א    🔗

שִׁיר־מִזְמוֹר לְקַיִן וְהֶבֶל

  בְּיוֹם זֶבַח שָׁלוֹם לִשְׁנֵיהֶם;

לִבְשׁוּ שַׁעַטְנֵז, בַּחוּרִים!

  צֶמֶר וּפִשְׁתִּים יַחְדָּיו;

בִּגְדֵי־פִשְׁתָּה לִבְשַׂרְכֶם,

  צֶמֶר־תְּכֵלֶת — גְּדִילֵיהֶם.

צְאֶינָה, חוֹלֵלְנָה, בָּנוֹת!

  בְּקִשּׁוּרֵי כַרְמִיל עִם רִקְמָה,

תַּחֲרוֹת־שָׁנִי לַקִּשּׁוּרִים, —

  פֶּשֶׁת שְׁזוּרָה עִם צֶמֶר,

רִתְמוּ כִּלְאַיִם, בְּנֵי־חָיִל!

  שׁוֹר וַחֲמוֹר בְּעֹל אֶחָד,

גָּמָל עִם פִּרְדָּה לַצֶּמֶד

  בְּעֶגְלַת־חוֹרְשִׁים מוּפָזָה.

כִּי שָׁלוֹם בֵּין זוֹרְעִים וְחוֹלְבִים,

  בֵּין רוֹעִים וְעוֹבְדֵי־אֲדָמָה.

לֹא יִצְעַק דַּם־הֶבֶל; וְקַיִן

  מָחָה אוֹת־רֶצַח מִמִּצְחוֹ.

ב    🔗

אֵיבַת־עַד בֵּין אַחִים מִלֵּדָה,

  בֵּין לוֹבְשֵׁי צֶמֶר וּפִשְׁתִּים;

שֵׁבֶט לְשֵׁבֶט יֶאֱרֹב,

  יִשְׂטֹם אִישׁ־שָׂדֶה הָעֵדֶר,

וְרוֹעֶה יִלְטשׁ עֵין־קִנְאָה

  אֶל יְרַק־הַחִטָּה בָּעֵמֶק.

מַיִם וּמִרְעֶה כִּי אָפְסוּ

  וְאָפַף הַיְשִׁימוֹן עַל צֹאנוֹ, —

יֵצְאוּ רוֹכְבֵי־רַמָּכָיו

  לְבַקֵּשׁ מַשְׁקֶה וּמִחְיָה;

וְנָפְלוּ בְּאֶרֶץ נוֹשֶׁבֶת

  וְדָשׁוּ בְּשָׂדוֹת חֲרוּשִׁים,

וְעָלוּ עֲדָרִים אַחֲרֵיהֶם;

  יִרְמְסוּ פִּשְׁתָּה הַגְּמַלִּים.

הָרוֹעִים מֵעַרְבוֹת־גּשֶׁן

  הֵם עַל כַּלְבֵיהֶם יָבוֹאוּ,

עִם קַלְעֵי־אָבוֹת בַּיַּלְקוּט —

  מַרְגֵּמוֹת וְחַלּוּקֵי־אָבֶן.

מִדְיָן תִּתֵּן לָהֶם יָד,

  בְּנֵי־עַמּוֹן יְזַנְּבוּ נֶחֱשָׁלִים;

בַּת־אֱדוֹם בְּשֵׂעִיר תַּעֲלֹץ

  לַחֲזוֹת נָקָם בְּיַעֲקֹב,

בְּהַשְׁמִיד שֵׁבֶט אֶת שֵׁבֶט,

  וְהִיא עַל שְׁמָרֶיהָ שׁוֹקֶטֶת.

ג    🔗

אָז יֶחֶרְדוּ זוֹרְעֵי אֶפְרַיִם,

  לִקְרַאת נוֹדְדִים יֵצְאוּ חוֹצֵץ,

לְהַצִּיל יְגִיעָם יְרוּצוּן

  מִפַּרְסוֹת שֵׂיוֹת וּגְמַלִּים.

יֵצְאוּ עִם זֵינָם הַנּוֹשָׁן —

  קִלְשׁוֹן, מַלְמֵד עִם דָּרְבָן,

יֵצֵא הַחוֹרֵשׁ עִם אִתּוֹ

  וְיוֹגֵב עִם מַכְבֵּשׁ מִיֶּקֶב;

שִׂנְאַת קְדוּמִים תִּתְלַקַּח,

  תַּצִּית קָמָה עִם עֵדֶר.

וְאָחֲזוּ צִפָּרְנֵי הַפַּלָּח,

  בְּכַנְפֵי־רוֹכְבִים תִּתְקָעֶנָּה,

אַרְצָה יִסְחָבוּם, יָרֹצּוּ

  בְּמַלְמַד־הַבָּקָר קָדְקֳדָם.

פָּרַת הָאִכָּר תִּתְנַגֵּשׁ

  עִם בְּנֵי־הָרַמָּכִים הַקַּלִּים.

נוֹחֲרִים גְּמַלִּים בְּדָמָם, —

  עִם דַּם עֵנָב־נִרְמָס יִתְבּוֹלֵל;

שְׁוָרִים מְדֻקָּרִים יְזוּבוּן,

  עִזִּים בְּהִשָּׁבְרָן תִּגְעֶינָה.

וּכְפַעַם בְּפַעַם יִתְבּוֹסֵס

  הֶבֶל הָרָטוּשׁ בְּדָמוֹ;

קַיִן יִבָּהֵל וְיָנוּס,

  אֶת גּוֹאֲלֵי דַם אָחִיו הוּא יָרֵא.

רַק עַמּוֹן וּמוֹאָב יַעַלְזוּן,

  יָבוֹאוּ, יַפְשִׁיטוּ חֲלָלִים,

יְלַקְּטוּ בְּשָׂדוֹת עֲזוּבִים,

  עָרִים שְׂרוּפוֹת יִירָשׁוּן.

ד    🔗

וְעָבְרָה אֵיבָה אַכְזְרִיָּה,

  חֲמַת־נָקָם מֵאָבוֹת לְבָנִים,

מֵרוֹעִים אֶל עוֹבְדֵי־אֲדָמָה,

  מִכּוֹרְמִים אֶל אַנְשֵׁי־הַמִּקְנֶה.

כִּרְתִיחַת־הָאֶפְעֶה כֵּן תַּעֲבֹר;

  אִמּוֹת בַּחֲלָבָן יַשְׁקוּהָ

עוֹלְלֵי־טִפּוּחִים עַל שְׁדֵיהֶן,

  יְשַׁנְּנוּ לִבְנֵיהֶן אַחֲרֵיהֶן:

אַל תִּלְבְּשׁוּ שַׁעַטְנֵז עַד עוֹלָם!

  גֵּז־צֶמֶר עִם פִּשְׁתִּים — תּוֹעֵבָה;

כִּלְאַיִם אַל תִּרְתְּמוּ, בָּנִים! —

  שׁוֹר־קַיִן, חֲמוֹר־הֶבֶל בַּצֶּמֶד.

וּבָשָׂר בֶּחָלָב אַל בַּשֵּׁל! —

  לֶחֶם רוֹעִים וְעוֹבְדֵי־אֲדָמָה.

יִרְעֲצוּ אַחִים אֲחֵיהֶם,

  וְנָשַׁמָּה אֶרֶץ נוֹשֶׁבֶת

מִתַּחֲרַת אוֹכְלֵי־הַבָּשָׁר

  עִם אוֹכְלֵי זֵרְעוֹנִים וָפֶרִי.

ה    🔗

עַד אֵלֶּה וְאֵלֶּה יִיעָפוּ

  וְאֻמְלְלוּ שָׂדֶה גַּם עֵדֶר,

עַד קוּם לִיהוּדָה מוֹשִׁיעִים

  וְשׁוֹפְטִים לְאַלְפֵי אֶפְרַיִם,

לְחַשֵּׁל טַבָּעוֹת נְפוֹצוֹת,

  שֵׁבֶט עִם שֵׁבֶט לְאַגֵּד.

וְרָכְבוּ עַל אֲתוֹנוֹת צְחוֹרוֹת —

  זַנְבוֹת־תְּכֵלֶת זַנְבוֹתָן

וְרִסְנָן פִּשְׁתָּן צָבוּעַ, —

  אֶל עַרְבוֹת־מִקְנֶה יְמַהֵרוּ.

בָּאוּ, קִדְּמוּ אֶת פְּנֵיהֶם

  רוֹעִים מִגִּדְרוֹת־גּשֶׁן,

לְשׁוֹנוֹת צֶמֶר עַל שִׁכְמָם

  וּבְיַלְקוּטֵיהֶם חֲרִיצֵי־חָלָב.

נִפְגְּשׁוּ, קָרְאוּ עֲצָרָה,

  אַלּוּפֵי שְׁבָטִים יִשָּׁקוּן,

וְנָתֹן אוֹת־שָׁלוֹם עַל בִּגְדָם,

  אוֹת־אַחֲוָה בְּרִתְמַת־בְּקָרָם.

צִיצִיּוֹת צֶמֶר וּפִשְׁתִּים

  יֶאֶגְדוּ בְּכַנְפֵי בִגְדֵיהֶם,

צֶמֶר עִם פִּשְׁתָּה צְבוּעָה —

  חֲגוֹרוֹת לְזִקְנֵי יִשְׂרָאֵל.

כִּי נִבְאֲשָׁה שִׂנְאַת־קְדוּמִים,

  הָיְתָה הַחַטָּאת לִצְדָקָה, —

עַם אֶחָד וְשִׂמְלָה אַחַת

  וְאֶחָד אֱלֹהִים בַּשָּׁמָיִם.

נָשְׂאוּ יְדֵיהֶם עַל זֶבַח,

  עַל בָּשָׂר בֶּחָלָב נָשָׂאוּ,

זֶה יַגִּישׁ צָלִי וָנָא

  וְזֶה עוּגוֹת מַצּוֹת וָיָיִן;

יִשְׁתּוּ בְּנֵי הֶבֶל יִשְׁכָּרוּן,

  גַּם עֵנָב וְרִמּוֹן יְשַׂמְּחֵם.

וּבְנֵי קַיִן — חֶמְאָה נְמַסָּה,

  מִקַּרְנֵי פָרִים יִשְׁתּוּהָ,

וּבְשָׂפָה אַחַת יְבָרְכוּ, —

  שְׂפַת הָעִבְרִים, שְׂפַת כְּנָעַן.

ו    🔗

אָכֵן מַה טּוֹב וּמַה נָּעִים

  שֶׁבֶת אוֹיְבִים הִשְׁלִימוּ!

בְּסֻבָּם אֲבָנִים־שֻׁלְחָנוֹת,

  לְקוֹל חָלִיל וּשְׁרִיקַת עֲדָרִים;

בֶּאֱחֹז יְשִׁישַׁי הָרוֹעִים

  אַלּוּפֵי הַכּוֹרְמִים בִּזְקָנָם

וּנְשָׁקוּם לְקוֹל עֲנוֹת־שִׂמְחָה —

  חֲצוֹצְרוֹת אַנְשֵׁי־הַמִּקְנֶה.

וְיָצְאוּ הַבָּנוֹת בְּמָחוֹל —

  בְּנוֹת קַיִן וְהֶבֶל יַחְדָּיו,

בְּקִשּׁוּרֵי שַׁעַטְנֵז רְקוּמִים

  מְחוֹל־שָׁלוֹם תְּרַקֵּדְנָה בָּנוֹת.

וְיָצְאוּ בַּחוּרִים נוֹעָזִים

  וּבָחֲרוּ בַּאֲשֶׁר יִבְחָרוּ;

נַעֲרֵי הָרוֹעִים הַשְּׁזוּפִים —

  אֶת בְּנוֹת־הָאֲדָמָה הַבְּרִיאוֹת,

רַחֲבוֹת הַשּׁוֹק וְהֶחָזֶה,

  בְּרוּכוֹת שָׁדַיִם וָרֶחֶם.

וְנַעֲרֵי קַיִן — בְּנוֹת־רוֹעִים

  הַקַּלּוֹת לִרְכֹּב וּלְחוֹלֵל,

דַּקּוֹת רֶגֶל וּזְרוֹעוֹת

  לוֹהֲטוֹת, כִּבְדוֹת הַצַּמָּה.

וַאֲחָזוּן וּנְשָׂאוּן בְּאַהֲבָה,

  אֶל אָהֳלֵי אִמּוֹת יְבִיאוּן,

עַל מַרְבַדֵּי פֶּשֶׁת שְׁלַל־צְבָעִים,

  כָּרֵי צֶמֶר לְבָנִים.

וּבָא דַּם הַגּוֹזֵז בַּקּוֹצֵר,

  דַּם תּוֹשָׁב בַּנּוֹדֵד יָבוֹא,

לְהַלְהִיב הָאִכָּר הַכָּבֵד,

  יֵצֶר־לֵב רוֹעֶה לְהַשְׁקִיט.

ז    🔗

כֵּן יֶחֱזַק הַקֶּשֶׁר וְיֶאֱמָץ —

  צֶמֶר וּפִשְׁתִּים יַחְדָּיו,

צִיצִיּוֹת לְכַנְפֵי אַחִים —

  לֹא מְהֵרָה יִנָּתֵק הַקֶּשֶׁר.

קַיִן לֹא יָצֹר אֶת הֶבֶל,

  הֶבֶל לְאָחִיו יֵרָצֶה,

יִקַּח אֶת בְּנוֹתָיו לְבָנָיו

  לְהוֹלִיד גִּבּוֹרִים, בְּנֵי־חָיִל,

לִהְיוֹתָם גּוֹי אֶחָד בָּאָרֶץ —

  גְּדִילֵי־שַׁעַטְנֵז גְּדִילֵיהֶם;

יוֹדְעִים לֶאֱחֹז בַּחֶרֶב,

  לְהַצִּיל מַמְלָכָה מִשּׁוֹסִים.

בְּנֵי־עַמּוֹן לַמִּבְצָר יְנוּסוּן,

  מוֹאָב יְהִי לְמַס עוֹבֵד;

פְּלִשְׁתִּים בָּאֳנִיּוֹת יַעֲלוּ

  מִפַּחַד יְהוּדָה וְנַהֲמוֹ.

וּכְנַעַן יַחֲרֹק שֵׁן,

  בִּמְגִדּוֹ מֵהָרָיו יֶאֱרֹב,

יְנַגֵּד אֶת רֶכֶב־בַּרְזִלּוֹ —

  לִהְיוֹתוֹ לוֹ מָגֵן בַּצָּרָה.