רקע
שאול טשרניחובסקי
משירת הבבלים
mנחלת הכלל [?]
tשירה

 

תְּפִלָּה לֶעָנִי כִּי יַעֲטוֹף

הִגַּעְתִּי לְאֹרֶךְ-חַיִּים פָּסַחְתִּי עַל יְמֵי-צְבָאִי

אֶל כָּל אֲשֶׁר אַבִּיט בַּכֹּל רָע אַךְ רָע:

יְגוֹנִי יִרֶב וְאָשְׁרִי לֹא אֶמְצָא:

לְאֵלִי קָרָאתִי וְלֹא הֵאִיר לִי פָנָיו

הִתְחַנַּנְתִּי אֶל אֵלָתִי וְלֹא נָשְֹאָה אֶת רֹאשָׁהּ:

נִחֵשׁ הַנָּבִיא וְלֹא גִלָּה עֲתִידוֹתָי

זָבַח הָרוֹאֶה וְלֹא מָצָא לִי חָזוֹן:

פָּנִיתִי לְבַעַל-אוֹב וְלֹא הָיָה לִי מַעֲנֶה

לֹא הֶעֱבִירוּ קִלְלָתִי הַקּוֹסְמִים בְּלָטֵיהֶם:

מֶה הָפוּךְ הָעוֹלָם וּמוּזָר מְאֹד:

פָּנִיתִי לַאֲחוֹרַי רָעוֹת הֲדָפוּנִי:

כְּאִלּוּ לֹא הָיִיתִי זוֹבֵחַ לֵאלֹהָי

וּבְשִׁבְתִּי לַשֻּׁלְחָן לֹא קָרָאתִי בְשֵׁם אֵלָתִי

לֹא נָפַלְתִּי עַל פָּנַי לֹא הָיִיתִי שְׁפַל-רוּחַ:

לְאָדָם לִשְֹפָתָיו זָרוּ תְהִלָּה וּתְחִנָּה

הַבָּז לְיוֹם אֲדֹנָי פָּסַח עַל יוֹם-זָבַח:

הִתְרַפָּה בְכָל עֵת בָּעַט בְּדִבְרֵי-אֵלִים

לֹא הוֹרָה לִמְיֻדָּעָיו לִירֹא אֵל וּלְכַבְּדוֹ:

לֹא קָרָא לֵאלהָיו אָכַל מִן הַקֳּדָשִׁים

נָטַשׁ אֵלָתוֹ לֹא הֵבִיא לָהּ מִנְחָה:

שָׁכַח אֲדֹנָיו אֲשֶׁר לוֹ יִשְׁתַּחֲווּ

נָשָֹא לַשָּׁוְא שֵׁם אֲדֹנָי אֱלֹהָיו

לְאָדָם כָּמוֹהוּ אָנֹכִי דָמִיתִי:

המלצות קוראים
תגיות