְׁנֵינוּ הַבָּיְתָה.

וַתָּקָם נֻזְהַת אַל זְמָן וַתְּכַס רֹאשָׁהּ בַּחֲתִיכַת שִׂמְלָה מִשִּׂמְלוֹת הַגַּמָּלִים אֲשֶׁר שְׁכֵחָהּ בְּעָלֶיהָ בְחַדְרָם, וַתִּשַּׁק רֹאשׁ אָחִיהָ וַתְּחַבְּקֵהוּ, וַתֵּצֵא מִלְּפָנָיו וְהִיא בוֹכִיָּה וְלֹא יוֹדַעַת אָנָה לָלֶכֶת. וְאָחִיהָ יוֹשֵׁב בְּחַדְרוֹ וּמְחַכֶּה לָהּ עַד אֲשֶׁר קָרְבָה עֵת הָעֶרֶב וְהִיא טֶרֶם שָׁבָה; וַיָּשָׁב וַיְחַכֶּה עַד אֲשֶׁר הֵאִיר אוֹר הַבֹּקֶר וְהִיא אֵינֶנָּה.

 

ט. הַרְפַּתְקוֹת בֶּן־הַמֶּלֶךְ.    🔗

וַיַּעַבְרוּ יוֹמַיִם וְנֻזְהַת אַל זְמָן אֵינֶנָּה. וַיִּקֶשׁ הַדָּבָר עַל דַּו אַל מַכָּן וַיֶּחֱרַד לִבּוֹ, וְהָרָעָב הֵצִיק לוֹ מְאֹד. וַיֵּצֵא מֵחֶדְרוֹ וַיִּקְרָא לְנַעַר הֶחָן וַיֹּאמֶר אֵלָיו: שָׂאֵנִי נָא הַשּׁוּקָה. וַיִּשָּׂאֵהוּ אֶל הַשּׁוּק. וַיִּתְאַסְּפוּ בְנֵי יְרוּשָׁלַיִם מִסָּבִיב לוֹ, וַיֵּצֶר לָהֶם לִרְאוֹת בְּסִבְלוֹתָיו. וַיּתְחַנֵּן לִפְנֵיהֶם כִּי יִתְּנוּ לוֹ דָבָר לֶאֱכֹל, וַיָּבִיאוּ לוֹ אֲחָדִים מֵהַסּוֹחֲרִים אֲשֶׁר בָּרְחוֹב מְעַט כֶּסֶף, וַיִּקְנוּ לוֹ אֹכֶל וַיְכַלְכְּלוּהוּ, וְאַחַר נְשָׂאוּהוּ וַיְשִׂימוּהוּ עַל דּוּכָן, וַיִּפְרְשׂוּ לוֹ יְצוּעַ, וּלְיַד רֹאשׁוֹ שָׂמוּ בַקְבּוּק מָיִם, וּבְבוֹא הַלַּיְלָה הָלְכוּ כֻלָּם מֵעָלָיו וְלִבָּם כּוֹאֵב לוֹ. וַיְהִי בַחֲצִי הַלַּיְלָה וַיִּזְכֹּר דַּו אַל מַכָּן אֶת־אֲחוֹתוֹ וַתֶּחֱזַק מַחֲלָתוֹ עָלָיו, וְלֹא אָכַל וְלֹא שָׁתָה וַיִּתְעַלָּף. וְאַנְשֵׁי הַשּׁוּק קָמוּ בַבֹּקֶר וַיֶּאֶסְפוּ לוֹ שְׁלֹשִים שֶׁקֶל כֶּסֶף מֵאֵת הַסּוֹחֲרִים, וַיִּשְׂכְּרוּ לוֹ גָמָל וַיֹּאמְרוּ אֶל הַגַּמָּל: שָׂאֵהוּ וְהֲבִיאֵהוּ עַד דַמֶּשֶׂק, וְשַׂמְתָּ אוֹתוֹ בְּבֵית הַחוֹלִים אֲשֶׁר שָׁם, אוּלַי יְחָנֵּהוּ הָאֵל וְיַבְרִיא מִמַּחֲלָתוֹ. וַיֹּאמֶר לָהֶם: עַל רֹאשִׁי⁸, אֲדוֹנָי. וּבְנַפְשׁוֹ אָמַר: אֵיכָכָה זֶה אוּכַל לְהוֹלִיךְ חוֹלֶה כָזֶה הַהוֹלֵךְ לָמוּת עַד דַמֶּשֶׂק? וַיּוֹצִיאֵהוּ אֶל מְקוֹם סֵתֶר עַד הָעֶרֶב, וּבָעֶרֶב הִשְׁלִיכָהוּ אֶל מְקוֹם שֶׁפֶךְ דֶּשֶׁן מוֹקֵד בֵּית־הַמֶּרְחָץ, וְהוּא הָלַךְ לְדַרְכּוֹ.

וַיְהִי בַּבֹּקֶר וַיֵּצֵא מַסִּיק הַמֶּרְחָץ לַעֲבוֹדָתוֹ, וַיִּמְצָא אֶת־דַּו אַל מַכָּן מֻשְׁלָךְ עַל גַּבּוֹ, וַיֹּאמֶר: הַאֻמְנָם לֹא מָצְאוּ מָקוֹם אַחֵר לְהַשְׁלִיךְ אֶת־הַמֵּתִים בִּלְתִּי אִם פֹּה? וַיִּתְפְּשֵׂהוּ בְרַגְלוֹ וַיִּתְנוֹעֵעַ. וַיִּקְרָא אֵלָיו הַיַּקְדָּן: כֵּן, אֶת־הֶחָשִׁישׁ⁹ תִּלְעָסוּ, וְאַחַר תַּשְׁלִיכוּ עַצְמְכֶם בְּכָל־מָקוֹם אֲשֶׁר תִּמְצָאוּ! וְאַחַר הִתְבּוֹנֵן בְּפָנָיו וַיִּרְאֵהוּ וְהִנֵּה הוּא צָעִיר חָלָק, וְשֵׂעָר טֶרֶם צָמַח בְּפָנָיו, וְהוּא יָפֶה וְנֶחְמָד לְמַרְאֶה. וַיִּכְמְרוּ רַחֲמָיו עָלָיו, וַיֵּדַע כִּי חוֹלֶה הוּא וְנָכְרִי. וַיֹּאמֶר: אֵין עֹז וְאֵין אֱיָל אֶלָּא בְּאַלָּהּ! אָכֵן חָטוֹא אֶחֱטָא בְנֶפֶשׁ הַנַּעַר, וּנְבִיאֵנוּ עָלָיו הַשָּׁלוֹם הֵן צִוָּנוּ לְחוֹנֵן נָכְרִים. וַיִּשָּׂאֵהוּ וַיְבִיאֵהוּ אֶל בֵּיתוֹ, וַיְצַו עַל אִשְׁתּוֹ לְשַׁרְתֵהוּ וּלְהַצִּיעַ לוֹ שְׁטִיחַ לְמִשְׁכָּבוֹ, וַתַּצִּיעַ לוֹ יְצוּעוֹ וְכַר שָׂמָה לִמְרַאֲשׁוֹתָיו, וּמַיִם חִמְּמָה לוֹ וַתִּרְחַץ פָּנָיו וְיָדָיו וְרַגְלָיו. וְהַיַּקְדָּן יָצָא הַשּׁוּקָה וַיָּבֵא מְעַט מֵי וְרָדִים וְסֻכָּר, וַיִּזְלֹף מֵי הַוְּרָדִים עַל פָּנָיו, וְאֶת־מֵי הַסֻּכָּר נָתַן לוֹ לִשְׁתּוֹת, וַיֹּצֵא לוֹ כֻתֹּנֶת נְקִיָּה וַיַּלְבִּישֵׁהוּ. וַתָּשָׁב רוּח הַנַּעַר אֵלָיו וַיִּשָּׁעֵן עַל הַכָּר. וַיִּשְׂמַח הַיַּקְדָּן וַיֹּאמֶר: יְהִי שֵׁם יְיָ מְבֹרָךְ! אָנָּא, אֵל רַחוּם, שְׁלַח נָא רִפְאוּת הַצָּעִיר הַזֶּה עַל יָדִי.

וְלֹא חָדַל הַיַּקְדָּן לְטַפֵּל בּוֹ שְׁלֹשֶׁת יָמִים, וְהוּא מַשְׁקֵהוּ סֻכָּר וּמֵי פִרְחֵי הָעֲרָבָה וּמֵי וְרָדִים וּמְדַבֵּר אֵלָיו רַכּוֹת וּמְלַטְּפֵהוּ, עַד אֲשֶׁר הִבְרִיא כָּלִיל וַיִּפְתַּח עֵינָיו. וַיְהִי כְבוֹא הַיַּקְדָּן וַיִּרְאֵהוּ יוֹשֵׁב וּפָנָיו פְּנֵי אִישׁ בָּרִיא, וַיֹּאמֶר אֵלָיו: מַה־שְּׁלוֹמְךָ, בְּנִי? וַיֹּאמֶר: תּוֹדָה לָאֵל, הִנְנִי בָרִיא וְשָׁלֵם. וַיְבָרֵךְ הַיַּקְדָּן אֶת־הָאֱלֹהִים עַל זֹאת, וַיְּמַהֵר הַשּׁוּקָה ויִּקֶּן לוֹ עֶשֶׂר תַּרְנְגֹלוֹת וַיְבִיאֵן אֶל אִשְׁתּוֹ וַיֹּאמֶר אֵלֶיהָ: שַׁחֲטִי לוֹ בְכָל־יוֹם שְׁתַּיִם מֵהֶן, אַחַת בַּבֹּקֶר וְאַחַת בָּעֶרֶב.

וַתָּקָם וַתִּשְׁחַט לוֹ תַרְנְגֹלֶת וַתִּשְׁלְקֶהָ וַתָּבֵא אֵלָיו וַתַּאֲכִילֵהוּ וַתַּשְׁקֵהוּ מִמְּרָקָהּ. וַיְהִי כְּכַלּוֹתוֹ לֶאֱכֹל וַתַּגֶּשׁ אֵלָיו מַיִם חַמִּים, וַיִּרְחַץ יָדָיו וַיִּשָּׁעֵן עַל הַכָּר, וַתְּכַסֵּהוּ בִשְׂמִיכָה וַיִּישַׁן עַד הָעֶרֶב. וַתָּקָם וַתִּשְׁלֹק לוֹ תַרְנְגֹלֶת שְׁנִיָּה וַתְּבִיאֶהָ אֵלָיו וַתְּבַתְּרֶהָ וַתֹּאמֶר אֵלָיו: אֱכֹל־נָא, בְּנִי. וַיְהִי הוּא אוֹכֵל וּבַעֲלָהּ בָּא וַיִּמְצָאֶנָּה בְּכַלְכְּלָהּ אוֹתוֹ, וַיֵּשֶׁב עַל יָדוֹ וַיֹּאמֶר אֵלָיו: מַה־שְּׁלוֹמְךָ, בְּנִי, עָתָּה? וַיֹּאמֶר: הִנְנִי בָּרִיא, תּוֹדָה לָאֵל. יִגְּמָלְךָ הָאֵל אַךְ טוֹב כִּגְמוּלְךָ עָלָי. וַיִּשְׂמַח הַיַּקְדָּן וַיֵּצֵא וַיָּבֵא אֵלָיו מַשְׁקֵה הַסֶּגֶל וּמֵי הַוְּרָדִים וַיַּשְׁקֵהוּ. וְהַיַּקְדָּן מִשְׂתַּכֵּר בַּעֲבוֹדָתוֹ יוֹם יוֹם חֲמִשָּׁה דִרְהָמִים, וְקָנָה לוֹ בְדִרְהָם אֶחָד סֻכָּר וּמֵי וְרָדִים וּמַשְׁקֵה הַסֶּגֶל, וּבַדִרְהָם הַשֵּׁנִי יִקְנֶה לוֹ תַרְנְגֹלוֹת. וַיְפַקַּח עָלָיו כָּל־הָעֵת עַד עֲבֹר חֹדֶשׁ יָמִים, וְאוֹתוֹת הַמַּחֲלָה לֹא נִרְאוּ עוֹד עַל פָּנָיו.

וַיִּשְׂמַח הַיַּקְדָּן וְאִשְׁתּוֹ, וַיֹּאמֶר אֵלָיו: בְּנִי, הֶחָפֵץ אַתָּה לָלֶכֶת אִתִּי אֶל בֵּית־הַמֶּרְחָץ? וַיֹּאמֶר: כֵּן. וַיֵּלֶךְ הַשּׁוּקָה וַיָּבֵא אֵלָיו חַמָּר וַיַּרְכִּיבֵהוּ עַל חֲמוֹרוֹ וַיַּחֲזֶק־בּוֹ עַד הַגִּיעוֹ אֶל הַמֶּרְחָץ, וַיּוֹשִׁיבֵהוּ, וְהוּא שָׁב הַשּׁוּקָה וַיָּבֵא עֲלֵי לוֹט וַיֹּאמֶר אֶל דַּו אַל מַכָּן: בּוֹא נָא בְשֵׁם יְיָ וְרָחַצְתִּי בְשָׂרֶךָ. וַיָּבוֹאוּ שְׁנֵיהֶם אֶל תָּא הָרַחֲצָה, וַיָּחֶל הַיַּקְדָּן לְגָרֵד רַגְלֵי דַו אַל מַכָּן וְלִרְחֹץ גֵּווֹ בְעֲלֵי הַלּוֹט, וְהִנֵּה בָא הַבַּלָּן אֲשֶׁר שְׁלָחָהוּ אֲדוֹנֵי הַמֶּרְחָץ אֶל דַּו אַל מַכָּן לְשָׁרְתֵהוּ וַיִּמְצָא אֶת־הַיַּקְדָּן רוֹחֵץ אוֹתוֹ וּמְגָרֵד רַגְלָיו. וַיִּגַּשׁ אֵלָיו וַיֹּאמֶר: הֵן זֹאת הִיא עֲבוֹדָתִי אֲשֶׁר שְׁלָחַנִי אֲדוֹנִי לַעֲשׂוֹתָהּ. וַיֹּאמֶר הַיַּקְדָּן: חַי יְיָ כִּי הִגְבִּיר אֲדוֹנְךָ חַסְדּוֹ עָלֵינוּ. וַיָּחֶל הַבַּלָּן לְגַלֵּחַ שְׂעַר דַּו אַל מַכָּן וּלְסוּכוֹ. וַיְהִי אַחֲרֵי גָמְרָם לִרְחֹץ וַיְבִיאֵהוּ הַיַּקְדָּן אֶל בֵּיתוֹ וַיַּלְבִּישֵׁהוּ כֻתֹּנֶת צְחוֹרָה דַקָּה וּבֶגֶד מִבְּגָדָיו, וּמִצְנֶפֶת יָפָה צָנַף לְרֹאשׁוֹ, וַחֲגוֹרָה דַקָּה חָגַר לוֹ בְּמָתְנָיו. וְאֵשֶׁת הַיַּקְדָּן שָׁחֲטָה לוֹ שְׁתֵּי תַרְנְגֹלוֹת וַתְּבַשְּׁלֵן, וַיְהִי כְבוֹא דַו אַל מַכָּן הַבַּיְתָה וַיָּסֶב עַל הַמִּטָּה וַיָּקָם הַיַּקְדָּן וַיָּמֶס לוֹ הַסֻּכָּר בְּמֵי הַוְּרָדִים וַיַּשְׁקֵהוּ. וְאַחַר הִגִּישׁוּ אֵלָיו הַשֻּׁלְחָן, וְהַיַּקְדָּן הֵחֵל לְבַתֵּר לוֹ מֵהַתַּרְנְגֹלֶת וּלְהַאֲכִילֵהוּ וּלְהַשְׁקוֹתוֹ מֵהַשְּׁלוּקִים עַד אֲשֶׁר שָׂבַע, וַיִּרְחַץ יָדָיו וַיְבָרֶךְ אֶת־הָאֱלֹהִים אֲשֶׁר הִבְרִיאָהוּ.

אַחַר הַדְּבָרִים הָאֵלֶּה אָמַר דַּו אַל מַכָּן אֶל הַיַּקְדָּן: אָכֵן אַתָּה הוּא אֲשֶׁר שְׁלָחֲךָ הָאֵל אֵלַי לְהַחֲיוֹתֵנִי, וּבְרִיאוּתִי שָׁבָה אֵלַי אַךְ עַל יָדֶיךָ. וַיֹּאמֶר הַיַּקְדָּן: חֲדַל לְךָ מִדַּבֵּר כַּדְּבָרִים הָאֵלֶה, וְהַגֵּד לִי מַה־סִּבַּת בּוֹאֲךָ אֶל עִירֵנוּ זֹאת, וּמֵאַיִן אָתָּה, כִּי רוֹאֶה הִנְנִי עַל פָּנֶיךָ אוֹתוֹת הָעשֶׁר. וַיֹּאמֶר אֵלָיו דַּו אַל מַכָּן: הַגֶּד־נָא לִי אַתָּה רִאשׁוֹנָה אֵיךְ הִגַּעְתִּי אֵלֶיךָ וְאַחַר אֲסַפֵּר לְךָ אֶת־סִפּוּרִי אָנִי.

וַיֹּאמֶר אֵלָיו הַיַּקְדָּן: הָלֹךְ הָלַכְתִּי לַעֲבוֹדָתִי בְאַחַד הַיָּמִים וָאֶמְצָאֲךָ מֻשְׁלָךְ עַל שֶׁפֶךְ דֶּשֶׁן הַמֶּרְחָץ לִפְנוֹת בֹּקֶר בְּפֶתַח בֵּית הַמּוֹקֵד, וְלֹא יָדַעְתִּי מִי הִשְׁלִיכְךָ שָׁמָּה, וָאֶקָּחֲךָ וָאֲבִיאֲךָ אֵלָי. זֶה כָל־סִפּוּרִי.

וַיֹּאמֶר דַּו אַל מַכָּן: יִשְתַּבַּח מְחַיֶּה הָעֲצָמוֹת הַיְבֵשׁוֹת, אָכֵן פָּעַלְתָּ חֶסֶד לָרָאוּי לוֹ, וְעוֹד תֹּאכַל פְּרִי חַסְדְּךָ וּמַעֲשֶׂיךָ הַטּוֹבִים. וְאַחַר שְׁאָלָהוּ: מָה הַעִיר אֲשֶׁר הִנְנִי בָהּ כַּיּוֹם? וַיֹּאמֶר אֵלָיו: הִנְךָ בִירוּשָׁלָיִם. וַיִּזְכֹּר דַּו אַל מַכָּן אֶת־גֵּרוּתוֹ וְהִפָּרְדוֹ מֵאֲחוֹתוֹ, וַיֵּעָצֵב אֶל לִבּוֹ, וַיְגַלֶּה סוֹדוֹ לַיַּקְדָּן, וַיְסַפֶּר־לוֹ סִפּוּרוֹ, וַיִּשָּׂא קוֹלוֹ וַיֵּבְךְ. וַיֹּאמֶר אֵלָיו הַיַּקְדָּן: אַל נָא תִבְכֶּה, בְּנִי, וְתֵן תּוֹדָה לָאֵל עַל הַבְרָאָתֶךָ.

וַיִּרְבּוּ הַיָּמִים וְדַו אַל מַכָּן יוֹשֵׁב בְּבֵית הַיַּקְדָּן בִּמְנוּחָה וּבְלִי כָל־דְּאָגָה.

וַיְהִי הַיּוֹם וַיֹּאמֶר דַּו אַל מַכָּן אֶל הַיַּקְּדָּן: הַגִּידָה נָא לִי מָה הַמֶּרְחָק בֵּינֵינוּ וּבֵין דַּמֶּשֶׂק? וַיֹּאמֶר: מַהֲלַךְ שִׁשָּׁה יָמִים. וַיֹּאמֶר דַּו אַל מַכָּן: הֲתִרְצֶה לְשָׁלְחֵנִי דַמֶּשְׂקָה? וַיֹּאמֶר הַיַּקְדָּן: אֲדוֹנִי, אִם חָפַצְתָּ לִנְסֹעַ דַמֶּשְׂקָה אֵלְכָה אִתְּךָ גַם אָנִי, וְאִם תֹּאבֶה אִשְׁתִּי לִשְׁמֹעַ בְּקוֹלִי וְלִנְסֹעַ אִתִּי כִּי עַתָּה נָגוּר כֻּלָּנוּ שָׁם, כִּי קָשָׁה עָלַי הַפְּרִידָה מִמֶּךָּ. וְאַחַר פָּנָה הַיַּקְדָּן אֶל אִשְׁתּוֹ וַיֹּאמֶר: הֲתִרְצִי לִנְסֹעַ אִתִּי דַמֶּשְׂקָה אוֹ תֵשְׁבִי פֹה עַד הָבִיאִי אֶת־אֲדֹנִי שָׁמָּה וְאָשׁוּב אֵלָיִךְ? כִּי אוֹמֵר הוּא לִנְסֹעַ דַּמֶּשְׂקָה וּפְרִידָתוֹ קָשָׁה עָלַי מְאֹד, אַף יָרֵא הִנְנִי עָלָיו מִשּׁוֹדְדֵי הַדְּרָכִים. וַתֹּאמֶר הָאִשָּׁה: גַּם אָנֹכִי אֶסַּע אִתְּכֶם. וַיֹּאמֶר הַיַּקְדָּן: בָּרוּךְ הָאֱלֹהִים עַל אֲשֶׁר נָתַן בְּלִבֵּךְ לְמַלֵּא חֶפְצֵנוּ.
וַיָּקָם הַיַּקְדָּן וַיִּמְכֹּר חֲפָצָיו וְחֶפְצֵי אִשְׁתּוֹ, וַיִּקְנֶה לוֹ גָמָל, וַחֲמוֹר שָׂכַר לוֹ, וַיַּרְכֵּב אֶת־דַּו אַל מַכָּן עָלָיו וַיֵּצְאוּ לְדַרְכָּם, וַיִּסְעוּ שֵׁשֶת יָמִים עַד בּוֹאָם דַּמֶּשְׂקָה. וְהֵמָּה בָּאוּ לִפְנוֹת עֶרֶב וַיַּחֲנוּ שָׁם. וַיֵּלֶךְ הַיַּקְדָּן וַיִּקְנֶה לָהֶם אֹכֶל וּמַשְׁקֶה וַיֵּשְׁבוּ שָׁם חֲמֵשֶׁת יָמִים. וַיְהִי מִקֵּץ חֲמֵשֶׁת יָמִים וַתֶּחֱלֶה אֵשֶׁת הַיַּקְדָּן יָמִים אֲחָדִים, וַתֵּאָנֵשׁ וַתָּמֹת. וַיִּקֶשׁ הַדָּבָר עַל דַּו אַל מַכָּן כִּי הִיא טִפְּלָה בוֹ כְאֵם, וְהַיָּקְדָּן בָּכָה וַיִּתְאַבֵּל. וַיְנַחֲמֵהוּ דַו אַל מַכָּן וַיִּתְנַחֵם מְעָט. וַיֹּאמֶר אֵלָיו: הַתִרְצֶה, בְּנִי, לָצֵאת וְלִרְאוֹת אֶת־דַּמֶּשֶׂק וּפָג צַעֲרֵנוּ מְעָט? וַיֹּאמֶר דַּו אַל מַכָּן: כִּדְבָרֶיךָ, יְדִידִי. וַיָּקָם הַיַּקְדָּן וַיֹּאחַז בְּיַד דַּו־אַל מַכָּן וַיֵּלְכוּ עַד בּוֹאָם אֶל לִפְנֵי אֻרְווֹת מוֹשֵׁל דַּמֶּשֶׂק, וַיִּרְאוּ וְהִנֵּה שָׁם גְּמָלִים טְעוּנִים תֵּבוֹת וּמַצָעִים וַאֲרִיגֵי מְשִׁי וְרִקְמָה, וְסוּסִים חֲבוּשִׁים, וַעֲבָדִים, וּצְעִירִים, וְכָל־הַקָּהָל עָסוּק וְטָרוּד. וַיֹּאמֶר דַּו אַל מַכָּן: הָבָה נִרְאֶה לְמִי כָל־הַצְּעִירִים וְהַגְּמַלִּים וְהָאֲרִיגִים הַאֵלֶּה? וַיִּשְׁאַל אֵת אַחַד הַמְּשָׁרְתִים: לְמִי כָל־הַכְּבוּדָה הַזֹּאת? וַיֹּאמֶר: זֹאת הִיא תְשׁוּרַת אֲמִיר דַּמֶּשֶׂק שְׁלוּחָה אֶל הַמֶּלֶךְ עוּמָר אַל נַעְמָן בַּגְדָּדָה יַחַד עִם מַס דַּמֶּשֶׂק. וַיְהִי כִשְׁמֹעַ דַּו אַל מַכָּן אֶת־שֵׁם אָבִיו וָתִּמָּלֶאנָה עֵינָיו דְמָעוֹת וַיֵּבְךְּ מָרָה, וַיָּשָׁר לֵאמֹר:

פָּנים אֲשֶׁר פָּנוּ וְהוֹדֵי תָאֳרָם יִתְיַּצְבוּ מֵעֵת לְעֵת נִכְחֵנוּ, נִתְאַב לְמַרְאֵיהֶם וְהֵמָּה שׁוֹכְנִים חַדְרֵי צְלָעֵינוּ וּבִנְתָחֵינוּ. יָבְשׁוּ עֲצָּמֵינוּ, וּמִי יִתֵּן רְבִיב חֶבְרָה יְהִי נוֹזֵל לְהַפְרִיחֵנוּ. נִסַּע וְנֵלֵךְ אֶל מְקוֹמֵיהֶם וְאֶת־ זִכְרָם נְשַׁו צֵדָה עֲלֵי אָרְחֵנוּ.

וַיָּשָׁב וַיֵּבְךְּ בְּכִי תַמְרוּרִים. וַיֹּאמֶר אֵלָיו הַיַּקְדָּן: בְּנִי, הֵן רַבּוֹת עָמַלְנוּ עַד אֲשֶׁר חָנַּנּוּ הָאֵל לִרְאוֹתְךָ בָרִיא וְרַעֲנָן כַּיּוֹם, וְעַתָּה הֲתָשׁוּב וּתְבַלַּע בְּרִיאוּתֶךָ? וְלֹא חָדַל לְהַרְגִּיעֵהוּ בִדְבָרָיו וּלְשַׁעְשְׁעֵהוּ, וְדַו אַל מַכָּן נֶאֱנָח וְנֶאֱנָק מָרָה וְדִמְעוֹתָיו נוֹזְלוֹת עַל לְחָיָיו. וַיֹּאמֶר הַיַּקְדָּן: רוֹאֶה הִנְנִי כִּי זָכַרְתָּ אֶת־אַרְצְךָ וְעַל כֵּן הָמוּ מֵעֶיךָ לָהּ. וַיֹּאמֶר דַּו אַל מַכָּן: אָכֵן כֵּן הַדָּבָר, וְאֵינֶנִּי יָכוֹל עוֹד לָשֶׁבֶת פֹּה. עַתָּה אֶפָּרֵד מִמְּךָ וְנָסַעְתִּי עִם הָאֲנָשִׁים הָאֵלֶּה וְהָלַכְתִּי אִתָּם לְאַט עַד הַגִּיעִי אֶל אַרְצִי. וַיּׂאמֶר אֵלָיו הַיַּקְדָּן: וְגַם אֲנִי אֵלֵךְ אִתְּךָ, כִּי לֹא אוּכַל עוֹד לְהִפָּרֵד מִמֶּךָּ, וְאַחֲרֵי אֲשֶׁר הַחִלּוֹתִי לְפַקֵּחַ עָלֶיךָ לֹא אֶחְדַּל מִשָּׁרֶתְךָ עַד אִם הֲבִיאוֹתִיךָ אֶל מְקוֹמֶךָ. וַיֹּאמֶר דַּו־אַל מַכָּן: יִגְמָלְךָ הָאֵל כִּגְמוּלְךָ עָלָי. וַיִּשְׂמַח מְאֹד לִנְסִיעַת הַיַּקְדָּן אִתּוֹ. וְהַיַּקְדָּן יָצָא וַיִּקְנֶה לוֹ חֲמוֹר וַיִּמְכֹּר אֶת־גְּמַלּוֹ וַיָּכֶן לוֹ צֵידָה. וַיֹּאמֶר אֶל דַּו אַל מַכָּן: רְכַב עַל הַחֲמוׁר הַזֶּה, וְכַאֲשֶׁר תִּיעַף תֵּרֵד וְתֵלֵךְ בָּרֶגֶל. וַיּׁאמֶר דַּו אַל מַכָּן: יְבָרֶכְךָ יְיָ וְיַעַזְרֵנִי לִגְמָלְךָ כְּעַל כָּל־טוּבְךָ עָלָי. כִּי אָכֵן גְמַלְתַּנִי¹⁰ יוֹתֵר מֵאֲשֶׁר יִגְמֹל אִיש אֶת־אָחִיו.
וַיְהִי בַחֲשֹׁךְ הַלַּיְלָה וַיִּטְעֲנוּ צֵידָתָם וְחֶפְצֵיהֶם עַל הַחֲמוֹר וַיֵּלְכוּ עִם הָאוֹרְחָה הַהוֹלֶכֶת בַּגְדָּדָה.
אֵלֶּה קוֹרוֹת דַּו אַל מַכָּן וְהַיַּקְדָּן.

 

י. הַרְפַּתְקוֹת בַּת־הַמֶּלֶךְ.    🔗

וְנֻזְהַת אַל זְמָן נִפְרְדָה מֵעַל אָחִיהָ וַתֵּצֵא מֵהֶחָן אֲשֶׁר גָּרוּ בוֹ בִירוּשָׁלַיִם, אַחֲרֵי הִתְעַטְּפָהּ בִּסְחָבַת הַשִּׂמְלָה הַקְּרוּעָה, וַתֵּצֵא לָלֶכֶת לְשָׁרֵת בְּאַחַד הַבָּתִּים לְמַעַן תּוּכַל לִקְנוֹת לְאָחִיהָ אֶת־הַצְּלִי אֲשֶׁר אִוְּתָּה נַפְשׁוֹ. וַתֵּצֶא וְלֹא יָדְעָה לְאָן לָלֶכֶת וְלִבָּהּ דּוֹאֵג לְאָחִיהָ. וַתִּזְכֹּר אֶת־בֵּיתָהּ וּמוֹלַדְתָּהּ, וַתִּתְחַנֵּן אֶל הָאֱלֹהִים לְחַלְּצָם מִצָּרָתָם.

וַתֵּלֶךְ וַתֵּפֶן יָמִינָה וּשְׂמֹאלָה, וְהִנֵּה שֵׁיךְ בֶּדְוִי נוֹסֵעַ וְאִתּוֹ חֲמִשָּׁה עַרְבִים. וְהַשֵּׁיךְ נָשָׂא עֵינָיו אֶל נֻזְהַת אַל זְמָן וַיַּרְא וְהִנֵּה הִיא יְפַת תֹּאַר וְעַל רֹאשָׁהּ סְחָבָה קְרוּעָה וַיִּשְׁתָּאֶה וַיֹּאמֶר בְּלִבּוֹ: אַך זוֹ יָפָה מַקְסִימָה לְבָבוֹת! וַיֵּלֶךְ אַחֲרֶיהָ לְאַט לְאַט עַד עָמְדוֹ לְפָנֶיהָ בְּמֵיצַר הַדֶּרֶךְ, וַיִּקְרָא לָהּ וַיִּשְׁאָלֶנָּה לְעִנְיָנָהּ, וַיֹּאמֶר אֵלֶיהָ: הֲבַת חֹרִין אַתְּ אוֹ מִקְנַת כָּסֶף? וַתָּרֶם עֵינֶיהָ אֵלָיו וַתֹּאמֶר: חֵי נַפְשֶׁךָ, אַל נָא תְחַדֵּשׁ יְגוֹנִי וְעִצְבוֹנִי. וַיֹּאמֶר אֵלֶיהָ: שֵׁשׁ בָּנוֹת הָיוּ לִי וְכֻלָּן מֵתוּ, וְלֹא נִשְׁאֲרָה מֵהֶן בִּלְתִּי אִם הָאֶחָת, וְהִיא הַקְּטַנָּה בָהֶן, וָאֹמַר: אֶשְׁאָלֵךְ אִם מִבְּנוֹת הָעִיר הַזֹּאת הִנָּךְ אוֹ נָכְרִיָּה לְמַעַן אֶקָּחֵךְ אֶל בִּתִּי לְשַׁעְשְׁעֶנָּה וּלְנַחֲמָהּ מְעַט עַל אַחְיוֹתֶיהָ. וְאִם אֵין לָךְ כָּל־דּוֹאֵג לָךְ וְשַָׂמְתִּיךְ כְּאַחַת מִבְּנוֹתַי וְהָיִית לִי לְבַת. וַיְהִי כִשְׁמֹעַ נֻזְהַת אַל זְמָן אֶת־דְּבָרָיו וַתֹּאמֶר בְּלִּבָּהּ: מִי יוֹדֵעַ? אוּלַי אֶמְצָא לִי מְנוּחָה בְּבֵית הַשֵֹּיךְ הַזֶּה. וַתּוֹרֵד רֹאשָּׁהּ בְּבוּשָׁה וַתֹּאמֶר: דּוֹדִי, נַעֲרָה עֲרָבִית נָכְרִיָּה הִנֵּנִי, וְלִי אָח חוֹלֶה, וְעַתָּה הָלֹךְ אֵלֵךְ אִתְּךָ אֶל בִּתְּךָ, אַךְ בְּחֶבְרָתָהּ אֶהְיֶה רַק בַּיּוֹם, וּבַלַּיְלָה אֵלְכָה אֶל אָחִי. אִם תִּתְּנֵנִי לַעֲשׂוֹת כַּדָּבָר הַזֶּה הָלֹךְ אֵלֵךְ אִתְּךָ, כִּי נָכְרִיָּה הִנְנִי וְנִקְלָה אַחֲרֵי הֱיוֹתִי כְבוּדָה בְעַמִּי, וְאָנֹכִי וְאָחִי בָאנוּ הֵנָּה מֵאֶרֶץ חִיגָ’ז, וִירֵאָה הִנְנִי פֶּן לֹא יֵדַע אָחִי אַחֲרֵי כֵן אֶת־מְקוֹמִי. וַיֹּאמֶר הַבֶּדְוִי: אֵין נִכְבָּד בְּעֵינַי מִמֵּךְ, וְכָל־חֶפְצִי הוּא רַק כִּי תְשַׁעְשְׁעִי אֶת־בִּתִּי יוֹמָם וּבָעֶרֶב תֵּלְכִי אֶל אָחִיךְ; וְאִם תִּרְצִי תְבִיאִיהוּ אֵלֵינוּ.


וַיּוֹסֶף הַבֶּדְוִי וַיְדַבֵּר אֵלֶיהָ רַכּוֹת עַד אֲשֶׁר הוֹאִילָה לְשָׁרֵת בְּבֵיתוֹ, וַיֵלֶךְ לְפָנֶיהָ וְהִיא אַחֲרָיו, וְאֶל אֲשֶׁר אִתּוֹ רָמַז וַיֵּלְכוּ לְפָנָיו, וַיָּכִינוּ הָאֲנָשִׁים אֶת־הַגְּמַלִּים בְּשַׁעַר הָעִיר וַיִּטְעֲנוּ עֲלֵיהֶם אֶת־הַמַּשָּׂאוֹת וְנֹאדוֹת הַמַּיִם וְשַׂקֵּי הַצֵּידָה, וּבְהַגִּיעַ הַבֶּדְוִי אֲלֵיהֶם דָּפְקוּ בַּגְּמַלִּים וַיִּסָּעוּ.
וְהַבֶּדְוִי שׁוֹדֵד וְנוֹכֵל וְרַב תַּחְבּוּלוֹת, וְלֹא בֵן לוֹ וְלֹא בַת, וַיּוֹסֶף לְדַבֵּר אֵת נֻזְהַת אַל זְמָן עַד צֵאתָם אֶל מִחוּץ לְשַׁעֲרֵי יְרוּשָׁלָיִם וַיַּדְבֵּק אֶת־אֶחָיו, וַיִּרְכַּב עַל גָּמָל וְאֶת נֻזְהַת אַל זְמָן הִרְכִּיב מֵאַחֲרָיו וַיִּסְּעוּ כָּל־הַלָּיְלָה. וַתֵּדַע נֻזְהַת־אַל זְמָן כִּי אָכֵן שִׁקֵּר לָהּ הָאִישׁ וַיּוֹנֶהָ, וַתֵּבְךְּ וַתִּצְעַק כָּל־הַלָּיְלָה. וְהֵם נוֹסְעִים דֶּרֶךְ הֶהָרִים, מְקוֹם לֹא עָבַר אָדָם בּוֹ לְמַעַן לֹא יִרְאֵם אִישׁ. וַיְהִי בִקְרֹב מוֹעֵד עֲלוֹת הַשַׁחַר וַיֵּרְדוּ מֵעַל הַגְּמַלִּים וַיִּגַּשׁ הַבֶּדְוִי אֶל נֻזְהַת אַל זְמָן וַיֹּאמֶר אֵלֶיהָ: הָעַלְמָה, מַה־ לָּךְ בּוֹכָה? חַי יְיָ כִּי אִם לֹא תֶחְדְּלִי לִבְכּוֹת אַכֵּךְ מַכּוֹת מָוֶת. וַיְהִי כְשָׁמְעָהּ וַתָּקָץ בְּחַיֶּיהָ וַתִּשְׁאַל אֶת־נַפְשָׁהּ לָמוּת, וַתֵּפֶן אֵלָיו וַתֹּאמֶר: הוֹי זָקֵן אַשְׁמָי, הוֹי שֵׂיבַת שְׁאוֹל, אֵיכָכָה הֶאֱמַנְתִּי בְּךָ וְאַתָּה רִמִּיתַנִי, וְהִנְךָ אוֹמֵר עוֹד לְיַסְּרֵנִי! וַיְהִי כְשָׁמְעוֹ דְבָרֶיהָ וַיִּקְרָא: הַעוֹד לָשׁוֹן בְּפִיךְ לַעֲנוֹתֵנִי? וַיָּקָם אֵלֶיהָ וְהַשּׁוֹט בְּיָדוֹ וַיַּכֶּנָּה וַיֹּאמֶר: אִם לֹא תִּשְׁתְּקִי אַהַרְגֵךְ – וַתִּשְׁתֹּק, וּבַלַּיְלָה עָלָה זֵכֶר אָחִיהָ עַל לִבָּהּ וְזֵכֶר יְמֵי טוֹבָתָהּ לְפָנִים, וַתֵּבְךְ בַּמִּסְתָּרִים.

וַיְהִי בַיּוֹם הַשֵּׁנִי וַתֹּאמֶר אֶל הַבֶּדְוִי: אֵיכָכָה זֶה הֶעֱרַמְתָּ עָלַי וַתְּבִיאֵנִי אֶל הַרְרֵי שְׁמָמָה אֵלֶּה? וּמָה הִנְּךָ אוֹמֵר לַעֲשֹוֹת בִּי? וַיַּקְשֶׁה הַבֶּדְוִי אֶת־לִבּוֹ וַיִּקְרָא: הוֹי, בַּת בְּלִיַּעַל, עוֹדָךְ מִתְלוֹנֶנֶת? וַיִּקַּח אֶת־הַשּׁוֹט וַיַּכֶּנֶּה עַל גַּבָּהּ, הַכֵּה וּפָצוֹעַ עַד אֲשֶׁר הִתְעַלְּפָה וַיִּרֶף מִמֶּנָּה, וַיְחַרְפֶנָּה וַיִּקְרָא: הוֹי, הַבַּת הַסּוֹרֵרָה! אִם אֶרְאֵךְ אוֹ אֶשְׁמָעֵךְ בּוֹכָה עוֹד כָּרוֹת אֶכְרֹת אֶת לְשׁוֹנֵךְ. וַתִּשְׁתֹּק וְלֹא עָנְתָה דָבָר מִגֹּדֶל הַכְּאֵב, וַתֵּשֶׁב לָאָרֶץ וַתּוֹרֶד רֹאשָׁהּ וַתִּתְבּוֹנֵן בְּזֻלּוּתָהּ אַחֲרֵי כְבוֹדָהּ הָרִאשׁוֹן וּבְמַכּוֹתֶיהָ הַנֶּאֱמָנוֹת, וַתִּזְכֹּר אֶת־אָחִיהָ וּמַחֲלָתוֹ וּבְדִידוּתוֹ, וַתִּזֹּלְנָה דִמְעוֹתֶיהָ עַל לְחָיֶיהָ וַתֵּבְךְּ בְּדוּמִיָּה וַתִּשָּׂא קוֹלָהּ בְּשִׁיר:

גּוֹרַל יָמִים, אֹשֶׁר וָפֶגַע, גַּל־

גַּל חוֹזֵר, יוֹדְעִים אֹמֶר גָּמָרוּ,

חָמָס וָשֹּׁד אֶסְבֹּל, אוֹיָה לִי מֵ־

חַיִּים בָּם חָמָס וָשֹׁד נִצְבָּרוּ.

הוֹי עוֹבֵר עַל בַּיִת בּוֹ גַרְתִּי, סַ־

פֶּר־לוֹ: דִּמְעוֹתַי כַּיָּם נִגָּרוּ.

>
>
> וַיְהִי בְגָמְרָהּ שִׁירָהּ וַיִּפֶן הַבֶּדְוִי אֵלֶיהָ וַיָּנָד לָהּ, > וַיִּמְחֶה דִמְעוֹתֶיהָ, וְכִכָּר לֶחֶם שְׂעוֹרִים נָתַן לָהּ, וַיֹּאמֶר > אֵלֶיהָ: בִּתִּי, מָאַסְתִּי כִּי יַעֲנוּנִי בְשַׁעַת כַּעֲסִי, > וּמֵעַתָּה וָהָלְאָה לֹא תוֹסִיפִי לְעַנּוֹתֵנִי בִדְבָרַיִךְ הָבֶל > וּמְסַרְתִּיךְ לְאִישׁ נָדִיב כָּמוֹנִי אֲשֶׁר יֵיטִיב לָךְ כַּאֲשֶׁר > הֵיטַבְתִּי אָנֹכִי. וַתִּדֹּם וַתֹּאמֶר: טוֹב הַדָּבָר. וַיְהִי > בְהַאֲרִיךְ הַלַּיְלָה וְהָרָעָב הֵצִיק לָהּ מְאֹד וַתֹּאכַל פְּרוּסָה > קְטַנָּה מִכִּכַּר הַלֶּחֶם אֲשֶׁר נָתַן לָהּ. >
> וְהַבֶּדְוִי צִוָּה אֶת־אֲנָשָׁיו לִנְסֹעַ הָלְאָה. וַיִּטְעֲנוּ > אֶת־בְּעִירָם, וַיִּרְכַּב הַבֶּדְוִי עַל גְּמַלּוֹ וְאַחֲרָיו הִרְכִּיב > אֵת נֻזְהַת אַל זְמָן. וַיֵּלְכוּ דֶרֶךְ שְׁלֹשֶׁת יָמִים עַד בּוֹאָם > דַּמֶּשְׂקָה וַיַּחֲנוּ בְּחָן־הַשֻּׂלְטָן. >
>
>
> וּמַרְאֶה פְּנֵי נֻזְהַת אַל זְמָן רַע מְאֹד מִצַּעֲרָה וִיגִיעַת > מַסָּעָהּ, וַתָּשָׁב לִבְכּוֹת. וַיֹּאמֶר אֵלֶיהָ הַבֶּדְוִי: חֵי > קוֹבָעִי, אִם לֹא תִמְנְעִי קוֹלֵךְ מִבְּכִי לֹא אֶמְכְּרֵךְ בִּלְתִּי > אִם לִיהוּדִי! >
> וְאַחַר קָם וַיֵּלֶךְ הַשּׁוּקָה וַיַּעֲבֹר עַל סוֹחֲרֵי הָעֲלָמוֹת > וַיַּגֶּד לָהֶם לֵאמֹר: הִנֵּה אִתִּי צְעִירָה אֲשֶׁר הֵבֵאתִי הֵנָּה, > וְאָחִיהָ חוֹלֶה וָאֶשְׁלָחֵהוּ אֶל קְרוֹבַי אֲשֶׁר בִּירוּשָּׁלַיִם > לְרַפְּאֵהוּ וּלְהַחְלִימֵהוּ, וְעַתָּה הִנְנִי אוֹמֵר לְמָכְרָהּ. אַךְ > מִיּוֹם חֲלוֹת אָחִיהָ לֹא חָדְלָה מִלִּבְכּוֹת כִּי קָשְׁתָה עָלֶיהָ > פְרִידָתוֹ. וְהָיָה עַל אֲשֶׁר יֹאמַר לִקְנוֹתָהּ לְדַבֵּר אֵלֶיהָ > רַכּוֹת וּלְהַגִּיד לָהּ כִּי אָחִיהָ אֶצְלוֹ בִירוּשָׁלַיִם חוֹלֶה; > וְאָנֹכִי אַפְחִית לוֹ מִמְּחִירָהּ. וַיָּקָם אַחַד הַסּוֹחֲרִים וַיֹּאמֶר אֵלָיו: וּמַה־גִּילָהּ? וַיֹאמֶר: הִיא בְתוּלָה בוֹגֶרֶת > רַבַּת שֵׂכֶל וְטוֹבַת טַעַם וּמְלֻמֶּדֶת וִיפַת תֹּאַר, אַךָ מִיּוֹם > שָׁלְחִי אֶת־אָחִיהָ יְרוּשָׁלַיְמָה לִבָּהּ סוֹעֵר עָלָיו וּפָנֶיהָ > רָעוּ. וַיֹּאמֶר אֵלָיו הַסּוֹחֵר: הַשֵּׁיךְ, אַחֲרֵי כָל־תְּהִלּוֹתֶיךָ > עַל שִׂכְלָהּ וְיָפְיָהּ וּשְׁלֵמוּתָהּ קָנֹה אֶקְנֶנָּה מִמֶּךָּ. אֶפֶס > כִּי תְנָאִים לִי לְהַתְנוֹת עִמָּךְ, אִם תְּקַבְּלֵם אֲשָׁלֵּם לְךָ > מְחִירָהּ, וְאִם אַיִן לֹא אֶקָּחֶנָּה. וַיֹּאמֶר אֵלָיו הַבֶּדְוִי: > הַתְנֵה כְּכָל־אֲשֶׁר תְּאַוֶּה נַפְשֶׁךָ. אַךְ הָבֵא אוֹתָהּ אֶל > הַשֻּׂלְטָן שַׁרְכָּן בֶּן־הַמֶּלֶךְ עוּמָר אַל נַעְמָן וְרָאִיתָ אִם > לֹא תִמְצָא חֵן בְּעֵינָיו וְשִׁלֵּם לְךָ מְחִירָהּ וְגַם רֶוַח גָּדוֹל > תַּרְוִיחַ בָּהּ. וַיֹּאמֶר הַסּוֹחֵר: אָמְנָם דָּבָר לִי אֶל שַׁרְכָּן, > וְהָיָה אִם יְקַבֵּל אֶת־הַצְּעִירָה מִיָּדִי אֶשְׁקֹל לְךָ מְחִירָהּ, > וְאִם אַיִן אֲשִׁיבֶנָּה לָךְ. וַיֹּאמֶר הַבֶּדְוִי: יְהִי נָא > כִדְבָרֶיךָ. >
>
> וַיֵּלֶךְ הַסּוֹחֵר עִם הַבֶּדְוִי וַיַּגִּיעוּ אֶל הַמָּקוֹם אֲשֶׁר > בּוֹ נֻזְהַת אַל זְמָן וַיֵּשֶׁב הַבֶּדְוִי לְפֶתַח הֶחָנוּת וַיִּקְרָא לָהּ: הוֹי, נַגְ'דִיָּה! (כִּי בַשֵּׁם הַזֶּה קָרָא לָהּ). וַיְהִי > כְשָׁמְעָהּ קוֹלוֹ וַתֵּבְךְּ וְלֹא עָנָתְהוּ, וַיִּפֶן הַבֶּדְוִי אֶל > הַסּוֹחֵר וַיֹּאמֶר אֵלָיו: הִנֵּה הִיא יוֹשֶׁבֶת שָׁם, לֵךְ וְרָאִיתָ > אוֹתָהּ וְאֶת־חֲמוּדוֹתֶיהָ. אַךְ דַּבֵּר אֵלֶיהָ רַכּוֹת כַּאֲשֶׁר > צִוִּיתִיךָ, וַיִּגַּשׁ הַסּוֹחֵר אֵלֶיהָ אָט וַיִּרְאֶנָּה וְהִנֵּה > אָמְנָם הִיא כְּלִילַת יֹפִי וְיוֹדַעַת לְדַבֵּר צַחוֹת. וַיּאמֶר אֵלֶיהָ: שָׁלוֹם עָלַיךְ בִּתִּי! מַה־שְּׁלוֹמֵךְ? וַתַּעֲנֵהוּ: זֹאת > מְנָת גּוֹרָלִי מֵאֵת הָאֱלֹהִים. וַתִּתְבּוֹנֵן בּוֹ וְהִנֵּה הוּא > אִישׁ נִכְבָּד וּפָנָיו נְעִימִים וַתֹּאמֶר בְּלִבָּהּ: אָכֵן בָּא > הָאִישׁ הַזֶּה לִקְנוֹתֵנִי, וְעַתָּה אִם אַרְאֵהוּ פָנִים זוֹעֲפִים > וְנִשְׁאַרְתִּי בִידֵי צוֹרֵר חַיַּי וְעוֹשְׁקִי, הֵן טוֹב לִי הָאִישׁ > הַזֶּה מֵהַבֶּדְוִי הַפֶּרֶא. וַתָּרֶם עֵינֶיהָ אֵלָיו וַתַּעַן בְּחֵן > וּבְנֹעַם: עָלֶיךָ שָׁלוֹם, אֲדוֹנִי, וְרַחֲמֵי הָאֵל וּבִרְכוֹתָיו, > זֹאת הִיא הַבְּרָכָה אֲשֶׁר צִוָּנוּ נְבִיאֵנוּ עָלָיו הַשָּׁלוֹם. וְאִם > לָדַעַת שְׁלוֹמִי חָפַצְתָּ אַל נָא תְאַחְלֵהוּ כִּי־אִם לְשֹוֹנְאֶיךָ. > וַתִּשְׁתֹּק.

וַיְהִי כִשְׁמֹעַ הַסּוֹחֵר אֵת דְּבָרֶיהָ וַיִּשְׂמַח בָּהּ מְאֹד, וַיִּפֶן אֶל הַבֶּדְוִי וַיֹּאמֶר אֵלָיו: מַה־מְּחִירָהּ? כִּי אָכֵן נִכְבָּדָה הִיא. וַיִּקְצֹף הַבֶּדְוִי וַיִּקְרָא: אַל תֹּאמַר נִכְבָּדָה הִיא, כִּי הִיא מִשִּׁפְלוֹת הָאֲמָהוֹת, וְלֹא אֶמְכְּרֶנָּה לָךְ. וַיְהִי כִשְׁמֹעַ הַסּוֹחֵר דְּבָרָיו וַיָּבֶן כִּי אָכֵן חֲסַר דַּעַת הוּא, וַיֹּאמֶר אֵלָיו: הִשָּׁקֵט וְהֵרָגַע, אָנֹכִי אֶקְנֶנָּה מִמְּךָ עַל כָּל־מִגְרְעוֹתֶיהָ, וַיֹּאמֶר הַבֶּדְוִי: וְכַמָּה תְשַׁלֵּם בִּמְחִירָהּ? וַיַּעַן הַסּוֹחֵר: מִי יִקְרָא שֵׁם לַבֵּן אִם לֹא אָבִיו? בַּקֵּשׁ אֵת אֲשֶׁר בִּלְבָבֶךָ. וְהַבֶּדְוִי אָמַר: לֹא, כִּי אַתָּה תַגִּיד מְחִירָהּ. וַיֹּאמֶר הַסּוֹחֵר בְּלִבּוֹ: רוֹאֶה הִנְנִי כִּי הַבֶּדְוִי הַזֶּה שׁוֹטֶה וַחֲסַר דַּעַת וְאֵינֶנוּ יוֹדֵעַ לְעָרְכָהּ, וְהַצְּעִירָה לָקְחָה לִבִּי שֶׁבִי בִדְבָרֶיהָ, וְאִם גַּם תֵּדַע לִקְרֹא וְלִכְתֹּב וְהָיְתָה כְּלִילַת מַדָּע וְקוֹנֶהָ מְאֻשָּׁר. וַיִּפֶן אֶל הַבֶּדְוִי שֵׁנִית וַיֹּאמֶר אֵלָיו: הוֹי, שֵׁיךְ הָעַרְבִים! אֲשַׁלֵּם לְךָ בִּמְחִירָהּ מָאתַיִם דִּינָר בְּכֶסֶף מָלֵא, מִלְּבַד הַסִּרְסוּרְיָה וּמֶכֶס הַמֶּלֶךְ, וַיִּקְצֹף הַבֶּדְוִי מְאֹד וַיִּצְעַק וַיֹּאמֶר אֶל הַסּוֹחֵר: חַי יְיָ, כִּי אִם תִּתֵּן מָאתַיִם דִּינָר בְּעַד סְחָבַת הַצֶּמֶר אֲשֶׁר עָלֶיהָ אִם אֶמְכְּרֶנָּה לָךְ. וְעַתָּה אֵינֶנִּי חָפֵץ עוֹד לְמָכְרָהּ, כִּי שָׁלוֹחַ אֶשְׁלְחֶנָּה לִרְעוֹת הַגְּמַלִּים וְלִטְחֹן הַקֶּמַח. וְאַחַר גָּעַר בַּצְּעִירָה וַיִּקְרָא: גְשִׁי הֵנָּה, טִפָּה סְרוּחָה! אָנֹכִי לֹא אֶמְכְּרֵךְ עוֹד. וְאֶל הַסּוֹחֵר אָמַר: חָשׁוֹב חֲשַׁבְתִּיךָ לְאִישׁ מֵבִין, וְעַתָּה, חֵי קוֹבָעִי, כִּי אִם לֹא תֵלֵךְ מִזֶּה כִּי הַשְׁמֵעַ אַשְׁמִיעֲךָ דְּבָרִים אֲשֶׁר לֹא יִהְיוּ לְרָצוֹן לָךְ. וַיֹּאמֶר הַסּוֹחֵר בְּלִבּוֹ: הַבֶּדְוִי הַזֶּה הוּא שׁוֹטֶה וְאֵינֶנוּ יוֹדֵעַ עֶרְכָּה. וְעַתָּה אֵין טוֹב לִי כִּי אִם לֹא לְהַגִּיד כָּל־מְחִיר. וַיִּפֶן אֶל הַבֶּדְוִי וַיֹּאמֶר אֵלָיו: אֲדוֹנִי, שֵׁיךְ עֲרָב, הַרְגֵּעַ רוּחֲךָ וְהַגֶּד נָא לִי אֵיזֶה אֲרִיגֵי יְקָר לַצְּעִירָה הַזֹּאת אֶצְלֶךָ? וַיִּצְחַק הַבֶּדְוִי וַיֹּאמֶר: וְאֵיזֶה בִגְדֵי יְקָר יֶהֶלְמוּ טִפָּה סְרוּחָה כָזֹאת? הֵן גַּם חֲתִיכַת הַשִּׁמְלָה הַקְּרוּעָה הַזֹּאת אֲשֶׁר הִיא עֲטוּפָה בָּהּ הִיא יוֹתֵר מִדַּי לָהּ.

וַיִּפֶן הַסּוֹחֵר אֵלֶיהָ וַיֹּאמֶר: מַה־שְּׁמֵך, גְּבִרְתִּי? וַתֹּאמֶר: הֲתִשְׁאַל לִשְׁמִי הַיּוֹם אוֹ לִשְׁמִי מִלִּפְנֵי הַיּוֹם? וַיֹּאמֶר: הֲישֵ ׁלָךְ שֵׁם מִלִּפְנֵי הַיּוֹם וְשֵׁם אַחֵר הַיּוֹם? וַתֹּאמֶר: כֵּן, שְׁמִי לְפָנִים נֻזְהַת אַל זְמָן¹¹ וְהַיּוֹם עֻ’צַּת אַל זְמָן¹² יֵאָמֵר לִי, וַתִּזֹּלְנָה עֵינֵי הַסּוֹחֵר דְּמָעוֹת לִדְבָרֶיהָ וַיֹּאמֶר אֵלֶיהָ: הֲיֵשׁ לָךְ אָח חוֹלֶה?

וַתֹּאמֶר: כֵּן, אֲדוֹנִי, אֲבָל הַזְּמָן הִפְרִיד בֵּינוֹ וּבֵינִי, וְהוּא שׁוֹכֵב חוֹלֶה בְּעִיר הַקֹּדֶשׁ בִּירוּשָׁלָיִם. וַיִּשְׁתָּאֶה הַסּוֹחֵר לְנֹעַם דְּבָרֶיהָ וַיֹּאמֶר בְּלִבּוֹ: אָכֵן צָדַק הַבֶּדְוִי בִתְהִלּוֹתָיו וְנֻזְהַת אַל זְמָן זָכְרָה אֶת אָחִיהָ וְאֶת מַחֲלָתוֹ וְגֵרוּתוֹ וְהִפָּרְדָהּ מִמֶּנּוּ בְּעֵת חָלְיוֹ וְסָכְלָהּ¹³ אֵת אֲשֶׁר קָרָהוּ, וַתָּשָׁב וַתִּזְכֹּר אֵת אֲשֶׁר קָרָהּ עִם הַבֶּדְוִי וְרָחֳקָהּ מֵהוֹרֶיהָ וּמַמְלַכְתָּהּ, וַתִּזְלֹגְנָה דִמְעוֹתֶיהָ עַל לְחָיֶיהָ. וַתֵּפֶן אֶל הַסּוֹחֵר וַתֹּאמֶר אֵלָיו בִדְמָמָה: חַי יְיָ, אַל נָא תַעַזְבֵנִי בִידֵי הַמְּרַצֵּחַ הַזֶּה, כִּי אִם אֶשָּׁאֵר בְּיָדָיו הַלַּיְלָה אֶטְרֹף נַפְשִׁי בְכַפִּי, הַצִּילֵנִי מִיָּדוֹ וְהִצִּילְךָ הָאֵל מֵאֵשׁ גֵּיהִנֹּם.

וַיָּקָם הַסּוֹחֵר וַיֹּאמֶר אֶל הַבֶּדְוִי: הוֹי, שֵׁיךְ עֲרָב, הֵן הַנַּעֲרָה הַזֹּאת לֹא תִסְכֹּן לְךָ, מְכָרֶנָּה לִי בַּמְּחִיר אֲשֶׁר תָּשִׁית אַתָּה. וַיֹּאמֶר הַבֶּדְוִי: קָחֶנָּה וְשַׁלֵּם מְחִירָהּ, וָלֹא – אוֹלִיכֶנָה אֶל שְׂדוֹת הַמִּרְעֶה וְאָסְפָה שָׁם אֶת הַגְּלָלִים¹⁴ וְתִרְעֶה אֶת הַגְּמַלִּים. וַיֹּאמֶר הַסּוֹחֵר: אֶתְּנָה לְךָ חֲמִשִּׁים אֶלֶף דִּינָר. וַיֹּאמֶר הַבֶּדְוִי: לָמָּה תְדַבֵּר הָבֶל? הֵן רְקִיקֵי הַשְּׂעוֹרִים אֲשֶׁר אָכְלָה אֶצְלִי יַעֲלוּ לְיוֹתֵר מִתִּשְׁעִים אֶלֶף דִּינָר. וַיֹּאמֶר אֵלָיו הַסּוֹחֵר: אַתָּה וּבֵיתְךָ וְשִׁבְטְךָ יַחַד לֹא אֲכַלְתֶּם בְּכָל־יְמֵי חַיֵּיכֶם שְּׂעוֹרִים בְּאֶלֶף דִּינָר. אַךְ אָנכִי אֶקְצֹב לְךָ מְחִיר קָצוּב, וְאִם לֹא תִרְצֶה בוֹ וְשִׁלַּחְתִּי בְךָ אֶת נְסִיךְ דַּמֶּשֶׂק וּלְקָחָהּ מִיָּדְךָ בְחָזְקָה. וַיֹּאמֶר הַבֶּדְוִי: הַגֵּד. וַיֹּאמֶר: מֵאָה אֶלֶף דִּינָר. וַיֹּאמֶר הַבֶּדְוִי: טוֹב הַדָּבָר, הִנֵּה מְכַרְתִּיהָ לְךָ בַּמְּחִיר הַזֶּה. וַיֵּלֶךְ הַסּוֹחֵר אֶל בֵּיתוֹ וַיָּבֵא הַכֶּסֶף וַיִּשְׁקֹל עַל יָדוֹ, וַיִּקָּחֵהוּ הַבֶּדְוִי וַיֹּאמֶר בְּלִבּוֹ: עַתָּה עָלַי לָשׁוּב יְרוּשָׁלַיְמָה, אוּלַי אֶמְצָא גַּם אֶת־אָחִיהָ וְהֵבֵאתִי גַּם אוֹתוֹ לְמָכְרָה. וַיִּרְכַּב וַיִּסַּע יְרוּשָׁלַיְמָה, וַיֵּלֵך אֶל הֶחָן אֲשֶׁר הִגִּידָה לוֹ נֻזְהַת אַל זְמָן וַיִּשְֹאַל עָלָיו וְלֹא נִמְצָא.

וְהַסּוֹחֵר לָקַח אֵת נֻזְהַת אַל זְמָן אֶל בֵּיתוֹ, וַיַּלְבִּישֶׁנָּה מַחֲלָצוֹת. וְאַחַר הָלַךְ אִתָּהּ הַשּׁוּקָה וַיִּקֶן לָה עֲדָיִים וַיְשִׂימֵם בְּתַכְרִיךְ מֶשִׁי, וַיְשִׂימֵהוּ לְפָנֶיהָ וַיֹּאמֶר אֵלֶיהָ: כָּל אֲשֶׁר אַתְּ רוֹאָה לָךְ הוּא, רַק דָּבָר אֶחָד אֲבַקֵּשׁ מִמֵּךְ: בּהַעֲלוֹתִי אוֹתָךְ אֶל מוֹשֵׁל דַּמֶּשֶׂק תּוֹדִיעִיהוּ אֶת־הַמְּחִיר אֲשֶׁר שִׁלַּמְתִּי בַעדֵךְ אַף כִּי מְעַט הוּא גַם לְעֵרֶך צִפָּרְנֵךְ, וְאִם יִקְנֵךְ מִמֶּנִּי וְסִפַּרְת לוֹ כָל־גְּמוּלִי אֲשֶׁר גָּמַלְתִּי עָלָיךְ, וּבִקַּשְׁתְּ מִמֶּנּוּ כְתָב־מַלְכוּת לְהַמְלִיץ עָלַי בִּפְנֵי מֶלֶךְ בַּגְּדָּד עוּמָר אַל נַעְמָן לְמַעַן יְצַוֶּה אֶת־פְּקִידָיו וְלֹא יִקְחוּ מִמֶּנִּי מֶכֶס עַל הָאֲרִיגִים אֲשֶׁר אֶסְחַר בָּם. וַיְּהִי כְשָׁמְעָהּ דְּבָרָיו וַתִּשֶׂא קוֹלָהּ וַתֵּבְךְ. וַיֹּאמֶר אֵלֶיהָ: גְּבִרְתִּי, רוֹאֶה הִנְנִי כִּי בְכָל־עֵת אֲשֶׁר הִנְנִי מַזְכִּיר אֶת־שֵׁם הָעִיר בַּגְּדָּד תִּמָּלֶּאנָה עֵינַיִךְ דְּמָעוֹת, הֲיֵשׁ לַךְ שָׁם אִישׁ אֲשֶׁר תֹּאהֲבִיהוּ? אִם סוֹחֵר הוּא אוֹ אִישׁ אַחֵר הוֹדִיעִינִי, כִּי מַכִּיר אָנֹכִי אֶת־כָּל־הַסּוֹחֲרִים וְאַנְשֵׁי הָעִיר. וְאִם מִכְתָּב לָךְ לִשְׁלֹחַ אֵלָיו תְּנִיהוּ עַל יָדִי וְהִגַּעְתִּיו לְיָדוֹ. וַתֹּאמֶר: חַי יְיָ, אֵינֶנִּי מַכִּירָה כָל־סוֹחֵר וְכָל־אִישׁ שָׁם בִּלְתִּי אִם אֶת־הַמֶּלֶךְ עוּמָר אַל נַעְמָן אֲדוֹנֵי בַּגְּדָּד לְבַדּוֹ. וַיֹּאמֶר הַסּוֹחֵר בְּלִבּוֹ: חַי יְיָ, עַתָּה הִגַּעְתִּי אֶל מַטְּרַת חֶפְצִי. וְאֵלֶיהָ אָמַר: הַאִם הִצִּיעוּךְ לְפָנָיו לְפָנִים?

וַתֹּאמֶר: לֹא, אֲבָל גֻּדַּלְתִּי יַחַד עִם בִּתּוֹ וַתִּיקַר נַפְשִׁי בְעֵינָיו. וְאִם חָפֵץ אַתָּה כִי יְמַלֵּא אֶת־חֶפְצְךָ הָבֵא אֵלַי קֶסֶת וּדְיוֹ וּנְיָר וְכָתַבְתִּי לְךָ מִכְתָּב וּבְבֹאֲךָ בַּגְּדָּדָה תִּמְסוֹר אֶת־הַמִּכְתָּב יָשָֹר לִידֵי הַמֶּלֶךְ עוּמָר אַל נַעְמָן וְאָמַרְתָּ אֵלָיו: עַל שִׁפְחָתְךָ נֻזְהַת אַל זְמָן עָבְרוּ גַלֵּי הַזְּמָן וּמִשְׁבָּרָיו עֲדֵי נִמְכְּרָה מִמָּקוֹם לְמָקוֹם וְהִיא דוֹרֶשֶׁת שְׁלוֹמֶךָ. וְכִי יִשְׁאָלְךָ עַל אֹדוֹתַי וְהִגַּדְתָּ לוֹ כִּי הִנְנִי אֵצֶל נְגִיד דַּמֶּשֶׂק. וַיִּשְׁתָּאֶה הַסּוֹחֵר לְצַחוּת לְשׁוֹנָהּ וַיּוֹסֶף לְאַהֲבֶנָּה, וַיֹּאמֶר: אָכֵן רוֹאֶה הִנְנִי כִּי הָאֲנָשִׁים רִמּוּךְ וַיִּמְכְּרוּךְ בְּכָסֶף. וְעַתָּה הַגִּידִי נָא לִי הֲתֵדְעִי אֶת־הַקֻּרְאָן עַל פֶּה? וַתֹּאמֶר: כֵּן, אַף יוֹדַעַת הִנְנִי אֶת־פִּרְקֵי אֲבוּקְרָט לְגַלִּינוּס הָרוֹפֵא, וְגַם אֶת־הַתִּזְכֹּרֶת קָרָאתִי, וּבֵאוּר סֵפֶר הַמּוֹפֵת, וְסֵפֶר נִפְרְדוֹת אִבֶּן־אַלְבִּיטָר, וְעָסַקְתִּי בְהַנְדָּסָה, וְעָסַקְתִּי בִּמְדִידַת הַגּוּפִים, וְקָרָאתִי סִפְרֵי הַשָּׁפְעִיִּים, וְשִׂיחוֹת הַנָּבִיא, וְהָגִיתִי בְדִקְדּוּק וְהִתְוַכַּחְתִּי עִם הַחֲכָמִים, וְיָדַעְתִּי חָכְמוֹת הַהִגָּיוֹן, וְהַמְּלִיצָה, וְהַחֶשְׁבּוֹן, וְהַמּוֹלָדוֹת. וְאַחַר אָמְרָה: הָבִיאָה אֵלַי אֶת־הַדְּיוֹ וְהַנְּיָר וְכָתַבְתִּי לְךָ סֵפֶר אֲשֶׁר יְשַׁעְשְׁעֶךָ בִּנְסִיעוֹתֶיךָ וְלֹא יַצְרִיכְךָ לְכָל־כַּרְכֵי הַסְּפָרִים.

וַיְהִי כִשְׁמֹעַ הַסּוֹחֵר אֶת־כָּל־הַדְּבָרִים הָאֵלֶּה וַיִּקְרָא: הֶאָח, הֶאָח! אַשְׁרֵי הָאִישׁ אֲשֶׁר תִּשְׁבִי בְהֵיכָלוֹ. וַיָּבֵא אֵלֶיהָ קֶסֶת וּנְיָר וְעֵט נְחֹשֶׁת, וַתִּקָּחֵם וַתִּכְתֹּב אֶת־הַדְּבָרִים הָאֵלֶּה:

"אֵלֶּה דִבְרֵי בַת־גָּבַר עָלֶיהָ יְגוֹנָהּ, וְהֶחֱלִישׁוּהָ נְדוּדֵי שֵׁנָה. לְחָשְׁכָּה אֵין אוֹרָה, גּוֹלָה וְסוּרָה. אֶל כּוֹכְבֵי רוּם תָּרִים עֵינֶיהָ, לִשְׁפֹּךְ לִפְנֵיהֶם כָּל־הַלַּיְלָה שִׂיחַ יְגוֹנֶיהָ. בּוֹדֶדֶת בְּלִי רֵעַ בִּלְתִּי דִמְעוֹת לְחָיֶיהָ, וּבְכָל רַנֵּן יוֹנָה בֵּין עֳפָאִים יֶהֱמוּ כַיָּם גַּעְגּוּעֶיהָ.

מִמֶּנִי הָרְחוֹקָה מִקְּרוֹבֶיהָ

הַכּוֹאֶבֶת בְּלִבָּהּ וּקְרָבֶיהָ,

נֻזְהַת־אַל זְמָן".

וַתְּקַפֵּל אֶת־הַנְּיָר וַתִּמְסְרֵהוּ לַסּוֹחֵר וַיִּקָּחֵהוּ וַיִּקְרָאֵהוּ, וַיֹּאמֶר: בָּרוּךְ יוֹצְרֵךְ וְצָר צוּרָתֵךְ. וַיּוֹסֶף לְכַבְּדָהּ וּלְחוֹבְבָהּ.

 

יא. בַּת הַמֶּלֶךְ בְּבֵית אָחִיהָ.    🔗

וַיְהִי בַיּוֹם הַשֵּׁנִי וַיִּקְרָא לַבַּלָּנִית וַיֹּאמֶר אֵלֶיהָ: קְחִי אֶת־הָעַלְמָה הַזֹּאת אֶל הַמֶּרְחָץ וּבְכַלּוֹתֵךְ לְרַחֲצָהּ וְשַׂמְתְּ עָלֶיהָ שִׂמְלוֹתֶיהָ, וְאַחַר תִּקְרָאִינִי. וַתֹּאמֶר: כִּדְבָרֶיךָ אֲדוֹנִי אֶעֱשֶׂה. וַתִּקָּחֶנָּה וַתִּרְחָצֶנָּה וַתַּלְבִּישֶׁנָּה, וְהִנֵּה הֵבִיא לָהֶן הָאִישׁ אֹכֶל וְכָל־פְּרִי מַעֲדַנִּים. וַתֵּשֵׁבְנָה וַתֹּאכַלְנָה וְאֶת־הַמּוֹתָר הִשְׁאִירוּ לְשׁוֹמֶרֶת הַמֶּרְחָץ, וַיְהִי בַהֲבִיאוֹ אוֹתָהּ אֶל בֵּיתוֹ וַיָבֵא לָהּ כֻּתֹּנֶת דַּקָּה אֶלֶף דִּינָר עֶרְכָּהּ וַחֲלִיפָה תֻרְכִּית רְקוּמָה זָהָב, וּנְעָלִים מְשֻׁבָּצוֹת אַבְנֵי יְקָר. וַיָּשֶׂם בְּאָזְנֶיהָ עֲגִילֵי זָהָב וּמַרְגָּלִיּוֹת. וְעַל צַוָּארָהּ שָׂם רְבִיד זָהָב וְטוּרֵי עַנְבָּר יוֹרְדִים עַד מִתַּחַת לְשָׁדֶיהָ, וּבָרְבִיד עֶשֶׂר נְטִיפוֹת וְתִשְׁעָה שַׂהֲרוֹנִים, בְּתוֹךְ כָּל־שָׂהֲרוֹן מִשְׁבֶּצֶת אֹדֶם וּבְתוֹךְ כָּל־נְטִיפָה מִשְׁבֶּצֶת סַפִּיר, וְאַחַר צִוָּה עָלֶיהָ לְהִתְקַשֵּׁט יָפֶה, וַתִּתְקַשֵּׁט וַתֵּלֶך וְהַסּוֹחֵר הוֹלֵךְ לְפָנֶיהָ. וַיְהִי כַאֲשֶׁר רָאוּהָ הָאֲנָשִׁים וַיְּשְׁתּוֹמְמוּ לְיָפְיָהּ, וַיִּקְרְאוּ: יִשְׁתַּבַּח הַבּוֹרֵא! אַשְׁרֵי הָאִישׁ אֲשֶׁר יִרְכְּשֶׁנָּה. וַיּוֹסֶף הַסּוֹחֵר לָלֶכֶת, וְהִיא אַחֲרָיו עַד בּוֹאוֹ אֶל הַמֶּלֶךְ שַׁרְכָּן. וַיְהִי בְּבוֹאוֹ לְפָנָיו וַיִּשְׁתַּחוּ לְאַפָּיו אַרְצָה וַיֹּאמֶר: אֲדוֹנִי הַמֶּלֶךְ הַמְּאֻשָּׁר! הִנֵּה הֵבִיא עַבְדְּךָ אֵלֶיךָ תְשׁוּרָה נִפְלָאָה בַהֲדָרָהּ, וְאֵין דּוֹמֶה לָהּ בִּבְנוֹת דּוֹרָהּ, וְהִיא כְלִילַת יֹפִי, מִבְּלִי כָל־דֹּפִי. וַיֹּאמֶר הַמֶּלֶךְ: הַרְאֵנִי אוֹתָהּ, וַיֵּצֵא הַסּוֹחֵר וַיְבִיאֶנָּה לְפָנָיו. וַיְהִי כַאֲשֶׁר רָאָהּ הַמֶּלֶךְ שַׁרְכָּן וַיִּכְמַהּ הַדָּם אֶל הַדָּם, אַךְ לֹא הִכִּירָהּ, כִּי עָזַב אֶת־בֵּית אָבִיו בִּהְיוֹתָהּ עוֹד קְטַנָּה וּמֵאָז לֹא יָסַף עוֹד לִרְאוֹתָהּ, וְגַם בִּהְיוֹתוֹ בְּבֵית אָבִיו לֹא הִרְבָּה לִרְאוֹתָהּ. וַיֹּאמֶר הַסּוֹחֵר אֵלָיו: אֲדוֹנִי מֶלֶךְ הַזְּמָן, הָעַלְמָה הַזֹּאת מְצֻיֶּנֶת לֹא רַק בִּיפִי גֵוָהּ וְחֶמְדַּת מַרְאֶהָ, כִּי גַם בְּכָל־מַדְּעֵי קֹדֶשׁ וָחֹל, וְחָכְמוֹת צָבְרָה כַחוֹל. וַיֹּאמֶר הַמֶּלֶךְ: קְחָה מְחִירָהּ אֲשֶׁר שִׁלַּמְתָּ בַעֲדָהּ.

וַיֹּאמֶר הַסּוֹחֵר: כִּדְבָרֶיךָ, אֲדוֹנִי הַמֶּלֶךְ; אֶפֶס כִּי שְׁאֵלָה אַחַת לִי אֵלֶיךָ, כִּי תֵצֵא פְקֻדָּה מִלְּפָנֶיךָ וְלֹא יִקְּחוּ מִמֶּנִּי מַעֲשֵׂר סְחוֹרָתִי לְעוֹלָם. וַיֹּאמֶר הַמֶּלֶךְ: מַלֵּא אֲמַלֵּא אֶת־בַּקָּשָׁתֶךָ, אַךְ הוֹדִיעֵנִי נָא כַמָּה שִׁלַּמְתָּ בִּמְחִירָהּ. וַיֹּאמֶר: בַּעֲדָהּ שִׁלַּמְתִּי מְאַת אֶלֶף דִּינָר וְעַל כְּסוּתָהּ¹⁵ הוֹצֵאתִי מֵאָה אָלֶף.

וַיֹּאמֶר הַמֶּלֶךְ לְסוֹכְנוֹ: תְּנָה לַסּוֹחֵר הַזֶּה שְׁלֹֹש מֵאוֹת אֶלֶף דִּינָר וְעֶשְׂרִים אָלֶף, וְאַחַר שָׁלַח וַיִּקְרָא לְאַרְבַּעַת הַקָּדִים¹⁶ וַיֹּאמֶר אֲלֵיהֶם: עֵדִים אַתֶּם הַיּוֹם כִּי שִׁחְרַרְתִּי אֶת־מִקְנַת כַּסְפִּי זֹאת וְנָשׂוֹא אֶשָּׂאֶנָּה לִי לְאִשָּׁה. וַיִּכְתְּבוּ הַקָּדִים סֵפֶר שִׁחְרוּרָהּ. וַיְּפַזֵּר הַמֶּלֶךְ עַל הָעוֹמְדִים לְפָנָיו זָהָב רָב, וַיָּחֵלוּ הַמְּשָׁרְתִים וְהַנְּעָרִים לִלְקֹט אֵת אֲשֶׁר פִּזֵּר הַמֶּלֶךְ. וְאַחַר צִוָּה הַמֶּלַךְ וַיִּכְתְּבוּ לַסּוֹחֵר מַאֲמַר־מֶלֶךְ כַּאֲשֶׁר בִּקֵּשׁ לֵאמֹר: אֵין עַל הָאִישׁ הַזֶּה לְשַׁלֵּם חֹק הַמַּעֲשֵׂר כָּל־הַיָּמִים, וְאִישׁ לֹא יִגַּע בּוֹ וּבִסְחוֹרָתוֹ. וְאַחַר צִוָּה וַיִּתְּנוּ לוֹ חֲלִיפָה יְקָרָה.

אַחֲרֵי הַדְּבָרִים הָאֵלֶּה קָרָא הַמֶּלֶּךְ וַיֵּצְאוּ כָל־הַנִּצָבִים עָלָיו, לֹא נִשְׁאַר אִתּוֹ בִלְתִּי אִם הָעַלְמָה וְהַקָּדִים. וַיֹּאמֶר הַמֶּלֶךְ אֶל הַקָּדִים: הִנְנִי חָפֵץ כִּי תִשְׁמְעוּ מִפִּי הָעַלְמָה הַזֹּאת דְּבָרֶיהָ וְרָאִינוּ כַמָּה צָדַק הַסּוֹחֵר בְּדַבְּרוֹ עַל אֹדוֹת יְדִיעוֹתֶיהָ וְהַשְׂכָּלָתָהּ. וַיֹאמְרוּ: טוֹב הַדָּבָר. וַיְצַו וַיּוֹרִידוּ מָסָךְ מַבְדִיל בֵּינוֹ וְהָעוֹמְדִים עָלָיו וּבֵין הָעַלְמָה וַאֲשֶׁר עִמָּהּ. וַתְּחִלֶּנָה כָל־הַנָּשִׁים אֲשֶׁר מֵאֲחוֹרֵי הַמָּסָךְ לְנַשֵּׁק יָדֶיהָ וְרַגְלֶיהָ, כִּי שָׁמְעוּ כִי הָיֹה תִהְיֶה לַמֶּלֶךְ לְאִשָּׁה. וְאַחַר הִקִּיפוּהָ וַתְּחִלֶּנָה לְשָׁרְתָהּ וּלְהִתְבּוֹנֵן בְּיָפְיָהּ וַהֲדָרָהּ.

וּנְשֵׁי הָאֲמִירִים וְהַוְזִירִים שָׁמְעוּ כִּי קָנָה הַמֶּלֶךְ שַׁרְכָּן עַלְמָה אֲשֶׁר אֵין דוֹמֶה לָהּ לִיפִי וּלְמַדָּע, וְכִי שָׁקַל בִּמְחִירָהּ שְׁלֹש מֵאוֹת וְעֶשְׂרִים אֶלֶף דִּינָר וַיְשַׁחְרְרֶנָּה, וְכִי קָרָא לְאַרְבַּעַת הַקָּדִים לְבָחֲנָהּ, וַתְּבַקֵּשְׁנָה רְשׁוּת מִבַּעֲלֵיהֶן וַתֵּלַכְנָה אֶל הַהֵיכָל אֲשֶׁר בּוֹ נֻזְהַת אַל זְמָן. וַיְהִי כְבוֹאָן וַתִּרְאֶינָה וְהִנֵּה הַמְּשָׁרְתִים עוֹמְדִים לְפָנֶיהָ לִפְקֻדָּתָהּ, וְהִיא קָמָה וַתְּקַדֵּם פְּנֵיהֶן בְּכָבוֹד, וַיֵּלֶךְ לִבָּן שֶׁבִי אַחֲרֶיהָ, וַתִּתְפַּלֶּאנָה לְיָפְיָהּ וּלְנָעֳמָהּ. וַתֹּאמַרְנָה אִשָּׁה לִרְעוּתָהּ: אֵין זֹאת אָמָה כִּי אִם מַלְכָּה בַת־מֶלֶךְ. וַתְּחִלֶּנָה לְכַבְּדָהּ וּלְהַעֲרִיצָהּ וַתֹּאמַרְנָה לָהּ: גְּבִרְתֵּנוּ, הִנֵּה הֵאִירָה אַרְצֵנוּ בִכְבוֹדֵךְ, וְזָרְחָה עָלֵינוּ שֶׁמֶשׁ הוֹדֵךְ. הִנֵּה הַמַּמְלָכָה מַמְלַכְתֵּךְ וְהַהֵיכָל הֵיכָלֵךְ, וַאֲנַחְנוּ כֻלָּנוּ אַמְהוֹתַיךְ. וְעַתָּה נַשְׁבִּיעֵךְ בְּיוֹצְרֵךְ וְצָר צוּרָתֵךְ: נְסִי עָלֵינוּ אוֹר פָּנַיִךְ, וְאַל נָא תִכְלְאִי מִמֶּנּוּ יְפִי מַרְאַיִךְ. וַתּוֹדֶה לָהֶן עַל דִּבְרֵיהֶן.

 

יב. בַּת־הַמֶּלֶךְ הַמְּלֻמָּדָה.    🔗

וְאַחַר קָרָא הַמֶּלֶךְ שַׁרְכָּן לְנֻזְהַת אַל זְמָן וַיֹּאמֶר אֵלֶיהָ: עַלְמָה כְבוּדָה, הִנֵּה שָׁמַעְנוּ מִפִּי הַסּוֹחֵר כִּי רַבּוּ יְדִיעוֹתַיִךְ וְרָחֲבָה וְנָסְבָה הַשְׂכָּלָתֵךְ, וְהִנָּךְ בְּקִיאָה בְכָל־הַמַּדָּעִים, וְגַם בְּדִקְדּוּק יָדַיִךְ רָב לָךְ. וְעַתָּה הַשְׁמִיעִינוּ נָא פֶרֶק קָטָן מִכָּל־עִנְיָן.

וַתֹּאמֶר: עַל רֹאשִׁי וְעַל עֵינִי, אֲדוֹנִי הַמֶּלֶךְ: רֵאשִׁית חָכְמָה – חָכְמַת הַמְּדִינָה וּמוּסְרֵי הַמְּלָכִים. וְהִיא מֵהָעִנְיָנִים שֶׁרָאוּי לְיוֹדְעֵי דָּת וָדִין לְדַעְתָּם, וְהַמִּדּוֹת אֲשֶׁר עֲלֵיהֶם לֶאֱחֹז בָּהֶן. דַּע לְךָ, אֲדוֹנִי הַמֶּלֶךְ, כִּי תַכְלִית בְּנֵי הָאָדָם הִיא הָאֱמוּנָה וְתִקּוּן עִנְיְנֵי הָעוֹלָם. וְאֵין לְךָ אָדָם מַגִּיעַ אֶל הָאֱמוּנָה אֶלָּא בְאֶמְצָעוּת הָעוֹלָם הַזֶּה, כִּי הָעוֹלָם הַזֶּה הוּא הַדֶּרֶךְ הַמּוֹבִילָה אֶל הָעוֹלָם הַבָּא, וְעִנְיְנֵי הָעוֹלָם הַזֶּה לֹא יְתֻקְּנוּ אֶלָּא עַל יְדֵי מַעֲשֵׂי בְנֵי הָאָדָם. וּמַעֲשֵׂי הָאָדָם נֶחְלָקִים לְאַרְבָּעָה סוּגִים: הַשִּׁלְטוֹן, וְהַמִּסְחָר, וְהַחַקְלָאוּת, וְהַמְּלָאכָה. וּלְהַשָּׂגַת הַשִּׁלְטוֹן צְרִיכָה הַיְדִיעָה הַשְּׁלֵמָה בְעִנְיְנֵי הַמְּדִינָה וְהַהִתְבּוֹנְנוּת הַנְּכוֹנָה, כִּי הַשִּׁלְטוֹן הוּא הַגּוֹרֵם לְיִשּׁוּב הָעוֹלָם הַזֶּה שֶׁהוּא הַדֶּרֶךְ אֶל הָעוֹלָם הַבָּא, כִּי הָאֵל יִתְעַלֶּה עָשָֹה אֶת־הָעוֹלָם הַזֶּה לִבְנֵי הָאָדָם כְּצֵידַת הַנּוֹסֵעַ לִפְנֵי לֶכְתּוֹ לְדַרְכּוֹ. וְעַל כֵּן מִן הַצֹּרֶךְ הוּא שֶׁכָּל־אָדָם יִקַּח מִמֶּנָּה בְשִׁעוּר שֶׁיְקָרְבֵהוּ אֶל הָאֱלֹהוּת, וְלֹא יֵלֵךְ אַחֲרֵי תַּאֲווֹתָיו. וְאִלְמָלֵי לָקְחוּ בְנֵי הָאָדָם חֶלְקָם בָּעוֹלָם הַזֶּה בְּיֹשֶׁר בָּטְלוּ הַמַּחֲלֹקוֹת אֲבָל הֵם לוֹקְחִים חֶלְקָם בְּחָמָס וּבִרְדִיפָה אַחֲרֵי הַתַּאֲווֹת, וְעֵל כֵּן יָצְאוּ מִזֶּה הַמְּרִיבוֹת, וְנִצְרְכוּ לַמֶּלֶךְ אֲשֶׁר יָדוּן בֵּינֵיהֶם וִיסַדֵּר עִנְיְנֵיהֶם. וְלוּלֵא מוֹרָאָהּ שֶׁל מַלְכוּת גָּבַר הֶחָזָק עַל הֶחָלָשׁ שֶׁבָּהֶם וּכְבָר אָמַר אַרְדָּשִׁיר: הַדָּת וְהַמֶּלֶךְ תְּאוֹמִים; הַדָּת אוֹצָר וְהַמֶּלֶךְ שׁוֹמְרוֹ. וּכְבָר הוֹרוּ הַדָּתוֹת כִּי מִן הַצֹּרֶךְ לִבְנֵי הָאָדָם לְמַנּוֹת עֲלֵיהֶם מֶלֶךְ אֲשֶׁר יָסִיר חֲמַס הָעוֹשֵׁק מֵהֶעָשׁוּק וְיַעֲזֹר לֶחָלָשׁ כְּנֶגֶד הֶחָזָק.

וְדַע לְךָ, אֲדוֹנִי הַמֶּלֶךְ, כִּי לְפִי מִדּוֹת הַמֶּלֶךְ יִיטַב הַזְּמַן, כִּי כָּךְ אָמַר שְׁלִיחַ הָאֵל, זִכְרוֹ לִבְרָכָה; בֵּין בְּנֵי הָאָדָם יֶשְׁנָם שְׁנֵי סוּגִים, אִם יִיטְבוּ יִיטְבוּ הָאֲנָשִׁים וְאִם יֵרְעוּ יֵרְעוּ גַם הֵם, וְהֵם הַמְּלֻמָּדִים וְהַשַּׁלִּיטִים. וְאָמַר אַחַד הַחֲכָמִים: הַמְּלָכִים שְׁלֹשָׁה: מֶלֶךְ דָּת, וּמֶלֶךְ שְׁמִירָה עַל הַזְּכֻיּוֹת, וּמֶלֶךְ תַּאֲווֹת. מֶלֶךְ הַדָּת מְחַיֵּב אֶת־בְּנֵי הַמְּדִינָה לִשְׁמוֹר דָּתָם, וְהוּא צָרִיךְ לִהְיוֹת הַיּוֹתֵר חָסִיד שֶׁבָּהֶם, כִּי הוּא צָרִיךְ לִהְיוֹת לְמוֹפֵת לְכֻלָּם, וְרַק אָז יוּכַל לְהַכְרִיחַ אֶת אֲנָשָׁיו לְמַלֵּא פְקֻדּוֹתָיו הַמַּתְאִימוֹת לְחֻקֵּי הַדָּת. וּמֶלֶךְ הַשְּׁמִירָה עַל הַזְּכֻיּוֹת מְמַלֵּא עִנְיְנֵי הָאֱמוּנָה וְהָעוֹלָם הַזֶּה, וּמְחַיֵּב אֶת־עֲבָדָיו לִשְׁמֹר הַחֻקִּים, וּמְיַשֵּׁר הָעַקְמוּמִיּוֹת בְּפִי הַחֶרֶב, וּמֵפִיץ אֶת־הַיֹּשֶׁר בֵּין בְּנֵי הָאָדָם. וּמֶלֶךְ הַתַּאֲווֹת אֵין דָּת בְּלִבּוֹ, וְהוּא רַק הוֹלֵךְ אַחֲרֵי תַּאֲווֹתָיו, וְלֹא יִירָא מִפְּנֵי כַעַס הָאֱלֹהִים אֲשֶׁר מָסַר הַשִּׁלְטוֹן בְּיָדוֹ. מַלְכוּתוֹ תֶחֱרַב וְתִפֹּל וְאֵין לָהּ תְקוּמָה.

וְאָמְרוּ הַחֲכָמִים: הַמֶּלֶךְ נִצְרָךְ לַאֲנָשִׁים רַבִּים וְהֵם נִצְרָכִים כֻּלָּם לְאִישׁ אֶחָד, וְעַל כֵּן צָרִיךְ שֶׁיֵּדַע טִבְעֵיהֶם וְיִּכְלְלֵם בְּיָשְׁרוֹ.
וְדַע לְךָ, אֲדוֹנִי הַמֶּלֶךְ, כִּי אַרְדָּשִׁיר, שֶׁהָיָה הַשְּׁלִישִׁי לְמַלְכֵי פָּרַס, מָלַךְ עַל כָּל־הָאַקְלִימִים, וְחִלְּקָם לְאַרְבָּעָה חֲלָקִים, וְעָשָׂה לוֹ אַרְבָּעָה חוֹתָמוֹת, לְכָל־אַקְלִים חוֹתָם. הָרִאשׁוֹן חוֹתַם הַיָּם וְהַמִּשְׁטָרָה וְהַהֲגָנָה, וְכָתַב עָלָיו: הַפְּקִידוּת; וְהַשֵּׁנִי חוֹתַם הַמֶּכֶס וּגְבִיַּת הַכְּסָפִים, וְכָתַב עָלָיו: הַיִּשּׁוּב; וְהַשְּׁלִישִׁי חוֹתַם הַכַּלְכָּלָה, וְכָתוּב עָלָיו: הַשֶּׁפַע; וְהַרְבִיעִי חוֹתַם הַתְּלוּנוֹת עַל הֶחָמָס, וְכָתוּב עָלָיו: הַיּשֶׁר. וְכֵן הָיָה הַדָּבָר נוֹהֵג עַד שֶׁהִתְפַּשֵּׁט הָאִשְׂלָם בָּאָרֶץ.
וְכָתַב כִּסְרָה לִבְנוֹ אֲשֶׁר בַּצָּבָא: בְּנִי, אַל תְּהִי רַךְ בִּפְנֵי צְבָאֲךָ, פֶּן תָּסוּר יִרְאָתְךָ מֵעַל פְּנֵיהֶם, וְאַל תָּצִיק לָהֶם פֶּן תִּקְצַר רוּחָם מִמֶּךָּ, וְתֵן לָהֶם נְתִינוֹת בְּצִמְצוּם, וְהַרְחֵב לָהֶם בְּשַׁעַת רְוָחָה, וְלֹא תָצִיק לָהֶם בְּשַׁעַת מְצוּקָה.
וְסִפְּרוּ כִי עֲרָבִי אֶחָד בָּא אֶל הַמֶּלֶךְ אַל מַנְצוּר וְאָמַר לוֹ: הִשְׁתַּדֵּל כִּי כַלְבְּךָ יֵלֵךְ אַחֲרֶיךָ. מִיָּד כָּעַס עָלָיו הַמֶּלֶךְ. אָמַר לוֹ אַבּוּ־אַל עַבָּס הַטַּוָּסִי: אֲדוֹנִי הַמֶּלֶךְ, כַּוָּנָתוֹ כִי עָלֶיךָ לְהִזָּהֵר פֶּן יַרְאֵהוּ זוּלָתְךָ כִּכַּר לֶחֶם וְיַעֲזָבְךָ וְיֵלֵךְ אַחֲרָיו. אָז נִתְקָרְרָה דַעְתּוֹ וְיָדַע כִּי נִתְכַּוֵּן לְטוֹבָתוֹ, וְצִוָּה לָתֵת לוֹ מַתָּנוֹת.
וְאָמְרוּ: אֵין רְכוּשׁ כַּשֵּׂכֶל, וְאֵין שֵׂכֶל כִּמְצִיאַת הַתַּחְבּוּלוֹת, וְאֵין תַּחְבּוּלָה כְּיִרְאַת יְיָ, וְאֵין מִסְחָר כְּמַעֲשִׂים טוֹבִים, וְאֵין רֶוַח כְּמִצְוַת יְיָ, וְאֵין מַדָּע כַּהִתְבּוֹנְנוּת, וְאֵין יַחַס כָּעֲנָוָה, וְאֵין כָּבוֹד כַּמַּדָּע.
וְאָמַר עָלִי: הִזָּהֲרוּ מִפְּנֵי הַנָּשִׁים הָרָעוֹת, וְאַל תִּשְׁאֲלוּ בַעֲצָתָן בְּשׁוּם דָּבָר. וְאָמַר: מִי שֶׁעָזַב הַהִסְתַּפְּקוּת יִהְיֶה נָבוֹךְ.
וְאָמַר עוּמָר, רְצוֹן יְיָ עָלָיו: הַנָּשִׁים שָׁלֹשׁ. אִשָּׁה מֻשְׂלָמִית יִרְאַת יְיָ, חֲבִיבָה, יוֹלֶדֶת, תַּעֲזֹר לְבַעֲלָהּ כְּנֶגֶד הַזְּמַן וְלֹא תַעֲזֹר לַזְּמַן כְּנֶגֶד בַּעֲלָהּ; וְאִשָּׁה רְאוּיָה לְפִרְיָה וְרִבְיָה וְלֹא יוֹתֵר; וְאִשָּׁה יְשִׂימָהּ יְיָ לְעֹל בְּצַוַּאר מִי שֶׁיִּגְזֹר עָלָיו. וְהַגְּבָרִים גַּם הֵם שְׁלֹשָׁה: גֶּבֶר חָכָם, שֶׁפּוֹנֶה בְּשַׁעַת הַצֹּרֶךְ אֶל שִׁכְלוֹ; וְגֶבֶר חָכָם מִמֶּנּוּ – כְּשֶׁיָּבוֹא עָלָיו דָּבָר שֶׁאֵינוֹ יוֹדֵעַ אַחֲרִיתוֹ יִפְנֶה אֶל אַנְשֵׁי דֵעָה לִשְׁאֹל דַּעְתָּם; וְגֶבֶר סָכָל שֶׁאֵינוֹ יוֹדֵעַ דֶרֶךְ יֹשֶׁר בְּעַצְמוֹ וְאֵינוֹ שׁוֹאֵל בַּעֲצַת אַחֵרִים לָדַעַת דֶרֶךְ הַיֹּשֶר.

וְהַיֹּשֶׁר מִדָּה חֲשׁוּבָה בְכָל־דָּבָר. וּכְבָר אָמְרוּ בָזֶה כִּי שׁוֹדְדֵי הַדְּרָכִים הַמְּלַסְטְמִים אֶת־הַבְּרִיּוֹת אִלְמָלֵא נָהֲגוּ בְישֶׁר בֵּין אֶחָד מֵהֶם לַחֲבֵרוֹ וּבְמָה שֶׁהֵם מְחַלְּקִים בֵּינֵיהֶם, הָיוּ עִנְיְנֵיהֶם מִסְתַּבְּכִים לְגַמְרֵי. וְאָמְרוּ: רֹאשׁ הַמִּדּוֹת הַטּוֹבוֹת – הַנְּדִיבוּת וְטוּב הַמֶּזֶג. וְכִמָּה יָפִים דִבְרֵי הַמְשׁוֹרֵר:
בְּנִדְבַת־לֵב יְהִי אִישׁ שָׂר בְּעַמּוֹ וּמַה־קַּל לָךְ הֱיוֹתָךְ הוּא בְעַצְמוֹ!

וַתּוֹסֶף נֻזְהַת אַל זְמָן וַתְּדַבֵּר בְּעִנְיְנֵי מִנְהֲגֵי הַמְּלָכִים עַד אֲשֶׁר אָמְרוּ כָל־הָעוֹמְדִים עָלֶיהָ: לֹא רָאִינוּ מִיָּמֵינוּ מִי שֶׁיְדַבֵּר בְּפֶרֶק הַמְּדִינָה כָעַלְמָה הַזֹּאת. וִּמי יִתֵּן וְתַשְׁמִיעֵנוּ דְבָרִים בִּפְרָקִים אֲחֵרִים.
וַתִּפְתַּח נֻזְהַת אַל זְמָן פִּיהָ וַתֹּאמֶר:
פֶּרֶק הַמּוּסָר הוּא הֶחָשׁוּב שֶׁבַּפְּרָקִים, כִּי בוֹ תַכְלִית הַשְּׁלֵמוּת, וְקָרָה כִי אֶחָד מֵאַנְשֵׁי־שִׂיחָתוֹ שֶׁל הַמֶּלֶךְ מְעָוִיָּה הִזְכִּיר אֶת־אַנְשֵׁי עִירָק וְדַעְתָּם הָרְחָבָה, וְאִשְׁתּוֹ מִיסוּן אֵם יָזִיד שׁוׁמַעַת דִּבְרֵיהֶם. כְּשֶׁהָלַךְ אָמְרָה לוֹ: אֲדוֹנִי הַמֶּלֶךְ, כָּמְהָה נַפְשִׁי לִשְׁמֹעַ שִׂיחוֹת אַנְשֵׁי עִירָק. אוּלַי תַּרְשֶׁה לַאֲחָדִים מֵהֶם לָבוֹא לְפָנֶיךָ כְּדֵי שֶׁאֶשְׁמַע דִּבְרֵיהֶם. אָמַר הַמֶּלֶךְ: מִי בֶחָצֵר? אָמְרוּ: בְּנֵי תָמִים. אָמַר: יָבוֹאוּ. בָּאוּ אִתָּם אַל־אַחְנָף בֶּן־קִישׁ. אָמַר לוֹ מְעָוִיָּה: גְּשָׁה אֵלַי, אַבּוּ־בַּחְרְ. וְהוֹרִידוּ מָסָךְ בֵּין הַמֶּלֶךְ וְהַמַּלְכָּה לְמַעַן תּוּכַל לִשְׁמֹעַ דִּבְרֵיהָם. אָמַר הַמֶּלֶךְ: אַבּוּ־בַּחְרְ, מַה־תִּבְחַר לִי? אָמַר: סַלְסֵל שְׂעָרְךָ, וּגְזֹז שְׂפָמְךָ וְעֲשֵׂה צִפָּרְנֶיךָ, וּמְרֹט שַׂעֲרוֹת בֵּית־שֶׁחְיֶךָ, וּרְחַץ בַּיּוֹם הַשִּׁשִּׁי לְכַפֵּר עַל הַיָּמִים שֶׁבֵּינוֹ וּבֵין הַשִּׁשִּׁי שֶׁלְּאַחֲרָיו. שָׁאַל אוֹתוֹ מְעָוִיָּה: וּמַה־תִּבְחַר לְעַצְמֶךָ? אָמַר: אֶדְרֹךְ בְּכַף רַגְלִי עַל הָאָרֶץ וְאֶעֱקֹר אוֹתָהּ בִּמְתִינוּת אַחֲרֵי הַהִתְבּוֹנְנוּת לְהֵיכָן אַעְתִּיקֶהָ. שְׁאָלָהוּ: וּמַה־מִּנְהָגְךָ כְּשֶׁאַתָּה בָא אֶל אֶחָד שֶׁאֵינוֹ מֵהַגְּדוֹלִים? אָמַר: אוֹרִיד רֹאשִׁי בְּבוּשָׁה, וְאַקְדִּים לוֹ שָׁלוֹם, וְאַמְעִיט בְּדִבּוּר, וְלֹא אֲדַבֵּר בְּמָה שֶׁאֵינוֹ נוֹגֵעַ לִי. אָמַר: וּמַה־מִּנְהָגְךָ כְּשֶׁתָּבוֹא אֶל בֵּית גְּדוֹלֶיךָ? אָמַר: אַקְדִּים לָהֶם שָׁלוֹם וְאַמְתִּין לִתְשׁוּבָתָם; אִם יְקָרְבוּנִי אֶקְרַב, וְאִם יְרַחֲקוּנִי אֶרְחַק. אָמַר: וּמַה־מִּנְהָגְךָ עִם אִשְׁתֶּךָ? אָמַר: עַד כָּאן, אֲדוֹנִי הַמֶּלֶךְ. אָמַר לוֹ: הִנְנִי מַשְׁבִּיעֲךָ כִּי תַגִּיד לִי. אָמַר: אַנְעִים מִזְגִי, וְאֵיטִיב חֶבְרָתִי, וְאַרְחִיב הַהוֹצָאָה, כִּי הָאִשָּׁה נוֹצְרָה מִצֶּלַע עֲקֻמָּה. אָמַר מְעָוִיָּה: הֵטַבְתָּ לְהָשִׁיב, וְעַתָּה הַגֶּד־לִי בַקָּשָׁתֶךָ. אָמַר: שְׁאֵלָתִי וּבַקָּשָׁתִי כִי תִירָא אֶת־יְּיָ בְּהַנְהָגָתְךָ עִם נְתִינֶיךָ וְתֵלֵךְ בְּיֹשֶר וּבְשִׁוְיוֹן. אַחֲרֵי־כֵן קָם וְהָלָךְ. לְאַחַר שֶׁהָלַךְ אָמְרָה הַמַּלְכָּה: אִלְמָלֵי לֹא הָיָה בְעִירָק אֶלָּא אִישׁ זֶה בִלְבָד – דַּיֵּניִ.

וַתּוֹסֶף נֻזְהַת אַל זְמָן וַתֹּאמֶר:
וְדַע לְךָ, אֲדוֹנִי הַמֶּלֶךְ, כִּי מְעֵיקָב הָיָה סוֹכֵן הָאוֹצָר בִּימֵי מַלְכוּת עוּמָר בֶּן־אַל חַטָּב. פַּעָם אַחַת רָאָה אֶת בֶּן־הַמֶּלֶךְ וְנָתַן לוֹ דִרְהָם¹⁷ אֶחָד מִבֵּית הָאוֹצָר. אָמַר מְעֵיקָב: לְאַחַר שֶׁנָּתַתִּי לוֹ הַדִּרְהָם הָלַכְתִּי לְבֵיתִי וְיָשָׁבְתִּי. לְאַחַר שָׁעָה בָּא שָׁלִיחַ מִבֵּית הַמֶּלֶךְ לִקְרֹא לִי. נִבְהַלְתִּי וְהָלָכְתִּי. כְּשֶׁבָּאתִי וְעָמַדְתִּי לְפָנָיו רָאִיתִי שֶׁהוּא מַחֲזִיק הַדִּרְהָם בְּיָדוֹ וְקוֹרֵא: אוֹי לְךָ, מְעֵיקָב, מִיּוֹם הַדִּין! אָמַרְתִּי: מַה הַדָּבָר, אֲדוֹנִי נְגִיד הַמַּאֲמִינִים? אָמַר: בְּיוֹם הַדִּין הַגָּדוֹל וְהַנּוֹרָא תִּצְטָרֵךְ לַעֲמֹד לְדִין עִם אֻמַּת מֻחַמָּד עַל דִּרְהָם זֶה.

וְכָתַב עוּמָר אֶל אַבּוֹ מוּסָא הָאַשְׁעָרִי: כְּשֶׁיָּבוֹא מִכְתָּבִי זֶה אֵלֶיךָ תֵּן לָאֲנָשִׁים מַה־שֶּׁמַּגִּיעַ לָהֶם תְּחִלָּה וְאֶת־הַשְּׁאָר תָּבִיא אֵלָי.

וְכַאֲשֶׁר יָשַׁב עֻתְמָן עַל כִּסֵּא הַחֲ’לוֹפָה¹⁸ כָּתַב אֶל אַבּוּ־מוּסָא גַם הוּא כַדָּבָר הַזֶּה, וְכֵן עָשָׂה וּבָא לְפָנָיו וְאִתּוֹ זְיָד, כְּשֶׁשָּׂם כֶּסֶף הַמֶּכֶס לִפְנֵי הֶחָ’לִיף בָּא בְנוֹ וְלָקַח דִּרְהָם וְהָלַךְ. בָּכָה זְיָד. אָמַר לוֹ עֻתְמָן: מִפְּנֵי מָה אַתָּה בוֹכֶה, זְיָד? אָמַר: כְּשֶׁבָּאתִי אֶל עוּמָר בֶּן־אַל חַטָּב בְּכֶסֶף הַמֶּכֶס בָּא בְנוֹ וְלָקַח דִּרְהָם, מִיָּד צִוָּה עוּמָר לְהוֹצִיאֵהוּ מִיָּדוֹ, וּבִנְךָ לָקַח דִּרְהָם וְאֵינִי רוֹאֶה מִי שֶׁיּוֹצִיאֵהוּ מִיָּדוֹ אוֹ יֹאמַר לוֹ דָבָר. עָנָה עֻתְמָן: וְהֵיכָן נִמְצָא אִישׁ כְּעוּמָר?

וְסִפֵּר זְיָד בֶּן־אַשְׂלָם בְּשֵׁם אָבִיו לֵאמֹר: יָצָאתִי עִם עוּמָר בְּלַיְלָה אֶחָד, וְהָלַכְנוּ עַד שֶׁהִגַּעְנוּ לְמָקוֹם שֶׁרָאִינוּ בוֹ מְדוֹרַת אֵשׁ. אָמַר לִי: אַשְׂלָם, חוֹשְׁבֵנִי שֶׁאֵלֶּה הֵם נוֹסְעִים שֶׁגָּבַר עֲלֵיהֶם הַקֹּר. בּוֹא נֵלֵךְ אֲלֵיהֶם. הָלַכְנוּ עַד שֶֹבָּאנוּ לְשָּם. כְּשֶׁבָּאנוּ שָׁם רָאִינוּ אִשָּׁה מְבָעֶרֶת אֵשׁ וְעַל הָאֵשׁ קְדֵרוֹת, וּסְבִיבָהּ יְלָדִים צוֹעֲקִים. קָרַב עוּמָר אֲלֵיהֶם וְאָמַר: שָׁלוֹם עֲלֵיכֶם, בַּעֲלֵי הָאוֹר (לֹא רָצָה לוֹמַר: בַּעֲלֵי הָאֵשׁ), מָה אַתֶּם עוֹשִׂים? אָמְרָה הָאִשָּׁה: חָזַק עָלֵינוּ הַקֹּר וַאֲפֵלַת הַלָּיְלָה. אָמַר: וְלָמָּה הַיְלָדִים הָאֵלֶּה צוֹעֲקִים? אָמְרָה: מֵרָעָב. אָמַר: וּמָה בַּקְּדֵרוֹת הָאֵלֶּה? אָמְרָה: מַיִם, כְּדֵי שֶׁתָּנוּחַ דַּעְתָּם עַד שֶׁתֹּאחֲזֵם שֵׁנָה. וְהָאֱלֹהִים בְּוַדַּאי יַעֲמִיד אֶת עוּמָר בֶּן־אַל חַטָּב לְמִשְׁפָּט בִּגְלָלָם בְּיוֹם הַדִּין. אָמַר: וּמִנַּיִן לוֹ לְעוּמָר לָדַעַת מַצַּבְכֶם? אָמְרָה: וְאֵיךְ יְקַבֵּל עָלָיו לְנַהֵל אֶת־צֹאן מַרְעִיתוֹ וְלֹא יֵדַע מָה אִתָּם? הָרוֹעֶה הַטּוֹב אֵינוֹ מַמְתִּין עַד שֶׁיָּבוֹאוּ הַצֹּאן אֵלָיו לְהִתְאוֹנֵן, אֶלָּא הוּא מַקְדִּים וְהוֹלֵךְ לִפְקֹד אוֹתָם. אָמַר אַשְׂלָם: מִיָּד קָרַב עוּמָר אֵלַי וְאָמַר: לֵךְ אַחֲרָי. יָצָאנוּ מְבֹהָלִים וְהָלַכְנוּ עַד שֶׁבָּאנוּ לְבֵית הַמַּכֹּלֶת וְהוֹצִיא מִשָּׁם שַׂק קֶמַח וּפַךְ שֶׁמֶן, וְאָמַר: הַעֲמֵס עַל גַּבִּי. אָמַרְתִּי לוֹ: אָנֹכִי אֶשָּׂא אֶת־הַשַּׂק, אֲדוֹנִי נְגִיד הַמַּאֲמִינִים. עָנָה וְאָמַר: לֹא יִשָּׂאֵהוּ אֶלָּא אָנֹכִי בְעַצְמִי, וְכִי תִשָּׂא אַתָּה מַשָּׂא חֶטְאִי בְיוֹם הַדִּין? הֶעֱמַסְתִּי הַשַּׂק עַל גַּבּוֹ וְיָצָאנוּ בִּמְהִירוּת עַד שֶׁבָּאנוּ וְהִשְׁלַכְנוּ הַשַּׂק עַל יַד הָאִשָּׁה. וְאַחַר כָּךְ הוֹצִיא קֶמַח מִן הַשַּׂק וְסִלֵּק אֶת הָאִשָּׁה לִצְדָדִין וְהִשְׁלִיךְ מִן הַקֶּמַח אֶל הַקְּדֵרוֹת וְעָמַד וְנָפַח בָּאֵשׁ מִתַּחַת לַקְּדֵרוֹת. וְהָיָה לוֹ זָקָן אָרֹךְ, וְרָאִיתִי הֶעָשָׁן יוֹצֵא מִבֵּין שַׂעֲרוֹת זְקָנוֹ עַד שֶׁרָתְחוּ הַמָּיִם. יָצַק מְעַט שֶׁמֶן אֶל תּוֹךְ הַמַּיִם הַרוֹתְחִים וְאָמַר לָאִשָּׁה: הַאֲכִילִי אוֹתָם וְאָנֹכִי אֲצַנֵּן לָהֶם מַאֲכָלָם. קָמוּ הַיְלָדִים וְאָכְלוּ עַד שֶׁשָּׂבְעוּ, וְהַשְּׁאָר הִשְׁאִיר אֶצְלָהּ. לְאַחַר שֶׁיָּצָאנוּ אָמַר לִי: הוֹי אַשְׂלָם, כְּשֶׁרָאִיתִי הַיְלָדִים בּוֹכִים מֵרָעָב לֹא יָכֹלְתִּי לָזוּז מִשָּׁם עַד שֶׁגֵּרַשְׁתִּי הָרָעָב מִבֵּיתָם.

וּמְסַפְּרִים עוֹד: פַּעַם עָבַר עוּמָר וְרָאָה רוֹעֶה, אָמַר לִקְנוֹת שֶׂה מִמֶּנּוּ. אָמַר לוֹ הָרוׂעֶה: שֶׂה זֶה אֵינוֹ שֶׁלִּי וְאֵינִי יָכוֹל לְמָכְרוֹ, כִּי הוּא שֶׁל אֲדוֹנִי וְאָנֹכִי עַבְדּוֹ. אָמַר עוּמָר: אִם כָּךְ אֶקְנֶה אוֹתָךָ. הָלַך וְקָנָה אוֹתוֹ מִבְּעָלָיו וְשִׁחְרֵר אוֹתוֹ וְקָרָא: הָאֱלֹהִים! כְּשֵׁם שֶׁזִּכִּיתַנִי לְשִׁחְרוּר קָטָן זֶה כֵּן תְּזַכֵּנִי לְשִּׁחְרוּר הַגָּדוֹל.

וִיסַפְּרוּ כִי עוּמָר הָיָה מַשְֹקֶה עֲבָדָיו חָלָב וְהוּא בְעַצְמוֹ אָכַל מַאֲכָלִים גַּסִּים, וְהִלְבִּישׁ אוֹתָם אֲרִיגִים דַּקִּים וְרַכִּים, וְהוּא בְעַצְמוֹ לָבַשׁ אֲרִיגִים גַּסִּים. וְהָיָה נוֹתֵן לָאֲנָשִׁים מַה־שֶּׁמַּגִּיעַ לָהֶם בְּעַיִן יָפָה. וְנָתַן פַּעַם לְאִישׁ אֶחָד אַרְבָּעָה אֲלָפִים דִּרְהָמִים וְהוֹסִיף לוֹ עוֹד אָלֶף. אָמְרוּ לוֹ: מִשּׁוּם מָה אֵינְךָ מוֹסִיף גַּם לְבִנְךָ כְּמוֹ שֶׁהוֹסַפְתָּ לְאִישׁ זֶה. עָנָה וְאָמַר: אִישׁ זֶה עָמַד בַּמִּלְחָמָה בְּיוֹם אֶחָד.

וְאַל חָסָן סִפֵּר וְאָמַר: פַּעַם הֵבִיאוּ לְעוּמָר סְכוּם גָּדוֹל. בָּאָה אֵלָיו חַפְצָה וְאָמְרָה: נְגִיד הַמַּאֲמִינִים, זְכוּת קִרְבָתֶךָ! אָמַר לָהּ: הוֹי, חַפְצָה, בֶּאֱמֶת צִוָּה אוֹתָנוּ הַמָּקוֹם עַל זְכוּת הַקִּרְבָה, אֲבָל רַק מֵרְכוּשֵׁנוּ אָנוּ וְלֹא מֵרְכוּשׁ הָאֻמָּה. אָז קָמָה וְגֵרְרָה שָׁבְלָהּ וְהָלְכָה.
וּבְנוֹ שֶׁל עוּמָר סִפֵּר וְאָמַר: הִתְפַּלַּלְתִּי לַיְיָ כִּי יְזַכֵּנִי לִרְאוֹת אֶת־אָבִי בִשְׁנָתִי, וְהַבּוֹרֵא נִשְׁמַע לִתְפִלָּתִי וְרָאִיתִי אֶת־אָבִי וְהוּא מְקַנֵּחַ טִפּוֹת זֵעָה מֵעַל מִצְחוֹ. אָמַרְתִּי לוֹ: מַה־שְּׁלוֹמְךָ, אַבָּא? אָמַר: אִלְמָלֵא רַחֲמָיו שֶׁל הַקָּדוֹשׁ בָּרוּךְ הוּא הָיָה אָבִיךָ כָּלֶה מִן הָעוֹלָם.

וְאַחַר אָמְרָה נֻזְהָת אַל זְמָן: שְׁמַע נָא, אֲדוֹנִי הַמֶּלֶךְ הַמְּאֻשָּׁר, אֵת הַחֵלֶק הַשֵּׁנִי מֵהַפֶּרֶק הָרִאשׁוֹן, הוּא פֶרֶק הַמּוּסָר וְהַמַּעֲלוֹת, וּמַה־שֶּׁסֻּפַּר בּוֹ עַל הַצַּדִּיקִים וְהַחֲסִידִים.

אָמַר חָסָן אַל בַּצְרִי: אֵין הַנְּשָׁמָה יוֹצֵאת מִגּוּפוֹ שֶׁל אָדָם עַד שֶׁיֵּאָנַח עַל שְׁלֹשָה דְבָרִים: עַל שֶׁאֵינוֹ יָכוֹל לִקַּח עִמּוֹ מַה־שֶּׁאָסַף, וְלֹא עָלְתָה לוֹ לְהַשִּׂיג מַה־שֶּׁקִּוָּה לוֹ, וְעַל שֶׁאֵינוֹ יָכוֹל לְהָכִין לוֹ צֵידָה לַדֶּרֶךְ שֶׁהוּא הוֹלֵךְ עָלֶיהָ.

וְסֻפָּר כִּי כְשֶׁהִגִּיעָה שַׁעְתּוֹ שֶׁל עַבְּדְ־אַלָּהּ בֶּן־שַׁדָּד לְהִפָּטֵר מִן הָעוֹלָם קָרָא אֵלָיו אֶת מֻחַמָּד בְּנוֹ וְצִוָּהוּ: בְּנִי, רוֹאֶה אֲנִי שֶׁהִגִּיעָה שַׁעְתִּי, וּבְכֵן אֲצַוֶּךָּ: הֱוֵה יְרֵא שָׁמַיִם בַּסֵּתֶר וּבַגָּלוּי, וְיִהְיוּ דְבָרֶיךָ תָמִיד דִּבְרֵי אֱמֶת, וְתֵן תּוֹדָה לַשֵּׁם יִתְבָּרַךְ עַל כָּל־הַטּוֹב שֶׁגְּמָלְךָ, כִּי הַתּוֹדָה גוֹרֶרֶת תּוֹסֶפֶת טוֹבָה, וּמוֹרָאוֹ שֶׁל מָקוֹם הוּא הַצֵּידָה הַיּוֹתֵר טוֹבָה לְיוֹם אַחֲרוֹן.

וְאַחַר אָמְרָה נֻזְהָת אַל זְמָן: שְׁמַע־נָא, הַמֶּלֶךְ, אֵת הַסִּפּוּרִים אֲשֶׁר בַּחֵלֶקּ הַשֵּׁנִי מֵהַפֶּרֶק הָרִאשׁוֹן. וַיֹּאמֶר: וּמָה הֵם? וַתִּפְתַּח אֶת־פִּיהָ וַתֹּאמַר:

כְּשֶׁמָּלַךְ עוּמָר בֶּן־עַבְּדְ אַל עָזִיז בָּא אֶל בְּנֵי־בֵיתוֹ וּמִשְׁפַּחְתּוֹ וְלָקַח כָּל־מַה־שֶׁהָיָה לָהֶם וְשָׂם בְּבֵית הָאוֹצָר. חָרְדוּ בְנֵי אֻמַּיָּה אֶל פַטְמָה בַּת מִרְוָן. מִיָּד שָׁלְחָה לְהַגִּיד לוֹ: רוֹצָה אֲנִי לָבוֹא אֵלֶיךָ וּלְדַבֵּר אִתָּךְ. וּבָאָה בַלַּיְלָה. הוֹרִיד אוֹתָהּ מֵעַל רְכוּבָהּ וֶהֱבִיאָהּ לְבֵיתוֹ. כְּשֶׁיָּשְׁבָה אָמַר לָהּ: דּוֹדָתִי, הַתְחִילִי אַתְּ בַּשִׂיחָה, כִּי אַתְּ בִּקַּשְׁתְּ לְדַבֵּר אִתִּי. אָמְרָה: לֹא, כִּי לִנְגִיד הַמַּאֲמִינִים זְכוּת הַקְּדִימָה, וְדַעְתְּךָ תְגַלֶּה אֶת־הַנִּסְתָּר מֵהַשֵּׂכֶל. אָמַר עוּמָר בֶּן־עַבְּדְ אַל עָזִיז: בֶּאֱמֶת שָּלַח הַבּוֹרֵא יִתְבָּרַךְ אֶת־מֻחַמָּד לִבְרָכָה לָעוֹלָם, וְהָיָה לָאֲנָשִׁים לְנָהָר שׁוֹטֵף לְרַוּוֹת צִמְאוֹנָם. כְּשֶׁמֵּת קָם אַחֲרָיו אַבּוּ־בַּכְּרְ לְחָ’לִיף בִּמְקוֹמוֹ וְנָתַן לַנָּהָר לִזְרֹם כְּמִנְהָגוֹ, וְעָשָׂה הַטּוֹב וְהַיָּשָׁר בְּעֵינֵי הַבּוֹרֵא יִתְעַלֶּה. אַחֲרָיו קָם עוּמָר וְעָשָׂה גַם כֵּן הַטּוֹב וְהַיָּשָׁר וְשׁוּם בִּרְיָה לֹא דָמְתָה אֵלָיו בְּמַעֲשָׂיו הַטּוֹבִים. אַחֲרָיו קָם עֻתְמָן, אָז יָבֵשׁ נַחַל אֶחָד מִנַּחֲלֵי הַנָּהָר. אַחֲרָיו מָלַךְ מְעָוִיָּה וְיָבְשׁוּ מֵהֶם נְחָלִים. וְכָךְ הַלְכוּ וְיִבְּשׁוּ נְחָלִים אַחֲרֵי נְחָלִים הַמְּלָכִים שֶׁאַחֲרָיו, יָזִיד, וּבְנוֹ מִרְוָן עַבְּדְ־אַל מָלֵךְּ, וְאַל וָלִיד וְסוּלַיְמָן; עַד שֶׁהִגִּיעָה הַמְּלוּכָה אֵלָי. וְרָצִיתִי לְהָשִׁיב אֶת־הַנָּהָר לְמַצָּבוֹ הַרִאשׁוֹן. קָמָה חַפְצָה וְאָמְרָה: בֶּאֱמֶת אָמַרְתִּי כִּי רַק לִשְׁמֹעַ דְּבָרֶיךָ בָאתִי, וְעַתָּה אֵין לִי עוֹד לְהוֹסִיף דָּבָר. וְקָמָה וְשָׁבָה אֶל בְּנֵי אֻמַּיָּה וְאָמְרָה לָהֶם: זֹאת לָכֶם כְּשֶׁהִמְלַכְתֶּם עֲלֵיכֶם לְמֶלֶךְ אֶת־עוּמָר.

וּמְסַפְּרִים, כִּי כְשֶׁהִגִּיעָה שַׁעְתּוֹ שֶׁל עוּמָר בֶּן־עַבְּדְ אַל עָזִיז לְהִפָּטֵר מִן הָעוֹלָם אָסַף אֵלָיו אֶת־בָּנָיו. אָמַר לוֹ מַשְׂלָמָה בֶּן־עַבְּדְ אַל מָלֵךְּ: אֲדוֹנִי נְגִיד הַמַּאֲמִינִים, אֶפְשָׁר שֶׁתַּעֲזֹב בָּנֶיךָ עֲנִיִּים וְאַתָּה רוֹעָם? וּמִי מְעַכֵּב בַּעַדְךָ שֶׁתִּתֵּן לָהֶם בִּימֵי חַיֶּיךָ מִבֵּית הָאוֹצָר דָּבָר שֶׁיַּעֲשִׁירֵם? וּמוּטָב שֶָתַּעֲשֶׂה אַתָּה זֹאת מִשֶּׁתַּעֲזֹב הָעִנְיָן לַבָּא אַחֲרֶיךָ. הִבִּיט עוּמָר אֵלָיו בְּכַעַס וְאָמַר: הוֹי, מַשְׂלָמָה, כָּל־יָמַי נִמְנַעְתִּי מִזֶּה וְעַתָּה אֶסְבֹּל בִּגְלָלָם לְאַחַר פְּטִירָתִי? אִם בָּנַי יִרְאֵי הַשֵּׁם יֵיטִיב הַשֵּׁם מַצָּבָם, וְאִם, חַס וְשָׁלוֹם, מַמְרִים הֵם לֹא אֲסַיֵּעַ לָהֶם בְּמִרְיָם. הֵן זוֹכֵר אַתָּה, מַשְׂלָמָה, כְּשֶׁבָּאנוּ אֲנִי וְאַתָּה בְשַׁעַת קְבוּרַת אַחַד בְּנֵי מַרְוָן וְאַחַר כָּךְ רָאִיתִי אוֹתוֹ בַחֲלוֹם בְּמַצָּב שֶׁהִפְחִידַנִי וְהִבְהִילַנִי. וְנִשְׁבַּעְתִּי אָז בֵּאלֹהִים שֶׁלֹּא אֶעֱשֶׂה כְמַעֲשָׂיו אִם אַגִּיעַ אָנֹכִי לִמְלוּכָה, וּבְכָל־יָמַי הִתְאַמַּצְתִּי לְמַלֵּא שְׁבוּעָתִי, וּמְקַוֶּה אֲנִי שֶׁלֹּא אֲחַלְּלֶנָּה. אָמַר מַשְׂלָמָה: כְּשֶׁמֵּת הָלַכְתִּי לִקְבוּרָתוֹ, וְאַחַר כָּךְ רָאִיתִי אוֹתוֹ בַחֲלוֹם וְהוּא יוֹשֵׁב בְּגַן בּוֹ נַהֲרֵי מַיִם נִמְשָׁכִים, וְעָלָיו בְּגָדִים לְבָנִים. וּכְשֶׁרָאַנִי קָרַב אֵלַי וְאָמַר: כָּךְ צְרִיכִים אַנְשֵׁי מַעֲשֶׂה לַעֲשֹוֹת.

וְאֶחָד מֶאַנְשֵׁי הָאֱמֶת הִגִּיד: בִּימֵי חֲ’לוֹפַת עוּמָר בֶּן־עַבְּדְ אַל עָזִיז הָיִיתִי חוֹלֵב צֹאן. פַּעַם אַחַת עָבַרְתִּי עַל פְּנֵי רוֹעֶה וְרָאִיתִי בֵין צֹאנוֹ זְאֵב אוֹ זְאֵבִים וְחָשָׁבְתִּי שֶׁכְּלָבָיו הֵם. כִּי לֹא רָאִיתִי זְאֵב מִיָּמָי. אָמַרְתִּי לוֹ: מָה אַתָּה עוֹשֶׂה בַּכְּלָבִים הָאֵלֶּה? אָמַר: אֵלֶּה אֵינָם כְּלָבִים כִּי אִם זְאֵבִים. אָמַרְתִּי לוֹ: וְכִי אֶפְשָׁר שֶׁיָּגוּרוּ זְאֵבִים עִם כְּבָשִׂים וְלֹא יַזִּיקוּ לָהֶם? אָמַר: זֶהוּ מַה־שֶּׁנֶּאֱמַר: בִּרְצוֹת יְיָ דַּרְכֵי אִישׁ גַּם אוֹיְבָיו יַשְׁלִים אִתּוֹ.

וּפַעַם דָּרַשׁ עוּמָר בֶּן־עַבְּדְ אַל עָזִיז עַל בָּמָה בְנוּיָה טִיט, וּבֵרַךְ אֶת יְיָ וְאָמַר: רַבּוֹתַי, הֵיטִיבוּ נִסְתַּרְכֶם וְיִיטַב נִגְלְכֶם לְעֵינֵי אֲחֵיכֶם. וּדְעוּ כִי אֵין בֵּין אָדָם הָרִאשׁוֹן וּבֵין כָּל־בָּנָיו אַחֲרָיו אִישׁ חַי בֵין אֵלֶּה שֶׁמֵּתוּ. מֵת עַבְּדְ־אַל מָלֵךְּ וְכָל־הַקּוֹדְמִים לוֹ, וְיָמוּת עוּמָר וְכָל־הַבָּאִים אַחֲרָיו. אָמַר אֵלָיו מַשְׂלָמָה: אֲדוֹנֵנוּ נְגִיד הַמַּאֲמִינִים, אוּלַי נְסַדֵּר לְךָ מִשְׁעָן שֶׁתִּשָּעֵן עָלָיו מְעַט? אָמַר: יָרֵא אֲנִי פֶּן יֵחָשֵׁב לִי הַדָּבָר לְחֵטְא בְּיוֹם הַדִּין. וְשָהַק שָׁהֲקָה וְנָפַל מִתְעַלֵּף. וּפַטְמָה צָוְחָה: הוֹי, מִרְיָם! הוֹי, מְזָחֵם! הוֹי, פְּלוֹנִי! בּוֹאוּ וּרְאוּ מֶה הָיָה לוֹ לְאִישׁ זֶה! וְשָׁפְכָה עָלָיו מַיִם וּבָכְתָה עַד שֶׁהֵקִיץ. כְּשֶׁהֵקִיץ מֵהִתְעַלְּפוּתוֹ וְרָאָה אוֹתָהּ בּוֹכָה, אָמַר: לָמָּה תִבְכִּי, פַטְמָה? אָמְרָה: אֲדוֹנִי נְגִיד הַמַּאֲמִינִים, רָאִיתִי נְפִילָתְךָ לְפָנֵינוּ וְנִזְכַּרְתִּי בִנְפִילָתְךָ לִפְנֵי הַבּוֹרֵא בְיוֹם הַמִּיתָה, כְּשֶׁתִּפָּרֵד מֵהָעוֹלָם וּמִמֶּנּוּ, וּלְזֹאת בָּכִיתִי. אָמַר: רַב לָךְ, פַטְמָה, זֶה יוֹתֵר מִדָּי.

וְאַחַר אָמְרָה נֻזְהָת אַל זְמָן לְשַֹרְכָּן וּלְאַרְבַּעַת הַקָּדִים וְלַסּוֹחֵר: וְזֹאת אַחֲרִית הַחֵלֶק הַשֵּׁנִי מֵהַפֶּרֶק הַרִאשׁוֹן:

פַּעַם כָּתַב עוּמָר בֶּן־עַבְּדְ אַל עָזִיז אֶל קְהַל הַחוֹגְגִים לֵאמֹר:

אַחַר הַתְּהִלָּה לָאֵל הִנְנִי מֵעִיד עָלַי שָׁמַיִם וָאָרֶץ בַּחֹדֶשׁ הַקָּדוֹשׁ וּבָעִיר הַקְּדוֹשָׁה וּבְיוֹם הַחַג הַגָּדוֹל כִּי נָקִי אֲנִי מִכָּל־חָמָס נֶגְדְּכֶם וּמֵחֲמַס כָּל־חוֹמְסֵיכֶם. אִם אָנֹכִי צִוִּיתִי כָזֹאת, אוֹ אָמַרְתִּי לַעֲשׂוֹת כָּזֹאת, אוֹ נוֹדַע לִי דָבָר מִזֹּאת – יֵרֶא אֱלֹהִים וְיִשְׁפֹּט. אֲנִי אֵינִי מַרְשֶׁה לַעֲשֹׁק אֵת מִי שֶׁהוּא, כִּי אַחֲרַיּוּת עֹשֶק כָּל־עוֹשֵׁק הִיא עָלָי, וְכָל־פָּקִיד מִפְּקִידַי שֶׁיָּסוּר מִדֶּרֶךְ הַיֹּשֶר אוֹ יַעֲשֶׂה דָבָר אֲשֶׁר לֹא כְדָת הָאִשְׂלָם אֵין לָכֶם לְהִשָּׁמֵעַ לוֹ עַד שֶׁיָּשׁוּב מִדַּרְכּוֹ.

וְאָמַר אַחַד הַנֶּאֱמָנִים: בָּאתִי אֶל עוּמָר בֶּן־עַבְּדְ אַל עָזִיז בִּימֵי מַלְכוּתוֹ, וְרָאִיתִי לְפָנָיו שְׁנֵים עָשָׂר דִּרְהָמִים, וְצִוָּה לְגָנְזָם בְּבֵית הָאוֹצָר. אָמַרְתִּי לוֹ: אֲדוֹנִי נְגִיד הַמַּאֲמִינִים, הֲלֹא דִלְדַּלְתָּ בָנֶיךָ וְעָשִׂיתָ אוֹתָם לְחַסְרֵי כֹל, וְלָמָּה לֹא תַשְׁאִיר דָּבָר גַּם לָהֶם וּלְכָל אֵלֶּה מִבְּנֵי מִשְׁפַּחְתְּךָ הַדַּלִים? אָמַר: קְרַב אֵלָי. קָרַבְתִּי אֵלָיו וְאָמַר: רְאֵה דְבָרֶיךָ אֵינָם נְכוֹחִים, כִּי גוֹרַל בָּנַי וְכָל־קְרוֹבַי הָעֲנִיִּים הִפְקַדְתִּי בִידֵי הַבּוֹרֵא יִתְבָּרַךְ. וְהוּא לֹא יִטְּשֵׁם אִם יִהְיוּ רְאוּיִים לְעֶזְרָתוֹ. אָז שָׁלַח לְקָרְאָם וְהֵם שְׁנֵים עָשָׂר אִישׁ. כְּשֶׁרָאָה אוֹתָם זָלְגוּ עֵינָיו דְּמָעוֹת, וְאַחַר כָּךְ אָמַר לָהֶם: בָּנַי, לִפְנֵי אֲבִיכֶם שְׁתֵּי דְרָכִים: אוֹ שֶׁתִּתְעַשְּׁרוּ אַתֶּם וְהוּא יִכָּנֵס לְגֵיהִנֹּם, אוֹ שֶׁתִּשָּׁאֲרוּ עֲנִיִּים וְדַלִּים וְהוּא יִכָּנֵס לְגַן־עֵדֶן, וּכְנִיסָתוֹ לְגַן־עֵדֶן חֲבִיבָה עָלָיו מֵעֲשִׁירוּתְכֶם. קוּמוּ, הִנֵּה הִפְקַדְתִּי גוֹרַלְכֶם בִּידֵי הָאֱלֹהִים.

וְאָמַר חָלֵד בֶּן־צֻפְיָן: פַּעַם אַחַת בָּאתִי אֶל הִישָׁם בֶּן־עַבְּדְ אַל מָלֵךְּ, וְהִנֵּה יָצָא הוּא וּקְרוֹבָיו וּמְשָׁרְתָיו וְחָנוּ בַשָּׂדֶה בְּמָקוֹם שֶׁתָּקִעוּ לוֹ אֹהָלָיו. כְּשֶׁיָּשְּבוּ כָל־הָאֲנָשִׁים בִּמְקוֹמָם פָּנִיתִי לִצְדָדִים וְהִבַּטְתִּי אֵלָיו, וּכְשֶׁנִּפְגַּשׁ מַבָּטוֹ בְּמַבָּטִי אָמַרְתִּי לוֹ: יַשְֹלִים הָאֵל נָעֳמוֹ עָלֶיךָ, נְגִיד הַמַּאֲמִינִים, וְלֹא יְעָרֵב בְּשִׂמְחָתְךָ כָּל־צַעַר. אֲדוֹנִי, אֵין טוֹב לְךָ מִשֶּׁתַּעֲשֶׂה כְמַעֲשֵׂה אַחַד הַמְּלָכִים אֲשֶׁר לְפָנֶיךָ. נִתְעוֹרֵר הַמֶּלֶךְ וְיָשַׁב הָכֵן, לְאַחַר שֶׁיָּשַׁב בַּהֲסִבָּה וְאָמַר: בֶּן־צֻפְיָן, הַגֵּד אֵת אֲשֶׁר אִתָּךְ. אָמַרְתִּי: אֲדוֹנִי נְגִיד הַמַּאֲמִינִים, מֶלֶךְ אֶחָד מֵהַקּוֹדְמִים לְךָ יָצָא אֶל מָקוֹם זֶה וְהוּא שָׂמֵחַ וְטוֹב לֵב, אָמַר לַחֲבֵרָיו: הַאִם רְאִיתֶם אִישׁ מְאֻשָּׁר כָּמוֹנִי? אוֹ חָנַן הַבּוֹרֵא אִישׁ כְּמו שֶׁחָנַּנִי אָנִי? וְעַל יָדוֹ יוֹשֵׁב אִישׁ מִשְּׂרִידֵי הַחֲסִידִים הַמְּסַיְעִים לְמַעֲשִׂים טוֹבִים וְאָמַר: אֲדוֹנִי הַמֶּלֶךְ, שְׁאֵלָה גְדוֹלָה שָׁאָלְתָּ; הֲתִתֵּן לִי רְשׁוּת לַהֲשִׁיבֶךָ? אָמַר: כֵּן. אָמַר: אָשְׁרְךָ זֶה, שֶׁאַתָּה שָׂמֵחַ בּוֹ כָל־כָּךְ, הוּא דָבָר נִצְחִי אוֹ דָבַר עוֹבֵר? אָמַר: הוּא דָבָר עוֹבֵר. אָמַר הֶחָסִיד: וּבְכֵן הִתְפָּאֲרוּתְךָ בְּאָשְׁרְךָ זֶה הִיא רַק בְּדָבָר שֶׁאַתָּה נֶהֱנֶה מִמֶּנּוּ רַק לִזְמַן קָצָר וְאַחֲרַיּוּתוֹ עָלֶיךָ לִזְמַן אָרֹךְ, וּבִשְׁעַת הַחֶשְׁבּוֹן תִּהְיֶה נַפְשְׁךָ לְעֵרָבוֹן? אָמַר הַמֶּלֶךְ: וְהֵיכָן הַמִּפְלָט? וּמַה־לַּעֲשׂוֹת עַכְשָׁו? אָמַר: הִשָּׁאֵר בְּמַלְכוּתְךָ בְהַכְנָעָה לָאֵל יִתְבָּרַךְ, וּלְבַשׁ בְּגָדִים גַּסִּים וַעֲבֹד בּוֹרַאֲךָ עַד שֶׁתָּבוֹא מִיתָתֶךָ; וּבַעֲלוֹת הַשַּׁחַר אָבוֹא אֵלֶיךָ. וּכְשֶׁעָלָה הַשַּׁחַר בָּא הָאִישׁ וְדָפַק עַל דֶּלֶת חַדְרוֹ, נִכְנַס וְרָאָהוּ שֶׁהִשְׁלִיךְ נִזְרוֹ וְהוּא מִתְכּוֹנֵן לָשׁוּט בָּאָרֶץ. כְּשֶׁשָּׁמַע הִישָׁם אֵת דְּבָרַי בָּכָה בְכִיָּה גְדוֹלָה עַד שֶׁהִרְטִיב זְקָנוֹ בְדִמְעוֹתָיו, וְצִוָּה לְהָסִיר מֵעָלָיו כָּל־מַחְלְצוֹתָיו, וְיָשַׁב בְּהֵיכָלוֹ וְלֹא יָצָא מִשָּׁם, עַד שֶׁבָּאוּ מְשָׁרְתָיו אֵלַי וְאָמְרוּ: הֲכָכָה אַתָּה עוֹשֶׂה לַאֲדוֹנֵנוּ? הֵן קִלְקַלְתָּ כָל־תַּעֲנוּגָיו וְעָכַרְתָּ חַיָּיו.

וַתּוֹסֶף נֻזְהַת אַל זְמָן וַתֹּאמֶר אֶל שַׁרְכָּן: וּמָה רַבּוֹת עוֹד הָעֵצוֹת הַטּוֹבוֹת וְדִבְרֵי הַמּוּסָר אֲשֶׁר בַּדֶּרֶךְ הַזֶּה, אַךְ הַאֶפְשָׁר לְהַגִּיד הַכֹּל בִּישִׁיבָה אֶחָת? עוֹד אוֹסִיף לְךָ כָהֵנָּה וְכָהֵנָּה בְּמֶשֶׁךְ הַיָּמִים.
וַיֹּאמְרוּ הַקָּדִים: אֲדוֹנֵנוּ הַמֶּלֶךְ, הָעַלְמָה הַזֹּאת הִיא אֶחָד מִפִּלְאֵי הַזְּמַן וִיחִידַת הַדּוֹר, וְלֹא רָאִינוּ וְלֹא שָׁמַעְנוּ כִּי קָם כָּמוֹהַ בְּאַחַד הַיָּמִים, וַיְבָרְכוּ אֶת־הַמֶּלֶךְ וַיֵּלֵכוּ.

 

יג. בַּת הַמֶּלֶךְ אֵשֶׁת אָחִיהָ.    🔗

וְשַׁרְכָּן שָׂמֵחַ מְאֹד, וַיַּחֲלִיט לְקַחְתָּהּ לוֹ לְאִשָּׁה. וַיּוֹשִׁיבֶנָּה בְאַחַד הֵיכְלֵי תִפְאַרְתּוֹ וַיּוֹעֶד מוֹעֵד לְיוֹם כְּלוּלוֹתָיו. וּלְסוֹפֵר סְתָרָיו קָרָא וַיִּכְתֹּב מִכְתָּב אֶל אָבִיו עוּמָר אַל נַעְמָן וַיּוֹדִיעֵהוּ כִּי קָנָה עַלְמָה בַעֲלַת חָכְמָה וּמַדָּע, וַיְשַׁחְרְרֶנָּה, וְהוּא אוֹמֵר לְקַחְתָּהּ לוֹ לְאִשָּׁה, וְאַחֲרֵי חֲתֻנָּתוֹ יִשְׁלָחֶנָּה אֵלָיו בַּגְדָּדָה, לְמַעַן יִרְאֶנָּה הוּא וְדַו אַל מַכָּן אָחִיו וִנֻזְהַת אַל זְמָן אֲחוֹתוֹ. וַיַּחְתֹּם הַסֵּפֶר וַיִּשְׁלָחֶנּוּ אֶל אָבִיו עַל יַד הָרָצִים.
וַיְהִי אַחֲרֵי חֹדֶשׁ יָמִים וַיָּשׁוּבוּ הָרָצִים וּבְיָדָם מִכְתָּב מֵאָבִיו לֵאמֹר:

"כְּתָב זֶה הוּא כְתָב הַנָּבוֹךְ וְהַנִּדְהָם, וְלִבּוֹ רָצוּץ וְנִפְעָם, לְאָבְדַּן יְלָדָיו, שַעֲשׁוּעָיו וַחֲמוּדָיו, הַמֶּלֶךְ עוּמָר אַל-נַעְמָן, אֶל בְּנוֹ שַׁרְכָּן.

דַּע לְךָ, בְּנִי, כִּי אַחֲרֵי נָסְעֲךָ מִזֶּה חָשַׁךְ עוֹלָמִי בַעֲדִי וְכָשַׁל כֹּחַ הַסֵּבֶל, וְאֵינֶנִּי יָכֹל לְהַצְפִּין סוֹדִי עוֹד. וְזֶה הַדָּבָר: יָצוֹא יָצָאתִי בְאַחַד הַיָּמִים לָצוּד צַיִד, וְדַו אַל מַכָּן אָחִיךָ בִקְּשַׁנִי לְתִתּוֹ לָלֶכֶת לָחֹג, וָאִירָא עָלָיו מִפְּנֵי חֲלִיפוֹת הַזְּמַן, וְלֹא נְתַתִּיו לִנְסֹעַ עַד הַשָּׁנָה הַבָּאָה אוֹ הַשָּׁנָה שֶׁלְּאַחֲרֶיהָ. וְאָנֹכִי הָלַכְתִּי לָצוּד צַיִד לְמֶשֶׁךְ יָמִים וְאַחַר שַׁבְתִּי הַבָּיְתָה. וַיְהִי בְשׁוּבִי וְהִנֵּה אֵין דַּו אַל מַכָּן וְאֵין נֻזְהַת אַל זְמָן, כִּי לָקְחוּ אִתָּם כֶּסֶף וַיִּסְּעוּ עִם הַחוֹגְגִים בַּסֵּתֶר. וַיְהִי בְהִוָּדַע לִי הַדָּבָר וַיֵּצֶר לִי מְאֹד, וָאֲחַכֶּה בְקֹצֶר רוּחַ עַד שׁוּב הַחוֹגְגִים, כִּי אָמַרְתִּי אוּלַי יָשׁוּבוּ אִתָּם. וַיְהִי כְשׁוּב הַחוֹגְגִים וָאֶשְׁאָלֵם לְבָנַי וְהִנֵּה אֵין מֵהֶם יוֹדֵעַ דָּבָר עַל אֹדוֹתָם. וַיֶּחֱרַד לִבִּי מְאֹד וּשְׁנָתִי נָדְדָה מֵעֵינַי, וְלִבִּי נִגְרַשׁ כַּיָּם, וְעֵינִי נִגְרָה מֵאֵין הֲפוּגוֹת.

וְעַתָּה, בְּנִי, הִתְאַמֵּץ נָא בְכָל-אֲשֶׁר תּוּכַל וַחֲקֹר עַל הַדָּבָר, אוּלַי תָשׁוּב לְהַחֲיוֹת נֶפֶשׁ אָבִיךָ יוֹלְדֶךָ".

וַיְהִי בִקְרֹא שַׁרְכָּן אֶת-הַמִּכְתָּב וַיִּתְעַצֵּב עַל אָבִיו מְאֹד. אַךְ בְּסֵתֶר לִבּוֹ הִתְגַּנְּבָה גַם הַשִּׂמְחָה לְאָבְדַּן אָחִיו וַאֲחוֹתוֹ אֲשֶׁר קִנֵּא בָהֶם כָּל-הַיָּמִים.

וַיְהִי כִּכְלוֹת יְמֵי הַהֲכָנוֹת לְנֻזְהַת אַל זְמָן וַיִּקְרָא שַׁרְכָּן לִמְשָׁרְתָיו: הָחֵלּוּ לְהָכִין כָּל-הַדָּרוּשׁ לְמִשְׁתֵּה כְלוּלוֹתָי. וְאֶת-נְשֵׁי הָאֲמִירִים וְהַוְזִירִים וְרַבֵּי הַמְּלוּכָה הִזְמִין אֶל הֵיכַל נֻזְהַת אַל זְמָן. וַיְהִי לִפְנוֹת עֶרֶב וַיַּעַרְכוּ הַשֻּׁלְחָנוֹת בְּכָל-מַעֲדַנֵּי הַמְּלָכִים, וְכָל-הַקְּרוּאִים אָכְלוּ וַיִּשְׂבָּעוּ, וְכָל-מְשׁוֹרְרוֹת דַּמֶּשֶׂק נִקְרְאוּ לָשִׁיר וּלְנַגֵּן. וַיְהִי בָעֶרֶב וַיַּדְלִיקוּ כָל-הַנֵּרוֹת מִשַּׁעַר הַמְצוּדָה וְעַד שַׁעַר הַהֵיכָל מִיָּמִין וּמִשְּׁמֹאל, וְכָל-הָאֲמִירִים וְהַוְזִירִים וְרַבֵּי הַמְּלוּכָה הוֹלְכִים עַל יַד הַמֶּלֶךְ שַׁרְכָּן, וְהַסּוֹרְקוֹת לָקְחוּ אֶת-נֻזְהַת אַל זְמָן לְקַשְּׁטָהּ וְלַעֲדוֹתָהּ, וַתִּרְאֶינָה וְהִנֵּה הִיא נַעֲלָה עַל כָּל-קִשּׁוּט וָעֶדִי. וַיְהִי כְצֵאת הַמֶּלֶךְ מֵהַמֶּרְחָץ וַיָּשָׁב אֶל הֵיכָלוֹ, וַיֵּשֶׁב אֶל הַשֻּׁלְחָן וַיַּבִיאוּ אֶת-הַכַּלָּה לְפָנָיו, וַיֵּשְׁבוּ לֶאֱכֹל וְלִשְׁתּוֹת וּלְהֵיטִיב אֶת-לִבָּם, וְאַחַר הָלְכוּ אֶל חֲדַר כְּלוּלוֹתֵיהֶם. וּלְמִקֵּץ הַיָּמִים הָרְתָה לוֹ, וּשְנֵיהֶם לֹא יָדְעוּ עַל דְּבַר קִרְבָתָם אִישׁ לִרְעוּתוֹ. כִּי הַסּוֹחֵר אֲשֶׁר מְכָרָהּ קְרָאָהּ בְּשֵׁם נַגְ’דִיָּה, הוּא הַשֵּׁם אֲשֶׁר בּוֹ קְרָאָהּ הַשֵּׁיךְ הַבֶּדְוִי אֲשֶׁר מְכָרָהּ לוֹ.

וַיְהִי בְאַחַד הַלֵּילוֹת וַתָּסַר נֻזְהַת אַל זְמָן אֶת-צְעִיפָהּ מֵעָלֶיהָ וְאֶת-שַׂלְמַת פְּאֵרָהּ, וַיִתְבּוֹנֵן שַׁרְכָּן וַיַּרְא וְהִנֵּה עַל חֶלְקַת צַוָּארָהּ רְבִיד דַּק וּבְקָצֵהוּ חֲרוּזָה מִשְּׁלשׁ הַחֲרוּזוֹת אֲשֶׁר הֵבִיאָה הַמַּלְכָּה אַבְרִיזָה מֵאֶרֶץ יָוָן. וַיְהִי כִרְאוֹתוֹ אֶת- הַחֲרוּזָה וַיִּבָּהֵל וַתִּתְפָּעֵם רוּחוֹ וַיִּקְרָא: מֵאַיִן לָךְ הַחֲרוּזָה הַזֹּאת, יַקִּירָתִי? וַתֹּאמֶר: אִמִּי הַמַּלְכָּה הִיא אֲשֶׁר תָּלְתָה אוֹתָהּ עַל צַוָּארִי מִיּוֹם הִוָּלְדִי. וַיֹּאמֶר: הַאֻמְנָם בַּת מֶלֶךְ אָתְּ? וַתֹּאמֶר: כֵּן. וַיֹּאמֶר: וּמַה-שֵּׁם אָבִיךְ? וַתֹּאמֶר: שְׁמוֹ הַמֶּלֶךְ עוּמָר אַל נַעְמָן. וַיִּבָּהֵל שֵׁנִית וַיֶּחֱרַד, וְנַפְשׁוֹ נִפְעֲמָה מְאֹד. וַיּוֹסֶף לִשְׁאֹל: הַאֻמְנָם בַּת הַמֶּלֶךְ עוּמָר אַל נַעְמָן הִנָּךְ? וְאֵיכָכָה זֶה נִמְכַּרְתְּ לְאָמָה? וְלָמָּה זֶה עָזַבְתְּ אֶת-בֵּית אָבִיךּ וְאִמֵּךְ? וַתְּסַפֵּר לוֹ נֻזְהַת אַל זְמָן אֶת-כָּל-קוֹרוֹתֶיהָ מֵרֹאשׁ וְעַד סוֹף, וַתּוֹדִיעֵהוּ כִּי עָזְבָה אֶת-אָחִיהָ חוֹלֶה בִירוּשָׁלַיִם, וְכִי אַחַד הַבֶּדְוִים חֲטָפָהּ וַיְבִיאֶנָּה דַמֶּשְׂקָה וַיִּמְכְּרֶנָּה לַסּוֹחֵר אֲשֶׁר מְכָרָהּ לוֹ.

וַיְהִי כְשָׁמְעוֹ כָל-דְּבָרֶיהָ וַיֵּדַע כִּי אָכֵן כֵּנִים הֵם, וְלֹא יָכֹל עוֹד לְהִתְאַפֵּק וַיִּקְרָא: יַקִּירָתִי, הֵן אֲחוֹתִי אַתְּ, וְאָנֹכִי הִנְנִי שַׁרְכָּן אָחִיךְ-חוֹרְגֵךְ בֶּן-הַמֶּלֶךְ עוּמָר אַל נַעְמָן! וּמַה-זֹּאת עָשָׂה הָאֱלֹהִים לָנוּ לְתִתֵּנוּ לַחֲטֹא הַחַטָּאָה הַגְּדוֹלָה הַזֹּאת! אוֹי לָנוּ עַל חַטָּאתֵנוּ אֲשֶׁר לֹא נוּכַל כַּפְּרָהּ! וְנֻזְהַת אַל זְמָן נִבְהֲלָה גַם הִיא, וַתֵּבְךְּ וַתִּתְיַפֵּחַ וְלֹא יָכְלָה לְהִנָּחֵם, וַתִּקְרָא: וּמַה-יִּהְיֶה מִשְׁפַּט הַיִּלּוֹד הַמְּחוֹלָל בֶּעָוֹן? אָנָה אוֹלִיךְ אֶת-חֶרְפָּתִי? וְאֵיךְ אֶשָּׂא פָנַי אֶל אָבִינוּ? וַתֵּשֶׁב בְּמַר רוּחָהּ שׁוֹמֵמָה וַעֳצוּבַת-רוּחַ יָמִים רַבִּים.

וַיְהִי אַחֲרֵי יָמִים וַיֹּאמֶר שַׁרְכָּן אֵלֶיהָ: אֲחוֹתִי, אֶת-הַנַּעֲשֶׂה אֵין לְהָשִׁיב, וּמִי יוּכַל לִגְזֵרַת הָאֱלֹהִים? וְעַתָּה זֹאת אֶעֱשֶׂה, הַשֵּׂא אַשִּׂיאֵךְ לְרַב-הַשּׁוֹעֲרִים אֲשֶׁר לִי, וְנִקְרָא הַיִּלּוֹד עַל שְׁמוֹ וְאִישׁ לֹא יֵדַע סוֹדֵנוּ. וַתֹּאמֶר נֻזְהָה: אָכֵן מֵהָאֱלֹהִים יָצָא הַדָּבָר, וּמִי יֹאמַר לוֹ מַה-תַּעֲשֶׂה? וְעַתָּה עֲשֵׂה כְּחָכְמָתֶךָ. וַיּוֹסֶף שַׁרְכָּן וַיֹּאמֶר: יָשׁוֹב תֵּשְׁבִי אִתָּנוּ עַד אֲשֶר יַעֲלֶה בְיָדִי לְשָׁלְחֵךְ אֶל אָבִינוּ, כִּי עָלַי עוֹד לַחֲקֹר וְלִדְרשׁ עַל דַּו אַל מַכָּן אָחִינוּ אֲשֶׁר נִשְׁאַר בִּירוּשָׁלַיִם, וְהָיָה כְשׁוּבְכֶם יַחַד אֵלָיו וְהָיְתָה שִׂמְחָתוֹ שְׁלֵמָה.

וַיִּשְׁלַח שַׁרְכָּן מַלְאָכִים יְרוּשָׁלַיְמָה וְאֶל יֶתֶר הֶעָרִים לְחַפֵּשׂ אַחֲרֵי אָחִיו וְלֹא נִמְצָא. וַיְהִי אַחֲרֵי יָמִים וַיָּבֹא רָץ מֵאֵת הַמֶּלֶךְ עוּמָר אֶל נַעְמָן וּמִכְתָּב בְּיָדוֹ. וַיִּקָּחֵהוּ שַׁרְכָּן וַיִּפְתָּחֵהוּ וַיִּקְרָאֵהוּ, וְהִנֵּה כָתוּב בּוֹ לֵאמֹר:

“בָּרוּךְ הָאֱלֹהִים עַל כָּל-תַּגְמוּלָיו עָלֵינוּ, גַּם אֶת-הַטּוֹב גַּם אֶת-הָרַע נְקַבֵּל וְנוֹדֶה לוֹ בְּפִינוּ. דַע לְךָ, בְּנִי, כִּי לִבִּי עוֹד נִכְאָב וְנִדְאָב לִילָדַי אֲשֶׁר יְצָאוּנִי וּשְׁנָתִי נָדְדָה כָל-הַלֵּילוֹת, וְעַתָּה, בְּנִי, כְּבוֹא מִכְתָּבִי זֶה אֵלֶיךָ וְשָׁלַחְתָּ אֵלַי אֶת-מַס דַּמֶּשֶׂק, וְאִתּוֹ תִּשְׁלַח אֶת-הַנַּעֲרָה אֲשֶׁר קָנִיתָ וַתֹּאמֶר לְקַחְתָּהּ לְךָ לְאִשָּׁה, כִּי חָפַצְתִּי מְאֹד לִרְאוֹתָהּ וְלִשְמֹעַ נֹעַם דְּבָרֶיהָ. כִּי הִנֵּה בָּאָה הֵנָּה מֵאֶרֶץ יָוָן אִשָּׁה זְקֵנָה חֲסִידָה, וְאִתָּהּ חָמֵשׁ עֲלָמוֹת בְּתוּלוֹת מַשְׂכִּילוֹת, יוֹדְעוֹת כָּל-חָכְמָה וּמַדָּע. וְכַאֲשֶׁר רְאִתִין אֲהַבְתִּין בִּלְבָבִי וָאֹמַר לְשִׂימָן בְּהֵיכָלִי, כִּי אֵין דּוֹמֶה לָהֶן בְּהֵיכְלֵי הַמְּלָכִים. וַיְהִי בְשָׁאֲלִי אֶת- פִּיהָ עַל דְּבַר מְחִירָן. וַתֹּאמֶר: לֹא אֶמְכְּרֵן בִּלְתִּי אִם בְּכֶסֶף מַס דַּמֶּשֶׂק. וּמָה הוּא כָל-מַס דַּמֶּשֶׂק לְעֻמַּת עֶרְכָּן הַגָּדוֹל? הֵן כָּל-אַחַת מֵהֶן שָׁוָה יוֹתֵר מִמֶּנּוּ – וָאֵאוֹת לִדְבָרֶיהָ. וּבְכֵןַ מַהֲרָה וְשִׁלְחָה אֵלַי אֶת–הַמַּס, וְגַם אֶת-הָעַלְמָה תִשְׁלַח, לְמַעַן תִּתְוַכַּח אִתָּן בִּפְנֵי הַמְּלֻמָּדִים, וְאִם תְּנַצְּחֵן הִיא בִדְבָרֶיהָ וַהֲשִׁיבוֹתִיהָ אֵלֶיךָ, הִיא וְכָל-כֶּסֶף מַס בַּגְדָּד אִתָּהּ”.

וַיָּבֹא שַׁרְכָּן אֶל אֲחוֹתוֹ וַיִּקְרָא לְפָנֶיהָ אֶת-מִכְתַּב אָבִיהֶם, וַיֹּאמֶר: אֲחוֹתִי, מָה אֶעֱנֶה אֶת-אָבִינוּ עַל דְּבָרָיו? וַתֹּאמֶר: עֲשֵׂה כַטּוֹב בְעֵינֶיךָ, שַׁלְּחֵנִי נָא אֶל אָבִינוּ כִּי לִבִּי הוֹמֶה אֵלָיו, וְסִפַּרְתִּי לוֹ אֵת כָּל-אֲשֶׁר קָרָנוּ אֲנִי וְאָחִי, וּמִי יוֹדֵעַ, אוּלַי יִהְיֶה הָאֱלֹהִים אִתּוֹ וּמָצָא גַם אֶת-אָחִינוּ. וַיֹּאמֶר: אֲחוֹתִי, שַׁלֵּחַ אֲשַׁלְּחֵךְ בְּלִוְיַת אִישֵׁךְ רַב-הַשּׁוֹעַרִים. וַיָּכֶן לָהֶם שַׁרְכָּן כָּל-צָרְכֵי מַסָּעָם, וְצֵידָה לַדֶּרֶךְ נָתַן לָהֶם כְּיַד הַמֶּלֶךְ וַאֲנָשִׁים רַבִּים בְּלִוְיָתָם, וַיָּקוּמוּ וַיִּסְּעוּ לְדַרְכָּם.

 

יד. אָח וְאָחוֹת נִפְגָּשׁוּ.    🔗

וְדַו אַל מַכָּן אֲשֶׁר יָשַׁב גַּם הוּא בְדַמֶּשֶׂק כָּל-הַיָּמִים עִם הַיַּקְדָּן יָצָא בַיּוֹם הַהוּא לִפְנוֹת עֶרֶב לָשׂוּחַ, וַיַּרְא גְמַלִּים וּפְרָדִים טְעוּנִים, וְנוֹשְׂאֵי לַפִּידִים וּמְנוֹרוֹת מְאִירִים לִפְנֵיהֶם. וַיִּשְׁאַל עַל הַדָּבָר וַיֻּגַּד לוֹ לֵאמֹר: זֶה מַשָּׂא כֶּסֶף מַס דַּמֶּשֶׂק הַשָּׁלוּחַ אֶל הַמֶּלֶךְ עוּמָר אַל נַעְמָן אֲשֶׁר בְּבַגְדָּד. וַיֹּאמֶר: וּמִי רֹאשׁ הַכְּבוּדָה? וַיֹּאמְרוּ: רַב-הַשּׁוֹעֲרִים אֲשֶׁר לְמֶלֶךְ דַּמֶּשֶׂק הַנּוֹסֵעַ יַחַד עִם עַלְמָה מַשְׂכִּילָה אֶל הַמֶּלֶךְ עוּמָר אַל נַעְמָן. וַיְהִי כְשָׁמְעוֹ אֶת-הַדְּבָרִים הָאֵלֶּה וַיִּזְכֹּר אֶת-אָבִיו וְאֶת-אִמּוֹ וְאֶת-אֲחוֹתוֹ וְאֶת-מוֹלַדְתּוֹ וַתִּפָּעֵם רוּחוֹ. וַיֹּאמֶר לַיַּקְדָּן: דּוֹדִי, לֹא אוּכַל עוֹד לָשֶׁבֶת בַּמָּקוֹם הַזֶּה, כִּי נָסוֹעַ אֶסַּע עִם הָאוֹרְחָה הַזֹּאת וְאֵלֵךְ לְאִטִּי עַד הַגִּיעִי אֶל אַרְצִי. וַיֹּאמֶר אֵלָיו הַיַּקְדָּן: בְּנִי, הֵן מִירוּשָׁלַיִם וְעַד דַּמֶּשֶׂק יָרֵאתִי לְתִתְּךָ לִנְסֹעַ לְבַדֶּךָ, וְאֵיךְ אֶתֶּנְךָ לִנְסֹעַ מִפֹּה וְעַד בַּגְדָּד? אָנֹכִי לֹא אַרְפְּךָ וְלֹא אֶעֱזָבְךָ עַד אֲשֶׁר אֲבִיאֲךָ אֶל מְקוֹמֶךָ. וַיֹּאמֶר דַּו אַל מַכָּן: טוֹב הַדָּבָר.

וַיָּחֶל הַיַּקְדָּן לְהִתְכּוֹנֵן לַדֶּרֶךְ, וַיַּחֲבשׁ אֶת-חֲמוֹרוֹ וַיָּשֶׂם אֶת-שְׁלִיפוֹ עָלָיו וַיָּשֶׂם בּוֹ צֵידָה, וְאֶת-מָתְנָיו שִׁנֵּס, וַיִּהְיוּ נְכוֹנִים לְמַסָּעָם. וַיְחַכּוּ עַד עֲבֹר כָּל-הַכְּבוּדָה לִפְנֵיהֶם. וְרַב-הַשּׁוֹעֲרִים רוֹכֵב עַל בִּכְרָה, וְהַדְּגָלִים מִסָּבִיב לוֹ; וַיִּסְּעוּ מֵאַחֲרֵיהֶם. וַיִּרְכַּב דַו אַל מַכָּן עַל הַחֲמוֹר וַיֹּאמֶר אֶל הַיַּקְדָּן: רְכַב נָא אִתִּי. וַיֹּאמֶר: לֹא אֶרְכַּב כִּי שָׁרֵת אֲשָׁרְתֶךָ. וַיֹּאמֶר דַו אַל מַכָּן: חֵי הָאֱלֹהִים כִּי לֹא אֶתֶּנְךָ לָלֶכֶת בָּרָגֶל. וַיֹּאמֶר: אִם אִיגַע אֶרְכַּב מְעַט אִתָּךְ. וַיֹּאמֶר דַּו אַל מַכָּן: דּוֹדִי, עוֹד רָאֹה תִרְאֶה אֶת-אֲשֶׁר אֶעֱשֶׂה לְךָ בְּשׁוּבִי אֶל בֵּיתִי וּמִשְׁפַּחְתִּי. וַיִּסְּעוּ עַד עֲלוֹת הַשָּׁמֶשׁ. וַיְהִי כְּחֹם הַיּוֹם וַיְצַו הַשּׁוֹעֵר לַחֲנוֹת. וַיֵּרְדוּ כָל-הָרוֹכְבִים וַיָּנוּחוּ וַיַּשְׁקוּ גְמַלֵּיהֶם, וְאַחַר שָׁבוּ לִנְסֹעַ.
וַיְהִי כַעֲבֹר חֲמִשָּׁה יָמִים וַיַּגִּיעוּ אֶל הָעִיר חֲמָת וַיֵּשְׁבוּ בָהּ שְׁלשֶׁת יָמִים,וְאַחַר נָסְעוּ עַד הַגִּיעָם אֶל דְּיָר-בַּכֵּר, וַתִּפַּח בְּאַפָּם רוּחַ בַּגְדָּד, וַיִּזְכֹּר דַּו אַל מַכָּן אֶת-נֻזְהָה אֲחוֹתוֹ וְאֶת-אָבִיו וְאִמּוֹ וּמוֹלַדְתּוֹ, וַיִּזְכֹּר כִּי שָׁב הוּא אֶל אָבִיו, וַאֲחוֹתוֹ אֲשֶׁר לָקַח אִתּוֹ אֵינֶנָּה, וַיֵּצֶר לוֹ מְאֹד וַיֵּבְךְּ וַיִּתְאַבֵּל. וַיֹּאמֶר אֵלָיו הַיַּקְדָּן: בְּנִי, חֲדַל מִבְּכוֹת וּמֵהִתְאַבֵּל, כִּי קְרוֹבִים הִנְנוּ לְאֹהֶל הַשּׁוֹעֵר. וַיֹּאמֶר דַּו אַל מַכָּן: רוּחִי סֹעֲרָה וְלֹא תַרְגִּיעַ. וַיֹּאמֶר הַיַּקְדָּן: חַי הָאֱלֹהִים, עָלֶיךָ לְהִתְאַפֵּק עַד הַגִּיעֵנוּ אֶל אַרְצֶךָ, וְאַחַר תַּעֲשֶׂה כָל-אֲשֶׁר יֹאמַר לְךָ לִבֶּךָ, וְאָנֹכִי אִתְּךָ בְכָל-אֲשֶׁר תֵּלֵךְ. וַיֹּאמֶר דַּוֹ אַל מַכָּן: וּמָה אוּכַל לַעֲשׂוֹת וְלִבִּי סוֹעֵר וְלֹא אוּכַל לַעֲצֹר בְּרוּחִי. וְאַחַר פָּנָה לְעֵבֶר בַּגְדָּד, וְהַיָּרֵחַ מַזְהִיר הוֹלֵךְ בְּמַסְלוּלוֹ בִרְקִיעַ הַשָּׁמַיִם, וַיֶּהֱמוּ מֵעָיו וַיֵּבְךְּ.
וּבַלַּיְלָה הַהוּא נָדְדָה שְׁנַת נֻזְהָה, כִּי עָלָה עַל לִבָּהּ זֵכֶר אָחִיהָ דַו אַל מַכָּן וְגוֹרָלוֹ, וַתֵּשֶׁב בְּאָהֳלָהּ וַתֵּבְךְּ. וַיְהִי הִיא עוֹדֶנָּה בוֹכָה וְהִנֵּה שָׁמְעָה קוֹל בּוֹכֶה וּמִתְיַפֵּחַ וְשָׁר אֶת-שִׁירָתוֹ לֵאמֹר:
הִבְרִיק בְּרַק-תֵּימָן בְּלֵיל אֹפֶל עוֹרֵר כְּאֵב כּוֹאֵב לְפֵרוּדוֹ. הַגֵּד, בְּרַק-תֵּימָן, הֲיָשׁוּבוּ אֵלָיו יְמֵי חֶבְרָה וְאוֹר דּוֹדוֹ? חִלֵּל זְמַן נִזְרוֹ וְשָׁלַל-לוֹ מִיּוֹם נְדוֹד אָחוֹת פְּאֵר הוֹדוֹ
וַיְהִי כְּכַלּוֹתוֹ שִׁירוֹ וַיִּצְעַק צְעָקָה גְדוֹלָה וַיִּפֹּל מִתְעַלֵּף. וְנֻזְהַת אַל זְמָן עֵרָה. וַיְהִי כְשָׁמְעָהּ אֶת-הַקּוֹל בְּדִמְמַת הַלַּיְלָה וַיִּפְחַד וַיִּרְחַב לְבָבָהּ. וַתִּקְרָא לִמְשָׁרְתָהּ הַגָּדוֹל, וַיֹּאמֶר אֵלֶיהָ: מָה חֶפְצֵךְ, גְּבִרְתִּי? וַתֹּאמֶר: קוּם וְהָבֵא אֵלַי אֶת-הָאִישׁ הַשָּׁר אֶת הַשִּׁירִים הָאֵלֶּה. וַיֹּאמֶר: אֲנִי לֹא שָׁמַעְתִּי וְלֹא יָדָעְתִּי. הֵן כָּל-הָאֲנָשִׁים יְשֵׁנִים בַּשָּׁעָה הַזֹּאת. וַתֹּאמֶר אֵלָיו: כִּי תִמְצָא אִישׁ עֵר וְיָדַעְתָּ כִּי הוּא הוּא הַשָּׁר. וַיְחַפֵּשׂ הַמְּשָׁרֵת וְלֹא מָצָא אִישׁ עֵר זוּלָתִי הַיַּקְדָּן, כִּי דַו אַל מַכָּן שָׁכַב מִתְעַלֵּף. וַיְהִי כִרְאוֹת הַיַּקְדָּן אֶת-הַמְּשָׁרֵת עוֹמֵד לְפָנָיו וַיִּירָא מְאֹד. וַיֹּאמֶר אֵלָיו הַמְּשָׁרֵת: הַאַתָּה הָאִישׁ אֲשֶׁר שָׁר אֶת-הַשִּיר אֲשֶׁר שָׁמְעָה גְּבִרְתֵּנוּ? וַיַּחֲשֹׁב הַיַּקְדָּן כִּי הַגְּבֶרֶת כּוֹעֶסֶת עַל מַפְרִיעַ שְׁנָתָהּ, וַיִּירָא וַיֹּאמַר: חַי הָאֱלֹהִים, לֹא אֲנִי הוּא. וַיֹּאמֶר הַמְּשָׁרֵת: וּמִי הוּא אֵפוֹא הַשָּׁר? הַרְאֵנִי אוֹתוֹ, כִּי אַתָּה הֵן יוֹדֵעַ אוֹתוֹ, כִּי עֵר אַתָּה. וַיִּירָא הַיַּקְדָּן לְדַו אַל מַכָּן וַיֹּאמֶר בְּנַפְשׁוֹ: אַךְ רָעָה מְבַקֵּשׁ הָאִישׁ הַזֶּה. וַיָּשָׁב וַיֹּאמֶר: אֵינֶנִּי יוֹדֵעַ. וַיֹּאמֶר הַמְּשָׁרֵת: אֵיכָכָה זֶה לֹא תֵדַע וְאַתָּה לְבַדְּךָ עֵר פֹּה וְאֵין אַחֵר? וַיֹּאמֶר הַיַּקְדָּן: שְׁמָעֵנִי-נָא וְאַגִּידָה לְךָ אֶת-הָאֱמֶת. שָׁר הַשִּׁיר הַזֶּה הוּא אִישׁ עוֹבֵר אֹרַח, וְהוּא אֲשֶׁר הִדִּיד שְׁנָתִי מֵעֵינַי וַיַּרְגִּיזֵנִי. יְשַׁלֵּם לוֹ הָאֵל כִּגְמוּלוֹ. וַיֹּאמֶר הַמְּשָׁרֵת: אִם הִנְּךָ מַכִּירֵהוּ הַרְאֵנִי אוֹתוֹ, וְאָנֹכִי אֶתְפְּשֵׂהוּ וַאֲבִיאֶנּוּ אֶל פֶּתַח אֹהֶל גְּבִרְתִּי, אוֹ אַתָּה תִּתְפְּשֵׂהוּ בְיָדֶיךָ. וַיֹּאמֶר: לֶךְ-נָא, וְאָנֹכִי אֲבִיאֵהוּ אֵלֶיךָ. וַיַּעַזְבֵהוּ הַמְּשָׁרֵת וַיֵּלֶךְ וַיָּבֹא וַיַּגֵּד לִגְבִרְתּוֹ: אֵין אִישׁ מַכִּיר אֶת-הַשָּׁר, כִּי אִישׁ עוֹבֵר אֹרַח הָיָה – וַתֶּחֱשֶׁה.

וְדַו אַל מַכָּן הִתְעוֹרֵר מֵהִתְעַלְּפוּתוֹ וַיַּרְא וְהִנֵּה הִגִּיעַ הַיָּרֵחַ עַד חֲצִי הַשָּׁמַיִם, וַתִּשֹּׁב עָלָיו רוּחַ הַשַּׁחַר וַתְּעוֹרֵר בְּלִבּוֹ כָל-הֶמְיָתוֹ וְרַחֲשׁוֹ. וַיֹּאמֶר לִפְתֹּחַ פִּיו שֵׁנִית בְּשִׁירָה, וַיִּקְרָא אֵלָיו הַיַּקְדָּן: מָה הִנְךָ עוֹשֶׂה? וַיֹּאמֶר: אוֹמֵר הִנְנִי לָשִׁיר לְקָרֵר מְעַט אֵשׁ לְבָבִי הַיּוֹקֶדֶת. וַיֹּאמֶר אֵלָיו: הֲטֶרֶם יָדַעְתָּ אֵת אֲשֶׁר קָרָנִי? וַיֹּאמֶר: מַה-זֶּה קָרְךָ? וַיֹּאמַר: אֲדוֹנִי, בְּהִתְעַלֶּפְךָ בָּאַנִי מְשָׁרֵת הַגְּבֶרֶת וְאִתּוֹ מַקַּל שְׁקֵדִים אָרֹך, וַיָּחֶל לְהַבִּיט בִּפְנֵי הָאֲנָשִׁים הַיְשֵׁנִים וְלִשְׁאֹל עַל שָׁר הַשִּׁירִים, וְלֹא מָצָא אִישׁ עֵר מִבִּלְעָדָי. וַיִּשְׁאָלֵנִי וָאַגִּיד לוֹ כִי עוֹבֵר אֹרַח הָיָה הַשָּׁר, וַיֵּלֶךְ לוֹ וְהָאֵל חִלְּצַנִי מִיָּדוֹ, וְלִפְנֵי לֶכְתּוֹ הִזְהִירַנִי לֵאמֹר: אִם תִּשְׁמַע קוֹלוֹ שֵׁנִית וַהֲבֵאתוֹ אֵלֵינוּ. וַיְהִי כִשְמֹעַ דַּו אַל מַכָּן אֶת-דְּבָרָיו וַיֵּבְךְּ וַיִּקְרָא: הֲגַם לָשִׁיר וְלִשְפֹּךְ נַפְשִׁי לֹא יִתְּנוּנִי? אָנֹכִי אָשִׁירָה וְיִקְרֵנִי מַה-שֶּׁיִּקְרֵנִי, כִּי כְבָר קָרַבְתִּי אֶל אַרְצִי וְלֹא אִירָא אָדָם. וַיֹּאמֶר הַיַּקְדָּן: רוֹאֶה אָנֹכִי כִּי חָפֵץ אַתָּה רַק בְּאָבְדַן נַפְשֶׁךָ. וַיַּעַן דַּו אַל מַכָּן: לֹא אוּכַל לְהִתְאַפֵּק מִלָּשִׁיר. וַיֹּאמֶר הַיַּקְדָּן: וּבְכֵן אֵין דֶּרֶךְ אַחֶרֶת לְפָנַי מֵאֲשֶׁר לְהִפָּרֵד מִמְּךָ אַחֲרֵי חֶפְצִי לְהוֹבִילְךָ אֶל מְקוֹמְךָ וְאֶל בֵּית אָבִיךָ וְאִמֶּךָ. הֵן עָבְרוּ עָלֶיךָ כְבָר אִתִּי שָׁנָה וָחֵצִי וְלֹא קָרְךָ כָּל-רָע. וְלָמָּה זֶה הִנְּךָ מִתְעַקֵּשׁ עַתָּה לְהָרִים קוֹלְךָ בְּשִׁיר, עַתָּה בִהְיוֹתֵנוּ כֻלָּנוּ עֲיֵפִים וִיגֵעִים מֵהֲלִיכָה וּמִנְּדוּדֵי שֵׁנָה, וְכָל-בְּנֵי לִוְיָתֵנוּ שָׁכְבוּ לִישֹׁן וְלָנוּחַ מִיגִיעָם וּשְׁנָתָם נְחוּצָה לָהֶם? וַיֹּאמֶר דַּו אַל מַכָּן: אָנֹכִי אֶת-דַּעְתִּי לֹא אֲשַׁנֶּה וִיהִי מָה. וּבְדַבְּרוֹ הִתְעַטְּפָה עָלָיו רוּחוֹ וַיָּשָׁב לָשִׁיר:

עֲמֹד עַל יַד מְעוֹנֵיהֶם, יְדִידִי, וּבָרֵךְ אֶת-שְׂרִידֵיהֶם בְּשִירָךְ. קְרָא נָא אֵת שְׁלוֹמִי עַל אֲהוּבִים וְאוּלַי יַעֲנוּךָ עַל דְּבָרָךְ. וְאִם קָדְרוּ שְׁמֵי לֵילוֹת פְּרִידָה תְּהִי לָךְ אָז תְּשׁוּקָתָךְ מְאוֹרָךְ אֲהָהּ, מִגַּן עֲדָנִים גֵּרְשׁוּנִי, בְּכֵה, רֵעַ, בְּכֵה גוֹרַל חֲבֵרָךְ, וְלוּלֵא עוֹד יְקַו לִמְעוֹן נְצָחִים אֲזַי גָוַע לְעֵינֶיךָ שְׁאֵרָךְ. וְאַחַר שָׁב וַיָּשָׁר: אַיֵּךְ נֻזְהָה, חֶמְדַּת לִבִּי? הַאִם לָנֶצַח יַפְרִיד פֵּרוּד בֵּינֵינוּ? מִי יִתְּנֵנוּ כִימֵי קֶדֶם, נִשְאַף יַחַד רוּחַ בֹּשֶׂם בֵּית הוֹרֵינוּ!
וַיְהִי כְּכַלּוֹתוֹ לָשִׁיר וַיִּצְעַק צְעָקָה גְדוֹלָה וַיִּתְעַלָּף. וַיָּקָם הַיַּקְדָּן וַיְכַסֵּהוּ בִשְׂמִיכָה. וְנֻזְהַת אַל זְמָן שָׁמְעָה שִׁירוֹ שֵׁנִית, וַתִּשְׁמַע גַּם אֵת שְׁמָהּ יוֹצֵא מְפוֹרָשׁ מִפִּי הַמְשׁוֹרֵר וַתֶּהֱמֶה נַפְשָהּ וַתֵּבְךְּ, וַתִּקְרָא לִמְשָׁרְתָהּ וַתֹּאמֶר אֵלָיו: אוֹי לָךְ, הִנֵּה הַשָּׁר שָׁר עוֹד הַפַּעַםַ וְאָזְנַי שָׁמְעוּ שִׁירָתוֹ. חַי הָאֱלֹהִים, אִם לֹא תְבִיאֵהוּ אֵלַי אָעִיר אֶת-רַב הַשּׁוֹעֲרִים וְהִכְּךָ וְגֵרְשֶׁךָ. קְחָה אִתְּךָ אֶת-מְאַת הַדִּינָרִים הָאֵלֶּה וּתְנֵם לוֹ וַהֲבֵאתוֹ אֵלַי לִרְצוֹנוֹ. וְאִם מָאֵן יְמָאֵן וְשָׁקַלְתָּ עַל יָדוֹ הַכִּיס אֲשֶׁר בּוֹ אֶלֶף דִּינָרִים, וְאִם יְמָאֵן גַּם בָּזֹאת וַעֲזַבְתּוֹ לְנַפְשׁוֹ, אַךְ חָקוֹר תַּחֲקֹר לִמְקוֹמוֹ, לִמְלַאכְתּוֹ וְשַׁבְתָּ אֵלַי מַהֵר. וַיֵּצֵא הַמְּשָׁרֵת לְהִתְבּוֹנֵן בָּאֲנָשִׁים, וְהִנֵּה הֵם יְשֵׁנִים כֻּלָּם וְאֵין עֵר בֵּינֵיהֶם. וַיִּגַּשׁ אֶל מְקוֹם הַיַּקְדָּן וַיִּמְצָאֵהוּ יוֹשֵׁב גְּלוּי-רֹאשׁ, וַיִּתְפְּשֶׂנּוּ בְיָדוֹ וַיִּקְרָא: אַתָּה הָאִישׁ הַשָּׁר בַּשִּׁירִים! וַיִּירָא הַיַּקְדָּן לְנַפְשׁוֹ וַיֹּאמֶר: לֹא, חַי הָאֱלֹהִים, לֹא אֲנִי הוּא. וַיֹּאמֶר הַמְּשָׁרֵת: הַפַּעַם לֹא אַרְפְּךָ עַד אִם הֶרְאִיתַנִי אֶת-הָאִישׁ אֲשֶׁר שָׁר, כִּי לֹא אוּכַל לָשׁוּב אֶל גְּבִרְתִּי מִבַּלְעָדָיו. וַיְהִי כִשְׁמֹעַ הַיַּקְדָּן אֵת דְּבָרָיו וַיִּירָא לְנֶפֶשׁ דַּו אַל מַכָּן, וַיֵּבְךְּ וַיִּתְחַנֵּן לִפְנֵי הַמְּשָרֵת וַיֹּאמֶר: בֵּאלֹהִים נִשְׁבַּעְתִּי כִּי לֹא אֲנִי הוּא, אֲבָל שָׁמַעְתִּי אִישׁ עוֹבֵר אֹרַח שָׁר וְלָמָּה תָשִׂים דְּמֵי אִישׁ נָקִי בְרֹאשֶׁךָ? אָנֹכִי אִישׁ נָכְרִי הִנֵּנִי, וּבָאתִי מִירוּשָׁלַיִם וּמֵחֶבְרוֹן עִמָּכֶם. וַיֹּאמֶר הַמְּשָרֵת: קוּם לֵךְ אִתִּי אֶל גְּבִרְתִי וְהַגֵּד לָהּ בְּפִיךָ אֶת-דְּבָרֶיךָ, כִּי לֹא רָאִיתִי אִישׁ עֵר זוּלָתֶךָ. וַיֹּאמֶר הַיַּקְדָּן: הֵן בָּאתָ עַתָּה וַתִּרְאֵנִי יוֹשֵׁב בְּאוֹתוֹ הַמָּקוֹם בּוֹ יָשַׁבְתִּי בָרִאשׁוֹנָה, אַף יוֹדֵעַ הִנְּךָ כִּי לֹא יוּכַל אִישׁ לָזוּעַ מִמְּקוֹמוֹ פֶּן יִתְפְּשׂוּהוּ הַשּׁוֹמְרִים. וּבְכֵן לֶךְ-לְךָ, וְאִם תִּשְׁמַע עוֹד פַּעַם קוֹל אִישׁ שָׁר בֵּין מִקָּרוֹב בֵּין מֵרָחוֹק דָּרוֹשׁ תִּדְרְשֶנּוּ מִיָּדִי. וַיִּשַּׁק לוֹ בְרֹאשׁוֹ וַיִּתְחַנֵּן אֵלָיו, וַיַּעַזְבֵהוּ הַמְּשָׁרֵת וַיִסוֹבֵב כֹּה וָכֹה, כִּי יָרֵא לָשׁוּב אֶל גְּבִרְתּוֹ וְהַשָּׁר אֵין אִתּוֹ. וַיֵּלֶךְ וַיִּסְתַּתֵּר בְּמָקוֹם קָרוֹב, וְהַיַּקְדָּן קָם מִמְּקוֹמוֹ וַיֵּלֶךְ אֶל דַו אַל מַכָּן וַיְעִירֵהוּ וַיֹּאמֶר: קוּמָה וְסִפַּרְתִּי לְךָ אֵת אֲשֶׁר קָרָה. וַיְסַפֵּר לוֹ כָל-הַמּוֹצְאוֹת אוֹתוֹ עִם מְשָׁרֵת הַגְּבֶרֶת. וַיֹּאמֶר דַּו אַל מַכָּן: גֶּשׁ-הָלְאָה, אָנֹכִי לֹא אִירָא אִישׁ כִּי אַרְצִי קְרוֹבָה. וַיֹּאמֶר הַיַּקְדָּן: לָמָּה זֶה אַתָּה הוֹלֵךְ אַחֲרֵי לִבְּךָ וְלֹא תִירָא אִישׁ? וְאָנֹכִי יָרֵא לְנַפְשִׁי וּלְנַפְשְׁךָ גַם יָחַד. וְעַתָּה אַשְׁבִּיעֲךָ בֵאלֹהֵי הַשָּמַיִם כִּי לֹא תוֹסִיף עוֹד לָשִׁיר שִׁירֶיךָ עַד בּוֹאֲךָ אֶל עִירֶךָ; כִּי הַגְּבֶרֶת הַנּוֹסַעַת אוֹמֶרֶת לֶאֱסָרְךָ כִּי הִרְגַּזְתָּהּ מִשְּׁנָתָהּ וְהִיא עֲיֵפָה מִמַּסָּעָהּ, וּכְבָר שָׁלְחָה אֶת-מְשָׁרְתָהּ פְּעָמִים אֲחָדוֹת לְחַפֵּשׂ אַחֲרֶיךָ.

אַךְ דַּו אַל מַכָּן לֹא שָׁת לִבּוֹ לְכָל-דְּבָרָיו וַיִּצְעַק בַּשְּׁלִישִׁית וַיְשׁוֹרֵר:
תְּמוּנָתֵךְ לְנֶגְדִּי בַחֲלוֹם לַיִל וְיוֹמָם בַּהֲקִיצִי הִיא תְשִׂיחֵנִי. אֲהָהּ,נֻזְהָה, עֲדֵי מָתַי יְצִיקֵנִי צְפוּן לִבִּי? וְאַיֵּה יוֹם יְנִיחֵנִי?

וְהַמְּשָׁרֵת שׁוֹמֵעַ דְּבָרָיו וְהוּא מִסְתַּתֵּר, וּבְכַלּוֹתוֹ שִׁירוֹ נִגַּשׁ אֵלָיו. וַיְהִי כִרְאוֹת הַיַּקְדָּן אוֹתוֹ וַיִּבְרַח וַיַּעֲמֹד מֵרָחוֹק לִרְאוֹת אֵת אֲשֶׁר יִקְרֵהוּ. וַיֹּאמֶר הַמְּשָׁרֵת אֶל דַּו אַל מַכָּן: שָׁלוֹם עָלֶיךָ, אֲדוֹנִי. וַיַּעֲנֵהוּ: וְעָלֶיךָ הַשָּׁלוֹם וְרַחֲמֵי הָאֵל וּבִרְכוֹתָיו. וַיֹּאמֶר הַמְּשָׁרֵת: הִנֵּה בָּאתִי אֵלֶיךָ הַלַּיְלָה זֶה שָׁלשׁ פְּעָמִים, כִּי גְבִרְתִּי חָפְצָה לִרְאוֹתֶךָ. וַיֹּאמֶר: מִי הִיא גְבִרְתֶּךָ? וּמַה-לָהּ וְלִי? וַיָּחֶל לְהִתְמַרְמֵר עַל הַמְּשָׁרֵת וּלְחָרְפֵהוּ, וְהַמְּשָׁרֵת לֹא יָכֹל לַעֲנוֹתוֹ דָבָר כִּי מִצְוַת גְּבִרְתּוֹ עָלָיו: לְאַט לִי בַּמְשׁוֹרֵר. וַיָּחֶל לְדַבֵּר אֵלָיו רַכּוֹת, וַיֹּאמֶר: בְּנִי, הֵן לֹא חָטָאנוּ לְךָ וְלֹא הֵצַרְנוּ לָךְ, וְכָל-חֶפְצֵנוּ הוּא כִּי תִשָּׂא רַגְלֶיךָ וְתָבוֹא אֶל גְּבִרְתֵּנוּ וְתָשׁוּב בְּשָׁלוֹם, וְגַם גָּמוֹל נִגְמָלְךָ כָל-טוּב. וַיְהִי כִשְמֹעַ דַּו אַל מַכָּן אֶת-דְּבָרָיו וַיָּקָם וַיֵּלֶךְ אִתּוֹ וַיַּעֲבֹר בֵּין הַיְשֵׁנִים וְהַיַּקְדָּן הוֹלֵךְ אַחֲרָיו וּמִתְבּוֹנֵן בּוֹ וְנָד לוֹ, וְאוֹמֵר בְּלִבּוֹ: חֲבַל עַל נְעוּרָיו! הֵן תָּלֹה יִתְלוּהוּ.

וְדַו אַל מַכָּן הִגִּיעַ אֶל מְקוֹם נֻזְהַת אַל זְמָן, וַיָּבֹא הַמְּשָׁרֵת הָאֹהֶלָה וַיַּגֶּד לָהּ לֵאמֹר: הַפַּעַם הֵבֵאתִי אֵלַיִךְ אֶת-הָאִישׁ אֲשֶׁר אַתְּ מְבַקֶּשֶׁת, וְהוּא אִישׁ צָעִיר יְפֵה מַרְאֶה וְרִשְׁמֵי הָעשֶׁר וְהַנְּעִימוּת עַל פָּנָיו. וַיְהִי כְשָׁמְעָהּ דְּבָרָיו וַיָּפָג לִבָּהּ, וַתֹּאמֶר אֵלָיו: פְּקֹד עָלָיו לָשִׁיר שִׁירָיו, לְמַעַן אֶשְׁמַע קוֹלוֹ מִקָּרוֹב; וְאַחַר תִּשְׁאָלֵהוּ לִשְׁמוֹ וּלְמוֹלַדְתּוֹ. וַיֵּצֵא הַמְּשָׁרֵת אֵלָיו וַיֹּאמֶר: שִׁירָה נָא מִשִּׁירֶיךָ, לְמַעַן תִּשְׁמַע גְּבִרְתִּי, כִּי הִיא עוֹמֶדֶת פֹּה מִקָּרוֹב, גַּם שִמְךָ וּמְקוֹם מוֹלַדְתְּךָ תּוֹדִיעֵנִי. וַיֹּאמֶר הַצָּעִיר: טוֹב הַדָּבָר. אַךְ בִּי אֲדוֹנִי, אַל נָא תִשְאַל גְּבִרְתְּךָ לִשְׁמִי כִּי נִמְחָה וְכָלָה, וְגֵוִי חָלָה וּבָלָה. סִפּוּר יִכָּתֵב בִּמְחָטִים עַל הָעַפְעַפַּיִם, וְיִנָּשֵׂא עַל כָּל-לָשׁוֹן וּשְׂפָתַיִם, וְאָנֹכִי נִדְהָם וְנִפְעָם וּבְיַם צָרָה טוֹבֵעַ, עָנִי אֲנִי וְגֹוֵעַ. וַיְהִי כִשְׁמֹעַ נֻזְהָה אֶת-דְּבָרָיו וַתֹּאמֶר לִמְשָׁרְתָהּ: שְׁאַל אֶת-פִּיו אִם נִפְרַד מֵעַל אוֹהֲבָיו וּבְנֵי מִשְׁפַּחְתּוֹ. וַיִּשְׁאָלֵהוּ הַמְּשָׁרֵת. וַיַּעַן: כֵּן הַדָּבָר, נִתַּקְתִּי מֵעַל כָּל-אוֹהֲבַי וּבְנֵי מִשְׁפַּחְתִּי, וְלָאַחֲרוֹנָה הִפְרִיד הָאֱלֹהִים בֵּינִי וּבֵין אֲחוֹתִי. וַיְהִי כִשְׁמֹעַ נֻזְהַת אַל זְמָן אֶת-הַדְּבָרִים הָאֵלֶּה וַתֹּאמֶר לִמְשָׁרְתָהּ: הַגֶּד לוֹ כִּי יַשְׁמִיעֵנִי מִשִּׁירָיו עַל הַפֵּרוּד. וַיַּגֶּד-לוֹ הַמְּשָׁרֵת אֶת-דְּבָרֶיהָ, וַיֵּאָנַח מָרָה וַיָּשָׁר:
מַה-תִּשְׁאֲלוּ עַל אִישׁ אֲשֶׁר דּוֹדָיו נָדוּ כְנוּם עֵינָיו וְעַפְעַפָּיו? אָרַךְ מְאֹד לֵילוֹ עֲדֵי יָאַשׁ לִרְאוֹת מְאוֹר שַׁחַר וְעַפְעַפָּיו.

וַיְהִי כְּכַלּוֹתוֹ אֶת-שִׁירוֹ וְנֻזְהָה שׁוֹמַעַת, וַתָּפְשֵׁל כְּנַף מָסַךְ הָאֹהֶל וַתִּתְבּוֹנֵן בְּפָנָיו וַתַּכִּירֵהוּ כִּי אָכֵן אָחִיהָ הוּא, וַתִּקְּרָא בְקוֹל: הוֹי אָחִי! הוֹי דַו אַל מַכָּן! וְהוּא נָשָׂא עֵינָיו אֵלֶיהָ וַיִּצְעַק: הוֹי, אֲחוֹתִי! הוֹי נֻזְהַת אַל זְמָן! וַיִּפְּלוּ אִישׁ עַל צַוְּארֵי רְעוּתוֹ וַיִּבְכּוּ וַיִּתְעַּלְּפוּ שְנֵיהֶם. וַיְהִי כִרְאוֹת הַמְּשָׁרֵת אֶת-זֹאת וַיִּתְפַּלֵּא וַיַּשְׁלֵךְ מַעֲטֵהוּ עֲלֵיהֶם לְכַסּוֹתָם, וַיְחַכֶּה עַד הֲקִיצָם מֵהִתְעַלְּפוּתָם. וְנֻזְהַת אַל זְמָן שָׂמְחָה מְאֹד, וּפָנֶיהָ לֹא הָיוּ לָהּ עוֹד. וַתֹּאמֶר אֶל אָחִיהָ: בּוֹא נָא, אָחִי, אֵלַי הָאֹהֱלָה וְסִפַּרְתָּ לִי כָל-אֲשֶׁר קָרְךָ לְמִיּוֹם הִפָּרְדֵנוּ, וְאָנֹכִי אֲסַפְּרָה לְךָ אֵת אֲשֶׁר קָרַנִי אֲנִי. וַיֹּאמֶר דַּו אַל מַכָּן: לֹא, כִּי אַתְּ תְּסַפְּרִי בַרִאשׁוֹנָה. וַתְּסַפֵּר לוֹ נֻזְהָה אֵת כָּל-קוֹרוֹתֶיהָ עִם הַבֶּדְוִי וְהַסּוֹחֵר אֲשֶׁר קָנָהּ מִמֶּנּוּ וַיְבִיאֶנָּה אֶל שַׁרְכָּן אֲחִיהֶם, וְאֵת אֲשֶׁר קָרָה אוֹתוֹ, וְגַם דְּבַר הַסֵּפֶר אֲשֶׁר שָׁלַח אֲבִיהֶם אֶל שַׁרְכָּן הִגִּידָה לוֹ. וַתִּקְרָא: בָּרוּךְ הָאֱלֹהִים אֲשֶׁר זִכַּנִי לָשׁוּב לִרְאוֹתֶךָ, וְכַאֲשֶׁר יָצָאנוּ שְׁנֵינוּ יַחַד מִבֵּית אָבִינוּ כֵּן נָשׁוּבָה אֵלָיו יָחַד.

וַיְסַפֵּר גַּם דַּו אַל מַכָּן אֵת אֲשֶׁר קָרָהוּ הוּא מֵרֵאשִׁית דָּבָר וְעַד אַחֲרִיתוֹ. וַיְסַפֵּר לָהּ עַל דְּבַר הַיַּקְדָּן הַנָּדִיב אֲשֶר הִקְדִּישׁ לוֹ כָל-כַּסְפּוֹ וַעֲמָלוֹ וְלֹא חָשַׂךְ מִמֶּנּוּ דָבָר, וַיְשָׁרְתֵהוּ יוֹמָם וָלָיְלָה. וְאַחַר אָמַר: אֲחוֹתִי, הָאִישׁ הַזֶּה הֵיטִיב אִתִּי יוֹתֵר מֵאֲשֶׁר יֵיטִיב הָאָב אֶת-בְּנוֹ עַד אֲשֶׁר חָשַׂךְ לַחְמוֹ מִפִּיו לְמַעֲנִי, וְכָל-הַדֶּרֶךְ הוּא הוֹלֵךְ בָּרֶגֶל וְאוֹתִי הִרְכִּיב עַל חֲמוֹרוֹ, וְכָל-חַיַּי מִיָּדוֹ הֵם לִי.

וַתֹּאמֶר נֻזְהַת אַל זְמָן: אֲנַחְנוּ נִגְמְלֵהוּ כְפָעֳלוֹ.
וְאַחַר קָרְאָה נֻזְהָה לִמְשָׁרְתָהּ וַיָּבֹא וַיִּשַּׁק יְדֵי דַו אַל מַכָּן. וַתֹּאמֶר נֻזְהָה אֵלָיו: הֵא לְךָ שְׂכַר עֲבוֹדָתְךָ בַּהֲשִׁיבְךָ אֶת-אָחִי אֵלַי, כִּיס הַכֶּסֶף אֲשֶׁר בְּיָדְךָ לְךָ הוּא לְמָנָה. וְעַתָּה לֵךְ מַהֵר וְקָרָאת אֶת-אֲדוֹנֶיךָ אֵלָי.

וַיִּשְׂמַח הַמְּשָׁרֵת וַיֵּלֶךְ אֶל רַב-הַשּׁוֹעֲרִים וַיִּקְרָאֵהוּ אֶל גְּבִרְתּוֹ. וַיָּבֹא וַיִּמְצָא שָׁם אֶת-אָחִיהָ וַיִּשְׁאַל עָלָיו וַתּוֹדִיעֵהוּ כִי אָחִיהָ הוּא, בֶּן הַמֶּלֶךְ עוּמָר אַל נַעְמָן, וַתְּסַפֵּר לוֹ כָל-אֲשֶׁר קָרָהוּ מֵרֹאשׁ וְעַד סוֹף. וַיְהִי כְשָׁמְעוֹ כָל-סִפּוּרָהּ וַיָּקָם וַיִּגַּשׁ אֶל דַּו אַל מַכָּן וַיְבָרְכֵהוּ, וְאֶת עֲבָדָיו צִוָּה כִי יְמַהֲרוּ לְהָכִין לוֹ אֹהֶל וְסוּס מִמֵּיטַב הַסּוּסִים. וְנֻזְהָה אָמְרָה: הִנֵּה כְבָר קָרַבְנוּ אֶל אַרְצֵנוּ, וְעַתָּה הִנְנִי חֲפֵצָה לָשֶׁבֶת לְבַדִּי עִם אָחִי לְמַעַן נִשְׁפֹּךְ שִׂיחֵנוּ אִישׁ לִפְנֵי רֵעֵהוּ, כִּי זֶה לָנוּ יָמִים רַבִּים, לְמִן הַיּוֹם אֲשֶׁר נִפְרַדְנוּ, אֲשֶׁר לֹא יָדַעְנוּ מֶה הָיָה גוֹרַל כָּל-אֶחָד מֵאִתָּנוּ. וַיֹּאמֶר רַב-הַשּׁוֹעֲרִים: עֲשִׂי כִלְבָבֵךְ, גְּבִרְתִּי. וַיִּשְׁלַח אֲלֵיהֶם אֲבוּקוֹת אוֹר וּמַטְעַמִּים וּמִגְדָּנוֹת. וְאֶל דַּו אַל מַכָּן שָׁלַח שָׁלשׁ חֲלִיפוֹת מִמֵּיטַב הָאֲרִיגִים. וַתֹּאמֶר נֻזְהָה אֵלָיו: שְׁלַח נָא לִקְרֹא אֶת-הָעֶבֶד וְצִוִּיתוֹ לְהָבִיא אֵלַי אֶת-הַיַּקְדָּן, וְסוּס יָכִין לוֹ לִרְכַּב עָלָיו, וְשֻׁלְחָן לֶאֱכֹל עָלָיו בַּבֹּקֶר וּבָעֶרֶב, וְאַל נָא יִפָּרֵד מֵעָלֵינוּ. וַיִּשְׁלַח רַב-הַשּׁוֹעֲרִים וַיִּקְרָא אֶת-הָעֶבֶד וַיְצַוֵּהוּ לַעֲשׂוֹת כְּכָל-אֲשֶׁר צִוְּתָה נֻזְהָה. וַיִּקַּח הָעֶבֶד אֶת-נְעָרָיו וַיֵּלֶךְ לְחַפֵּשׂ אַחֲרֵי הַיַּקְדָּן, וַיַּרְבֶּה לְחַפֵּשׂ כֹּה וָכֹה עַד אֲשֶׁר מְצָאָהוּ בִקְצֵה הָאוֹרְחָה וְהוּא חוֹבֵשׁ אֶת-חֲמוֹרוֹ וְאוֹמֵר לִבְרֹחַ, וְעֵינָיו זוֹלְגוֹת דְּמָעוֹת מִיִּרְאָתוֹ לְנַפְשׁוֹ וּמִצַּעֲרוֹ לִפְרִידָתוֹ מִדַּו אַל מַכָּן, וְהוּא אוֹמֵר: אָנֹכִי הֵן יְעַצְתִּיו לְבַל יָרִים קוֹלוֹ בְשִׁירוֹ וְהוּא לֹא הִקְשִׁיב, וְעַתָּה מִי יוֹדֵעַ מֶה הָיָה לוֹ.

הוּא עוֹד טֶרֶם כִּלָּה לְדַבֵּר לְנַפְשׁוֹ וְהִנֵּה הָעֶבֶד עוֹמֵד לְפָנָיו, וּנְעָרָיו הִקִּיפוּהוּ. וַיִּלָּפֵת^[19] הַיַּקְדָּן וַיַּרְא אֶת-הָעֶבֶד וְאֶת-הַנְּעָרִים הַמַּקִּיפִים אוֹתוֹ וַיֶּחְוְרוּ פָנָיו וַיִּרְעַד, וַיִּקְרָא: זֶה הוּא גְמוּל חֲסָדַי אֲשֶׁר גְּמַלְתִּיו, כִּי הִלְשִׁין גַּם עָלַי לְמַעַן נֵעָנֵשׁ יָחַד! וְהָעֶבֶד צָעַק וַיֹּאמֶר: מִי הוּא זֶה אֲשֶׁר שָׁר אֵת הַשִּׁירִים? הוֹי, שַׁקְרָן! אֵיכַכַה תֹאמַר: אֲנִי לֹא שַׁרְתִּי שִׁירִים וְאֵינֶּנִי יוֹדֵעַ מִי הוּא הַשָּׁר, וְהוּא חֲבֵרְךָ וְרֵעֶךָ? עַתָּה לֹא תִנָּצֵל עוֹד מִיָּדִי עַד בּוֹאֵנוּ בַּגְדָּדָה, וַאֲשֶׁר יִקְרֶה אֶת-רֵעֲךָ יִקְרְךָ גַם אָתָּה. וַיָּנָד הַיַּקְדָּן בְּרֹאשׁוֹ וַיֹּאמֶר: אָכֵן אֲשֶׁר יָגֹרְתִּי בָא לִי.
וְהָעֶבֶד גָּעַר בִּנְעָרָיו לֵאמֹר: הוֹרִידוּהוּ מֵעַל הַחֲמוֹר! וַיּוֹרִידוּהוּ. וַיָּבִיאוּ לוֹ סוּס וַיַּרְכִּיבוּהוּ עָלָיו וַיֵּלְכוּ, וְהַנְּעָרִים מַקִּיפִים אוֹתוֹ מִסָּבִיב. וְהָעֶבֶד אָמַר אֲלֵיהֶם: אִם תִּפָּקֵד מִמֶּנּוּ שַׂעֲרָה וְהָיְתָה בְנֶפֶשׁ אַחַד מִכֶּם. אַךְ כַּבֵּד תְכַבְּדוּהוּ וְלֹא תְזַלְזְלוּ בִכְבוֹדוֹ. וַיְהִי כִרְאוֹת הַיַּקְדָּן אֵת הַנְּעִרים סְבִיבוֹ וַיֹּאמֶר נוֹאָשׁ לְחַיָּיו, וַיִּפֶן אֶל הָעֶבֶד וַיֹּאמֶר אֵלָיו: אֲדוֹנִי, אָנֹכִי אִישׁ בּוֹדֵד וְגַלְמוּד, לֹא אַחִים לִי וְלֹא קְרוֹבִים, וְהַצָּעִיר הַזֶּה אֵינֶנּוּ קְרוֹבִי וְאָנֹכִי אֵינֶנִּי גוֹאֲלוֹ, כִּי אִישׁ יַקְדָּן אָנֹכִי בְּמֶרְחָץ וּבְאַחַד הַיָּמִים מְצָאתִיו מָשְׁלָךְ בְּאַשְׁפָּה, חוֹלֶה. וַיָּחֶל הַיַּקְדָּן לִבְכּוֹת וּלְהִתְיַפֵּחַ, וְהָעֶבֶד לְצִדּוֹ מַחֲרִישׁ וְלֹא הוֹדִיעָהוּ דָבָר, אַךְ אָמַר לוֹ: אָכֵן אַתָּה הוּא שֶׁהִפְרַעְתָּ בְּשִׁירֶיךָ שְׁנַת גְּבִרְתִּי, אַתָּה וְהַצָּעִיר הַזֶּה, וְלֹא יְרֵאתֶם לְנַפְשְׁכֶם!
וְהַנְּעָרִים בָּאוּ וַיָּשִׂימוּ לִפְנֵיהֶם לֶאֱכֹל, וַיֹּאכַל הָעֶבֶד וְהַיַּקְדָּן בִּכְלִי אֶחָד. וְאַחֲרֵי כַלּוֹתָם לֶאֱכֹל צִוָּה הָעֶבֶד וַיָּבִיאוּ לִפְנֵיהֶם בַּקְבּוּק מֵי-סֻכָּר וַיֵּשְׁתְּ וַיִּתֵּן גַּם לַיַּקְדָּן לִשְׁתּוֹת. וְהַיַּקְדָּן עוֹדֶנּוּ מְפַחֵד וְדוֹאֵג, וְלִבּוֹ כוֹאֵב לְפֵרוּד דַּו אַל מַכָּן וּלְכָל-אֲשֶׁר קָרָה אֶת-שְׁנֵיהֶם.
וְדַו אַל מַכָּן וְנֻזְהַת אַל זְמָן יש מקרים בהם מחלקים שורה ל-2, 3, 4 חלקים כמו בשירי ר' שמואל הנגיד. ויש מקרים בהם חלוקת השיר: טור א' כשטוּר ב' הוא המשכוכשיש ספקות, הכי טוב לפנות לצוות המערכת בהצלחה יוֹשְׁבִים וּמְשׂוֹחֲחִים עַל יַד הַזְּמַן אֲשֶׁר הָיְתָה בָם, וַיִּשְׁכְּחוּ אֶת-הַיַּקְדָּן וְאֶת-גּוֹרָלוֹ.

 

טו. בְּנֵי הַמֶּלֶךְ וְהַוָּזִיר דִּנְדָּן.    🔗

וְהָאוֹרְחָה הוֹסִיפָה לָלֶכֶת דַּרְכָּה עַד אֲשֶׁר קָרְבָה אֶל הָאָרֶץ מַהֲלַךְ שְׁלשֶׁת יָמִים. וַיְהִי בָעֶרֶב וַיַּחֲנוּ בַמָּקוֹם וַיָּנוּחוּ בוֹ כָל הַלַּיְלָה. וַיְהִי הַשַּׁחַר טֶרֶם עָלָה וְהֵם הֵקִיצו וַיֹּאמְרוּ לִטְעֹן בְּעִירָם וְלָלֶכֶת, וְהִנֵּה אָבָק עָצוּם עוֹלֶה וַיְכַס אֶת-עֵין הָאָרֶץ. וַיִּצְעַק רַב-הַשּׁוֹעֲרִים אֶל אֲנָשָׁיו לֵאמֹר: חַכּוּ וְאַל תִּטְעָנוּ! וַיִּרְכַּב הוּא וּמְשָׁרְתָיו וַיֵּלְכוּ לְנֹכַח מְקוֹם עֲנַן הֶאָבָק. וַיְהִי בְקָרְבָם וַיִּרְאוּ וְהִנֵּה מֵאַחֲרָיו חַיִל רַב וְעָצוּם וְלֹו דְגָלִים וְנִסִּים, וְתֻפִּים וּפָרָשִׁים, וְגִבּוֹרִים וְחַכְמֵי חֳרָשִׁים, וַיִּפָּלֵא הַדָּבָר בְּעֵינֵיהֶם. וְהַחַיִל רָאָה אֵת רַב-הַשּׁוֹעֲרִים וּמְשָׁרְתָיו וַיִּפָּלְגוּ מֵהֶם כַּחֲמֵשׁ מֵאוֹת אִישׁ מֵהַפָּרָשִׁים וַיִּגְּשׁוּ אֲלֵיהֶם וַיַּקִּיפוּם, חֲמִשָּה חֲמִשָּׁה לָאֶחָד. וַיִּשְׁאָלֵם רַב-הַשּׁוֹעֲרִים: מִי אַתֶּם? וּמֵאַיִן לָכֶם כָּל-הַחַיִל הַזֶּה? וְלָמָּה עֲשִׂיתֶם לָנוּ כָּכָה? וַיַּעֲנוּהוּ: וּמִי אָתָּה? וּמֵאַיִן תָּבוֹא? וּלְאָן אַתָּה הוֹלֵךְ? וַיֹּאמֶר: אָנֹכִי הִנְנִי רַב-הַשּׁוֹעֲרִים לִנְסִיךְ דַּמֶּשֶׂק הַמֶּלֶךְ שַׁרְכָּן בֶּן הַמֶּלֶךְ עוּמָר אַל נַעְמָן מֶלֶךְ בַּגְדָּד וְאֶרֶץ חוֹרָסָן, וְהִנְנִי מֵבִיא אִתִּי אֵת כֶּסֶף מֶכֶס דַּמֶּשֶׂק אֶל אָבִיו אֲשֶׁר בְּבַגְדָּד וְאֶת-תְּשׁוּרָתוֹ. וַיְהִי כְשָׁמְעָם דְּבָרָיו וַיּוֹרִידוּ מִטְפְּחוֹתֵיהֶם עַל עֵינֵיהֶם וַיִּבְכּוּ.

וַיֹּאמְרוּ אֵלָיו: דַּע לְךָ, כִּי הַמֶּלֶךְ עוּמָר אַל נַעְמָן מֵת מָרְעָל. וְעַתָּה קוּם לֶךְ-לְךָ הָלְאָה עַד אֲשֶׁר תִּפְגּשׁ בִּוְזִירוֹ הַגָּדוֹל דִּנְדָּן. וַיְהִי כְשָׁמְעוֹ אֶת-הַדָּבָר וַיֵּבְךְּ בְּכִי גָדוֹל, וַיִּקְרָא: אוֹי לָנוּ מִנְּסִיעָתֵנוּ! וַיֵּבְךְּ הוּא וְכָל-אֲשֶׁר אִתּוֹ עַד פָּגְשָׁם בְּדִּנְדָּן וַאֲנָשָׁיו. וַיְצַו דִּנְדָּן לִתְקֹעַ אֹהָלָיו וַיֵּשֶׁב עַל כִּסֵּא בְתוֹךְ הָאֹהֶל. וַיּוֹשֶׁב גַּם אֵת רַב-הַשּׁוֹעֲרִים וַיִּשְׁאָלֵהוּ עַל אוֹדוֹתָיו. וַיַּגֶּד לוֹ כִּי רַב-הַשּׁוֹעֲרִים הוּא לַנָּסִיךְ שַׁרְכָּן, וְהוּא מוֹבִיל אֶת-הַמֶּכֶס וְהַתְּשׁוּרוֹת לְאָבִיו הַמֶּלֶךְ. וַיֵּבְךְּ דִּנְדָּן וַיֹּאמֶר: דַּע לְךָ, כִּי הַמֶּלֶךְ עוּמָר אַל נַעְמָן מֵת מָרְעָל, וְאַחֲרֵי מוֹתוֹ נִפְלְגוּ בְנֵי הָאָרֶץ בִּדְבַר הָאִישׁ אֲשֶׁר יֵשֵׁב עַל כִּסְאוֹ אַחֲרָיו. וַיִּנָּצוּ וַתְּהִי חֶרֶב אִישׁ בְּרֵעֵהוּ. אַךְ הַשָּׂרִים וְהַחֹרִים וְאַרְבַּעַת הַקָּדִים מְנָעוּם מִבּוֹא בְדָמִים, וַיַּסְכִּימוּ כֻלָּם לַעֲצַת הַקָּדִים, וַיִּיעָצוּנוּ לָלֶכֶת דַּמֶּשְׂקָה אֶל שַׁרְכָּן בְּנוֹ וְלַהֲבִיאֵהוּ בַגְדָּדָה וּלְהַמְלִיכֵהוּ עָלֵינוּ. וַאֲחֵרִים אָמְרוּ: לֹא, כִּי בְנוֹ הַשֵּנִי יִמְלֹךְ עָלֵינוּ, הוּא בְנוֹ דַו אַל מַכָּן אֲשֶׁר נָסַע הוּא וַאֲחוֹתוֹ נֻזְהַת אַל זְמָן אֶל אֶרֶץ חִיגָ’ז לִפְנֵי חָמֵשׁ שָׁנִים וְאֵין יוֹדֵעַ דָּבָר עַל אוֹדוֹתָם.

וַיְהִי כִשְׁמֹעַ רַב-הַשּׁוֹעֲרִים אֶת-דְּבָרָיו וַיִּשְׂמַח שִׂמְחָה גְדוֹלָה עַל אֲשֶׁר הִקְרָה הָאֱלֹהִים לְפָנָיו אֶת-דַּו אַל מַכָּן, וַיִּפֶן אֶל דִּנְדָּן וַיֹּאמֶר: אָכֶן סִפּוּרְךָ מִפִּלְאֵי הַפְּלָאוֹת. וְעַתָּה דַע לְךָ, הַוָּזִיר הַגָּדוֹל, כִּי הֵנִיחַ לָכֶם הָאֱלֹהִים מִכָּל-תְּלָאָה וְעָמָל וַיִּשְׁלַח לָכֶם אֵת מַשְׂאַת נַפְשְׁכֶם, אֶת-דַּו אַל מַכָּן וְאֶת-נֻזְהַת אַל זְמָן אֲחוֹתוֹ. וַיָּפָג לֵב דִּנְדָּן וַיֹּאמֶר: סַפְּרָה נָא לִי עַל אוֹדוֹתֵיהֶם. וַיְסַפֵּר לוֹ רַב-הַשּׁוֹעֲרִים אֵת קוֹרוֹת נֻזְהַת אַל זְמָן וְאָחִיהָ מֵרֹאשָׁן וְעַד סוֹפָן. וַיְהִי כְּכַלּוֹתוֹ אֶת דְּבָרָיו וַיִּשְׁלַח דִּנְדָּן וַיִּקְרָא לְכָל הַשָּׂרִים וְהַסְּגָנִים וּלְכָל-רַבֵּי הַמְּלוּכָה, וַיַּגֵּד לָהֶם אֶת-כָּל-הַדְּבָרִים הָאֵלֶּה, וַיִּשְׂמְחוּ מְאֹד וַיִּתְפַּלְּאוּ עַל מְסִבּוֹת הַמִּקְרִים. וְאַחַר הִתְאַסְּפוּ כֻלָּם וַיָּבֹאוּ אֶל רַב-הַשּׁוֹעֲרִים וַיִּכְרְעוּ לְפָנָיו אַפַּיִם אָרְצָה. וְרַב-הַשּׁוֹעֲרִים קָרָא לַאֲסֵפָה גְדוֹלָה וַיֵּשֶׁב הוּא וְהַפְּקִידִים, וְהַוְּזִירִים וְהַנְּגִידִים, אִישׁ אִישׁ לְפִי מַעֲלָתוֹ.

וְאַחַר שָׁרוּ אֶת הַסֻּכָּר בְּמֵי וְרָדִים וַיִּשְתּוּ, וַיֵּשְׁבוּ לְהִוָּעֵץ, וּלְאַנְשֵׁי חֵילָם אָמְרוּ לָלֶכֶת הָלְאָה עַד הֲתִמָּם אֶת-מוֹעֲצָתָם. וַיִּקְּדוּ לִפְנֵי רַב-הַשּׁוֹעֲרִים וַיֵּלְכוּ הָלְאָה וְדִגְלֵי הַמִּלְחָמָה לִפְנֵיהֶם. וַיְהִי בְתֹם רַבֵּי הַמְּלוּכָה אֶת-מוֹעֲצָתָם וַיִּרְכְּבוּ עַל סוּסֵיהֶם וַיַּדְבִּיקוּ אֶת-חֵילָם. וַיִּגַּשׁ רַב-הַשּׁוֹעֲרִים אֶל הַוָּזִיר דִּנְדָּן וַיֹּאמֶר אֵלָיו: לוּ אֲדוֹנִי שְׁמָעֵנִי אַקְדִּימָה לָלֶכֶת וַהֲכִינוֹתִי לַמֶּלֶךְ מָקוֹם כָּרָאוּי לוֹ וְהוֹדַעְתִּיו עַל דְּבַר בּוֹאֲכֶם וְכִי בְחַרְתֶּם בּוֹ לְמֶלֶךְ וַתְּבַכְּרוּ אוֹתוֹ עַל שַׁרְכָּן אָחִיו. וַיֹּאמֶר הַוָּזִיר: טוֹבָה עֲצָתְךָ.

וְאַחַר קָם דִּנְדָּן וַיַּגֶּשׁ לוֹ תְשׁוּרוֹתָיו וַיַּשְׁבִּיעֵהוּ לְקַחְתָּן. וַיָּקוּמוּ גַם הַשָּׂרִים וְהַגְּדוֹלִים וְרַבֵּי הַמִּשְׂרוֹת וַיַּגִּישׁוּ לוֹ אִישׁ אִישׁ תְּשׁוּרוֹתָיו וַיְבָרְכוּהוּ, וַיְחַלּוּ פָנָיו לְדַבֵּר עֲלֵיהֶם טוֹבוֹת בְּאָזְנֵי הַמֶּלֶךְ וּלְבַקְּשֵׁהוּ כִּי יַשְׁאִירֵם עַל כַּנָּם, וַיַּבְטִיחֵם.

וַיְצַו רַב-הַשּׁוֹעֲרִים אֶת-נְעָרָיו לִנְסֹעַ אִתּוֹ, וְהַוָּזִיר דִּנְדָּן שָׁלַח אִתּוֹ אֹהָלִים וּמְשָׁרְתִים לְתָקְעָם וּלְהַצִּיעַ בָּם הַשְּׁטִיחִים וְלִרְבֹד הַמַּרְבַדִּים. וַיִּסַּע רַב-הַשּׁוֹעֲרִים שָׂמֵחַ וְטוֹב לֵב עַד הַגִּיעוֹ אֶל דֶּרֶךְ יוֹם מֵהָעִיר. וַיְצַו אֶת-נְעָרָיו לָרֶדֶת לָנוּחַ וּלְהָכִין שָׁם מָקוֹם לְמוֹשַׁב הַשֻּׂלְטָן דַּו אַל מַכָּן בֶּן-הַמֶּלֶךְ עוּמָר אַל נַעְמָן. וַיֵּרֶד הוּא וּנְעָרָיו מֵעַל סוּסֵיהֶם, וַיְצַו עַל הַמְּשָׁרְתִים לְבַקֵּשׁ לוֹ מֵאֵת הַגְּבֶרֶת נֻזְהָה רִשָּׁיוֹן לָבוֹא אֶל אָהֳלָהּ וַתַּרְשֵׁהוּ לָבוֹא. וַיֵּשֶׁב אִתָּהּ וְאֶת-דַּו אַל מַכָּן אָחִיהָ, וַיַּגֵּד לָהֶם אֶת-דְּבַר מוֹת אֲבִיהֶם, וְכִי הַשָּׂרִים וְהַגְּדוֹלִים בָּחֲרוּ בְדַו אַל מַכָּן לָשֶׁבֶת עַל כִּסְאוֹ אַחֲרָיו. וַיִּבְכּוּ וַיִּתְאַבְּלוּ עַל מוֹת אֲבִיהֶם, וַיִּשְׁאָלוּהוּ לְסִבַּת מוֹתוֹ וְלַאֲשֶׁר קָרָהוּ, וַיֹּאמֶר אֲלֵיהֶם: הַוָּזִיר דִּנְדָּן יוֹדֵעַ אֶת כָּל-הַקּוֹרוֹת, וְהִנֵּה הוּא בָא הֵנָּה מָחָר, הוּא וְכָל-חֵילוֹ. וְעַתָּה, אֲדוֹנִי הַמֶּלֶךְ, עָלֶיךָ לַעֲשׂוֹת כַּעֲצַת כָּל-הַשָּׂרִים אֲשֶׁר בָּחֲרוּ בְךָ לְמֶלֶך עֲלֵיהֶם, כּי אּם לֹא תִשְׁמַע לְדִבְרֵיהֶם וְהִמְלִיכוּ אִישׁ אַחֵר תַּחְתֶּיךָ וְאַתָּה תִרְגַּז כָּל-הַיָּמִים מִפְּנֵי הָאִישׁ אֲשֶׁר יִמְלֹךְ בִּמְקוֹמֶךָ, וּמִי יוֹדֵעַ אִם לֹא יַהֲרָגְךָ וְרַבּוּ הַקְּטָטוֹת וַאֲבַדְתֶּם שְׁנֵיכֶם יָחַד. וַיּוֹרֶד דַּו אַל מַכָּן רֹאשׁוֹ וַיַּחֲשֹׁב מְעַט; וְאַחַר אָמָר: שָׁמוֹעַ אֶשְׁמַע בְּקוֹל הַשָּׂרִים כִּי טוֹבָה עֲצָתָם. אַךְ הַגִּידָה נָא לִי מָה אֶעֱשֶׂה בְשַׁרְכָּן אָחִי? וַיֹּאמֶר אֵלֶיו: בְּנִי, אָחִיךָ יִהְיֶה מֶלֶךְ דַּמֶּשֶק וְאַתָּה תִהְיֶה מֶלֶךְ בַּגְדָּד. וְעַתָּה הִתְאַזֵּר חַיִל וְהִתְאוֹשֵׁשׁ. וַיִּשְׁמַע דַּו אַל מַכָּן לִדְבָרָיו.

 

טז. דַּו אַל מַכָּן מוֹלֵךְ.    🔗

וַיַּגֵּשׁ רַב-הַשּׁוֹעֲרִים אֶת-לְבוּשֹ הַמַּלְכוּת אֲשֶׁר הֵבִיא דִּנְדָּן אִתּוֹ אֶל דַּו אַל מַכָּן וְאֶת הַחֶרֶב צָמַד לוֹ וַיֵּצֵא מִלְּפָנָיו. וַיְצַו אֶת הָרַפָּדִים לִבְחֹר מָקוֹם רָם לִתְקֹעַ שָׁם אֹהֶל גָּדוֹל וּרְחַב-יָדַיִם לַמֶּלֶךְ לָשֶׁבֶת בּוֹ בְקֶרֶב הַשָּׂרִים, וְאֶת-הַטַּבָּחִים צִוָּה לְבַשֵּׁל אֹכֶל רַב וּמַעֲדַנֵּי מְלָכִים, וְעַל הַמַּשְׁקִים פָּקַד לְהָכִין כָּל-מַשְׁקֶה.

וַיְהִי אַךְ כִּלּוּ מְלַאכְתָּם וְהִנֵּה עֲנַן אָבָק עוֹלֶה וַיְכַס אֶת-עֵין הָאָרֶץ, וּמֵאַחֲרָיו נִגְלָה חַיִל רַב כַּחוֹל אֲשֶׁר עַל שְׂפַת הַיָּם, הוּא חֵיל בַּגְדָּד וְחוֹרָסָן, וּבְרֹאשׁוֹ הַוָּזִיר דִּנְדָּן, וְכֻלָּם שְׂמֵחִים לַבְּשׂוֹרָה כִּי מָלַךְ דַּו אַל מַכָּן בֶּן אֲדוֹנֵיהֶם. וְדַו אַל מַכָּן לָבוּשׁ לְבוּשׁ מַלְכוּת וְחָגוּר חֶרֶב מִתְנוֹסֶסֶת. וַיַּגֵּשׁ אֵלָיו רַב-הַשּׁוֹעֲרִים אֶת-סוּסוֹ וַיִּרְכַּב עָלָיו. וַיֵּלִכוּ אִתּוֹ כָל-נְעָרָיו וְכָל-אֲשֶׁר בָּאֹהָלִים עַד בּוֹאָם אֶל הָאֹהֶל הַגָּדוֹל, וַיֵּשֶׁב שָׁם, וְאֶת-חַרְבּוֹ שָׂם עַל יְרֵכָיו. וַיַּעֲמֹד רַב-הַשּׁוֹעֲרִים לְפָנָיו לְשָׁרְתוֹ, וְהַנְּעָרִים עָמְדוּ בִמְבוֹא הָאֹהֶל וְחַרְבוֹתָם שְׁלוּפוֹת בְּיָדָם. וַיִּגְּשׁוּ אַנְשֵׁי הַחַיִל וַיְבַקְּשׁוּ לָבוֹא אֶל הָאֹהֶל, וַיִּשְׁאַל רַב-הַשּׁוֹעֲרים אֶת דַּו אַל מַכָּן לְהַרְשׁוֹתָם לָבוֹא לְפָנָיו, וַיְצַו דַּו אַל מַכָּן כִּי יָבוֹאוּ לְפָנָיו עֲשָׂרָה עֲשָׂרָה, וַיַּעֲשׂוּ כַאֲשֶׁר צִוָּה. וַיָּבֹאוּ עֲשָׂרָה מֵהֶם, וַיַּעֲבֹר רַב-הַשּׁוֹעֲרִים אִתָּם אֶת-הַמָּבוֹא וַיְבִיאֵם עַד לִפְנֵי הַמֶּלֶךְ. וַיְהִי כַאֲשֶׁר רָאוּהוּ וַיִּירָאוּהוּ, וַיְקַדֵּם דַּו אַל מַכָּן פְּנֵיהֶם בְּחִבָּה וַיַּבְטִיחֵם לְהֵיטִיב אִתָּם, וַיְבָרְכוּהוּ וַיִּשָּׁבְעוּ לוֹ שְׁבוּעַת אֱמוּנִים וְאַחַר כָּרְעוּ לְפָנָיו וַיֵּצְאוּ, וַיָּבוֹאוּ עוֹד עֲשָׂרָה וַיַּעֲשׂ לָהֶם כַּאֲשֶׁר לָרִאשׁוֹנִים. וַיַּעַבְרוּ כֻלָּם עַד אֲשֶׁר נִשְׁאַר הַוָּזִיר דִּנְדָּן לְבַדּוֹ, וַיָּבֹא לְפָנָיו וַיִּקֹּד אָרְצָה, וַיָּקָם דַּו אַל מַכָּן וַיִּגַּשׁ אֵלָיו וַיֹּאמֶר: בָּרוּךְ בּוֹאֲךָ, הַוָּזִיר הַגָּדוֹל, אָכֵן יוֹעֵץ פֶּלֶא הִנְּךָ וְיוֹעֲצִי הַנֶּאֱמָן תִּהְיֶה לִי כָל-הַיָּמִים.
וְרַב-הַשּׁוֹעֲרִים יָצָא וַיְצַו לַעֲרֹךְ הַשֻּׁלְחָנוֹת, וַיִּקְרְאוּ לְכָל הַצָּבָא וַיֵּשְׁבוּ לֶאֱכֹל וְלִשְׁתּוֹת. וְאַחַר אָמַר הַמֶּלֶךְ דַּו אַל מַכָּן לַוָּזִיר דִּנְדָּן: צַוֵּה נָא אֶת-הַצָּבָא כִּי יֵשְׁבוּ פֹה כַעֲשֶׁרֶת יָמִים, וְאָנֹכִי אֶתְבּוֹדֵד אִתְּךָ וְהוֹדַעְתַּנִי כָל-דְּבַר הֲרֵגַת אָבִי. וַיַּעַשׂ הַוָּזִיר כַּאֲשֶׁר צִוָּהוּ הַמֶּלֶךְ וַיֵּצֵא אֶל הַמַּחֲנֶה וַיְצַו עַל הַצָּבָא לְהִשָּׁאֵר עֲשָׂרָה יָמִים בַּמָּקוֹם הַהוּא לָנוּחַ וּלְהִתְעַנֵּג, אַךְ אִישׁ לֹא יָבוֹא אֶל הַמֶּלֶךְ בְּמֶשֶׁךְ שְׁלשֶׁת הַיָּמִים הָרִאשׁוֹנִים.

וְהַמֶּלֶךְ חִכָּה עַד הָעֶרֶב וַיָּבֹא אֶל נֻזְהָה אֲחוֹתוֹ וַיֹּאמֶר אֵלֶיהָ: הֵן שָׁמַעַתְּ כִּי אָבִינוּ מֵת, וַאֲנַחְנוּ טֶרֶם יָדַעְנוּ סִבַּת מוֹתוֹ לִפְרָטֶיהָ, וְעַתָּה יָבוֹא אֵלֵינוּ הַוָּזיר דִּנְדָּן וְסִפֶּר לָנוּ אֶת-הַכֹּל, וַתּוֹרֶד נֻזְהָה אֶת-מָסַךְ הַמֶּשִׁי וַתֵּשֶׁב מֵאַחֲרָיו, וְדַו אַל מַכָּן יָשַׁב לְפָנָיו וַיִּקְרָא אֵלָיו אֶת-הַוָּזִיר וַיָּבֹא וַיֵּשֶׁב אִתּוֹ, וַיְבַקֵּשׁ מֵאִתּוֹ לְסַפֵּר לוֹ אֵת כָּל-אֲשֶׁר קָרָה אֶת-אָבִיו.

 

יז. עוּמָר אַל נַעְמָן וַחֲמֵשׁ הָעֲלָמוֹת.    🔗

וַיִּפְתַּח הַוָּזִיר דִּנְדָּן אֶת-פִּיו וַיֹּאמַר:

דַּע לְךָ, אֲדוֹנִי הַמֶּלֶךְ, כִּי בְשׁוּב הַמֶּלֶךְ עוּמָר אַל נַעְמָן מִמַּסָּעוֹ וּמִצֵּידוֹ וַיָּבֹא הַבָּיְתָה, שָׁאַל עָלֶיךָ וְעַל אֲחוֹתְךָ וְלֹא מְצָאֲכֶם. וַיֻּגַּד לוֹ כִּי נְסַעְתֶּם עִם הַחוֹגְגִים וַיִּתְעַצֵּב אֶל לִבֹּו מְאֹד. וַיְהִי שׁוֹאֵל אֶת כָּל-עוֹבֵר וָשָׁב בְּמֶשֶׁךּ חֲצִי שָׁנָה עַל אוֹדוֹתֵיכֶם, אַךְ אִישׁ לֹא יָכֹל לְהַגִּיד לוֹ דָבָר. וַיִּתְבּוֹנֵן אָבִיךְ בָּעֲלָמוֹת וַיִּשְׂמַח לְמַרְאֵיהֶן וַיֹּאמֶר: הָבָה תַשְׁמִיעֵנִי כָל-אַחַת מֵהֶן מֵאֲשֶׁר הִיא יוֹדַעַת עַל קוֹרוֹת אַנְשֵׁי קֶדֶם.

וַתִּגַּשׁ הָאַחַת וַתִּקֹּד לְפָנָיו וַתֹּאמַר:

דַּע לְךָ, אֲדוֹנִי הַמֶּלֶךְ, כִּי עַל כָּל-בַּעַל מוּסָר לְהִתְרַחֵק מֵהַחֶסְרוֹנוֹת, וּלְהִתְקַשֵּׁט בְּמַעֲלוֹת, וּלְמַלֵּא חוֹבוֹתָיו, וְלַעֲזֹב עֲוֹנוֹתָיו. וְדַע כִּי כָל-הַגָּדוֹל מֵחֲבֵרוֹ צָריךְ לָדַעַת יוֹתֵר אֵיךְ לְהִתְנַהֵג, וְהַמְּלָכִים צְרִיכִים לָדַעַת יוֹתֵר מִכָּל-בְּנֵי הַשּׁוּק, כִּי בְנֵי הַשּׁוּק עוֹשִים מַעֲשֵׂיהֶם בְּלִי הִתְבּוֹנֵן בְּתוֹצְאוֹתֵיהֶם. וְדַע כִּי הַשּׂוֹנֵא הוּא מִתְנַגֵּד שֶׁתּוּכַל לְהִשָּׁמֵר מִפָּנָיו, אַךְ הַיְדִיד אֵין בֵּינְךָ וּבֵינוֹ שׁוֹפֵט לִשְׁפֹּט בִּלְתִּי אִם ישֶׁר הַלֵּב; וּבְכֵן עָלֶיךָ לִבְחֹר לְךָ יְדִיד לְנַפְשְׁךָ רַק אַחֲרֵי שֶׁתִּבְחָנֵהוּ. וְהָיָה אִם יָשָׁר וְנֶאֱמָן הוּא וַאֲהַבְתּוֹ, וְלֹא תַעַזְבֵהוּ גַם אִם תִּרְאֶה בוֹ מַה שֶׁאֵינֶנּוּ רָצוּי לָךְ, כִּי אֵינֶנּוּ כְאִשְתְּךָ שֶׁתּוּכַל לְגָרְשָׁהּ וְלָשׁוּב אַחֲרֵי-כֵן לְקַחְתָּהּ. לֵב הַיְדִיד הוּא כִזְכוּכִית אֲשֶׁר אִם נִסְדְקָה פַעַם שׁוּב אֵין לָהּ תַּקָּנָה.

וְאַחַר הוֹסִיפָה וַתֹּאמַר:

הַטּוֹב שֶׁבַּיְדִידִים הוּא הַיּוֹעֵץ הַטּוֹב, וְהַטּוֹב שֶׁבַּמַּעֲשִׂים הוּא זֶה שֶׁאַחֲרִיתוֹ טוֹבָה. וְאָמְרוּ עוֹד: מִי שֶׁנַּפְשׁוֹ יְקָרָה בְעֵינָיו תֵּקַל בְּעֵינָיו תַּאֲוָתוֹ; וְכָל-הַמַּגְזִים אֵת הַצָּרוֹת הַקְּטַנוֹת יַפִּילֵהוּ הַבּוֹרֵא בַּגְּדוֹלוֹת; וְכָל-הַהוֹלֵךְ אַחֲרֵי הַתַּאֲווֹת אָבַד לוֹ חוּשׁ הַצֶּדֶק; וְכָל-הַמַּרְבֶּה בְּמַחֲלֹקֶת חוֹטֵא; וְכָל-שֶׁאֵינוֹ מֵגֵן עַל נַפְשׁוֹ מֵעֲשִׁיַּת הָעַוְלוֹת לֹא יִשְׁלַם מִן הַחֶרֶב.

וְעַתָּה נַעֲבֹר אֶל פֶּרֶק הַשּׁוֹפְטִים:

דַּע לְךָ, אֲדוֹנִי הַמֶּלֶךְ, כִּי כָל-פְּסַק-דִּין שֶׁאֵינוֹ בָּנוּי עַל יְסוֹד הוֹכָחוֹת וּרְאָיוֹת אֵינֶנּוּ צוֹדֵק. בְּעֵינֵי הַדַּיָּן צְרִיכִים כָּל-בַּעֲלֵי הַדִּין לִהְיוֹת בְּמַדְרֵגָה אַחַת לְמַעַן לֹא יַחֲזיק הַתַּקִּיף בְּעָוֶל וְלֹא יִתְיָאֵשׁ הַחַלָּשׁ מִיֹּשֶׁר. הַשָּלוֹם טוֹב לַמֻּשְׂלָמִים, חוּץ מִשָּׁלוֹם הַמַּתִּיר אֶת-הָאָסוּר וְאוֹסֵר אֶת-הַמֻּתָּר. נָפַל לְךָ סָפֵק בְּדָבָר הַיּוֹם, שׁוּב וְהִתְבּוֹנֵן בּוֹ לְמָחָר, לְמַעַן תַּגִּיעַ אֶל תַּכְלִית הַצֶּדֶק, כִּי הַצֶּדֶק חוֹבָה, וְטוֹב לָשׁוּב אֶל הַצֶּדֶק מִלְּהִתְעַקֵּשׁ בְּהַחֲזָקַת הָעָוֶל. וּכְשֶׁבָּאִים בַּעֲלֵי-הַדִּין לְפָנֶיךָ יַעַמְדוּ שְׁנֵיהֶם מִמּוּלְךָ, וְעֵינֶיךָ תַבֵּטְנָה יָשָׁר לְנֹכַח הַצֶּדֶק, וְעַל יְיָ גֹל מַעֲשֶׁיךָ, הָטֵל אֶת-הַהוֹכָחָה עַל הַתּוֹבֵעַ, אִם יְבִיאֶנָּה תִשְׁפֹּט עַל פִּיהָ, וְאִם אַיִן תַּשְׁבִּיעַ אֶת-הַנִּתְבָּע: זֹה הִיא מִצְוַת אֱלֹהִים. קַבֵּל אֶת שְׁבוּעַת הַמֻּשְׂלָמִים הַנֶּאֱמָנִים מֵאִישׁ עַל רֵעֵהוּ, כִּי הַדַּיָּן מְצֻוֶּה לִשְׁפֹּט לְפִי הַנִּגְלֶה לְפָנָיו, וְהַנִּסְתָּרוֹת אַךְ לַיְיָ לְבַדּוֹ. אָסוּר לְדַיָּן לָדוּן בְּשָׁעָה שֶכְּאֵבוֹ אוֹ רַעֲבוֹנוֹ גָּדוֹל, וּבְשַׁעַת הַדִּין יְכַוֵּן לִבּוֹ לַשָּׁמַיִם, כִּי מִי שֶׁכַּוָּנָתוֹ טְהוֹרָה בְּמַה שֶׁבֵּינוֹ לְבֵין עַצְמוֹ יִשְׁמְרֵהוּ הַבּוֹרֵא יִתְבָּרֵךְ בְּמַה שֶׁבֵּינוֹ לְבֵין חֲבֵרוֹ. וְסֻפַּר כִּי אֲלֶכְסַנְדֵּר אָמַר לַשּׁוֹפֵט אֲשֶׁר מִנָּה: רְאֵה הִפְקַדְתִּיךָ לְמִשְׂרָה אֲשֶׁר בָּהּ הִפְקַדְתִּי בְיָדְךָ רוּחִי וּכְבוֹדִי וְעֶרְכִּי, וְעָלֶיךָ לִשְׁמֹר עָלֶיהָ בְנַפְשְׁךָ וּבְשִׂכְלֶךָ. וְאֶל טַבָּחוֹ אָמַר: אַתָּה הַמּוֹשֵׁל עַל גּוּפִי, וּבְכֵן רַחֵם נָא עָלָיו. וּלְסוֹפְרוֹ אָמַר: אַתָּה הַשַּׁלִּיט בְּשִׂכְלִי, וּבְכֵן שְׁמֹר נָא עַל כְּבוֹדִי בַּאֲשֶׁר תִּכְתֹּב בִּשְׁמִי.

אַחֲרֵי-כֵן נָסוֹגָה הָעַלְמָה הָרִאשׁוֹנָה אָחוֹר וּרְעוּתָהּ הַשְּׁנִיָּה נִגְּשָׁה וַתִּקֹּד לִפְנֵי אָבִיךָ שֶׁבַע פְּעָמִים, וְאַחַר פָּתְחָה פִיהָ וַתֹּאמַר:

אָמַר לֻקְמָן לִבְנוֹ: בְּנִי, שְׁלשָׁה אֵינָם נִכָּרִים אֶלָּא בִשְׁלשָׁה: בַּעַל הַמֶּזֶג הַטּוֹב אֵינוֹ נִכָּר אֶלָּא בְשַׁעַת כַּעֲסוֹ, וְהַגִּבּוֹר – בְּשַׁעַת מִלְחָמָה, וְהַיְדִיד – בְּשָׁעָה שֶׁאַתָּה נִצְרָךְ לוֹ. וְאָמַר הַנָּבִיא עָלָיו הַשָּׁלוֹם: אֵין הַמַּעֲשִׂים נִדּוֹנִים אֶלָּא לְפִי כַוָּנַת עוֹשֵׂיהֶם. וְדַע, אֲדוֹנִי הַמֶּלֶךְ, כִּי הַיּוֹתֵר נִפְלָא שֶׁבְּבֶן-אָדָם הוּא לִבּוֹ, כִּי בוֹ רֶסֶן פְּעֻלוֹתָיו, אִם תִּגְבַּר עָלָיו אַהֲבַת הַבֶּצַע תַּהַרְגֵהוּ תַּאֲוָתוֹ, וְאִם יִשְלֹט עָלָיו הַיָּגוֹן יְכַלֵּהוּ צַעֲרוֹ, וְאִם יֶחֱזַק כַּעֲסוֹ תָּבוֹא עָלָיו כְּלָיָה, וְלֹא יִשְׁלַם מִצַּעַר אֶלָּא אִם יִסְתַּפֵּק בְּמָה שֶׁיֵּשׁ לוֹ. וְאָמְרוּ לְאַחַד הַחֲכָמִים: מִי הוּא שֶׁמַצָּבוֹ רַע מִכָּל-שְׁאָר חֲבֵרָיו? עָנָה: מִי שֶׁתַּאֲוָתוֹ גוֹבֶרֶת עַל אֱנוּשִׁיּוּתוֹ.

וַתּוֹסֶף לָשֵׂאת דְּבָרֶיהָ עַל הַחֲסִידוּת וַתֹּאמַר:

אָמַר הִישָׁם בֶּן-בִּשְׁרְ: אָמְרוּ לְעוּמָר בֶּן עֻבַּיְדְ: מַה הִיא הַחֲסִידוּת הָאֲמִתִּית? עָנָה: כְּבָר הִגְדִּיר אוֹתָהּ שְׁלִיחַ הָאֵל בְּאָמְרוֹ: הֶחָסִיד הוּא אֲשֶׁר לֹא יִשְׁכַּח אֶת-הַמָּוֶת וְאֶת-הַכִּלָּיוֹן, וִיבַכֵּר אֶת-הַקַּיָּם עַל הָעוֹבֵר, וְאֶת-יוֹם הַמָּחֳרָת לֹא יַחֲשֹׁב מִימֵי חַיָּיו, וְאֶת-עַצְמוֹ יַחֲשֹׁב בֵּין הַמֵּתִּים. וְאָמְרוּ כִּי אֲבִי-זָר הָיָה אוֹמֵר: חֲבִיבָה עָלַי הַדַּלּוּת מֵהָעֲשִׁירוּת וְהַמַּחֲלָה מֵהַבְּרִיאוּת. וַיֹּאמֶר אַחַד הַשּׁוֹמְעִים: יְרַחֵם הַשֵּׁם אֶת אֲבִי-זָר, אֲבָל אֲנִי אוֹמֵר: מִי שֶׁסּוֹמֵךְ עַל יָשְׁרוֹ שֶׁל הַקָּדוֹשׁ בָּרוּךְ הוּא יִשְׂמַח בְּכָל-מַצָּב אֲשֶׁר גְּזָרוֹ עָלָיו. וִיסֻפַּר כִּי תָבֵת הַבַּנָּנִי בָכָה עֶד שֶׁכִּמְעַט כָּלוּ עֵינָיו, הֵבִיאוּ אֵלָיו רוֹפֵא לְרַפְּאוֹתוֹ וְאָמַר: רַפֵּא אֲרַפְּאֵהוּ אִם רַק יַקְשִׁיב לְמִצְוָתִי. עָנָה וְאָמַר: וּמָה הִיא מִצְוָתֶךָ? אָמַר: כִּי תִמְנַע עֵינֶיךָ מִבֶּכִי. אָמַר תָּבֵת: וּמָה הִיא אֵפוֹא מַעֲלַת עֵינַי אִם לֹא תִבְכֶּינָה? וְאָמַר עָוִית בֶּן-עַבְּדְ-אַלָּה: הָיוּ בִּבְנֵי יִשְׂרָאֵל שְׁנֵי אַחִים, אָמַר אֶחָד מֵהֶם לְאָחִיו: מַה הוּא הַמַּעֲשֶׂה הַיּוֹתֵר מְגֻנֶּה שֶׁעָשִׂיתָ? אָמַר: עָבַרְתִּי עַל קַן אֶפְרֹחִים וָאֶקַּח מִשָּׁם אֶפְרֹחַ, וְאַחַר הֲשִׁיבוֹתִיו אֶל הַקֵּן אֲבָל לֹא אֶל אוֹתוֹ הַמָּקוֹם אֲשֶׁר מִמֶּנּוּ לְקַחְתִּיו; זֶהוּ הַמַּעֲשֶׂה הַיּוֹתֵר מְגֻנֶּה שֶׁעָשִׂיתִי אֲנִי, וּמֶה עָשִׂיתָ אָתָּה? אָמַר: בְּכָל-עֵת קוּמִי לְהִתְפַּלֵּל אֵינֶנִּי בָטוּחַ אִם אֵינֶנִּי עוֹשֶׂה זֹאת בְּכַוָּנָה לְקַבֵּל שָׂכָר. וַאֲבִיהֶם שׁוֹמֵעַ דִּבְרֵיהֶם, וַיֹּאמַר: יְיָ אֱלֹהָי! אִם אֱמֶת בְּפִיהֶם קָחֵם נָא אֵלֶיךָ. וְשָׁם אַחַד הַנְּבוֹנִים וַיֹּאמֶר: אָכֵן הָיוּ אֵלֶּה הַחֲסִידִים שֶׁבַּבָּנִים.

וְאַחַר נִגְשָׁה הָעַלְמָה הַשְּׁלִישִׁית וַתֹּאמַר:

שַׁעַר הַחֲסִידוּת רָחָב מְאֹד, וְגַם אֲנִי אַזְכִּיר מַה-שֶּׁיַּעֲלֶה עַל זִכְרוֹנִי מִזֵּכֶר הַצַּדִּיקִים הָרִאשׁוֹנִים. אָמַר אַחַד הַיּוֹדְעִים: כְּשֶׁהִנְנִי זוֹכֵר אֵת הַמָּוֶת תָּפוּג מְנוּחָתִי, כִּי הַמָּוֶת מוֹנֵעַ אֶת-הָאָדָם מִלְּהַמְשִׁיךְ אֶת-הַמַּעֲשִׂים הַטּוֹבִים, וְעַל כֵּן צָרִיךְ לְמַהֵר וּלְהַכְפִּיל אֶת-הַמַּעֲשִׂים הַטּוֹבִים וְלָסוּר מִכָּל-רָע. וּכְשֶכִּלָּה עָטָה אַל סְלָמִי אֶת-צַוָּאָתוֹ רָעַד וּבָכָה בְכִי גָדוֹל, וְכַאֲשֶׁר שְׁאֵלוּהוּ אָמַר: בּוֹכֶה אֲנִי מִפְּנֵי יְדִיעָתִי כִי הוֹלֵךְ הִנְנִי לִקְרַאת דָּבָר גָּדוֹל, לִקְרַאת הָעֲמִידָה בִּפְנֵי הָאֵל יִתְבָּרֵךְ לִרְאוֹת אִם הָיוּ גַם מַעֲשַׂי מַתְאִימִים לְצַוָּאָתִי. וְאָמַר סֻפְיָן: לוּ שָׁכְנָה הַנֶּפֶשׁ בְּלֵב הָאָדָם כָּרָאוּי הָיְתָה פוֹרַחַת מִשִּׁמְחָה וּתְשׁוּקָה אֶל גַּן-הָעֵדֶן וּמֵעֶצֶב וָפַחַד מִפְּנֵי הַגֵּיהִנֹּם. אַף הוּא הָיָה אוֹמֵר: הַהִסְתַּכְּלוּת בִּפְנֵי אָדָם רָשָׁע – רָשַׁע.

וְאַחַר נָסוֹגָה הַשְּׁלִישִׁית אֲחוֹרַנִּית וְהָרְבִיעִית נִגְּשָׁה וַתֹּאמַר:

גַּם אֲנִי אֲדַבֵּר עַל כָּל-מַה-שֶּׁיַעֲלֶה בְזִכְרוֹנִי מֵעִנְיְנֵי הַחֲסִידִים. אָמַר אַחַד הַיּוֹדְעִים: הַמַּעֲשֶׂה הַטּוֹב מְכַפֵּר עַל הַמַּעֲשֶׂה הָרָע. וְאָמַר אַחַד הַיּוֹדְעִים: כְּשֶׁבִּקַּשְׁתִּי מֵאֵת בִּשְׁרְ אַל-חָפִי לְהוֹדִיעֵנִי מִסִּתְרֵי הָאֱמֶת אָמַר: בְּנִי, חָכְמָה זוֹ לֹא נוּכַל לְלַמֵּד אֶת-כָּל-אִישׁ כִּי אִם אֵת חֲמִשָּה מִמֵּאָה. וְאָמַר אִבְּרָהִים בֶּן-אַדְהָם: אָכֵן זוֹהִי תְשׁוּבָה נְכוֹנָה. וְחָזַר אִבְּרָהִים וְאָמַר: רָאִיתִי פַעַם וְהִנֵּה נָפַל בֶּקַע מִידֵי בִּשְׁרְ, מִהַרְתִּי וְנָתַתִּי לוֹ שֶׁקֶל בִּמְקוֹמוֹ, אָמַר: לֹא אֶקָּחֵהוּ. אָמַרְתִּי לוֹ: הֵן הוּא מִן הַמֻּתָּר הַגָּמוּר. עָנָה: לֹא אַחֲלִיף נְעִימוּת הָעוֹלָם הַבָּא בִּנְעִימוּת הָעוֹלָם הַזֶּה. וְסִפְּרוּ כִּי אֲחוֹת בִּשְׁרְ אַל-חָפִי פָנְתָה אֶל אַחְמָד בֶּן-חַנְבָּל וְאָמְרָה לוֹ: אֲדוֹנִי הַכֹּהֵן, טֹווֹת הִנְנוּ בַלַּיְלָה וְעוֹבְדוֹת כְּדֵי לְהַשִּׂיג מִחְיָתֵנוּ בַיּוֹם, וּלְפָנֵינוּ עוֹבְרִים תָּמִיד לַפִּידֵי שׁוֹמְרֵי בַּגְדָּד בְּשָׁעָה שֶׁאָנוּ יוֹשְׁבוֹת עַל הַגַּג וְהִנְנוּ טֹווֹת לְאוֹרָם. הַאֲסוּרָה לָנוּ טוֹבַת הֲנָאָה זוֹ? אָמַר לָהּ אַחְמָד: מִי אַתְּ? אָמְרָה: אֲחוֹת בִּשְׁרְ אַל-חָפִי. אָמַר: הוֹי מִשְׁפַּחַת בִּשְׁרְ! אָכֵן רֵיחַ שֶׁל יִרְאַת שָמַיִם נוֹדֵף מִכֶּן. וְאָמַר אַחַד הַיּוֹדְעִים: כְּשֶׁרוֹצֶה הַבּוֹרֵא יִתְעַלֶּה שְׁמוֹ לְהֵיטִיב לְאִישׁ יִפְתַּח לוֹ אֶת-שַׁעֲרֵי הַמַּעֲשֶׂה. וּמָלֵךְ בֶּן-דִּינָר כְּשֶׁהָיָה עוֹבֵר בַּשּׁוּק וְרוֹאֶה דְבַר תַּאֲוָה הָיָה אוֹמֵר לְעַצְמוֹ: נַפְשִׁי, הִתְאַפְּקִי, כִּי לֹא אֲמַּלֵא חֶפְצֵךְ. וְאָמַר, רְצוֹן הָאֵל עָלָיו: אָכֵן טוֹבַת הַנֶּפֶשׁ צְפוּנָה בַהִתְנַגְּדוּת אֵלֶיהָ, וְצָרָתָהּ בְמִלּוּי תְבִיעוֹתֶיהָ. וְאָמַר מַנְצוּר בֶּן-עַמָּר: עָלִיתִי לְרֶגֶל אֶל מַכָּה בְּדֶרֶךְ כּוּפָה, וַיְהִי בְלֵיל חֹשֶׁךְ וָאֶשְׁמַע מִמַּעֲמַקֵּי הָאֲפֵלָה קוֹל קוֹרֵא: אֱלֹהַי! חֵי עֻזְּךָ וּכְבוֹדְךָ כִּי לֹא כִוַּנְתִּי בַחֲטָאַי לְהִתְנַגֵּד לִפְקֻדָּתְךָ, כִּי יוֹדֵעַ וּמַכִּיר אֲנִי גֹדֶל עֶרְכְּךָ, אַךְ זֶהוּ חֵטְא שֶׁגָּזַרְתָּ עָלַי מִימֵי עוֹלָם. וּבְכֵן כַּפֶּר-נָא לִי עַל אֲשֶׁר עָוִיתִי, כִּי רַק בְּסִכְלוּתִי עָשִׂיתִי זֹאת, וּבְגָמְרוֹ אֶת-תְּחִינָתוֹ קָרָא אֶת-הַפָּסוּק: הוֹי הַמַּאֲמִינִים! הַצִּילוּ אֶת נַפְשְׁכֶם וְנֶפֶשׁ בֵּיתְכֶם מֵהָאֵשׁ אֲשֶׁר אָכָלָה אֲנָשִׁים וַאֲבָנִים²⁰ וְאַחַר שָׁמַעְתִּי שְׁאוֹן נְפִילָה וְלֹא יָדַעְתִּי מָה הַדָּבָר. לְמָחָר כְּשֶׁהָלַכְתִּי בַּדֶּרֶךְ רָאִיתִי אֲנָשִׁים מְלַוִּים מֵת עוֹבְרִים לְפָנַי, וְאַחֲרֵיהֶם אִשָּׁה זְקֵנָה חֲלָשָׁה, שְׁאַלְתִּיהָ: מִי הוּא הַמֵּת? אָמְרָה: זֹאת הִיא לְוָיַת אִישׁ אֲשֶׁר עָבַר עַל בֵּיתֵנוּ בְשָׁעָה אֲשֶׁר קָם בְּנִי לְהִתְפַּלֵּל, וְאַחֲרֵי הַתְּפִלָּה קָרָא פָסוּק מִסֵּפֶר הָאֵל יִתְעַלֶּה וּפָקְעָה מְרֵרָתוֹ וְנָפַל מֵת.

וְאַחַר נָטְתָה הָעַלְמָה הָרְבִיעִית הַצִּדָּה וַתִּגַּשׁ רְעוּתָהּ הַחֲמִשִׁית וַתֹּאמַר:

גַּם אָנֹכִי אֲסַפְּרָה עִנְיְנֵי הַחֲסִידִים מֵאֲשֶׁר אֶזְכֹּר.

מַשְׂלָמָה בֶּן-דִּינָר הָיָה אוֹמֵר: אִם תְּטַהֵר סִתְרֵי מַחְשְׁבוֹתֶיךָ יִסְלַח הַבּוֹרֵא לַעֲוֹנוֹתֶיךָ הַגְּדוֹלִים וְהַקְּטַנִּים, וְאִם תָּכִין לְבָבְךָ לַחְדֹּל מִפֶּשַׁע יְסַיְּעוּ לְךָ מִן הַשָּׁמָיִם. וְשָׁאֲלוּ אֵת אֲבִי-חָזֵם: אֵיזֶהוּ עָשִׁיר? אָמַר: מִי שֶׁבִּלָּה יָמָיו בְּדֶרֶךְ הַשֵּׁם. חָזְרוּ וְשָׁאֲלוּ: וְאֵיזֶהוּ שׁוֹטֶה? אָמַר: מִי שֶׁמּוֹכֵר הָעוֹלָם הַבָּא בָעוֹלָם הַזֶּה, וְסִפְּרוּ, כִּי משֶׁה רַבֵּנוּ עָלָיו הַשָּׁלוֹם כְּשֶׁבָּא אֶל הַבְּאֵר בְּמִדְיָן אָמַר: אֱלֹהִים! כָּמְהָה נַפְשִׁי לְחַסְדֶּךָ. וְהִנֵּה בָאוּ שְׁתֵּי עֲלָמוֹת עִם צֹאן אֲבִיהֶן, הִשְׁקָה משֶׁה אֶת-צֹאנָן וְלֹא נָתַן אֶת-הָרוֹעִים לְהַשְׁקוֹת אֶת צֹאנָם לִפְנֵיהֶן. שָׁבוּ הָעֲלָמוֹת אֶל בֵּיתָן וְסִפְּרוּ לִשְׁעֵיב אֲבִיהֶן אֶת-הַדָּבָר. אָמַר לָהֶן: שֶׁמָּא רָעֵב הוּא? וַיֹּאמֶר לְאַחַת הַבָּנוֹת: שׁוּבִי אֵלָיו וְקִרְאִי לוֹ. כְּשֶׁבָּאָה לְפָנָיו כִּסְּתַה פָנֶיהָ וְאָמְרָה: אָבִי קוֹרֵא לְךָ לִגְמָלְךָ עַל מַעֲשֶׂךָ הַטּוֹב. סֵרֵב משֶׁה לָלֶכֶת אִתָּהּ. וְהִנֵּה נִפְנְפָה הָרוּחַ אֶת-שִׂמְלָתָהּ וְגִלְּתָה יָפְיָהּ לְעֵינָיו.

עָצַם משֶׁה עֵינָיו וְאָמַר אֵלֶיהָ: לְכִי אַחֲרָי. וְהָלַךְ עַד שֶׁבָּא אֶל שְׁעֵיב, בָּא וְרָאָה הַשֻּׁלְחָן עָרוּך וְהָאֹכֶל מוּכָן. אָמַר שְׁעֵיב אֵלָיו: משֶׁה, רְצוֹנִי לִגְמָלְךָ שְׂכַר הַשְׁקוֹתְךָ צֹאן בְּנוֹתָי. אָמַר משֶׁה: אָנֹכִי בֶּן-אֲנָשִׁים שֶׁאֵינָם מוֹכְרִים דָּבָר מֵעוֹלָמָם הַבָּא בְּעַד כָּל-מְחִיר. אָמַר לוֹ שְׁעֵיב: הוֹי הַצָּעִיר! הֵן אוֹרְחִי אַתָּה, וּמִנְהָגִי וּמִנְהַג בֵּית אֲבוֹתַי הוּא לְכַבֵּד אוֹרְחֵינוּ בְּתִתֵּנוּ לָהֶם מִלַּחְמֵנוּ. וַיּוֹאֶל משֶׁה לָשֶׁבֶת וְלֶאֱכֹל. וְאַחַר-כָּךְ שָׂכַר שְׁעֵיב אֶת-משֶׁה לְמֶשֶׁךְ שְׁמוֹנֶה שָׁנִים בִּמְחִיר אַחַת מִבְּנוֹתָיו כַּכָּתוּב בַּקֻּרָאן: חָפֵץ הִנְנִי לָתֵת לְךָ אַחַת מִשְּׁתֵּי בְנוֹתַי אֵלֶּה לְאִשָּׁה וַעֲבַדְתַּנִי שְׁמוֹנָה חַגִּים²¹ , וְאִם הַשְׁלֵם תַּשְׁלִים עַד עֲשָׂרָה וְהָיָה זֶה מִנִּדְבַת לִבֶּךָ²²

וְאָמַר אִישׁ לְאֶחָד מֵחֲבֵרָיו שֶׁלֹּא רָאָהוּ זְמַן רָב: אָכֵן הִתְגַּעְגַּעְנוּ עָלֶיךָ כִּי לֹא רְאִינוּךָ זֶה זְמַן רָב. אָמַר: וְאָנֹכִי הִסַּחְתִּי דַעְתִּי מִמְּךָ כִּי הִתְרוֹעַעְתִּי עִם אִבְּן-שִׁיהָב; הֲתֵדָעֵהוּ? אָמַר: יְדַעְתִּיו, כִּי שְׁכֵנִי הוּא מֵאָז שְׁלשִׁים שָׁנָה, אַךְ לֹא דִבַּרְתִּי אִתּוֹ עַד כֹּה. אָמַר: אָכֵן שָׁכַחְתָּ אֶת-אֱלֹהֶיךָ וַתִּשְׁכַּח גַּם אֶת-שְׁכֵנֶךָ, וְלוּ אָהַבְתָּ אֱלֹהֶיךָ כִּי עַתָּה אָהַבְתָּ גַם שְׁכֵנֶךָ. הַאֵינְךָ יוֹדֵעַ כִּי זְכוּת לַשָּׁכֵן עַל שְׁכֵנוֹ כִזְכוּת הַקִּרְבָה? וְאָמַר חֲדִיפָה: בָּאנוּ אֶל מַכָּה עִם אִבְּרָהִים בֶּן-אַדְהָם, וְגַם שְׁקִיק הַבַּלְכִי הָלַךְ לָחֹג בַּשָּׁנָה הַהִיא, וְנִפְגַּשְׁנוּ אִתּוֹ בְהַקָּפַת הַכַּעְבָּה. אָמַר אִבְּרָהִים אֶל שְׁקִיק: מַה-מַּצַּבְכֶם בְּאַרְצֶכֶם? עָנָהוּ שְׁקִיק: אִם יֵשׁ לָנוּ לֶחֶם אָנוּ אוֹכְלִים, וְאִם לָאו – נִסְבֹּל בְּדוּמִיָּה. אָמַר לוֹ אִבְּרָהִים: הֵן גַּם כַּלְבֵּי בַּלְךְּ נוֹהֲגִים כָּךְ, אֲבָל אֲנַחְנוּ אִם יֵשׁ לָנוּ לֶחֶם נִפְרֹס מִמֶּנּוּ לַאֲחֵרִים, וְאִם נִרְעַב נוֹדֶה לַיְיָ עַל כָּל-מַעֲשָׂיו אִתָּנוּ. אָז יָשַׁב שְׁקִיק לִפְנֵי אִבְּרָהִים וְאָמַר לוֹ: בֶּאֱמֶת מוֹרִי וְרַבִּי אָתָּה.

וְאַחַר נָסוֹגָה הָעַלְמָה הַחֲמִשִּׁית, וַתִּגַּשׁ הַזְּקֵנָה וַתִּקֹּד לִפְנֵי הַמֶּלֶךְ תֵּשַׁע פְּעָמִים וְאַחַר אָמְרָה: הִנֵּה שָׁמַעְתָּ, אֲדוֹנִי הַמֶּלֶךְ, כָּל-אֲשֶׁר אָמְרוּ הַצְּעִירוֹת, וְעַתָּה אָבוֹאָה אָנֹכִי וַאֲמַלֵּא אַחֲרֵיהֶן מֵהַיָּדוּעַ לִי עַל גְּדוֹלֵי קַדְמוֹנֵינוּ.

אָמְרוּ כִּי הָאִימָם הַשָּׁפְעִי הָיָה מְחַלֵּק אֶת-הַלַּיְלָה לְשָׁלשׁ אַשְׁמוֹרוֹת: הָרִאשׁוֹנָה לְלִמּוּד, הַשְּׁנִיָּה לְשֵׁנָה, וְהַשְּׁלִישִׁית לַעֲבוֹדַת הַבּוֹרֵא. וְהָאִימָם אֲבִי-חֲלִיפָה הָיָה עֵר כָּל-חֲצִי הַלָּיְלָה. פַּעַם אַחַת כְּשֶׁהָלַךְ בַּדֶּרֶךְ שָׁמַע אִישׁ אוֹמֵר לַחֲבֵרוֹ: הָאִישׁ הַזֶּה עֵר תָּמִיד כָּל-הַלַּיְלָה. כְּשֶׁשָּׁמַע זֹאת אָמַר: בּשְׁתִּי בִּפְנֵי הַבּוֹרֵא שֶׁיְיַחֲסוּ לִי מַה-שֶּׁאֵין בִּי. וּמֵאָז הָיָה עֵר כָּל-הַלֵּילוֹת בִּשְׁלֵמוּתָם. וְאָמַר אַל רַבִּיעַ: הָיָה הַשָּׁפְעִי חוֹזֵר עַל הַקֻּרָאן בְּכָל-חֹדֶשׁ רַמָּדָן שִׁבְעִים פַּעַם. וְאָמַר הַשָּׁפְעִי, רְצוֹן הָאֵל עָלָיו: מֶשֶׁךְ עֶשֶׂר שָׁנִים לֹא אָכַלְתִּי לֶחֶם הַשְּעוֹרִים לָשׂבַע, כִּי הַשָּׁבָע מַקְשֶׁה הַלֵב וּמְעַכֵּר הַשֵּׂכֶל, וּמַפִּיל חֶבְלֵי שֵׁנָה, וּמַחֲלִישׁ הַגּוּף, עַד שֶׁהוּא מִתְעַצֵּל לָקוּם לִתְפִלָה.

וְאָמַר אַחַד הַנֶּאֱמָנִים: כְּשֶׁנִּכְנַסְתִּי לְבַגְדָּד וְהַשָּׁפְעִי נִמְצָא בָהּ יָשַׁבְתִּי עַל חוֹף הַנָּהָר לִנְטִילַת יָדַי וְרַגְלַי לִתְפִלָּה, וְהִנֵּה עָבַר אִישׁ לְפָנַי וְאָמַר לִי: הַנַּעַר, הֵיטִיבָה קִדּוּשׁ יָדֶיךָ וְרַגְלֶיךָ, יֵיטִיב לְךָ הַבּוֹרֵא בָעוֹלָם הַזֶּה וּבָעוֹלָם הַבָּא. הִסְתַּכַּלְתִּי וְרָאִיתִי אַחֲרָיו קִבּוּץ אֲנָשִׁים, מִהַרְתִּי וְקִדַּשְׁתִּי יָדַי וְרַגְלַי וְהָלַכְתִּי אַחֲרָיו. פָּנָה אֵלַי וְאָמַר: רְצוֹנְךָ בְדָבָר? אָמַרְתִּי: הֵן, לַמְּדֵנִי מִמַּה שֶׁלִּמֶּדְךָ הַבּוֹרֵא יִתְבָּרַךְ. אָמַר: דַּע כִּי הַמַּאֲמִין בַּיְיָ יִנָּצֵל, וְהַמַּזִּיר עַצְמוֹ מֵעִנְיְנֵי הָעוֹלָם הַזֶּה יִתְעַנֵּג לֶעָתִיד לָבוֹא. רְצוֹנְךָ אוֹסִיף לְךָ עוֹד דָּבָר? אָמַרְתִּי: הֵן. אָמַר: הִנָּזֵר מֵהָעוֹלָם הַזֶּה וְהִשְׁתּוֹקֵק לָעוֹלָם הַבָּא, וּבְכָל-עִנְיָנֶיךָ רְדֹף אֱמֶת, אָז תִּנָּצֵל בֵּין הַנִּצּוֹלִים. וְאַחַר-כָּךְ הָלַךְ לְדַרְכּוֹ. שָׁאַלְתִּי עָלָיו וְהִגִּידוּ לִי שֶׁהוּא הָאִימָם הַשָּׁפְעִי. – הוּא הָיָה אוֹמֵר: וּלְוַאי שֶׁתִּהְיֶה יְדִיעָתִי לְתוֹעֶלֶת לַאֲחֵרִים וְלֹא יְיַחֲסוּ דָבָר מִמֶּנָּה אֵלָי. וְאָמַר: לֹא הִתְוַכַּחְתִּי עִם אָדָם אֶלָּא כְדֵי לְבָרֵר אֶת-הָאֱמֶת, וְאֵין כָּל-הֶבְדֵּל בְּעֵינַי בֵּין כְּשֶאֶרְאֶה הָאֱמֶת לְצִדִּי אוֹ לְצַד מִתְנַגְּדִי. – וְהִגִּידוּ פַעַם לַאֲבִי-חֲלִיפָה: הִנֵּה הִפְקִידְךָ נְגִיד הַמַּאֲמִינִים אַבּוּ-גַ’עֲפָר אַל מַנְצוּר לְקָדִי וְקָצַב לְךָ עֲשֶׂרֶת אֲלָפִים דִּרְהָמִים, סֵרֵב לְקַבֵּל, וּכְשֶׁהִגִּיעַ יוֹם הַשִּׁלּוּם הִשְכִּים וְהִתְפַּלֵּל שַׁחֲרִית, וְאַחַר-כָּךְ הִתְעַטֵּף בְּשִׂמְלָתוֹ וְלֹא דִבֵּר דָּבָר. וְהִנֵּה בָא שְׁלִיחַ הַמֶּלֶךְ וְהַכֶּסֶף אִתּוֹ. דִּבֵּר אִתּוֹ וְלֹא הֵשִׁיב לוֹ. אָמַר שְׁלִיחַ הַמֶּלֶךְ: כֶּסֶף זֶה הַרֵי כֶסֶף כָּשֵׁר הוּא. אָמַר: יוֹדֵעַ אֲנִי דָבָר זֶה, אֶלָּא שֶׁאֵין רְצוֹנִי לְהַכְנִיס בְּלִבִּי יְדִידוּתָם שֶׁל עָרִיצִים.

אָמַר לוֹ: הֵן יָכוֹל אַתָּה לָבוֹא אֲלֵיהֶם וְלִשְמֹר נַפְשְׁךָ מִידִידוּתָם. אָמַר: וְכִי אֶפְשָׁר לִי לִהְיוֹת בָּטוּחַ כִּי אֶצְלֹל בַּיָּם וּבְגָדַי לֹא יֵרָטֵבוּ? וְסֻפְיָן אַל תּוֹרִי צִוָּה אֵת עָלִי בֶן-אַל חָסָן אַל סְלָמִי וְאָמַר: שְׁמֹר אֱמֶת וְהִשָּׁמֵר מִמִּרְמָה וּמֵחֲנֻפָּה וּמִגַּאֲוָה, כִּי עִם אַחַת מֵאֵלֶּה אִי אֶפְשָׁר לַעֲשׂוֹת שׁוּם דָּבָר טוֹב; וִיהֵא חֲבֵרְךָ מִי שֶׁיַּזִּירְךָ מֵהָעוֹלָם הַזֶּה, וּזְכֹר אֶת-יוֹם הַמָּוֶת הַרְבֵּה; וְיָעֵץ כָּל-מֻשְׂלָם אֲשֶׁר יִשְׁאַל בַּעֲצָתְךָ עַל דְּבַר אֱמוּנָתוֹ; וְהִשָּׁמֵר לְךָ מֵרַמּוֹת שׁוּם מַאֲמִין, כִּי כָל-הַמְּרַמֶּה מַאֲמִין אֶת-הָאֵל וּשְלִיחוֹ הוּא מְרַמֶּה; וְהֵיטֵב נִסְתָּרְךָ יֵיטִיב הַבּוֹרֵא נִגְלֶךָ; וְאַל תִּשְׂנָא אַף אֶחָד מֵהַמֻּשְׂלָמִים, וּסְלַח לְמִי שֶׁעֲשָׁקְךָ; וְגֹל עַל יְיָ מַעֲשֶׂיךָ בְּסֵתֶר וּבְגָלוּי; וּזְכֹר אֶת-לֶכְתְּךָ אֶל אֶחָד מִשְּׁנֵי הַמְּקוֹמוֹת, אֶל גַּן-הָעֵדֶן אוֹ אֶל הַגֵּיהִנֹּם.

וְאַחַר יָשְׁבָה הַזְּקֵנָה עַל יַד הָעֲלָמוֹת.

 

יח. מוֹת הַמֶּלֶךְ עוּמָר אַל נַעְמָן.    🔗

וַיְהִי כִשְׁמֹעַ אָבִיךָ הַמָּנוֹחַ אֶת-דִּבְרֵיהֶן וְכִרְאוֹתוֹ הוֹדָן וְיָפְיָן וַיֵּדַע כִּי הֵן הַנַּעֲלוֹת בִּבְנוֹת דּוֹרָן, וַיַּזְמִינֵן לָשֶׁבֶת בְּהֵיכָלוֹ, וְאֶת-הַזְּקֵנַה כִּבֵּד, וַיְפַנֶּה לָהּ וּלְנַעֲרוֹתֶיהָ אֶת-הַהֵיכָל אֲשֶׁר בּוֹ יָשְׁבָה לְפָנִים הַמַּלְכָּה אַבְרִיזָה בַּת מֶלֶךְ יָוָן, וַתֵּשֶׁב שָׁם עֲשָׂרָה יָמִים. וַיְהִי בְכָל-עֵת בּוֹאוֹ לְבַקְּרָה וַיִּמְצָאֶנָּה עוֹסֶקֶת בִּתְפִלָּה וּבְתַחֲנוּנִים, עֵרָה בַלֵּילוֹת וְצָמָה בַיָּמִים; וַיִּגְדַּל עֶרְכָּהּ בְּעֵינָיו, וַיֹּאמֶר אֵלָי: וְזִירִי, אָכֵן זְקֵנָה זוֹ מִצִּדְקָנִיּוֹת הַדּוֹר.

וַיְהִי בַיּוֹם הָאַחַד עָשָׂר וַיֵּשֶׁב אִתָּהּ לְדַבֵּר עַל אוֹדוֹת מְחִיר הָעֲלָמוֹת, וַתֹּאמֶר אֵלָיו: אֲדוֹנִי הַמֶּלֶךְ, דַע לְךָ כִּי עֵרֶךְ הָעֲלָמוֹת הָאֵלֶּה הוּא לְמַעְלָה מִכָּל-מְחִיר, וְאָנֹכִי לֹא אֶדְרשׁ בִּמְחִירָן לֹא כֶסֶף וְלֹא זָהָב וְלֹא אֲבָנִים טוֹבוֹת, הַרְבֵּה אוֹ מְעַט. וַיִּתְפַּלֵּא הַמֶּלֶךְ וַיֹּאמֶר: וּבְכֵן, אֵפוֹא, מַה-מְּחִירָן, גְּבִרְתִּי? וַתֹּאמֶר: מָכוֹר אֶמְכְּרֵן לְךָ בִּמְחִיר צוֹם חֹדֶשׁ תָּמִים אֲשֶׁר תָּצוּם בַּיּוֹם, וּבַלַּיְלָה תֵעוֹר בִּתְפִלָּה וּבַעֲבוֹדָה. אִם כָּכָה תַעֲשֶׂה תִהְיֶינָה לְקִנְיָנְךָ בְּהֵיכָלְךָ וְעָשִׂיתָ בָהֶן כְּאַוַּת נַפְשֶׁךָ. וַיִּתְפַּלֵּא הַמֶּלֶךְ לַחֲסִידוּתָהּ, וַיֹּאמֶר: זְכוּתָהּ תָּגֵן עָלָי. וְאַחַר הִסְכִּים לָצוּם חֹדֶשׁ יָמִים כַּאֲשֶׁר דָּרְשָׁה. וַתֹּאמֶר אֵלָיו: אָנֹכִי אֶעֱזָרְךָ בִתְפִלּוֹתַי אֲשֶׁר אֶתְפַּלֵּל בַּעֲדֶךָ; וְעַתָּה צַו וְיָבִיאוּ אֵלַי כַּד מָיִם.

וַיְצַו הַמֶּלֶךְ וַיָּבִיאוּ, וַתִּקָּחֵהוּ וַתְּרַטֵּן עָלָיו, וַתָּשָׁב וַתִּלְחַשׁ מִלִּים אֲשֶׁר אִישׁ לֹא הֱבִינָן, וְאַחַר כִּסָּתְהוּ בִסְמַרְטוּט וַתַּחְתְּמֵהוּ וַתִּתְּנֵהוּ לִידֵי אָבִיךְ וַתֹּאמֶר אֵלָיו: אַחֲרֵי אֲשֶׁר תָּצוּם עֲשֶׂרֶת הַיָּמִים הָרִאשׁוֹנִים תִּשְׁתַּמֵּשׁ בְּמֵי הַכַּד הַזֶּה בְּסַעַדְךָ סְעֻדָּתְךָ הָרִאשׁוֹנָה, כִּי הֵם יַעַקְרוּ מִלְּבָבְךָ אַהֲבַת הָעוֹלָם הַזֶּה וִימַלְּאוּהוּ אוֹר וֶאֱמוּנָה, וּמָחָר אֵצֵא אֶל אַחַי, הֵם אַנְשֵׁי הַסֵּתֶר, כִּי כָלְתָה נַפְשִׁי אֲלֵיהֶם וְאַחַר אָבוֹא אֵלֶיךָ לְמִקֵץ עֲשֶׂרֶת הַיָּמִים הָרִאשׁוֹנִים.

וַיִּקַח אָבִיךָ אֶת-הַכַּד מִיָּדָהּ וַיְשִׂימֵהוּ בְחֶדֶר וַיִּסְגְּרֵהוּ עַל מַסְגֵּר וְאֶת-הַמַּפְתֵּחַ שָׂם בְּחֵיקוֹ, וְהַזְּקֵנָה יָצְאָה לְדַרְכָּה.

וַיָּצָם הַמֶּלֶךְ כָּל הַיּוֹם, וַיַּעַשׂ כָּכָה מֶשֶׁךְ עֲשֶׂרֶה יָמִים. וַיְהִי בַלַּיְלָה וַיִפְתַּח אֶת-הַכַּד וַיֵּשְׁתְּ מִן הַמַּיִם וַיִּנְעֲמוּ לוֹ מְאֹד. וְאַחַר בָּאָה הַזְּקֵנָה וְאִתָּהּ צַפִּיחִית כְּרוּכָה בְתַכְרִיךְ עָלִים יְרֻקִּים לֹא כַעֲלֵי הָעֵצִים, וַתָּבֹא אָל אָבִיךָ וַתְּבָרְכֵהוּ לְשָׁלוֹם. וַיְהִי כִרְאוֹתוֹ אוֹתָהּ וַיָּקָם מִפָּנֶיהָ וַיֹּאמֶר אֵלֶיהָ: בָּרוּךְ בּוֹאֵךְ, הַגְּבֶרֶת הַצַּדֶּקֶת! וַתֹּאמֶר אֵלָיו: אֲדוֹנִי, אַנְשֵׁי-הַסֵּתֶר אוֹמְרִים לְךָ שָׁלוֹם, כִּי סִפַּרְתִּי לָהֶם כָּל-אוֹדוֹתֶיךָ, וַיִּשְׂמְחוּ מְאֹד וַיִּשְׁלְחוּ אִתִּי אֶת-הַצַּפִּיחִית הַזֹאת אֲשֶׁר הִיא מִמַּעֲדַנֵּי הָעוֹלָם הַבָּא, וְהָיְתָה לְךָ לְאָכְלָה אַחֲרֵי צוּמֶךָ. וַיִּשְׂמַח אָבִיךְ מְאֹד וַיֹּאמֶר: בָּרוּךְ הָאֱלֹהִים אֲשֶׁר חָנַנִּי בִידִידִים בֵּין אַנְשֵׁי-הַסֵּתֶר. וְאַחַר הוֹדָה לַזְּקֵנָה וַיִּשַּׁק יָדֶיהָ וַיְחֻנֶּהָ הִיא וְנַעֲרוֹתֶיהָ. וַיַּעַבְרוּ עוֹד יָמִים מֵעֶשְׂרִים הַיּוֹם הָאַחֲרוֹנִים וְאָבִיךָ צָם יוֹם יוֹם. וַיְהִי כִקְרֹב הַמּוֹעֵד וַתָּבֹא הַזְּקֵנָה אֵלָיו וַתֹּאמֶר: אֲדוֹנִי הַמֶּלֶךְ, דַּע לְךָ כִּי הוֹדַעְתִּי אֶת-אַנְשֵׁי-הַסֵּתֶר עַל דְּבַר יְדִידוּתֵנוּ וְכִי עוֹזֶבֶת אֲנִי אֶת-הַצְּעִירוֹת אִתָּךְ, וַיִּשְׂמְחוּ עַל הַדָּבָר כִּי תִשָּׁאַרְנָה הַצְּעִירוֹת בְּהֵיכְלֵי מֶלֶךְ כָּמוֹךָ; כִּי כָל הַיָּמִים הָיוּ מִתְפַּלְּלִים לִשְׁלוֹמָן. וְעַתָּה הִנְנִי אוֹמֶרֶת לָלֶכֶת אִתָּן אֶל אַנְשֵׁי-הַסֵּתֶר לְמַעַן תָּבֹאנָה בִּרְכוֹתֵיהֶם עֲלֵיהֶן, וְשָׁבוּ אֵלֶיךָ וְאִתָּן אוֹצְרוֹת סְגֻלָּה. וְהָיָה כְשׁוּבָן אֵלֶיךָ וְצִוִּיתָ לְהָכִין לָהֶן מַלְבּוּשֵׁיהֶן כְּיַד הַמֶּלֶךְ, וְהָאוֹצָרוֹת אֲשֶׁר תְּבִיאֶנָּה אֵלֶיךָ יִהְיוּ לְךָ לְהוֹצָאוֹתֶיךָ עֲלֵיהֶן.

וַיְהִי כִשְׁמֹעַ אָבִיךָ אֶת-דְּבָרֶיהָ וַיּוֹדֶה לָהּ וַיֹּאמֶר אֵלֶיהָ: לוּלֵא פָנַיִךְ אֲנִי נוֹשֵׂא לֹא הִסְכַּמְתִּי לְקַבֵּל אֶת-הָאוֹצָרוֹת. וְעַתָּה מָתַי אַתְּ אוֹמֶרֶת לָלֶכֶת אִתָּן? וַתֹּאמֶר: בְּלֵיל הַשִּׁבְעָה וְעֶשְׂרִים לַחֹדֶשׁ, וּבְיוֹם רֹאשׁ הַחֹדֶש הַבָּא, הוּא יוֹם כַּלּוֹתְךָ צוֹמוֹתֶיךָ וְיוֹם טָהֳרָתָן, אָשׁוּב אֵלֶיךָ אִתָּן, וְהָיוּ אָז לִפְקֻדָּתְךָ, וַתּוֹסֶף וַתֹּאמֶר: גַּם אֶת-הַדָּבָר הַזֶּה תַעֲשֶׂה, כִּי שָׁלוֹחַ תִּשְלַח אִתָּן כָּל-הַיָּקָר לְךָ בְּהֵיכָלְךָ לְמַעַן תָּחוּל בִּרְכַּת אַנְשֵי-הַסֵּתֶר גַּם עָלָיו. וַיּאֹמֶר אֵלֶיהָ: יֶשְנָהּ אִתִּי צְעִירָה יְוָנִית וּשְׁמָהּ צְפִיָּה, וְהָאֱלֹהִים חָנַנִּי מִמֶּנָּה שְׁנֵי יְלָדִים, אַךְ זֶה שָׁנִים לְמִיּוֹם נִפְקְדוּ מִמֶּנִּי, אוֹתָהּ אֶשְׁלַח אִתָּךְ לְמַעַן תָּחוּל הַבְּרָכָה עָלֶיהָ, וּמִי יוֹדֵעַ וְחָנַנִּי אֱלֹהִים בְּהִתְפַּלֵּל אֲנָשַׁיִךְ בַּעְדָהּ וְהֵשִׁיב לָנוּ אֶת-יְלָדֶיהָ הַנִּדָּחִים. וַתֹּאמֶר הַזְּקֵנָה: טוֹב הַדָּבָר. וּבְלִבָּהּ שָׂמְחָה עַל זֹאת כִּי אָכֵן אַךְ בִּגְלַל הַדָּבָר הַזֶּה בָאָה אֶל הֵיכַל אָבִיךָ.

וַיְהִי בְהַגִּיעַ יוֹם הַשִּׁבְעָה וְעֶשְׂרִים לַחֹדֶשׁ וַיִּקְרָא אָבִיךָ אֵת צְפִיָּה אִמְּךָ וַיִּתְּנֶנָּה בִידֵי הַזְּקֵנָה וַתֶּשִׂימֶנָּה בַין הָעֲלָמוֹת.

וְאַחַר בָּאָה הַזְּקֵנָה אֶלַ חַדְרָהּ, וַתָּבֵא אֶל הַמֶּלֶךְ כּוֹס חֲתוּמָה, וַתּוֹשִׁיטֶנָּה לְיָדוֹ וַתֹּאמֶר: בְּהַגִּיעַ יוֹם הַשְּׁלשִים לַחֹדֶשׁ תָּבוֹא אֶל הַמֶּרְחָץ וְרָחַצְתָּ בְשָׂרֶךָ, וְאַחַר תֵּצֵא וּבָאתָ אֶל אַחַד חַדְרֵי הִתְבּוֹדְדוּתְךָ אֲשֶׁר בְּהֵיכָלְךָ, וְשָׁתִיתָ אֶת אֲשֶׁר בַּכּוֹס וְשָׁכָבְתָּ, וְנָתַן לְךָ הָאֱלֹהִים כָּל-מִשְׁאֲלוֹת לִבֶּךָ, וְשָׁלוֹם. וַיִּשְׂמַח הַמֶּלֶךְ מְאֹד וַיּוֹדֶה לָהּ וַיִּשַּׁק יָדָהּ. וַתֹּאמֶר אֵלָיו: רְאֵה, הִפְקַדְתִּיךָ בִידֵי הָאֱלֹהִים. וַיֹּאמֶר אֵלֶיהָ: וּמָתַי אָשׁוּב לִרְאוֹתֵךְ, גְּבִרְתִּי הַחֲסִידָה? חֵי נָפְשִׁי כִּי פְרִידָתֵךְ, וְלוּ גַם לְיָמִים אֲחָדִים, קָשָׁה עָלַי מְאֹד. וַתְבָרְכֵהוּ וַתֵּלֶךְ הִיא וְנַעֲרוֹתֶיהָ וְהַמַּלְכָּה צְפִיָּה.
וְהַמֶּלֶךְ הִשְׁלִים אֶת יְמֵי צוֹמוֹ. וַיְהִי בִהְיוֹת הַחֹדֶשׁ, וַיָּקָם וַיָּבוֹא אֶל מֶרְחָצוֹ וַיִּרְחַץ, וְאַחַר בָּא אֶל חֲדַר הִתְבּוֹדְדוּתוֹ וַיְצַו כִּי לֹא יָבוֹא אִישׁ אֵלָיו, וַיִּסְגֹּר הַדֶּלֶת בַּעֲדוֹ, וַיֵּשְׁתְּ אֵת אֲשֶׁר בַּכּוֹס וַיִּישָׁן.
וַאֲנַחְנוּ יוֹשְׁבִים וּמְחַכִּים לוֹ עַד הָעֶרֶב, וְהוּא טֶרֶם יָצָא מֵחַדְרוֹ. וַנֹּאמֶר: אוּלַי עָיֵף הוּא מֵהַמֶּרְחָץ וּמִשִּמּוּרָיו²³ כָּל-הַלֵּילות וְצוֹמוֹתָיו כָּל-הַיָּמִים, וַנְּחַכֶּה עַד לְמָחֳרָת בָּעֶרֶב וְהוּא טֶרֶם יָצָא. וַנַּעֲמֹד בְּפֶתַח הַחֶדֶר וַנָּרֶם קוֹלֵנוּ אוּלַי יָקִיץ, וְאֵין קוֹל וְאֵין קָשֶׁב. וַנַּסִּיעַ אֶת-הַדֶּלֶת בְּחָזְקָה וַנָּבוֹא הֶחָדְרָה. וְהִנֵּה נִגְלָה לְעֵינֵינוּ מַחֲזֶה אָיֹם: בְּשַׂר גּוּפוֹ קָרוּעַ לִנְתָחִים וְעַצְמוֹתָיו הִתְפּוֹרָרוּ. וַיְהִי כִרְאוֹתֵנוּ זֹאת וַיִּמַּס לִבֵּנוּ. וַנִּקַּח אֶת-הַכּוֹס וְהִנֵּה בַכְּסוּי הַמְּכַסֶּה אוֹתָהּ פִּסַּת נְיָר כָּתוּב בָּהּ כַּדְּבָרִים הָאֵלֶּה:

"כָּכָה יֵעָשֶׂה לָאִישׁ אֲשֶׁר יַעֲרִים לִבְנוֹת הַמְּלָכִים וִיחַלְּלֵן. יֵדְעוּ נָא כָל-קוֹרְאֵי הַמִּכְתָּב הַזֶּה כִּי בְּבוֹא שַׁרְכָּן לְאַרְצֵנוּ חִלֵּל כְּבוֹד בַּת מַלְכֵּנוּ הַמַּלְכָּה אַבְרִיזָה, אַף לְקָחָהּ מֵאִתָּנוּ וְיְבִיאֶנָּה אֲלֵיכֶם, וַיִּשָׁאֶנָּה מַלְכְּכֶם, וְאַחֲרֵי יָמִים שְׁלָחָהּ בְּיַד עֶבֶד כּוּשִׁי אֲשֶׁר רְצָחָהּ נָפֶשׁ, וַאֲנַחְנוּ מְצָאנוּהָ הֲרוּגָה בַּמִּדְבָּר מִתְבּוֹסֶסֶת בְּדָמֶיהָ. מַעֲשִׂים כָּאֵלֶּה לֹא יַעֲשׂוּ מְלָכִים, וְכָל-עוֹשֶׂה כָזֹאת יִקְרֵהוּ מַה שֶּׁקָּרָה אֶת-מַלְכְּכֶם. וְעַתָּה אַל נָא תַאֲשִׁימוּ אִישׁ בִּדְבַר מוֹתוֹ, כִּי אָכֵן אִשָּׁה הֲרָגָתְהוּ, אֲנִי הַקּוֹסֶמֶת הַזְּקֵנָה תַחְבְּלָנִית. אַף לָקַחְתִּי אִתִּי אֶת-אִשְׁתּוֹ צְפִיָּה הַיְּוָנִית לְמַעַן אֲבִיאֶנָּה אֶל בֵּית אָבִיהָ אַפְרִידוֹן מֶלֶךְ קֻשְׁטַנְדִּינָה. וְעוֹד הִלָּחֵם נִלָּחֵם בָּכֶם וְהָרוֹג נַהֲרְגְכֶם, וְאֶת-אַרְצְכֶם נִלְכֹּד,עַד אֲשֶׁר לֹא נְחַיֶּה מִכֶּם כָּל-נְשָׁמָה, לֹא שׁוֹכְנֵי דִירוֹת, וְלֹא נוֹפְחֵי מְדוּרוֹת, רַק עוֹבְדֵי הַצְּלָב וְחוֹגְרֵי הַחֲגוֹרוֹת²⁴ .

וַיְהִי כְקָרְאֵנוּ אֶת-הַמִּכְתָּב וַנֵּדַע כִּי אָכֵן הַזְּקֵנָה רִמַּתְנוּ. וְעָרְמָתָהּ עָמְדָה לָהּ כְּנֶגְדֵּנוּ, וַנֵּבְךְ וַנִּתְאַבֵּל וַנִּמְרֹט לְחָיֵינוּ בְּיָדֵינוּ, אַךְ בִּכְיֵנוּ לֹא לְהוֹעִיל. וַיְהִי בְאָמְרֵנוּ לָשִׂים מֶלֶךְ עָלֵינוּ אֲשֶׁר יֵצֵא לְפָנֵינוּ וַיֵּחָלְקוּ אַנְשִׁי הַצָּבָא לִשְנַיִם, כִּי חֵלֶק מֵהֶם בָּחַר בְּךָ וַאֲחֵרִים בָּחֲרוּ בְּאָחִיךָ בְּשַׁרְכָּן. וַיְהִי הַפֶּרֶץ בֵּינֵיהֶם מֶשֶׁך חֹדֶשׁ יָמִים, וְאַחַר נֶאֱסַפְנוּ וַנַּחְלֵט לָלֶכֶת אֶל שַׁרְכָּן אָחִיךָ, וַנִּסַּע לְדַרְכֵּנוּ וְהִנֵּה הִקְרָה הָאֱלֹהִים אוֹתְךָ לְפָנֵינוּ.

 

יט. דַּו אַל מַכָּן וְשַׁרְכָּן נִפְגָּשִׁים.    🔗

וַיְהִי כְּכַלּוֹת הַוָּזִיר אֶת-דְּבָרָיו וַיֵּבְךְּ דַּו אַל מַכָּן, הוּא וְנֻזְהָה אֲחוֹתוֹ, וַיֵּבְךְּ אִתָּם גַּם רַב-הַשּׁוֹעֲרִים. וְאַחַר אָמַר רַב-הַשּׁוֹעֲרִים אֶל דַּו אַל מַכָּן: אֲדוֹנִי הַמֶּלֶךְ, הֵן הַבְּכִי לֹא לְעֵזֶר וְלֹא לְהוֹעִיל. עַתָּה אֵין טוֹב לְךָ מֵאֲשֶׁר תְּחַזֵּק אֶת-לְבְּךָ וּתְכוֹנֵן מַמְלַכְתֶּךָ. וְאָכֵן הָאִישׁ אֲשֶׁר הִשְׁאִיר אַחֲרָיו בֵּן כָּמוֹהוֹ לֹא בַמֵּתִים יֵחָשֵׁב.
וַיֶּחְדַּל דַּו אַל מַכָּן מִבְכוֹת,וַיְצַו וַיַּעַרְכוּ אֶת כִסְאוֹ מִחוּץ לַמָּבוֹא, וְאַחַר צִוָּה וַיַּעֲבִרוּ אֶת-הַצָּבָא לְפָנָיו. וַיַּעֲמֹד רַב-הַשּׁוֹעֲרִים עַל יָדוֹ וּקְצִינֵי הַמְּלוּכָה מֵאַחֲרָיו, וְהַוָּזִיר דִּנְדָּן לְפָנָיו, וְכָל הָאֲמִירִים וְרַבֵּי הַמְּלוּכָה עָמְדוּ אִישׁ אִישׁ לְפִי מַעֲלָתוֹ. וְאַחַר אָמַר הַמֶּלֶךְ דַּו אַל מַכָּן אֶל וְזִירוֹ דִנְדָּן: הוֹדִיעֵנִי נָא עַל דְּבַר גִּנְזֵי אָבִי, וַיּוֹדִיעֵהוּ עַל דְּבַר גִּנְזֵי אָבִיו וְעַל כָּל-הַכֶּסֶף וְאַבְנֵי הַיְקָר אֲשֶׁר בָּהֶם. וַיָּבֵא לְפָנָיו אֶת-הַכֶּסֶף אֲשֶׁר אִתּוֹ, וַיְחַלְּקֵהוּ הַמֶּלֶךְ בֵּין אַנְשֵי צְבָאוֹ, וּלְדִנְדָּן נָתַן חֲלִיפָה יְקָרָה וַיֹּאמֶר אֵלָיו: אַתָּה תִּהְיֶה לִי לְוָזִיר כַּאֲשֶׁר הָיִיתָ לִפְנֵי אָבִי. וַיִּקֹד הַוָּזִיר לְפָנָיו וַיְבָרְכֵהוּ בְאֹרֶךְ יָמִים. וְאַחַר חָלַק הַמֶּלֶךְ חֲלִיפוֹת לָאֲמִירִים. וּלְרַב-הַשּׁוֹעֲרִים אָמַר וַיָּבֵא לְפָנָיו אֶת-כָּל-כֶּסֶף מֶכֶס דַּמֶּשֶׂק אֲשֶׁר אִתּוֹ, תֵּבוֹת מְלֵאוֹת כֶּסֶף וּמַרְגָּלִיּוֹת וְכָל-אֶבֶן יְקָרָה, וַיִּקָּחֵם וַיְחַלְּקֵם בֵּין אַנְשֵׁי צְבָאוֹ עַד אֲשֶׁר לֹא נִשְׁאַר דָּבָר. וַיִּקְּדוּ הָאֲמִירִים לְפָנָיו אַרְצָה וַיְבָרְכוּהוּ כִּי יַאֲרִיךְ יָמִים עַל מַמְלַכְתּוֹ, וַיֹּאמְרוּ: לֹא רָאִינוּ עוֹד מֶלֶךְ נְדִיב לֵב כָּמוֹהוּ. וְאַחַר הָלְכוּ אֶל אָהֳלֵיהֶם.

וַיְהִי מִמָּחֳרָת בַּבֹּקֶר וַיְצַו עֲלֵיהֶם דַּו אַל מַכָּן לִנְסֹעַ, וַיִּסְּעוּ שְׁלשֶׁת יָמִים עַד בּוֹאָם בַּגְדַּדָּה, וַיְהִי כְבוֹאָם הָעִירָה וַיִּרְאוּ וְהִנֵּה כֻלָּהּ מוּאָרָה וּמְקֻשָּׁטָה, וְהַמֶּלֶךְ עָלָה אֶל הֵיכַל אָבִיו וַיֵּשֶׁב עַל כִּסֵּא מַלְכוּתוֹ, וַאֲמִירֵי הַצָּבָא וְהַוָּזִיר דִּנְדָּן וְרַב-הַשּׁוֹעֲרִים עוֹמְדִים עַל יָדוֹ וַיְצַו אֶת-סוֹפֵר-הַמִּכְתָּבִים לִכְתֹּב מִכְתָּב אֶל שַׁרְכָּן אָחִיו וּלְהוֹדִיעֵהוּ כָל-אֲשֶׁר קָרָה. וּבְאַחֲרִית הַדְּבָרִים צִוָּהוּ לִכְתֹּב: וְעַתָּה בְּהַגִּיעַ הַמִּכְתָּב אֵלֶיךָ הִכּוֹן לַדֶּרֶךְ וּבָאתָ עִם צְבָאֲךָ הֵנָּה לְמַעַן נוּכַל לָצֵאת וּלְהִלָּחֵם בַּכּוֹפְרִים וְלָקַחַת מֵהֶם נָקָם וְלָגֹל חֶרְפַּת הֲרֵגַת אָבִינוּ מֵעָלֵינוּ, וַיְקַפֵּל אֶת-הַמִּכְתָּב וַיַּחְתְּמֵהוּ וַיֹּאמֶר אֶל הַוָּזִיר דִּנְדָּן: רַק אַתָּה הָאִישׁ אֲשֶׁר יוֹלִיךְ מִכְתָּבִי זֶה אֶל אָחִי, וְדִבַּרְתָּ אֵלָיו רַכּוֹת וְאָמַרְתָּ אֵלָיו: אִם חָפַצְתָּ בְּמַלְכוּת אָבִיךָ הִנֵּה הִיא נְתוּנָה לְךָ בְּרָצוֹן וְאָחִיךָ יִהְיֶה נְצִיבְךָ בְּדַמֶּשֶׂק.

וַיָּקָם הַוָּזִיר דִּנְדָּן וַיִּסַּע לְמַסָּעוֹ דַמַּשְׂקָה.

וְדַו אַל מַכָּן זָכַר אֶת-הַיַּקְדָּן וְאֵת אֲשֶׁר גְּמָלָהוּ, וַיְצַו וַיִּתְּנוּ לוֹ מָקוֹם מְפֹאָר, וַיַּצִיעוּ לוֹ שָׁם מִמֵּיטַב הַמַּצָּעִים. וַיְהִי הַיּוֹם וַיֵצֵא דַו אַל מַכָּן לָצוּד צַיִד, וְאַחַר שָׁב בַּגְדַּדָּה. וְהִנֵּה הֵבִיא לוֹ אַחַד הָאֲמִירִים תְּשׁוּרָה, סוּסִים אַבִּירִים וַעֲלָמוֹת יָפוֹת אֲשֶׁר תִּלְאֶה כָל-לָשׁוֹן לְתָאֵר יָפְיָן. וַתִּמְצָא אַחַת הָעֲלָמוֹת חֵן בְּעֵינָיו וַיִּקָּחֶנָּה לוֹ וַיָּבֹא אֵלֶיהָ וַתַּהַר לוֹ בַּלַּיְלָה הַהוּא.

וַיְהִי אַחֲרֵי יָמִים וַיָּשָׁב הַוָּזִיר דִּנְדָּן מִמַּסָּעוֹ וַיּוֹדַע אֶת-דַּו אַל מַכָּן עַל אוֹדוֹת שַׁרְכָּן אָחִיו, וְכִי הוּא בָא אֵלָיו. וַיֹּאמֶר: וְעַתָּה עָלֵינוּ לָצֵאת לִקְרָאתוֹ לְקַדֵּם פָּנָיו. וַיֹּאמֶר דַּו אַל מַכָּן: כֵּן אֶעֱשֶׂה כַּאֲשֶׁר דִּבַּרְתָּ. וַיֵּצֵא לִקְרָאתוֹ הוּא וְנִכְבַּדֵי בַּגְדַּד וַאֲצִילֶיהָ דָרֶךְ יוֹם, וְאַחַר תָּקַע אָהֳלוֹ שָׁם וַיְחַכֶּה לְאָחִיו. וַיְהִי בַּבֹּקֶר וַיִּקְרַב הַמֶּלֶךְ שַׁרְכָּן עִם צְבָא דַּמֶּשֶׂק הָרַגְלִים הַגִּבּוֹרִים, וְהַפָּרָשִׁים הָאַדִּירִים. וַיְהִי כִּי הִתְקָרְבוּ הַצְּבָאוֹת, וַיָּרִיעוּ בְקוֹלָם נוֹרָאוֹת, וְהַדְּגָלִים מְנוֹפְפִים, וְהַתֻפִּים מְתוֹפְפִים, וַיִּגַּשׁ דַּו אַל מַכָּן הוּא וְכָל-אֲשֶׁר אִתּוֹ. וַיְהִי כִרְאוֹתוֹ אֶת-אָחִיו וַיֹּאמֶר לָלֶכֶת אֵלָיו בָרֶגֶל, וַיַּשְׁבִּיעֵהוּ שַׁרְכָּן כִּי לֹא יַעֲשֶׂה כָזֹאת, וַיֵּלֶךְ הוּא בָרֶגֶל צְעָדִים אֲחָדִים. וַיְהִי בְקָרְבוֹ אֶל דַּו אַל מַכָּן וַיִּפֹּל דַּו אַל מַכָּן עַל צָוָּארָיו, וְשַׁרְכָּן חִבְּקָהוּ וַיֵּבְךְּ בְּכִי גָּדוֹל, וַיְנַחֲמוּ אִישׁ אֶת-אָחִיו, וְאַחַר רָכְבוּ שְׁנֵיהֶם וַיֵּלְכוּ, וְהַצָּבָא הוֹלֵךְ אִתָּם עַד בּוֹאָם בַּגְדַדָּה. וַיַּעַל דַּו אַל מַכָּן אֶת-שַׁרְכָּן אָחִיו אֶל הֵיכַל הַמַּלְכוּת, וַיָּלִינוּ הַלַּיְלָה, וּבַבֹּקֶר יָצָא דַו אַל מַכָּן וַיְצַו לֶאֱסֹף אֶת-הַצָּבָא מִכָּל עֵבֶר וְלִקְרֹא לְמִלְחָמָה. וַיְחַכּוּ עַד הֵאָסֵף הַצְּבָאוֹת מִיֶּתֶר הֶעָרִים, וַיְהִי כָל הַבָּא וַיְכַבְּדוּהוּ וַיְחוֹנְנוּהוּ, וַיַּעֲבֹר חֹדֶשׁ וְהַצָּבָא הוֹלֵךְ וּבַא גְדוּדִים גְדוּדִים.

וַיֹּאמֶר שַׁרְכָּן אֶל אָחִיו: אָחִי, הֲלֹא תְסַפֵּר לִי קוֹרוֹתֶיךָ. וַיּוֹדִיעֵהוּ דַו אַל מַכָּן כָּל-אֲשֶׁר קָרָהוּ מֵרֹאשׁ וְעַד סוֹף, וְכָל-אֲשֶׁר גְּמָלָהוּ הַיַּקְדָּן. וַיֹּאֶמר אֵלָיו שַׁרְכָּן: הֲשִׁלַּמְתָּ לוֹ כִגְמוּלוֹ הַטּוֹב? וַיֹּאמֶר: עוֹד טֶרֶם גְּמַלְתִּיו דָּבָר, אַךְ בִּרְצוֹת יְיָ וְשַׁבְתִּי בְשָׁלוֹם מִמִּלְחַמְתֵּנוּ וּגְמַלְתִּיו כְּמַעֲשֵׂהוּ. וַיֵּדַע שַׁרְכָּן כִּי אָכֵן נָכוֹנוּ כָּל-הַדְּבָרִים אֲשֶׁר סִפְּרָה לוֹ נֻזְהַת אַל זְמָן בִּקְנוֹתוֹ אוֹתָהּ. וַיִּשְׁלַח לַדְרֹשׁ בִּשְׁלוֹמָהּ עַל יְדֵי אִישָׁהּ רַב-הַשּׁוֹעֲרִים, וַתְּבָרְכֵהוּ גַּם הִיא לְשָׁלוֹם.

וְשַׁרְכָּן שָׁב אֶל אָחִיו וַיִּוָּעֲצוּ עַל דְּבַר מַסָּעָם, וַיֹּאמֶר אֵלָיו אָחִיו: אַךְ יָבֹאוּ הַגְּדוּדִים כֻּלָּם וְיָצָאנוּ לְדַרְכֵּנוּ, וַיְצַו לְהָכִין צֵידָה וָנֶשֶׁק, וְאַחַר בָּא דַו אַל מַכָּן לִרְאוֹת אֶת-אִשְׁתּוֹ, וְהִנֵּה עָבְרוּ חֲמִשָׁה חֲדָשִׁים לְהֵרְיוֹנָהּ וַיַּעֲמֵד לִפְקֻדָּתָהּ אֶת-הַחוֹזִים בַּכּוֹכָבִים וְאֶת-הַמְּלֻמָּדִים, וַיִּקְצֹב לָהֶם מַשְׂכֹּרוֹת כְּיַד הַמֶּלֶךְ.

וּבַחֹדֶשׁ הַשְּׁלִישִׁי לְבוֹא גְּדוּדֵי הָעַרְבִים וְכָל-צְבָא הָאָרֶץ יָצְאוּ כֻלָּם לְדַרְכָּם. וְשֵׁם שַׂר צְבָא הַדֵּילָמִים רֻסְתָּם, וְשֵׁם שַׂר צְבָא הַתֻּרְכִּים בַּהְרָמָן, וְדַו אַל מַכָּן נוֹסֵעַ בְּקֶרֶב הַצָּבָא בַּתָּוֶךְ, וְשַׁרְכָּן אָחִיו עַל יְמִינוֹ וְרַב-הַשּׁוֹעֲרִים עַל שְמֹאלוֹ, וַיֵּלְכוּ דֶרֶךְ חֹדֶשׁ יָמִים הָלוֹךְ וָנוֹחַ בְּכָל-שָׁבוּעַ, בְּאַחַד הַמְּקוֹמוֹת מֶשֶׁךְ שְׁלֹשֶׁת יָמִים, כִּי הָיָה הָקָּהָל רָב. וַיֵּלְכוּ עַד הַגִּיעָם אֶל אַרְצוֹת יָוָן, וַיִּבְרְחוּ בְנֵי הַכְּפָרִים וְדַלַת הָעָם מִפְּנֵיהֶם וַיָּנוּסוּ עַד קֻשְׁטַנְדִּינָה.

 

כ. מִלְחֲמוֹת הָעַרְבִים בַּיְּוָנִים וְתַחְבּוּלוֹת תַּחְבְּלָנִית.    🔗

וְתַחְבְּלָנִית הַבָּלָה אֲשֶׁר הָרְגָה אֶת-הַמֶּלֶךְ עוּמָר אַל נַעְמָן לָקְחָה אֶת-עַלְמוֹתֶיהָ וְאֶת צְפִיָּה הַמַּלְכָּה וַתָּשָׁב אִתָּן אֶל אַרְצָהּ. וַיְהִי בְשׁוּבָהּ אֶל בְּנָהּ חַרְדוּב מֶלֶך יָוָן וַתֹּאמֶר אֵלָיו: יָגֵל לִבְּךָ, בְּנִי, כִּי נִקַמְתִּי נִקְמַת בִּתְּךָ אַבְרִיזָה וָאֶהֱרֹג אֶת-הַמֶּלֶךְ עוּמָר אַל נַעְמָן, וְאֶת-צְפִיָּה אִשְׁתּוֹ בַּת מַלְכֵּנוּ אַפְרִידוֹן הֵבֵאתִי אִתִּי. וְעַתָּה קוּמָה כַיּוֹם וְסַע אֶל מֶּלֶךְ קֻשְׁטַנְדִּינָה וְהָשֵׁב לוֹ אֶת-צְפִיָּה בִתּוֹ וְהוֹדִיעֵהוּ כָל-אֲשֶׁר קָרָה לְמַעַן נֵדַע כֻּלָּנוּ לְהִזָּהֵר. וְגַם אֲנִי אֶסַּע אִתָּךְ, כִּי חוֹשֶׁבֶת הִנְנִי כִּי הַמֻּשְׂלָמִים לֹא יְחַכּוּ עַד אֲשֶׁר נֵצֵא אֲנַחְנוּ עֲלֵיהֶם לַמִּלְחָמָה, כִּי בוֹא יָבוֹאוּ אֵלֵינוּ בְצִבְאוֹתֵיהֶם, וְעָלֵינוּ לָדַעַת אֵת אֲשֶׁר לְפָנֵינוּ. וַיֹּאמֶר אֵלֶיהָ בְּנָהּ: טוֹבָה עֲצָתֵךְ, אִמִּי, הָחֵל נָחֵל לְהִתְכּוֹנֵן מַהַיּוֹם, וְעַד אֲשֶׁר יִקְרְבוּ אוֹיְבֵינוּ אֶל אֵרְצֵנוּ נִהְיֶה נְכוֹנִים. וַיַּעַשׂ כַּאֲשֶׁר אָמַר וַיִּקְרָא אֶל חֵילוֹ לְהִתְאַסֵּף, וּבְהַגִּיעַ הַבְּשׂוֹרָה כִּי יָצְאוּ הַמֻּשְׂלָמִים מֵאַרְצָם לְהִלָּחֵם בַּיְּוָנִים לָקַח אֶת-חֵילוֹ וְאֶת-תַחְבְּלָנִית בְּרֹאשָׁם וַיִּסְעוּ לְקֻשְׁטַנְדִּינָה.
וַיְהִי כִשְׁמֹעַ הַמֶּלֶךְ הַגָּדוֹל אַפְרִידוֹן כִּי הִקְרִיב חַרְדוּב מֶלֶךְ יָוָן לְקֻשְׁטַנְדִּינָה וַיֵּצֵא לִקְרָאתוֹ. וַיְהִי בְהִפָּגְשָׁם וַיִּשְׁאָלֵהוּ לִשְׁלוֹמוֹ וְלִדְבַר בּוֹאוֹ וַיּוֹדִיעֵהוּ חַרְדוּב אֶת-כָּל-אֲשֶׁר עָשְׂתָה תַחְבְּלָנִית אִמּוֹ, וְכִי הָרְגָה אֶת-מֶלֶךְ הַמֻּשְׂלָמִים וְאֶת-הַמָּלְכָּה צְפִיָּה, הִיא בִתּוֹ, לָקְחָה מִמֶּנּוּ. אַף הוֹדִיעָהוּ כִּי הַמֻּשְׂלָמִים אָסְפוּ חֵילָם וַיָּבוֹאוּ לִנְקֹם נִקְמַת דַּם עוּמָר אַל נַעְמָן, וְעַתָּה אֵין טוֹב לָהֶם מֵאֲשֶׁר יִתְאַחְדוּ כֻלָּם יַחַד לָצֵאת לִקְרָאתָם.
וַיִּשְׂמַח הַמֶּלֶךְ אַפְרִידוֹן לְבוֹא בִתּוֹ וּלְהֲרֵגַת עוּמָר אַל נַעְמָן וַיִּשְׁלַח אֶל כָּל-אַרְצוֹתָיו לִדְרֹשׁ מֵהֶן עֶזְרָתָן. וַיְמַהֲרוּ גְּדוּדֵי הַנּוֹצְרִים וַיִּנְהֲרוּ אֵלָיו, וְטֶרֶם עָבְרוּ שְׁלשָׁה יְרָחִים נֶאֱסָף צְבָא יָוָן כֻּלּוֹ. וְאַחַר בָּאוּ הַצָּרְפַתִּים, וְהַגֶּרְמָנִים, וְהָרְגוּזִים, וְהַוֵּינִיצִיָּנִים, וְהַגֵּינוּאִים, וְכָל-צִבְאוֹת לִבְנֵי הַפָּנִים עַד כִּי לֹא יָכְלָה הָאָרֶץ לְשֵׂאתָם לְרֹב מִסְפָּרָם. וַיְצַוֵּם הַמֶּלֶךְ הַגָּדוֹל אַפְרִידוֹן לָלֶכֶת מִקֻּשְׁטַנְדִּינָה וַיֵּלְכוּ וַיַּעַבְרוּ עֲשָׂרָה יָמִים עַד אֲשֶׁר יָצְאוּ כֻלָּם גְּדוּד אַחֲרֵי רֵעֵהוּ. וַיֵּלְכוּ עַד הַגִּיעָם אֶל עֵמֶק הַפְּרָגִים, קָרוֹב לַיָּם הַמָּלוּחַ וַיַּחֲנוּ שָׁם שְׁלֹשֶׁת יָמִים. וּבַיּוֹם הָרְבִיעִי אָמְרוּ לָלֶכֶת הָלְאָה, וְהִנֵּה הִגִּיעָה הַשְּׂמוּעָה כִי קָרְבוּ צִבְאוֹת הַמֻּשְׂלָמִים, וּגְדוּדֵי בֶן-בְּחִיר הָעַמִּים, וַיַּחֲנוּ שָׁם שְׁלֹשֶׁת יָמִים. וַיְהִי בַיּוֹם הָרְבִיעִי וַיִּשְׂאוּ עֵינֵיהֶם וַיִּרְאוּ אָבָק פּוֹרֵחַ וַיְמַלֵּא אֶת-חֲלַל אֲוִיר הָאָרֶץ, וְאַחַר סָר הָאָבָק וַיִּתְפַּזֵר, וַתִּמָּחֶה חֶשְׁכָּתוֹ לִבְרַק הַחֲנִיתוֹת וְהָרְמָחִים, וְלַהַט הַחֲרָבוֹת וְהַשְּׁלָחִים, וַיִּתְנוֹסְסוּ דִגְלֵי הַמֻּשְׂלָמִים הַמַּזְהִירִים, וַיִּתְרוֹצְצוּ הַפָּרָשִׁים הָאַדִּירִים, לְבוּשֵׁי הַשִּׁרְיוֹנִים וְנוֹשְׂאֵי הַמָּגִנִּים. וַיִּקְרְבוּ מַחֲנוֹת שְׁנֵי הָעַמִּים הַנִּלְחָמִים, וַיִּתְרוֹמְמוּ גַלֵּי שְׁנֵי הַיַּמִּים, וַתִּפָּגֵשׁ הָעַיִּן בָּעַיִן, וְכָל-מִפְלָט וּמָנוֹס אָיִן.
וַיְהִי הָרִאשׁוֹן אֲשֶׁר יָרַד אֶל הַמַּעֲרָכָה הַוָּזִיר דִּנְדָּן, הוּא וּצְבָא דַמֶּשֶׂק, שְׁלֹשִׁים אֶלֶף רוֹכְבִים בְּמִסְפָּר. וְאַחֲרָיו יָצְאוּ שַׂר צְבָא הַתֻּרְכִּים וְשַׂר צְבָא הַדֵּילָמִים, וְאִתָּם עֶשְׂרִים אֶלֶף פָּרָשִׁים, וּמֵאַחֲרֵיהֶם אַנְשֵׁי הָאֲרָצוֹת הַקְּרוֹבוֹת אֶל הַיָּם הַמָּלוּחַ, וְהֵם לְבוּשִׁים כֻּלָּם שִׁרְיוֹנֵי בַרְזֶל וּמַרְאֵהֶם כִּירֵחִים מַזְהִירִים בַּלֵּילוֹת הַשְּׁחוֹרִים.
וַיָּרִימוּ צִבְאוֹת הַנּוֹצְרִים קוֹלָם בִּצְעָקָה: לְיֵשׁוּעַ וּלְמִרְיָם! וַיִּסְתָּעֲרוּ עַל הַוָּזִיר וְעַל צְבָא דַמֶּשֶׂק אֲשֶׁר אִתּוֹ.
וּמַעַרְכוֹת הַנּוֹצְרִים סֻדְּרוּ עַל פִּי עֲצַת תַּחְבְּלָנִית. כִּי לִפְנֵי צֵאת הַמֶּלֶךְ לַמִּלְחָמָה נִגַּשׁ אֵלֶיהָ וַיֹּאמֶר: הֲרָאִית רִבְבוֹת צְבָא אוֹיְבֵינוּ? וּמַה-נַּעֲשֶׂה כָעֵת? הֵן אַתְּ הִיא אֲשֶׁר הֵבֵאת עָלֵינוּ כָל-הָרָעָה הַזֹּאת. וַתֹּאמֶר: דַּע לְךָ הַמֶּלֶךְ הָאַדִּיר וְהַכֹּהֵן הַכַּבִּיר, כִּי אִיעָצְךָ דָבָר אֲשֶׁר לֹא יוּכַל לוֹ גַם אַשְׁמְדַי מֶלֶךְ הַשֵּׁדִים, הוּא וְכָל-עוֹזְרָיו הַזֵּדִים, וְזֶה אֲשֶׁר תַּעֲשֶׂה: קַח לְךָ חֲמִשִּׁים אֶלֶף אִישׁ וְהוֹרַדְתָּם הַיָּמָה בָּאֳנִיּוֹת, וְהָלְכוּ עַד בּוֹאָם אֶל הַר הֶעָשָׁן וְעָמְדוּ שָׁם וְלֹא יִסְּעוּ עַד אֲשֶׁר יָבוֹאוּ אֲלֵיכֶם דִּגְלֵי הַמֻּשְׂלָמִים. אָז תֵּצְאוּ אַתֶּם רִאשׁוֹנָה אֶל הַמַּעֲרָכָה. וְהַיּוֹרְדִים בַּיָּם יְמַהֲרוּ וְיַעֲלוּ אֶל הַיַּבָּשָׁה וְהָיוּ לַמֻּשְׂלָמִים מֵאַחֲרֵיהֶם, וְהָיְתָה לָהֶם הַמִּלְחָמָה מִפָּנִים וּמֵאָחוֹר, וְלֹא יִמָּלֵט מֵהֶם אַף אֶחָד; וְהָיְתָה לָנוּ הָרְוָחָה, וְנָסוּ יָגוֹן וַאֲנָחָה. וַיִּמְצְאוּ דְבָרֶיהָ חֵן בְּעֵינֵי הַמֶּלֶךְ אַפְרִידוֹן, אָכֵן זֹאת הִיא עֵצָה מְחֻכָּמָה, גְּבֶרֶת הַזְּקֵנוֹת וַעֲטֶרֶת הַנְּבוֹנוֹת.
וַיְהִי בְהִתְנַפֵּל עֲלֵיהֶם צְבָא הַמֻּשְׂלָמִים בָּעֵמֶק הַהוּא, וַיִּפְנוּ וַיִּרְאוּ וְהִנֵּה הָאֵשׁ בְּכָל-פֶּה אוֹכֶלֶת, וְהַחֶרֶב עַל יָמִין וְעַל שְׂמֹאל חֲלָלִים מַפֶּלֶת, וְהִנֵּה קָרְבוּ גַם גְּדוּדֵי בַגְדָּד וְחוּרָסָן, וְהֵם מֵאָה וְעֶשְׂרִים אֶלֶף פָּרָשִׁים וְהַמֶּלֶךְ דַּו אַל מַכָּן בְּרֹאשָׁם. וַיְהִי כַאֲשֶׁר רָאוּם צִבְאוֹת הַכּוֹפְרִים אֲשֶׁר הָיוּ בַּיָּם וַיַּעֲלוּ אֲלֵיהֶם מִדֶּרֶךְ הַיָּם וַיֵּלְכוּ בְעִקְבוֹתֵיהֶם. כַאֲשֶׁר רָאָם דַּו אַל מַכָּן וַיִּקְרָא אֶל צְבָאוֹ: שׁוּבוּ אֶל הַכּוֹפְרִים, עֲדַת בְּחִיר הַנְּבִיאִים! וְהַכּוּ בְּלִי חֶמְלָה בַּזֵּדִים הַגֵּאִים. וְשַׁרְכָּן נִגַּשׁ גַּם הוּא בְּרֹאשׁ צְבָאוֹ, וּמִסְפָּרָם מֵאָה וְעֶשְׂרִים אֶלֶף, וּמִסְפָּר צְבָא הַכּוֹפְרִים אֶלֶף אֲלָפִים וְשֵׁשׁ מֵאוֹת אֶלֶף. וַיְהִי כִּי הִתְקָרְבוּ מַחֲנוֹת הַמֻּשְׂלָמִים וַיֶּחֱזַק לִבָּם וַיִּקְרְאוּ קוֹל רָם: לָנוּ הַתְּהִלָה, וְלַכּוֹפְרִים הַמַּפָּלָה! וַיֵּאָבֵקוּ בַּחֲרָבוֹת וּבָרְמָחִים. וְשַׁרְכָּן הִבְקִיעַ אֶל הַמַּעֲרָכוֹת וַיִּגְזֹר עַל יָמִין וְעַל שְׂמֹאל, וְלֹא חָדַל לְסוֹבֵב בֵּין הַכּוֹפְרִים וּלְהַכּוֹת בְּחַרְבּוֹ הַשְּׁלוּפָה וְלִקְרֹא: לַיְיָ הַגְּדֻלָּה! הָשִׁיבוּ אֶת-הַכּוֹפְרִים הַיָּמָה! וַתִּרְפֶּינָה יְדֵי הַנּוֹצְרִים וַיָּבוֹאוּ אֶל אֳנִיּוֹתֵיהֶם, וְלַמֻּשְׂלָמִים הָיְתָה הָרְוָחָה. וַיְהִי מִסְפַּר הַכּוֹפְרִים הַהֲרוּגִים בַּיּוֹם הַהוּא חֲמִשָּׁה וְאַרְבָּעִים אֶלֶף, וּמִן הַמֻּשְׂלָמִים נָפְלוּ שְׁלֹשֶׁת אֲלָפִים וַחֲמֵשׁ מֵאוֹת.
וּמָגֵן הַדָּת, הַמֶּלֶךְ שַׁרְכָּן, לֹא יָשֵׁן בַּלַּיְלָה הַהוּא, לֹא הוּא וְלֹא דַּו אַל מַכָּן, וַיִהְיוּ כָל-הַלַּיְלָה מְעוֹדְדִים אֶת-רוּחַ אַנְשֵׁיהֶם וּמְבַקְרִים אֶת-הַפְּצוּעִים וַיַּבְטִיחוּם רַב שָׁלוֹם וָיֶשַׁע.
וְהַמֶּלֶךְ אַפְרִידוֹן וְתַחְבְּלָנִית הַזְּקֵנָה אָסְפוּ אֶת-שָׂרֵי חֵילָם וַיֹּאמְרוּ אִישׁ לְרֵעֵהוּ: אָכֵן הָיְתָה הִתְפָּאֲרוּתֵנוּ בְּמִסְפָּרֵנוּ הַגָּדוֹל בְּעוֹכְרֵינוּ. וַתֹּאמֶר הַזְּקֵנָה: רַק דָּבָר אֶחָד יוּכַל לְהוֹעִילְכֶם, וְהוּא: קִרְבַתְכֶם אֶל מְשִׁיחֵנוּ וְהַחֲזָקַתְכֶם בְּחֶבֶל אֱמוּנָתֵנוּ. חֵי הַמָּשִׁיחַ, לֹא חִזֵּק אֶת-צִבְאוֹת הַמֻּשְׂלָמִים הַיּוֹם בִּלְתֵּי אִם הַשָּׂטָן הַזֶּה, הַמֶּלֶךְ שַׁרְכָּן. וְאַפְרִידוֹן אָמַר: מָחָר אוֹצִיא אֲלֵיכֶם אֶת-הַפָּרָשׁ הָאַדִּיר לוּקָה בֶּן-שַׁמְלוּט, וְהָיָה אִם יֵצֵא הוּא לִקְרַאת שַׁרְכָּן וַהֲרָגָהוּ הוּא וְגִבּוֹרָיו עַד אֲשֶׁר לֹא תִּשָּׁאֵר מֵהֶם נְשָׁמָה.
וַיְהִי מִמָּחֲרָת כְּאוֹר הַיּוֹם וַיֵּאָסְפוּ הַפָּרָשִׁים נוֹשְׂאֵי הָרְמָחִים, וְהַמֶּלֶךְ אַפְרִידוֹן קָרָא אֶת-מִבְחַר שָׂרֵי צִבְאוֹתָיו וְרַבֵּי מַלְכוּתוֹ וַיְחַלֵּק לָהֶם חֲלִיפוֹת חֲדָשׁוֹת, וְאֶת-אוֹת הַצְּלָב צָר בִּפְנֵיהֶם, וַיְקַטְּרֵם בִּקְטֹרֶת, וְאַחַר צִוָּה וַיָּבִיאוּ לְפָנָיו אֶת-לוּקָה בֶּן-שַׁמְלוּט, הוּא הַגִּבּוֹר אֲשֶׁר לוֹ יִקְרְאוּ “חֶרֶב הַמָּשִׁיחַ”, וַיְקַטְּרֵהוּ גַם הוּא. וּבְכָל-אַרְצוֹת יָוָן אֵין חָזָק מִמֶּנּוּ, וְאֵין כָּמֹהוּ יוֹדֵעַ לִירוֹת בַּקֶּשֶׁת וּלְהַכּוֹת בַּחֶרֶב וּלְטָעֵן בָּרֹמַח בְּיוֹם קְרָב. וַיֹּאמֶר אֵלָיו הַמֶּלֶךְ: חָפֵץ הִנְנִי כִי תֵצֵא לְהִלָּחֵם בְּשַׁרְכָּן בֶּן הַמֶּלֶךְ עוּמָר אַל נַעְמָן מֶלֶךְ דַמֶּשֶׂק וְגַלֹּתָ חֶרְפַּת הַמֻּשְׂלָמִים מֵעָלֵינוּ. וַיֹּאמֶר: כִּדְבָרֶיךָ, אֲדוֹנִי הַמֶּלֶךְ! וַיָּצַר הַמֶּלֶךְ אֶת-הַצְּלָב בְּפָנָיו וַיְבָרְכֵהוּ. וַיֵּצֵא לוּקָה מִלִּפְנֵי הַמֶּלֶךְ וַיִּרְכַּב עַל סוּס אֲדַמְדַּם, וְהוּא לָבוּשׁ אַרְגָּמָן וַחֲזִיָּה רְקוּמָה חוּטֵי זָהָב בְּתִשְׁבֶּצֶת פְּנִינִים, וּבְיָדוֹ רֹמַח בַּעַל שָׁלשׁ לְהָבוֹת, וְדִמְיוֹנוֹ כְאַשְׁמְדַי מֶלֶךְ בַּלָּהוֹת. וַיֵּלֵךְ הוּא וַעֲדָתוֹ כְּמוּבָלִים אֶל שַׁעֲרֵי שְׁאוֹל, וּבֵינֵיהֶם כָּרוֹז מַכְרִיז בְּעַרְבִית וְקוֹרֵא: הוֹי, אֻמַּת מֻחַמָּד, אַל יֵצֵא מִכֶּם כִּי אִם פָּרַשְׁכֶם חֶרֶב הָאִשְׂלָם, שַׁרְכָּן מוֹשֵׁל דַמֶּשֶׂק. וַיְהִי טֶרֶם כַּלּוֹתוֹ לְהַכְרִיז וְהִנֵּה קוֹל שָׁאוֹן בַּמַּחֲנֶה מַחֲרִישׁ אָזְנַיִם, וּמְרוּצוֹת אֲשֶׁר הִפְרִידוּ בֵין הַמַּעֲרָכוֹת, וְהִזְכִּירוּ יוֹם הֶרֶס מַמְלָכוֹת. וַיֶּחֱרַד הֶעָרִיץ וַיִּבָּהֵל, וַיִּפֶן יָמִין וּשְׂמֹאל, וְהִנֵּה לְפָנָיו הַמֶּלֶךְ שַׁרְכָּן בֶּן הַמֶּלֶךְ עוּמָר אַל נַעְמָן, וְהַפָּרָשׁ נִשְׁבַּע כִּי יְבַעֵר אַחֲרֵי הַמֻּשְׂלָמִים עַד תֻּמָּם מֵעַל פְּנֵי הָאֲדָמָה, וְלֹא יְחַיֶּה מֵהֶם כָּל-נְשָׁמָה; כִּי גַם לְפָנִים הֶרְאָם אֶת-תְּנוּפַת יָדוֹ. וְהַתֻּרְכִּים וְהַדֵּילָמִים וְהַכֻּרְדִּים הָיוּ חַלְלֵי חַרְבּוֹ מֵעוֹדוֹ.

וְשַׁרְכָּן יָצָא לְמוּלוֹ כַּאֲרִי טוֹרֵף. וְהוּא רוֹכֵב עַל סוּס דּוֹמֶה לִצְבִי בִּמְרוּצָתוֹ, וַיַּבְהִילֵהוּ לְמוּל לוּקָה וַיְנוֹפֵף רָמְחוֹ בְּיָדוֹ, כְּאִלּוּ הוּא אֶפְעֶה מִתְפַּתֵּל כְּנֶגְדּוֹ, וַיָּרֶם קוֹלוֹ בְּשִׁיר גְּבוּרָה: מִי זֶה יְהִי עוֹמֵד לְפָנֵינוּ אוֹ יֶחֱרַץ נֶגֶד הֲמוֹנֵינוּ? לָנוּ חֲרָבוֹת, תַּעֲלֶה שִׁמְשָׁן אִם תֶּחֱשַׁךְ שֶׁמֶשׁ לְעֵינֵינוּ. לֹא נִשְׁקְטָה לוּ בַקְּרָב נָמוּת עַד נַעֲזֹב שֵׁם טוֹב לְבָנֵינוּ.
וְלוּקָה לֹא הֵבִין אֶת-דְּבָרָיו, וַיַּעֲבֵר יָדוֹ עַל הַצְּלָב הָרָשׁוּם עַל פָּנָיו וְאַחַר נְשָׁקָהּ. וַיְכוֹנֵן אֶת-רָמְחוֹ לְמוּל שַׁרְכָּן וַיָּרָץ אֵלָיו, וְאַחַר זָרַק אֶת-חַרְבּוֹ בְיָדוֹ הָאַחַת הַשָּׁמַיְמָה עַד אֲשֶׁר נֶעֶלְמָה מֵעֵינֵי הָרוֹאִים וַיָּשָׁב וַיִּתְפְּשֶׂנָּה בְיָדוֹ הַשְּׁנִיָּה כְּמַעֲשֵׂה לְהָטִים, וְאַחַר הִשְׁלִיכָהּ אֶל שַׁרְכָּן וַתֵּצֵא מִיָּדוֹ כְּכוֹכָב טָס בָּאֲוִיר, וַיִּזְדַּעְזְעוּ הַלְּבָבוֹת וַיִּירְאוּ לְשַׁרְכָּן, וַיְהִי בִקְרֹב הַחֶרֶב אֶל שַׁרְכָּן וַיַּחְטְפֶנָּה מֵהָאֲוִיר וַיִּתְפַּלְאוּ כָל-הַנִּצָּבִים. וְאַחַר נִעְנְעָהּ שַׁרְכָּן בְּיָדוֹ אֲשֶׁר תְּפָשָׂהּ בָּהּ עַד אֲשֶׁר נִפְּצָהּ כִּמְעָט. וַיַּשְׁלִיכֶנָּה אַף הוּא בָאֲוִיר עַד אֲשֶׁר נֶעֶלְמָה מֵעֵינֵי הָרוֹאִים, וּכְהֶרֶף עַיִן שָׁב וַיִּתְפְּשֶׂנָּה בְיָדוֹ הַשְּׁנִיָּה, וַיָּרֶם קוֹלוֹ בִצְעָקָה וַיִּקְרָא: חֵי בוֹרֵא שִׁבְעַת הָרְקִיעִים כִּי שׂוֹם אָשִׂים אֶת-הָאָרוּר הַזֶּה לְמָשָׁל בָּאָרֶץ. וְאַחַר זָרַק עָלָיו אֶת-הַחֶרֶב. וַיֹּאמֶר לוּקָה לַעֲשׂוֹת בָּהּ כַּאֲשֶׁר עָשָׂה שַׁרְכָּן, וַיִּשְׁלַח יָדוֹ לְמוּלָהּ לְחָטְפֶנָּה, וַיְמַהֵר שַׁרְכָּן בְּחֶרֶב שְׁנִיָּה וַיַּכֵּהוּ בָּהּ וַתִּפֹּל בְּאֶמְצַע הַצְּלָב אֲשֶׁר בְּפָנָיו, וַיְמַהֵר הָאֵל בְּיָדוֹ הַגְּדוֹלָה, לְהוֹרִיד נַפְשׁוֹ שְׁאוֹלָה.
וַיְהִי כִרְאוֹת הַכּוֹפְרִים כִּי נָפַל לוּקָה בֶּן שַׁמְלוּט גִּבּוֹרָם וַיַּכּוּ עַל פְּנֵיהֶם וַיִּקְרְאוּ לְאֵבֶל וּלְמִסְפֵּד, וַיִּקְרְאוּ לְעֶזְרָתָם אֶת-הֶגְמוֹנֵי הַמִּנְזָרִים, וַיֹּאמְרוּ: אַיֵּה כֹחַ הַצְּלָבִים הָאַדִּירִים, וּנְזִירוּת הַנְּזִירִים? וְאַחַר נֶאֶסְפוּ כֻלָּם עַל שַׁרְכָּן וַיִּסְתָּעֲרוּ לַקְּרָב וְלִמְחוֹל הַדָּמִים, וַיִּפְגְּעוּ הַחֲיָלִים בַּחֲיָלִים, וְהַחֲרָבוֹת וְהָרְמָחִים מַפִּילִים חֲלָלִים, וַתִּרְפֶּינָה הַזְּרוֹעוֹת וְהַיָּדַיִם, וְהַסּוּסִים כְּאִלּוּ נוֹצְרוּ בִכְנָפַיִם, וְכָרוֹז הַמִּלְחָמָה קוֹרֵא בְחַיִל, עַד עֲבוֹר הַיּוֹם וַיִּקְרַב הַלַּיִל, אָז נִפְרְדוּ שְׁנֵי הַמַּחֲנוֹת וְכָל-גִּבּוֹר חַיִּל כַּשִּׁכּוֹר, מֵרֹב הַכּוֹת וְדָקוֹר, וְהָאָרֶץ מְלֵאָה הֲרוּגִים וּפְצוּעִים עֲדֵי לֹא נוֹדַע מִי נִפְצַע וּמִי מֵת.

וַיְהִי בַלַּיְלָה וַיֵּשֶׁב שַׁרְכָּן לְשׂוֹחֵחַ עִם דַּו אַל מַכָּן אָחִיו וְעִם רַב-הַשּׁוֹעֲרִים וְהַוָּזִיר דִּנְדָּן, וַיֹּאמֶר אֲלֵיהֶם: הִנֵּה פָתַח לָנוּ הָאֵל שַׁעַר לְהַשְׁמָדַת הַכּוֹפְרִים, יְהִי שְׁמוֹ מְבֹורָךְ! וַיֹּאמֶר דַּו אַל מַכָּן: עָלֵינוּ לְהוֹדוֹת לָאֵל עַל אֲשֶׁר חִלֵּץ אֶת-בְּנֵי עַמֵּנוּ מִצָּרָה, וּבְמַעֲשֶׂךָ בְלוּקָה הָאָרוּר יָשִׂיחוּ דוֹרוֹת יָבוֹאוּ, וַחֲטִיפַת חַרְבּוֹ מֵהָאֲוִיר וְהֲרֵגַת אוֹיֵב הָאֵל יַשָׁאִירוּ זִכְרוֹנְךָ עַד אַחֲרִית הַיָּמִים. וַיֹּאמֶר שַׁרְכָּן אֶל רַב-הַשּׁוֹעֲרִים וְהַוָּזִיר דִּנְדָּן: קְחוּ אִתְּכֶם עֶשְׂרִים אֶלֶף פָּרָשִׁים וּלְכוּ לְעֵבֶר הַיָּם דֶּרֶךְ שֶׁבַע פַּרְסָאוֹת, וְהִסְתַּתַּרְתֶּם שָׁם בַּכֵּפִים עַד אֲשֶׁר תִּשְׁמְעוּ קוֹל שְׁאוֹן הַכּוֹפְרִים בְּצֵאתָם מִן הָאֳנִיּוֹת, וְהָיָה בִּרְאוֹתְכֶם אֶת-צִבְאוֹתֵינוּ נְסוֹגִים אֲחוֹרָנִּית כְּבוֹרְחִים, וְהַכּוֹפְרִים רוֹדְפִים אַחֲרֵיהֶם מִכָּל-עֲבָרִים, וִהְיִיתֶם לָהֶם כְּאוֹרְבִים, וְכַאֲשֶׁר תִּרְאוּ דֶּגֶל וְעָלָיו רָשׁוּם “אֵין אֱלוֹהַּ אֶלָּא אַלָּהּ וּמֻחַמָּד שְׁלִיחַ אַלָּהּ!” תָּרִימוּ אֶת-הַדֶּגֶל הַיָּרֹק וּקְרָאתֶם קוֹל גָּדוֹל: לַיְיָ הַגְּדֻלָּה! וְהִתְנַפַּלְתֶּם עֲלֵיהֶם מֵאַחֲרֵיהֶם. וַיֹּאמְרוּ: כֵּן נַעֲשֶׂה. וַיִּתְכּוֹנְנוּ וַיֵּלֵכוּ. וּבַבֹּקֶר הִתְחַבְּאוּ בַּגְּבָעוֹת וּבַבְּקָעוֹת. וְהִנֵּה נִקְרְאוּ הַכְּמָרִים, וְהָצְּלָבִים הוּרְמוּ עַל מִפְרְשֵׂי הָאֳנִיּוֹת, וַתַּבְרֵקְנָה הַחֲרָבוֹת, וְכִידוֹדֵי הָרְמָחִים הִזְהִירוּ עַל הַמָּגִנִּים, וְהַמָּוֶת הֵחֵל מִשְׂחָקוֹ בָּרַגְלִים וּבַפָּרָשִׁים, וַתִּתְעוֹפַפְנָה הַגֻּלְגָּלוֹת, וְהַסּוּסִים טָבְלוּ בְדָמִים, וַתֵּאָלַמְנָה הַלְּשׁוֹנוֹת, וְהַמָּרוֹת הִתְפַּקָּעוּ. וַיִּצְעֲקוּ צִבְאוֹת הַמֻּשְׂלָמִים בִּתְהִלַּת אֱלוֹהַ כָּל-הַבְּרִיּוֹת וּבְשֶׁבַח יוֹצֵר כָּל-הַיְצוּרִים, וְצִבְאוֹת הַכּוֹפְרִים צָעֲקוּ בְּשֶׁבַח הַצֶּלֶם וְהַחֲגוֹרָה, וְהַכְּמָרִים וְהַנְּזִירִים.

וְדַו אַל מַכָּן וְאָחִיו שָׁבוּ אֲחוֹרַנִּית וּגְדוּדֵיהֶם נָסוֹגוּ כְבוֹרְחִים מִפְּנֵי הָאוֹיֵב. וַיִּסְתָּעֲרוּ עֲלֵיהֶם צִבְאוֹת הַכּוֹפְרִים, כִּי אָמְרוּ: אַךְ נָסִים הֵם מִפָּנֵינוּ. וַיָּחֵלּוּ הַמֻּשְׂלָמִים לִקְרֹא אֶת “שׁוּרַת-הַפָּרָה”. וְכָרוֹז הַיְּוָנִים הֵחֵל לְהַכְרִיז: הוֹי עַבְדֵי הַמָּשִׁיחַ וְאַנְשֵׁי דָת הַצֶּדֶק, הַיּוֹם נִגְלָה לָכֶם אוֹר הַהַצְלָחָה! הִנֵּה חֵיל הַמֻּשְׂלָמִים נָסוּ מִפָּנֵינוּ, רִדְפוּ מַהֵר אַחֲרֵיהֶם וְלֹא תָשׁוּבוּ עַד מַלְאֲכֶם חוֹבַתְכֶם לְיֵשׁוּעַ בֶּן-מִרְיָם אֲשֶׁר עוֹד בַּעֲרִיסָתוֹ נִתַּן הַדִּבֵּר בְּפִיו.

וְאַפְרִידוֹן חָשַׁב כִּי חֵילוֹ הוּא הַמְנַצֵּחַ, וְלֹא יָדַע כִּי רַק תַּחְבּוּלָה הָיְתָה מהַמֻּשְׂלָמִים. וַיִּשְׁלַח אֶל מֶלֶךְ יָוָן לְבַשְּׂרֵהוּ בְנִצָּחוֹן. וַיֹּאמֶר: אָכֵן הוֹעִילַתְנוּ קְטֹרֶת הַקֹּדֶשׁ, וְעַתָּה חֵי הַנַּצָּרוּת וּמֵי הַטְּבִילָה אִם אַשְׁאִיר בָּאָרֶץ אַף אֶחָד מֵהַמֻּשְׂלָמִים הַנִּלְחָמִים מִלְחֶמֶת קָדְשָׁם. וַיִּשְׁלַח אִגַּרְתּוֹ בְיַד אַחַד הָרָצִים. וְהַכּוֹפְרִים צָעֲקוּ אִישׁ לְרֵעֵהוּ: הָבָה נִקֹּם נִקְמַת לוּקָה גִבּוֹרֵנוּ. וּמֶלֶךְ יָוָן קוֹרֵא: הִנָּקְמוּ נִקְמַת דַּם אַבְרִיזָה הַהֲרוּגָה. אָז קָרָא הַמֶּלֶךְ דַּו אַל מַכָּן אֶל אֲנָשָׁיו לֵאמֹר: הוֹי עוֹבְדֵי מֶּלֶךְ הַמִּשְׁפָּט, הַתִּיזוּ רָאשֵׁי הַתּוֹעִים בְּחַרְבוֹתֵיכֶם הַשְּׁלוּפוֹת, וּבְלַהֲבוֹתֵיכֶם הַמּוּנָפוֹת! וַיִּסְתָּעֲרוּ הַמֻּשְׂלָמִים עַל הַכּוֹפְרִים וַיְשַׁלְּחוּ בָם לְשׁוֹן הַחֲרָבוֹת הַנְּטוּשׁוֹת, וְלַהֲבוֹת הַחֲנִיתוֹת הַלְּטוּשׁוֹת. וְכָרוֹז הַמֻּשְׂלָמִים קוֹרֵא: הִתְנַפְּלוּ עַל אוֹיְבֵי הָאֱמוּנָה אוֹהֲבֵי הַנִּבְחָר! זוֹהִי שַׁעַת רְצוֹן הַנָּבִיא הַבּוֹרֵא הַסּוֹלֵחַ, כִּי “גַּן הָעֵדֶן תַּחַת צִלְלֵי הַסְּיָפִים”. אָז יִתְנַפֵּל שַׁרְכָּן וַאֲנָשָׁיו עַל הַכּוֹפְרִים וַיַּחֲסֹם עֲלֵיהֶם דֶּרֶךְ הַמְּנוּסָה, וַיְסוֹבֵב בֵּין הַשׁוּרוֹת הָלוֹךְ וָשׁוֹב. וְהִנֵּה פָרָשׁ יְפֵה תֹאַר וִיפֵה מַרְאֶה בִּקַּע לוֹ דֶּרֶךְ בְּצִבְאוֹת הָאוֹיֵב וַיָּסָב בֵּין הַכּוֹפְרִים בְּמִלְחֶמֶת תְּנוּפָה, וּבְחַרְבּוֹ הַשְּׁלוּפָה, וַיַּכֵּם שׁוֹק עַל יָרֵךְ מַכָּה רַבָּה וְנֶאֱמָנָה. וַיִּבָּהֲלוּ הַכּוֹפְרִים מִפְּנֵי גְבוּרָתוֹ וַיְנַסּוּ לְדָקְרוֹ וְלֹא יָכֹלוּ.

וַיְהִי כִרְאוֹת שַׁרְכָּן אוֹתוֹ וַיֹּאמֶר: תָּגֵן נָא עָלֶיךָ זְכוּת הָקֻּרְאָן, וּפְסוּקֵי הָאֵל הָרַחֲמָן. מִי אַתָּה פָּרָשׁ הַפָּרָשִׁים, וְרֹאשׁ הָרָאשִׁים? וַיִּקְרָא אֵלָיו הַפָּרָשׁ: הֵן אֶמֶשׁ הִתְקַּשַּׁרְתָּ אִתִּי בִּבְרִית וְאֵיכָכָה זֶה שְׁכַחְתַּנִי כָל-כָּךְ מַהֵר? וַיָּסַר אֶת-הָאֲפֵר מֵעַל פָּנָיו וַיִּגָּלֶה יָפְיוֹ וַהֲדָרוֹ, וְהִנֵּה הוּא דַו אַל מַכָּן הַמּוֹפִיעַ בְּזָהֳרוֹ. וַיִּשְׂמַח בּוֹ שַׁרְכָּן, אַךְ יָרֵא עָלָיו מִפְּנֵי צְפִיפוּת הַלּוֹחֲמִים וְדֹחַק הַגִּבּוֹרִים, כִּי אָכֵן עוֹד רַךְ הוּא בַּשָּׁנִים וְצָרִיךְ לִשְׁמֹר עָלָיו מִפְּנֵי עֵין הָרָע, וְשֵׁנִית כִּי הוּא הַמֶּלֶךְ וְנַפְשׁוֹ יְקָרָה לְכֻלָּם. וַיֹּאמֶר אֵלָיו: הוֹי מַלְכִּי, הִנֵּה שַׂמְתָּ נַפְשְׁךָ בְּכַפֶּךָ, וְעַתָּה הַקְרֵב סוּסְךָ אֶל סוּסִי כִּי יָרֵא הִנְנִי עָלֶיךָ מִפְּנֵי הָאוֹיֵב. הִשָּׁמֵר לְנַפְשְׁךָ מִצֵּאת מִתּוֹךְ מַעַרְכוֹתֵינוּ, וּמִפֹּה תִשְׁלַח חִצֶּיךָ הַשְּׁנוּנִים בְּלִבּוֹת אוֹיְבֵינוּ. וַיֹּאמֶר דַּו אַל מַכָּן: כִּי חָפַצְתִּי לִשְׁווֹת אֵלֶיךָ בִּירִידָה לַמִּלְחָמָה, וְלֹא לַחֲשֹׁךְ נַפְשִׁי מֵהָרֶג.

וְאַחַר הִתְאַסְּפוּ צִבְאוֹת הַמֻּשְּׂלָמִים וַיִּתְנַפְּלוּ עַל הַכּוֹפְרִים מִכָּל-הָעֲבָרִים. וַיְהִי כִרְאוֹת מֶלֶךְ הַנּוֹצְרִים כִּי הִפְנָה חֵילוֹ עֹרֶף בַּמִּלְחָמָה וַיֹּאמֶר לִבְרֹחַ בִּסְפִינוֹתָיו, וְהִנֵּה הִסְתָּעֲרוּ עָלָיו צִבְאוֹת הַמֻּשְׂלָמִים מֵחוֹף הַיָּם, וּבְרֹאשָׁם חֲתַת הַגִּבּוֹרִים הַוָּזִיר דִּנְדָּן, וַיַּהֲרֹג בַּנּוֹצְרִים הֶרֶג רָב, וְגַם הָאָמִיר בַּהְרָם וְעֶשְׁרִים אֶלֶף אַנְשֵׁי חֵילוֹ הִפִּילוּ בָם חֲלָלִים. וַיִּלָּחֲמוּ בָהֶם הַמֻּשְׂלָמִים בַּיָּם וּבַיַּבָּשָׁה וַיַּהַרְגוּ בָם יוֹתֵר מִמֵּאָה אֶלֶף אִישׁ, וְלֹא נִצְּלוּ מִגִּבּוֹרֵיהֶם לֹא גָדוֹל וְלֹא קָטָן, וַיִּקְחוּ אֶת-סְפִינוֹתֵיהֶם וְכָל-אֲשֶׁר בָּהֶן, מִלְּבַד עֶשְׂרִים סְפִינָה אֲשֶׁר הִסְפִּיקוּ לִבְרֹחַ אֶל קֻשְׁטָא. וַיִּשְׁלְלוּ הַמֻּשְׂלָמִים בַּיּוֹם הַהוּא שָׁלָל רַב עַד אֵין חֵקֶר, וּבַשָּׁלָל חֲמִשִּׁים אֶלֶף סוּסִים, מִלְּבַד הַגְּנָזִים הַכְּמוּסִים. אֲשֶׁר לֹא יִמָּנוּ וְלֹא יִסָּפְרוּ מֵרֹב.
וּבְקֻשְׁטַנְדִּינָה הִגִּיעוּ הַשְּׁמוּעוֹת לְאָזְנֵי הַתּוֹשָׁבִים כִּי נִצְּחוּ הַנּוֹצְרִים אֶת-הַמֻּשְׂלָמִים, וְתַחְבְּלָנִית הַזְּקֵנָה אָמְרָה: אָכֵן יָדַעְתִּי כִי בְּנִי לֹא יִירָא מִפְּנֵי צִבְאוֹת הַמֻּשְׂלָמִים. וַתְּצַו אֶת-המֶּלֶךְ הַגָּדוֹל אַפְרִידוֹן אֲשֶׁר הִקְדִּים לָשׁוּב מִמַּעַרְכוֹת המִּלְחָמָה כִּי יָאִיר אֶת-כָּל-הָעִיר בְּאוּרִים. וַיִּצְהֲלוּ כֻלָּם וָיָּרֹנוּ, וַיִּשְׁתּוּ יַיִן וַיִּשְׁכְּרוּ, וְלֹא יָדְעוּ אֵת אֲשֶׁר נִגְזַר עֲלֵיהֶם.
וַיְהִי הֵם שׁוֹתִים וּשְׂמֵחִים וּמֵיטִיבִים אֶת-לִבָּם, וְהִנֵּה הִגִּיעוּ עֶשְׂרִים הַסְּפִינוֹת הַנִּמְלָטוֹת, וּבָהֶן חַרְדוּב מֶלֶךְ יָוָן. וַיֵּצֵא אַפְרִידוֹן לִקְרָאתָם אֶל הַחוֹף, וַיּוֹדִיעוּהוּ אֵת אֲשֶׁר עָשׂוּ לָהֶם הַמֻּשְׂלָמִים, וַתַּעַל בִּכְיָתָם, וּבְשׂוֹרוֹת הַנִּצָּחוֹן וְהַהַצְלָחָה נֶהֶפְכוּ לְיָגוֹן וַאֲנָחָה, וַיֵּהָפֵךְ הָעוֹלָם בְּעֵינֵי אַפְרִידוֹן לְעֵמֶק הַבָּכָא, וְהַמְּקוֹנְנוֹת הֵרִימוּ קוֹלָן בְּקִינוֹתֵיהֶן, וַתַּעַל שַׁוְעָתָן הַשָּׁמָיְמָה. וּמֶלֶךְ יָוָן סִפֵּר לְאַפְרִידוֹן כִּי בְרִיחַת הַמֻּשְׂלָמִים הָיְתָה רַק עָרְמָה וְתַחְבּוּלָה. וַיֹּאמֶר לוֹ: אַל תְּחַכֶּה עוֹד לְצִבְאוֹתֶיךָ כִּי כֻלָּם כָּלוּ וְאֵינָם. וַיְהִי כִשְׁמֹעַ אַפְרִידוֹן אֶת-הַדְּבָרִים הָאֵלֶּה וַיִּפֹּל מִתְעַלֵּף, וּבַהֲקִיצוֹ הִתְלוֹנֵן בְּאָזְנֵי הַזְּקֵנָה תַחְבְּלָנִית, הִיא תַחְבְּלָנִית הַזְּקֵנָה הַבָּלָה, הַמְּכַשֵּׁפָה הַמְּתֻחְבָּלָה, הַמִּרְשַׁעַת הָעֲרוּמָה, וְהַפּוֹשַׁעַת הַזְּעוּמָה, בַּעֲלַת הַפֶּה הַמַּסְרִיחַ, וְהָאַף הַמְּאַזְנִיחַ, וְעַפְעַפַּיִם אֲדֻמּוֹת, וּלְחָיַיִם כְּתֻמּוֹת, וְעֵינַיִם פּוֹזְלוֹת, וּנְחִירַיִם נוֹזְלוֹת, וְעוֹר מָלֵא בֶהָרוֹת, וְרֹאשׁ אֲדֹם הַשְּׂעָרוֹת; הִיא תַחְבְּלָנִית אֲשֶׁר קָרְאָה הַרְבֵּה בְּסִפְרֵי הָאִשְׂלָם, וַתִּסַּע גַּם אֶל מַכָּה וּמְדִינָה, לְהִתְבּוֹנֵן בְּדַרְכֵי הָאֱמוּנָה, וְגַם אֶת-הַקֻּרְאָן לָמְדָה וַתֵּדָעֵהוּ, וְאֶת-הֶחָדִית²⁵ שִׁנְּנָה וַתַּחְקְרֵהוּ.

וַתֹּאמֶר אֶל אַפְרִידוֹן: אֲדוֹנִי הַמֶּלֶךְ, אָכֵן רַב מִסְפַּר צִבְאוֹת הַמֻּשְׂלָמִים, וְרַק בְּעָרְמָה נוּכַל לְהַפִּילָם. וּבְכֵן אָשִׂים כַּיּוֹם אֶל הָעָרְמָה פָנַי, וּבָאתִי אֶל תּוֹךְ מַחֲנֵה הַמֻּשְׂלָמִים אוּלַי אוּכַל לְהַפִּיל אֶת-מַנְהִיגָם בַּפַּח וַהֲרַגְתִּיו כַּאֲשֶׁר הָרַגְתִּי אֶת-אָבִיו. וְאִם אוּכַל לוֹ בְעָרְמָתִי לֹא יָשׁוּב אַף אֶחָד מִצְּבָא לוֹחֲמָיו אֶל אַרְצוֹ, כִּי הוּא כָל-כֹּחָם וּגְבוּרָתָם. וְעַתָּה הָבוּ לִי נוֹצְרִים סוּרִים אֲחָדִים לְבוּשִׁים לְבוּשֵׁי הַסּוֹחֲרִים הַנּוֹסְעִים מִדֵּי שָׁנָה בְשָׁנָה לִמְכֹּר סְחוֹרוֹתֵיהֶם וְלִוּוּנִי בְדַרְכִּי, וְהִשַּׂגְתִּי מַטָּרָתִי עַל יָדָם. וַיֹּאמֶר הַמֶּלֶךְ: כָּל-אֲשֶׁר תִּשְׁאֲלִי מִמֶּנִּי אֶתֵּן לָךְ. וַיְצַו וַיָּבִיאוּ אֵלָיו מֵאָה מִילִידֵי נַגְרָן אֲשֶׁר בְּסוּרִיָּה. וַיְהִי כְבוֹאָם לְפָנָיו וַיִּשְׁאָלֵם: הַיְדַעְתֶּם אֵת אֲשֶׁר עָשׂוּ הַמֻּשְׂלָמִים לַאֲחֵיכֶם? וַיֹּאמְרוּ: כֵּן. וַיֹּאמַר: הַזְּקֵנָה הַזֹּאת הִקְדִּישָׁה חַיֶּיהָ לִכְבוֹד הַמָּשִׁיחַ, וְהִיא אוֹמֶרֶת עַתָּה לְקַחְתְּכֶם אִתָּה מִתְנַכְּרִים כְּמֻשְׂלָמִים לְמַעַן תּוֹצִיא לְפֹעַל אֶת-מְזִמָּתָהּ אֲשֶׁר תַּצִּילֵנוּ, וְתַרְחִיק אֶת-הַמֻּשְׂלָמִים מֵעָלֵינוּ. הֲתִרְצוּ גַם אַתֶּם לְהַקְדִּישׁ נַפְשְׁכֶם לִמְשִׁיחֵנוּ אִם אַבְטִיחַ לְכָל-אֶחָד מִכֶּם שְׁנֵי כִּכְּרֵי זָהָב? וְהָיָה כָל-אֲשֶׁר יִשָּׁאֵר מִכֶּם בַּחַיִּים וְלָקַח אֶת-הַזָּהָב, וַאֲשֶׁר יָמוּת יְשַׁלֵּם לוֹ הַמָּשִׁיחַ כְּפָעֳלוֹ. וַיַּעֲנוּ: אֲדוֹנֵנוּ הַמֶּלֶךְ, הַקְדֵּשׁ נַקְדִּישׁ חַיֵּינוּ לִכְבוֹד הַמָּשִׁיחַ וְלִכְבוֹדֶךָ.
וַתִּקַּח הַזְּקֵנָה עֲשָׂבִים רֵיחָנִים וַתְּשִׂימֵם בַּמַּיִם וַתְּבַשְּׁלֵם עַל הָאֵשׁ עַד הִמָּצֵה מִיצָם הַשָּׁחוֹר, וַתְּחַכֶּה עַד אֲשֶׁר הִתְקָרְרוּ הַמַּיִם, וַתִּטְבֹּל בָּם קְצֵה מִטְפַּחַת אֲרֻכָּה וַתִּצְבַּע בָּם פָּנֶיהָ. וְאַחַר שָׂמָה סָדִין אָרֹךְ עַל בְּגָדֶיהָ מְרֻקָּם בִּשְׂפָתוֹ, וּמַחֲרֹזֶת לָקְחָה בְיָדָהּ, וַתָּקָם וַתֵּלֶךְ אֶל הַמֶּלֶךְ חַרְדוּב, אַךְ לֹא הוּא וְלֹא אֶחָד מֵהַנִּמְצָּאִים שָׁם הִכִּירָהּ עַד אֲשֶׁר הִגִּידָה מִי הִיא. וַיְהַלְּלוּהָ כֻלָּם לְעָרְמָתָהּ. וַתָּקָם וַתֵּלֶךְ עִם הַנּוֹצְרִים הַסּוּרִים עַל דֶּרֶךְ מַחֲנֵה הַצָּבָא מִבַּגְדָּד.

וְחַרְדוּב בָּא אֶל הַמֶּלֶךְ אַפְרִידוֹן וַיַּגֵּד לוֹ עַל דְּבַר רִבְבוֹת הַמֻּשְׂלָמִים הַהוֹלְכִים הָלֹךְ וְקָרוֹב לְקֻשְׁטַנְדִּינָה, וְעַל הַסַּכָּנָה הַגְּדוֹלָה הַצְּפוּיָה לַנּוֹצְרִים, וַיְמַהֵר אַפְרִידוֹן וַיִּכְתֹּב אֶל כָּל-אַרְצוֹת הַנּוֹצְרִים לֵאמֹר: הִנֵּה צִבְאוֹת הַמֻּשְׂלָמִים בָּאוּ בְאַרְצֵנוּ, וְעַתָּה אַל יִפָּקֵד אִישׁ מִבְּנֵי דָתֵנוּ הַנּוֹצְרִית, כִּי כֻלָּם יָבוֹאוּ, רַגְלִים וּפָרָשִׁים, גְּבָרִים וְנָשִׁים. מַהֲרוּ, מַהֲרוּ לִפְנֵי בוֹא יוֹם הָאָסוֹן הַגָּדוֹל וְהַנּוֹרָא.

וְתַחְבְּלָנִית הַזְּקֵנָה יָצְאָה אֶל מִחוּץ לָעִיר עִם בְּנֵי-לִוְיָתָהּ, וַתַּלְבִּישֵׁם מַלְבּוּשֵׁי הַסּוֹחֲרִים הַמֻּשְׂלָמִים. וַתִּקַּח אִתָּהּ מֵאָה פְרָדִים נוֹשְׂאִים אֵטוּן אַנְטוֹכְיָה וּקְטִיפָה וּמְשִׁי וְכָל-מִבְחַר הָאֲרִיגִים, וּמִכְתָּב נָתַן לָהּ הַמֶּלֶךְ אַפְרִידוֹן כָּתוּב בּוֹ לֵאמֹר: הָאֲנָשִׁים הָאֵלֶּה סוֹחֲרִים הֵם מֵעָרֵי דַמֶּשֶׂק וּבָאוּ אֶל אַרְצֵנוּ לִסְחֹר בָּהּ. וְעַתָּה אַל יִגַּע בָּם אִישׁ מֵאֲנָשֵׁינוּ לְרָעָה, וְאַל יִקַּח מֵהֶם מַעֲשֵׂר, כִּי בְסוֹחֲרִים תִּכּוֹן אָרֶץ.

וַתִּקְרָא לַאֲנָשֶׁיהָ וַתֹּאמֶר אֲלֵיהֶם: אַדִּיר חֶפְצִי הוּא לְהַשְׁמִיד אֶת-הַמֻּשְׂלָמִים בְּעָרְמָה. וַיֹּאמְרוּ אֵלֶיהָ: אֲדוֹנָתֵנוּ הַמַּלְכָּה, כָּל-אֲשֶׁר תְּצַוִּי עָלֵינוּ נַעֲשֶׂה וְנִשְׁמָע.

וַתִּלְבַּשׁ הַזְּקֵנָה בֶּגֶד צֶמֶר לָבָן דַּק, וַתְּשַׁפְשֵׁף אֶת-מִצְחָהּ עַד אֲשֶׁר אָדַם כְּאֵשׁ לוֹהֶטֶת וַתִּמְשְׁחֵהוּ בְּמִשְׁחָה וַיַּבְרֵק. וְהִיא רָזָה בְגוּפָהּ וַתִּקְשַׁר רַגְלֶיהָ מֵעַל לְכַפּוֹתֵיהֶן, וַתֵּלֶךְ עַד אֲשֶׁר הִגִּיעָה אֶל מַחֲנֵה הַמֻּשְׂלָמִים. וַתַּתֵּר אֶת-הַכְּבָלִים מֵעַל רַגְלֶיהָ וַיִּשָּׁאֲרוּ אוֹתוֹתֵיהֶם עַל שׁוֹקֶיהָ. וְאַחַר צִוְּתָה אֶת-בְּנֵי–לִוְיָתָהּ לְהַכּוֹתָהּ בְּחָזְקָה וּלְשִׂימָהּ בְּתוֹךְ תֵּבָה. וַיֹּאמְרוּ אֵלֶיהָ: אֵיכָכָה נַכֵּךְ וְאַתְּ גְּבִרְתֵּנוּ, אֵם מַלְכֵּנוּ? וַתֹּאמֶר: אֵין תְּלוּנָה וְאֵין תַּרְעֹמֶת וְהַהֶכְרֵחַ לֹא יְגֻנֶּה. וְהָיָה אַחֲרֵי אֲשֶׁרד תְּשִׂימוּנִי בַתֵּבָה וּלְקַחְתֶּם וְשַׂמְתֶּם אוֹתָהּ בֵּין תֵּבוֹת הַסְּחוֹרוֹת, וּטְעַנְתֶּם אוֹתָה עַל הַפְּרָדִים וַעֲבַרְתֶּם אֶל מַחֲנֵה הַמֻּשְׂלָמִים, וְאִם יָקוּמוּ הַמֻּשְׂלָמִים עֲלֵיכֶם וּמְסַרְתֶּם לָהֶם אֶת-הַפְּרָדִים וְאֶת-כָּל-הָרְכוּשׁ אֲשֶׁר עֲלֵיהֶם, וְאַתֶּם תֵּלְכוּ אֶל דַּו אַלְ מַכָּן מַלְכָּם וּקְרָאתֶם לוֹ לְעֶזְרָה, וַאֲמַרְתֶּם: הָיִינוּ בְאַרְצוֹת הַכּוֹפְרִים וְלֹא נִפְקַד מֵאִתָּנוּ דָבָר, וְגַם הַזְהֵר הִזְהִיר מֶלֶךְ הָאָרֶץ אֶת-כָּל-יוֹשְׁבֵי אַרְצוֹ בַּמִּכְתָּב אֲשֶׁר נָתַן עַל יָדֵינוּ כִּי לֹא יִגַּע אִישׁ מֵהֶם בָּנוּ לְרָעָה, וְאֵיכָכָה לְקַחְתֶּם אַתֶּם אֶת-כָּל-רְכוּשֵׁנוּ? וְהִנֵּה כְתָב הַמֶּלֶךְ לְפָנֶיךָ וְכִי יֹאמַר אֲלֵיכֶם: וּמַה הִרְוַחְתֶּם בִּסְחַרְכֶם בְּאֶרֶץ יָוָן? וַאֲמַרְתֶּם אֵלָיו: רִוְחֵנוּ וְהַצְלָחָתֵנוּ הֵם כִּי הִצַּלְנוּ נֶפֶשׁ צַדִּיק אֲשֶׁר הָיָה כָלוּא בְּמַרְתֵּף מִתַּחַת לָאֲדָמָה מֶשֶׁךְ חֲמֵשׁ עֶשְׂרֵה שָׁנָה, אֲשֶׁר עִנּוּהוּ הַכּוֹפְרִים יוֹמָם וָלָיְלָה.

כִּי בְכָל-הַיָּמִים הָרַבִּים אֲשֶׁר יָשַׁבְנוּ בְּקֻשְׁטַנְדִּינָה לֹא יָדַעְנוּ דָבָר עַל אוֹדוֹת הָאִישׁ הַזֶּה, אַךְ בְּאָמְרֵנוּ לָשׁוּב אֶל אַרְצֵנוּ וַנָּכֶן כָּל-צֵידָתֵנוּ רָאִינוּ בְּחַדְרֵנוּ תְמוּנָה מְצֻיֶּרֶת בַּקִּיר, וַיְהִי כִי קָרַבְנוּ אֵלֶיהָ וַנֵּרֶא וְהִנֵּה הִתְנוֹעֲעָה וַתֹּאמַר: הוֹי הַמֻּשְׂלָמִים! הֲיֵשׁ בָּכֶם מִי שֶׁיַּעֲשֶׂה דָבָר לְשֵׁם רִבּוֹן הָעוֹלָמִים? הִנֵּה שָׂם אֱלֹהִים בְּפִי אֶת-הַדִּבֵּר לְמַעַן חַזֵּק אֱמוּנַתְכֶם. כִּי תֵצְאוּ מֵאֶרֶץ הַכּוֹפְרִים תָּבוֹאוּ אֶל מַחֲנוֹת הַמֻּשְׂלָמִים וּמְצָאתֶם בָּהֶם אֶת-חֶרֶב הָאֵל וְגִבּוֹר הַזְּמַן, הַמֶּלֶךְ שַׁרְכָּן בֶּן עוּמָר אַל נַעְמָן, הוּא יִלְכֹּד אֶת-קֻשְׁטַנְדִּינָה וְיַכְרִית אֶת-בְּנֵי הָאֱמוּנָה הַנּוֹצְרִית, וְהָיָה אַחֲרֵי לֶכְתְּכֶם דֶּרֶךְ שְׁלֹשֶׁת יָמִים וּמְצָאתֶם מִנְזָר הַנִּקְרָא בְּשֵׁם מִנְזָר מֶטְרוֹ-חַנָּה וּבוֹ לִשְׁכָּה חֲבוּיָה, וְהִתְאַמַּצְתֶּם לְהַגִּיעַ אֵלֶיהָ כִּי בָהּ אִישׁ צַדִּיק וְחָסִיד וּשְׁמוֹ עַבְּדַלָּה וְהוּא מֵחֲסִידֵי הַדּוֹר אֲשֶׁר רִמָּהוּ אַחַד הַכְּמָרִים וַיִּכְלָאֵהוּ בַמַּרְתֵּף מֵאָז שָׁנִים רַבּוֹת, וַעֲשִׂיתֶם אֵת אֲשֶׁר תִּמְצָא יֶדְכֶם לְהַתִּירוֹ מִמַּאֲסָרוֹ, וְנֶחְשַׁב לָכֶם הַדָּבָר לִצְדָקָה מֵאֵין כָּמוֹהָ. וַתּוֹסָף הַזְּקֵנָה וַתֹּאמֶר: אִם תִּרְאוּ כִּי מַטֶּה הַמֶּלֶךְ שַׁרְכָּן אָזְנוֹ אֲלֵיכֶם וְהִגַּדְתֶּם לוֹ לֵאמֹר: וַיְהִי כַאֲשֶׁר שָׁמַעְנוּ אֶת-הַדְּבָרִים הָאֵלֶּה יוֹצְאִים מִפִּי הַתְּמוּנָה הַזֹּאת וַנֵּדַע כִּי אָכֵן הַצַּדִּיק הַזֶּה מִגְּדוֹלֵי הַחֲסִידִים. וַנִּסַּע דֶּרֶךְ שְׁלֹשֶׁת יָמִים וַנַּגִּיעַ אֶל הַמִּנְזָר, וַנֵּשֵׁב בֹּו יוֹם תָּמִים לִמְכֹּר וְלִקְנוֹת כְּמִשְׁפַּט הַסּוֹחֲרִים, וְכַעֲבֹר הַיּוֹם וּבָא הַלַּיְלָה פָּנִינוּ אֶל הַלִּשְׁכָּה הַהִיא אֲשֶׁר בָּהּ הַמַּרְתֵּף, וַנִּשְׁמַע קוֹל אִישׁ קוֹרֵא אֶת-פְּסוּקֵי הָקֻּרְאָן בִּנְעִימָה קְדוֹשָׁה, וְאַחַר הִתְפַּלֵל וַיִּשְׁפֹּךְ לִפְנֵי הָאֵל שִׂיחוֹ עַל צָרוֹת נַפְשׁוֹ.

וַתּוֹסֶף הַזְּקֵנָה לְהַגִּיד לָהֶם אֵת אֲשֶׁר יוֹסִיפוּ לְסַפֵּר לְשַׁרְכָּן, וְאַחַר אָמְרָה לָהֶם: כָּזֹאת וְכָזֹאת תַּגִּידוּ לוֹ, וְאַחַר אֶמְצָא תַחְבּוּלָה לְהַשְׁמִידָם.

וַיְהִי כְשָׁמְעָם דְּבָרֶיהָ וַיִּשְּׁקוּ יָדֶיהָ וַיְשִׂמוּהָ בַתֵּבָה אַחֲרֵי אֲשֶׁר הִכּוּהָ הַכֵּה וּפָצוֹעַ. וְאַחַר הָלְכוּ אִתָּהּ אֶל מַחֲנֵה הַמֻּשְׂלָמִים.

 

כא. תַּחְבְּלָנִית בְּמַחֲנֵה הָעַרְבִים.    🔗

וְהַמֻּשְׂלָמִים לָקְחוּ אֶת-כָּל- אֲשֶׁר מָצְאוּ בִסְפִינוֹת אוֹיְבֵיהֶם לָהֶם לְשָׁלָל, וְאַחַר יָשְׁבוּ וַיְשׂוֹחֲחוּ אִישׁ אֶל רֵעֵהוּ. וַיֹּאמֶר דַּו אַל מַכָּן אֶל אָחִיו: אָכֵן עֲזָרָנוּ הָאֱלֹהִים בִּגְלַל יָשְׁרֵנוּ וְאַחְדוּתֵנוּ. וַיֹּאמֶר שַׁרְכָּן: יְהִי שֵׁם יְיָ מְבֹרָךְ כִּי דִּן דִּינֵנוּ וְנָקַם נִקְמָתֵנוּ מִידֵי הַכּוֹפְרִים הָאֵלֶּה. וַיּוֹשֶׁט יָדוֹ לְאָחִיו וַיֹּאמֶר: אָחִי, אִם יִוָּלֵד לְךָ בֵּן וְנָתַתִּי אֶת-בִּתִּי קֻדִּי-פַכָּן לוֹ לְאִשָּׁה. וַיִּשְׂמַח דַּו אַל מַכָּן לְדִבְרֵי אָחִיו וַיְבָרְכוּ אִישׁ אֶת-אָחִיו בְּנִצָּחוֹן עַל אוֹיְבֵיהֶם. וְהַוָּזִיר דִּנְדָּן בֵּרַךְ אֶת-שְׁנֵיהֶם וַיֹּאמֶר אֲלֵיהֶם: דְּעוּ נָא, יְדִידַי הַמְּלָכִים, כִּי אָכֵן עֲזָרָנוּ הָאֱלֹהִים יַעַן כִּי מָסַרְנוּ נַפְשֵׁנוּ לִכְבוֹד שְׁמוֹ הַגָּדוֹל. וְעַתָּה אֵין טוֹב לָנוּ מֵאֲשֶׁר נִרְדֹף אַחֲרֵי אוֹיְבֵינוּ וְנָצוּר עֲלֵיהֶם וְנִלָּחֵם בָּם, אוּלַי יִהְיֶה אֱלֹהִים עִמָּנוּ וֲעֲקָרְנוּם מִשֹּׁרֶשׁ. וְאִם טוֹב בְּעֵינֵיכֶם רְדוּ אֶל הַסְּפִינוֹת הָאֵלֶּה וֲהֲלַכְתֶּם בָּהֶן בַּיָּם וַאֲנַחְנוּ נֵלֵךְ בַּיַּבָּשָׁה וְחִכִּינוּ אִישׁ לְרֵעֵהוּ עַד אֲשֶׁר נִפָּגֵשׁ שָׁם.

וַיְצַו דַּו אַל מַכָּן אֶת-צְבָאוֹ לָלֶכֶת, וַיֵּלְכוּ לְהִלָּחֵם עַל קֻשְׁטַנְדִּינָה. וַיֵּלְכוּ שְׁלֹשֶׁת יָמִים דֶּרֶךְ מִדְבַּר צִיָּה וְצִמָּאוֹן עַד הַגִּיעָם אֶל מִישׁוֹר רְחַב יָדַיִם, וּבוֹ כָל-טוּב, עֵינוֹת מַיִם חַיִּים, וּפֵרוֹת עֵצִים רַעֲנָנִּים, וְכָל הָאָרֶץ כְּגַן עֵדֶן לִפְנֵיהֶם. וַיְהִי כִרְאוֹת דַּו אַל מַכָּן אֶת-הַמִּישׁוֹר בְּעֵצָיו הָעֲבֻתִּים וּבִפְרָחָיו הַחֲמוּדִים וַיִּקְרָא לְשַׁרְכָּן אָחִיו: הֵן גַּם בְּדַמֶּשֶׂק אֵין כַּמָּקוֹם הַזֶּה, וְעַתָּה אַל נִסַּע מִזֶּה עַד עֲבֹר שְׁלֹשֶׁת יָמִים לְמַעַן יָנוּחוּ אַנְשֵׁי צִבְאוֹת הָאִשְׂלָם וְיַחֲלִיפוּ כֹחַ לַמִּלְחָמָה עִם הַכּוֹפְרִים הַזֵּדוֹנִים. וַיַּעֲשׂוּ כֵן.

וַיְהִי בְּשִׁבְתָּם בַּמָּקוֹם וְהִנֵּה נִשְׁמְעוּ קוֹלוֹת מֵרָחוֹק. וַיִּשְׁאַל דַּו אַל מַכָּן עַל זֹאת וַיֻּגַּד לוֹ לֵאמֹר: זֹאת אֹרְחַת סוֹחֲרִים מִבְּנֵי עָרֵי דַמֶּשֶׂק אֲשִׁר יָשְׁבוּ בַמָּקוֹם הַזֶה לָנוּחַ, וְאוּלַי פָּגְעוּ בָהֶם אַנְשֵׁי צְבָאֵינוּ וַיִּקְּחוּ דָבָר מִמַּרְכֻּלְתָּם אֲשֶׁר אִתָּם. וַיְהִי כַעֲבֹר רְגָעִים אֲחָדִים וַיָּבוֹאוּ הַסּוֹחֲרִים לִפְנֵי הַמֶּלֶךְ וְהֵם צוֹעֲקִים וְקוֹרְאִים לְעֶזְרָה, וַיְצַו הַמֶּלֶךְ וַיּוּבְאוּ לְפָנָיו וַיֹּאמְרוּ אֵלָיו: אֲדוֹנֵנוּ הַמֶּלֶךְ, הָיֹה הָיִינוּ בְאַרְצוֹת הַכּוֹפְרִים וְאִישׁ לֹא נָגַע בָּנוּ לְרָעָה, וְאֵיכָכָה זֶה יִגְזְלוּ אַחֵינוּ הַמֻּשְׂלָמִים מִמֶּנּוּ אֶת-רְכוּשֵׁנוּ? כִּי אַךְ רָאוּנוּ צִבְאוֹתֶיךָ קְרֵבִים אֲלֵיהֶם עָטוּ אֵלֵינוּ, וַיִּקְחוּ כָל-אֲשֶׁר אִתָּנוּ. וַיּוֹצִיאוּ לוֹ סֵפֶר מֶּלֶךְ קֻשְׁטַנְדִּינָה, וַיִּקָּחֵהוּ שַׁרְכָּן וַיִּקְרְאֵהוּ וַיֹּאמֶר אֲלֵיהֶם: הֵרָגְעוּ נָא, כִּי הָשֵׁב נָשִׁיב לָכֶם כָּל-אֲשֶׁר לֻקַּח מִכֶּם, אַךְ לָמָּה זֶה הוֹבַלְתֶּם מַרְכֻּלְתְּכֶם אֶל אַרְצוֹת הַכּוֹפְרִים? וַיֹּאמְרוּ אֵלָיו: מֵהָאֱלֹהִים הָיְתָה דַרְכֵּנוּ זֹאת לְמַעַן נַשִּׂיג בָּהּ אֵת אֲשֶׁר לֹא הִשִּׂיג עַד כֹּה אַף אֶחָד מֵהַנּוֹצְרִים וְגַם לֹא אַתֶּם בְּמִלְחַמְתְּכֶם הָאֲיֻמָּה. וַיֹּאמֶר אֲלֵיהֶם שַׁרְכָּן: וּמָה הִשַּׂגְתֶּם? וַיֹּאמְרוּ: לֹא נוּכַל לְהַגִּיד זֹאת בִּלְתִּי אִם לַאֲדוֹנֵנוּ הַמֶּלֶךְ לְבַדּוֹ פֶן יְבֻלַּע לָנוּ וּלְכָל-הַמֻּשְׂלָמִים הַנִּמְצָאִים עַל אַדְמַת הַנּוֹצְרִים.

וַיְצַו דַו אַל מַכָּן וְשַׁרְכָּן וַיֵּצְאוּ כָל-הַנִּצָּבִים עֲלֵיהֶם, וַיַּגִּידוּ לָהֶם הַמִּתְנַכְּרִים אֶת-כָּל-דְּבַר הֶחָסִיד כְּכָל-אֲשֶׁר שָׂמָה תַּחְבְּלָנִית הַקּוֹסֶמֶת בְּפִיהֶם, אַף בָּכוּ עַד הוֹרִידָם דְּמָעוֹת מֵעֵינֵיהֶם. וּלְבַב שַׁרְכָּן הוֹמֶה לֶחָסִיד וּלְגוֹרָלוֹ, וַתִּתְעוֹרֵר בְּקִרְבּוֹ הַקִּנְאָה לֵאלֹהִים וַיֹּאמֶר אֲלֵיהֶם: הַהִצַּלְתֶּם אוֹתוֹ אוֹ עוֹדֶנוּ בַּמִּנְזַר? וַיֹּאמְרוּ: בָּרוּךְ יְיָ כִּי הִצִּילָהוּ עַל יָדֵינוּ, וְאֶת-בַּעַל הַמִּנְזַר הָרַגְנוּ, כִּי יָרֵאנוּ לְנַפְשֵׁנוּ, וְאַחַר מִהַרְנוּ לִבְרֹחַ מֵאֵימַת אוֹיְבֵינוּ. אַף נוֹדַע לָנוּ מִפִּי אַנְשֵׁי אֱמֶת כִּי יֶשְׁנָם בַּמִּנְזָר הַזֶּה אַלְפֵי כִכְּרֵי-כֶסֶף וְזָהָב וַאֲבָנִים יְקָרוֹת.

וְכַאֲשֶׁר כִּלּוּ דִבְרֵיהֶם הֵבִיאוּ אֶת-הַתֵּבָה וַיּוֹצִיאוּ מִמֶּנָּה אֶת-הָאֲרוּרָה, וְהִיא רָזָה וּשְׁחוֹרָה וְהַכְּבָלִים עָלֶיהָ. וַיְהִי כַאֲשֶׁר רָאָה דַּו אַל מַכָּן וְכָל-אֲשֶׁר אִתּוֹ אוֹתָהּ וְאֶת-עוֹר מִצְחָהּ אֲשֶׁר קָרַן וַיֵּדְעוּ כִּי אָכֵן אִישׁ אֱלֹהִים קָדוֹשׁ לִפְנֵיהֶם, וַיֵּבְךְּ דַּו אַל מַכָּן וְאָחִיו בְּכִי גָדוֹל, וְאַחַר נִגְּשׁוּ וַיִּשְּׁקוּ יָדֶיהָ וְרַגְלֶיהָ, וַתִּרְמֹז לָהֶם לַחֲדֹל מִבְּכִי וְלִשְׁמֹעַ דְּבָרֶיהָ. וַיִּשְׁמְעו בְקוֹלָהּ וַיַּחְדְּלוּ מִבְּכוֹת, וַתֹּאמֶר: דְּעוּ לָכֶם, כִּי שָׂמֵחַ אֲנִי בְּכָל-אֲשֶׁר עָשָׂה הָאֵל עִמָּדִי, כִּי כָל-הָרָעָה אֲשֶׁר בָּאַתְנִי הָיְתָה לְמַעַן נַסּוֹתֵנִי, וְכָל-אֲשֶׁר לֹא יִשָּׂא בְדוּמִיָּה עֹל הַצָּרוֹת וְהַמְּצוּקוֹת אֵין לוֹ חֵלֶק לְעוֹלָם הַבָּא. וּמָה רַבָּה תְשׁוּקָתִי לָשׁוּב אֶל אַרְצִי, לֹא-לְמַעַן אֵחָלֵץ מִצָּרוֹתַי כִּי אִם לְמַעַן אוּכַל לָמוּת תַּחַת פַּרְסוֹת סוּסֵי הַלּוֹחֲמִים מִלְחֶמֶת הַקֹּדֶשׁ אֲשֶַׁר בִּמוֹתָם הֵם חַיִּים.

וַיְהִי כְכַלּוֹתָהּ דְּבָרֶיהָ וַתֵּרַדְנָה עֵינֶיהָ דְּמָעוֹת וּמִצְחָהּ הִבְרִיק. וַיָּקָם שַׁרְכָּן אֵלֶיהָ וַיִּשַּׁק יָדָהּ, וַיָּבֵא אֵלֶיהָ אֹכֶל וַתְּמָאֵן לֶאֱכֹל, וַתֹּאמַר: זֶה לִי חֲמֵשׁ עֶשְׂרֵה שָׁנָה אֲשֶׁר לֹא הִפְסַקְתִּי צוֹמִי יוֹמָם, וְאֵיךְ אֹכַל בְּשָׁעָה הַזֹּאת אֲשֶׁר בָּהּ חִלְּצַנִי הָאֵל מִמַּאֲסַר הַכּוֹפְרִים וַיַּרְחֵק מֵעָלַי אֶת-יִסּוּרֵי הַגֵּיהִנּוֹם אֲשֶׁר סָבָלְתִּי? עַתָּה אֲחַכֶּה עַד בּוֹא הַשֶּׁמֶשׁ וְטָעַמְתִּי דָּבָר.

וַיְהִי בְהַגִּיעַ הָעֶרֶב וַיָּבוֹא שַׁרְכָּן וְאָחִיו וַיַּגִּישׁוּ לָהּ אֹכֶל וַיֹּאמְרוּ לָהּ: אֱכֹל-נָא, אֲדוֹנֵנוּ הֶחָסִיד, וַתֹּאמַר: לֹא שַׁעַת אֹכֶל הַשָּׁעָה הָזֹּאת, כִּי אִם שְׁעַת עֲבוֹדַת הָאֵל יִתְבָּרֵךְ, וַתַּעֲמֹד בַּפִּנָּה וַתִּתְפַּלֵּל עַד עֲבֹר הַלַּיְלָה, וַתַּעַשׂ כָּזֹאת שְׁלֹשֶׁת יָמִים וּשְׁלֹשֶׁת לֵילוֹת. וַיְהִי כַאֲשֶׁר רָאָה דַו אַל מַכָּן אֶת-מַעֲשֶׂיהָ וַיַּאֲמֵן בָּהּ וַיֹּאמֶר אֶל שַׁרְכָּן: נִתְקְעָה אֹהֶל לֶחָסִיד הַזֶּה וְנַעֲמִיד אִישׁ לְפָנָיו לְשָׁרְתוֹ. וַיְהִי בַיּוֹם הָרְבִיעִי וַתְּבַקֵּשׁ לְהָבִיא אֵלֶיהָ אֹכֶל וַיַּגִּישׁוּ לָהּ מִכָּל-הַמַּטְעַמִּים הַנְּעִימִים וּמִכָּל-אֹכֶל טוֹב לְמַאֲכָל וְנֶחְמָד לְמַרְאֶה, אַךְ הִיא לֹא אָכְלָה דָּבָר בִּלְתִּי אִם כִּכָּר לֶחֶם בַּמֶּלַח, וְאַחַר שָׁבָה לְצוֹמָהּ וּבַלַּיְלָה עָמְדָה לְהִתְפַּלֵּל. וַיֹּאמֶר שַׁרְכָּן אֶל דַּו אַל מַכָּן אָחִיו: אָכֵן נָזִיר הָאִישׁ מִכָּל-חֲמוּדוֹת הָעוֹלָם, וְלוּלֵא מִלְחֶמֶת הַקֹּדֶשׁ אֲשֶׁר הִנְנִי נִלְחָם, כִּי עַתָּה יָשַׁבְתִּי עַל יָדוֹ לַעֲבוֹדַת הַבּוֹרֵא וּלְשָׁרֵת לְפָנָיו. וְעַתָּה מִשְׁתּוֹקֵק הִנְנִי לָבוֹא אֶל אָהֳלוֹ וּלְשׂוֹחֵחַ אִתּוֹ. וַיֹּאמֶר אֵלָיו דַּו אַל מַכָּן: וְגַם אֲנִי חָפֵץ לִרְאוֹת אֶת-הֶחָסִיד הַזֶּה וּלְדַבֵּר אִתּוֹ, אוּלַי יִתְפַּלֵּל בַּעֲדִי כִּי אֵאָסֵף אֶל עַמִּי בְּמִלְחֶמֶת קֹדֶשׁ זֹאת וְאֶעֱמֹד לִפְנֵי קוֹנִי, כִּי מָאַסְתִּי כְבָר בָּעוֹלָם הַזֶּה.

וַיְהִי בִהְיוֹת הַלַּילָה וַיָּבוֹאוּ אֶל הַמְּכַשֵּׁפָה אֶל אָהֳלָהּ וַיִּמְצָאוּהָ עוֹמֶדֶת וּמִתְפַּלֶּלֶת, וַיָּחֵלּוּ לִבְכּוֹת כִּי נִכְמְרוּ רַחֲמֵיהֶם עָלֶיהָ, וַיִּגְּשׁוּ אֵלֶיהָ, אַךְ הִיא לֹא פָּנְתָה אֲלֵיהֶם עַד הַגִּיעַ חֲצִי הַלָּיְלָה. אָז פָּנְתָה אֲלֵיהֶם וַתִּדְרֹשׁ בִּשְׁלוֹמָם וַתֹּאמֶר אֲלֵיהֶם: לָמָּה זֶה בָאתֶם אֵלָי? וַיֹּאמְרוּ אֵלֶיהָ: אֲדוֹנֵנוּ הֶחָסִיד, הָאִם לֹא שָׁמַעְתָּ קוֹל בְּכִיָּתֵנוּ סְבִיבֶךָ? וַתֹּאמֶר: הָעוֹמֵד לִפְנֵי הָאֱלֹהִים אֵינֶנּוּ בִּמְצִיאוּת בָּעוֹלָם הַזֶּה, וְדָבָר לֹא יִשְׁמַע וְלֹא יִרְאֶה. וַיֹּאמְרוּ: חָפַצְנוּ לִשְׁמֹעַ מִפִּיךְ סִבַּת מַאֲסָרֵךְ, וְגַם לִשְׁמֹעַ תְּפִלָּתֵךְ הַלַּיְלָה הַזֶּה, כִּי טוֹבָה לָנוּ תְּפִלָּתֵךְ מִכָּל-מַלְכוּת קֻשְׁטַנְדִּינָה. וַתַּעַן: חֵי הָאֱלֹהִים כִּי לוּלֵא הֱיִיתֶם אֲמִירֵי הַמֻּשְׂלָמִים אִם אֲדַבֵּר אִתְּכֶם אַף מִלָּה בִּדְבַר מַאֲסָרִי, כִּי תְלוּנוֹתַי הֵן רַק לִפְנֵי הָאֱלֹהִים, דְּעוּ לָכֶם כִּי הָיִיתִי לְפָנִים בִּירוּשָׁלֵם עִם אֲחָדִים מֵהַקְּדוֹשִׁים וּבַעֲלֵי הָעֲסָקִים. וְלֹא הִתְגָאֵיתִי עַל אִישׁ, כִּי חַנַּנִּי הָאֱלֹהִים בְּמִדַּת הָעֲנָוָה. וַיִּקֶר הַמִּקְרֶה כִי הָלַכְתִּי בְּאַחַד הַלֵּילוֹת אֶל שְׂפַת הַיָּם, וָאָשׁוּט עַל פְּנֵי הַמַּיִם, וְהִנֵּה נָחָה עָלַי רוּחַ הָגַּאֲוָה וָאֶתְפָּאֵר בְּנַפְשִׁי לֵאמֹר: מִי יוּכַל כָּמוֹנִי לָשׁוּט עַל פְּנֵי הַמָּיִם? וַיִּקֶשׁ לִבִּי לְמִן הָעֵת הַהִיא. וְהָאֵל הֵבִיא בְלִבִּי אַהֲבַת הַנְּסִיעָה וָאֶסַּע אֶל אֶרֶץ הַיְּוָנִים, וַאֲסוֹבֵב בְּכָל-עֲבָרֶיהָ מֶשֶׁךְ שָׁנָה תְמִימָה, לֹא הִשְׁאַרְתִּי מָקוֹם אֲשֶׁר לֹא עָבַדְתִּי בּוֹ אֶת-הָאֱלֹהִים. וַיְהִי בְהַגִּיעִי אֶל הַמָּקוֹם הַזֶּה וָאַעַל אֶל הָהָר, וְהִנֵּה בוֹ מִנְזָר אַחַד הַכְּמָרִים וּשְׁמוֹ מֶטְרוֹ-חַנָּה. וַיְהִי כַאֲשֶׁר רָאַנִי הַכֹּמֶר וַיֵּצֵא אֵלַי וַיִּשַּׁק יָדַי וְרַגְלַי וַיֹּאמֶר: רְאֵה, הִנֵּה הִתְבּוֹנַנְתִּי לְדַרְכְּךָ לְמִן הַיּוֹם אֲשֶׁר בָּאתָ בוֹ אֶל אַרְצֵנוּ וַתְּעוֹרֵר בִּי אֶת-הָאַהֲבָה לֶאֱמוּנַת הָאִשְׂלָם. וַיִּקָּחֵנִי בְיָדוֹ וַיְבִיאֵנִי אֶל הַמִּנְזָר, וְאַחַר הִכְנִיסַנִי אֶל חֶדֶר אָפֵל. וַיְהִי כַאֲשֶׁר נִכְנַסְתִּי בוֹ וַיֵּצֵא וַיִּנְעַל הַדֶּלֶת בַּעֲדִי, וַיַּעַזְבֵנִי בוֹ אַרְבָּעִים יוֹם וְאַרְבָּעִים לַיְלָה מִבְּלִי אֹכֶל וּמִבְּלִי מַשְׁקֶה, וַיַּחֲשֹׁב כִּי הָמֵת יְמִיתֵנִי בָזֹאת, אַךְ אָנֹכִי נִשְׁאַרְתִּי בַחַיִּים. וַיְהִי בְאַחַד הַיָּמִים וַיָּבֹא אֶל הַמִּנְזָר בַּטֵּרִיק וּשְׁמוֹ דָקְלְיָנוּס וְאִתּוֹ עֲשָׂרָה נְעָרִים וְנַעֲרָה אַחַת וּשְׁמָהּ תְּמָתִיל, הִיא בִּתּוֹ וְהִיא יָפָה מְאֹד, אֵין כְּיָפְיָהּ בְּכָל-הָאָרֶץ. וַיּוֹדִיעֵם הַכֹּמֶר עַל אוֹדוֹתַי, וַיֹּאמֶר הַבַּטֵּרִיק: הוֹצִיאוּהוּ מִשָּׁם כִּי הֵן לֹא נִשְׁאַר מִבְּשָׂרוֹ גַם מַה שֶׁיִּסְכֹּן לִהְיוֹת לְמַאֲכָל לְאַחַד הָעוֹפוֹת. וַיִּפְתְּחוּ דֶּלֶת חַדְרִי הָאָפֵל וַיִּמְצְאוּנִי עוֹמֵד וּמִתְפַּלֵּל וְקוֹרֵא וּמְשַׁבֵּחַ וּמִתְחַנֵּן לִפְנֵי הָאֵל יִתְעַלֶּה שְׁמוֹ. וַיְהִי כַאֲשֶׁר רָאוּנִי כָכָה וַיִּקְרָא מֶטְרוֹ-חַנָּה: אָכַן קוֹסֵם הוּא הָאִישׁ הַזֶּה. וַיְהִי כִשְׁמֹע הָאֲנָשִׁים אֲשֶׁר אִתּוֹ אֶת-דְּבָרָיו וַיָּקוּמוּ כֻלָּם לְהִתְנַפֵּל עָלַי. וַיִּגַּשׁ דָקְלְיָנוּס הוּא וַאֲנָשָׁיו אֵלַי וַיָּכּוּנִי מַכּוֹת נֶאֱמָנוֹת עַד כִּי בִקַּשְׁתִּי נַפְשִׁי לָמוּת. וָאֹמַר לְנַפְשִׁי: אָכֵן זֶה גְמוּל הַמִּתְגָּאֶה בַאֲשֶׁר חֲנָנוֹ הָאֱלֹהִים, וְאַתְּ, נַפְשִׁי, הֵן הִתְגָּאִית וְלֹא יָדַעְתִּי כִּי הָגַּאֲוָה תַּרְעִים אֶת-הָאֱלֹהִים וְתַקְשֶׁה אֶת-הַלֵּב וְתַשְׁלִיךְ אֶת-בְּעָלֶיהָ אֶל מוֹקְדֵי שְׁאוֹל.

וַיְהִי אַחֲרֵי כֵן וַיַּאַסְרוּנִי וַיְשִׁיבוּנִי לִמְקוֹמִי. וְשָׁם מַרְתֵּף וַיְשַׁלְשְׁלוּ אֵלַי פַּעַם בִּשְׁלֹשָה יָמִים כִּכַּר לֶחֶם שְׂעוֹרִים וְכוּסְמִים. וּבְכָל-חֹדֶשׁ אוֹ חָדְשַׁיִם יָבוֹא הַבַּטֵּרִיק אֶל הַמִּנְזָר הוּא וּבִתּוֹ תְּמָתִיל אֲשֶׁר גָּדְלָה וַתְּהִי לְבַת אַרְבַּע וְעֶשְׂרִים שָׁנָה, וְאֵין בְּכָל-אַרְצֵנוּ וּבְכָל-אֶרֶץ יָוָן יָפָה מִמֶּנָּה. וְאָבִיהָ יָרֵא מִפְּנֵי הַמֶּלֶךְ פֶּן יִקָּחֶנָּה מִמֶּנּוּ. וְהִיא הִתְמַסְּרָה לִמְשִׁיחֵנוּ. וַתִּסַּע עִם אָבִיהָ וְהִיא לְבוּשָׁה בִּגְדֵי גֶבֶר פָּרָשׁ וְלֹא יָדְעוּ רוֹאֶיהָ כִּי אָכֵן אִשָּׁה הִיא. וְאָבִיהָ אָצַר כָּל-אוֹצְרוֹתָיו בַּמִּנְזַר הַזֶּה, וְאָנֹכִי רָאִיתִי בוֹ כָּל-סְגֻלּוֹת הַכֶּסֶף וְהַזָּהָב וְהָאֲבָנִים הַיְקָרוֹת וְכָל-שְׂכִיּוֹת הַחֶמְדָּה אֲשֶׁר לֹא יָדַע מִסְפָּרָם בִּלְתִּי הָאֵל לְבַדּוֹ, וְעַתָּה הֵן לָכֶם מִשְׁפַּט הַבְּכוֹרָה עַל כָּל-אֵלֶּה מֵאֲשֶׁר לַכּוֹפְרִים הָאֵלֶּה. לְכוּ וּקְחוּ כָל-אֲשֶׁר בַּמִּנְזַר הַזֶּה וְחִלַּקְתֶּם אוֹתוֹ בֵין הַמַּאֲמִינִים, וּבְיִחוּד בֵּין הַמִּתְנַדְּבִים, לְמִלְחֶמֶת הַקֹּדֶשׁ.

וַתּוֹסֶף וַתֹּאמֶר: שָׁנִים אַחֲרֵי שָׁנִים עָבְרוּ עָלַי וְאָנֹכִי כָלוּא וְלֹא אֵצֵא, עַד אֲשֶׁר הִגִּיעוּ הַסּוֹחֲרִים הָאֵלֶּה אֶל קֻשְׁטַנְדִּינָה וַיִּמְכְּרוּ אֶת-סְחוֹרוֹתֵיהֶם, וּבְשִׁבְתָּם בַּחֲדַר מְלוֹנָם פָּתַח הָאֱלֹהִים אֶת פִּי הַתְּמוּנָה אֲשֶׁר הָיְתָה עַל הַקִּיר בְּרַחֲמָיו עָלַי וַתַּגֵּד לָהֶם עַל אוֹדוֹתַי וְאֵת אֲשֶׁר עֲלֵיהֶם לַעֲשׂוֹת. וַיָּבוֹאוּ אֶל הַמִּנְזָר הַהוּא וַיַּהַרְגוּ אֶת-הַבַּטְרִיק מֶטְרוֹ-חַנָּה אַחֲרֵי אֲשֶׁר יִסְּרוּהוּ יִסּוּרִים קָשִׁים וַיִּסְחָבוּהוּ בִזְקָנוֹ וַיַּרְאֵם אֶת-מְקוֹמִי וַיִּקָּחוּנִי וַיִּבְרָחוּ. וְעַתָּה הִנֵּה מוֹעֵד בּוֹא הַצְּעִירָה תְמָתִיל אֶל הַמִּנְזָר הַהוּא, הוּא לֵיל מָחָר. וּבָאָה כְמִשְׁפָּטָהּ עִם אָבִיהָ וּנְעָרָיו, וְהָיָה אִם תִּרְצוּ וּלְקַחְתֶּם אוֹתִי וְהוֹלַכְתִּיכֶם אֶל מְקוֹם הַמִּנְזָר, וַאֲנִי אֶמְסֹר לָכֶם אֶת-אוֹצְרוֹת הַבַּטְרִיק וְכָל-גְּנָזָיו אֲשֶׁר בָּהָר הַהוּא. אוֹ בוֹא תָבוֹאוּ אֶל הַמִּנְזָר וַאֲרַבְתֶּם שָׁם עַד בּוֹא דָקְלְיָנוּס עִם בִתּוֹ וּלְקַחְתֶּם אוֹתָהּ, כִּי הִיא תִסְכֹּן רַק לַמֶּלֶךְ שַׁרְכָּן אוֹ לְדַו אַל מַכָּן אָחִיו.

וַיְהִי כְשָׁמְעָם אֶת-דְּבָרֶיהָ וַיִּשְׂמָחוּ. רַק הַוָּזִיר דִּנְדָּן לֹא שָׁעָה אֶל דְּבָרֶיהָ, כִּי הָיוּ מַתְמִיהִים, וַיֵּרָאוּ עַל פָּנָיו אוֹתוֹת אִי-הָאֱמוּנָה. וְהַזְּקֵנָה הוֹסִיפָה וַתֹּאמַר: אֲבָל יָרֵא הִנְנִי פֶּן יָבוֹא הַבַּטְרִיק וְרָאָה אֶת-כָּל-הַצָּבָא בַמִּישׁוֹר וְלֹא יָהִין לָבוֹא אֶל הַמִּנְזָר.

וַיֹּאמֶר דַּו אַל מַכָּן: אָנֹכִי אֲצָוֶּה עַל צִבְאוֹתַי לְהִתְקַדֵּם לְעֻמַּת קֻשְׁטַנְדִּינָה, וַאֲנַחְנוּ נִקַּח אִתָּנוּ מֵאָה פָרָשִׁים וְהָלַכְנוּ אֶל הָהָר הַהוּא וְגַם פְּרָדִים נִקַּח אִתָּנוּ לְמַשָּׂא הָאוֹצָרוֹת אֲשֶׁר נִמְצָא בַּמִּנְזָר הַהוּא.

 

כב. הַמִּנְזָר וְהָאוֹצָרוֹת. הַמֶּלֶךְ וְהַוָּזִיר בַּפָּח.    🔗

וַיִּשְׁלַח דַּו אַל מַכָּן וַיִּקְרָא לְרַב-הַשּׁוֹעֲרִים וַיָּבֹא לְפָנָיו הוּא וְשָׂרֵי הַצָּבָא הַתֻּרְכִּים וְהַדֵּילָמִים, וַיֹּאמֶר אֲלֵיהֶם: כְּאוֹר הַבֹּקֶר וַהֲלַכְתֶּם לְנֹכַח קֻשְׁטַנְדִּינָה. אַתָּה רַב-הַשּׁוֹעֲרִים תְּמַלֵּא מְקוֹמִי בְּעֵצוֹת וְתַחְבּוּלוֹת, וְאַתָּה רֻסְתָּם תְּמַלֵּא מְקוֹם אָחִי בַּמַּעֲרָכָה, וְאַל תַּגִּידוּ לָאִישׁ כִּי אֵין פָּנַי הוֹלְכִים בַּקְּרָב עִמָּכֶם, וְאַחֲרֵי שְׁלֹשֶׁת יָמִים נַדְבִּיקְכֶם.

וְהוּא בָחַר לוֹ מֵאָה פָרָשִׁים גִּבּוֹרֵי כֹחַ, וַיִּתְכּוֹנֵן הוּא וְשַׁרְכָּן אָחִיו וְהַוָּזִיר דִּנְדָּן וְהַפָּרָשִׁים וְהַפְּרָדִים וְהַתֵּבוֹת לְמַשָּׂא הָאוֹצָרוֹת – לָלֶכֶת אֶל הַמִּנְזָר אֲשֶׁר הִגִּידָה לָהֶם הַזְּקֵנָה הָאֲרוּרָה.

וַיְהִי בַּבֹּקֶר וַיִּקְרָא רַב-הַשּׁוֹעֲרִים בְּקֶרֶב הַמַּחֲנֶה לְהִתְכּוֹנֵן וְלִנְסֹעַ הָלְאָה, וַיִּסְּעוּ לְנֹכַח קֻשְׁטַנְדִּינָה, וְאִישׁ לֹא יָדַע כִּי נִפְקַד מְקוֹם שַׁרְכָּן וְדַו אַל מַכָּן וְדִּנְדָּן וְכִי הָלְכוּ אֶל הַמִּנְזָר.

וְשַׁרְכָּן וְאָחִיו והַוָּזִיר דִּנְדָּן חִכּוּ עַד הָעֶרֶב, וּבָעֵת הַהִיא נָסְעוּ מִשָּׁם יְדִידֵי תַּחְבְּלָנִית הַנּוֹצְרִים בַּסֵּתֶר, אַחֲרֵי בוֹאָם אֵלֶיהָ וְאַחֲרֵי צַוֹּתָהּ אוֹתָם אֵת אֲשֶׁר יַעֲשׂוּ.

וַיְהִי בַחֲשֹׁךְ הַלַּיְלָה וַתָּקָם הַזְּקֵנָה וַתֹּאמֶר אֶל דַּו אַל מַכָּן וַחֲבֵרָיו: קוּמוּ אִתִּי וְהָלַכְנוּ הָהָרָה, וּקְחוּ עִמָּכֶם מְעַטִּים מֵאַנְשֵׁי הַצָּבָא. וַיִּשְׁמְעוּ בְקוֹלָהּ וַיַּשְׁאִירוּ בְיַרְכְּתֵי הָהָר חֲמִשָּׁה פָרָשִׁים עִמָּהּ וַיֶּחֱזַק כֹּחָהּ בְּלֶכְתָהּ. וַיּאמֶר דַּו אַל מַכָּן: יִתְבָּרֵךְ מַחֲלִיף כֹּחַ הֶחָסִיד הַזֶּה אֲשֶׁר לֹא רָאִינוּ כָמוֹהוּ.

וְתַּחְבְּלָנִית שָׁלְחָה מִכְתָּב עַל כַּנְפֵי יוֹנָה אֶל מֶלֶךְ קֻשְׁטַנְדִּינָה לְהוֹדִיעֵהוּ אֵת אֲשֶׁר קָרָה, וּבְאַחֲרִית מִכְתָּבָהּ אָמְרָהּ: וְעַתָּה כְבוֹא הַמִּכְתָּב אֵלֶיךָ מַהֲרָה וְשִׁלְחָה אֵלַי עֲשֶׂרֶת אֲלָפִים פָּרָשִׁים מִמִּבְחַר גִּבּוֹרֵינוּ, וְהָלְכוּ בְתַחְתִּית הָהָר בַּסֵּתֶר פֶּן יִרְאוּם צִבְאוֹת הַמֻּשְׂלָמִים, וּבָאוּ אֶל הַמִּנְזָר וְהִסְתַּתְּרוּ בוֹ עַד אֲשֶׁר אָבוֹא אֲלֵיהֶם וְאִתִּי מֶלֶךְ הַמֻּשְׂלָמִים וְאָחִיו, כִּי הֶעֱרָמְתִּי עֲלֵיהֶם וּבָאוּ אִתִּי וְעִמָּם הַוָּזִיר דִּנְדָּן וּמֵאָה פָרָשִׁים. וְאָנֹכִי אֶמְסֹר לְיָדָם צַלְבֵי הַזָּהָב אֲשֶׁר בַּמִּנְזָר, וְאֶת הַכֹּמֶר מֶטְרוֹ-חַנָּה אֶהֱרֹג, כִּי מִבִּלְעֲדֵי זֹאת לֹא תִכּוֹן עָרְמָתִי. וְהָיָה בְכַלּוֹתִי עֲבוֹדָתִי לֹא יָשׁוּב מֵהַמֻּשְׂלָמִים אֶל אָרְצָם לֹא דַיָּר וְלֹא נוֹפֵחַ בָּאֵשׁ. וְהָיָה מֶטְרוֹ-חַנָּה כַפָּרַת הָאֻמָּה הַנּוֹצְרִית, וְהַתּוֹדָה לִמְשִׁיחֵנוּ בְּרֵאשִׁית וּבְאַחֲרִית. וַיְהִי בְּהַגִּיעַ הַסֵּפֶר אֶל קֻשְׁטַנְדִּינָה וַיָּבֵא רַב יוֹנֵי-הַדֹּאַר אֶת הַמִּכְתָּב אֶל הַמֶּלֶךְ אַפְרִידוֹן וַיְמַהֵר וַיִּשְׁלַח אֶת-הַצָּבָא, וַיִּתֵּן סוּס וּפֶרֶד לְאִישׁ, וְצֵידָה לַדֶּרֶךְ, וַיְצַוֵּם לָלֶכֶת אֶל הַמִּנְזָר

וְהַמֶּלֶךְ דַּו אַל מַכָּן וְאָחִיו שַׁרְכָּן וְהַוָּזִיר דִּנְדָּן וּצְבָאָם הִגִּיעוּ אֶל הַמִּנְזָר. וַיֵּצֵא הַכֹּמֶר מֶטְרוֹ-חַנָּה לְקַדֵּם פְּנֵיהֶם. וַתִּקְרָא תַּחְבְּלָנִית אֲלֵיהֶם: הִרְגוּ אֶת-הָאָרוּר הַזֶּה! וַיַּהַרְגוּהוּ. וְאַחַר הָלְכָה אִתָּם אֶל מְקוֹם הָאוֹצָר וַיּוֹצִיאוּ מִשָּׁם כָּל-סְגֻלּוֹת הַיְקָר וַיְשִׂימוּן בַּתֵּבוֹת וַיִּטְעֲנוּן עַל הַפְּרָדִים. אַךְ תְמָתִיל לֹא בָאָה לֹא הִיא וְלֹא אָבִיהָ מִפַּחֲדָם מִפְּנֵי הַמֻּשְׂלָמִים. וַיִּשָּׁאֵר דַּו אַל מַכָּן יוֹשֵׁב וּמְחַכֶּה לָהּ כָּל-הַיּוֹם הַהוּא וּמָחֳרָתוֹ וּמָחֳרָתָיו. וַיֹּאמֶר אֵלָיו שַׁרְכָּן: אָחִי, לִבִּי חָרֵד לְצִבְאוֹת הַמֻּשְׂלָמִים אֲשֶׁר עֲזַבְנוּם לְבַדָּם. וַיֹּאמֶר אָחִיו: הֵן אֶת- הָרְכוּשׁ לָקַחְנוּ לָנוּ, וּתְמָתִיל לֹא תָבוֹא הֵנָּה אַחֲרֵי הַטֶּבַח אֲשֶׁר עָרַכְנוּ לְצִבְאוֹת הַנּוֹצְרִים. עָלֵינוּ אֵפוֹא לָלֶכֶת מִזֶּה וְלִשְׂמֹחַ בַּאֲשֶׁר חָנַן אֱלֹהִים אוֹתָנוּ, אוּלַי יִשְׁלַח לָנוּ אֶת-עֶזְרָתוֹ וְלָכַדְנוּ גַם אֶת-קֻשְׁטַנְדִּינָה. וַיֵּרְדוּ מִן הָהָר. וְתַּחְבְּלָנִית רָאֲתָה כִּי צִבְאוֹת הַיְּוָנִים טֶרֶם בָּאוּ, אַךְ לֹא יָכְלָה לְמָנְעָם עוֹד מִלֶּכֶת כִּי אָמְרָה פֶּן יִפְקְחוּ עֵינֵיהֶם וְרָאוּ כִי הֶעֱרִימָה עֲלֵיהֶם וַהֲרָגוּהָ. וַיֵּלְכוּ עַד אֲשֶׁר הִגִּיעוּ אֶל פִּי הַגַּיְא, וְהִנֵּה הֵגִיחוּ מִשָּׁם עֲשֶׂרֶת אַלְפֵי הַפָּרָשִׁים אֲשֶׁר שָׁלַח אַפְרִידוֹן וַיַּקִּיפוּם מִכָּל-עֵבֶר.

וַיַּרְא דַּו אַל מַכָּן ושַׁרְכָּן וְדִּנְדָן אֶת-כָּל-הַחַיִל הָרַב וַיֹּאמְרוּ: מִי זֶה הוֹדִיעַ אֶת-כָּל-הַצְּבָאוֹת הָאֵלֶּה אֶת-מְקוֹמֵנוּ? וַיֹּאמֶר שַׁרְכָּן: לֹא עֵת דְּבָרִים הָרֶגַע הַזֶּה, כִּי זְמַן הַכּוֹת בַּחֶרֶב וְיָרֹה בַחִצִּים. אִזְּרוּ חַיִל וְאַמְּצוּ רוּחֲכֶם כִּי הַגַּיְא הַזֶּה הוּא הוּא כְּדֶרֶךְ אֲשֶׁר לָהּ שְׁנֵי פְתָחִים; וְחֵי אַלְפֵי הָעַרְבִים וְהַפַּרְסִים כִּי לוּלֵא הָיָה הַמָּקוֹם צַר כִּי עַתָּה כִלִּיתִים וְלוּ הָיוּ מְאַת אֶלֶף פָּרָשִׁים. וַיֹּאמֶר דַּו אַל מַכָּן: לוּ יָדַעְנוּ זֹאת מֵרֹאשׁ כִּי אָז לָקַחְנוּ עִמָּנוּ חֲמֵשֶׁת אֲלָפִים פָּרָשִׁים. וַיַּעַן דִּנְדָּן: לוּ הָיוּ עִמָּנוּ גַם עֲשֶׂרֶת אֲלָפִים פָּרָשִׁים בַּמָּקוֹם הַצַּר הַזֶּה לֹא יָכְלוּ לְעָזְרֵנוּ בִּמְאוּמָה, כִּי מַכִּיר הִנְנִי אֶת- הַגַּיְא הַזֶּה וְצָרוּתוֹ, כִּי יָצָאתִי בוֹ לַמִּלְחָמָה יַחַד עִם אֲבִיכֶם בִּימֵי מְצוֹרֵנוּ עַל קֻשְׁטַנְדִּינָה וַנִּחַן בּוֹ, וּבוֹ מַיִם קָרִים מִשֶּׁלֶג. וְעַתָּה נָחִישָׁה מַעֲשֵׂינוּ לְמַעַן נֵצֵא מֵהַמֵּצַר הַזֶּה בְטֶרֶם יִרְבּוּ עָלֵינוּ צִבְאוֹת הַכּוֹפְרִים וְעָלוּ בְרֹאשׁ הָהָר וְיָרוּ עָלֵינוּ אֲבָנִים. וַיָּחֵלּוּ לְמַהֵר לָצֵאת מֵהַמֵּצַר הַהוּא, וַיַּבֵּט אֲלֵיהֶם הֶחָסִיד וַיֹּאמֶר לָהֶם: מַה-כָּל הַחֲרָדָה הַזֹּאת? הֵן יְצָאתֶם לַמִּלְחָמָה לְקִדּוּשׁ הַשֵּׁם וּכְבָר נִבְהַלְתֶּם! וְאָנֹכִי נִשְׁאַרְתִּי אָסוּר חֲמֵשׁ עֶשְׂרֶה שָׁנָה מִתַּחַת לָאֲדָמָה וְלֹא פָצִיתִי פִי בִתְלוּנָה עַל הָאֱלֹהִים בְּכָל-אֲשֶׁר עָבַר עָלַי. הִלָּחֲמוּ מִלְחֶמֶת אֱלֹהִים וְכָל-אֲשֶׁר יִפֹּל חָלָל מִכֶּם תִּהְיֶה מְנוּחָתוֹ בְּגַן עֵדֶן הָאֱלֹהִים, וַאֲשֶׁר יַפִּיל חֲלָלִים יָרוּם כְּבוֹדוֹ בָאָרֶץ. וַיְהִי בְשָׁמְעָם אֶת-הַדְּבָרִים הָאֵלֶּה מִפִּי הֶחָסִיד וַיֶּאֱמַץ לִבָּם וַיִּשָּׁאֲרוּ בִמְקוֹמָם עַד אֲשֶׁר הִתְנַפְּלוּ הַכּוֹפְרִים עֲלֵיהֶם מִכָּל-עֲבָרִים וַתִּשְׂחַקְנָה הַחֲרָבוֹת בְּצַוָארֵיהֶם, וְכוֹס הַמָּוְתָה סַבָּה בֵינֵיהֶם.

וַיַּהַרְגוּ הַמֻּשְׂלָמִים בְּשֵׁם הָאֱלֹהִים הֶרֶג רַב. וְדַו אַל מַכָּן מַתִּיז רָאשֵׁי גִּבּוֹרֵיהֶם וּמַשְׁלִיכָם חֲמִשָּׁה חֲמִשָּׁה וַעֲשָׂרָה עֲשָׂרָה עַד אֲשֶׁר כִּלָּה מֵהֶם לְאֵין מִסְפָּר. וַיְהִי הוּא עוֹדֶנּוּ עוֹשֶׂה מַעֲשֵׂהוּ וְהִנֵּה רָאָה אֶת-הָאֲרוּרָה מוֹרָה בְחַרְבָּהּ אֶל צִבְאוֹתָיו וּמְחַזֶּקֶת לִבָּם, וְכַאֲשֶׁר הֵעִיף עֵינָיו מִמֶּנָּה רָמְזָה לַנּוֹצְרִים לַהֲרֹג אֶת-שַׁרְכָּן. וַיִּפְנוּ אֵלָיו חֲבוּרָה אַחֲרֵי חֲבוּרָה לְהָרְגוֹ, וְהוּא מִתְנַפֵּל עֲלֵיהֶם וּמַבְרִיחָם. וַיַּחֲשֹׁב כִּי נִצְחוֹנוֹ עֲלֵיהֶם אָכֵן בָּא לְרֶגֶל בִּרְכַּת הֶחָסִיד. וַיֹּאמֶר בְּלִבּוֹ: אָכֵן הִשְׁקִיף הָאֵל עַל הֶחָסִיד הַזֶּה בְּעֵין הַשְׁגָּחָתוֹ, וְגָבְרִי עַל הַכּוֹפְרִים אָכֵן הוּא בִגְלַל כַּוָּנָתִי הַטְּהוֹרָה. וַיּוֹסִיפוּ לְהִלָּחֵם כָּל-הַיּוֹם עַד הָעָרֶב.

וַיְהִי בְהַגִּיעַ הַלַּיְלָה וַיִּסָּתְרוּ בְתוֹךְ מְעָרָה בַּגַּיְא הַהוּא, וַיִּתְפָּקְדוּ וַיִּרְאוּ כִּי נָפְלוּ מֵהֶם בַּיּוֹם הַהוּא חֲמִשָּׁה וְאַרְבָּעִים אִישׁ. וַיְחַפְּשׂוּ אַחֲרֵי הֶחָסִיד וְלֹא מְצָאוּהוּ וַיֵּצֶר לָהֶם מְאֹד וַיֹּאמְרוּ: אוּלַי נָפַל חָלָל עַל קִדּוּשׁ הַשֵּׁם. וְשַׁרְכָּן אָמַר: אָנֹכִי רְאִיתִיו בְּעוֹדְדוֹ אֶת-פָּרָשֵׁינוּ וּבַהֲגִנּוֹ עֲלֵיהֶם בִּפְסוּקֵי הַקֻּרְאָן.

עוֹדָם מְדַבְּרִים וְהִנֵּה הָאֲרוּרָה בָאָה וּבְיָדָהּ רֹאשׁ הַמְּפַקֵּד הַגָּדוֹל, הַמְּפַקֵּד עַל עֶשְׂרִים אֶלֶף פָּרָשִׁים. וְהוּא הָיָה גִבּוֹר אָיֹם וְשָׂטָן מְחַבֵּל, וַיַּהַרְגֵהוּ אַחַד הַתֻּרְכִּים בְּחִצּוֹ וַיּוֹרֶד הָאֱלֹהִים אֶת-נַפְשׁוֹ שְׂאוֹלָה. וַיְהִי בִרְאוֹת הַכּוֹפְרִים אֶת אֲשֶׁר עָשָׂה הַמֻּשְׂלָם הַזֶּה בַּאֲדוֹנֵיהֶם וַיִּתְנַפְּלוּ כֻלָּם עָלָיו וַיְבַתְקוּהוּ בְחַרְבוֹתָם וַיַּעַל הָאֵל אֶת-נַפְשׁוֹ אֶל גַּן-הָעֵדֶן. וַתָּבֹא הָאֲרוּרָה וַתִּכְרֹת רֹאשׁ הַמְּפַקֵּד וַתְּבִיאֵהוּ וַתַּשְׁלִיכֵהוּ לְרַגְלֵי שַׁרְכָּן וְדַו אַל מַכָּן וְדִּנְדָּן. וַיְהִי כַּאֲשֶׁר רָאָה שַׁרְכָּן אֶת-זֹאת וַיִּקְפֹּץ מִמְּקוֹמוֹ וַיַּעֲמֹד וַיִּקְרָא: בָּרוּךְ הָאֱלֹהִים אֲשֶׁר זִכָּנוּ לָשׁוּב לִרְאוֹתְךָ, אֲדוֹנֵנוּ הֶחָסִיד הַגָּדוֹל. וַתֹּאמֶר הַזְּקֵנָה: בָּנַי, הַיּוֹם הִתְפַּלַלְתִּי אֶל הָאֱלֹהִים כִּי יְזַכֵּנִי לֵהָרֵג בַּמַעֲרָכָה הַזֹּאת עַל קִדּוּשׁ שְׁמוֹ, וָאַשְׁלִיךְ נַפְשִׁי בֵין צִבְאוֹת הַכּוֹפְרִים וַתִּפֹּל אֵימָתִי עֲלֵיהֶם, וַיְהִי כַּאֲשֶׁר עֲזַבְתֶּם אֶת-הַמַּעֲרָכָה וָאֲקַנֵּא לָכֶם וָאֶתְנַפֵּל עַל הַמְפַקֵּד הַגָּדוֹל הַיָּקָר בְּעֵינֵיהֶם כְּאֶלֶף פָּרָשִׁים וָאַתִּיז רֹאשׁוֹ, וְאַף אֶחָד מֵהַכּוֹפְרִים לֹא יָכֹל לָגֶשֶׁת עָדַי, וָאָבִיא אֲלֵיכֶם אֶת-רֹאשׁוֹ לְמַעַן תֶּחֱזַק רוּחֲכֶם לְהוֹסִיף לְהִלָּחֵם עַל קִדּוּשׁ הַשֵּׁם וּלְרַצּוֹת בְּחַרְבוֹתֵיכֶם אֶת- רִבּוֹן הָעוֹלָמִים, וְאָנֹכִי אֵלְכָה לִי אֶל מַחֲנוֹתֵיכֶם וְלוּ יִהְיוּ עַל יַד שַׁעֲרֵי קֻשְׁטַנְדִּינָה וְאָבִיא אֲלֵיכֶם עֶשְׂרִים אֶלֶף פָּרָשִׁים אֲשֶׁר יַכְרִיתוּ אֶת-הַכּוֹפְרִים הָאֵלֶּה פַּעַם אֶחַת. וַיֹּאמֶר שַׁרְכָּן: וְאֵיךְ תֵּלֵךְ אֲלֵיהֶם, אֲדוֹנִי הֶחָסִיד? הֵן הַגַּיְא מָלֵא כוֹפְרִים מִכָּל-עֵבֶר.

וַתֹּאמֶר הָאֲרוּרָה: הָאֱלֹהִים יַסְתִּירֵנִי מֵעֵינֵיהֶם וְלֹא יִרְאוּנִי, וַאֲשֶׁר יִרְאֵנִי לֹא יָהִין לִקְרֹב אֵלַי, כִּי בָרֶגַע הַהוּא אֶתְפַּשֵּׁט מִגַּשְׁמִיּוּתִי בְּשֵׁם אֱלֹהִים, וְהָרַג אֶת-אוֹיְבִי בִּמְקוֹמִי. וַיֹּאמֶר שַׁרְכָּן: אָכֵן צָדַקְתָּ, הֶחָסִיד, כִּי רָאִיתִי זֹאת בְּעֵינַי, וְאִם תּוּכַל לָלֶכֶת בְּרֵאשִׁית הַלַּיְלָה וְהֵיטַבְתָּ לַעֲשׂוֹת. וַתֹּאמֶר: הָלוֹךְ אֵלֵךְ כְּרֶגַע, וְאִם חָפֵץ אַתָּה לָלֶכֶת אִתִּי וְאִישׁ לֹא יִרְאֲךָ קוּמָה וְנֵלְכָה, וְאִם חָפֵץ גַּם אָחִיךָ לָלֶכֶת אִתָּנוּ וּלְקַחְנוּהוּ גַם הוּא, אַךְ לֹא נִקַּח זוּלָתוֹ כִּי צֵל הַמֵּגֵן לֹא יַסְתִּיר יוֹתֵר מִשְּׁנָיִם. וַיֹּאמֶר שַׁרְכָּן: אָנֹכִי לֹא אֶעֱזֹב אֶת-יְדִידַי, אַךְ אִם חָפֵץ אָחִי לַעֲשׂוֹת זֹאת יַעֲשֶׂה, וְהָלַךְ אִתְּךָ וְנִצַּל מֵהַמֵּצַר הַזֶּה, כִּי הוּא מִבְצַר הַמֻּשְׂלָמִים, וְחֶרֶב רִבּוֹן הָעוֹלָמִים. וְאִם יַחְפֹּץ יִקַּח אִתּוֹ גַם אֶת-הַוָּזִיר דִּנְדָּן אוֹ אִישׁ אַחֵר אֲשֶׁר יִבְחַר בּוֹ, וְיִשְׁלַח אֵלֵינוּ עֲשֶׂרֶת אֲלָפִים פָּרָשִׁים לְעָזְרֵנוּ וּלְחַלְּצֵנוּ מִכַּף הָרְשָׁעִים הָאֵלֶּה, וַיַּחְלִיטוּ לַעֲשׂוֹת כַּדָּבָר הַזֶּה.

וַתֹּאמֶר אֲלֵיהֶם הַזְּקֵנָה: כַּתְּרוּ נָא לִי עַד אֲשֶׁר אֵלֵךְ לִפְנֵיכֶם וְאֶתְבּוֹנֵן בְּמַצַּב הַכּוֹפְרִים וְרָאִיתִי אִם יְשֵׁנִים הֵם אוֹ עֵרִים. וַיֹּאמְרוּ: לֹא תֵצֵא בִּלְתִּי אִם אִתָּנוּ יָחַד. וַתֹּאמֶר: אִם אֶעֱשֶׂה כְּדִבְרֵיכֶם אַל תַּלִּינוּ עָלַי אַחֲרֵי כֵן, וְהָיְתָה תְלוּנַתְכֶם עַל נַפְשְׁכֶם. כִּי אָנֹכִי חוֹשֵׁב כִּי עֲלֵיכֶם לְחַכּוֹת מְעַט עַד אֵדַע צְפוּנֵיהֶם. וַיֹּאמֶר שַׁרְכָּן: טוֹב הַדָּבָר, לְכָה אֲלֵיהֶם, אַךְ אַל תְּאַחֵר כִּי מְחַכִּים אֲנַחְנוּ לָךְ. וַתֵּצֵא תַּחְבְּלָנִית מִלִּפְנֵיהֶם.

וַיְהִי אַחֲרֵי צֵאתָהּ וַיֹּאמֶר שַׁרְכָּן אֶל אָחִיו: לוּלֵא הָיָה הֶחָסִיד אִישׁ פְּלָאוֹת לֹא יָכֹל לַהֲרֹג אֶת-הַמְפַקֵּד הַגִּבּוֹר. הֵן בַּהֲרֵגַת הַמְפַקֵּד הַזֶּה נִשְׁבְּרָה זְרוֹעַ הַכּוֹפְרִים, כִּי הוּא הָיָה גִבּוֹר אָיֹם וְשָׂטָן מְחַבֵּל.
עוֹדָם מְדַבְּרִים וְתַּחְבְּלָנִית שָׁבָה וַתַּבְטִיחֵם כִּי תָּעֹז יָדָם עַל אוֹיְבֵיהֶם הַכּוֹפְרִים. וַיּוֹדוּ לָהּ עַל דְּבָרֶיהָ, וְלֹא יָדְעוּ כִּי אַךְ מִרְמָה וְעָרְמָה בְכָל-מַעֲשֶׂיהָ. וַתֹּאמֶר הָאֲרוּרָה: אַיֵּה דַו אַל מַכָּן מֶלֶךְ הַזְּמַן? וַיֹּאמֶר: הִנֵּנִי. וַתֹּאמֶר: קַח אֶת-וְזִירְךָ וּלְכוּ אַחֲרַי עַד אֲשֶׁר נָבוֹא אֶל קֻשְׁטַנְדִּינָה.

וְתַּחְבְּלָנִית הוֹדִיעָה אֶת- הַכּוֹפְרִים אֶת אֲשֶׁר יָזְמָה לַעֲשׂוֹת וַיִּשְׂמְחוּ מְאֹד וַיֹּאמְרוּ: לֹא נָנוּחַ וְלֹא נִשְׁקֹט עַד אֲשֶׁר נַהֲרֹג אֶת-מַלְכָּם חֵלֶף מְפַקְּדֵנוּ אֲשֶׁר אֵין גִּבּוֹר כָּמוֹהוּ בֵינֵינוּ. וַיֹּאמְרוּ אֶל הָאֲרוּרָה: אִם תָּבִיאִי אֶת-מַלְכָּם אֵלֵינוּ נִקָּחֵהוּ אֶל אַפְרִידוֹן מַלְכֵּנוּ.
וַתֵּלֵּךְ הַזְּקֵנָה וְאִתָּהּ דַּו אַל מַכָּן וְדִנְדָּן, וְהִיא קוֹרְאָה אֲלֵיהֶם: לְכוּ אַחֲרַי בְּשֵׁם הָאֱלֹהִים יִתְעַלֶּה. וַתּוֹסָף לָלֶכֶת עַד בּוֹאָם אֶל תּוֹךְ צִבְאוֹת הַיְּוָנִים, וְחֵיל הַכּוֹפְרִים הִבִּיטוּ אֲלֵיהֶם וְלא נָגְעוּ בָם לְרָעָה, כִּי הָאֲרוּרָה צִוַּתָּם עַל זֹאת. וַיְהִי בִּרְאוֹת דַּו אַל מַכָּן וְהַוָּזִיר דִּנְדָּן כִּי הַכּוֹפְרִים רוֹאִים אוֹתָם וְאֵינָם נוֹגְעִים בָּהֶם וַיֹּאמֶר דִּנְדָּן: חֵי הָאֱלֹהִים, כִּי אַךְ בִּזְכוּת הֶחָסִיד הַזֶּה אֲנַחְנוּ נִצָּלִים. וְדַו אַל מַכָּן אָמַר: חֵי הָאֵל, אַךְ עִוְרִים הֵם הַכּוֹפְרִים הָאֵלֶּה; הֵן אֲנַחְנוּ רוֹאִים אוֹתָם וְהֵם לֹא יִרְאוּנוּ.

הֵם עוֹדָם מְתַנִים צִדְקַת הֶחָסִיד וּתְפִלָּתוֹ וְהִנֵּה הִתְנַפְּלוּ הָאוֹיְבִים עֲלֵיהֶם וַיַּקִּיפוּם וַיִּתְפְּשׂוּם וַיִּקְרְאוּ: הֲיֵשׁ אִתְּכֶם עוֹד זוּלַתְכֶם אַתֶּם הַשְּׁנָיִם? וַיֹּאמֶר דִּנְדָּן: הַאֵינְכֶם רוֹאִים אֶת-הָאִישׁ הַזֶּה אֲשֶׁר לְפָנֵינוּ? וַיֹּאמְרוּ: חֵי הַמָּשִׁיחַ וּכְמָרָיו כִּי אֵינֶנּוּ רוֹאִים זוּלַתְכֶם אִישׁ. וַיֹּאמֶר דַּו אַל מַכָּן: חֵי הָאֱלֹהִים, כִּי אַךְ בָּחֲטָאֵינוּ בָאָה עָלֵינוּ הַצָּרָה הַזֹּאת.

וְהַכּוֹפְרִים שָׂמוּ כְבָלִים לְרַגְלֵיהֶם וַיִּתְּנוּם בִּידֵי אֲנָשִׁים לִשְׁמֹר עֲלֵיהֶם הַלָּיְלָה.

 

כג. גְּבוּרוֹת שַׁרְכָּן בְּמִלְחֲמוֹתָיו.    🔗

וְשַׁרְכָּן לָן בַּלַּיְלָה הַהוּא, וּבַבֹּקֶר הִשְׁכִּים וַיִּתְפַּלֵּל תְּפִלַּת הַשַּׁחַר, וְאַחַר קָם הוּא וְחֵילוֹ וַיִּתְכּוֹנְנוּ לְהִלָּחֵם בַּכּוֹפְרִים. וַיְעוֹדֵד שַׁרְכָּן אֶת-לֵב אַנְשֵׁי חֵילוֹ וַיֵּלְכוּ עַד הַגִּיעָם אֶל מַחֲנֶה אוֹיְבֵיהֶם. וַיְהִי כַאֲשֶׁר רָאוּם הַכּוֹפְרִים מֵרָחוֹק וַיִּקְרְאוּ: הוֹי, הַמֻּשְׂלָמִים! הִנֵּה אָסַרְנוּ אֶת-מַלְכְּכֶם וּוְזִירְכֶם הַהוֹלְכִים לִפְנֵיכֶם. וְעַתָּה אִם תִּמְסְרוּ נַפְשְׁכֶם בְּיָדֵינוּ נוֹבִילְכֶם אֶל מַלְכֵּנוּ וְהִשְׁלִים אִתְּכֶם, וִיצָּאתֶם מֵאַרְצֵנוּ וִשַׁבְתֶּם אֶל אַרְצְכֶם וְלֹא תוֹסִיפוּ לַעֲשׂוֹת אִתָּנוּ רָעָה וְגַם אֲנַחְנוּ לֹא נָרַע לָכֶם, אַךְ אִם לֹא תַחְדְּלוּ מֵהִלָּחֵם בָּנוּ וַהֲרַגְנוּכֶם עַד תֻּמְכֶם. אֵלֶּה הֵם דְּבָרֵינוּ הָאַחֲרוֹנִים.
וַיְהִי כִשְׁמֹעַ שַׁרְכָּן אֶת-דִבְרֵיהֶם וַיֵּדַע כִּי אָכֵן לֻקַּח אָחִיו וְדִּנְדָּן הַוָּזִיר בַּשֶּׁבִי, וַיָּפָג לִבּוֹ וַיֵּבְךְּ, וַתִּרֶף רוּחוֹ וַיֵּדַע כִּי אָבַד שִׂבְרוֹ. וַיֹּאמֶר בְּלִבּוֹ: לָמָּה זֶה לֻקְּחוּ בַשֶּׁבִי? הַאֻמְנָם לֹא מִלְּאוּ חוֹבָתָם כְּלַפֵּי הֶחָסִיד? וּמַָה אִתָּם עַתָּה? וַיִּתְאַזֵּר חַיִל וַיִּלָּחֵם בַּכּוֹפְרִים וַיַּהֲרֹג בָּהֶם רָב, וַיִּוָּדַע בַּיּוֹם הַהוּא מִי הַגִּבּוֹר וּמִי הַחַלָּשׁ, וַתִּשְׁכֹּר חַרְבּוֹ מִדָּם, וְהַכּוֹפְרִים הִתְנַפְּלוּ עֲלֵיהֶם כְּהִתְנַפֵּל הַזְּבוּבִים עַל מַשְׁקֶה. וַיִּלָּחֵם שַׁרְכָּן וַאֲנָשָׁיו מִלְחֶמֶת גִּבּוֹרִים בָּזִים לַמָּוֶת עַד אֲשֶׁר זָרַם הַגַּיְא בְדָמִים, וְהָאָרֶץ מָלְאָה חֲלָלִים.
וַיְהִי בִּהְיוֹת הַלַּיְלָה וַיִּפָּרְדוּ אַנְשֵׁי הַצָּבָא לְמַחְלְקוֹתֵיהֶם וְכָל-גְּדוּד הָלַךְ לִמְקוֹמוֹ. וַיָּשׁוּבוּ הַמֻּשְׂלָמִים אֶל הַמְּעָרָה הַהִיא וְהִנֵּה לֹא נִשְׁאֲרוּ בָם בִּלְתִּי אִם מְעַטִּים, וַיִּבְטְחוּ רַק בָּאֱלֹהִים וּבְחַרְבָּם. וַיִּסְפְּרוּ אֶת-אַנְשֵׁיהֶם וַיִּרְאוּ כִּי נָפְלוּ מֵהֶם חֲמִשָּׁה וּשְׁלֹשִׁים אַדִּירִים אַחֲרֵי הַפִּילָם בְּאוֹיְבֵיהֶם בְּאַלְפֵיהֶם. וַיְהִי כִּרְאוֹת שַׁרְכָּן אוֹתָם בְּרָע וַיֵּצֶר לוֹ, וַיֹּאמֶר לַחֲבֵרָיו: עוּצוּ עֵצָה מַה לַּעֲשׂוֹת. וַיֹּאמְרוּ אֵלָיו חֲבֵרָיו: יַעַשׂ הָאֱלֹהִים אִתָּנוּ כַּטּוֹב בְּעֵינָיו.

וַיְהִי מִמָּחֳרָת וַיֹּאמֶר שַׁרְכָּן אֶל שְׁאֵרִית חֵילוֹ: אִם נֵצֵא לַמִּלְחָמָה לֹא יִשָּׁאֵר מִכֶּם אַף אֶחָד. וְעַתָּה עֲצָתִי הִיא כִּי תִשְׁלְפוּ חַרְבוֹתֵיכֶם וְתֵצְאוּ וְתַעַמְדוּ בְּפֶתַח הַמְּעָרָה לַעֲמֹד עַל נַפְשְׁכֶם כְּנֶגֶד כָּל-אֲשֶׁר יֹאמַר לָגֶשֶׁת אֲלֵיכֶם, וּמִי יוֹדֵעַ, אוּלַי הִגִּיעַ כְּבַר הֶחָסִיד אֶל צִבְאוֹת הַמֻּשְׂלָמִים וּבוֹא יָבוֹא אֵלֵינוּ בַעֲשֶׂרֶת אֲלָפִים פָּרָשִׁים וַעֲזָרָנוּ לַהֲרֹג אֶת-אוֹיְבֵינוּ. וַיֹּאמְרוּ אֵלָיו חֲבֵרָיו: אָכֵן זֹאת הָעֵצָה הַיְעוּצָה. וַיֵּצְאוּ וַיַּעַמְדוּ בְּפֶתַח הַמְּעָרָה מִשְּׁנֵי עֲבָרָיו, וְכָל-אֲשֶׁר אָמַר לָבוֹא אֲלֵיהֶם הֲרָגוּהוּ. וַיָּגֵנוּ עַל פִּי הַמְּעָרָה כָל-הַיּוֹם הַהוּא עַד אֲשֶׁר הִגִּיעַ הַלַּיְלָה בַאֲפֵלָתוֹ. וַיִּשָּׁאֲרוּ עִם שַׁרְכָּן רַק כַּחֲמִשָּׁה וְעֶשְׂרִים אִישׁ. וְהַכּוֹפְרִים אָמְרוּ אִישׁ לְרֵעֵהוּ: עַד מָתַי נוֹסִיף לְהִלָּחֵם? הֵן עָיַפְנוּ כֻלָּנוּ מִמִּלְחַמְתֵּנוּ עִם הַמֻּשְׂלָמִים. וַיֹּאמְרוּ: קוּמוּ וְהִתְנַפַּלְנוּ עֲלֵיהֶם כְּאִישׁ אֶחָד כִּי לֹא נִשְׁאֲרוּ מֵהֶם בִּלְתִּי אִם כַּחֲמִשָּׁה וְעֶשְׂרִים אִישׁ. וְהָיָה אִם לֹא נוּכַל לָהֶם וְהִבְעָרְנוּ בָם אֵשׁ וְנָפְלוּ בְיָדֵינוּ וּלְקַחְנוּם בַּשֶּׁבִי. וְאִם יְמָאֲנוּ וַאֲכָלָתַם הָאֵשׁ, וְהָיוּ לְמָשָׁל בָּאָרֶץ, לֹא יְרַחֲמֵם הַמָּשִׁיחַ וּמְנוּחָתָם לֹא תֵחַד אֶת-מְקוֹם מְנוּחַת הַנּוֹצְרִים. וַיַּעֲשׂוּ כַּדָּבָר הַזֶּה, וַיִּשְׂאוּ עֵצִים אֶל פֶּתַח הַמְּעָרָה וַיַּצִּיתוּ בָם אֵשׁ, וַיֵּדַע שַׁרְכָּן כִּי אָכֵן סָר אֲלֵיהֶם מַר הַמָּוֶת. וַיְהִי הֵם עוֹדָם עוֹשִׂים כֹּה וָכֹה, וְהִנֵּה בָא הַמְפַקֵּד הָרֹאשׁ וַיִּפֶן אֶל הָאוֹמְרִים לְהָרְגָם וַיִּקְרָא: חֵי הַמָּשִׁיחַ, לֹא תִגַּע בָּהֶם יָד בִּלְתִּי אִם הַמֶּלֶךְ אַפְרִידוֹן לְבָדּוֹ, לְמַעַן יַשְׁקִיט בָּם צְמָאוֹ לְדָמָם. וְעַתָּה נְחַיֵּם בַּשְּׁבִי וּנְבִיאֵם אֶל קֻשְׁטַנְדִּינָה וְנִמְסְרֵם בִּידֵי הַמֶּלֶךְ אַפְרִידוֹן וְעָשָׂה בָם כַּאֲשֶׁר תְּאַוֶּה נַפְשׁוֹ. וַיֹּאמְרוּ: כִּדְבָרֶיךָ, אֲדוֹנֵנוּ הַמְפַקֵּד. וַיְצַו וַיַּאַסְרוּם בַּכְּבָלִים, וַיְשִׂימוּם בִּמְקוֹם אֲשֶׁר שָׁם אֲסוּרִים הַמֶּלֶךְ דַּו אַל מַכָּן וְדִנְדָּן, וַיַּפְקִידוּ עֲלֵיהֶם שׁוֹמְרִים לְשָׁמְרָם.

וַיְהִי בִהְיוֹת הַחֹשֶׁךְ וְהָאֲפֵלָה וַיָּחֵלוּ הַכּוֹפְרִים לְהִתְהוֹלֵל וּלְשַׂחֵק וְלִשְׁתּוֹת יַיִן לָרֹב עַד אֲשֶׁר הִתְגּוֹלְלוּ כְשִׁכּוֹרִים. וְשַׁרְכָּן וְדַו אַל מַכָּן אָחִיו אֲסוּרִים, הֵם וְכָל-הַגִּבּוֹרִים אֲשֶׁר אִתָּם. וַיַּבֵּט שַׁרְכָּן אֶל אָחִיו וַיֹּאמֶר אֵלָיו: אָחִי, אֵיךְ נֵחָלֵץ מִצָּרָתֵנוּ? וַיֹּאמֶר דַּו אַל מַכָּן: אָכֵן לֹא יָדַעְתִּי, כִּי הִנְנוּ כַיּוֹם כַּצִּפֳּרִים בַּכְּלוּב. וַיִּקְצֹף שַׁרְכָּן וַיִּרְגַּז, וְהִנֵּה נָמַסּוּ אֲסוּרָיו מֵעַל יָדָיו. וַיְהִי בְּהֵחָלְצוֹ מִכְּבָלָיו וַיָּקָם אֶל רֹאשׁ הַשּׁוֹמְרִים וַיּוֹצִיא מִכִּיסוֹ אֶת-מַפְתְּחוֹת הַכְּבָלִים וַיַּתֵּר אֶת-דַּו אַל מַכָּן וְאֶת-שְׁאֵרִית אַנְשֵׁי צְבָאוֹ. וְאַחַר פָּנָה אֶל דַּו אַל מַכָּן וְאֶל דִנְדָּן וַיֹּאמֶר: הָרוֹג אֶהֱרֹג שְׁלשָׁה מֵהַשּׁוֹמְרִים וְלָקַחְתִּי בִגְדֵיהֶם וּלְבַשְׁנוּם שְׁלָשְׁתֵּנוּ וְדָמִינוּ לַיְּוָנִים וְהָלַכְנוּ בֵינֵיהֶם וְלֹא יַכִּירוּנוּ עַד בּוֹאֵנוּ אֶל צִבְאוֹתֵינוּ וְשַׁבְנוּ לְהַצִּיל אֶת-שְׁאֵרִית פְּלֶיטָתֵנוּ. וְדַו אַל מַכָּן אָמַר: לֹא נְכוֹנָה עֲצָתְךָ, אָחִי, הַפַּעַם, כִּי אִם נַהִרְגֵּם תִּשָּׁמַע נַחֲרָתָם וְהֵקִיצוּ הַכּוֹפְרִים וַהֲרָגוּנוּ. אֵין טוֹב לָנוּ בִּלְתִּי אִם לָצֵאת כֻּלָּנוּ אֶל מִחוּץ לַמֵּצַר בְּחֶשְׁכַת הַלַּיְלָה. וַיִּשְׁמַע שַׁרְכָּן לַעֲצָתוֹ וַיָּקוּמוּ וַיֵּצֵאוּ. וַיְהִי בְהַרְחִיקָם מְעַט מֵהַגַּיְא וַיִּרְאוּ סוּסִים אֲסוּרִים וּבַעֲלֵיהֶם יְשֵׁנִים. וַיֹּאמֶר שַׁרְכָּן לְאָחִיו: יִקַּח-לוֹ כָל-אֶחָד מֵאִתָּנוּ סוּס מֵהַסוּסִים הָאֵלֶּה וְנִמְלָטְנוּ. וְהֵם חֲמִשָּׁה וְעֶשְׂרִים אִישׁ, וַיִּקְחוּ חֲמִשָּׁה וְעֶשְׂרִים סוּס, וְאִישׁ לֹא יָדַע וְלֹא שָׁמַע, כִּי הִפִּיל הָאֱלֹהִים תַּרְדֵּמָה עֲלֵיהֶם.

וַיּוֹסֶף שַׁרְכָּן וַיִּקַּח מִשָּׁם כְּלֵי-מִּלְחָמָה כְּכָל-אֲשֶׁר יָכֹל, חֲרָבוֹת וּרְמָחִים דֵּי צָרְכּוֹ, וַיִּרְכְּבוּ עַל הַסּוּסִים אֲשֶׁר לָקְחוּ וַיִּבְרָחוּ. וַיְהִי בִהְיוֹתָם בְּטוּחִים מִפַּחַד הַכּוֹפְרִים וַיִּפֶן אֲלֵיהֶם שַׁרְכָּן וַיֹּאמֶר: אַחֲרֵי אֲשֶׁר הִסְתִּירָנוּ הָאֱלֹהִים מֵאוֹיְבֵינוּ אַל תִּירְאוּ עוֹד. וְעַתָּה אֲעוּצְכֶם עֵצָה. וַיֹּאמְרוּ: וּמָה הָעֵצָה? וַיֹּאמֶר: חָפֵץ הִנְנִי כִּי תַעֲלוּ עַל הָהָר וְכֻלְּכֶם יַחַד תִּקְרְאוּ בְקוֹל: אַלָּהּ הוּא הָאֱלֹהִים! וּקְרָאתֶם בְּקוֹל: הַמֻּשְׂלָמִים עֲלֵיכֶם, הַכּוֹפְרִים! וְנִבְהֲלוּ כֻלָּם וְחָרְדוּ וְזָעוּ וְלֹא יִמְצְאוּ לָהֶם מָנוֹס, כִּי כֻלָּם שִׁכּוֹרִים, וְחָשְׁבוּ כִּי הִקּיפוּם צִבְאוֹת הַמֻּשְׂלָמִים מִכָּל-עֵבֶר וְהִתְעָרְבוּ בְתוֹכָם, וְהָיְתָה חֶרֶב אִישׁ בְּרֵעֵהוּ בְּשַׁעַת הַמְּהוּמָה וְהַחֲשֵׁכָה בְּטֶרֶם יִתְפַּכְּחוּ מִשִּׁכְּרוּתָם וּמִשְּׁנָתָם. וַיֹּאמֶר דַּו אַל מַכָּן: גַּם הַפַּעַם לֹא טוֹבָה עֲצָתְךָ, אָחִי, וְאָכֵן עָלֵינוּ לָלֶכֶת אֶל צִבְאוֹתֵינוּ מִבְּלִי הוֹצִיא מִפִּינוּ אַף הֶגֶה, כִּי אִם נִקְרָא בְקוֹל יִתְעוֹרְרוּ כְנֶגְדֵּנוּ וְרָדְפוּ אַחֲרֵינוּ וְלֹא יִשְׁלַם אִישׁ מִמֶּנּוּ. וַיַּעַן שַׁרְכָּן: גַּם אִם יִתְעוֹרְרוּ עָלֵינוּ אֵין דָּבָר, וּמִי יִתֵּן וּשְׁמַעְתֶּם לַעֲצָתִי הַטּוֹבָה כִּי עַתָּה יִשָּׁמְדוּ אוֹיְבֵינוּ לְפָנֵינוּ וְעֵינֵינוּ רוֹאוֹת.
וַיַּעֲשׂוּ רֵעָיו כַּאֲשֶׁר דִּבֵּר וַיַּעֲלוּ הָהָרָה וַיִּקְרְאוּ קוֹל רָם, וַיַּעֲנוּ הֶהָרִים בְּהֵדָם. וַיִּשְׁמְעוּ הַכּוֹפְרִים אֶת-קוֹל הַקְּרִיאָה וַיָּחֵלּוּ לִצְעֹק אִישׁ אֶל רֵעֵהוּ וַיָּשִׂימוּ נִשְׁקָם עֲלֵיהֶם וַיֹּאמְרוּ: הִנֵּה הִתְנַפְּלוּ עָלֵינוּ אוֹיְבֵינוּ! וַיָּקוּמוּ וַתְּהִי חֶרֶב אִישׁ בְּרֵעֵהוּ וַיִּפְּלוּ חֲלָלִים רַבִּים, וּבַבֹּקֶר חִפְּשׂוּ אַחֲרֵי הַשְּׁבוּיִים וְלֹא מְצָאוּם וַיֵּבוֹשׁוּ. וַיֹּאמְרוּ אֲלֵיהֶם רָאשֵׁיהֶם: אָכֵן הַשְּׁבוּיִים הָאֵלֶּה עָשׂוּ בָנוּ כָל-הַמַּעֲשִׂים הָאֵלֶּה, וְעַתָּה רִדְפוּ מַהֵר אַחֲרֵיהֶם כִּי תַשִּׂיגוּם, אַל תִּירָאוּ! וַיִּרְכְּבוּ עַל סוּסֵיהֶם וַיִּרְדְּפוּ אַחֲרֵיהֶם וְעוֹד מְעַט וּתְפָסוּם. וַיְהִי כִרְאוֹת דַּו אַל מַכָּן אוֹתוֹ בְרָע וַיִּירָא מְאֹד וַיֹּאמֶר אֶל אָחִיו: אֲשֶׁר יָגֹרְתִּי בָא לָנוּ, וְעַתָּה מַה-כֹּחֵנוּ כִי נִלָּחֵם? וַיִּשְׁתֹּק שַׁרְכָּן. וְדַו אַל מַכָּן יָרַד מֵרֹאשׁ הָהָר וַיִּקְרָא קְרִיאָה גְדוֹלָה: אַלָּהּ הוּא הָאֱלֹהִים! וַיִּקְרְאוּ גַם אֲנָשָׁיו עִמּוֹ וַיֵּלְכוּ לִמְסֹר נַפְשָׁם עַל קִדּוּשׁ שֵׁם הָאֱלֹהִים.

 

כד. הַמְּלָכִים נִפְגָּשִׁים עִם צִבְאוֹתֵיהֶם.    🔗

וַיְהִי הֵם עוֹדָם הוֹלְכִים וְקוֹרְאִים וְהִנֵּה קוֹלוֹת צוֹעֲקִים בְּהַלֵּל וְשֶׁבַח לָאֵל וְלִנְבִיאוֹ. וַיִּפְנוּ אֶל הָמָּקוֹם אֲשֶׁר מִשָּׁם הִגִּיעוּ הַקּוֹלוֹת, וַיִּרְאוּ וְהִנֵּה גְּדוּדֵי הַמֻּשְׂלָמִים בָּאִים. וַיְהִי כַּאֲשֶׁר רָאוּם וַיֶּחֱזַק לִבָּם. וַיִּתְנַפֵּל שַׁרְכָּן עַל הַכּוֹפְרִים בִּקְרִיאַת הַלֵּל וְשֶׁבַח לָאֵל הוּא וַאֲשֶׁר אִתּוֹ, וַתִּגְעַשׁ וַתִּרְעַד הָאָרֶץ. וּצְבָא הַכּוֹפְרִים הִתְפַּזֵּר בְּכָל-עֶבְרֵי הֶהָרִים, וַיִּרְדְפוּ הַמֻּשְׂלָמִים אַחֲרֵיהֶם וַיַּכּוּ בָהֶם וַיַּפִּילוּ חֲלָלִים לָרֹב עַד פְּנוֹת הַיּוֹם. וְאַחַר הִתְקַבְּצוּ הַמֻּשְׂלָמִים יַחַד וַיָּלִינוּ הַלַּיְלָה בְשִׂמְחָה וּבְרִנָּה.

וַיְהִי כְאוֹר הַבֹּקֶר וַיִּרְאוּ אֶת-בַּהְרָם מְפַקֵּד הַדֵּילָמִים וְאֶת-רֻסְתָּם מְפַקֵּד הַתֻּרְכִּים, וְאִתָּם עֶשְׂרִים אֶלֶף פָּרָשִׁים בָּאִים אֲלֵיהֶם כַּאֲרָיוֹת טוֹרְפִים. וַיְהִי כִּרְאוֹתָם אֶת-דַּו אַל מַכָּן וַיֵּרְדוּ הַפָּרָשִׁים מֵעַל סוּסֵיהֶם וַיֵּלְכוּ בָּרֶגֶל, וַיִּגְּשׁוּ אֵלָיו וַיְבָרְכוּהוּ לְשָׁלוֹם וַיִּקְּדוּ וַיִּשְׁתַּחֲווּ אָרְצָה. וַיֹּאמֶר אֲלֵיהֶם דַּו אַל מַכָּן: אָכֵן בָּא לָנוּ נִצְחוֹנֵנוּ הַיּוֹם מֵאֵת הָאֱלֹהִים אֲשֶׁר נָתַן אֶת-אוֹיְבֵינוּ בְיָדֵינוּ. וְאַחַר בֵּרְכוּ אִישׁ אֶת-רֵעֵהוּ לְשָׁלוֹם וּלְשָׂכָר טוֹב בָּעוֹלָם הַבָּא.

וְזֶה דְבַר בּוֹא גְּדוּדֵי הַמֻּשְׂלָמִים אֶל הַמָּקוֹם הַזֶּה:

הָלוֹךְ הָלְכוּ הָאֲמִירִים בַּהְרָם וְרֻסְתָּם וְרַב-הַשּׁוֹעֲרִים עִם מַחֲנוֹת הַמֻּשְׂלָמִים וְהַדְּגָלִים פְּרוּשִׂים וּמְנַפְנְפִים מֵעַל לְרָאשֵׁיהֶם; וַיֵּלְכוּ עַד הַגִּיעָם אֶל קֻשְׁטַנְדִּינָה. וַיְהִי כְהַגִּיעָם שָׁם וַיִּרְאוּ וְהִנֵּה עָלוּ הַנּוֹצְרִים עַל הַחוֹמוֹת לַאֲלָפִים, וַיִּתְבַּצְּרוּ בְכָל-מִבְצַר חָזָק, וַיָּבוֹאוּ כְחוֹל הַיָּם לָרֹב, כִּי הַזְּקֵנָה הוֹדִיעָתַם כִּי קְרוֹבִים הַתֻּרְכִּים לָבוֹא. וַיֹּאמֶר אֲמִיר הַתֻּרְכִּים אֶל אֲמִיר הַדֵּילָמִים: רֵעִי הָאֲמִיר, רַבָּה הַסַּכָּנָה עָלֵינוּ מֵאוֹיְבֵינוּ אֲשֶׁר מֵעַל לַחוֹמוֹת. שָׂא עֵינֶיךָ וּרְאֵה אֶת-הַמִּגְדָּלִים הָרָמִים וְאֶת-הַצָּבָא אֲשֶׁר הוּא כְיָם סוֹאֵן בְּשׂוֹא גַּלָּיו. הַכּוֹפְרִים הָאֵלֶּה הֵם מֵאָה פְעָמִים יוֹתֵר מִמֶּנּוּ בְּמִסְפָּרָם, וּמִי יוּכַל לְהַבְטִיחֵנוּ מִפַּחַד מְרַגֵּל אֲשֶׁר יֵלֵךְ וְיוֹדִיעֵם אֶת-רִפְיוֹן יָדֵינוּ, וְהַמֶּלֶךְ וְאָחִיו וּוְזִירוֹ אֵין פְּנֵיהֶם הוֹלְכִים אִתָּנוּ, וְהִתְנַפְּלוּ עָלֵינוּ וְכִלּוּנוּ לְפִי-חָרֶב. וְעַתָּה זֹאת עֲצָתִי: קַח לְךָ אַתָּה עֲשֶׂרֶת אֲלָפִים פָּרָשִׁים מִבְּנֵי מַוְצֵל וּמִחֵיל הַתֻּרְכִּים וּמַהֲרוּ אֶל מִנְזָר מֶטְרוֹ-חַנָּה לְחַפֵּשׂ אַחֲרֵי אַחֵינוּ וְרֵעֵינוּ, וְהִצַּלְתֶּם אוֹתָם אִם נָפְלוּ בִּידֵי הַנּוֹצְרִים. וְאִם לֹא תַעֲשׂוּ כָזֹאת וַאֲשַׁמְתֶּם בְּנַפְשׁוֹתֵיכֶם וְאָנֹכִי אֶת-נַפְשִׁי הִצָּלְתִּי. וְאִם תַּחֲלִיטוּ לָלֶכֶת הִתְאַמְּצוּ לָשׁוּב מַהֵר הֵנָּה כִּי לֹא נֵדַע מַה-יֵּלֶד יוֹם. וַיִּשְׁמַע הָאֲמִיר בַּהְרָם לִדְבָרָיו, וַיִּבְחֲרוּ בְּעֶשְׂרִים אֶלֶף פָּרָשִׁים וַיִּסְעוּ וַיֵלְכוּ עַד בּוֹאָם אֶל הַמִּישׁוֹר הַהוּא וְאֶל הַמִּנְזָר אֲשֶׁר בְּתוֹכוֹ.

וְהַזְּקֵנָה תַחְבְּלָנִית, אַחֲרֵי הַפִּילָהּ אֶת-הַמֶּלֶךְ דַּו אַל מַכָּן וְאָחִיו שַׁרְכָּן וְהַוָּזִיר דִּנְדָּן בִּידֵי הַכּוֹפְרִים, לָקְחָה לָהּ סוּס וַתִּרְכַּב עָלָיו. וַתֹּאמֶר לַכוֹפְרִים: אַדְבִּיק אֶת-צִבְאוֹת הַמֻּשְׂלָמִים הַחוֹנִים עַל יַד קֻשְׁטַנְדִּינָה וְהִגַּדְתִּי לָהֶם כִּי רֵעֵיהֶם אֲשֶׁר נִשְׁאֲרוּ פֹה נִשְׁמְדוּ עַד תֻּמָּם, וְנָמֵס לִבָּם וְרָפוּ יְדֵיהֶם וְהִתְפָּרָדוּ, וְאַחַר אָבוֹא אֶל הַמֶּלֶךְ אַפְרִידוֹן מֶלֶךְ קֻשְׁטַנְדִּינָה וְאֶל מֶלֶךְ יָוָן וּבִשַּׂרְתִּים אֶת-הַבְּשׂוֹרָה וְיָצְאוּ עִם מַחֲנוֹתֵיהֶם אֶל הַמֻּשְׂלָמִים וְכִלּוּם עַד אֲשֶׁר לֹא יִוָּתֵר מֵהֶם אַף אֶחָד.
וַתֵּלֶךְ וַתִּסַּע כָּל-הַלַּיְלָה.
וַיְהִי בַּבֹּקֶר וַתַּרְא אֶת-צִבְאוֹת בַּהְרָם וְרֻסְתָּם בָּאִים, וְלֹא יָדְעָה פֵּשֶׁר דְּבַר בּוֹאָם, וַתֵּלֶךְ וַתָּבוֹא אֶל אַחַד הַיְּעָרוֹת וַתַּסְתֵּר שָׁם אֶת-סוּסָהּ, וְאַחַר יָצְאָה וַתֵּלֶךְ בָּרֶגֶל. וַתֹּאמֶר אֶל לִבָּהּ: אוּלַי שָׁבוּ צִבְאוֹת הַמֻּשְׂלָמִים, כִּי בָרְחוּ מִקֻּשְׁטַנְדִּינָה מִפְּנֵי חֶרֶב צִבְאוֹתֵינוּ. וַיְהִי בְהַקְרִיבָהּ אֲלֵיהֶם וַתִּתְבּוֹנֵן בָּם וּבְדִגְלֵיהֶם וַתֵּרֶא וְהִנֵּה אֵינָם מוּרָדִים וַתֵּדַע כִּי לֹא בָאוּ כְבוֹרְחִים, וַתְּמַהֵר וַתָּרָץ אֲלֵיהֶם כִּמְרוּצַת הַשָּׂטָן עַד הַגִּיעָהּ אֲלֵיהֶם, וַתִּקְרָא: מַהֲרוּ, מַהֲרוּ, צְבָא אֵל רַחוּם! מַהֲרוּ לְהִלָּחֵם בִּבְנֵי הַשָּׂטָן! וַיְהִי כִּרְאוֹת בַּהְרָם אוֹתָהּ וַיִּגַּשׁ אֵלֶיהָ וַיִּקֹּד אַרְצָה וַיֹּאמֶר: הוֹי, הֶחָסִיד! מַה-בְּפִיךָ? וַיֹּאמֶר: אַל נָא תִשְׁאַל לְמַצָּבֵנוּ וּלְנוֹרְאוֹתָיו. כַּאֲשֶׁר לָקְחוּ אַחֵינוּ אֶת-הָאוֹצָר מִמִּנְזָר מֶטְרוֹ-חַנָּה אָמְרוּ לָלֶכֶת לְקֻשְׁטַנְדִּינָה, וְהִנֵּה יָצְאוּ גְדוּדֵי הַכּוֹפְרִים לִקְרָאתָם, וַתָּשָׁב וַתְּדַבֵּר בְּפַחַד וּבְאֵימָה וַתֹּאמֶר: וַיְהִי בְהִלָּחֲמָם אִתָּם וַיָּמוּתוּ רֻבָּם, וְלֹא נִשְׁאֲרוּ מֵהֶם בִּלְתִּי אִם חֲמִשָּׁה וְעֶשְׂרִים אִישׁ.

וַיֹּאמֶר בַּהְרָם: מָתַי נִפְרַדְתָּ מֵעֲלֵיהֶם? וַתֹּאמֶר: בַּלַּיְלָה הַזֶּה. וַיֹּאמֶר בַּהְרָם: יִשְׁתַּבַּח הַמְּבִיאֲךָ הֲלוֹם בִּקְפִיצַת הַדֶּרֶךְ וְאַתָּה הוֹלֵךְ בְּרַגְלֶיךָ נִשְׁעָן עַל מַטֵּה כַּפַּת תְּמָרִים. וַיְמַהֵר בַּהְרָם וְרֻסְתָּם וַיִּרְכְּבוּ עַל סוּסֵיהֶם וְלִבָּם נָמוֹג מִדִּבְרֵי אֵשֶׁת הַשְּׁקָרִים, וַיַּעַבְרוּ עִם צִבְאוֹתָם יוֹמָם וָלָיְלָה. וַיְהִי בִּהְיוֹת הַשַּׁחַר וַיַּגִּיעוּ אֶל רֹאשׁ הַמֵּצַר, וַיִּרְאוּ אֶת-דַּו אַל מַכָּן וְאֶת-שַׁרְכָּן קוֹרְאִים בְּרֹאשׁ הָהָר בְּהַלֵּל וּבִתְרוּעָה לֵאלֹהִים, וַיִּתְנַפְּלוּ הֵם וְרֵעֵיהֶם עַל הַכּוֹפְרִים וַיַּקִּיפוּם מִכָּל-עֵבֶר, וַיִּצְעֲקוּ עֲלֵיהֶם צְעָקָה גְדוֹלָה עַד כִּי נִבְהֲלוּ מִפָּנֶיהָ הַגִּבּוֹרִים, וְהֶהָרִים רָעָשׁוּ.

וַיְהִי בְאוֹר הַבֹּקֶר וַיִּגְשׁוּ אֶל דַּו אַל מַכָּן וַיִּקְּדוּ אַרְצָה וַיִּשְׁתַּחֲווּ לְפָנָיו וְלִפְנֵי שַׁרְכָּן אָחִיו. וַיּוֹדִיעֵם שַׁרְכָּן אֶת-כָּל-אֲשֶׁר קָרָם בַּמְּעָרָה וַיִּתְפַּלְאוּ. וְאַחַר אָמְרוּ אִישׁ אֶל רֵעֵהוּ: הָבָה נְמַהֵר וְנֵלְכָה לְקֻשְׁטַנְדִּינָה כִּי עָזַבְנוּ שָׁם אֶת-רֵעֵינוּ. וַיִּבְטְחוּ בְאֵל מוֹשִׁיעָם וַיְמַהֲרוּ לָלֶכֶת לְהִתְחַבֵּר עִם אַנְשֵׁי צְבָאָם.

ותַּחְבְּלָנִית שָׁבָה אֶל הַיַּעַר וַתִּקַּח מִשָּׁם אֶת-סוּסָהּ וַתִּרְכַּב עָלָיו וַתְּמַהֵר לִנְסֹעַ עַד בּוֹאָהּ אֶל הַמֻּשְׂלָמִים הַצָּרִים עַל קֻשְׁטַנְדִּינָה. וַתֵּרֶד וַתָּבֵא אֶת-סוּסָהּ אֶל הָאַפִּרְיוֹן אֲשֶׁר בּוֹ יָשַׁב רַב-הַשּׁוֹעֲרִים. וַיְהִי כַאֲשֶׁר רָאָהּ וַיָּקָם לִקְרָאתָהּ וַיְבָרְכֶהָ לְשָׁלוֹם, וַיִּשְׁאָלֶנָּה עַל אֲשֶׁר קָרָה וַתּוֹדִיעֵהוּ אֶת-הַבְּשׂוֹרָה הַמַּעֲצִיבָה, וַתֹּאמֶר: יָרֵא הִנְנִי לָאֲמִּיר רֻסְתָּם וְלָאֲמִיר בַּהְרָם, כִּי מְצָאתִים עִם צְבָאָם בַּדֶּרֶךְ וָאֶשְׁלָחֵם אֶל הַמֶּלֶךְ וַאֲנָשָׁיו, וְהֵם עֶשְׂרִים אֶלֶף פָּרָשִׁים, אַךְ הַכּוֹפְרִים רַבִּים מֵהֶם. וְעַתָּה שְׁלַח מִצְּבָאֲךָ אֲלֵיהֶם, לְמַעַן יַדְבִּיקוּם מַהֵר פֶּן יִשָּׁמְדוּ כֻלָּם, מַהֲרוּ לַעֲשׂוֹת זֹאת פֶּן תְּאַחֲרוּ הַמּוֹעֵד.

וַיְהִי כַאֲשֶׁר שָׁמַע רַב-הַשּׁוֹעֲרִים וְהַמֻּשְׂלָמִים אֶת-הַדְּבָרִים הָאֵלֶּה וַתִּרְפֶּינָה יְדֵיהֶם וַיִּבְכּוּ. וַתֹּאמֶר אֲלֵיהֶם: בַּקְּשׁוּ נָא מֵהָאֱלֹהִים עֶזְרָתוֹ וְאַמְּצוּ לִבְּכֶם בַּצָּרָה. יִהְיוּ נָא רִאשׁוֹנֵי אֻמָּתֵנוּ הַמֻּחַמָּדִית לְמוֹפֵת לָנוּ, הֵן אֶת-גַּן-הָעֵדֶן הֵכִין הָאֵל לַמֵּתִים עַל קִדּוּשׁ שְׁמוֹ, וְהַמָּוֶת אֵין מָנוֹס מִפָּנָיו, וְאַשְׁרֵי הַמֵּת עַל קְדֻשַּׁת הַשֵּׁם.

וַיִּקְרָא רַב-הַשּׁוֹעֲרִים אֶת-אֲחִי הָאֲמִיר בַּהְרָם, וְהוּא פָרָשׁ אַבִּיר וּשְׁמוֹ תַרְכָּשׁ, וַיִּבְחַר לוֹ עֲשֶׂרֶת אֲלָפִים פָּרָשִׁים גִּבּוֹרֵי כֹחַ, וַיְצַוֵּהוּ לָלֶכֶת. וַיֵּלֵךְ כָל-הַיּוֹם הַהוּא וְכָל-הַלַּיְלָה עַד אֲשֶׁר קָרַב אֶל הַמֻּשְׂלָמִים. וַיְהִי בַבֹּקֶר וַיַּרְא שַׁרְכָּן וְהִנֵּה אָבָק עוֹלֶה, וַיִּירָא לַמֻּשְׂלָמִים וַיֹּאמֶר: הִנֵּה אֵלֶּה אַנְשֵׁי צָבָא בָּאִים אֵלֵינוּ, אִם מִצִּבְאוֹתֵינוּ הֵם וְהָיְתָה לָנוּ הָרְוָחָה, וְאִם מִצִּבְאוֹת הַכּוֹפְרִים הֵם אֵין עֵצָה כְנֶגֶד הַהַשְׁגָּחָה. וְאַחַר אִמֵּץ אֶת-לְבָבוֹ וַיָּבֹא אֶל דַּו אַל מַכָּן אָחִיו וַיֹּאמֶר אֵלָיו: אַל תִּירָא וְאַל תֵּחָת כִּי בְנַפְשִׁי אֶפְדְּךָ מִצָּרָה, אַךְ מִי-יִתֵּן וְיָכֹלְתִּי לִרְאוֹת עוֹד אֶת-הֶחָסִיד לִפְנֵי מוֹתִי וְהִתְפַּלֵּל בַּעֲדִי כִּי אָמוּת רַק עַל קְדֻשַּׁת שֵׁם אַלָּהּ.

עוֹדָם מְדַבְּרִים וְהִנֵּה הַדְּגָלִים וּכְתָבְתָּם עֲלֵיהֶם: אֵין אֱלוֹהַּ אֶלָּא אַלָּהּ, וּמֻחַמָּד שְׁלִיחַ אַלָּהּ. וַיִּצְעַק שַׁרְכָּן: וּמַה-שְּׁלוֹם הַמֻּשְׂלָמִים? וַיֹּאמְרוּ: שָׁלוֹם לְכֻלָּם, וַאֲנַחְנוּ בָאנוּ אֲלֵיכֶם מִיִּרְאָתֵנוּ לָכֶם. וַיֵּרֶד רֹאשׁ הַצָּבָא מֵעַל סוּסוֹ וַיִּקֹּד אַרְצָה לִפְנֵי שַׁרְכָּן וַיֹּאמֶר: אֲדוֹנֵנוּ, מַה-שְּׁלוֹם מַלְכֵּנוּ? וּמַה-שְּׁלוֹם הַוָּזִיר דִּנְדָּן וְרֻסְתָּם וְאָחִי בַּהְרָם? וַיֹּאמֶר: שָׁלוֹם לְכֻלָּם. וַיּוֹסֶף לֵאמֹר: וּמִי הוּא אֲשֶׁר הוֹדִיעֲכֶם אוֹדוֹתֵינוּ? וַיֹּאמֶר: הֶחָסִיד; אַף הִגִּיד לָנוּ כִי פָגַשׁ בְּאָחִי בַּהְרָם וּבְרֻסְתָּם וַיִּשְׁלָחֵם אֲלֵיכֶם, וְלָנוּ אָמַר: הִנֵּה הַכּוֹפְרִים הִקִּיפוּם וְהֵמָּה רַבִּים. וְעַתָּה רוֹאֶה הִנְנִי כִּי אֵין הַדָּבָר כָּכָה, וְכִי עֲזָרְכֶם הָאֵל עַל אוֹיְבֵינוּ, וַיִּשְׁאָלֵם שַׁרְכָּן: וְאֵיךְ הִגִּיעַ הֶחָסִיד אֲלֵיכֶם? וַיֹּאמְרוּ אֵלָיו: הָלַךְ בְּרַגְלָיו, וְיוֹם אֶחָד עָבַר דֶּרֶךְ עֲשָׂרָה יָמִים מְרוּצַת פָּרָשׁ קַל. וַיֹּאמֶר שַׁרְכָּן: אָכֵן אִישׁ אֱלֹהִים הָאִישׁ הַזֶּה; אַיֵּהוּ? וַיֹּאמְרוּ: עָזוֹב עֲזַבְנוּהוּ עַל-יַד צִבְאוֹתֵינוּ הַמַּאֲמִינִים וְהוּא עוֹמֵד וּמְעוֹדְדָם לְהַשְׁמִיד אֶת-הַכּוֹפְרִים. וַיִּשְׂמַח שַׁרְכָּן לְדִבְרֵיהֶם וַיּוֹדֶה לָאֵל עַל שְׁלוֹמָם וּשְׁלוֹם הֶחָסִיד. וַיְבַקְּשׁוּ כֻלָּם רַחֲמֵי הָאֵל עַל הַנּוֹפְלִים מֵהֶם. וַיֹּאמֶר: אָכֵן הָיָה זֶה כָתוּב בַּסֵּפֶר, וַעַצַת הָאֵל מִי יָפֵר.

כה. הַמִּלְחָמָה בְעֶצֶם תָּקְפָּהּ.    🔗

עוֹדָם מְדַבְּרִים וְהִנֵּה אָבָק עוֹלֶה עַד אֲשֶׁר כִּסָּה אֶת-עֵין הָאָרֶץ. וַיִּירָא שַׁרְכָּן וַיֹּאמֶר: יָרֵא הִנְנִי פֶן יְמַגְּרוּ הַכּוֹפְרִים אֶת-צִבְאוֹתֵינוּ, כִּי הָאָבָק עוֹלֶה עַד לַשָּׁמָיִם. וְהִנֵּה מֵאַחֲרֵי הָאָבָק עַמּוּד אֲפֵלָה, שָׁחוֹר מִשְּׁחוֹר הַלַּיְלָה, וְעַמּוּד הַחֹשֶׁךְ הוֹלֵךְ וְקָרוֹב. וַיְמַהֲרוּ הַפָּרָשִׁים וְהָרַגְלִים לָגֶשֶׁת וְלִרְאוֹת מָה-הַדָּבָר. וַיִּרְאוּ וְהִנֵּה הֶחָסִיד לִפְנֵיהֶם. וַיְמַהֲרוּ וַיִּשְּׁקוּ יָדָיו וְהוּא קוֹרֵא אֲלֵיהֶם: הוֹי אֻמַּת בְּחִיר בְּנֵי הָאָדָם וּמְאוֹר הָעוֹלָם! הִנֵּה הִדְבִּיקוּ הַכּוֹפְרִים אֶת-צִבְאוֹת הַמְּיַחֲדִים וַיִּתְנַפְּלוּ עֲלֵיהֶם בְּאָהֳלֵיהֶם בְּשִׁבְתָּם בָּם בְּשַׁלְוָה, וְעַתָּה מַהֲרוּ וְחוּשׁוּ לְעֶזְרָתָם.
וַיְהִי כִשְׁמֹעַ שַׁרְכָּן אֶת-דְּבָרָיו וַיָּפָג לִבּוֹ וַיֵּרֶד מֵעַל סוּסוֹ וְלִבּוֹ נָבוֹךְ, וַיִּשַּׁק אֶת-יְדֵי הֶחָסִיד וְרַגְלָיו, וְגַם דַּו אַל מַכָּן וּשְׁאָר הַצָּבָא עָשָׂה כְמַעֲשֵׂהוּ, רַק הַוָּזִיר דִּנְדָּן לֹא יָרַד מֵעַל סוּסוֹ וַיֹּאמֶר: חֵי הָאֵל, לִבִּי נוֹקְפִי מֵהֶחָסִיד הַזֶּה, כִּי מֵעוֹדִי לֹא רָאִיתִי מֵהַמִּתְחַסְּדִים רַק נֵזֶק, עִזְבוּהוּ לְנַפְשׁוֹ וְהַדְבִּיקוּ אֶת-אֲחֵיכֶם הַמֻּשְׂלָמִים, כִּי הָאִישׁ הַזֶּה הוּא מֵהַמְּגֹרָשִׁים מִפִּתְחֵי רַחֲמֵי רִבּוֹן-הָעוֹלָמִים, הִנֵּה אָנֹכִי יָצָאתִי פְעָמִים רַבּוֹת לַמִּלְחָמָה עַל הַמֶּלֶךְ עוּמָר בֶּן-נַעְמָן וְדָרַכְתִּי בַמָּקוֹם הַזֶה. וַיֹאמֶר אֵלָיו שַׁרְכָּן: עֲזָב-נָא דֵעוֹתֶיךָ הַנִּפְסָדוֹת, הָאֻמְנָם לֹא רָאִיתָ אֶת-הֶחָסִיד הַזֶּה בְּעוֹרְרוֹ וּבְעוֹדְדוֹ אֶת צִבְאוֹת הַמַּאֲמִינִים לְהִלָּחֵם כְּנֶגֶד הַכּוֹפְרִים מִבְּלִי שִׂים לֵב אֶל הַחֲרָבוֹת וְהַחִצִּים מִסָּבִיב? אַל נָא תַכֵּהוּ בַלָּשׁוֹן, כִּי הַלָּשׁוֹן הָרָעָה מְגֻנָּה. גַּם עַתָּה רְאֵה נָא אֵיךְ הוּא מְעוֹרְרֵנוּ לְהַשְׁמִיד אֶת-אוֹיְבֵינוּ. וְלוּלֵא אַהֲבַת הָאֵל אֵלָיו כִּי עַתָּה לֹא עָבַר מֶרְחַקִּים גְּדוֹלִים אַחֲרֵי יִסּוּרָיו בַּשָּׁנִים הַקּוֹדְמוֹת. וַיְצַו שַׁרְכָּן וַיַּגִּישׁוּ לוֹ פִרְדָּה לוּבִית לִרְכַּב עָלֶיהָ. וַיֹאמֶר אֵלָיו: רְכַב-נָא, הֶחָסִיד הַתָּמִים. וַיְמָאֵן לִרְכַּב לְמַעַן הַרְאוֹת חֲסִידוּתוֹ, וּלְכַסּוֹת עַל עָרְמָתוֹ, וְהֵם לֹא יָדְעוּ כִּי הֶחָסִיד הַצָּבוּעַ הוּא כְדִבְרֵי הַמְּשׁוֹרֵר:
יָצוּם וְיִּתְפַּלֵּל לְהַשִּׂיג חֶפְצוֹ
אַךְ קִבְּלוֹ – לֹא צָם וְלֹא הִתְפַּלֵּל. וַיָּשָׁב לָלֶכֶת בֵּין הַפָּרָשִׁים וְהָרַגְלִים כַּשּׁוּעָל הֶעָרוּם וְהוּא מֵרִים קוֹלוֹ בִּקְרִיאַת הָקֻּרְאָן, וּתְהִלַּת הָרַחֲמָן. וַיֵּלְכוּ עַד הַגִּיעָם אֶל בָא הַמֻּשְׂלָמִים וַיִּמְצָאֵם שַׁרְכָּן וְהִנֵּה רָפְתָה רוּחָם, וְתַשׁ כֹּחָם, וְרַב-הַשּׁוֹעֲרִים עָמַד לִבְרֹחַ, וְחֶרֶב הַנְּקָמוֹת אוֹכֶלֶת בְּחַיִל וָכֹחַ. כִּי בִרְאוֹת תַּחְבְּלָנִית הָאֲרוּרָה אֶת-בַּהְרָם וְרֻסְתָּם הוֹלְכִים עִם צִבְאוֹתָם אֶל שַׁרְכָּן וְאָחִיו, מִהֲרָה וַתֵּלֶךְ אֶל קֻשְׁטַנְדִּינָה וַתִּקְרָא אֶל מְפַקְּדֵי הַיְּוָנִים בְּקוֹל רָם וַתֹּאמֶר: שַׁלְשְׁלוּ אֵלַי חֶבֶל לִקְשֹׁר אֵלָיו מִכְתָּבִי זֶה לְמַלְכְּכֶם אַפְרִידוֹן לְמַעַן יִּקְרָאֵהוּ הוּא וּמֶלֶךְ יָוָן וְעָשׂוּ כַאֲשֶׁר הוֹרֵיתִי. וַיְשַׁלְשְׁלוּ לָהּ הַחֶבֶל וַתִּקְשֹׁר אֵלָיו אֶת-מִכְתָבָהּ.
וּבַמִּכְתָּב כָּתוּב לֵאמֹר:
מִמֶּנִּי רַבַּת-הַצָּרוֹת הָאֲיֻמָּה, וּמַלְאַךְ הַשַּׁחַת הַזְּעוּמָה, תַּחְבְּלָנִית, אֶל הַמֶּלֶךְ אַפְרִידוֹן, שָׁלוֹם. וְעַתָּה כְבוֹא הַסֵּפֶר אֵלֶיךָ הִנֵּה כְלָיַת הַמֻּשְׂלָמִים עֲרוּכָה וּמְסֻדָּרָה בְעָרְמָתִי, וּכְבָר לָקַחְתִּי בִשְׁבִי אֶת-מַלְכָּם וּוָזִירָם, וְאַחַר הָלַכְתִּי אֶל צְבָאָם וָאוֹדִיעֵם זֹאת וַתִּשָּׁבֵר זְרוֹעַ עֻזָּם. אַף רִמִּיתִי אֶת-הַצָּבָא הַצּוֹבֵא עַל קֻשְׁטַנְדִּינָה וָאֶשְׁלַח מֵהֶם שְׁנֵים עָשָׂר אֶלֶף פָּרָשִׁים עִם תַּרְכָּשׁ לְהָחִישׁ עֶזְרָה לִשְׁבוּיֵיהֶם וְלֹא נִשְׁאֲרוּ מֵהֶם בִּלְתִּי אִם מְעַטִּים. מַהֲרוּ אֵפוֹא לָצֵאת אֲלֵיהֶם עִם כָּל-אַנְשֵׁי צְבָאֲכֶם עוֹד הַיּוֹם, וְהִתְנַפַּלְתֶּם עֲלֵיהֶם בְּאָהֳלֵיהֶם, אֶפֶס כִּי אֵין לָכֶם לָצֵאת בִּלְתִּי אִם כֻּלְּכֶם יַחַד, וַהֲרָגְתֶּם אוֹתָם עַד כְּלוֹתָם, כִּי הַמָּשִׁיחַ מַשְׁגִּיחַ עֲלֵיכֶם, וְהַבְּתוּלָה מַבִּיטָה בְרַחֲמִים אֲלֵיכֶם.
וַיְהִי בְהַגִּיעַ מִכְתָּבָהּ אֶל הַמֶּלֶךְ אַפְרִידוֹן וַיִּשְׂמַח שִׁמְחָה רַבָּה, וַיִּשְׁלַח אֶל מֶלֶךְ יָוָן וַיְבִיאֵהוּ, וַיְצַו עַל הַמְפַקְּדִים כִּי יַכְרִיזוּ בְקֶרֶב הַצָּבָא לָצֵאת אֶת-הָעִיר. וַתִּפּוֹץ הַשְּׁמוּעָה בְקֻשְׁטַנְדִּינָה וַיֵּצְאוּ צִבְאוֹת הַנּוֹצְרִים וּגְדוּדֵי הָצְּלָבִים בְּחַרְבוֹתָם הַחַדּוֹת הָכֵן לַמִּלְחָמָה.
וַיְהִי כִרְאוֹת רַב-הַשּׁוֹעֲרִים אֶת-זֹאת וַיֹּאמֶר: אָכֵן יָדְעוּ הַיְּוָנִים כִּי מַלְכֵּנוּ אֵינֶנּוּ אִתָּנוּ וַיֵּצְאוּ לִקְרָאתֵנוּ, וְעַתָּה פֶן יִתְנַפְּלוּ עָלֵינוּ וַאֲנַחְנוּ נִשְׁאַרְנוּ מְעַט מֵהַרְבֵּה. וַיִּקְרָא: הוֹי צִבְאוֹת הַמֻּשְׂלָמִים, וּמָגִנֵּי דַת אֱמוּנִים, אִם תָּנוּסוּ תִּהְיוּ לְכָלָה, וְאִם תֶּאֱזְרוּ כֹחַ וִהְיִיתֶם לְמַעְלָה לְמַעְלָה. דְּעוּ לָכֶם כִּי הַגְּבוּרָה הִיא הַסַּבְלָנוּת, וְאֵין מְצוּקָה אֲשֶׁר לֹא יָחִישׁ לָהּ הָאֵל רְוָחָה. יְבָרֶכְכֶם הָאֵל מִמְּרוֹמָיו, וְיַבִּיט אֲלֵיכֶם בְּעֵין רַחֲמָיו. וַיִּקְרְאוּ הַמֻּשְׂלָמִים כֻּלָּם: אַלָּהּ הוּא הָאֱלֹהִים! וַתָּחֶל הַמִּלְחָמָה, וַתִּתְנוֹפַפְנָה הַחֲרָבוֹת וְהַחֲנִיתוֹת, וְהַגֵּאָיוֹת מָלְאוּ דָמִים. וְהַכְּמָרִים אַף הֵם הֵרִימוּ קוֹלָם בִּתְפִלָּה וַיַּאֲזְרוּ מָתְנֵיהֶם וַיָּרִימוּ צַלְבֵיהֶם. וַיִּתְנַפְּלוּ אֵלֶּה עַל אֵלֶּה וְדָמִים בְּדָמִים נָגָעוּ. וַיֶּאֱרַךְ הַדָּבָר כָּכָה עַד פְּנוֹת הַיּוֹם וַיָּבֹא הַלָּיְלָה.
וַיְהִי בַבֹּקֶר וַיִּרְכַּב רַב-הַשּׁוֹעֲרִים הוּא וּצְבָאוֹ עַל סוּסֵיהֶם, וָתָּשָׁב הַמִּלְחָמָה בְּכָל-סַעֲרַת חֻמָּהּ. וַיִּסּוֹגוּ הַמֻּשְׂלָמִים מִמְּקוֹמָם. וְעוֹד מְעַט וְנֻצָּחוּ.
הֵם עוֹדָם בְּרָעָתָם וּבְיֵאוּשָׁם וְהִנֵּה קָרַב שַׁרְכָּן עִם כָּל-מַחֲנֵהוּ וַיִּתְנַפֵּל עַל הֲמוֹנֵי הַכּוֹפְרִים, וְאַחֲרָיו יָצָא גַם דַּו אַל מַכָּן לַקְּרָב, וְאַחֲרָיו בָּא גַם הַוָּזִיר דִּנְדָּן, וַאֲמִיר הַדֵּילָמִים וְהַתֻּרְכִּים בַּהְרָם וְרֻסְתָּם וְתַּרְכָּשׁ אָחִיו, וַתִּתְאַבֵּכְנָה תִמְרוֹת הָאָבָק עַד אֲשֶׁר מָלְאוּ אֶת-הָאָרֶץ. וַיִּתְחַבְּרוּ הַמֻּשְׂלָמִים עִם רֵעֵיהֶם הַמַּאֲמִינִים, וַיִּגַּשׁ שַׁרְכָּן אֶל רַב-הַשּׁוֹעֲרִים וַיְבָרְכֵהוּ, וַיִּשְׂמְחוּ הַמֻּשְׂלָמִים וַיֶּחֱזַק לִבָּם, וַיִּתְנַפְּלוּ עַל אוֹיְבֵיהֶם. וַיְהִי כִרְאוֹת הַכּוֹפְרִים אֶת-הַדְּגָלִים הַמֻּחַמָּדִים וַעֲלֵיהֶם דִּבְרֵי הָעֵדוּת הַמֻּשְׂלָמִית²⁶ וַיָּרִימוּ קוֹלָם בְּבֶכִי, וַיִּקְרְאוּ לְעֶזְרָתָם את-קְדוֹשֵׁיהֶם. וַיִּצְעֲקוּ: הוֹי חַנָּה וּמִרְיָם וְהַצְּלָב הַקָּדוֹשׁ! אַךְ יְדֵיהֶם לֹא עָשׁוּ תוּשִׁיָּה.

וְהִנֵּה בָא הַמֶּלֶךְ אַפְרִידוֹן וּמֶלֶךְ יָוָן אִתּוֹ. וַיְהִי הָאֶחָד בָּאֲגַף הַיְמָנִי וְהַשֵּׁנִי בַּשְּׂמָאלִי. וְאִתָּם פָּרָשׁ מְפֻרְסָם וּשְׁמוֹ לַוְיָה וַיַּעֲמֹד בַּתָּוֶךְ. וַיַּעֲרְכוּ מַעַרְכוֹתֵיהֶם לְהִתְנַפֵּל עַל הַמֻּשְׂלָמִים וְלִבָּם חָרֵד וְרוֹעֵד מִפָּחַד. וְהַמֻּשְׂלָמִים סִדְּרוּ צִבְאוֹתֵיהֶם גַּם הֵם. וַיִּגַּשׁ שַׁרְכָּן אֶל דַּו אַל מַכָּן אָחִיו וַיֹּאמֶר אֵלָיו: אָחִי מֶלֶךְ הַזְּמַן, אָכֵן יִדְרְשׁוּ אוֹיְבֵינוּ כִי נִלָּחֵם אִתָּם מִלְחֶמֶת שְׁנַיִם, וְעָלֵינוּ לִשְׁלֹחַ לָהּ מִצִּבְאוֹתֵינוּ כָּל-בַּעַל לֵב אָמִּיץ וְחָזָק בַּגִּבּוֹרִים. וַיֹּאמֶר הַמֶּלֶךְ: וּבְכֵן, מָה עֲצָתְךָ, יוֹעֵץ פֶּלֶא? וַיֹּאמֶר שַׁרְכָּן: חָפֵץ הִנְנִי לִהְיוֹת בַּתָּוֶךְ מוּל צִּבְאוֹת הַכּוֹפְרִים וְהַוָּזִיר דִּנְדָּן יִהְיֶה בָּאֲגַף הַשְּׂמָאלִי וְאַתָּה בַּיְמָנִי, וְהָאֲמִיר בַּהְרָם בִּקְצֵה הָאֲגַף הַיְמָנִי וְהָאֲמִיר רֻסְתָּם בִּקְצֵה הָאֲגַף הַשְּׂמָאלִי. וְהָיִיתָ אַתָּה המֶּלֶךְ הַגָּדוֹל בְּצֵל דְּגָלֵינוּ, כִּי אַתָּה מִשְׁעֲנֵנוּ, וְכֻלָּנוּ נִפְדֶּה נַפְשְׁךָ בְנַפְשֵׁנוּ. וַיּוֹדֵהוּ דַּו אַל מַכָּן עַל דְּבָרָיו.
עוֹדָם מְדַבְּרִים וּפָרָשׁ יוֹצֵא מִצְּבָא הַיְּוָנִים, וְכַאֲשֶׁר קָרַב אֲלֵיהֶם רָאוּהוּ רוֹכֵב עַל פִּרְדָּה אֲצִילָה, וְאֻכָּפָהּ מְשִׁי לָבָן, וְעָלָיו שָׁטִיחַ מַעֲשֵׂה קַשְׁמִיר, וְעַל גַּב הַפִּרְדָּה אִישׁ זָקֵן בַּעַל שֵׂיבָה נֶהְדָּרָה, וְעָלָיו שַׂלְמָה מִצֶּמֶר לָבָן. וַיִּקְרַב אֶל מַחֲנֵה הַמֻּשְׂלָמִים וַיִּקְרָא: הִנְנִי שָׁלוּחַ אֲלֵיכֶם כֻּלְּכֶם, וְאֵין לִי כִּי אִם לְמַלֵּא שְׁלִיחוּתִי. וְעַתָּה הַבְטִיחוּנִי חַיַּי עַד אֲשֶׁר אוֹדִיעֲכֶם דְּבָרָי. וַיֹּאמֶר אֵלָיו שַׁרְכָּן: שָׁלוֹם לָךְ, אַל תִּירָא. וַיֵּלֵךְ הָאִישׁ בָּרֶגֶל וַיָּסֵר הַצְּלָב מֵעַל צַוָּארוֹ בִּפְנֵי הַמֶּלֶךְ, וַיַּרְאֵהוּ אוֹתוֹת הַהַכְנָעָה. וַיִּשְׁאָלוּהוּ הַמֻּשְׂלָמִים: מַה-בְּפִיךָ, הַשָּׁלִיחַ? וַיֹּאמֶר: שָׁלוּחַ הִנְנִי מֵאֵת הַמֶּלֶךְ אַפְרִידוֹן, כִּי יְעַצְתִּיו לַחֲדֹל מִלְּהַשְׁמִיד רִבְבוֹת יְצוּרֵי הַבּוֹרֵא וְיִסְתַּפֵּק בִּשְׁנֵי פָרָשִׁים אֲשֶׁר יֵצְאוּ לְמִלְחֶמֶת -שְׁנַיִם, וַיֵּעָתֵר לִדְבָרָי. וְהִנֵּה הוּא אוֹמֵר אֲלֵיכֶם: הִנֵּה אָנֹכִי נָכוֹן לִפְדוֹת צִבְאוֹתַי בְנַפְשִׁי, וְעַתָּה יַעַשׂ נָא כָזֹאת גַּם מֶלֶךְ הַמֻּשְׂלָמִים וְיִפְדֶּה אֶת-צִבְאוֹתָיו בְּנַפְשׁוֹ. וְהָיָה אִם יַהַרְגֵנִי וְנִכְנְעוּ צִבְאוֹתַי לִפְנֵיכֶם, וְאִם אָנֹכִי אַהַרְגֵהוּ וְנִכְנְעוּ צִבְאוֹת הַמֻּשְׂלָמִים לְפָנֵינוּ.
וַיְהִי כִשְׁמֹּעַ שַׁרְכָּן אֶת-הַדְּבָרִים הָאֵלֶּה וַיֹּאמֶר: הַכֹּמֶר! עָשׂה נַעֲשֶׂה כִדְבָרָיו, וְהִנֵּה אָנֹכִי הַיּוֹצֵא לִקְרָאתוֹ לַקְּרָב, כִּי אָנֹכִי הִנְנִי פָרַשׁ הַמֻּשְׂלָמִים וְהוּא פָרַשׁ הַנּוֹצְרִים. וּבְכֵן שׁוּבָה אֵלָיו, הַכֹּמֶר, וְאָמַרְתָּ לוֹ: מָחָר תִּהְיֶה מִלְחֶמֶת הַבֵּינַיִִם,כִּי זֶה עַתָּה בָאנוּ מִמַּסָּעֵנוּ עֲיֵפִים וִיגֵעִים. וַיָּשָׁב הַכֹּמֶר אֶל הַמֶּלֶךְ אַפְרִידוֹן וְאֶל מֶלֶךְ יָוָן וַיּוֹדִיעֵם. וַיִּשְׂמַח אַפְרִידוֹן שִׂמְחָה גְדוֹלָה וַיֹּאמֶר: אָכֵן שַׁרְכָּן הוּא הֶחָזָק בָּהֶם בְּמִלְחֶמֶת חֶרֶב וַחֲנִית, וְהָיָה בְהָרְגִי אוֹתוֹ וְנָשְׁתָה גְבוּרָתָם וְקֶרֶן עֻזָּם תִּשָּׁבֵר. וַיִשְׂמְחוּ גַם כָּל-צִבְאוֹתָיו וַיִּשְׁתוּ וַיִּשְׁכְּרוּ כָּל-הַלָּיְלָה.

 

כו. מִלְחֶמֶת שַׁרְכָּן וְאַפְרִידוֹן. שַׁרְכָּן נִפְצַע, וְחַרְדוּב בֶּן-תַּחְבְּלָנִית נָפַל חָלָל.    🔗

וַיְהִי בַבֹּקֶר וְהִנֵּה פָרָשׁ יוֹצֵא לַקְּרָב, וְהוּא רוֹכֵב עַל סוּס אַבִּיר, הָכֵן לַמִּלְחָמָה, וְעַל הַפָּרָשׁ שִׁרְיוֹן בַּרְזֶל וְעַל חָזֵהוּ מַראָה מְשֻׁבֶּצֶת פְּנִינִים, וּבְיָדוֹ חֶרֶב שְׁלוּפָה. וַיְגַל הַפָּרָשׁ פָּנָיו וַיִּקְרָא: אֲשֶׁר יֵדָעֵנִי יִירָאֵנִי, וַאֲשֶׁר לֹא יַכִּירֵנִי יִרָאֵנִי; אֲנִי אַפְרִידוֹן הַמָּלֵא בִרְכַּת תַּחְבְּלָנִית. הוּא עוֹד טֶרֶם כִּלָּה דְבָרָיו וְהִנֵּה יָצָא לְפָנָיו שַׁרְכָּן פָּרַשׁ הַמֻּשְׂלָמִים, וְהוּא רוֹכֵב עַל סוּס אָמֹץ וְעָלָיו סֶרֶג מְשֻׁבָּץ אַבְנֵי יְקָר, וְהוּא חָגוּר חֶרֶב הֹדִּית לוֹהֶטֶת. וַיָּרֶץ אֶת-סוּסוֹ בֵין הָמַּעֲרָכוֹת וַיִקְרָא לְאַפְרִידוֹן וַיֹּאמֶר אֵלָיו: אוֹי לְךָ, הָאָרוּר! התֲחַשְבֵנִי כַפָּרָשִׁים? אֲשֶׁר לִקְרָאתָם עָרַכְתָּ עַד כֹּה וַאֲשֶׁר לֹא עָמְדוּ בְפָנֶיךָ בַקְרָב? וְאַחַר הִתְנַפְּלוּ אִישׁ עַל רֵעֵהוּ וַיִהְיוּ שְׁנֵיהֶם כִּשְׁנֵי הָרִים מִתְנַגְּשִׁים אוֹ שְׁנֵי יָמִים מַכִּים בְּגַּלֵיהֶם הָאֶחָד אֶת הַשֵּׁנִי. וְאַחַר הִתְקָרְבוּ וְהִתְרַחֲקוּ, וְהִתְלַכְּדוּ וְהִתְפָּרְדוּ, וְלֹא חָדְלוּ לָרוּץ וּלְהִסוֹג, וּלְהַכּוֹת וְלִדְקֹר, וְעֵינֵי שְׁנֵי הַמַּחֲנוֹת נְטוּיוֹת אֲלֵיהֶם, אֵלֶּה אוֹמְרִים: אָכֵן שַׁרְכָּן יְנַצֵּחַ; וְאֵלָּה קוֹרְאִים: לֹא, כִּי אַפְרִידוֹן יְנַצֵחַ. וַיִלַּחֲמוּ כָּכָה עַד אֲשֶׁר הִתְרוֹמֵם הָאָבָק, וְהַיּוֹם פָּנָה, וְהִשְּׁמֶשׁ נָטְתָה לַעֲרֹב. וַיִקְרָא הַמֶּלֶךְ אַפְרִידוֹן אֶל שַׁרְכָּן וַיֹּאמֶר: חֵי דָת הַמָּשִׁיחַ וֶאֳמוּנַת הָאֱמֶת כִּי הִנְךָ פָרָשׁ אַבִּיר, וְגִבּוֹר כַּבִּיר, אֶפֶס כִּי אָחַזְתָּ בְּמִרְמָה וְדַרְכְּךָ לֹא נְכוֹנָה, וְאָכֵן צָדְקוּ אֲנָשֶׁיךָ הָאוֹמְרִים כִּי מִזֶּרַע עֲבָדִים הִנֶּךָ. הִנֵּה הֵבִיאוּ לְךָ סוּס אַחֵר לְהוֹסִיף לְהִלָּחֵם בִּי, וְאָנֹכִי נִלְאֵיתִי בְמִלְחַמְתִּי אִתְּךָ, וּמַכּוֹתֶיךָ וּדְקִירוֹתֶיךָ הוֹגִיעוּנִי, אִם הִנְּךָ אוֹמֵר לְהוֹסִיף לְהִלָּחֵם בִּי עֲשֵׂה זֹאת אֵפוֹא: אַל תְּשַׁנֶּה דָבָר בִּכְלֵי-זֵינךָ, וְאַל תַּחֲלֵף סוּסְךָ, לְמַעַן יִרְאוּ הַפָּרָשִׁים דַּרְכְּךָ בְּמִלְחַמְתֶּךָ.

וַיְהִי כִשְׁמֹעַ שַׁרְכָּן אֶת-דְּבָרָיו וַיִּחַר אַפּוֹ מְאֹד עַל אֲנָשָׁיו הָאוֹמְרִים כִּי מִזֶּרַע עֲבָדִים הִנֵּהוּ, וַיִּיּפֶן אֲלֵיהֶם לְהַגִּיד לָהֶם כִּי לֹא יַחֲלִיפוּ לוֹ סוּסוֹ וְלֹא כְלֵי-זֵינוֹ, וְהִנֵּה נִפְנֵף אַפְרִידוֹן חַרְבּוֹ וַיַּשְׁלִיכֶנָּה אֶל שַׁרְכָּן. וְשַׁרְכָּן פָּנָה אֲחוֹרָנִּית וַיַּרְא כִּי אֵין אִישׁ מֵאַחֲרָיו, וַיָּבֶן כִּי אַךְ עָרוֹם הֶעֱרִים הָאָרוּר, וַיַּסֵּב פָּנָיו מַהֵר וְהִנֵּה מְצָאַתְהוּ חֶרֶב אַפְרִידוֹן, וַיַּסֵּב גֵּווֹ מִמֶּנָּה עַד הֱיוֹת רֹאשֹוֹ עַל יַד קְצֵה סֶרֶג סוּסוֹ, וַתַּעֲבֹר הַחֶרֶב עַל פְּנֵי חָזֵהוּ וַתְּקַלֵּף עוֹרוֹ, וַיִּצְעַק צְעָקָה גְּדוֹלָה וַיִּתְעָלָּף. וַיִּשְׂמַח אַפְרִידוֹן וַיֵּדַע כִּי הֲרָגוֹ, וַיִצְעַק אֶל הַכּוֹפְרִים וַיְבַשְּׂרֵם בְּנִצְחוֹנוֹ. וַיָרִיעוּ הַכּוֹפְרִים וְאַנְשֵׁי הָאֱמוּנָה בָכוּ וַיְקוֹנֵנוּ. וַיְהִי כִרְאוֹת דַּו אַל מַכָּן אֶת-אָחִיו צוֹנֵחַ מֵעַל הַסּוּס עַד אֲשֶׁר קָרַב לִנְפֹּל וַיִּשְׁלַח אֵלָיו אֶת-פָּרָשָׁיו, וַיָּחִישׁוּ וַיְבִיאוּהוּ אֵלָיו. וַיִּתְנַפְּלוּ הַכּוֹפְרִים עַל הַמֻּשְׂלָמִים וַיִּפָּגְשׁוּ שְׁנֵי הַמַּחֲנוֹת, וַתִּתְעָרֵבְנָה הַמַּעֲרָכוֹת, וְהַחֶרֶב אָכְלָה עַל יָמִין וְעַל שְׂמֹאל.

וְהַוָּזִיר דִּנְדָּן וְהָאֲמִיר בַּהְרָם וַאֲמִיר הַדֵּילָמִים מִהֲרוּ לָגֶשֶׁת אֶל שַׁרְכָּן וַיִּתְמְכוּ בוֹ וַיְּבִיאוּהוּ אֶל דַּו אַל מַכָּן וַיְצָווּ עָלָיו אֶת-הַנְּעָרִים, וְהֵם שָׁבוּ אֶל הַמַּעֲרָכָה וַיּוֹסִיפוּ לְהִלָּחֵם עַד עֲבֹר רֹב הַלַּיְלָה, וְהַנִּלְחָמִים עָיְפוּ מֶהַהֶרֶג הָרָב וַיִקְרְאוּ לְהַפְסָקָה, וַיָּשׁוּבוּ מַחֲנֶה מַחֲנֶה לְאֹהָלָיו.

וְהַכּוֹפְרִים פָּנוּ אֶל אַפְרִידוֹן מַלְכָּם וַיִּשְּׁקוּ אֶת-עֲפַר רַגְלָיו, וְהַכְּמָרִים בֵּרְכוּהוּ לְנִצְחוֹנוֹ. וַיָּבֹא אַפְרִידוֹן אֶל קֻשְׁטַנְדִּינָה וַיֵּשֶׁב עַל כִּסֵּא מַלְכוּתוֹ, וַיִּגַּשׁ אֵלָיו מֶלֶךְ הַיְּוָנִים וַיֹּאמֶר אֵלָיו: יְחַזֵּק הָאֵל זְרוֹעֶךָ, וְהָיָה תָמִיד בְּעוֹזְרֶיךָ, וְיקַבֵּל מֵהָאֵם תַּחְבְּלָנִית תְּפִלוֹתֶיהָ וְתַחְנוּנֶיהָ לְנִצְחוֹנוֹתֶיךָ. וְעַתָּה דַע לְךָ, אֲדוֹנִי הַמֶּלֶך, כִּי אַחֲרֵי מוֹת שַׁרְכָּן לֹא יוֹסִיפוּ עוֹד הַמֻּשְׂלָמִים לְהָרִים רֹאשׁ. וַיֹּאמֶר אַפְרִידוֹן: מָחָר נַשְׁלִים עֲבוֹדָתֵנוּ, כִּי יָצוֹא אֵצֵא אֶל הַמַּעֲרָכָה וְקָרָאתִי אֶת-מַלְכָּם דַּו אַל מַכָּן לְמִלְחֶמֶת שְׁנַיִם וַהֲרַגְתִּיו, אָז יָנוּסוּ כָל-צִבְאוֹתָם בְּשֶׁבַע דְּרָכִים.

וְדַו אַל מַכָּן שָׁב אֶל אָהֳלוֹ וָיַּבֹא אֶל אָחִיו וַיַּרְא וְהִנֵּה הוּא חוֹלֶה אָנוּשׁ. וַיִּקְרָא אֶת-הָוָּזִיר דִּנְדָּן וְאֶת-הָאֲמִירִים רֻסְתָּם וּבַהְרָם לְהִוָּעֵץ אִתָּם. וַיִּקְרְאוּ לְרוֹפְאִים וַיִּבְכּוּ, וַיֹּאמֶר דַּו אַל מַכָּן: אָכֵן לֹא קָם עוֹד אִישׁ כָּמוֹהוּ. וַיָּלִינוּ עַל יָדוֹ כָל-הַלַּיְלָה, וּבְאַחֲרִית הַלַּיְלָה בָּא הֶחָסִיד וְהוּא בוֹכֶה. וַיְּהִי כַּאֲשֶׁר רָאָהוּ דַו אַל מַכָּן וַיָּקָם מִפָּנָיו, וַיַּחֲלֵק הֶחָסִיד בְּכַפּוֹ עַל פְּנֵי שַׁרְכָּן וַיִּקְרָא מִפְּסוּקֵי הַקֻּרְאָן, וַיֵּעוֹר כָּל הַלַּיְלָה. וַיְּהִי בְאוֹר הַבֹּקֶר וַיִּפְתַּח שַׁרְכָּן אֶת-עֵינָיו וַיְדַבֵּר. וַיִּשְׂמַח דַּו אַל מַכָּן וַיֹּאמֶר: אָכֵן קָמָה בִרְכַּת הֶחָסִיד. וַיֹּאמֶר שַׁרְכָּן: בָּרוּךְ הָאֱלֹהִים אֲשֶׁר הֶחֱלִימַנִי וַיַּבְרִיאֵנִי כַיּוֹם. דְּעוּ לָכֶם כִּי הֶעֱרִים עָלַי הָאָרוּר הַזֶּה, וְלוּלֵא נָטִיתִי בִמְהִירוּת הַבָּרָק הַצִּדָּה כִּי אָז חָדְרָה אֶל לִבִּי. וְעַתָּה בָּרוּךְ הָאֱלֹהִים אֲשֶׁר הִצִּילַנִי. וּמַה-שְּׁלוֹם אַחַי הַמֻּשְׂלָמִים? וַיֹּאֶמר דַּו אַל מַכָּן: הִם בֹּוכִים לָךְ. וַיֹּאמֶר שַׁרְכָּן: אָנֹכִי בָרִיא וְשָֹלֵם. וְאַיֵּה הֶחָסִיד? וַיֹּאמֶר: הִנֵּה הוּא עוֹמֵד מֵעֵבֶר לְרֹאשְׁךָ. וַיִּפֶן אֵלָיו וַיִּשַּׁק יָדָיו. וַיֹּאמֶר הֶחָסִיד: בְּנִי, הִתְאַזֵּר בְּסַבְלָנוּת וְהִרְבָּה הָאֵל שָׂכָרֶךָ, כִּי הַשָּׂכָר כְּגֹדֶל הַצַּעַר. וַיֹאמֶר שַׁרְכָּן: הִתְפַּלֵּל נָא בַעֲדִי. וַיִּתְפַּלֵּל.

וַיְּהִי בְאוֹר הַבֹּקֶר וַיֵּצְאוּ הַמֻּשְׂלָמִים אֶל הַמַּעֲרָכָה, וְגַם הַכּוֹפְרִים הִתְכּוֹנְנוּ לַקְּרָב. וַיִּגְּשׁוּ צִבְאוֹת הָמֻּשְׂלָמִים וַיִּשְׁלְפוּ חַרְבוֹתָם. וְדַו אַל מַכָּן יָצָא גַם הוּא וְאִתּוֹ דִּנְדָּן וּבַהְרָם וְרַב-הַשּׁוֹעֲרִים, וַיֹּאמְרוּ אִלָיו: אֲדוֹנֵנוּ הַמֶּלֶךְ, אֲנַחְנוּ נִפְדֶּה נַפְשֶׁךָ בְנַפְשֵׁנוּ, וַיַּעַן דַּו אַל מַכָּן: חֵי הַבָּיִת הַקָּדוֹשׁ וְזַמְזָם²⁷ כִּי לֹא אָשׁוּב מֵהִלָּחֵם בָּאֲרוּרִים הָאֵלֶּה. וַיְהִי בִהְיוֹתוֹ בַּמַּעֲרָכָה וַיְשַׂחֵק בְּחַרְבּוֹ וּבַחֲנִיתוֹ עַד אֲשֶׁר הִפְלִיא אֶת-הַפָּרָשִׁים הָאַבִּירִים. וַיִּסְתָּעֵר עַל הָאֲגָף הַיְמָנִי וַיַּהֲרֹג בָּם שְׁנֵי מְפַקְּדִים, וְאַחַר סַב אֶל הָאֲגַף הַשְּׂמָאלִי וַיַּהֲרֹג גַּם בּוֹ שְׁנֵי מְפַקְּדִים. וַיַעֲמֹד בַּתָּוֶךְ וַיִּקְָּרא: אַיֵה אַפְרִידוֹן? יָבוֹאָה וְאַטְעִימֵהוּ טַעַם מַר הַמָּוֶת. וַיְּהִי כַּאֲשֶׁר אָמַר הָאָרוּר לְהִסְתָּעֵר עָלָיו וַיִּגַּשׁ אֵלָיו הַמֶּלֶךְ חַרְדוּב וַיַשְׁבִּיעֵהוּ כִּי לֹא יֵצֵא, וַיֹּאמֶר: אֲדוֹנִי הַמֶּלֶךְ, תְּמוֹל נִלְחַמְתָּ אַתָּה וְהַיּוֹם אֶלָּחֵם אֲנִי, כִּי לִבִּי אֵינֶנּוּ נוֹפֵל עָלַי מִדַּבְּרוֹ עָתָק. וַיְמַהֵר וַיָּרָץ כְּחֵץ מִקֶּשֶׁת, עַל סוּסוֹ הַקַּל מִסּוּס עַנְתָּר²⁸ וַיָּבֹא אֶל הַמַּעֲרָכָה. וַיִתְנַפְּלוּ אִישׁ עַל רֵעֵהוּ, וַיִזָּהֵר דַּו אַל מַכָּן מִמַּכּוֹתָיו, וַיַּרְאֶה גְּבוּרוֹתָיו נִפְלָאוֹת, וֵיָחֶלּוּ לָרוּץ וּלְהִסּוֹג עַד אֲשֵׁר פָּקְעָה סַבְלְנוּתָם. וַיִּקְרָא דַו אַל מַכָּן קוֹל גָּדוֹל וַיִּתְנַפֵּל כָּאֲרִי עַל מֶלֶךְ הַיְּוָנִים וַיַּכֵּהוּ מַכָּה נִמְרֶצֶת וַיַּתֶּז רֹאשׁוֹ מֵעָלָיו. וַיְּהִי כַאֲשֶׁר רָאוּ הַכּוֹפְרִים אֵת אֲשֶׁר קָרָה לַאֲדוֹנֵיהֶם וַיְמַהֲרוּ כֻלָּם אֵלָיו. וַיֵצֵא דַו אַל מַכָּן לִקְרָאתָם וַיַהֲרֹג בָּם הֶרֶג רָב עַד אֲשֶׁר זָרְמוּ הַדָּמִים כַּנְּחָלִים. וְהַמֻּשְׂלָמִים הֵרִימוּ קוֹל בְּהַלֵּל וּתְרוּעָה, וַיִּלָּחֲמוּ מִלְחָמָה עַזָּה וְקָשָׁה, וַתִּגְבַּר יָדָם עַל הַכּוֹפְרִים. וְדִנְדָּן צוֹעֵק קוֹל גָּדוֹל: חֶרֶב לְעוּמָר בֶּן-נַעְמָן וְלִבְנוֹ שַׁרְכָּן! וַיַּשְׁלֵךְ מִצְנַפְתּוֹ מֵעַל רֹאשׁוֹ, וְאִתּוֹ עֶשְׂרִים אֶלֶף פָּרָשִׁים, וַיִּתְנַפְּלוּ כֻלָם אִתּוֹ יָחַד. וַיִּבְרְחוּ הַכּוֹפְרִים מִפְּנֵיהֶם וַיַּהַרְגוּ בָם הַמֻּשְׂלָמִים כַּחֲמִשִּׁים אֶלֶף פָּרָשִׁים. וְאַחַר סָגְרוּ הַכּוֹפְרִים הַשַּׁעַר וַיַּעֲלוּ עַל הַחוֹמוֹת.

וְהַמֻּשְׂלָמִים שָׁבוּ בִתְרוּעַת נִצָּחוֹן. וַיָּבֹא דַו אַל מַכָּן אֶל אָחִיו וַיִּמְצְאֵהוּ שָׂמֵחַ וְטוֹב לֵב, וַיִּסְגֹד לֵאלֹהִים וַיִּשְׁתָּחוּ. וְאַחַר נִגַּשׁ אֵָליו וַיְּבָרְכֵהוּ לְשָׁלוֹם. וַיֹּאמֶר שַׁרְכָּן אֵלָיו: כָּל-זֹאת בָּאַתְנוּ בִּזְכוּת הֶחָסִיד הַתָּמִים הַזֶּה, כִּי יָשַׁב כָּל-הַיּוֹם וַיִּתְפַּלֵּל לְנִצְחוֹנֵנוּ, וּבְכָל-עֵת אֲשֶׁר שָׁמַעְתִּי קוֹל קְרִיאַתְכֶם אִמַּצְתִּי לִבִּי וָאֵדַע כִּי תִגְבַּר יֶדְכֶם עַל אוֹיְבֵיכֶּם. וְעַתָּה סַפְּרָה נָא לִי, אָחִי, אֶת-קוֹרוֹתֵיכֶם הַיּוֹם. וַיְסַפֵּר לוֹ דַו אַל מַכָּן כָּל אֲשֶר קָרָהוּ עִם חַרְדוּב הָאָרוּר, וְכִי הֲרָגָהוּ נֶפֶשׁ, וַיְּשַׁבְּחֵהוּ שַׁרְכָּן עַל זֹאת.

וְתַחְבְּלָנִית, הִיא הֶחָסִיד, שָׁמְעָה כִּי הָרַג דַּו אַל מַכָּן אֶת-חַרְדוּב בְּנָה, וַיֶּחֶוְרוּ פָנֶיהָ רֶגֶעַ וְעֵינֶיהָ מָלְאוּ דְמָעוֹת. אַךְ כְּרֶגַע שָׁבָה וַתִּתְאַפֵּק וַתִּרְאֶה לַמֻּשְׂלָמִים כְּאִילוּ הֵן דִּמְעוֹת שִׂמְחָה לְנִצְחוֹנָם, וּבְלִבָּה אָמְרָה: חֵי הַמָּשִׁיחַ, כִּי אֵין שֹׁוֶה לוֹ עוֹד לִחְיוֹת אִם לֹא אֶשְׂרףֹ אֶת-לִבּוֹ עַל שַׁרְכָּן אָחִיו כַּאֲשֶׁר שָׂרַף הוּא אֶת-לִבִּי עַל בְּנִי חַרְדוּב, הָעַמּוּד אֲשֶׁר עָלָיו נִשְׁעֶנֶת כָּל הָאֻמָּה הַנּוֹצְרִית.

 

כז. הַנְּקָמָה. תַּחְבְּלָנִית הוֹרֶגֶת אֶת-שַׁרְכָּן.    🔗

וְהַוָּזִיר דִּנְדָּן וְרַב-הַשּׁוֹעֲרִים וְהַמֶּלֶךְ דַּו אַל מַכָּן יָשְׁבוּ עַל יַד שַׁרְכָּן עַד אֲשֶׁר מְרָחוּהוּ בִּמְשָׁחוֹת לְמִשְׁעִי וַיַּשְׁקוּהוּ סַמֵּי הַרְפוּאוֹת וָיָּשָׁב לִבְרִיאוּתוֹ. וַיִּשְׂמְחוּ כֻלָּם שִׂמְחָה גְדוֹלָה, וַיּוֹדִיעוּ אֶת-גְּדוּדֵי הַצְּבָאוֹת לֵאמֹר: מָחָר יֵלְכוּ פְנֵי שַׁרְכָּן אִתָּנוּ בַקְּרָב, וְהַחִלֹּנוּ לָצוּר עַל הָעִיר. וְשַׁרְכָּן אָמַר לָהֶם: הִנֵּה נִלְחַמְּתֶּם הַיּוֹם בְּאויְבֵי אֱלֹהִים וְאַתֶּם עֲיֵפִים, לְכוּ לִמְקוֹמְכֶם וְיִשְׁנוּ הַלַּיְלָה וְאַל תָּעוּרוּ. וַיַּעֲשׂוּ כִּדְבָרָיו וַיֵּלְכוּ אִישׁ אִישׁ לְאָהֳלוֹ, לֹא נִשְׁאֲרוּ עַל יַד שַׁרְכָּן בִּלְתִּי אִם נְעָרִים מְעָטִּים וְתַּחְבְּלָנִית הַזְּקֵנָה הַמִּתְנַכֶּרֶת. וַיְשׂוֹחַח אִתָּה שַׁרְכָּן שָׁעוֹת אֲחָדוֹת וְאַחַר שָׁכַב לִישֹׁן, וְגַם הַנְּעָרִים הָעֲיֵפִים הָלְכוּ לִישֹׁן, כִּי נָפְלָה עֲלֵיהֶם תַּרְדֵּמָה חֲזָקָה.

וְתַחְבְּלָנִית עֵרָה לְבַדָּהּ בְּתוֹךְ הָאֹהֶל. וַתִּתְבּוֹנֵן בְּשַׁרְכָּן וַתִּרְאֵהוּ שָׁקוּעַ בִּשְׁנָתוֹ, וַתְּזַנֵּק כְּדֻבָּה שַׁכּוּלָה וַתּוֹצִיא מִחֲגוֹרָתָהּ מַאֲכֶלֶת מָרְעָלָה אֲשֶׁר לוּ שָׂמוּהָ עַל סֶלַע הָיָה נִּמּוֹחַ, וַתִּשְׁלְפֶנָּה מִנְּדָנָה וַתָּבוֹא אֶל שַׁרְכָּן בַּלָאט וַתַּעֲבִירֶנָּה עַל צַוָּארוֹ וַתִּשְׁחָטֵהוּ וַתִּכְרֹת רֹאשׁוֹ מֵעַל גּוּפוֹ. וְאַחַר קָמָה עַל רַגְלֶיהָ וַתָּבֹא אֶל הַנְּעָרִים הַיְשֵׁנִים וַתִּכְרוֹת רֹאשָׁם גַּם הֵם. וְאַחַר יָצְאָה וַתָּבֹא אֶל אֹהֳלֵי הַמֶּלֶךְ, וַתֵּרֶא אֶת-הַשּׁוֹמְרִים עֵרִים וַתֵּפֶן אֶל אֹהֶל הַוָּזִיר דִּנְדָּן וַתִּמְצָאֵהוּ קוֹרֵא בְסֵפֶר הַקֻּרְאָן. וְהִנֵּה נָפַל מַבַּט עֵינוֹ עָלֶיהָ וַיֹּאמֶר: בָּרוּךְ בּוֹאֲךָ, הֶחָסִיד הָעוֹבֵד. וַיְּהִי כְשָׁמְעָהּ דְּבָרָיו וַיֶחֱרַד לִבָּה וַתֹּאמֶר אֵלָיו: שָׁמַעְתִּי קוֹל קַדִּישׁ מִקַּדִּישֵׁי עֶלְיוֹן קוֹרֲא אֵלַי, וְהִנְנִי הוֹלֵךְ אֵלָיו. וַתֵּלֶךְ מִשָּׁם. וְדִנְדָּן אָמַר בְּלִבּוֹ: חֵי אַלָּה! הָלוֹךְ אֵלֵךְ בְּעִקְבוֹת הֶחָסִיד הַזֶּה הַלַּיְלָה. וַיָּקָם וַיֵּלֶךְ מֵאַחֲרֶיהָ. וַיְּהִי כִּי הִרְגִּישָׁה הָאֲרוּרָה כִּי הוֹלֵךְ הוּא בְעִקְבוֹתֶיהָ וַתִּירָא לְנַפְשָׁהּ, וַתֹּאמֶר בְּלִבָּהּ: אִם לֹא אַעֲרִים עָלָיו כָּעֵת וְנִגְלָה קְלוֹנִי. וַתִּקְרָא אֵלָיו מֵרָחוֹק וַתֹּאמֶר: אֲדוֹנִי הַוָּזִיר, הוֹלֵךְ הִנְנִי אַחֲרֵי הַקַּדִּישׁ הַזֶּה לָדַעַת מִי הוּא, וְאַחֲרֵי אֲשֶׁר אֵדָעֵהוּ אֲבַקֵּשׁ מִמֶּנוּ כִי יַרְשֶׁה גַם אוֹתְךָ לָבוֹא, וּבָאתִי אֵלֶיךָ וְהוֹדַעְתִּיךָ, וְאִם לֹא אֲבַקֵּשׁ רְשׁוּת מִמֶּנּוּ יָרֵא אָנֹכִי פֶּן יִקְצֹף עָלַי בִּרְאוֹתוֹ אוֹתְךָ אִתִּי.

וַיְּהִי כִּשְׁמֹעַ הַוָּזִיר דְבָרֶיהָ וַיַעַזְבֶנָה וַיָּשָׁב אֶל אָהֳלוֹ, וַיֹּאמֶר לִישֹׁן וְלֹא יָכֹל, וַיָּקָם וַיֵּצֵא מֵאָהֳלוֹ, וַיֹּאמֶר בְּלִבּוֹ: אֵלְכָה אֶל שַׁרְכָּן וְשׂוֹחַחְתִּי אִתּוֹ עַד אוֹר הַבֹּקֶר, וַיֵּלֶךְ עַד אֲשֶׁר בָּא אֶל אֹהֶל שַׁרְכָּן וַיַּרְא וְהִנֵּה דָמוֹ שׁוֹתֵת אַרְצָה, וְאַחַר נָשָׂא עֵינָיו וַיַּרְא וְהִנֵּה הַנְּעָרִים שְׁחוּטִים גַּם הֵם. וַיִצְּעַק צְעָקָה גְדוֹלָה וּמָרָה, וַיָּקִיצוּ לְקוֹלוֹ כָּל-הַנִּרְדָּמִים, וַיְמַהַרוּ הָאֲנָשִׁים אֵלָיו וַיִּרְאוּ אֶת-הַדָּם שׁוֹטֵף וַיִּבְכּוּ וַתַּעַל צַעֲקָתָם הַשָּׁמָיְמָה. וַיִּיקַץ הַמֶּלֶךְ דַּו אַל מַכָּן, וַיִּשְׁאַל עַל הַדָּבָר, וַיֻּגַּד לוֹ לֵאמֹר: הִנֵּה שַׁרְכָּן אָחִיךָ וּנְעָרָיו שְׁחוּטִים מֵתִים! וַיָּרָץ וַיָּבֹא הָאֹהֱלָה וַיִּמְצָא אֶת-הַוָּזִיר דִּנְדָּן צוֹעֵק, וְגוּפַת אָחִיו בְּלִי רֹאש, וַיִּתְעַלָּף. וַיִּצְעֲקוּ כָל-אַנְשֵׁי הַצָּבָא וַיִבְכּוּ וַיַּקִיפוּ אֶת דַּו אַל מַכָּן כְּשָׁעָה עַד אֲשֶׁר הֵקִיץ, וַיַבֵּט שֵׁנִית אֶל שַׁרְכָּן וַיֵּבְךְּ בְּכִי גָדוֹל, וְכָל-הַנִּצָּבִים בּוֹכִים אִתּוֹ, וְרַב-הַשּׁוֹעֲרִים הִתְיַפֵּחַ וַיֵּרֶד בַּבֶּכִי. וַיֹּאמֶר הַמֶּלֶךְ: הַאֵין אִישׁ יוֹדִעַ מִי עָשָׂה לְאָחִי אֶת-הַמַּעֲשֶׂה הַזֶּה? וְאַיֵּה הֶחָסִיד הַנָּזִיר? וַיֹּאמֶר הַוָּזִיר: וּמִי הֵבִיא עָלֵינוּ אֶת-כָּל-הָרָעָה הַזֹּאת אִם לֹא הֶחָסִיד יְלִיד הַתֹּפֶת הַזֶּה? חֵי הָאֱלֹהִים, כִּי לִבִּי רָחַק מִמֶּנוּ לְמִן הַיוֹם הָרִאשׁוֹן אֲשֶׁר רְאִיתִיו, כִּי יָדַעְתִּי, כִּי כָל-לוֹבֵשׁ אַדֶּרֶת הַחֲסִידּות הוּא נוֹכֵל צָבוּעַ, וַיְסַפֵּר לַמֶּלֶךְ אֵת אֲשֶׁר קָרָהוּ עִם הֶחָסִיד הַלַּיְלָה. וְהָאֲנָשִׁים הוֹסִיפוּ לִבְכוֹת וּלְהִתְפַּלֵּל אֶל הָאֱלֹהִים, כִּי יַמְצִיא לְיָדָם אֶת-הֶחָסִיד הַהוּא הַכּוֹפֵר בְּאוֹתוֹת הָאֱלֹהִים, וְאַחַר הִלְבִּישׁוּ אֶת-שַׁרְכָּן תַּכְרִיכִים וַיִּקְבְּרוּהוּ בָהָר הַהוּא וַיִּתְאַבְּלוּ עָלָיו אֵבֶל כָּבֵד.

וְתַחְבְּלָנִית הָאֲרוּרָה, אַחֲרֵי כַּלּוֹתָהּ מַעֲשֶׂיהָ אֲשֶׁר עָשְׂתָה, לָקְחָה נְיָר וָעֵט וַתִּכְתֹּב כַּדְּבָרִים הָאֵלֶה:

"מִמֶּנִי רַבַּת הַתַּחְבּוּלוֹת, וְאֵם הָעֲלִילוֹת, אֲלֵיכֶם הַמֻּשְׂלָמִים!

דְּעוּ לָכֶם, כִּי אָנֹכִי נִכְנַסְתִּי בְאַרְצְכֶם, וָאַפִּיל בְּשַׁחֲתִי אֶת-כָּל-גְּדוֹלֵיכֶם, אֶת-מַלְכְּכֶם הַגָּדוֹל עוּמַר בֶּן-נַעְמָן הָרַגְתִּי לְפָנִים בְּהֵיכָלוֹ, וּבְמִלְחֶמֶת הַמֵּצַר וְהַמְּעָרָה הִפַּלְתִּי חֲלָלִים רַבִּים בְּחֵילוֹ. וְהָאַחֲרוֹן אֲשֶׁר הָרַגְתִּי בְּעָרְמָתִי וּנְכָלַי, הוּא שַׁרְכָּן וּנְעָרָיו חֲלָלַי. וְלוּ עֲזָרַנִי הַזְּמַן, וּתְמָכַנִי הַשָּׂטָן, כִּי עַתָּה הָרַגְתִּי גַם אֶת-הַשֻּׂלְטָן, וְהָאָמִיר דִּנְדָּן. בְּבִגְדֵי נָזִיר חָסִיד בָּאתִי אֲלֵיכֶם, וּבְתַחְבּוּלוֹתַי וּנְכָלַי הִרְבֵּיתִי חַלְלֵיכֶם. וְעַתָּה, אִם תִּבְחֲרוּ בְשָׁלוֹם וּבִמְנוּחָה, לְכוּ מִזֶּה וְהָיְתָה לָכֶם הָרְוָחָה, וְאִם חֲפַצְתֶּם לְהִשָּׁמֵד עַד כְּלוֹתְכֶם, שְׁבוּ פֹה בְגָלוּתְכֶם, אַךְ לוּ גַם תִּשָׁאֲרוּ חוֹנִים יָמִים וְשָׁנִים, לֹא תַשִּׂיגוּ מַאֲוַיֵּיכֶם, וְלֹא תַצְלִיחוּ בְמַעֲשֵׂיכֶם".

וְאַחַר יָשְׁבָה שְׁלֹשֶׁת יָמִים לְהִתְאַבֵּל עַל בְּנָהּ הַמֶּלֶךְ חַרְדּוּב, וּבַיּוֹם הַרְבִיעִי קָרְאָה לְאַחַד הַמְפַקְּדִים וַתְּצַוֵּהוּ לָקַחַת אֶת-מִכְתָּבָהּ וּלְשִׂיֵמֵהוּ בְתוֹךְ חֵץ וּלְזָרְקֵהוּ אֶל הַמֻּשְּׂלָמִים, וְאַחַר נִכְנְסָה אֶל הַמּנְזָר וַתָּשָׁב וַתִּתְאַבֵּל וַתֵּבְךְּ עַל מוֹת בְּנָהּ. וְאֶל הַמֶּלֶךְ אֲשֶׁר קָם אַחֲרָיו קָרְאָה: עוֹד הָרוֹג אֶהֱרֹג גַּם אָת-דַּו אַל מַכָּן וְכָל אֲמִירֵי הַמֻּשְּׂלָמִים אִתּוֹ.

 

כח. הָאֵבֶל הַכָּבֵד. דִּנְדָּן מְסַפֵּר.    🔗

וְהַמֻּשְּׂלָמִים יָשְׁבוּ שְׁלֹשֶׁת יָמִים בְּצַעַר וּבְאֵבֶל, וּבַיּוֹם הָרְבִיעִי נָשְׂאוּ עֵינֵיהֶם אֶל עֵבֶר הַחוֹמָה וַיִּרְאוּ וְהִנֵּה מְפַקֵּד הוֹלֵךְ וּבְיָדוֹ חֵץ וּבְקָצֵהוּ מִכְתָּב, וַיְחַכּוּ עַד אֲשֶׁר יָרָהוּ אֲלֵיהֶם, וַיְצַו הַמֶּלֶךְ עַל הַוָּזִיר דִּנְדָּן לְקָרְאוֹ, וַיְהִי כַאֲשֶׁר קְרָאָהוּ וַתִּזְלֹגְנָה עֵינָיו דְֹמָעוֹת וַתִּרְגַּז רוּחוֹ לְעָרְמַת הָאֲרוּרָה, וַיִּקְרָא: חֵי אַלָּהּ, כִּי קָצָה נַפְשִׁי בָהּ כָּל-הַיָּמִים. וְהַמֶּלֶךְ אָמַר: אֵיכָכָה עָלָה בִידֵי נַעֲוָת הַמַּרְדּוּת הַזֹּאת לְהוֹלִיכֵנוּ שׁוֹלָל פַּעֲמָיִם! אֲבָל חֵי הָאֱלֹהִים, כִּי לֹא אָסוּר מִזֶּה עַד אִם אֶתְפְּשֶׂנָּה וְאֶצְלְבֶנָּה בִשְׂעָרָהּ עַל שַֹעֲרֵי חוֹמַת קֻשְׁטַנְדִּינָה. וְאַחַר זָכַר אֶת-אָחִיו וַיֵבְךְּ בְּכִי גָדוֹל.
וְהַכּוֹפְרִים שָׁמְעוּ מִפִי תַחְבְּלָנִית כָּל-אֲשֶׁר קָרָה, וַיִּשְׂמְחוּ שִׂמְחָה גְדוֹלָה מְאֹד עַל הֶרֶג שַׁרְכָּן וְעַל הִשָּׁאֲרָה הִיא בַחַיִּים.

וְהַמֻּשְּׂלָמִים שָׁבוּ אֶל שַׁעֲרֵי קֻשְׁטַנְדִּינָה, כִּי הִבְטִיחָם הַשֻּׂלְטָן, כִּי בְלָכְדוֹ אֶת-הָעִיר יַחֲלֹק אֶת-כָּל-שְׁלָלָהּ בֵּינֵיהֶם, חֵלֶק כְּחֵלֶק.

וְדַו אַל מַכָּן הוֹסִיף לְהִתְאַבֵּל עַל אָחִיו עַד אֲשֶׁר רָזָה גֵווֹ וּפָנָיו דַלּוּ, וַיָּבֹא אֵלָיו הַוָּזִיר דִּנְדָּן לְנַחֲמֵהוּ וּלְחַזֵּק אֶת-לִבּוֹ, וַיֹאמֶר אֵלָיו: הוֹי, הַוָּזִיר, הִנֵּה נִשְׁבָּר לִבִּי לְמוֹת אָבִי וְאָחִי וְעַל עָזְבֵנוּ אֶת-אַרְצֵנוּ זֶה יָמִים רַבִּים מִבְּלִי דַעַת אֵת אֲשֶׁר הָיָה לְצֹאן מַרְעִיתִי. וַיֵבְךְּ גַּם הַוָּזִיר וְכָל-הַנִּצָּבִים עָלָיו, וְיוֹסִיפוֹּ לָצוּר עַל קֻשְׁטַנְדִּינָה יָמִים.

וַיְהִי הַיּוֹם וַתַּגַּעְנָה אֲלֵיהֶם בְּשׂוֹרוֹת מִבַּגְדָּד עַל יְדֵי אַחַד הָאֲמִירִים לֵאמֹר: יָלְדָה אֵשֶׁת הָמֶּלֶךְ דַּו אַל מַכָּן בֵּן, וְנֻזְהַת אַל זְמָן אֲחוֹת הַמֶּלֶךְ קָרְאָה לוֹ: כָּן-מַה-כָּן²⁹, וְהַיֶּלֶד נוֹצַר לִגְדוֹלוֹת, כִּי רָאוּ בוֹ נִפְלָאוֹת גְּדוֹלוֹת, וְתַלְמִידֵי הַחֲכָמִים וְהַדַּרְשָׁנִים צֻוּוּ לְהִתְפַּלֵּל לִשְׁלוֹמְכֶם מֵעַל הַבִּימוֹת. וּלְכָל-בְּנֵי בַגְדָּד שָׁלוֹם רָב, וְהַגְּשָׁמִים מְרֻבִּים, וְהַיַּקְדָּן מִתְעַנֵּג עַל רֹב טוּב, וְלוֹ עֲבָדִים וּמְשָׁרְתִים, אַךְ עַד הַיּוֹם אֵינֶנּוּ יוֹדֵעַ מַה-קָּרָה אֶתְכֶם, וְשָׁלוֹם.

וַיִּשְׂמַח דַּו אַל מַכָּן מְאֹד לַשְּׁמוּעוֹת, וַיֹּאֶמר אֶל דִּנְדָּן: עַתָּה, אַחֲרֵי אֲשֶׁר חָנַנִּי הָאֱלֹהִים בְּבֵן זָכָר, אָמַץ לֳבִּי. וְעַתָּה אֲסַדֵּר לְנִשְׁמַת אָחִי אֶת-קְרִיאַת הַקֻּרְאָן כֻּלּוֹ פְּעָמִים רַבּוֹת, וְכָל יֶתֶר טִכְסֵי הַדָּת, וְאַחַר אַפְסִיק אֶת אֶבְלִי. וַּיֹּאמַר הַוָּזִיר: דְּבָרֶיךָ טוֹבִים וּנְכוֹחִים.
וַיְצַו דַּו אַל מַכָּן וַיִּתְקְעוּ אֹהָלִים עַל קֶבֶר אָחִיו, וַיִּקְרְאוּ מִבֵּין הַצָּבָא כָּל-יוֹדֵעַ לִקְרֹא אֶת הַקֻּרְאָן, וַיִּהְיוּ אֵלֶּה קוֹרְאִים וְאֵלֶּה מַזְכִּירִים שֵׁם אַלָּהּ כָּל-הַלָּיְלָה. וְאַחַר נִגַּשׁ הַשֻּׂלְטָן וְהַוָּזִיר וְהָאֲמִירִים וַיִּסְפְּדוּ לְשַׁרְכָּן וַיַעַרְכּוּ לוֹ אֵבֶל כָּבֵד. וְאַחַר שָׁבוּ אֶל אָהֳלֵיהֶם וַיִּוָּעֲצוּ עַל דְּבַר הַמִּלְחָמָה, וַיּוֹסִיפוּ לְהִלָּחֵם יָמִים רַבִּים, וְלֵב דַּו אַל מַכָּן דַּוָּי מֵאֵבֶל וּמִּיָגוֹן.

וַיְהִי הַיּוֹם וַיֹּאמֶר דַּו אַל מַכָּן אֶל הַוָּזִיר דִּנְדָּן: מִשְׁתּוֹקֵק אֲנִי לִשְׁמֹעַ קוֹרוֹת הָאֲנָשִׁים, וְסִפּוּרֵי הַמְּלָכִים, וְדִבְרֵי הַחוֹשְׁקִים, אוֹלַי יָסִיר הָאֵל אֶת-הַיָּגוֹן אֲשֶׁר בִּלְבָבִי וִייַבֵּשׁ מְקוֹר דִּמְעוֹתָי. וַיֹּאמֶר הַוָּזִיר: אִם רַק שֵׁמַע סֳפּוּרֵי הַמֻּלָכִים וְקוֹרוֹת הַקַּדְמוֹנִים יוֹכַל לְהָפִיג צַעַרְךָ וִיגוֹנְךָ אֵין קַל מִזֹּאת, כִּי בְחַיֵּי אָבִיךָ, זִכְרוֹ לִבְרָכָה, לֹא עָסַקְתִּי, כִּי אִם בְּסִפּוּרִים וּבְשִׁירִים, וְהַלָּיְלָה אֲסַפְּרָה לְךָ סִפּוּר “הַחוֹשֵׁק וְהַחֲשׁוּקָה” לְמַעַן יִרְוָח לְלִבְּךָ. וַיְּהִי כִשְׁמֹעַ דַּו אַל מַכָּן אֶת-דִּבְרֵי דִנְדָּן, וַיִּשְׁמֹר אֶת-הַדָּבָר בְּלִבּוֹ. וַיֵּשֵׁב כָּל-הַיּוֹם יוֹשֵׁב וּמְחַכֶּה בְּקֹצֶר רוּחַ עַד בּוֹא הַלַּיְלָה, לִשְׁמֹעָ אֶת-אֲשֶׁר יְסַפֵּר לוֹ הַוָּזִיר דִּנְדָּן מִקוֹרוֹת הַקַּדְמוֹנִים וּמִקוֹרוֹת הַמְּלָכִים וְהַחוֹשְׁקִים.
וַיְּהִי אַךְ הִגִּיעַ הַלַּיְלָה, וַיְצַו דַּו אַל מַכָּן וַיַּדְלִיקוּ הָאֲבוּקוֹת וְהַמְּנוֹרוֹת, וַיָּבִיאוּ מִכָּל מַאֲכָל וּמַשְׁקֶה וּכְלֵי הַקְּטֹרֶת. וַיִּשְׁלַח וַיִּקְרָא אֶת-הַוָּזִיר דִּנְדָּן וַיָּבוֹא. וַיִּקְרָא גַם לְבַהְרָם וּלְרֻסְתָּם וּלְתַרְכָּשׁ וּלְרַב-הַשּׁוֹעֲרִים וַיָּבֹאוּ כֻלָּם. וַיְּהִי בְּבוֹאָם וַיִּפֶן אֶל הַוָּזִיר דִּנְדָּן וַיֹּאמֶר אֵלָיו: דַּע נָא, הַוָּזִיר, כִּי כְבָר הִגִּיעַ הַלָּיְלָה, וְאֶת-יְרִיעָתוֹ הַשְּׁחוֹרָה פָּרַשׂ עָלֵינוּ מִלְמָעְלָה. וְעַתָּה סַפְּרָה נָא לָנוּ אֵת אֲשֶׁר הִבְטַחְתָּנוּ.
וַיֹּאמֶר הַוָּזִיר: כִּדְבָרֶיךָ, אֲדוֹנִי הַמֶּלֶךְ.