תֹּכֶן הַפְּרָקִים    🔗

א. מֹוצָא יָזוֹן.

ב. סִיבַּת הַנְּסִיעָה.

ג. הָאַרְגָּנתִים עַל-אִי לֶמְנוֹס.

ד. הָאַרְגָּתִים בְּאֶרֶץ הַדּוֹלְיוֹנִים.

ה. הֵרַקְלֶס נִשְׁאַר בַּדֶרֶךְ.

ו. פולוּקְסְ.

ז. הַמֶלֶךְ פִינִי וְהַהַרְפִּיוֹת.

ח. הַסִּמְפְלְגָדוֹת.

ט. הַמַּסָּע מֵהַסִּמְפְלְגָדוֹת לְקוֹלְחִידָה.

י. יָזוֹן בְּבֵית אַיִט.

יא. מֵדֵאָה וְאַיִט.

יב. עֲצַת אֶרֶג.

יג. הַבְטָחַת מֵדֵאָה לַעֲזֹר לַשַּׁיָטִים.

יד. הַשִּׂיחָה בֵין יָזוֹן וּמֵדֵאָה.

טו. אֵיךְ מִלֵּא יָזוֹן אֶת דְּרִישַׁת אַיִט.

טז. רְכִישַׁת הַגִּזָה.

יז. אֵיךְ נִמְלְטוּ הָאַרְגָּתִים מֵרודְפֵיהֶם.

יח. הָאַרְגָּתִים בַּדֶרֶךְ אֶל-אֶרֶץ מוֹלַדְתָּם.

יט. הָרְדִיפָה הַחֲדָשָׁה.

כ. הַמְאֹרָעוֹת הָאֲחרוֹנִים.

כא. אַחֲרִית יָזוֹן.

א. מוֹצָא יָזוֹן.    🔗

אִישׁ הָיָה בְאֶרֶץ יָוָן וּשְׁמוֹ יָזוֹן בֶּן-אֵזוֹן בֶּן-כְּרֵתִי; הוּא כְרֵתִי, אֲשֶׁר בָּנָה עִיר בְּמִפְרַץ-יַם-תֵּסַלִּיָּה וְיִקְרָא אֶת-שְׁמָהּ יָלְקוֹס. וַתְּהִי יָלְקוֹס רֵאשִׁית מַמְלַכְתּוֹ. וַיִּמְלֹךְ כְּרֵתִי בָּעִיר, אֲשֶׁר בָּנָה, יָמִים רַבִּים וַיַּעַשׂ מִשְׁפָּט וּצְדָקָה וַיִּקֶן לוֹ שֵׁם תְּהִלָּה.

וַיְהִי כִי זָקֵן כְּרֵתִי, בָּא בַּיָּמִים וַיִּקְרָא לְשָׂרָיו וְלַעֲבָדָיו וַיֹּאמֶר לָהֶם: אָנכִי הוֹלֵךְ בְּדֶרֶךְ כָּל-הָאָרֶץ; וְהָיָה בְּמוֹתִי וּלְקַחְתֶּם אֶת-אֵזוֹן בְּנִי הַבְּכוֹר וּמְשַׁחְתּוּהוּ לְמֶלֶךְ וְיָשַׁב עַל-כִּסְאִי אַחֲרַי, כִּי אוֹתוֹ צִוִּיתִי לִהְיוֹת נָגִיד עַל עַמִּי.

וַיַּעֲנוּ הַשָּׂרִים אֶת-הַמֶּלֶךְ לֵאמֹר: כֵּן נַעֲשֶׂה, כַּאֲשֶׁר דִבַּרְתָּ.

וַיְהִי אַחֲרֵי מוֹת כְּרֵתִי וַיִּקְחוּ הַשָּׂרִים אֶת-אֵזוֹן וַיִּמְשָׁחוּהוּ לְמֶלֶךְ. וְּלֵאזוֹן אָח וּשְׁמוֹ פְלִיאָס. וּפְלִיאָס אִישׁ רַע וּבֶן-בְּלִיַּעַל וַיְקַנֵּא בְּאָחִיו. וַיִּקְשֹׁר פְּלִיאָס עָלָיו קֶשֶׁר וַיְגָרְשֵׁהוּ מִיָּלְקוֹס וַיִּמְלֹךְ תַּחְתָּיו. וַיָּמָת אֵזוֹן בְּעֹנִי וּבְחֹסֶר כֹּל וּבְנוֹ יָזוֹן נָס לְהַצִּיל אֶת-נַפְשׁוֹ וַיִּבְרַח וַיֵּלֶךְ אֶל-חִירוֹן הַקִּינְטוֹר¹, אֲשֶׁר בְּבֵיתוֹ הִתְחַנְּכוּ הַגִּבּוֹרִים אַנְשֵׁי הַשֵּׂם². ויַּאַסְפֵהוּ חִירוֹן אֶל-בֵּיתוֹ וַיִּדְאַג לוֹ וַיְהִי לוֹ לְמוֹרֶה וּלְפַדְגוֹג³.

וַיְהִי כִּשְׁמֹעַ פְּלִיאָס, כִּי נָס יָזוֹן בֶּן-אָחִיו, וַתִּפֹּל עָלָיו אֵימָה חֲשֵׁכָה וַיְפַחֵד תָּמִיד כָּל-הַיּוֹם וְגַם בַּלַּיְלָה לֹא נָתַן שְׁנָת לְעֵינָיו, כִּי יָרֵא, פֶּן יָשׁוּב יָזוֹן מֵאֶרֶץ מִקְלָטוֹ וְנִקַּם בּוֹ אֶת-נִקְמָתוֹ. וּכְכָל אֲשֶׁר יִזְקַן פְּלִיאָס, כֵּן יִגְדַּל פַּחְדוֹ וְכֵן יַעַצְמוּ נְדוּדָיו וַיִּשְׂבַּע רֹגֶז כָּל-הַיָּמִים.

וַיְהִי הַיּוֹם וַיִּישַׁן פְּלִיאָס וַיַּחֲלֹם חֲלוֹם. וַיִּיקַץ מִשְּׁנָתוֹ וַתִּתְפָּעֶם רוּחוֹ. וַיִּקְרָא לַחֲכָמָיו וְּלְקוֹסְמָיו לְהַגִּיד לוֹ אֶת-חֲלוֹמוֹ וְאֶת-שִׁבְרוֹ⁴. וַיִּרְאוּ הַקּוֹסְמִים בֶּעָבִים, וַיִּשְׁפְּטוּ עַל-פִּי מְעוּף הָעוֹפוֹת וַיַּהַבְרוּ⁵ שָׁמַיִם וַיֹּאמְרוּ אֶל-פְּלִיאָס: זֶה חֲלוֹמְךָ, אֲשֶׁר חָלַמְתָּ. בַּחֲלוֹמְךָ וְהִנֵּה גִבּוֹר צָעִיר מֵאֶרֶץ נָכְרִיָּה בָּא לִקְרָאתְךָ, גְּבַהּ-קוֹמָה וִיפֵה-תֹאַר; והָאִישׁ נָעוּל רַק נַעַל אַחַת וְרַגְלוֹ הַשְּׁנִיָּה יְחֵפָה. וַיְהִי כַּאֲשֶׁר קָרַב הָאִישׁ אֵלֶיךָ וַיָּרֶם אֶת-חֲנִיתוֹ לְהַכּוֹתְךָ. וְעַתָּה, אֲדוֹנֵינוּ וּמַלְכֵּנוּ, הִשָּׁמֶר-לְךָ מִפְּנֵי אִישׁ, אֲשֶׁר רַק רַגְלוֹ הָאַחַת נְעוּלָה.

וַיְהִי כִשְׁמֹעַ פְּלִיאָס אֶת-הַחֲלוֹם וְאֶת-שִׁבְרוֹ וַיִּירָא מְאֹד.

וְיָזוֹן הִתְחַנֵּךְ בְּבֵיִת-חִירוֹן וַיִּלְמַד אֶת-תּוֹרַת הַגְּבוּרָה וְאֶת-תַּכְסִיסֵי הַמִּלְחָמָה וַיְהִי לְגִבּוֹר מְהֻלָּל. וַיְהִי כַאֲשֶׁר מָלְאוּ לוֹ עֶשְׂרִים שָׁנָה וַיָּקָם לָלֶכֶת אֶל-אֶרֶץ יָלְקוֹס לָקַחַת אֶת-מַמְלַכְתּוֹ מִיַּד פְּלִיאָס דּוֹדוֹ. וְלֹא הִגִּיד יָזוֹן לְאִישׁ אֶת -מַטְּרַת דַּרְכּוֹ.

וְיָזוֹן לָבוּשׁ כְּמִשְׁפַּט הַגִּבּוֹרִים מְעִיל קָצָר, וּמִמַּעַל לַמְּעִיל עוֹר נָמֵר, אֲשֶׁר חִנֵּק בְּעֶצֶם יָדָיו. וּכְלֵי-זֵינוֹ שְׁתֵּי חֲנִיתוֹת: הָאַחַת לַהֲטָלָה וְהַשְּׁנִיָּה לְהַכּוֹת בָּהּ. וַיְגַדֵּל יָזוֹן אֶת-שְׂעָרוֹ פֶּרַע⁶ וַיֵּרֶד עַל כְּתֵפָיו.

וַיְהִי בְדַרְכּוֹ וַיָּבֹא עַד-חֹף נָהָר רָחָב. וַיִּשָּׂא עֵינָיו וַיַּרְא אִשָּׁה זְקֵנָה רְפַת-כֹּחַ וְחִדְלַת-עֵצָה עוֹמֶדֶת עַל-שְׂפַת-הַנָּהָר. וַתֵּרֶא הָאִשָּׁה אֶת-יָזוֹן הוֹלֵךְ וְקָרֵב אֵלֶיהָ וַתִּתְחַנֵּן אֵלָיו לְהַעֲבִירָהּ אֶת-הַנָּהָר. וְהַזְּקֵנָה הַזֹּאת לֹא בָשָׂר וָדָם הִיא, כִּי אִם הֵרָה⁷, אוֹיֶבֶת פְּלִיאָס, אֲשֶׁר הִתְחַפְּשָׂה בִדְמוּת זְקֵנָה.

וְלֹא הִכִּיר יָזוֹן אֶת-הֵרָה וַיַּחְשְׁבֶהָ לְבַת-תְּמוּתָה. וַיַּחֲמֹל יָזוֹן עַל-הַזְּקֵנָה וַיִּקָּחֶהָ עַל-זְרוֹעוֹתָיו וַיַּעֲבִירֶנָּה אֶת-הַנָּהָר. וַיְהִי בַעֲלוֹתוֹ מִן-הַנָּהָר אֶל-הַחֹף וַתִּמְעַד רַגְלוֹ וַתִּפֹּל נַעֲלוֹ מֵעָלֶיהָ. וְלֹא שָׂם יָזוֹן לֵב לָזֹאת וַיּוֹסֶף לַעֲשׂוֹת דַרְכּוֹ עַד-בּוֹאוֹ יָלְקוֹסָה.

וְהַיּוֹם הַהוּא יוֹם חַג לְאַנְשֵׁי יָלְקוֹס וּבָעִיר צָהֳלָה וְרִנָּה, כִּי זָבַח פְּלִיאָס זְבָחִים לְפוֹסִידוֹן, אֲדוֹן הַיָּם.

וַיָּבֹא יָזוֹן הָעִירָה. וַיִּשְּׂאוּ כָל-אַנְשֵׁי יָלְקוֹס אֶת-עֵינֵיהֶם וַיִּרְאוּ אֶת-הַגִּבּוֹר הַצָּעִיר וַיִּשְׁתּוֹמְמוּ לְיָפְיוֹ וּלְגֹבַהּ קוֹמָתוֹ. וַיֹּאמְרוּ הַיָּלְקוֹסִים אִישׁ אֶל-רֵעֵהוּ: אֵין זֹאת, כִּי אֵל הוּא, אֲשֶׁר יָרַד מִמְּרוֹמֵי הַר-אוֹלִימְפְּ אַרְצָה.

וַיְהִי כְּכַלּוֹת הַמֶּלֶךְ לִזְבּוֹחַ אֶת-זִבְחוֹ וַיַּרְא אֶת-הָאִישׁ הַנָּכְרִי, וְהִנֵּה רַגְלוֹ הָאַחַת יְחֵפָה, וַיִּבָּהֵל וְלֹא קָמָה בוֹ רוּחַ. וְאוּלָם מַהֵר הִתְאוֹשֵׁשׁ וַיַּבְלֵג עַל-פַּחְדּוֹ וּבִמְנוּחָה מְדֻמָּה נִגַּשׁ אֶל-יָזוֹן וַיִּשְׁאָלֵהוּ לִשְׁמוֹ וּלְצוּר מַחְצַבְתּוֹ⁸. וְלֹא כִחֵד יָזוֹן מִמֶּנּוּ דָבָר וַיַּגֶּד-לוֹ, כִּי גֻדַּל בְּבֵיִת-חִירוֹן הַקִּינְטוֹר וַיִּלְמַד אֶת-תּוֹרַת-הַגְּבוּרָה וְעַתָּה בָא הֵנָּה לִדְרשׁ אֶת-מַמְלַכְתּוֹ מִיָּדוֹ.

וּפְלִיאָס אִישׁ עָרוּם וּבַעַל-תַּחְבּוּלוֹת. וַיְהִי כְשָׁמְעוֹ אֶת-דִּבְרֵי-יָזוֹן וַיָּאֶר לוֹ פָנִים וַיַּסְתֵּר אֶת-פַּחְדּוֹ מֵעֵין-רוֹאִים. וַיָּבֵא פְלִיאָס אֶת-בֶּן-אָחִיו אֶל-אַרְמוֹנוֹ וַיּוֹלִיכֵהוּ וַיַּרְאֵהוּ אֶת-כָּל-חֲדָרָיו וְאֶת-כָּל-אוֹצְרוֹתָיו; לֹא הָיָה דָבָר, אֲשֶׁר לֹא הֶרְאָהוּ. וַיִּשְׂמַח יָזוֹן מְאֹד וַיִּתְוַדַּע לָעֲלָמִים, אֲשֶׁר הִשְׁתַּעֲשַׁע אִתָּם בִּימֵי-יַלְדוּתוֹ.

וַיַּעַשׂ הַמֶּלֶךְ מִשְׁתֶּה לְיָזוֹן, מִשְׁתֶּה חֲמֵשֶׁת יָמִים וַיַּעֲרֹךְ מִשְׂחָקִים לִכְבוֹדוֹ. וַיְהִי בַּיּוֹם הַשִּׁשִּׁי, כַּאֲשֶׁר עָבְרוּ יְמֵי הַמִּשְׁתֶּה, וַיָּבֹא יָזוֹן וְכָל-רֵעָיו אִתּוֹ וַיִּגְּשׁוּ אֶל-הַמֶּלֶךְ. וַיַּעַן יָזוֹן וַיֹּאמֶר בְּעַנְוַת-חֵן:

אֲדוֹנִי! הֲלֹא יָדַעְתָּ, כִּי לִי הַמְּלוּכָה וְכָל-אֲשֶׁר לָךְ, כִּי בֵן אָנֹכִי לְאֵזוֹן אָחִיךָ הַבְּכוֹר, הַמֶּלֶךְ הַיַּצִּיב⁹; וְאַתָּה גָּזַלְתָּ אוֹתָהּ מִיָּדוֹ וַתּוֹרֶד אֶת-שֵׂיבָתוֹ בְּיָגוֹן שְׁאוֹלָה.

וְעַתָּה הָשִׁיבָה לִי אֶת-הַמְּלוּכָה בְשָׁלוֹם וְסָלַחְתִּי לְךָ וְהִשְׁאַרְתִּי בִרְשׁוּתְךָ אֶת-כָּל-עֶדְרֵי הַצֹּאן וְהַבָּקָר וְהַשָׂדוֹת, אֲשֶׁר לָקַחְתָּ מִיַּד-אֲבוֹתַי בְּלִי מִשְׁפָּט.

וַיַּעַן פְּלִיאָס אֶת-יָזוֹן וַיֹּאמַר: טוֹבִים דְּבָרֶיךָ, אֲשֶׁר דִּבַּרְתָּ, וּבְחֵפֶץ לֵב אָשִׁיב לְךָ אֶת-הַמְּלוּכָה. וְאוּלָם בְּטֶרֶם תֵּשֵׁב עַל-כִּסֵּא מַלְכוּתְךָ, עָלֶיךָ לַעֲשׂוֹת מִפְעָל¹⁰, אֲשֶׁר יְפַרְסֵם אֶת-שִׁמְךָ וַאֲשֶׁר רָפוּ יָדַי, יְדֵי-זָקֵן, מֵעֲשׂוֹתוֹ. הִנֵּה כְפַעַם בְּפַעַם נִגְלָה אֵלַי פְרִיקְסְ בַּחֲלוֹם וַיְצַו עָלַי בְּמַפְגִּיעַ¹¹ לֵאמֹר: לֵךְ אֶל-אַיִט מֶלֶךְ קוֹלְחִידָה וְלָקַחְתָּ מִיָּדוֹ אֶת-גִּזַּת הַזָּהָב וְהַעֲלֵיתָ אֶת-עַצְמוֹתַי מִשָּׁם אֶל-עִיר-מוֹלַדְתִּי.

כָּכָה דִבֶּר אֵלַי פְרִיקְסְ בַּחֲלוֹם. וְאוּלָם אֲנִי זָקַנְתִּי, בָּאתִי בַּיָּמִים וְלֹא אֶעֱצֹר כֹּחַ לֶאֱחֹז דֶּרֶךְ רְחוֹקָה כָּזֹאת. ועַתָּה, בְנִי, שְׁמַע בְּקוֹלִי וְלֵךְ אַרְצָהּ קוֹלְחִידָה לַעֲשׂוֹת אֶת-מִצְוַת-פְרִיקְסְ וְנָחַלְתָּ לְךָ שֵׁם תְּהִלָּה, אֲשֶׁר לֹא יִמָּחֶה, וּבְשׁוּבְךָ בְשָׁלוֹם וְיָשַׁבְתָּ עַל-כִּסֵּא אָבִיךָ.

ב. סִבַּת הַנְּסִיעָה.    🔗

וְזֶה דְבַר גִּזַּת הַזָּהָב: לַאֲטָמָה מֶלֶךְ בֵּאָטִיָּה הָיוּ בֵן וּבַת; שֵׁם הַבֵּן פְרִיקְסְ וְשֵׁם הַבַּת הֵלָה; וְאֵם אֵין לַיְלָדִים, כִּי מֵתָה בְּלִדְתָּהּ אוֹתָם. וַיְהִי מִקֵּץ הַיָּמִים וַיִּקַּח לוֹ אֲטָמָה אִשָּׁה אַחֶרֶת וּשְׁמָהּ אִינָה וַיִּנָּחֶם אַחֲרֵי אִשְׁתּוֹ הָרִאשׁוֹנָה. וַתַּעֲבֵד אִינָה אֶת-הַיְלָדִים עֲבוֹדָה קָשָׁה וַתְּמָרֵר אֶת-חַיֵּיהֶם וּבָאַחֲרוֹנָה הִתְנַכְּלָה לַהֲמִיתָם. וַתָּבֹא אֲלֵיהֶם נְפֵלָה אִמָּם בַּחֲלוֹם הַלַּיְלָה וַתֹּאמֶר לָהֶם: הִנֵּה אִמְּכֶם חוֹרַגְתְּכֶם מִתְנַחֶמֶת¹² לָכֶם לַהֲרָגְכֶם. וְעַתָּה בָנַי, שִׁמְעוּ בְקוֹלִי. הִנֵּה הֵבֵאתִי לָכֶם אַיִל בַּעַל-כְּנָפַיִם, אֲשֶׁר נָתַן לִי הֶרְמֵס, מַלְאַךְ-הָאֵלִים, וּרְכַבְתֶּם עָלָיו וְהִצִּיל אֶתְכֶם מִכַּף אִינָה הַמִּרְשָׁעַת.

וַיָּקִיצוּ הַיְּלָדִים מִשְּׁנָתָם וַיִּפְקְחוּ אֶת-עֵינֵיהֶם וְהִנֵּה אַיִל בַּעַל-כְּנָפַיִם לִפְנֵיהֶם, וְצֶמֶר הָאַיִל זָהָב טָהוֹר. וַיֵּדְעוּ הַיְּלָדִים וַיָּבִינוּ, כִּי אָמְנָם נִרְאֲתָה אֲלֵיהֶם אִמָּם בַּחֲלוֹם וְכִי בֶּאֱמֶת חוֹשֶׁבֶת עֲלֵיהֶם אִינָה מַחֲשָׁבוֹת רָעוֹת. וַיְמַהֲרוּ וַיִּלְבְּשׁוּ אֶת-בִּגְדֵיהֶם וַיִּרְכְּבוּ עַל-גַּב-הָאָיִל. וַיִּפְרֹשׂ הָאַיִל אֶת-כְּנָפָיו וַיִּתְנַשֵּׂא מֵעַל-הָאָרֶץ. וַיִּשָּׂא אֶת-הַיְלָדִים וַיָּעָף עַל-פְּנֵי-יַמִּים וַאֲרָצוֹת. וַתַּבֵּט הַיַּלְדָּה מֵעַל רְכוּבָהּ אַרְצָה וַתֵּרֶא אֶת-הַמֶּרְחָק הַנּוֹרָא הַמַּפְרִיד בֵּינָהּ וּבֵין הָאָרֶץ וַיֵּתַע לִבָּהּ וַתִּצְנַח מֵעַל-גַּב-הָאָיִל. וַתִּפֹּל הַיַּלְדָּה וַתִּצְלֹל בְּגַלֵּי הַיָּם. וַיִּקְרְאוּ לַיָּם הַזֶּה עַל-שְׁמָהּ הֵלֶספֹּנְטְ, לֵאמֹר: יַם-הֵלָה עַד-הַיּוֹם הַזֶּה. וּפְרִיקְסְ בָּא בְשָׁלוֹם אֶל-קוֹלְחִידָה, אֲשֶׁר עַל-חֹף הַיָּם הַשָּׁחוֹר.

וַיִּשְׂמַח אַיִט מֶלֶךְ קוֹלְחִידָה לִקְרָאתוֹ וַיַּאַסְפֵהוּ אֶל-בֵּיתוֹ וַיִּתֶּן-לוֹ אֶת-בִּתּוֹ הַבְּכִירָה לְאִשָּׁה.

וַיֵּשֶׁב פְרִיקְסְ בְּאַרְמוֹן הַמֶּלֶךְ וַיּוֹדֶה לְזוּז, אֲשֶׁר הָיָה עִמּוֹ בְצָרָה וַיַּצִּילֵהוּ בַדָּרֶךְ. וַיִּזְבַּח פְרִיקְסְ לְזוּז אֶת-הָאַיִל, אֲשֶׁר רָכַב עָלָיו, וְאֶת-צַמְרוֹ, צֶמֶר הַזָּהָב, גָּזַז מֵעָלָיו וַיְבִיאֵהוּ שַׁי¹³ לְאָיִט. וְהַגִּזָה יְקָרָה מִפְּנִינִים וְלֹא יְסֻלֶּה¹⁴ בְאַבְנֵי-חֵן מְחִירָהּ. וַיַּקְדֵּשׁ אַיִט אֶת-גִּזַּת-הַזָהָב לְאָרֵס¹⁵ וַיִּתְלֶנָּה בְאֵלוֹן¹⁶ אָרֵס.

וְחוֹזֶה בָא אֶל-אַיִט וַיֹּאמֶר לוֹ: שְׁמֹר אֶת-הַגִּזָּה מִכָּל-מִשְׁמָר, כִּי יָדֹעַ תֵּדַע, כִּי בְיוֹם הִלָּקַח הַגִּזָּה מִיָּדְךָ וּפָנָה אָשְׁרְךָ לְךָ עֹרֶף. וַיִּירָא אַיִט יִרְאָה גְדוֹלָה וַיֵּצֶר לוֹ מְאֹד וַיַּפְקֵּד עַל-הַגִּזָּה רַהַב נוֹרָא לְשָׁמְרָהּ יוֹמָם וָלָיְלָה.

וּמַלְכֵי יָוָן וְגִבּוֹרֶיהָ שָׁמְעוּ אֶת-מַעֲשֶׂה-פְרִיקְסְ וּנְסִיעָתוֹ וְאֶת-דְּבַר-הַגִּזָּה וַיַעְפִּילוּ¹⁷ רַבִּים מֵהֶם לָלֶכֶת קוֹלְחִידָה וְלָקַחַת אֶת-הַגִּזָּה מִיַּד-אָיִט. וַיָּמוּתוּ כֻלָּם, בְּטֶרֶם יַעַבְרוּ אֶת-חֲצִי-הַדֶּרֶךְ.

וְּפְלִיאָס יָדַע, כִּי נִבְצַר מִיַּד בֶּן-אָדָם לָבֹא בְדֶרֶךְ הַטֶּבַע אַרְצָה קוֹלְחִידָה, וַיְדַבֵּר עַל-לֵב יָזוֹן לְהָבִיא אֶת-הַגִּזָּה וּלְהַעֲלוֹת אֶת-עַצְמוֹת פְרִיקְסְ מִשָּׁם, לְמַעַן יַעֲשֶׂה לוֹ שֵׁם תְּהִלָּה. וּפְלִיאָס אָמַר: אַל-תְּהִי יָדִי בוֹ וּתְהִי בוֹ יַד-הָאֵלִים.

וַיִּישַׁר הַדָּבָר בְּעֵינֵי-יָזוֹן, כִּי הָלַךְ בִּגְּדוֹלוֹת, וְלֹא יָדַע, כִּי רֶשֶׁת שָׂם דּוֹדוֹ לְרַגְלָיו וְכִי חוֹשֵׁב הוּא עָלָיו מַחֲשָׁבוֹת לְהַכְחִיד מֵאֶרֶץ זִכְרוֹ.

וַתַּעֲבֹר הַשְּׁמוּעָה אֶת-כָּל-אַרְצוֹת יָוָן וַיָּבֹאוּ כָל-גִּבּוֹרֵי-יָוָן וַחֲכָמֶיהָ אֶל-יָזוֹן לְהִשְׁתַּתֵּף עִמּוֹ בַּנְּסִיעָה. וְאֵלֶּה רָאשֵׁי הַגִּבּוֹרִים, אֲשֶׁר נֶאֶסְפוּ אֶל-יָזוֹן: טִיפִיס, לִינָק מְהִיר-הָעַיִן, וְהֵרַקְלֶס; פֶּלֶא, אֲבִי-אַחִיל, וְטַלְמוֹן, אֲבִי אֲיַקְסְ; קַסְטוֹר וּפוֹלוּקְס בְּנֵי-זוּז, נֵלִי, אֲבִי-נֶסְטוֹר, וַאֲדֶמֶת, בַּעַל אַלְקוֹסְטָה, יִרְאַת-הַאֱלֹהִים; מֶלֵּאָגֵר, אֲשֶׁר הִכְרִיעַ אֶת-הַחֲזִיר בְּיַעַר קַלֵּדוֹן¹⁸, אָרְפִּי מַנְעִים הַזְּמִירוֹת, וּמֵנָק, אֲבִי פַּטְרוֹקֶל; טֵזִי, אֲשֶׁר מָלַךְ אַחֲרֵי-כֵן בְּאַתּוּנָה, הִילָס הַצָּעִיר, רֵעַ הֵרַקְלֶס, אוֹפֵם בֶּן-פּוֹסִידוֹן, וְאוֹלֶה, אֲבִי אֲיַקְסְ הַצָּעִיר.

וְחַכְמֵי-לֵב בָּנוּ אֳנִיָּה גְדוֹלָה לְרַגְלֵי-הַר-פִּלְיוֹן, וַיַּעֲשׂוּ אֶת-הָאֳנִיָּה עֵצִים, אֲשֶׁר לֹא יִשָּׁחֲתוּ בַּמָּיִם. וְקֶרֶשׁ שָׂמוּ בָהּ מְנַבֵּא עֲתִידוֹת; וְהַקֶּרֶשׁ הוּא מַתְּנַת אַתּוּנָה, הַמְּפַקַּחַת עַל-מַעֲשֶׂה-הַבִּנְיָה. וַיִּשְׁקְדוּ הָאָמָנִים עַל-מְלַאכְתָּם וַיְכַלּוּ לִבְנוֹת אֶת-הָאֳנִיָּה כַּעֲבֹר חֹדֶשׁ יָמִים. וַיַּעֲשׂוּ הַיְוָנִים לָאֳנִיָּה חֲמִשִּׁים מְשּׁוֹטִים וַיִּקְרְאוּ לָהּ אָרְגָּה עַל-שֵׁם רֹאשׁ הָאַרְדִּיכָלִים¹⁹, אֶרֶג בֶּן-אָרֶסְטוֹר הַמְּנַצֵּחַ עַל-הַמְּלָאכָה. וְלָאֲנָשִׁים, אֲשֶׁר שָׁטוּ בָאֳנִיָּה, קָרְאוּ אָרְגָּתִים. וַתְּהִי אָרְגָּה הָאֳנִיָּה הָרִאשׁוֹנָה, אֲשֶׁר הֵשִׁיטוּ הַיְוָנִים עַל-פְּנֵי הַיָּם. וַיְקַשְּׁטוּ הַיְוָנִים אֶת-הָאֳנִיָּה קִשּׁוּטִים שּׁוֹנִים וַתְּהִי קַלָּה מְאֹד וַיִּשָּׂאוּהָ הַגִּבּוֹרִים עַל-שִׁכְמָם אֶל-חֹף הַיָּם שְׁנֵים-עָשָׂר יוֹם.

וַיְהִי כְּכַלּוֹתָם לִבְנוֹת אֶת-הָאֳנִיָּה וַיְחַלְּקוּ בֵּינֵיהֶם אֶת-הַמְּקוֹמוֹת וְאֶת-הָעֲבוֹדָה עַל-פִּי-הַגּוֹרָל: וַיְהִי יָזוֹן לְרַב-הַחוֹבֵל, טִיפִיס הָיָה לְמְהַגֶּה²⁰ וְלִינָק חַד הָרְאוּת לְמוֹרֵה דֶּרֶךְ. וְגַם כָּל-יֶתֶר הַגִּבּוֹרִים בָּאוּ אִישׁ אִישׁ עַל-מְקוֹמָם עַל-פִּי הַגּוֹרָל.

וּבְטֶרֶם יֵצְאוּ לַדֶרֶךְ, הִקְרִיב יָזוֹן קָרְבָּנוֹת לְפוֹסִידוֹן אֵל-הַיָּם וַיַּקְדֵּשׁ לִשְׁמוֹ אֶת-הָאֳנִיָּה וַיִּתְפַּלֵּל אֵלָיו, כִּי יִשָּׂא אֶת-פָּנָיו אֲלֵיהֶם וִיחֻנֵּם. וְגַם מֵאֵלֵי הַיָּם הַקְּטַנִּים בְּעֶרְכָּם מִפּוֹסִידוֹן לֹא מָנַע יָזוֹן זֶבַח וּמִנְחָה.

וַיֵּשְׁבוּ הַגִּבּוֹרִים עַל-מְקוֹמוֹתֵיהֶם, אֲשֶׁר נָפְלוּ לָהֶם עַל-פִּי הַגּוֹרָל. וַיַּעֲלוּ הָאַרְגָּתִים אֶת-הָעֹגֶן²¹ וַיַּחְתְּרוּ בַּחֲמִשִׁים הַמִּשּׁוֹטִים. וְרוּחַ לְוָי²² מָתַח אֶת-הַמִּפְרָשִׂים. וַתָּשָט הָאֳנִיָּה כְּמַהֵר חֵץ מִקֶּשֶׁת וַתָּבֹא בְּלֵב הַיָּם.

וַיִּקַּח אָרְפִּי אֶת-כִּנּוֹרוֹ וַיַּךְ עָל מֵיתָרָיו. וַיִּשָּׁמַע קוֹל שִׁירָה נִפְלָאָה, אֲשֶׁר עוֹדְדָה אֶת-רוּחַ הַגִּבּוֹרִים. וַתַּעֲבֹר הָאֳנִיָּה עַל-פְּנֵי אִיִּים וְכֵפִים תְּלוּלִים. בְּיוֹם הַמָּחֳרָת הִתְחוֹלְלָה רוּחַ סְעָרָה וַתִּשָּׂא אֶת-הָאֳנִיָּה אֶל-חֻפֵּי-אִי לֶמְנוֹס.

ג. הָאַרְגָּתִים עַל-אִי לֶמְנוֹס.    🔗

וְלִפְנֵי שָׁנָה בָאָה שׁוֹאָה עַל יוֹשְׁבֵי-אִי לֶמְנוֹס. וְזֶה הַדָּבָר: נְשֵׁי לֶמְנוֹס דִּבְּרוּ דֹפִי בְאַפְרוֹדִיטָה, אֵלַת הַפִּרְיָה, וְלֹא הִקְרִיבוּ עַל-מִזְבְּחָהּ אֶת-הַקָּרְבָּנוֹת הָרְאוּיִם לָהּ. וַתִּקְצֹף עֲלֵיהֶן הָאֵלָה וַתִּשָּׂבַע לֵאמֹר: חֵי זוּז אָבִי, אִם לֹא נָקָם נוֹרָא אִנָּקֵם מֵהֶן וְיָדְעוּ אֶת-תְּנוּאָתִי²³.

וַתִּשְׁלַח אַפְרוֹדִיטָה רוּחַ רָעָה בֵּין-אַנְשֵׁי-לֶמְנוֹס וּבֵין הַטְּרַקִּיִּים שִׁכְנֵיהֶם. וַיְהִי הַיּוֹם וַיִּפְרְצוּ הַלֶּמְנוֹסִים בִּגְבוּל אֶרֶץ טְרַקִּיָּה וַיִּשְׁלְלוּ שָׁלָל וַיִּנְהֲגוּ אֶת-עֶדְרֵיהֶם וְגַם נָשִׁים הַרְבֵּה לָקְחוּ שֶׁבִי. וַיִּרְאוּ אַנְשֵׁי-לֶמְנוֹס אֶת-הַטְּרַקִּיּוֹת כִּי טוֹבוֹת²⁴ הֵנָּה, וַיִּזְנוּ אַחֲרֵיהֶן. וַתְּקַנֶּאנָה הַלֶּמְנוּסִיּוֹת אֶת-בַּעֲלֵיהֶן וַתָּקֹמְנָה וַתַּהֲרֹגְנָה אוֹתָם וְאֵת-הַטְּרַקִּיּוֹת צָרוֹתֵיהֶן וְלֹא נִשְׁאַר מֵאַנְשֵׁי הָאִי, בִּלְתִּי אִם טוֹאָס הַמֶּלֶךְ, כִּי הֶחְבִּיאַתְהוּ הֶפְּסִפִּילִיָּה בִתּוֹ בַּתֵּבָה וַתּוֹרִידֶנָּה עַל-קַרְקַע הַיָּם. וְלֹא יָדְעוּ נְשֵׁי לֶמְנוֹס מְנוּחָה מִן הַיּוֹם הַהוּא וָהָלְאָה, כִּי יָרְאוּ אֶת-נִקְמַת הַטְּרַקִּיִים. וּמִדֵּי יוֹם בְּיוֹמוֹ הָיוּ הוֹלְכוֹת בְּנוֹת לֶמְנוֹס אֶל-הַחֹף לִרְאוֹת, הַאֵין הַטְּרַקִּיִים בָּאִים בָּאֳנִיּוֹת מִלְחַמְתָּם לִגְאֹל אֶת-דְּמֵי אַחְיוֹתֵיהֶם וּבְנוֹתֵיהֶם. וַיְהִי כִי רָאוּ אֶת-אָרְגָּה הוֹלֶכֶת וּקְרֵבָה אֶל-הָאִי וַתַּחְשֹׁבְנָה, כִּי מְגוּרָתָן²⁵ בָּאָה, וַתִּקָּהַלְנָה כֻלָּן כְּאִישׁ אֶחָד וַתִּזְדַּיֵּנָּה וַתֵּצֶאנָה לִקְרַאת הָאֳנִיָּה.

וַיִּשְּׂאוּ הָאַרְגָּתִים אֶת-עֵינֵיהֶם וַיִּרְאוּ גְּדוּד נָשִׁים מְזֻיָּנוֹת הוֹלֵךְ לִקְרָאתָם וְאִישׁ אֵין בֵּינֵיהֶן. וַיְמַהֲרוּ הַשַּׁיָּטִים וַיּוֹרִידוּ מֵעַל-הָאֳנִיָּה סִירָה וּבָהּ צִיר שָׁלוּחַ וַעֲנַף הַשָּׁלוֹם בְּיָדוֹ. וַיְהִי כַּאֲשֶׁר עָלָה הַצִּיר עַל-הַחֹף וַתּוֹלֵכְנָה אוֹתוֹ הַנָּשִׁים הָעוֹמְדוֹת עַל-הַמִּשְׁמָר וַתַּצֵּגְנָה אוֹתוֹ לִפְנֵי הַמַּלְכָּה הֶפְּסִפִּילְיָּה. וַיַּגֵּד הַצִּיר אֶת-דִּבְרֵי שׁוֹלְחָיו לַמַּלְכָּה וַיְבַקֵּשׁ מֵאִתָּהּ לְהָאִיר פָּנֶיהָ לָאַרְגָּתִים.

וַתַּקְהֵל הַמַּלְכָּה אֶת-כָּל-נְשֵׁי-לֶמְנוֹס בְּכִכַּר-הָעִיר וַתֵּשֶׁב עַל-כִּסֵּא הַמְּלוּכָה, אֲשֶׁר לְאָבִיהָ. וּמֵעֵבֶר הַכִּסֵּא מִזֶּה וּמֵעֵבֶר הַכִּסֶּא מִזֶּה נַעֲרָה כְּתֻמַּת-שֵׂעָר וִיפַת-תֹּאַר עַד-מְאֹד, וְעַל-יַד-הַמַּלְכָּה אוֹמַנְתָּהּ הַזְּקֵנָה נִשְׁעֶנֶת עַל-מִשְׁעַנְתָּהּ. וַתַּגֵּד הַמַּלְכָּה לַנֶּאֱסָפוֹת אֶת-דִּבְרֵי הַצִּיר וַתּוֹסֶף וַתֹּאמַר:

אַחְיוֹתַי הַטּוֹבוֹת! הֲלֹא תֵּדַעְנָה, כִּי חָטָאנוּ חֲטָאָה גְדוֹלָה, בְּהָרְגֵנוּ אֶת-אַלּוּפֵי-נְעוּרֵינוּ. וְעַתָּה אַל-נָא נוֹסִיף לַחֲטֹא, בְּמָנְעֵנוּ מֵאֵת אֲנָשִׁים שְׁלֵּמִים אִתָּנוּ אֶת-חַסְדֵּנוּ. רַק הִשָּׁמֵרְנָה וְהִזָּהֵרְנָה! פֶּן תְּגַלֶּה אִשָּׁה מִכֶּן אֶת-מַעֲשֶׂה הָרֶצַח אֲשֶׁר עָשִׂינוּ, וְכָלְתָה אֵלֵינוּ הָרָעָה מֵאִתָּם. וְלָכֵן זֹאת עֲשֶׂינָה: קָחְנָה לָכֶן מִכָּל מַאֲכָל, אֲשֶׁר יֵאָכֵל, וּמִכָּל-מַשְׁקֶה אֲשֶׁר יִשָּׁתֶה, וְהֵבֵאָתֶן לִבְנֵי-הַנֵּכָר עַל-הָאֳנִיָּה וְאֶת-כָּל-אֲשֶׁר תִּתְאַו נַפְשָׁם אַל-תִּמְנַעְנָה מֵהֶם. אוּלַי יִתְעַשְּׁתוּ וְיָּסוּרוּ מֵעָלֵינוּ.

וַיְהִי כַאֲשֶׁר כִּלְּתָה הַמַּלְכָּה לְדַבֵּר אֶת-דְּבָרֶיהָ וַתֵּשֶׁב עַל-כִּסְּאָהּ, וַתָּקָם הָאוֹמֶנֶת הַזְּקֵנָה וַתַּעַן וַתֹּאמַר: טוֹב תַּעֲשֶׂינָה, בְּשָׁלַחֲכֶן מַתָּנוֹת לִבְנֵי-הַנֵּכָר. אֲבָל עֵת לִדְאֹג גַּם לַעֲתִידוֹתֶיכֶן. הֲלֹא תֵדַעְנָה אֶת-הַצָּפוּי לָכֶן מֵאֵת הַטְּרַקִּיִּים, וְאִם גַם יִטּוּ הָאֵלִים אֶת-חַסְדָּם אֵלֵינוּ וְהִסִּיחוּ אֶת-דַּעַת שְׁכֵנֵינוּ מֵאִיֵּנוּ, לֹא תִמָּלַטְנָה בְּכָל-זֹאת מִגּוֹרַלְכֶן הָאַכְזָר. אַשְׁרֵי הַזְּקֵנוֹת, כָּמוֹנִי הַיּוֹם, אֲשֶׁר הַמָּוֶת רוֹבֵץ לְפִתְחָן, כִּי עוֹד מְעַט וְיָרְדוּ שְׁאוֹלָה וְלֹא תֵדַעְנָה רַע. אֲבָל אַתֶּן, הַצְּעִירוֹת, מָה-יְהִי בְּסוֹפְכֶן? מִי יִדְאַג לָכֶן וּמִי יְכַלְכֵּל אֶתְכֶן, כַּאֲשֶׁר יֶאֱזַל הַלֶּחֶם מִבָּתֵּיכֶן? הַאִם הַשְּׁוָרִים יָשִׂימוּ בְּעַצְמָם אֶת-הָעֹל עַל-צַוָּארָם וְהָלְכוּ בְּעַצְמָם לַחֲרֹשׁ חֲרִישְׁכֶן? וּבְכַסּוֹת הַקַּיִץ הַמַּפְרֶה אֶת-הָאֲדָמָה בָּר, הַאִם הֵם יֵצְאוּ לְקָצְרוֹ וּלְעַמְּרוֹ לָעֳמָּרִים? הֲלֹא תִקְשֶׁה הָעֲבוֹדָה וְנִבְצַר הַדָּבָר מִכֶּן לַעֲשׂוֹתָהּ? וְלָכֵן זֹאת עֲצָתִי: תֵּנָּה תוֹדָה לָאֵלִים עַל-הָעֶזְרָה, אֲשֶׁר שָׁלְחוּ לָכֶן בְּיַד-הַזָּרִים, קְרֶאנָה לָהֶם וְיָשְׁבוּ עַל-הָאִי וּמָשְׁלוּ בוֹ וּפָרְשׂוּ כַנְפֵיהֶם עֲלֵיכֶן²⁶ וְהָיוּ לָכֶן לִמְשִׁיבֵי-נָפֶשׁ²⁷.

וַתִּמְצָא עֲצַת-הַזְּקֵנָה חֵן בְּעֵינֵי-הַנָּשִׁים וַתִּוָעַצְנָה פֶּה אֶחָד וַתִּשְׁלַחְנָה נַעֲרָה עַל-הָאֳנִיָּה לְהוֹדִיעַ אֶת-הַאָרְגָּתִים אֶת-רְצוֹן הַנֶּאֱסָפוֹת. וַיִּשְׁמְעוּ הַאַרְגָּתִים אֶת-דִּבְרֵי הַנַּעֲרָה וַיִּשְׂמְחוּ שִׂמְחָה גְדוֹלָה וַיֵּאוֹתוּ לְהֵאָחֵז בָּאִי וּלְהִתְחַתֵּן אִתָּן וְהֵם לֹא יָדְעוּ, כִּי יְדֵי הַלֶּמְנוסִיּוֹת נְגֹאֲלוּ בְדַם-בַּעֲלֵיהֶן.

וַיַּעַד יָזוֹן אֶת-מְעִיל-הָאַרְגָּמָן, אֲשֶׁר נָתְנָה לוֹ אַתּוּנָה, וַיֵּלֶךְ מַעֲדַנּוֹת²⁸ אֶל-שַׁעַר הָעִיר. וַתֵּצֶאנָה נְשֵׁי-הָעִיר לִקְרָאתוֹ וַתִּקְרֶאנָה קְרִיאוֹת שִׂמְחָה וַתִּבָּקַע הָאָרֶץ לְקוֹלָן. וַיָּבֹא יָזוֹן אֶל-אַרְמוֹן הַמַּלְכָּה וַתִּפְתַּחְנָה נַעֲרוֹת הַמַּלְכָּה וּמְשָׁרְתוֹתֶיהָ לִרְוָחָה אֶת-דּלְתוֹת הָאַרְמוֹן; וְנַעֲרָה שָׁלְחָה הַמַּלְכָּה לְהָבִיא אֶת-יָזוֹן אֶל-חַדְרָהּ. וַיָּבֹא יָזוֹן וַיֵּשֶׁב עַל-יָדָהּ עַל-סַפָּה כְּבוּדָה.

וַתּוֹרֶד הֶפְּסִפִּילִיָּה אֶת-רֹאשָׁהּ אַרְצָה וַתַּחֲרֵשׁ רְגָעִים מִסְפָּר. אַחַר הִבְלִיגָה עַל-סַעֲרַת לִבָּה וַתַּעַן וַתֹּאמַר:

לָמָּה, בְנֵי-נֵכָר, לֹא תַחְפְּצוּ לָבֹא שְׁעָרֵינוּ? הֲלֹא אֵין פֹּה אֲנָשִׁים, כִּי תִרְאוּ מֵהֶם. הֲלֹא בְעָלֵינוּ בָגְדוּ בָנוּ, כִּי בְהִלָּחֲמָם עִם הַטְּרַקִּיִּים לָקְחוּ מִבְּנוֹתָם בַּשִּׁבְיָה. וַתִּמְצֶאנָה הַטְּרַקִּיּוֹת חֵן בְּעֵינֵיהֶם וַיִּזְנוּ אַחֲרֵיהֶן וַיֵּלְכוּ אֶל-אַרְצָן. וַאֲנַחְנוּ נִשְׁאַרְנוּ בוֹדְדוֹת וְגַלְמוּדוֹת. וְעַתָּה אִם יֵשׁ אֶת-נַפְשְׁכֶם וּפְרַשְׂתֶּם אֶת-כַּנְפֵיכֶם עָלֵינוּ וּמְשַׁלְתֶּם בָּנוּ וּבָאִי לְטוֹב לָכֶם, כִּי הָאָרֶץ טוֹבָה וְרַחֲבַת-יָדָיִם, וְאַתָּה תֵשֵׁב עַל-כִּסֵּא טוֹאָס אָבִי.

וַיּוֹדֶה יָזוֹן לַמַּלְכָּה עַל-הַצָּעָתָהּ וַיִּפָּרֵד מֵאִתָּהּ לָלֶכֶת וּלְהַגִּיד לְרֵעָיו אֶת-דִּבְרֵי-הַמַּלְכָּה.

וַתָּבֹאנָה הַנָּשִׁים בַּעֲגָלוֹת טְעוּנוֹת כָּל-טוּב לְהָבִיא מִנְחָה לַשַּׁיָּטִים. וַיִּשְׁמְעוּ גִבּוֹרֵי-יָוָן אֶת-דִּבְרֵי-הַמַּלְכָּה, אֲשֶׁר בְּיַד-יָזוֹן, וַיִּיטַב בְעֵינֵיהֶם וַיֵּלֵכוּ הָעִירָה וַיֵּשְׁבוּ בְּבָתֵּי הַלֶּמְנוֹסִיּוֹת; וְיָזוֹן יָשַׁב בְּאַרְמוֹן הַמַּלְכָּה. וְלֹא נִשְׁאַר עַל-הָאֳנִיָּה בִּלְתִּי אִם הֵרַקְלֶס וְרֵעָיו, כִּי שָׂנְאוּ אֶת-הַנָּשִׁים תַּכְלִית שִׂנְאָה.

וַיִּמָּלֵא הָאִי קוֹל שִׂמְחָה וְקוֹל שָׂשׂוֹן, בְּכָל-בַּיִת מִשְׁתֶּה וְגִבּוֹרֵי-יָוָן וּנְשֵׁי-לֶמְנוֹס אוֹכְלִים וְשׁוֹתִים וּשְׂמֵחִים וּמַקְרִיבִים קָרְבָּנוֹת לְהֵפֵסְטְ, מָגֵן הָאִי, וְּלְאַפְרוֹדִיטָה אִשְׁתּוֹ. וַיִּשְׁכְּחוּ הַגִּבּוֹרִים אֶת-דְּבַר הַנְּסִיעָה.

וַיֵּרַע הַדָּבָר בְּעֵינֵי-הֵרַקְלֶס וַיֵּרֶד מֵעַל-הָאֳנִיָּה וַיֵּלֶךְ הָעִירָה. וַיַּעַשׂ אֶת-דְּבָרוֹ בַּסֵּתֶר וַיֶּאֱסוֹף אֶת-רֵעָיו וַיַּרְעֵם עֲלֵיהֶם בְּקוֹלוֹ לֵאמֹר:

הַבּוּז לָכֶם, גִבּוֹרֵי-יָוָן, כִּי נִפְתָּה לִבְּכֶן אַחֲרֵי נָכְרִיּוֹת, אִמְרֵיהֶן הֶחֱלִיקוּ! הַאֵין נָשִׁים יָפוֹת בְּאַרְצְכֶם, כִּי בָאתֶם הֵנָּה? וְאִם לַעֲשׂוֹת מִשְׁתֶּה וְלָצֵאת בִּמְחוֹלוֹת יְצָאתֶם בָּאֳנִיָּה? הֲתַעֲלוּ עַל-לִבְּכֶם, כִּי אַחַד הָאֵלִים יֵלֵךְ וְיָבִיא לָכֶם אֶת-גִּזַּת-הַזָּהָב? הֲלֹא טוֹב לָכֶם לָשׁוּב הַבַּיְתָה מִשֶּׁבֶת בָּאִי הַזֶּה וְלַעֲבֹד לִנְשֵׁי-לֶמְנוֹס: לַחֲרשׁ אֶת-שְׂדוֹתֵיהֶן, לִזְרֹעַ אֶת-זַרְעָן וְלִקְצֹר אֶת-קְצִירָן. וְאִם טוֹב בְּעֵינֵי יָזוֹן לְהֵאָחֵז בָּאָרֶץ הַזֹּאת, כִּי חָשְׁקָה נַפְשׁוֹ בְּהֶפְּסִפִּילִיָּה, יֵשֶׁב-נָא פֹּה כְּאַוַּת-נַפְשׁוֹ וְשָׁמַע אֶת-הַגְּדוֹלוֹת וְאֶת-הַגְּבוּרוֹת, אֲשֶׁר יַּעֲשׂוּ אֲחֵרִים וְלֹא הוּא.

וַיִּכְבְּשׁוּ כָל-הַגִּבּוֹרִים אֶת-פְּנֵיהֶם בַּקַּרְקַע וְלֹא הִרְהִיבוּ לְהַבִּיט בִּפְנֵי-הֵרַקְלֶס, כִּי נִכְלְמוּ מְאֹד. וַיִּוָּעֲצוּ כֻלָּם פֶּה אֶחָד לַעֲזֹב אֶת-הָאִי וְלַעֲשׂוֹת אֶת-דַרְכָּם הַלְּאָה. וַתִּרְאֶינָה הַנָּשִׁים אֶת-פְּנֵי-הָאוֹרְחִים וְהִנֵּה אֵינָם עִמָּן כִּתְמוֹל שִׁלְשׁוֹם, וַתְּבִינֶינָה, כִּי יֵשׁ אֶת-נַפְשָׁם לַעֲזֹב אֶת-הָאִי, וַיֵּצֶר לָהֶן מְאֹד. וַתְּסֻבֶּינָה אֶת-הַגִּבּוֹרִים כַּעֲדַת-דְּבוֹרִים וַתִּפְרֹצְנָה בָהֶם לְהִנָּחֵם מִמַּחְשַׁבְתָּם. וְיַּאַטְמוּ הָאֲנָשִׁים אֶת-אָזְנָם מִשְּׁמֹעַ. וַיְהִי כִרְאוֹת הַנָּשִׁים, כִּי עָרְלָה אָזְנָם מִשְּׁמֹעַ, וַתִּרְפֶּינָה מֵהֶם.

אָז תֵּצֵא הֶפְּסִפִּילִיָּה מִקְּהַל הַנָּשִׁים וַתֹּאחַז בְּיַד-יָזוֹן וַתֵּבְךְּ וַתֹּאמַר:

לֵךְ לְשָׁלוֹם אַתָּה וְרֵעֶיךָ וְהִצְלִיחוּ הָאֵלִים אֶת-דַּרְכְּךָ, אֲשֶׁר תֵּלֵךְ בָּהּ, וְנָתְנוּ בְּיָדְךָ אֶת-גִּזַּת-הַזָּהָב, מַשְּׂאַת-נַפְשֶׁךָ. וְהָיָה בְּשׁוּבְךָ בְּשָׁלוֹם מִדַּרְכֵּךָ וּבָאתָ עַל-הָאִי וּלְקַחְתַּנִי לְאִשָּׁה וְיָשַׁבְתָּ עַל-כִּסֵּא אָבִי. וְאִם לֹא תָשׁוּב הֵנָּה וּזְכַרְתַּנִי לְטוֹבָה.

וַיִּפָּרֵד יָזוֹן מֵעַל-הֶפְּסִפִּילְיָּה וַיִּגְדַּל כְּאֵבוֹ מְאֹד, כִּי נִקְשְׁרָה נַפְשׁוֹ בְּנַפְשָׁהּ.

וַיַּעַל יָזוֹן עַל-הָאֳנִיָּה וַיַּעֲלוּ אַחֲרָיו גִבּוֹרֵי-יָוָן. וַיַּתִּירוּ אֶת-הַחֲבָלִים, אֲשֶׁר אַרְגָּה קְשׁוּרָה בָּהֶם אֶל-הַחֹף, וַיַעֲלוּם עַל-הָאֳנִיָּה. וַיִּסָּמְכוּ הַמַּלָּחִים עַל-הַמִּשּׁוֹטִים וַיַּחְתְּרוּ בְכֹחַ. וַיִּשְׂאוּ הַגַּלִּים אֶת-הָאֳנִיָּה וַתֵּלֶךְ וַתַּעֲבֹר אֶת-יַם-הֵלָה.

ד. הָאַרְגָּתִים בְּאֶרֶץ הַדּוֹלְיָנִים.    🔗

וַתִּשֶׂאנָה הָרוּחוֹת הַנּוֹשְׁבוֹת מֵעֵבֶר לְאֶרֶץ טְרַקִּיָּה אֶת-הָאֳנִיָּה אֶל-חֻפֵּי-פְרִיגִיָּה. וְלֹא הַרְחֵק מִן הַחֹף אִי וְעַל-הָאִי יוֹשְׁבִים שְׁנֵי עַמִּים: עֲנָקִים פְּרָאִים, אֲשֶׁר צָמְחוּ מִן הָאֲדָמָה, וְהַדּוֹלְיָנִים, בְּנֵי אֵל-הַיָּם, אוֹהֲבֵי הַשָּׁלוֹם. וַיִּהְיוּ הָעֲנָקִים רָעֵי-לֵב, שֹׁוֹנְאֵי-אוֹרְחִים וְאַנְשֵׁי-מָדוֹן²⁹ וּמַרְאֶה פְנֵיהֶם נוֹרָא מְאֹד. וַיְהִי לְכָל-עֲנָק וַעֲנָק שֵׁשׁ שֵׁשׁ זְרוֹעוֹת: אַחַת מִכָּתֵף מִזֶּה וְאַחַת מִכָּתֶף מִזֶּה וְאַרְבַּע מִן הַצְּדָדִים.

וַיַּחְפְּצוּ הָעֲנָקִים לַעֲשׂוֹת רַע לַדּוֹלְיָנִים וְלֹא נְתָנָם אֵל-הַיָּם לִנְגֹּעַ בְּבָנָיו וַיְהִי לָהֶם לְמָגֵן.

וְהַתְּרָפִים הִזְהִירוּ לִפְנֵי יָמִים רַבִּים אֶת-הַדּוֹלְיָנִים לֵאמֹר: הִנֵּה גִבּוֹרִים מֵאֶרֶץ יָוָן בָּאִים אֲלֵיכֶם בָּאֳנִיָּה אָרְגָּה. וְקִדַּמְתֶּם אוֹתָם בְּלֶחֶם וּבְמַיִם וּנְתַתֶּם לָהֶם מָקוֹם לָלוּן וְלֹא יַחְסְרוּ אִתְּכֶם דָּבָר. וַיַּאַסְפוּ אַנְשֵׁי הָאִי מַכֹּלֶת, יַיִן וְשֵׁכָר לָרֹב וַיְחַכּוּ לְבֹא הָאוֹרְחִים.

וַיְהִי הַיּוֹם וַיִּשְּׂאוּ אַנְשֵׁי-הָאִי אֶת-עֵינֵיהֶם וַיִּרְאוּ אֳנִיָּה הוֹלֶכֶת וּקְרֵבָה אֶל-הַחֹף. וַיִּקָּהֲלוּ כָל-הָעָם מִנַּעַר וְעַד-זָקֵן וּמַלְכָּם בְּרֹאשָׁם וַיֵּצְאוּ לִקְרַאת הָאוֹרְחִים וַיְבָרְכוּ אוֹתָם בְּשָׁלוֹם. וַיִּפְצַר בָּהֶם הַמֶּלֶךְ לַחְתֹּר אֶל-הַנָּמֵל³⁰, אֲשֶׁר לִפְנֵי שַׁעַר הָעִיר וּלְהַשְׁלִיךְ שָׁם עֹגֶן.

וַיֵּעָתְרוּ לוֹ הַשַּׁיָּטִים וַיֵּרְדוּ מֵעַל-הָאֳנִיָּה וַיַּעֲלוּ אֶל הַחֹף וַיָּבֹאוּ הָעִירָה. וַיַּעַשׂ הַמֶּלֶךְ מִשְׁתֶּה גָדוֹל לְכָל-הָאוֹרְחִים. וַיֹּאכְלוּ הַגִּבּוֹרִים וַיִּשְׁתּוּ וַיַּגִּידוּ לַמֶּלֶךְ אֶת-דְּבַר-נְסִיעָתָם.

וְיֵיטִיבוּ הַגִּבּוֹרִים אֶת-לִבָּם עַד-עֲלוֹת הַשַּׁחַר, וְכַעֲלוֹת הַשַּׁחַר עָלוּ עַל-רֹאשׁ הַר גָּבֹהַּ וְתָלוּל וַיַּשְׁקִיפוּ מִשָּׁם עַל-פְּנֵי הַיָּם, לִרְאוֹת אֶת-הַדֶּרֶךְ יֵלְכוּ בָהּ. וְלֹא נִשְׁאַר אִישׁ עַל-הָאֳנִיָּה בִּלְתִּי אִם הֵרַקְלֶס, אֲשֶׁר לֹא חָפֵץ לַעֲלות הַיַּבָּשָׁה.

וַיִּוָּדַע דְּבַר-בֹּא הָאֳנִיָּה לַעֲנָקִים. וַיָּבֹאוּ וַיַּחְצְבוּ סְלָעִים מִן הֶהָרִים וַיַּשְׁלִיכוּ הַיָּמָה לַחְסֹם אֶת-הַדֶּרֶךְ לִפְנֵי-הָאֳנִיָּה. וַיַּרְא הֵרַקְלֶס כִּי כֵן וַיִּדְרֹךְ אֶת-קַשְׁתּוֹ אֵיתָן וַיִּיר אֲלֵיהֶם חִצִּים וַיַּפֵּל בָּהֶם חֲלָלִים. וַיַּעֲמֹד הֵרַקְלֶס בִּפְנֵי אוֹיְבָיו הָרַבִּים, עַד-אֲשֶׁר שָׁבוּ רֵעָיו. וַיָּקוּמוּ הַגִּבּוֹרִים וַיִּתְנַפְּלוּ עַל-הַפְּרָאִים וַיַּכּוּם וַיַּכְּתוּם עַד-חָרְמָה³¹ וַיִּמָּלְטוּ מֵהֶם רַק פְּלִיטִים.

וַיְהִי כְּכַלּוֹתָם לִרְדֹּף אַחֲרֵי אוֹיְבֵיהֶם וַיֵּשְבוּ בָאֳנִיָּה וַיֵּצְאוּ מִן הַנָּמֵל אֶל-מֶרְחֲבֵי-יָם. וְרוּחַ לְוָי נָשָׂא אֶת-הָאֳנִיָּה כְּמַהֵר חֵץ. וַיְהִי כִי פָנָה הַיּוֹם וַתַּעֲמֹד רוּחַ סוֹעָה וַתַּעַל הָאֳנִיָּה שָׁמַיִם וַתֵּרֶד תְּהוֹמוֹת וְנֶפֶשׁ הַגִּבּוֹרִים בְּרָעָה תִּתְמוֹגֵג.

וַיַּחְתְּרוּ הַמַּלָחִים בְּמִשּׁוֹטֵיהֶם אֶל-הַחֹף וְלֹא יָדְעוּ, כִּי הַסּוֹעָה נְשָׂאָתַם שֵׁנִית אֶל-חֹף אִי הַדּוֹלְיָנִים. וַיָּבֹאוּ אֶל-נָמֵל שׁוֹקֵט וּבוֹטֵחַ וַיַּחְשְׁבוּ בְלִבָּם, כִּי עָמְדָה אֳנִיָּתָם עַל-יַד-חֹף אֶרֶץ פְרִיגִיָּה.

וַיֻּגַּד לַדּוֹלְיָנִים לֵאמֹר: הִנֵּה עַם בָּא מֵאֶרֶץ נָכְרִיָּה לִלְכֹּד אֶת-הָאִי וְּלְתָפשׂוֹ. וַיֵּחָלְצוּ חִישׁ וַיְמַהֲרוּ וַיֵּצְאוּ לִקְרַאת אוֹיְבֵיהֶם. וְהֵם לֹא יָדְעוּ, כִּי גִבּוֹרֵי-יָוָן הֵם, אוֹרְחֵיהֶם מֵאֶתְמוֹל, אֲשֶׁר הֵטִילָה הָרוּחַ אֶת-אֳנִיָּתָם אֶל-הַחֹף.

וַתִּתְלַקַּח הַמִּלְחָמָה בַּאֲפֵלַת הַלַּיְלָה וַיִּגְזְרוּ הַיְוָנִים בַּדּוֹלְיָנִים עַל-יְמִין וְעַל-שְׂמֹאל וַיִּפְּלוּ מֵהֶם רַבִּים; וַיִּפֹּל גַּם מֶלֶךְ הַדּוֹלְיָנִים, כִּי הֵבִיא יָזוֹן אֶת-חַרְבּוֹ בְלִבּוֹ, מִבְּלִי אֲשֶׁר הִכִּירָהוּ. וַיָּנוּסוּ אַנְשֵׁי הָאִי מְנוּסַת חֶרֶב וַיִּמָּלְטוּ הָעִירָה.

וַיְהִי כַּאֲשֶׁר יָצָא הַשֶּׁמֶשׁ וַיִּרְאוּ הָאַרְגָּתִים אֶת-אֲשֶׁר עָשׂוּ וַיִּתְעַצְּבוּ מְאֹד אֶל-לִבָּם. וַיִּקְרְאוּ הַגִּבּוֹרִים לַדּוֹלְיָנִים לְשָּׁלוֹם וַיִּסְפְּדוּ עַל-הַמֶּלֶךְ וְעַל-עֲבָדָיו, אֲשֶׁר נָפְלוּ, מִסְפֵּד גָּדוֹל. וַיֻּגַּד לְאֵלִית אֵשֶׁת הַמֶּלֶךְ לֵאמֹר: נָפַל בַּעֲלֵךְ חָלָל בְּחֶרֶב הַיְוָנִים. וַיְהִי כְשָׁמְעָהּ אֶת-הַבְּשׁוֹרָה הָרָעָה הַזֹּאת וַתִּצְעַק צְעָקָה גְדוֹלָה וּמָרָה וַתֵּלֶךְ אֶל חַדְרָהּ וַתֵּחָנֵק.

וַיַּגְדֵּל מוֹת אֵלִית אֶת-צַעַר הַגִּבּוֹרִים וַיַּעֲשׂוּ לַמֶּלֶךְ וְלַמַּלְכָּה אֵבֶל שְׁלֹשָׂה יָמִים. וַיַּעַבְרוּ שְׁלֹשֶׁת הַיָּמִים וַיָּשׁוּטוּ הַגִּבּוֹרִים מִשָּׁם אֲבֵלִים וַעֲצוּבֵי רוּחַ.

ה. הֵרַקְלֶס נִשְׁאַר בַּדֶּרֶךְ.    🔗

וַיְהִי כַעֲבֹר הַשַּׁיָּטִים אֶת-יַם-הֵלֶסְפּוֹנְטְ וַיִּתְחוֹלְלוּ רוּחוֹת סְעָרָה וַיְטַלְטְלוּ אֶת-הָאֳנִיָּה כֹּה וָכֹה. וַיִּתְלַבְּטוּ³² יָזוֹן וְרֵעָיו בַּדֶּרֶךְ יָמִים רַבִּים. וַיְהִי מִקֵּץ הַיָּמִים וַתָּבֹא הָאֳנִיָּה לִפְנוֹת עֶרֶב אֶל-מִפְרַץ-יַם-בֵּתָנִיָּה. וַיֵּצְאוּ כָל- אַנְשֵׁי-הָעִיר לִקְרָאתָם לְקַדֵּם אֶת-פְּנֵיהֶם וַיַּעַרְכוּ לַיְוָנִים מְדוּרָה גְדוֹלָה לְחַמֵּם אֶת-יְצוּרֵי³³ גֵוָם הַקְּפוּאִים; וַיְרַפְּדוּ אֶת-הַחוֹל עֲנָפִים רַכִּים, וְגַם אֹכֶל וּמַשְׁקֶה הַרְבֵּה הֵבִיאוּ לָהֶם. וְהֵרַקְלֶס, אֲשֶׁר שָׂנֵא אֶת-הַמְּנוּחָה, עָזַב אֶת-רֵעָיו וַיֵּלֶךְ הַיַּעֲרָה לְבַקֵּשׁ עֵץ חָסוֹן, אֲשֶׁר יִצְלַח לְמָשׁוֹט. וַיַּרְא הֵרַקְלֶס אַשּׁוֹחַ³⁴ גִּבֵּחַ³⁵ מְעוּט-הָעֲנָפִים. וַיָּסַר מֵעָלָיו אֶת-קַשְׁתּוֹ וְאֶת-תִּלְיוֹ³⁶ וַיַּשְׁלֵךְ לָאָרֶץ אֶת-אַלָּתוֹ וַיִּלְפֹּת³⁷ אֶת-גֶּזַע הָאַשּׁוֹחַ וַיִּמְשֹׁךְ בְכֹחַ. וַיִּפֹּל הָעֵץ לְרַגְלָיו, כִּי נֶעֱקַר מִן הָאָרֶץ, כְּהֵעָקֵר קָנֶה דַק, עִם שָׁרָשָׁיו וְעִם גּוּשֵׁי-הָאֲדָמָה הַדְּבוּקִים בָּהֶם.

וּבָעֵת הַזֹּאת קָם גַּם הִילָס הַצָּעִיר, רֵעַ הֵרַקְלֶס, מִן הַמִּשְׁתֶּה וַיֵּלֶךְ הַיַּעֲרָה. וַיִּקַּח אִתּוֹ צַפַּחַת³⁸ נְחשֶׁת לִשְׁאֹב מַיִם וּלְהָבִיא לְאוֹהֲבוֹ לִפְנֵי שְׁנָתוֹ, כְּמִשְׁפָּטוֹ יוֹם יוֹם. וְאַהֲבָה רַבָּה אָהַב הֵרַקְלֶס אֶת-הִילָס רֵעוֹ, כִּי אֶת-אָבִיו הָרַג בְּרִיבוֹ אִתּוֹ, וַיִּשָּׁאֶר הִילָס יָתוֹם. וַיַּחֲמֹל עָלָיו הֵרַקְלֶס וַיַּאַסְפֵהוּ אֶל-בֵּיתוֹ וַיְהִי לוֹ לְאָב.

וַיַּרְא הִילָס לְאוֹר הַיָּרֵחַ מַעְיַן מַיִם חַיִּים וַיִּשַּׁח לִשְׁאֹב מַיִם מִן הַמַּעְיָן. וַתִּרְאֵהוּ אֵלַת-הַמַּעְיָן וַתַּחְמֹד אֶת-יָפְיוֹ בְּלִבָּה. וַתַּעַל מִתּוֹךְ הַמַּעְיָן וַתְּחַבְּקֵהוּ וַתִּמְשְׁכֵהוּ אֶל-תּוֹךְ-הַמְּצוּלָה. וַיִּצְעַק הִילָס צְעָקָה גְדוֹלָה וּמָרָה וַיִּקְרָא לְעֶזְרָה. וַיִּשְׁמַע אַחַד-הַגִּבּוֹרִים וּשְׁמוֹ פוֹלִיפֵם, אֲשֶׁר חִכָּה לְשׁוּב הֵרַקְלֶס, אֶת-קוֹל צַעֲקַת הִילָס וַיְמַהֵר וַיָּרָץ אֶל-הַמָּקוֹם, אֲשֶׁר נִשְׁמַע מִשָּׁם הַקּוֹל, אַךְ עִקְבוֹת הִילָס כְּבָר נֶעֱלְמוּ. וַיִּשָּׂא פוֹלִיפֵם אֶת-עֵינָיו וַיַּרְא אֶת-הֵרַקְלֶס שָׁב מִן הַיַּעַר וַיִּגַּשׁ אֵלָיו וַיִּקְרָא: אוֹי לִי, כִּי בְשׂוֹרָה רָעָה בְּפִי: הִילָס אָבַד וְאֵינֶנּוּ; הוּא הָלַךְ הַיַּעֲרָה לִשְׁאֹב מַיִם וְעוֹד לֹא שָׁב. אֵין זֹאת כִּי שׁוֹדְדִים הִתְנַפְּלוּ עָלָיו וַיּוֹלִיכוּהוּ שֶׁבִי אוֹ חַיָּה רָעָה טְרָפַתְהוּ, כִּי בְאָזְנַי שָׁמַעְתִּי אֶת-קוֹלוֹ הַקּוֹרֵא לְעֶזְרָה.

וַיְהִי כִּשְׁמֹעַ הֵרַקְלֶס אֶת-הַבְּשׂוֹרָה הָרָעָה הַזֹּאת וַיֶּחֱרַד חֲרָדָה גְדוֹלָה וְזֵעָה קָרָה כִּסְּתָה אֶת-פָּנָיו. וְלֹא יָכֹל הֵרַקְלֶס לְהָשִׁיב רוּחַ מֵעֹצֶר רָעָה וְיָגוֹן³⁹ וַיַּשְׁלֵךְ לָאָרֶץ אֶת-אַשּׁוֹחוֹ וַיָּרָץ בַּחֲמַת-רוּחוֹ אֶל-הַמַּעְיָן; וּבְרוּצוֹ שִׁבֵּר אֶת-כָּל-הָעֵצִים, אֲשֶׁר חָסְמוּ⁴⁰ אֶת-דַּרְכּוֹ, וַיַּעַקְרֵם מִשָּׁרְשֵׁיהֶם. וַיִּדְמֶה הֵרַקְלֶס לְשׁוֹר פָּר, אֲשֶׁר נְשָׁכָהוּ גָז⁴¹ עוֹקֵץ וַאֲשֶׁר הִתְהוֹלֵל מֵרֹב מַכְאוֹב וַיָּנָס מֵעֶדְרוֹ וּמֵרוֹעֵהוּ.

בֵּין כֹּה וָכֹה נִרְאָה עַמּוּד הַשַּׁחַר עַל-רָאשֵׁי-הֶהָרִים וְרוּחַ לְוָי פָּרַשׂ אֶת-הַמִּפְרָשִׂים. וַיִּקְרָא הַמְּהַגֶּה לְכָל-הַגִּבּוֹרִים וַיְצַו עֲלֵיהֶם לְמַהֵר וְלַשֶׁבֶת בָּאֳנִיָּה וְלַעֲשׂוֹת אֶת-דַּרְכָּם הַלְאָה. וַיִּשְׂמְחוּ הַשַּׁיָּטִים שִׂמְחָה גְדוֹלָה, כִּי קָצָה נַפְשָׁם לַשֶׁבֶת בְּחִבּוּק יָדַיִם, וַיְמַהֲרוּ וַיֵּשְׁבוּ בָאֳנִיָּה. וַיִתְפָּקְדוּ וְהִנֵּה אֵין הֵרַקְלֶס, פוֹלִיפֵם וְהִילָס.

אָז יֵחָלֵק קְהַל-הָאַרְגָּתִים לַחֵצִי. חֲצִי הָעָם הֶחֱלִיט לְחַכּוֹת עַד-שׁוּב הֵרַקְלֶס וְרֵעָיו, כִּי אָמְרוּ: אֵיךְ נַעֲשֶׂה אֶת-דַּרְכֵּנוּ הָלְאָה וְהַגִּבּוֹרִים הַמְּהֻלָּלִים אֵין אִתָּנוּ? וְהַחֵצִי טָעַן⁴²: אַל-נִדְחֶה אֶת-הַנְּסִיעָה, כִּי מִי יוֹדֵע אֶת-דֶּרֶךְ הָרוּחַ, הֲיָפָה⁴³ תִהְיֶה לָנוּ אִם לֹא?

וַיָּרִיבוּ הַגִּבּוֹרִים בְּחָזְקָה.

וְיָזוֹן יָשַׁב מַחֲרִישׁ וְלֹא הִתְעָרֵב בִּדְבַר הָרִיב. וַיִּכְעַס עָלָיו טַלְמוֹן. וַיִּקְרָא בְּחֵמָה:

יָרֹא יָרֵאתָ, פֶּן יַכְהֶה הֵרַקְלֶס בְּמַעֲשֶׂה גְּבוּרָתוֹ אֶת-תְּהִלָּתְךָ, וַתִּשְׂמַח, כִי נֶעֱלָם; וְאוּלָם אָנֹכִי לֹא אֶעֶזְבֶנוּ, אַף אִם יֶחֱרוּ יַחֲזִיקוּ⁴⁴ כָּל הַגִּבּוֹרִים אַחֲרֶיךָ.

וַיְהִי כְּכַלּוֹתוֹ לְדַבֵּר וַיָּרָץ אֶל-טִיפִיס הַמְּהַגֶּה וַיֹּאחַז בְּמָתְנָיו וַיֹּאמֶר לְהוֹצִיא אֶת-הַהֶגֶה מִיָּדוֹ, לָשֶׁבֶת עַל-מְקוֹמוֹ וּלְהָשִׁיט אֶת-הָאֳנִיָּה אֶל-חֻפֵּי-בֵתָנִיָּה. וַתִּלְהַטְנָה עֵינֵי-טַלְמוֹן מֵרֹב קֶצֶף וַחֲמָתוֹ הִכְפִּילָה אֶת-כֹּחוֹ. וַיִּגְּשׁוּ אֵלָיו שְׁנֵי-בְנֵי בוֹרֵא⁴⁵ אַמִּיצֵי הַכֹּחַ וַיֹּאחֲזוּ בוֹ וַיּוֹשִׁיבוּהוּ עַל-מְקוֹמוֹ וַיְחָרְפוּהוּ וַיְגַדְּפוּהוּ כְּאַחַד-הָרֵיקִים.

וַתִּבָּקַע פִּתְאֹם מְצוּלַת יָּם וַיֵּרָאוּ פְנֵי-גְלוֹק⁴⁶ וַיַּחֲזֵק גְּלוֹק בִּפְאַת הָאֳנִיָּה וַיִּקְרָא וַיֹּאמַר:

הַרְפּוּ, גִבּוֹרִים, מֵרִיב וְאַל תְּחַכּוּ לְשׁוּב הֵרַקְלֶס, כִּי מֵאֵת זוּז אָבִיו⁴⁷ הָיָה הַדָּבָר, כִּי בָחַר בּוֹ לַעֲשׂוֹת מַעֲשִׂים, אֲשֶׁר כְּמוֹהֶם לֹא הָיוּ וְּכְמוֹהֶם לא יִהְיוּ עַד-סוֹף כָּל-הָאָרֶץ.

כָּכָה דִבֶּר גְּלוֹק וַיִּצְלֹל מְצוּלָה וַיֵּעָלֶם.

וַיִגַּשׁ טַלְמוֹן אֶל-יָזוֹן וַיֹּאחַז בִּימִינוֹ וַיֹּאמַר: אָנָּא סְלַח לִי, יָזוֹן, עַל-חַטַּאת שְׂפָתַי, כִּי מֵרֹב שִׂיחִי⁴⁸ דִבַּרְתִּי אֶת-דְּבָרָי.

וַיִּסְלַח יָזוֹן לְטַלְמוֹן וַיָּשׁוּטוּ בְשָׁלוֹם לְדַרְכָּם.

וַיֵּשֶׁב פּוֹלִיפֵם בְּאֶרֶץ בָּתֵנִיָּה וַיִּכְרוֹת בְּרִית שָׁלוֹם עִם יוֹשְׁבֶיהָ וַיִּבֶן לָהֶם עִיר; וְהֵרַקְלֶס נָסַעַ מִשָּׁם הָלֹךְ וְנָסֹעַ, כַּאֲשֶׁר גָּזַר עָלָיו זוּז.

ו. פּוֹלוּקְסְ.    🔗

וַיְהִי הַיּוֹם וַתִּקְרַב אַרְגָּה, אֳנִיַּת-גִּבּוֹרֵי-יָוָן, אֶל-חֹף כְּפָר אֶחָד. וְהַכְּפָר יוֹשֵׁב עַל-כֵּף⁴⁹ חוֹל, הַנִּזְקָר⁵⁰ הַרְחֵק הַרְחֵק לְעֵבֶר הַיָּם. וַיֵּרְדוּ הַגִּבּוֹרִים מֵעַל-הָאֳנִיָּה וַיַעֲלוּ עַל-הַחֹף. וַיִּשְּׂאוּ הַגִּבּוֹרִים אֶת-עֵינֵיהֶם וַיִּרְאוּ וְהִנֵּה בַיִת גָּדוֹל וְנֶהְדָּר לִפְנֵיהֶם. וַיִּשְׁאֲלוּ הָאַרְגָּתִים אֶת-הָעוֹבְרִים עַל-פְּנֵיהֶם: לְמִי הַבַּיִת הַיָּפֶה הַזֶּה? וַיַּעֲנוּ אוֹתָם הָעוֹבְרִים: לְאָמִיק אֲדוֹנֵינוּ וּמַלְכֵּנוּ.

וַיֻּגַּד הַדָּבָר לַמֶּלֶךְ לֵּאמֹר: בָּאוּ אֲנָשִׁים נָכְרִים הֵנָּה. וְאָמִיק אִישׁ רַע וְשׂוֹנֵא אוֹרְחִים. וּפְקוּדָה הוֹצִיא לִפְנֵי יָמִים רַבִּים, לְבִלְתִּי תֵת כָּל-אוֹרֵחַ וּבֶן-נֵכָר, אֲשֶׁר תִּדְרֹךְ כַּף רַגְלוֹ בְאַרְצוֹ, לָצֵאת מִמֶּנָּה בִּלְתִּי אִם יִלָּחֵם אִתּוֹ מִלְחֶמֶת אֶגְרֹפִים.

וְאָמִיק רַב כֹּח מְאֹד וְאוֹרְחִים רַבִּים הוֹרִיד שְׁאוֹלָה בְּתִגְרַת⁵¹ יָדוֹ. וַיְהִי בְּהִוָּדַע לוֹ דְבַר בּוֹא הַשַּׁיָּטִים וַיֵצֵא אֲלֵיהֶם וַיִּלְעַג לָהֶם לֵאמֹר: הוֹי אוֹרְחִים-פּוֹרְחִים! בְּנֵי-אֲסַפְסוּף! שִׁמְעוּ, נִבְזִים, קוֹלִי! הִנֵּה גְזֵרָה הִיא מִלְּפָנַי, אֲשֶׁר לֹא יֵצֵא בֶן-הַנֵּכָר מֵאַרְצִי, בִּלְתִּי אִם יֵאָבֵק אִתִּי. וְעַתָּה בְרוּ לָכֶם אִישׁ גִבּוֹר חַיִל וְיֵרֵד אֵלָי. אִם יוּכַל לְהִלָּחֵם אִתִּי וְהִכַּנִי וַּהֲלַכְתֶּם לְשָׁלוֹם לְדַרְכְּכֶם; וְאִם אֲנִי אוּכַל לוֹ וְהִכִּיתִיו וְהָיְתָה אַחֲרִיתְכֶם מָרָה, כִּי מוֹת תָּמוּתוּ וְלֹא יִשָּׁאֵר מִכֶּם שָׂרִיד וּפָלִיט.

וַיֵּצֵא מִמַּחֲנֵה הַיְוָנִים פּוֹלוּקְסְ אִישׁ גִּבּוֹר חַיִל וּבָדוּק וּמְנֻסֶּה בְּמִלְחֶמֶת הָאֶגְרוֹפִים, כִּי שָׁמַע אֶת-דִּבְרֵי-אָמִיק, אֲשֶׁר חֵרַף אֶת-מַעַרְכוֹת הַיְוָנִים, וַיִּחַר אַפּוֹ. וַיִּגַּשׁ פּוֹלוּקְסְ אֶל-אָמִיק וַיֹּאמַר: לָמָה נִזְעָקְתָּ? אִם גְּזֵרָה הִיא מִלְּפָנֶיךָ, הִנְּנִי וְנִלָּחֵם.

וַיַּבֵּט אָמִיק וַיַּרְא אֶת-פּוֹלוּקְסְ וַיִּבְזֵהוּ, כִּי הָיָה נַעַר וְשׁוֹקֵט כְּבֹקֶר יוֹם קָיִץ. וִידֵי פוֹלוּקְסְ כְּבֵדוֹת וַחֲסֵרוֹת גְּמִישׁוּת מֵרֹב עֲבוֹדָה, אֲשֶׁר עָבַד בַּמְּשׁוֹטִים. וַיְנַפְנֵף פּוֹלוּקְסְ אֶת-יָדָיו מַעֲלָה וּמַטָּה, לְמַעַן יָפֹזוּ⁵² זְרוֹעוֹתָיו. וַיְהִי כִי הֶחֱלִיץ⁵³ אֶת-יָדָיו וַיֵּצֵא לִקְרַאת אָמִיק. וַיִּגַּשׁ עֶבֶד הַמֶּלֶךְ וַיַּשְׁלֵךְ בֵּינֵיהֶם שְׁנֵי צִמְדֵי כְּסָיוֹת⁵⁴ מִלְחָמָה. וַיִּקְרָא אָמִיק אֶל-פּוֹלוּקְסְ וַיֹּאמַר:

בְּחַר לְךָ אֶת-צֶמֶד הַכְּסָיוֹת, אֲשֶׁר יִיטַב בְּעֵינֶיךָ, וְכַעֲבֹר שָׁעָה קְצָרָה וְיָדַעְתָּ, כִּי מְעַבֵּד עוֹרוֹת זָרִים אָנֹכִי וּמַקִּיז⁵⁵ אָמָן.

וְלֹא עָנָה פוֹלוּקְסְ דָּבָר וַיִּקַּח אֶת-צֶמֶד הַכְּסָיוֹת וַיִּקְרָא לְרֵעָיו לְקָשְׁרָן אֶל-יָדָיו. וַיָּשֶׂם גַּם אָמִיק אֶת- כְּסָיוֹתָיו עַל-יָדָיו.

וַיִּשְׂתָּעֵר הַמֶּלֶךְ עַל הַיְוָנִי, כְּהִשְׂתָּעֵר נַחְשׁוֹל מְכֻסֶּה קֶצֶף⁵⁶ עַל-אֳנִיָּה עֲלוּבָה. וְלֹא חַת פּוֹלוּקְסְ מִפָּנָיו וּמִדֵּי פַעַם בְּפַעַם בְּהִתְכּוֹנֵן אָמִיק לְהַכּוֹת אוֹתוֹ מַכָּה רַבָּה וַיִּזָהֵר פּוֹלוּקְסְ וַיָּסָר בְּרֹב מְהִירוּת הַצִּדָּה. וַיַּרְא פּוֹלוּקְסְ וַיֵּדַע מַהֵר אֶת-צַד הַתֹּרֶף⁵⁷ אֲשֶׁר בַּמֶּלֶךְ וַיָּרֶב מַכּוֹתָיו. וַיֹּאחֲזוּ אִישׁ בִּשְׁכֶם רֵעֵהוּ וַיִּלָּחֲמוּ בְּחָזְקָה וְיַּחְרְקוּ שֵׁן לְהַחֲרִישׁ אָזְנָיִם. וַיִּיעֲפוּ הַנִּלְחָמִים וַיִּרְפּוּ אִישׁ מֵאָחִיו וַיֵּשְׁבוּ לָנוּחַ וּלְהָשִׁיב רוּחָם אֲלֵיהֶם. וַיְהִי כַּאֲשֶׁר נָחוּ מְעַט וַיַּחֲלִיפוּ כֹח וַיָּקוּמוּ לְחַדֵּשׁ אֶת-הַמִּלְחָמָה. ויָּנֶף אָמִיק אֶת-יָדוֹ וַיֹּאמֶר לְהַכּוֹת אֶת-פּוֹלוּקְסְ עַל-מִצְחוֹ מַכָּה רַבָּה וּלְהַפִּילוֹ אַרְצָה, אֲבָל הֶחֱטִיא אֶת-הַמַּטָּרָה וַיִּפְגַּע רַק בִּכְתֵפוֹ. וּבָרֶגַע הַזֶּה הָלַם פּוֹלוּקְסְ אֶת-אָמִיק וַיִּמְחַק⁵⁸ אֶת רֹאשׁוֹ.

וַיָּרִיעוּ הַשַּׁיָּטִים תְּרוּעָה גְדוֹלָה. וַיִּרְאוּ עַבְדֵי-אָמִיק כִּי מֵת מַלְכָּם וַיִּתְנַפְּלוּ עַל-פּוֹלוּקְסְ וַיֹּאמְרוּ לְדָקְרוֹ בַּחֲנִיתוֹתֵיהֶם. וַיְמַהֲרוּ הַגִּבּוֹרִים לְעֶזְרָתוֹ. וַתִּתְלַקַּח הַמִּלְחָמָה. וַיַּכּוּ הַיְוָנִים אֶת-עַבְדֵי-אָמִיק וַיָּנוּסוּ וַיִּרְדְּפוּ אַחֲרֵיהֶם הַיְוָנִים וַיָּבֹאוּ אֶל-אֻרְווֹת הַמֶּלֶךְ וַיִּקְּחוּ אֶת-בְּקָרוֹ שָׁלָל.

וַיַּעַרְכוּ הַגִּבּוֹרִים מְדוֹרוֹת עַל-הַחֹף וְיַחְבְּשׁוּ אֶת-פִּצְעֵיהֶם וַיִּזְבְּחוּ זְבָחִים לָאֵלִים. וַיְהִי בְּכַלּוֹתָם לִזְבֹּחַ אֶת-זִבְחֵיהֶם וַיְקַשְּׁטוּ אֶת-רָאשֵׁיהֶם בְּזֵרֵי עֲצֵי-דַפְנָה, אֲשֶׁר צָמְחוּ עַל-הַחֹף וַיֵּשְׁבוּ לֶאֱכֹל וְלִשְׁתּוֹת. וְאָרְפִי מְנַגֵּן לִפְנֵיהֶם עַל-כִּנּוֹרוֹ. וַיָּשִׁירוּ הַגִּבּוֹרִים אֶת-תְּהִלַּת פּוֹלוּקְסְ בֶּן-זוּז, וַיַּאֲזִינוּ לְשִׁירָתָם כּוֹכְבֵי הַשָּׁמַיִם וְחֻפֵּי-הַיָּם הַשּׁוֹקְטִים.

ז. הַמֶּלֶךְ פִינִי וְהַהַרְפִּיּוֹת⁵⁹.    🔗

וַיְהִי כַעֲלוֹת הַשַּׁחַר וַיְמַהֲרוּ הַגִּבּוֹרִים וַיֵּשְׁבוּ בָּאֳנִיָּה וַיַּעֲשׂוּ אֶת-דַּרְכָּם הָלְאָה. וַיָּבֹאוּ אֶל-חֻפֵּי בִּתִּין, אֶרֶץ מַמְלֶכֶת פִינִי בֶּן-חַגִּינֵר.

וְלִפְנֵי יָמִים רַבִּים חָטָא פִינִי לְאַפּוֹלָה חֵטְא גָּדוֹל, כִּי אָצַל הָאֵל מֵרוּחוֹ עָלָיו וַיְחֻנֵּהוּ בְּמַתַּן הַנְּבוּאָה וַיֹּאמֶר אֵלָיו: הִנֵּה נָתַתִּי אֶת-רוּחִי עָלֶיךָ וְהִגַּדְתָּ עֲתִידוֹת לִבְנֵי-הָאָדָם וְלִמַּדְתָּ אוֹתָם לָלֶכֶת בַּדֶּרֶךְ הַטּוֹב. וְלֹא שָׁמַע פִינִי בְּקוֹל אַפּוֹלָה וַיִּשְׁתַּמֵּשׁ בַּמַּתָּן, אֲשֶׁר נִתַּן לוֹ, לְחַרְחֵר⁶⁰ רִיב וּלְעוֹרֵר מְדָנִים⁶¹ בֵּין-שְׁכֵנָיו. וַיִּכְעַס עָלָיו אַפּוֹלָה וַיַּךְ אוֹתוֹ בַּסַּנְּוֵרִים⁶² וַיְשַׁלַּח בּוֹ אֶת-הַהַרְפִּיּוֹת–רוּחוֹת בִּדְמוּת עוֹפוֹת אֵימְתָנִים.

וְהָיָה כַּאֲשֶׁר יַעַרְכוּ הָעֲבָדִים אֶת-הַשֻּׁלְחָן וְהֵבִיאוּ אֹכֶל וּמַשְׁקֶה לַמֶּלֶךְ וּבָאוּ הַהַרְפִּיּוֹת וְאָכְלוּ אֶת-הַמַּאֲכָלִים וְשָׁתוּ אֶת-הַיַּיִן וְאֶת-הַנּוֹתָר יְטַנְּפוּ, עַד-אֲשֶׁר תִּבְחַל⁶³ נֶפֶשׁ אִישׁ לִנְגֹּעַ בּוֹ. וְפִינִי אָז זָקֵן בָּא בַּיָּמִים, וַיְהִי כִּי הֵצִיקוּ לוֹ הַהַרְפִּיּוֹת וַתִּקְצַר נַפְשׁוֹ לָמוּת. וַיִּתְפַּלֵּל אֶל-זוּז וַיֹּאמֶר: אָנָּא זוּז, אֵל הָאֵלִים וַאֲדוֹנֵי הָאֲדוֹנִים, מְחוֹלֵל הָרַעַם וְשׁוֹכֵן אוֹלִימְפְּ. הַשְׁקִיפָה מִמְּעוֹן קָדְשְׁךָ עַל-עַבְדְּךָ הֶעָלוּב וְהַסִירָה מֵעָלַי אֶת-הַהַרְפִּיּוֹת וְאִם אַיִן הַתִּירָה יָדְךָ וּפוֹצְצֵנִי, כִּי טוֹב לִי הַמָּוֶת מֵחַיִּים כָּאֵלֶּה.

וַיַּעַן אוֹתוֹ זוּז וַיֹּאמֶר: שָׂא בְאֹרֶךְ אַפַּיִם אֶת-עָנְיְךָ, עַד-אֲשֶׁר יָבֹאוּ בְנֵי-בוֹרֵא⁶⁴ בָּאֳנִיָּה יְוָנִית וְהִצִּילוּךָ מִכַּף הַהַרְפִּיּוֹת.

וַיְעוֹרְרוּ דִּבְרֵי זוּז אֶת-רוּחַ פִינִי וַיְחַבֵּב⁶⁵ אֶת-יִסּוּרָיו וְלֹא הִתְאוֹנֵן.

וַיְהִי בְּהִוָּדַע לְפִינִי, כִּי בָאָה הָאֳנִיָּה, וַיֵּצֵא מֵאַרְמוֹנוֹ לְקַדֵּם אֶת-פְּנֵי-הַשַּׁיָּטִים. וַיִּתְנַהֵל פִינִי לְאִטִּי, כִּי רָפָה כֹחוֹ מֵרָעָב, וַיִּשָּׁעֵן עַל-מִשְׁעַנְתּוֹ וַיִּדְמֶה יוֹתֵר לְשֶׁלֶד, מֵאֲשֶׁר לְבָשָׂר וָדָם. וַיְעוֹרֵר מַרְאֵהוּ חֶמְלָה בְּלֵב כָּל-רוֹאָיו. וַיְהִי בְקָרְבוֹ אֶל-הַחֹף וַיִּפֹּל אֵין-אוֹנִים אָרְצָה.

וַיְמַהֲרוּ הַיְוָנִים אֵלָיו וַיְקִימוּהוּ מֵעַל-הָאָרֶץ. וַיְהִי בְשׁוּב רוּחוֹ אֶל-קִרְבּוֹ וּבְשָׁמְעוֹ אֶת-הַדְּבָרִים הַנְּעִימִים, אֲשֶׁר דִּבְּרוּ אֵלָיו הַיְוָנִים, וַיִּתְעוֹדֵד וַיְדַבֵּר אֲלֵיהֶם לֵאמֹר:

הוֹי גִבּוֹרִים נִכְבָּדִים! אָנָּא הַגִּידוּ נָא לִי, הַאַתֶּם הֵם הָאֲנָשִׁים, אֲשֶׁר בִּשְּׂרַנִי זוּז אֶת-בּוֹאֲכֶם בְּשֶׁכְּבָר הַיָּמִים? כִּי בְחֶטְאִי לִפְנֵי-הָאֵלִים, וַיִּקְצְפוּ עָלָי וַיַּכּוּנִי בַּסַּנְוֵרִים לְעֵת זִקְנָתִי. וַיְהִי הַמְּעַט מֵהֶם וַיַּשְׁלִיחוּ בִי עוֹד עוֹפוֹת בְּנֵי-שַׁחַץ וְהִנָּם אוֹכְלִים אֶת-מַאֲכָלִי וְהִנָּם שׁוֹתִים אֶת-מֵימַי וְאֶת-יֵינִי וְלֹא יִתְּנוּנִי לְהָבִיא פַת-לֶחֶם אֶל-פִּי. וְעַתָּה, אִם מַלְאֲכֵי זוּז אַתֶּם, אַל-נָא תִּמָּנְעוּ מֵעָזְרֵנִי; וּדְעוּ לָכֶם, כִּי לֹא לְבֶן-נֵכָר תּוֹשִׁיעוּ, כִּי אִם לְאִישׁ מִבְּנֵי עַמְּכֶם, כִּי יְוָנִי אָנֹכִי, פִינִי בֶן-חַגִּינֵר, וְּלְפָנִים מָלַכְתִּי בִטְּרַקִּיָּה. וְגַם אִשְׁתִּי טְרַקִּית הִיא קְלֵיאָפַּטְרָה, בַּת-בוֹרֵא, וְיָעִידוּ נָא בָהּ שְׁנֵי אַחֶיהָ זֶטֶס וְקָלֶה, אֲשֶׁר בְּקִרְבְּכֶם, אִם נֶאֶמְנוּ דִּבְרֵי-זוּז.

וַיְהִי כִּשְׁמֹעַ זֶטֶס וְקָלֶה, בְּנֵי-בוֹרֵא הַגִּבּוֹרִים, אֶת דִּבְרֵי הַזָקֵן וַיְמַהֲרוּ אֵלָיו וַיִּפְּלוּ עַל-צַוָּארוֹ וַיְחַבְּקוּהוּ וַיְנַשְּׁקוּהוּ. וַיָּרִימוּ הַגִּבּוֹרִים אֶת-יָדָם וַיִּשָּׁבְעוּ לֵאמֹר: כֹּה יַעֲשֶׂה לָנוּ זוּז וְכֹה יוֹסִיף אִם לֹא נְגָרֵשׁ אֶת-הָעוֹפוֹת הָאֵימְתָנִים מֵאַרְצֶךָ.

וַיֵּלֶךְ הַמֶּלֶךְ וְכָל הַגִּבּוֹרִים הַיְוָנִים הָאַרְמוֹנָה. וַיְמַהֲרוּ עַבְדֵי-הַמֶּלֶךְ וַיַּעַרְכוּ אֶת-הַשֻּׁלְחָן וַיָּבִיאוּ אֹכֶל לַמֶּלֶךְ וְלִקְרוּאָיו. וַיְהִי אַךְ שָׁלַח הַמֶּלֶךְ אֶת-יָדוֹ לָקַחַת מִן-הָאֹכֶל וַיִּשָּׁמַע קוֹל רַעַשׁ גָּדוֹל, קוֹל מַשַּׁק כַּנְפֵי הַהַרְפִּיּוֹת, אֲשֶׁר הִשְׂתָּעֲרוּ כַּסּוּפָה עַל-הָאֹכֶל, וַתֹּאכַלְנָה בְּכָל-פֶּה. וַיְעוֹרְרוּ הַגִּבּוֹרִים קוֹל שָׁאוֹן גָּדוֹל, לְהַפְחִיד אֶת-הַהַרְפִּיּוֹת. וְלֹא הִשְׁגִּיחוּ בְּנוֹת-הַשַּׁחַץ בַּקוֹל וַתּוֹסֵפְנָה לֶאֱכֹל בְּרַעַבְתָנוּת, עַד-אֲשֶׁר לֹא הִשְׁאִירוּ דָבָר. אַחֲרֵי-כֵן הֶעֱלוּ צַחֲנָה⁶⁶ נוֹרָאָה וַתִּפְרֹשְׂנָה אֶת-כַּנְפֵיהֶן וַתָּעֹפְנָה.

וְלִבְנֵי-בוֹרֵא כְּנָפַיִם, כִּי חֲנָנָם זוּז בְּחַסְדוֹ. וַיִּפְרְשׂוּ גַם הֵם אֶת-כַּנְפֵיהֶם וַיֹּאֲחֲזוּ בְחַרְבוֹתֵיהֶם הַחַדּוֹת וַיִּרְדְּפוּ אַחֲרֵי הַהַרְפִּיּוֹת. וַתִּירֶאנָה הַהַרְפִּיּוֹת וַתְּמַהֵרְנָה לָעוּף וּלְהִמָּלֵט עַל-נַפְשָׁן. וְאוּלָם כַּנְפֵי הַגִּבּוֹרִים הָיוּ קַלּוֹת מֵרוּחַ הַסּוּפָה וַיַּדְבִּיקוּ חִישׁ אֶת-הַמִּפְלָצוֹת וַיֹּאמְרוּ לְהַכּוֹתָן בְּחַרְבוֹתֵיהֶם. אָז תָּבוֹא אִירִיס⁶⁷, צִירַת-זוּז, וַתַּעֲצֹר אֶת-יְדֵיהֶם מֵהַכּוֹת וַתַּעַן וַתֹּאמַר:

אַל-נָא, בְּנֵי-בוֹרֵא-הַגִּבּוֹרִים, אַל-נָא תִשְׁלְחוּ יָד בַּהַרְפִּיּוֹת, כַּלְבוֹת זוּז מְחוֹלֵל הָרַעַם וּבְגַלֵּי סְטִיקְסְ, נְהַר שְׁאוֹל, אִשָּׁבַע, כִּי לֹא תִגַּעְנָה עוֹד בְּמַאֲכַל בֶּן-חַגִּינֵר וְלֹא תַפְרַעְנָה עוֹד אֶת-מְנוּחָתוֹ.

וַיִּשְׁמְעוּ בְנֵי-בוֹרֵא אֶת-דִּבְרֵי-אִירִיס וַיַּאֲמִינוּ וַיַּחְדְּלוּ מֵרְדֹף אַחֲרֵי-הַהַרְפִּיּוֹת. וַיְהִי כְשׁוּבָם אֶל-רֵעֵיהֶם וַיַּגִּידוּ לָהֶם אֶת-כָּל-הַמּוֹצְאוֹת אוֹתָם. וְיִשְׂמְחוּ הַגִּבּוֹרִים שִׂמְחָה גְדוֹלָה וַיִּזְבְּחוּ זְבָחִים לָאֵלִים וַיֵּשְׁבוּ לֶאֱכֹל. וְאוּלָם לֵב הַמֶּלֶךְ פָּג בְּקִרְבּוֹ, כִּי לֹא הֶאֱמִין לְדִבְרֵי-בְנֵי-בוֹרֵא; ובְשִׁבְתּוֹ בְרֹאשׁ הַשֻּׁלְחָן חָשַׁב: אָכֵן עוֹד מְעַט וּבָאוּ הַהַרְפִּיּוֹת וְגָזְלוּ מֵאִתִּי אֶת-אָכְלִי. אֲבָל פָּנָה יוֹם וַיָּבֹא לַיְלָה וְהָעוֹפוֹת לֹא יֵרָאוּ וְלֹא יִמָּצְאוּ בְּכָל-רַחֲבֵי אַרְצוֹ. וַיּוֹדֶה פִינִי לַגִּבּוֹרִים עַל-הַתְּשׁוּעָה, אֲשֶׁר עָשׂוּ לוֹ, וַתִּצְלַח עָלָיו רוּחַ אֵלִים וַיְנַבֵּא לָהֶם לֵאמֹר:

כְּלֶכְתְּכֶם מִזֶּה וּבָאתֶם אֶל-רְצוּעַת יָם, אֲשֶׁר תִּמָּצֶאנָה שָׁם הַסִּמְפְּלְגָדוֹת; וְהַסִּמְפְּלְגָדוֹת שְׁתֵּי שִׁנֵּי סֶלַע הֵן, אֲשֶׁר לֹא נֶאֶדְקוּ⁶⁸ אֶל-קַרְקַע הַיָּם וַאֲשֶׁר תָּצֹפְנָה עַל-פָּנָיו, כַּאֲשֶׁר יַעֲלֶה הָרוּחַ עֲלֵיהֶן. וְהָיָה כַאֲשֶׁר תִּקְרַבְנָה אִשָּׁה אֶל-רְעוּתָה וְהֵדֵקוּ לְאָבָק אֶת-כָּל-אֲשֶׁר תִּפְגַּשְׁנָה בְדַרְכָּן. וְעַתָּה אִם יֵשׁ אֶת-נַפְשְׁכֶם לְהַצִּיל אֶת-חַיֵּיכֶם וּמִהַרְתֶּם לַעֲבֹר בֵּין-הַסִּמְפְּלְגָדוֹת כְּמַהֵר יוֹנָה בְּעוּפָהּ.

וּבְעָבְרְכֶם אֶת-שִׁנֵּי הַסֶּלַע וּנְשָׂאַתְכֶם הָרוּחַ אֶל-חֻפֵּי הַמּוֹרְיָנְדִינִים הָרוֹבְצִים לְפֶתַח שְׁאוֹל. וּרְאִיתֶם אֲרָצוֹת וְיַמִּים, הָרִים וּגְבָעוֹת וְאִיִּים רַבִּים עַד-אֵין-מִסְפָּר. וְגַם אֶת-עָרֵי-הַנָּשִׁים הַצּוֹבְאוֹת תִּרְאוּ וְאֶת-מְדִינַת הַחֲלֵבִים⁶⁹, אֲשֶׁר שָׁם הַזָּהָב וְהַמַּתָּכוֹת הַמּוֹעִילוֹת.

וְהִצְלִיחַ זוּז אֶת-דַּרְכְּכֶם, אֲשֶׁר תֵּלְכוּ בָהּ, וּבָאתֶם אֶל-חֻפֵּי אֶרֶץ קוֹלְחִידָה וְרָאוּ עֵינֵיכֶם אֶת-מִגְדְּלֵי עִיר מַמְלֶכֶת אַיִט וְאֶת-הָאֵלוֹן הַקָּדוֹשׁ, אֲשֶׁר יִשְׁמָר-בּוֹ רַהַב לֹא יֵדַע שֵׁנָה עַל גִּזַּת-הַזָּהָב הַתְּלוּיָה בְּצַמֶּרֶת הָעֵץ.

ח. הַסִּפְּלְגָדוֹת.    🔗

וַיְהִי בַבֹּקֶר וַיָּקוּמוּ הַגִּבּוֹרִים לָלֶכֶת. וַיַּחֲזֵק בָּהֶם פִינִי וַיֹּאמֶר: הֵן מִדֶּרֶךְ רְחוֹקָה בָאתֶם וַתִּשְׂבְּעוּ תְלָאוֹת⁷⁰ לְמִדַּי, וְלָמָּה אֵיפוֹא תְמַהֲרוּ? שְׁבוּ אִתִּי יָמִים אוֹ עָשׂוֹר⁷¹, אַחַר תֵּלֵכוּ. וַיְמָאֲנוּ, כִּי בִגְדוֹלוֹת הָלָכוּ, וַיִּפָּרְדוּ מֵעַל-הַמֶּלֶךְ. וַיֵּבְךּ הַמֶּלֶךְ בְּלֶכְתָּם מֵאִתּוֹ וַיּוֹדֶה לָהֶם עַל-הַחֶסֶד, אֲשֶׁר עָשׂוּ עִמּוֹ, וַיְבָרְכֶם לֵאמֹר: יְבָרֶכְכֶם זוּז וְיִשְׁמָרְכֶם וְיַצְלִיחַ דַּרְכְּכֶם, אֲשֶׁר תֵּלְכוּ בָהּ.

וַיְהִי כַּאֲשֶׁר נָסְעוּ הָאַרְגָּתִים מִבִּתִּין וַיִּתְרַחֲקוּ מִן- הַחֹף וַתָּבֹא פִּתְאֹם סוּפָה מִמַּעֲרָב וַתַּעַט⁷² אֶת-הָאֳנִיָּה וַּתְּטַלְטְלֶנָּה כֹּה וָכֹה. וַתְּסֹעַר⁷³ הָאֳנִיָּה וַתִּדָּחֵף מִגַּל אֶל-גָּל. כָּכָה הִתְלַבְּטוּ⁷⁴ הָאַרְגָּתִים בַּדֶּרֶךְ שְׁנֵי שָׁבוּעוֹת תְּמִימִים.

וַיִּרְאוּ הַשַּׁיָּטִים אֶת-מַצָּבָם בְּרַע וַיִּזְבְּחוּ זְבָחִים לָאֵלִים וַיִּתְחַנְּנוּ אֲלֵיהֶם לְהוֹצִיאָם מִן-הַמֵּצַר לַמֶּרְחָב. וַיֵּעָתְרוּ לָהֶם הָאֵלִים וַיַּעֲבִירוּ רוּחַ וַתָּקֶם אֶת-הַסְּעָרָה לִדְמָמָה.

וַיְאַמְּצוּ הַשַּׁיָּטִים אֶת-כֹּחוֹתָם וַיַּחְתְּרוּ בְּחָזְקָה וַיָּשׁוּטוּ הָלְאָה. וּפִתְאֹם וְהִנֵּה קוֹל רַעַשׁ גָּדוֹל עוֹלֶה בְאָזְנָם, קוֹל מַשַּׁק צוּרֵי הַמָּצוֹק ⁷⁵ בְּהִפָּגְשָם וּבְהִתְנַגֵּשׁ⁷⁶ הַצּוּרִים וַתִּרְתַּח מְצוּלָה, הַיָּם הָיָה כַמֶּרְקָחָה⁷⁷ וַיִּשָּׁמַע קוֹל נוֹרָא כְּקוֹל רַעַם בַּגַּלְגַל⁷⁸ וְהַמַּיִם הִתְחַשְּׁרוּ⁷⁹ וַיִּזְדַקְּרוּ⁸⁰ כְּלַפֵּי⁸¹ הַשָּׁמַיִם וַיִּדְּמוּ לְהָרִים גְּבוֹהִים. וַיְמַהֵר טִיפִיס וַיַּעֲמֹד עַל-הַמִּשְׁמָר עַל-יַד-הַהֶגֶה וְאוֹפֵם קָם מִמְּקוֹמוֹ וַיִּקַּח בֶּן-יוֹנָה קַל-הַכְּנָפַיִם וְכַאֲשֶׁר הִתְרַחֲקוּ הַסְּלָעִים אִישׁ מֵרֵעֵהוּ שִׁלַּח אֶת-הַיּוֹנָה מִיָּדוֹ. וַיַּעַשׂ זֹאת כִּדְבַר-פִינִי, אֲשֶׁר יְעָצָם לֵאמֹר: בִּקְרָבְכֶם אֶל-הַסִּמְפְּלְגָדוֹת וְהִפְרַחְתֶּם⁸² יוֹנָה אֶל-בֵּין הַסְּלָעִים וְהָיָה כַאֲשֶׁר תַּעֲבֹר הַיוֹנָה בֵינֵיהֶם בְּשָׁלוֹם וַהֲלַכְתֶּם גַּם אַתֶּם אַחֲרֶיהָ.

וַתָּעָף הַיּוֹנָה אֶל-בֵּין הַסְּלָעִים, אֲשֶׁר הָלְכוּ הָלֹךְ וְהִתְקָרֵב אִישׁ לְרֵעֵהוּ. וַיְהִי בְהַגִּיעַ הַיּוֹנָה לִקְצֵה-דַּרְכָּהּ וַיֶּהֱמוּ נַחְשׁוֹלֵי⁸³ הַמַּיִם הַמַּקְצִיפִים⁸⁴ וַיִּרְעַד הָאַוֵּר וְהַצּוּרִים הִתְנַגְּשׁוּ בְּקוֹל שָׁאוֹן גָּדוֹל, אֲבָל לּא נָגְעוּ בַיּוֹנָה לְרָעָה, כִּי הִסְפִּיקָה לַעֲבֹר בְּטֶרֶם יִתְלַכְּדוּ הַצּוּרִים וְרַק קְצוֹת הַנּוֹצוֹת אֲשֶׁר בִּזְנָבָהּ נִכְרְתוּ, כְּמוֹ בְסַכִּין חַדָּה.

וְהָאַרְגָּתִים הִתְבּוֹנְנוּ בְּשׂוֹם לֵב לִמְעוּף הַיּוֹנָה. וַיְהִי בִרְאוֹתָם, כִּי עָבְרָה הַיּוֹנָה בְשָׁלוֹם בֵּין-שִׁנֵּי-הַסְּלָעִים וַיִּצְהֲלוּ קוֹלָם. וְטִיפִיס הַמְהַגֶּה קָרָא אֶל-רֵעָיו: הוֹי מַהֲרוּ, אֶחֱזוּ בַּמְּשׁוֹטִים וְחִתְרוּ בְּכֹחַ. וַיַּעֲשׂוּ הַשַּׁיָּטִים כִּדְבַר טִיפִיס וּבְעֶצֶם הָרֶגַע הַזֶּה הִתְרַחֲקוּ הַצוּרִים אִישׁ מֵאָחִיו וְהַזֶּרֶם הַנּוֹרָא נָשָׂא אֶת-הָאֳנִיָּה אֶל-רְצוּעַת הָאֲבַדּוֹן⁸⁵. וַתִּגְעַשׁ וַתִּרְעַשׁ הַמְּצוּלָה וַיַּעֲמֹד נַחְשׁוֹל נוֹרָא וַיֹּאמֶר לִבְלֹעַ אֶת-הָאֳנִיָּה, וַיַּרְא טִיפִיס כִּי כֵן וַיְצַו לְהַרְפּוֹת רֶגַע מִן הַמְּשׁוֹטִים.

וַיָּרֶם הַנַּחְשׁוֹל אֶת-הָאֳנִיָּה וַיַּעֲלֶהָ עַל-כַּרְבָּלְתּוֹ⁸⁶ וַיַּעֲבִירֶנָּה בְּשָׁלוֹם עַל-פְּנֵי רָאשֵׁי-הַסְּלָעִים. וַיֹּאחֲזוּ הַגִּבּוֹרִים שֵׁנִית בַּמְּשׁוֹטִים וַיַּחְתְּרוּ בְיָדַיִם חָרוּצוֹת לַעֲבֹר מִן-הַמָּקוֹם הַנּוֹרָא וְלֹא יָכֹלוּ, כִּי פָגְעָה הָאֳנִיָּה בְּעַרְבֹּלֶת⁸⁷; וַתִּנְהַם עָלֶיהָ הָעַרְבֹּלֶת כְּחַיַּת מִדְבָּר הַמִּתְנַפֶּלֶת עַל-טַרְפָּהּ וַתְּשַׂחֵק עִמָּהּ כֶּחָתוּל בְּצִפּוֹר שְׁלָלוֹ: רֶגַע תּוֹרִידֶנָּה מְצוּלָה וְעוֹד רֶגַע וְשָׁבָה וְהֵקִיאָה אוֹתָהּ מִקִּרְבָּהּ; וַתְּסוֹבֵב הָעַרְבֹּלֶת אֶת-הָאֳנִיָּה וַתִּדְחָפֶנָּה שׁוּב⁸⁸ אֶל-בֵּין-הַסְּלָעִים. וְהַסְּלָעִים הוֹלְכִים וּקְרֵבִים אִישׁ לְרֵעֵהוּ וְעוֹד מְעַט וְהִתְלַכְּדוּ וְשִׁבְּרוּ אֶת-הָאֳנִיָּה לִרְסִיסִים. וַיִּתְיָאֲשׁוּ הַגִּבּוֹרִים מִן-הַפּוּרְעָנוּת⁸⁹ וַיִּתְכּוֹנְנוּ לָמוּת.

אָז תָּבֹא אַתּוּנָה וּבְיָדָהּ הַחֲזָקָה דָחֲפָה אֶת-הָאֳנִיָּה דְּחִיפָה חֲזָקָה וַתְּמַלְּטֶנָּה מֵחִבּוּק הַמָּוֶת. רַק קַרְשֵׁי-הָאֳנִיָּה הָאֲחוֹרַנִּים הִתְפּוֹצְצוּ, כִּי פָגְעוּ בָהֶם הַצוּרִים הַמִתְלַכְּדִים.

וַיִּרְאוּ פִּתְאֹם הַגִּבּוֹרִים אֶת-שְׁמֵי הַתְּכֵלֶת וְאֶת- מֶרְחֲבֵי הַיָּם הַשּׁוֹקְטִים וַיִּתְעוֹדְדוּ וַיָּשָׁב רוּחָם אֶל-קִרְבָּם.

וְטִיפִיס קָרָא: אֵין זֹאת כִּי יַד אַתּוּנָה אָחֲזָה בָאֳנִיָּתֵנוּ וַתִּדְחָפֶנָּה וַתּוֹצִיאֶנָּה לַמֶּרְחָב. וְעַתָּה נָגִילָה וְנִשְׂמְחָה-נָא וְנוֹדֶה לָאֵלָה, רַבַּת-הַחֶסֶד, אֲשֶׁר הָיְתָה עִמָּנוּ בַּצַּר לָנוּ.

וַיָּנַע יָזוֹן אֶת-רֹאשׁוֹ בְעֶצֶב וַיַּעַן וַיֹּאמַר:

אָכֵן נִסִּיתִי אֶת-הָאֵלִים, בְּשָׁמְעִי לְקוֹל פְּלִיאָס לָלֶכֶת קוֹלְחִידָה. מִי יִתֵּן וְנָפַלְתִּי חָלָל מִתִּגְרַת⁹⁰ יָדוֹ, כִּי עַתָּה שָׁכַבְתִּי בְקִבְרִי וָאֶשְׁקֹט. הֵן יוֹמָם אֶרְגֹּז וְלַיְלָה אֶשְׂבַּע נְדוּדִים, כִּי אֵיךְ אַצִּילְכֶם מִכָּל הָרָעוֹת הַצְּפוּיוֹת לָכֶם וַהֲשִׁיבוֹתִיכֶם בְּשָׁלוֹם אֶל-בָּתֵּיכֶם. וְעַתָּה הֲלֹא טוֹב לָכֶם לְעָזְבֵנִי וְלָשׁוּב הַבַּיְתָה וַאֲנִי אֶעֱשֶׂה לְבַדִּי אֶת-דַּרְכִּי הָלְאָה וְכַאֲשֶׁר אָבַדְתִּי אָבָדְתִּי.

כֵּן דִּבֶּר יָזוֹן בְּחֶפְצוֹ לְנַסּוֹת אֶת-רֵעָיו.

וַיַּעֲנוּ אוֹתוֹ הַגִּבּוֹרִים פֶּה אֶחָד: אַל-נָא תִפְגַּע⁹¹ בָּנוּ לְעָזְבֶךָ וְלָשׁוּב מֵאַחֲרֶיךָ, כִּי אֶל-אֲשֶׁר תֵּלֵךְ נֵלֵךְ וּבַאֲשֶׁר תָּמוּת נָמוּת. כֹּה יַעֲשֶׂה לָנוּ זוּז וְכֹה יוֹסִיף, כִּי הַמָּוֶת יַפְרִיד בֵּינֵינוּ וּבֵינֶךָ.

ט. הַמַּסָּע מֵהַסִמְפְּלְגָדוֹת לְקוֹלְחִידָה    🔗

וַיִּסְּעוּ מִשָּׁם הַגִּבּוֹרִים וַיִּרְאוּ מַעֲשִׂים וּדְבָרִים הַרְבֵּה, אֲשֶׁר לֹא יוּכַל הָאִישׁ לְדַבֵּר, לֹא תִשְׂבַּע עֵינוֹ לִרְאוֹת וְלֹא תִמָּלֵא אָזְנוֹ מִשְּׁמֹעַ.

וַיְהִי הַיּוֹם וַיֶּחֱלֶה טִיפִים הַמְּהַגֶּה הַבָּדוּק⁹² אֶת-חָלְיוֹ, אֲשֶׁר יָמוּת בּוֹ. וַיִּסְפְּדוּ עָלָיו כָּל-הַגִּבּוֹרִים וַיִּקְבְּרוּהוּ בְכָבוֹד גָּדוֹל בְּאֶרֶץ נֵכָר. וַיִּקָּהֲלוּ כָל-הַגִּבּוֹרִים לְהִוָּעֵץ יַחְדָיו מִי יַנְהִיג אֶת הָאֳנִיָּה וּמִי יִהְיֶה לִמְהַגֶּה תַּחַת טִיפִים, וַיִּקְרְאוּ כֻלָּם פֶּה אֶחָד: אָנְקֶה יִהְיֶה לִמְהַגֶּה לָנוּ, כִּי הָיָה סַפָּן בַּעַל-נִסָּיוֹן וַחֲכַם-לֵב.

וְהָאִישׁ אָנְקֶה עָנָו מִכָּל הַגִּבּוֹרִים אֲשֶׁר בָּאֳנִיָּה. וַיְהִי כְשָׁמְעוֹ, כִּי נִבְחַר לִמְהַגֶּה, וַיְמָאֵן, כִּי יָרֵא, פֶּן יִכָּשֵׁל בְּמַעֲשֵׂהוּ וְהֵבִיא שׁוֹאָה⁹³ עַל צַוְּארֵי-רֵעָיו. אָז תָּבֹא הֵרָה וַתְּאַמֵּץ אֶת-לִבּוֹ, וַתְּצַוֵּהוּ לָקַחַת עַל-שִׁכְמוֹ אֶת-הָעֲבוֹדָה הַזֹּאת וְהִיא תִהְיֶה עִם-יָדוֹ. וַיִּתְעוֹדֵד אָנְקֶה וַיַּעֲמֹד עַל-יַד-הַהֶגֶה וַיִּשְׁקֹד עַל-מַעֲשֵׂהוּ וְלֹא נָפַל בִּמְהִירוּתוֹ מִטִיפִים.

וַיַּעַבְרוּ שְׁנֵים-עָשָׂר יוֹם וַיָּשׁוּטוּ וַיָּבֹאוּ אֶל-שֶׁפֶךְ נְהַר קַלִּיחוּר. וַיִּרְאוּ שָׁם יְגָר⁹⁴ רָם וְנִשָּׂא, קֶבֶר סְטֵנֵל הַגִּבּוֹר, – הוּא סְטֵנֵל, אֲשֶׁר יָצָא עִם הֵרַקְלֶס לַמִּלְחָמָה לִקְרַאת הַצּוֹבְאוֹת וַיֻּכֶּה וַיָּמָת וַיִּקָּבֵר בִּמְדִינַת הַיָּם.

וַיְהִי בְנוּחָם מְעַט וַיֹּאחֲזוּ הַשַּׁיָּטִים בַּמִּשּׁוֹטִים לַעֲשׂוֹת אֶת-דַּרְכָּם הָלְאָה. וַיִּשְּׂאוּ אֶת-עֵינֵיהֶם וַיִּרְאוּ וְהִנֵּה רוּחַ סְטֵנֵל עוֹלֶה מִקִּבְרוֹ, כִּי חָמְלָה עָלָיו פֶּרְסְפֵּנָה⁹⁵ וַתִּתְּנֵהוּ לָצֵאת לְרֶגַע מִשְּׁאוֹל תַּחְתִּיָּה לְאוֹר הָעוֹלָם. וּמַרְאֶה סְטֵנֵל כַּמַּרְאֵה, אֲשֶׁר הָיָה לוֹ בְּצֵאתוֹ לַמִּלְחָמָה, וְעַל-רֹאשׁוֹ קוֹבַע מְקֻשָּׁט אַרְבָּעָה פְתִילֵי⁹⁶אַרְגָּמָן מְנַפְנְפִים בָּאַוֵּר.

וַיַּעֲמֹד הָרוּחַ עַל-קִבְרוֹ וַיַּבֵּט בְּעִצָּבוֹן בִּפְנֵי בְנֵי עַמּוֹ. וַיְהִי כַעֲבֹר הָרֶגַע וַיֵּעָלֶם וַיִּצְלֹל בְּמַעֲמַקֵּי דּוּמָה1 כְּבָרִאשׁוֹנָה.

וַיִּשָּׁמְטוּ הַמִּשּׁוֹטִים מִידֵי הַגִּבּוֹרִים, כִּי נִבְהֲלוּ מְאֹד.וַיַּשְׁקֵט מוֹפְסִי הַנָּבִיא אֶת-רוּחָם, כִּי הֵבִין לְחֵפֵץ הַמֵּת, וַיִּיעָצֵם לְהַקְרִיב לוֹ מִנְחַת נָסֶךְ. וַיְמַהֲרוּ וַיָּגֹלוּ אֶת הַיְרִיעוֹת⁹⁷ וַיִּקְשְׁרוּ אֶת-הָאֳנִיּה בִקְלָעִים⁹⁸ אֶל הַחֹף וַיַּקִיפוּ אֶת קֶבֶר סְטֵנֵל. וַיִּסְּכוּ עָלָיו נֶסֶךְ יַיִן וַיִּשְׁחֲטוּ כְּבָשִׂים וַיַּעֲלוּ עוֹלוֹת. וַיְהִי כְּכַלּוֹתָם לְכַבֵּד אֶת-הַמֵּת וַיָּשׁוּבוּ אֶל-הָאֳנִיָּה וַיִּסְעוּ הָלְאָה.

וַיָּבֹאוּ מַהֵר אֶל-שֶׁפֶךְ נְהַר טֶרְמוֹדוֹן. וּנְהַר טֶרְמוֹדוֹן יוֹרֵד מֵהַר גָּבֹהּ וְאַחַר יִפָּרֵד וְהָיָה לְהַרְבֵּה רָאשִׁים⁹⁹ אוּבָלִים¹⁰⁰ וְאֶזְרֹעוֹת הַנִּשְׁפָּכִים אֶל-הַיָּם. וַתְּהִי דֶלֶת¹⁰¹ הַיָּם מְלֵאָה אִיִּים עַד-אֵין-מִסְפָּר. וְאֶת-הַגָּדוֹל בָּאִיִּים אִוּוּ צוֹבְאוֹת לְמִשְׁכָּן לָהֶן. וְהַצּוֹבְאוֹת תִּתְיַחֵסְנָה¹⁰² עַל-זֶרַע אָרֵס. וְלֹא אַהֲבוּ הַצּוֹבְאוֹת אֶת הֶעָרִים לָשֶׁבֶת בָּהֶן וַתִּפָּרַדְנָה לִשְׁבָטִים וַתְּפוּצֶינָה בְּכָל-הָאָרֶץ וַתֹּאכַלְנָה אֶת-צֵיד הַחַיּוֹת, אֲשֶׁר צָדוּ.

וַתִּהְיֶינָה הַצּוֹבְאוֹת שְׁקוּלוֹת¹⁰³ בְּאֹמֶץ לִבָּן וּבִגְבוּרַת יָדָן כְּנֶגֶד גְּדוֹלֵי-הַגִּבּוֹרִים אֲשֶׁר לְיָוָן.

וַיְהִי כִרְאוֹת הַצּוֹבְאוֹת אֶת-הָאֳנִיָּה הוֹלֶכֶת וּקְרֵבָה וַתֵּחָלַצְנָה חִישׁ וַתְּמַהֵרְנָה אֶל הַחֹף לְהַכּוֹת אֶת-הַשַּׁיָּטֵים, אִם יַרְהִיבוּ עֹז לַעֲלוֹת הַיַּבָּשָׁה. וַיָּעֲבֵר זוּז מְחוֹלֵל הָרְעָמִים רוּחַ לְוָי וַתִּשָּׂא אֶת-הָאֳנִיָּה וַתַּרְחִיקֶנָּה מֵחֻפֵּי-הָאָרֶץ. וַיַּעַבְרוּ הָאַרְגָּתִים מִשָּׁם וַיֵּלְכוּ הָלְאָה וַיַּגִּיעוּ עַד-גְּבוּל אֶרֶץ הַחֲלֵבִים, כִּדְבַר פִינִי. וְהַחֲלֵבִים לֹא יִטְּעוּ כְרָמִים וְלֹא יִזְרְעוּ שָׂדוֹת וְלֹא יִרְעוּ צֹאן וּבָקָר, כִּי בְּזֵעַת אַפֵּיהֶם יוֹצִיאוּ נְחשֶׁת וּבַרְזֶל מִמַּעֲמַקֵּי-הָאֲדָמָה וְנָתְנוּ בַלֶּחֶם וּבַבָּשָׂר וּבַבְּגָדִים. וַיַּעַבְדוּ הַחֲלֵבִים עֲבוֹדָה קָשָׁה בְּחֵיק הָאֲדָמָה וְלֹא רָאוּ אֶת-אוֹר-הַשָּׁמֶשׁ.

וַיַּעַבְרוּ יָמִים רַבִּים וְלֵילוֹת רַבִּים וְאַרְגָּה הוֹסִיפָה לָלֶכֶת קָדִימָה. וַיַּעַבְרוּ הַגִּבּוֹרִים אֲרָצוֹת וּמְדִינוֹת וַיַּגִּיעוּ עַד אִי אָרֵס. וַיְהִי כְקָרְבָם אֶל חֻפֵּי הָאִי וַיִּשְׁמְעוּ קוֹל מַשַּׁק כְּנָפָיִם. וַיִּשְׂאוּ הַגִּבּוֹרִים אֶת-עֵינֵיהֶם וַיִּרְאוּ עוֹף נֶחְמָד מְאֹד עָף מִן הָאִי וְהוֹלֵךְ וְקָרֵב אֶל-הָאֳנִיָּה. וַיִּסְתּוֹבֵב הָעוֹף מֵעַל-הָאֳנִיָּה וַיַּפֵּל נוֹצָה; וַתֵּרֶד הַנּוֹצָה וַתִּתָּקַע כְּחֵץ שָׁנוּן בְּכֶתֶף אוֹלֶה. וַיִּשְׁמֹט אוֹלֶה אֶת-הַמָּשׁוֹט וְהַגִּבּוֹרִים הִתְבּוֹנְנוּ בְּתִמָּהוֹן בַּחֵץ הַנִּפְלָא, אֲשֶׁר פָּצַע אֶת-רֵעָם. וַיּוֹצִיאוּ אֶת-הַנּוֹצָה מִכֶּתֶף אוֹלֶה וַיַּחְבְּשׁוּ אֶת-פִּצְעוֹ.

עוֹדָם עוֹמְדִים מַחֲרִישִׁים וּמִשְׁתָּאִים וְהִנֵּה עוֹף שֵׁנִי בָּא. וַיִּדְרֹךְ קְלִיק, אֲשֶׁר עָמַד עַל-הַמִּשְׁמָר, אֶת-קַשְׁתּוֹ וַיִּיר חֵץ וַיָּמֶת אֶת-הָעוֹף בְּדֶרֶףְ מְעוּפוֹ. וַיִּפֹּל הָעוֹף מֵת עַל-הָאֳנִיָּה. וַיִּפְתַּח אַמְפִידָם אֶת-פִּיו וַיַּעַן וַיֹּאמַר: הִנֵּה אֲנַחְנוּ עוֹלִים עַל-הָאִי, כִּי עָיַפְנוּ מְאֹד; אֲבָל עָלֵינוּ לְהִזָּהֵר מִפְּנֵי הָעוֹפוֹת פֶּן הַנּוֹרָאִים הָאֵלֶּה, יִתְנַפְּלוּ עָלֵינוּ בֶּהָמוֹן וְאָזְלוּ¹⁰⁴ הַחִצִּים מֵאַשְׁפּוֹתֵינוּ. כִּי עַל-כֵּן נִתְחַכְּמָה לָהֶם וּנְבַקְּשָׁה תַחְבּוּלוֹת, אֵיךְ נַפִּיל פַּחַד עַל-עוֹפוֹת הַשַּׁחַץ הָאֵלֶּה וְנַבְרִיחֵם. וְעַתָּה, אִם לָעֲצָתִי תְּשְׁמָעוּ, וַחֲבַשְׁתֶּם אֶת-קוֹבָעֵיכֶם מְקֻשְּׁטֵי-הַנּוֹצָה לְרָאשֵׁיכֶם וְנַחֲצֵיתֶם לִשְׁנֵי מַחֲנוֹת: הַמַּחֲנֶה הָאֶחָד יַחְתֹּר בַּמְּשׁוֹטִים הרמס ורוחות המתים לפני הדס ופרספונה וְהַשֵּׁנִי יְסוֹכֵךְ עַל-הָאֳנִיָּה בְּצִנּוֹת וּבַחֲנִיתוֹת מַבְרִיקוֹת. וְהָיָה בִרְאוֹתֵנוּ אֶת-הָעוֹפוֹת הוֹלְכִים וּקְרֵבִים אֵלֵינוּ וַהֲרִיעוֹנוּ תְּרוּעָה גְדוֹלָה. וְרָאוּ הָעוֹפוֹת אֶת-הַנּוֹצוֹת הַמְּנַפְנְפוֹת וְאֶת בְּרַק הַצִּנּוֹת וְהַחֲנִיתוֹת וְשָׁמְעוּ אֶת-קוֹל הַתְּרוּעָה וְנִבְהֲלוּ וְמִהֲרוּ לָנוּס.

וַתִּיטַב הָעֵצָה בְּעֵינֵי הַגִּבּוֹרִים וַיְמַהֲרוּ וַיַּעֲשׂוּ כִּדְבַר אַמְפִידָם. וַיְהִי כְקָרְבָם אֶל הַחֹף וַתָּבֹא עֲדַת עוֹפוֹת וַתָּעָף אֶל-עֵבֶר הָאֳנִיָּה. וַיְעוֹרְרוּ הַשַּׁיָּטִים קוֹל שָׁאוֹן וַיָּרִיעוּ תְרוּעָה גְדוֹלָה וַיְשַׁקְשְׁקוּ¹⁰⁵ בְּחָרְבוֹתֵיהֶם וַיַּבְרִיקוּ בַחֲנִיתוֹתֵיהֶם. וַיַּפְחִידוּ הַשַּׁיָּטִים בְּקוֹלָם אֶת-הָעוֹפוֹת וַיָּעוּפוּ וַיַּעַבְרוּ מֵעַל-לָאֳנִיָּה וַיָּנוּסוּ מְנוּסַת בֶּהָלָה.

וְהָיָה כַאֲשֶׁר יֵרֵד הַבָּרָד מִן-הַשָּׁמַיִם וְהִכָּה בְזַעַף בְּשִׁמְשׁוֹת הַחַלּוֹן, כֵּן יָרַד בְּרַד הַנּוֹצוֹת עַל-הָאֳנִיָּה, וַיְסוֹכְכוּ הַגִּבּוֹרִים בְּמָגִנֵּיהֶם וְצִנּוֹתֵיהֶם מֵעַל-לְרָאשֵׁיהֶם לְהָגֵן עֲלֵיהֶם מִבְּרַד הַנּוֹצוֹת הַנּוֹשְׁרוֹת אַרְצָה וַתִּפֹּלְנָה הַנּוֹצוֹת עַל-הַמָּגִנִּים וְלֹא נָגְעוּ בָאִישׁ לְרָעָה. וַיְהִי בַהֲנִיסָם אֶת-הָעוֹפוֹת וַיֵּצְאוּ בִמְנוּחָה מִן-הָאֳנִיָּה וַיַּעֲלוּ עַל-הַחֹף. וַיִּשְׂאוּ עֵינֵיהֶם וַיִּרְאוּ וְהִנֵּה אַרְבָּעָה עֲלָמִים הוֹלְכִים לִקְרָאתָם.

וְהָעֲלָמִים דַלֵּי-בָשָׂר וַעֲרוּמִים כְּיוֹם הִוַּלְדָם. וַיִּגְּשׁוֹ הָעֲלָמִים אֶל-הַגִּבּוֹרִים וַיִּפְתַּח הָאֶחָד אֶת-פִּיו וַיַּעַן וַיֹּאמַר:

אָנָּא בְנֵי נֵכָר! הֱיוּ אֲשֶׁר תִהְיוּ,אֲבָל אַל תִּמְנְעוּ חַסְדְּכֶם מִפְּלִיטִים אֻמְלָלִים וּנְתַתֶּם לָנוּ בְגָדִים לְכַסּוֹת אֶת-מַעֲרוּמֵי בְשָׂרֵנוּ וְאֹכֶל לִשְׁבֹּר אֶת-רַעֲבוֹנֵנוּ.

וַיָּאֶר לָהֶם יָזוֹן פָּנִים וַיַּבְטִיחֶם, כִּי יַעֲזֹר לָהֶם. אַחַר דָּרַשׁ לִשְׁמָם וּלְמִשְׁפַּחְתָּם. וַיַּעַן הָעֶלֶם וַיֹּאמַר:

הֲלֹא שְׁמַעְתֶּם אֶת-שֵׁמַע פְרִיקְסְ בֶּן-אֲטָמָה, אֲשֶׁר הֵבִיא אֶת-גִּזַּת-הַזָּהָב לְאֶרֶץ קוֹלְחִידָה. וַיִּתֶּן לוֹ אַיִט מֶלֶךְ קוֹלְחִידָה אֶת-בִּתּוֹ לְאִשָּׁה וַתֵּלֶד לוֹ אַרְבָּעָה בָנִים אוֹתִי וְאֶת-שְׁלשֶׁת הָעֲלָמִים הָעוֹמְדִים לְפָנֶיךָ. שְׁמִי אֶרֶג וְאָבִינוּ נֶאֱסַף כְּבָר אֶל-אֲבוֹתָיו. וַיְהִי כַאֲשֶׁר חָלָה לָמוּת וַיִּקְרָא אֵלֵינוּ וַיֹּאמַר: בָּנַי! אֲנִי הוֹלֵךְ לָמוּת. וְהָיָה בְשָׁכְבִי עִם אֲבוֹתַי וִישַׁבְתֶּם בָּאֳנִיָּה וַהֲלַכְתֶּם מִזֶּה אֶל-עִיר אַרְחוֹמַן וּלְקַחְתֶּם מִשָּׁם אֶת-אוֹצְרוֹתַי הָרַבִּים, אֲשֶׁר צָבַרְתִּי בִּיגִיעַ כַּפָּי. וַיְהִי אַחֲרֵי מוֹתוֹ וַנַעַשׂ כַּאֲשֶׁר צֻוִּינוּ וַנֵּשֶׁב בָּאֳנִיָּה לָלֶכֶת אַרְחוֹמָנָה: עוֹד לֹא עָבַרְנוּ אֶת-חֲצִי דַרְכֵּנוּ וְהִנֵּה רוּחַ גְּדוֹלָה בָּאָה וַיְהִי סַעַר גָּדוֹל וָאֳנִיָּתֵנוּ נִשְׁבָּרָה. וַיֶּקֶר¹⁰⁶ זוּז לְפָנֵינוּ קֶרֶשׁ וַנֵּשֶׁב עָלָיו וַנַּחֲזֶק-בּוֹ. וַיִּשָּׂאֵנוּ אֶל-חֻפֵּי הָאִי הַשּׁוֹמֵם הַזֶּה. וַיְהִי כִשְׁמֹעַ הַגִּבּוֹרִים אֶת-דִּבְרֵי-הָעֶלֶם וַיִּשְׂמְחוּ מְאֹד. וְיָזוֹן נָפַל עַל-צַוְּארֵיהֶם וַיֶּאֱצֹל לָהֶם עֲתֶרֶת¹⁰⁷ נְשִׁיקוֹת וַיֹּאמֵר: הֲלֹא קְרוֹבִים אֲנַחְנוּ, כִּי אֲטָמָה אֲבִי אֲבִיכֶם הָיָה אָב לִכְרֵתִי אֲבִי אֵזוֹן אָבִי. וְעַתָּה, אַחַי, לוּ בְקוֹלִי תִשְׁמָעוּן, וַהֲלַכְתֶּם עִמָּנוּ קוֹלְחִידָה וִהְיִיתֶם לָנוּ לְעֵינַיִם; וְהָיָה כִּי תֵלְכוּ עִמָּנוּ וְהָיָה הַטּוֹב הַהוּא, אֲשֶׁר יֵיטִיבוּ הָאֵלִים עִמָּנוּ, וְהֵטַבְנוּ לָכֶם.

וַיִּשְׁמְעוּ הָעֲלָמִים אֶת-דִּבְרֵי-יָזוֹן וַיֶּחֶרְדוּ חֲרָדָה גְדוֹלָה וַיֹּאמֵרוּ:

קָשָׁה הָעֲבוֹדָה וְנִבְצַר מִכֶּם לַעֲשׂוֹתָהּ, כִּי אַיִט אֲבִי אִמֵּנוּ הוּא אַכְזָר כַּיְעֵנִים¹⁰⁸ בַּמִּדְבָּר וְאָבִיו, אֵל-הַשֶּׁמֶשׁ, חֲנָנוֹ בְּמֶמְשָׁלָה בְלִי מְצָרִים¹⁰⁹. עַמִּים רַבִּים בְּאֶרֶץ קוֹלְחִידָה סָרִים לְמִשְׁמַעְתּוֹ וְרַהַב נוֹרָא, אֲשֶׁר שֵׁנָה לֹא יֵדַע, שׁוֹמֵר יוֹמָם וְלַיְלָה אֶת-הַגִּזָּה, – וְאֵיְך תּוּכְלוּ לְקַחְתָּהּ מִיָּדוֹ?

וַיֵּרַךְ לֵב הַגִּבּוֹרִים בְּשָׁמְעָם אֶת-דִּבְרֵי-הָעֲלָמִים וְלֹא קָם בָּהֶם עוֹד רוּחַ. וַיָּקָם פֶּלֶא וַיַּעֲמֹד וַיִּקְרָא בְּקוֹל גָּדוֹל לֵאמֹר: אַל תֹּאמְרוּ, כִי לֹא נַצְלִיחַ בְּדַרְכֵּנוּ, וְאַל תִּרְהוּ ¹¹⁰ וְאַל תִּפְחֲדוּ; הֲלֹא גַם אֲנַחְנוּ בְנֵי-אֵלִים הִנֵּנוּ. וְהָיָה אִם לֹא יִתֵּן לָנוּ אַיִט אֶת-הַגִּזָּה בִרְצוֹנוֹ הַטּוֹב וּלְקַחְנוּהָ בְחָזְקָה.

וַיַּשְׁכִּימוּ הַגִּבּוֹרִים בַּבֹּקֶר וַיֵּשְׁבוּ בָאֳנִיָּה וַיֵּלְכוּ לְדַרְכָּם הָלְאָה. וַיֵלְכוּ עִמָּם גַּם בְּנֵי פְרִיקְסְ, אֲשֶׁר הֶחֱלִיפוּ כֹחַ בְּשָׁבְרָם אֶת-רַעֲבוֹנָם; וְהֵם לְבוּשִׁים אֶת בִּגְדֵיהֶם הַחֲדָשִׁים אֲשֶׁר נָתְנוּ לָהֶם הַשַּׁיָּטִים.

וַיְהִי בְנָסְעָם יוֹם וָלַיְלָה וַיִּרְאוּ מֵרָחוֹק אֶת הָרֵי קַוְקַז הַגְּבוֹהִים, אֲשֶׁר שִׂיאָם¹¹¹ לָעָב יַגִּיעַ.

וַיִּשְׁמְעוּ פִתְאֹם קוֹל מַשַּׁק כְּנָפָיִם וַיִּשְׂאוּ אֶת-עֵינֵיהֶם וַיִּרְאוּ וְהִנֵּה נֶשֶׁר נוֹרָא עָף מִמַּעַל לְרָאשָׁם; זֶה הָיָה הַנֶּשֶׁר, אֲשֶׁר עִנָּה אֶת פְּרוֹמִית בְּמִצְוַת זוּז. וַיַּחַץ הַנֶּשֶׁר אֶת גַּלֵּי-יַם הָאַוֵּר.וַתְּהִי רוּחַ גְּדוֹלָה מִכֹּחַ מַשַּׁק כְּנָפָיו וַיִּפְרֹשׂ אֶת-מִפְרְשֵׂי-הָאֳנִיָּה.

עוֹד לֹא הִרְחִיקוּ לָלֶכֶת וְהִנֵּה קוֹל גְּנִיחָה הִגִּיעַ לְאָזְנֵיהֶם, כִּי הִתְנַפֵּל הַנֶּשֶׁר עַל-הָאֻמְלָל וַיִּקְרַע אֶת-בְּשָׂרוֹ בְצִפָּרְנָיו וַיְפַלַּח כְּבֵדוֹ. וַיְהִי כְּכַלּוֹת הַנֶּשֶׁר לֶאֱכֹל אֶת כְּבַד-פְּרוֹמִית וַיִּרֶף מִמֶּנּוּ וַיָּשָׁב וַיָּעָף מֵעַל לָאֳנִיָּה אֶל-קִנּוֹ. וְהַנֶּשֶׁר גָּדוֹל וּמְגֻדָּל וַיִּצְרֹר רוּחַ בִּכְנָפָיו, כְּמִפְרְשֵׂי אֳנִיָּה.

וַיְהִי בַלַּיְלָה וַיַּגִּיעוּ הַגִּבּוֹרִים אֶל מְחוֹז חֶפְצָם¹¹², אֶל-שֶׁפֶךְ נְהַר פִזִיס. וַיִּשְׂמְחוּ הַגִּבּוֹרִים שִׂמְחָה גְדוֹלָה וַיְטַפְּסוּ וַיַּעֲלוּ עַל-הַתְּרָנִים וַיָּגֹלוּ אֶת-הַמִּפְרָשִׂים. וַיַּחְתְּרוּ בְכֹחַ וַיַּשִׁיטוּ אֶת-הָאֳנִיָּה אֶל-עֲרוּץ¹¹³ הַנָּהָר הָרָחָב, אֲשֶׁר מֵימָיו דִמּוּ לְהִסּוֹג לְאָחוֹר¹¹⁴, כְּמוֹ לוּ נִבְהֲלוּ לְמַרְאֵה הָאֳנִיָּה הָעֲנָקִית.

וַיַּבִּיטוּ הַגִּבּוֹרִים יָמִינָה וַיִּרְאוּ אֶת-הָרֵי קַוְקַז הָרָמִים וְהַנִּשָׂאִים וְאֶת-צִיטָה, עִיר מַמְלֶכֶת קוֹלְחִידָה; וְכַאֲשֶׁר הֵעִיפּו עֵינָם שְׂמֹאלָה וַיִּגָלֶה לְעֵינֵיהֶם שָׂדֶה רְחַב יָדַיִם וְאֵלוֹן אָרֵס –הוּא הָאֵלוֹן אֲשֶׁר שָׁמַר בּוֹ הָרַהַב, לֹא יֵדַע שֵׁנָה, אֶת-הַגִּזָּה הַתְּלוּיָה בְּעַנְפֵי-הָאַלּוֹן הָאַדֳּיר.

וַיִּגַּשׁ יָזוֹן אֶל-יַרְכְּתֵי¹¹⁵ הָאֳנִיָּה וַיִּקַּח כּוֹס זָהָב וַיְמַלְּאֶנָּה יַיִן מְשֻׁמָּר¹¹⁶ וַיְנִיפֶהָ תְנוּפָה. וַיִּסֹךְ יָזוֹן נֶסֶךְ יַיִן לַנָּהָר, לְאֵלֵי הָאָרֶץ וְלַגִּבּוֹרִים, אֲשֶׁר מֵתוּ בַּדָּרֶךְ. וַיִּתְפַּלְּלוּ הַגִּבּוֹרִים לְרוּחוֹת רֵעֵיהֶם, כִּי יְסוֹכְכוּ עֲלֵיהֶם בְּכַנְפֵיהֶם וְיִשְׁמְרוּ עַל-הָאֳנִיָּה. וַיְהִי כְּכַלּוֹתָם לְהִתְפַּלֵּל וַיִּקְשְׁרוּ אֶת-הָאֳנִיּה אֶל-הַחֹף.

וַיָּקָם אָנְקֶה הַמְּהַגֶּה הַמְּנֻסֶּה וַיַּעֲמֹד עַל-רַגְלָיו וַיֹּאמַר: הִנֵּה בָאנוּ בְשָׁלוֹם קוֹלְחִידָה. וְעַתָּה הָבָה נִוָּעֲצָה, מָה הַמַּעֲשֶׂה אֲשֶׁר נַעֲשֶׂה וְאֵיךְ נַכְבִּיד אֶת-יָדֵינוּ עַל-אַיִט לָתֶת לָנוּ אֶת-גִּזַּת הַזָּהָב?

וְלֹא שָׁמְעוּ הַגִּבּוֹרִים אֶל אָנְקֶה, כִּי עָיְפוּ מֵרֹב הַדֶּרֶך מְאֹד. וַיִּקְרְאוּ כֻלָּם: מָחָר, מָחָר!

וַיְצַו יָזוֹן וַיַּשְׁלִיכוּ עֹגֶן בְּמִפְרַץ הַנָּהָר הַשּׁוֹקֵט. וַתִּסְגֹּר שֵׁנָה נְעִימָה אֶת-שְׁמוּרוֹת עֵינֵי הַגִּבּוֹרִים וַיִּישְׁנוּ עַד-עֲלוֹת הַשַּׁחַר.

י. יָזוֹן בְּבֵית אַיִט    🔗

וַיְהִי אַךְ עָלָה הַשַּׁחַר וַיַּשְׁכִּימוּ הַגִּבּוֹרִים וַיֵּאָסְפוּ לְהַמְתִּיק סוֹד. וַיִּפְתַּח יָזוֹן אֶת-פִּיו וַיַּעַן וַיֹּאמַר:

אַחַי וְרֵעָי, לֹא טוֹב נַעֲשֶׂה, אִם נְמַהֵר לָצֵאת לָרִיב עִם אַיִט, כִּי הֲלֹא לָשׁוֹן רַכָּה תִּשְׁבָּר-גָרֶם¹¹⁷. הֵן לֹא הִקְשִׁיחַ אַיִט אֶת-לִבּוֹ ¹¹⁸ מִפְרִיקְסְ, בְּנוּסוֹ מִפְּנֵי אִמּוֹ חוֹרַגְתּוֹ וּמַדּוּעַ יִמְנַע חֶסֶד מֵאִתָּנוּ? וְלָכֵן זֹאת עֲצָתִי: שִׂימוּ אֶת-נִשְׁקְכֶם עֲלֵיכֶם וְנִשְׁאַרְתֶּם בָּאֳנִיָּה לְשָׁמְרָהּ.

וַאֲנִי וַאֲנָשִׁים אֲחָדִים מֵקִרְבְּכֶם נֵלֵךְ עִם בְּנֵי-פְרִיקְסְ אֶל-אַיִט וְדִבַּרְנוּ אִתּוֹ לְשָׁלוֹם. וְהָיָה אִם שָׁלוֹם יַעֲנֶה לָנוּ וְלָקַחְנוּ אֶת-הַגִּזָּה וְהָלַכְנוּ וְלֹא נִגַּע בּוֹ וּבְאֲנָשָׁיו לְרָעָה. וְאִם יְמָאֵן לָתֶת-לָנוּ אֶת-הַגִּזָּה וְהָלַךְ עִמָּנוּ בַּקֶּרִי¹¹⁹ וְהָלַכְנוּ גַם אֲנַחְנוּ עִמּוֹ בַקֶּרִי וְאֵלֵי הַחֶסֶד, אֲשֶׁר הוֹלִיכוּנוּ עַד-כֹּה, יַצְלִיחוּ אֶת מַעֲשֵׂי-יָדֵינוּ.

וַיִּמְצְאוּ דִבְרֵי יָזוֹן חֵן בְּעֵינֵי הַגִּבּוֹרִים וַיַּעֲשׂוּ כֵן. וַיִּקַּח יָזוֹן אֶת-עֲנַף הַשָּׁלוֹם, אֲשֶׁר נָתַן לוֹ הֶרְמֵס, וַיֵּרֶד מֵעַל-הָאֳנִיָּה וַיַּעַל הַיַּבָּשָׁה. וַיַּעֲלוּ עִמּוֹ גַם בְּנֵי פְרִיקְס וְטַלְמוֹן וְאָגֶה הַגִּבּוֹרִים, וַיְהִי בְּבוֹאָם אֶל שְׂדֵה-יַעַר¹²⁰ רְחַב יָדַיִם וַיִּשְׂאוּ עֵינֵיהֶם וַיִּרְאוּ וְהִנֵּה גְוִיּוֹת רַבּוֹת תְּלוּיוֹת מֵרָאשֵׁי-הָעֵצִים. וַיַּחְשְׁבוּ הַגִּבּוֹרִים כִּי פִגְרֵי-הַשְּׁבוּיִם הֵם, אֲשֶׁר נֶהֶרְגוּ בִּידֵי-שׁוֹבֵיהֶם הָאַכְזָרִים.

הֵמָּה עוֹלִים בְּמַעֲלֵה-הָעִיר וְהֵמָּה מָצְאוּ נְעָרוֹת יוֹצְאוֹת לִשְׁאוֹב מַיִם. וַיֹּאמְרוּ לָהֶן: מַה הֵן הַגְּוִיּוֹת הָרַבּוֹת הַתְּלוּיוֹת מֵרָאשֵׁי-הָעֵצִים? וַתַּעֲנֶינָה אוֹתָם הַנְעָרוֹת: מֵתֵינוּ הֵם, כִּי לֹא יִקָּבְרוּ הַמֵּתִים בְּאַרְצֵנוּ וְלֹא יִשָּׂרְפוּ בָאֵשׁ, כִּי בְשִׁלְחֵי¹²¹ שְׁוָרִים יִכָּרְכוּ וְיִתָּלוּ עַל-הָעֵץ, לְמַעַן יִיבָשׁוּ; וְרַק הַנָּשִׁים תִּקָּבֶרְנָה לְכַפֵּר פְּנֵי-שְׁאוֹל.

וְעַם הַקּוֹלְחִים עַם רַב וְעָצוּם מְאֹד וּמְלֵאֵי חֶשֶׁד לְכָל-בֶּן-נֵכָר. וַתַּעַט הֵרָה, מָגִנַּת יָזוֹן וְרֵעָיו, מַעֲטֵה עֲרָפֶל עַל-כָּל-הָעִיר וְלֹא מִהֵר הָעֲרָפֶל לְהִתְפַּזֵּר, כִּי אִם בַּעֲמֹד הַגִּבּוֹרִים בְּפֶתַח שַׁעַר הָאַרְמוֹן.

וְהָאַרְמוֹן מַעֲשֵׂה-יְדֵי-הֵפֵסְטְ הוּא, כִּי חָכַם לִבּוֹ בְּכָל-מְלֶאכֶת מַחֲשֶׁבֶת. וַיְחַזֵּק הֵפֵסְטְ אֶת-הָאַרְמוֹן וָיַּעַשׂ אֶת-כְּתָלָיו עָבִים כְּכָתְלֵי-הַמִּבְצָר וַיְפָאֲרֵהוּ בְטוּרֵי עַמּוּדִים. וְשַׁעֲרֵי-הָאַרְמוֹן מְקֻשָּׁטִים קִשּׁוּטִים שׁוֹנִים וְעַל-מַשְׁקוֹפֵי¹²² הַשַּׁעַר מְטַפְּסוֹת וְעוֹלוֹת גְּפַנֵּי-מִדְבָּר,אֲשֶׁר תִּתְפַּתֵּלְנָה וּתְלַפֵּפְנָה¹²³ אוֹתָן וְתִפְרֹשְׂנָה צֵל נָעִים. וּמִתַּחַת לְעַנְפֵי-הַגְּפַנִּים אַרְבָּעָה מַעֲיָנוֹת מְפַכִּים, אֲשֶׁר לֹא יִכָּזְבוּ¹²⁴ לְעוֹלָם; הַמַּעְיָן הָאֶחָד מְפַכֶּה תִּירוֹשׁ¹²⁵ הַשֵּׁנִי זָב חָלָב, הַשְּׁלִישִׁי יִצְהָר¹²⁶, וְהַמַּעְיָן הָרְבִיעִי מַעְיַן מַיִם חַיִּים,אֲשֶׁר יֵחַמּוּ בִימֵי-הַחֹרֶף וּבְבוֹא הַקַּיִץ הִצְטַנְּנוּ כְקָרַח. וְגַם שְׁנֵי פָּרִים עָשָׂה הֵפֵסְטְ נְחשֶׁת קָלָל יוֹרְקֵי אֵשׁ תָּמִיד וּמַחֲרֵשָׁה נִפְלָאָה כֻלָּהּ בַּרְזֶל.

אֶת-כָּל-הַדְּבָרִים הָאֵלֶּה עָשָׂה הֵפֵסְטְ לְהֵלִי,אֵל-הַשֶּׁמֶשׁ, אֲבִי אַיִט, חֵלֶף הַחֶסֶד, אֲשֶׁר עָשָׂה עִמּוֹ; כִּי בְהִלָּחֵם הָאֵיתָנִים עִם זוּז, מְחוֹלֵל הָרְעָמִים, וַתְּהִי גַם יַד-הֵפֵסְטְ עִמָּהֶם. וַיְהִי בִגְבֹר זוּז עַל-אוֹיְבָיו וַיִּרְדֹּף אַחֲרֵי הֵפֵסְטְ וְעוֹד מְעַט וְכָלְתָה אֵלָיו הָרָעָה. וַיַּרְא זֹאת הֵלִי וַיַּחֲמֹל עַל-הָאֵיתָן¹²⁷ הָאֻמְלָל וַיְמַהֵר אֵלָיו וַיּוֹשִׁיבֵהוּ בְּמֶרְכַּבְתּוֹ.

כָּכָה מִלֵּט הֵלִי אֶת-הֵפֵסְטְ מִכַּף רוֹדְפֵהוּ וַיְהִי הֵפֵסְטְ מַכִּיר תּוֹדָה לְהֵלִי כָּל-הַיָּמִים.

וַיָּבֹאוּ הַגִּבּוֹרִים אֶל-חֲצַר בֵּית-הַמֶּלֶךְ הַחִיצוֹנָה. וַיִּשְׁתּוֹמְמוּ הַגִּבּוֹרִים לְעֲבִי-הַכְּתָלִים, אֲשֶׁר לְאַרְמוֹן הַמֶּלֶךְ, לַשְּׁעָרִים הַמְּקֻשָּׁטִים וּלְעַמּוּדֵי-הַפְּאֵר, אֲשֶׁר הַבַּיִת נִשְׁעָן עֲלֵיהֶם.

וַיֵּצְאוּ הַגִּבּוֹרִים מִן הֶחָצֵר הַחִיצוֹנָה וַיָּבֹאוּ אֶל חֲצַר-הַמֶּלֶךְ הַפְּנִימִית וּבָהּ שְׁנֵי הֵיכָלוֹת רָאשִׁיִּים, בַּהֵיכָל הָאֶחָד יָשַׁב הַמֶּלֶךְ וּבַשֵּׁנִי בְנוֹ אַבְסֶרֶת וּבְנוֹת הַמֶּלֶךְ חַלְקְיֹפָּה וּמֵדֵאָה יָשְׁבוּ בְּבָתֵּי-הַנָּשִׁים עִם נַעֲרוֹתֵיהֶן, וּמֵדֵאָה בַת-הַמֶּלֶךְ הַצְּעִירָה, כֹהֶנֶת לְהֵקָטָה¹²⁸ וַתִּסְתּוֹפֵף¹²⁹ תָּמִיד בְּחַצְרוֹת-בֵּית-מִקְדָּשָׁהּ וְלֹא יָצְאָה כִמְעַט הַחוּצָה. וַתָּבֹא בָהּ רוּחַ מֵאֵת הֵרָה מָגִנַּת הַגִּבּוֹרִים וַתִּתְאַו נַפְשָׁהּ פִּתְאֹם לִרְאוֹת אֶת-פְּנֵי אֲחוֹתָהּ. וַיְהִי כְצֵאתָהּ מִפֶּתַח אַרְמוֹנָהּ הַחוּצָה וַתֵּרֶא אֶת-יָזוֹן וַתַּעֲמֹד עַל-מְקוֹמָהּ כִּנְטוּעָה בְמַסְמְרִים וַתִּקְרָא בְּקוֹל גָּדוֹל מֵרֹב תִּמָּהוֹן, כִּי יָפֶה הָאִישׁ וְנֶחְמָד וְאֵין כָּמוֹהוּ בְּאֶרֶץ יָוָן לְיֹפִי. וַתִּשְׁמַע חַלְקִיֹפָּה אֶת-קוֹל אֲחוֹתָהּ וַתָּרָץ אֶל הֶחָצֵר לִרְאוֹת, מַה לָהּ. וַתָּרֹצְנָה גַם נַעֲרוֹתֶיהָ אַחֲרֶיהָ. וַיְהִי בְּבֹאָהּ הַחֲצֵרָה וַתֵּרֶא אֶת אַרְבַּעַת בָּנֶיהָ, אֲשֶׁר יָלְדָה לִפְרִיקְסְ אִישָׁהּ, וַתִּשְׂמַח שִׂמְחָה גְדוֹלָה. וַתִּפֹּל עַל-צַוְּארֵיהֶם וַתֵּבְךּ וְהֵמָה בָכוּ עַל-צַוָּארָהּ.

יא. מֵדֵאָה וְאַיִט    🔗

וְהַקּוֹל נִשְׁמַע בֵּית אַיִט וַיֵּצְאוּ הַמֶּלֶךְ וְהַמַּלְכָּה מֵחַדְרֵיהֶם, לָדַעַת מַה-זֶה וְעַל-מַה-זֶה.

וּבֶחָצֵר הֲמוֹן עֲבָדִים וּשְׁפָחוֹת וִידֵיהֶם מְלֵאוֹת עֲבוֹדָה: זֶה שׁוֹחֵט בֶּן-בָּקָר לַעֲשׂוֹת אֹכֶל לָאוֹרְחִים וְזֶה מְבַקֵּעַ עֵצִים יְבֵשִׁים לְהַבְעִיר אֵשׁ; זֶה שׁוֹאֵב מַיִם וְזֶה שׁוֹפֵת אֶת-הַסִּירוֹת. וַיִּהְיוּ כֻלָּם מְטַפְּלִים בָּאוֹרְחִים וְאִישׁ לֹא חִבֵּק אֶת-יָדָיו.

וּמִמַּעַל לְכָל-הָעָם, אֲשֶׁר בֶּחָצֵר מְרַחֵף אֵרוֹס וַיְהִי רוֹאֶה וְאֵינוֹ נִרְאֶה. וַיּוֹצֵא אֵרוֹס¹³⁰ מֵאַשְׁפָּתוֹ חֵץ שָׁנוּן וַיֵּרֶד אַרְצָה וַיַּעֲמֹד מֵאַחֲרֵי יָזוֹן. וַיִּדְרֹךְ הַפּוֹחֵז¹³¹ אֶת-קַשְׁתּוֹ וַיִּיר אֶת-הַחֵץ. וַיָּבֹא הַחֵץ בְּלֵב מֵדֵאָה בַּת-הַמֶּלֶךְ. וְלֹא רָאָה אִישׁ אֶת-אֵרוֹס וְאֶת-הַמַּעֲשֶׂה, אֲשֶׁר עָשָׂה לְבַת-אַיִט. וְגַם הִיא לֹא רָאֲתָה וְלֹא יָדְעָה דָבָר וְרַק זֹאת יָדְעָה, כִּי לִבָּהּ פָּצוּעַ מְאֹד.

וַיָּבִיאוּ הַנְּעָרִים אֶת-הַקְּעָרוֹת הַמַּהְבִּילוֹת. וְהָאוֹרְחִים רָחֲצוּ אֶת-בְּשָׂרָם בַּמַּיִם וַיֵּשְׁבוּ בְלֵב שָׂמֵחַ אֶל הַשֻּׁלְחָן, כִּי רְעֵבִים הָיוּ מְאֹד. וַיְסַפְּרוּ נִכְדֵי אַיִט לְאַיִט אֶת-כָּל-הַתְּלָאָה, אֲשֶׁר מְצָאָתַם בַּדֶּרֶךְ וְאֵיְך נִמְלְטוּ מִמָּוֶת.

וַיִּשְׁאַל הַמֶּלֶךְ אֶת-נְכָדָיו בְּלָחַשׁ:

מִי הֵם בְּנֵי-הַנֵּכָר, אֲשֶׁר בָּאוּ הֲלוֹם וְלָמָה בָאוּ הֵנָּה?

וַיַּעַן אוֹתוֹ אֶרֶג וַיֹּאמַר:

יָזוֹן הוּא וְגִבּוֹרָיו הַיְוָנִים, אֲשֶׁר שָׁלַח אוֹתוֹ פְּלִיאָס מֶלֶךְ יָלְקוֹס לָקַחַת אֶת-גִּזַּת-הַזָּהָב, מִנְחַת פְרִיקְסְ אָבִינוּ, מִיָּדֶיךָ; וּפְלִיאָס צוֹרֵר לְיָזוֹן וַיִּשְׁלָחֵהוּ בְּדֶרֶךְ זֶה בְעָרְמָה, בְּדַעְתּוֹ, כִּי מָלֵא חַתְחַתִּים ¹³² הוּא, כִּי אָמַר: הֲלֹא אָבֹד יֹאבַד בַּדָּרֶךְ.

וְיָזוֹן מָצָא חֵן בְּעֵינֵי-הָאֵלִים וָתַּעֲזָר-לוֹ פֶּלֶס לִבְנוֹת אֳנִיָּה, אֲשֶׁר יָשׁוּט בָּהּ; וְלֹא כָאֳנִיּוֹת קוֹלְחִידָה, אֲשֶׁר לֹא תַעֲמֹדְנָה בִּפְנֵי רוּחַ מְצוּאָה¹³³, הָאֳנִיָּה אֲשֶׁר בָּא בָהּ יָזוֹן וַאֲנָשָׁיו, כִּי חֲזָקָה הִיא מְאֹד וְלֹא תִיָרא סָעַר.

וַיֹּאמֶר הַמֶּלֶךְ בְּלִבּוֹ: אֵין זֹאת כִּי אֶרֶג וְאֶחָיו עוֹרְרוּ אֶת-לֵב בְּנֵי-הַנֵּכָר לַעֲשׂוֹת דַּרְכָּם קוֹלְחִידָה. וַיִּקְצֹף עֲלֵיהֶם מְאֹד וְגַם בָּאוֹרְחִים חָרָה אַפּוֹ וַיִּקְרָא בְקוֹל גָדוֹל לֵאמֹר:

צְאוּ מִזֶּה, מְחַלְלֵי-קֹדֶשׁ, כִּי לֹא לָקַחַת אֶת-הַגִּזָּה מִיָּדִי בָּאתֶם אֵלַי, כִּי אִם לְמַגֵּר אוֹתִי מִכִּסְאִי. וְחֵי אַיִט, כִּי לוּלֵי הֱיִיתֶם אוֹרְחִים בְּבֵיתִי, אִם הִשְׁאַרְתִּי מִכֶּם שָׂרִיד וּפָלִיט. אֶת-הָאֵלִים אֲנִי יָרֵא.

וַיְהִי כִשְׁמֹעַ טַלְמוֹן אֶת-דִּבְרֵי הַגִּדּוּפִים, אֲשֶׁר גִּדְּפָם אַיִט, וַיִּקְפֹּץ מִמְּקוֹמוֹ וַיֹּאמֶר לַעֲנוֹת אוֹתוֹ דְבָרִים בּוֹטִים¹³⁴ וַיַּשְׁקִיטֵהוּ יָזוֹן וַיְדַבֵּר אֶל-הַמֶּלֶךְ דְּבָרִים רַכִּים לֵאמֹר:

עֲצֹר בְּרוּחֲךָ, אַיִט! לֹא בְסֵתֶר בָּאנּו אֵלֶיךָ, כְּגַנָּבִים בְּמַחְתֶּרֶת, לָקַחַת שָׁלָל וְלָבֹז בַּז, כִּי מִי יֵלֵךְ דֶּרֶךְ רְחוֹקָה כָּזֹאת לָקַחַת אֶת-אֲשֶׁר לֹא לוֹ! רַק יַד-הַגּוֹרָל וּמִצְוַת הַמֶּלֶךְ הָאַכְזָרִי חָזְקוּ עָלֵינוּ, בְּנֵי-אֵלִים, לִנְסֹעַ אֶת-הַנְּסִיעָה הַזֹּאת. וְעַתָּה, עֲשֵׂה-נָא חֶסֶד עִם עֲבָדֶיךָ, כִּי עַל-כֵּן בָּאנוּ בְצֵל קוֹרָתְךָ, וְתֵן לָנוּ אֶת-גִּזַּת-הַזָּהָב. וַאֲנַחְנוּ נְסַפֵּר תְּהִלָּתְךָ בְּכָל-אַרְצוֹת-יָוָן. וּבִפְרֹץ צַר בִּגְבוּלְךָ אוֹ בְצֵאתְךָ אַתָּה לַמִּלְחָמָה עַל-אוֹיְבֶיךָ וּבָאנוּ אֵלֶיךָ לְעֶזְרָה וְנִלְחַמְנוּ אֶת-מִלְחַמוֹתֶיךָ.

כָּכָה דִבֶּר יָזוֹן לִכְפּוֹת¹³⁵ אֶת-אַף הַמֶּלֶךְ.

וַיִּכְבּשׁ הַמֶּלֶךְ אֶת-כַּעֲסוֹ וַיַּעֲנֵם בִּמְנוּחָה מְדֻמָּה לֵאמֹר: לָמָּה תַשְׁחִיתוּ אֶת-דִּבְרֵיכֶם חִנָּם? אִם אֱמֶת בְּפִיכֶם, כִּי בְנֵי-אֵלִים אַתֶּם, וְנָתַתִּי לָכֶם אֶת-גִּזַּת-הַזָּהָב, כִּי לֹא אֶמְנַע אֶת-חַסְדִּי מִגִּבּוֹרִים. אַךְ בְּזֹאת תִּבָּחֲנוּ, כִּי כֵנִים אַתֶּם, בַּעֲשׂוֹתְכֶם אֶת-הַמַּעֲשֶׂה, אֲשֶׁר אֶעֱשֶׂה אֲנִי מִדֵּי יוֹם בְּיוֹמוֹ.

הִנֵּה בַאֲפָרִי, אֲשֶׁר בִּשְׂדֵה אָרֵם, רוֹעִים שְׁנֵי פָרֵי-נְחשֶׁת יוֹרְקֵי אֵשׁ. בַּפָּרִים הָאֵלֶה אֶחֱרשׁ שָׂדֶה וְאֶזְרָעֵהוּ; אֶפֶס כִּי לֹא זֶרַע דֵּמֶטֶר¹³⁶ הַכָּתֹם הוּא הַזֶּרַע, אֲשֶׁר אֶזְרַע, כִּי אִם שִׁנֵּי רָהַב. מִן-הַזֶּרַע הַזֶּה יִצְמְחוּ וְיַעֲלוּ מִן-הָאָרֶץ אֲנָשִׁים מְזֻיָּנִים. בְּשֶׁצֶף קֶצֶף יִתְנַפְּלוּ הָאֲנָשִׁים עָלַי וַאֲנִי אֵצֵא לִקְרָאתָם לְבַדִי וּמֵעֲבָדַי אֵין אִישׁ אִתִּי וְאֶרְמְסֵם בְּאַפִּי וְאֶדְרְכֵם בַּחֲמָתִי וְאִישׁ לֹא יִמָּלֵט מֵהֶם. בַּבֹּקֶר הַשְׁכֵּם, אַךְ יַעֲלֶה הַשַּׁחַר עַל-הַשָּׁמַיִם, אֶאֱסֹר אֶת-פָּרַי בַּמַּחֲרֵשָׁה וּבַלַּיְלָה אֲכַלֶּה אֶת-קְצִירִי. וְעַתָּה בְרוּ¹³⁷ לָכֶם אִישׁ, אֲשֶׁר יֵאוֹת לַעֲשׂוֹת תַּחְתַּי אֶת-הַמַּעֲשֶׂה הַזֶּה. וְהָיָה אִם יַצְלִיחַ הַדָּבָר בְּיָדוֹ וּלְקַחְתֶּם מִיָּדִי אֶת-גִּזַּת-הַזָּהָב וַעֲשִׂיתֶם בָּהּ כְּחֶפְצְכֶם; וְאִם לֹא יְבַצַּע¹³⁸ אֶת-הַמַּעֲשֶׂה הַזֶּה וַהֲלַכְתֶּם לְאַרְצְכֶם בְּיָדַיִם רֵיקוֹת. רְאוּ הַעִידוֹתִי בָכֶם.

וַיִּשְׁתֹּק יָזוֹן זְמַן מוּעָט וַיְשַׁקֵּל דַּעְתּוֹ, הֲיִקַּח עַל-שִׁכְמוֹ אֶת-הָעֲבוֹדָה הַזֹּאת אִם לֹא. אַחַר קָם מִמְּקוֹמוֹ וַיַּעַן וַיֹּאמַר:

כֵּן, קָשָׁה הָעֲבוֹדָה וְרַבָּה הַסַּכָּנָה, אֲבָל עָשׂה אֶעֱשֶׂה אוֹתָהּ וְיַעֲבֹר עָלַי מָה. וְאֶת-רוּחִי אַפְקִיד בְּיַד-גּוֹרָלִי, אֲשֶׁר הוֹלִיכַנִי בַּדֶּרֶךְ הַזֶּה.

טוֹב הַדָּבָר! עָנָה הַמֶּלֶךְ: וְעַתָּה לֵךְ אֶל-חֲבֵרֶיךָ הִתְיָעֵץ אִתָּם וְהָיָה אִם יֵרַךְ לִבְּךָ וּמִהַרְתָּ וְהָלַכְתָּ מִזֶּה, וְאֶת-הָעֲבוֹדָה אֶעֱשֶׂה אֲנִי כְּמִשְׁפָּטִי תָמִיד.

יב. עֲצַת אֶרֶג    🔗

וַיָּקָם יָזוֹן וְרֵעָיו מֵעַל-יַד-הַשֻּׁלְחָן וַיֵּצְאוּ מִן-הֶחָצֵר. וַיִּתֵּן אֶרֶג אוֹת לְאֶחָיו לְהִשָּׁאֵר עַל-מְקוֹמָם וְהוּא מִהֵר אַחֲרֵי יָזוֹן. וַיְלַבֵּב¹³⁹ יָזוֹן אֶת-כָּל-רוֹאָיו וַתִּפְנֶינָה אֵלָיו כָּל-הָעֵינָיִם. וְגַם מֵדֵאָה בַּת-הַמֶּלֶךְ הִתְבּוֹנְנָה אֵלָיו מֵאֲחוֹרֵי הַפַּרְגוֹד וְלֹא גָרְעָה עֵינָהּ מִמַּנּוּ וּמַחְשְׁבוֹתֶיהָ שְׁקוּעוֹת רַק בּוֹ.

וַיְהִי בְשׁוּבָהּ אֶל-חֲדָרֶיהָ וַתֵּבְךְּ בְּכִי גָדוֹל וַתְּדַבֵּר אֶל-נַפְשָׁהּ לֵאמֹר:

מַה-זֶה עָשׂוּ הָאֵלִים לִי? הֵן פְּנֵי-הַגִּבּוֹר בֶּן-הַנֵּכָר עוֹמְדִים לְמוּלִי! מַה-יָּפוּ פָנָיו! וּמַה-נֶּחְמָד מַרְאֵהוּ! אֵין זֹאת כִּי בֶן-אֵלִים הוּא וְלֹא בֶן-תְּמוּתָה. לָקַחַת אֶת-גִּזַּת-הַזָּהָב בָּא הֵנָּה וְאָבִי נֵאוֹת לְתִתָּהּ לוֹ, אִם יַחֲרשׁ בַּפָּרִים יוֹרְקֵי הָאֵשׁ. אֲבָל הַפָּרִים הֲלֹא ימִיתוּהוּ, כִּי מִי הִקְשָׁה אֲלֵיהֶם וַיִּשְׁלָם¹⁴⁰? וְהַגִּבּוֹר הַנֶּחְמָד יֵרֵד שְׁאוֹלָה בִּדְמִי-יָמָיו¹⁴¹! צַר לִי עָלָיו מְאֹד! מִי יִתֵּן וְהִצְלִיחַ דַּרְכּוֹ וְשָׁב בְּשָׁלוֹם אֶל-בֵּיתוֹ! וְאִם יָצָא עָלָיו הַגּוֹרָל לָמוּת, יֵדַע-נָא, כִּי מְבַכָּה אֲנִי אֶת גּוֹרָלוֹ.

וְאֶרֶג אָמַר לְיָזוֹן בְּלֶכְתָּם אֶל-הָאֳנִיָּה: שְׁמָעֵנִי, אֲדוֹנִי, וְיִשְׁמְעוּ אֵלֶיךָ הָאֵלִים. הִנֵּה אֵדַע נַעֲרָה מְשָׁרֶתֶת אֶת-פְּנֵי-הָאֵלָה הֵקָטָה וְיוֹדַעַת לְהָכִין שִׁקּוּיֵי-קֶסֶם. וְהָיָה אִם נִשָּׂא חֶסֶד לְפָנֶיהָ וְנִצַּחְנוּ בַּמִּלְחָמָה. וְעַתָּה דַבֵּר דָּבָר וְהָלַכְתִּי לְבַקֵּשׁ עֶזְרָתָהּ.

לוּ יְהִי כִדְבָרֶךָ, עָנָה יָזוֹן. אֶפֶס כִּי לֹא תִהְיֶה תִפְאַרְתֵּנוּ עַל-הַדֶּרֶךְ, אֲשֶׁר נָשׁוּב בּוֹ, אִם בְּיַד-אִשָּׁה נֵעֲזֵר.

וַיְהִי כְשׁוּבָם אֶל-הָאֳנִיָּה וַיַּגֵּד יָזוֹן לְרֵעָיו אֶת-הַדְּרִישָׁה, אֲשֶׁר דָּרַשׁ הַמֶּלֶךְ מֵאִתָּם, וְאֶת-הַהַבְטָחָה, אֲשֶׁר הִבְטִיחַ לְאָיִט.

וַיֵּשְׁבוּ הַגִּבּוֹרִים זְמָן רַב מַחֲרִישִׁים וּמִשְׁתָּאִים¹⁴². אַחַר קָם פֶּלֶא וַיַּעֲמֹד עַל-רַגְלָיו וַיַּעַן וַיֹּאמַר:

אִם יֵשׁ אֶת-נַפְשְׁךָ לְקַיֵּם אֶת-דְּבָרְךָ, הִתְכּוֹנְנָה לַמִּלְחָמָה. וְאִם כָּבֵד מִמְּךָ הַדָּבָר לַעֲשׂוֹתוֹ וּמִהַרְנוּ לָלֶכֶת מִזֶּה בְּעוֹד מוֹעֵד, כִּי אֵין אִישׁ מֵאִתָּנוּ, אֲשֶׁר יַשְׁלִיךְ אֶת-נַפְשׁוֹ מִנֶּגֶד¹⁴³ לָצֵאת לַמִּלְחָמָה עִם אוֹיֵב אֲשֶׁר כָּזֶה.

וַיִּשְׁמַע טַלְמוֹן אַמִּיץ הַלֵּב אֶת-דִּבְרֵי פֶּלֶא וַיִּקְפֹּץ מִמְּקוֹמוֹ הוּא וְאַרְבַּעַת רֵעָיו וְנַפְשָׁם גֶחָלִים לִהֲטָה וַיִּקְרָאוּ:

מִי הָאִישׁ הַיָּרֵא וְרַךְ הַלֵּבָב יֵלֵךְ וְיָשׁוּב לְבֵיתוֹ, וַאֲנַחְנוּ נֵצֵא עַל-אוֹיְבֵינוּ וְנִגְבַּר עֲלֵיהֶם אוֹ נָמוּת בַּמִּלְחָמָה.

וַיַּעַן אֶרֶג וַיֹּאמַר:

הִנֵּה יֵשׁ פֹּה בָּאַרְמוֹן נַעֲרָה יוֹדַעַת לְרַקֵּחַ מִרְקְחוֹת¹⁴⁴ קֶסֶם, וְהַנַּעֲרָה הַזֹּאת הִיא דוֹדָתִי אֲחוֹת אִמִּי. וְעַתָּה תְנוּנִי וְהָלַכְתִּי אֶל-אִמִי לְסַפֵּר לָהּ אֶת-כָּל-הַמּוֹצְאוֹת אֶתְכֶם וְאֶת-הַחֶסֶד, אֲשֶׁר עֲשִׂיתֶם עִמָּדִי וְעִם אֶחָי, וְדִבְּרָה עַל-לֵב אֲחוֹתָה לַעֲזֹר לָכֶם בַּמִּלְחָמָה. וְהָיָה הַדָּבָר, אֲשֶר תָּשִׂים דּוֹדָתִי בְּפִי, אוֹתוֹ אָשִׁיב לָכֶם וְטִכַּסְנוּ¹⁴⁵ עֵצָה לָדַעַת אֶת-הַמַּעֲשֶׂה אֲשֶׁר נַעֲשֶׂה.

וַיְהִי כְּכַלּוֹתוֹ לְדַבֵּר אֶת-הַדְּבָרִים הָאֵלֶּה וַיִּשְׂאוּ הַגִּבּוֹרִים אֶת-עֵינֵיהֶם וְהִנֵּה נֵץ רוֹדֵף אַחֲרֵי יוֹנָה תַמָּה, עֵינָיו בּוֹעֲרוֹת כַּלַּפִּידִים וְצִפָּרְנָיו נְטוּיוֹת לְתָקְעָן בִּבְשַׂר טַרְפּוֹ. וַתֵּרֶד הַיּוֹנָה וַתְּבַקֵּשׁ מִפְלָט לוֹ עַל-חֲזֵה יָזוֹן וְהַנֵּץ נָפַל מֵת עַל-קַרְקַע הָאֳנִיָּה. וַיְהִי הַדָּבָר הַזֶּה בְּעֵינֵיהֶם לְאוֹת מְבַשֵּׂר טוֹב וַיִּזְכְּרוּ אֶת-נְבוּאַת פִינִי, אֲשֶׁר נִבָּא לָהֶם, כִּי אַפְרוֹדִיטָה תִהְיֶה עִמָּם וְתַצְלִיחַ אֶת דַּרְכָּם¹⁴⁶.

וַיִּקְרְאוּ כֻלָּם: טוֹבָה הָעֵצָה, אֲשֶׁר יָעֵץ אָרֶג.

וַיָּקָם אִידָס בֶּן-אֲפָרָה וַיַּעֲמֹד עַל-רַגְלָיו וַיִּקְרָא בְחֵמָה: הִשְׁבַּעְתִּי אֶתְכֶם, בְּנֵי-יָוָן, בְּאֵלֵי נֵצַח, אִם תִּבְטְחוּ בְאַפְרוֹדִיטָה וְאִם תַּאֲמִינוּ בְדִבְרֵי קָסֶם, כִּי עַל-אָרֵס נִשָּׁעֵנָה וּבִגְבוּרַת יָדֵינוּ נִוָּשֵׁעָה.

וַיִּתְלוֹנְנוּ גַם רֵעֵי-אִידָס עַל-יָזוֹן. וְלֹא שָׁמְעוּ הַגִּבּוֹרִים לְקוֹל אִידָס, כִּי לֹא חָפְצוּ לְחָרֵף נַפְשָׁם חִנָּם.

וַיֵּלֶךְ אֶרֶג לְדַבֵּר דְּבָרָיו אֶל-אִמּוֹ וְהַגִּבּוֹרִים קָשְׁרוּ אֶת-הָאֳנִיָּה אֶל-הַחֹף וַיְחַכּוּ בְכִלְיוֹן עֵינַיִם לְשׁוּבוֹ. וְאַיִט כָּעַס מְאֹד עַל-יָזוֹן עַז הַנָּפֶשׁ; וַיִּבֶז בְּעֵינָיו לִשְׁלוֹחַ יָד בְּיָזוֹן לְבַדוֹ וַיְבַקֵּשׁ לְהַשְׁמִיד גַּם אֶת-כָּל-רֵעָיו אִתּוֹ. וַיַּקְהֵל אַיִט אֶת-עַמּוֹ וַיַּגֵּד לָהֶם אֶת-דְּבַר-הַגִּזָּה, אֲשֶׁר דָּרַשׁ יָזוֹן מֵאִתּוֹ; וַיִּוָּעֶץ הַמֶּלֶךְ לְקוֹשֵׁשׁ¹⁴⁷ עֵצִים הַרְבֵּה וְלָשִׂים עַל-הָאֳנִיָּה וּלְשָׂרְפָהּ עִם הַגִּבּוֹרִים הַיּוֹשְׁבִים בָּהּ. וְגַם אֶת-נְכָדָיו אָמַר לַעֲנשׁ עֹנֶשׁ קָשֶׁה עַל-הֲבִיאָם אֶת-בְּנֵי-הַנֵּכָר הַזֵּדִים¹⁴⁸ אֶל-אַרְצוֹ.

וְאֶרֶג יָשַׁב בַּחֲדַר אִמּוֹ וַיֶּרֶב תַּחֲנוּנָיו אֵלֶיהָ, כִּי תַטֶּה אֶת-לֵב מֵדֵאָה אֶל-הַגִּבּוֹרִים. וַתֵּעָתֶר לוֹ חַלְקְיֹפָּה כִּי הִכִּירָה תוֹדָה לְמַצִּילֵי-בָנֶיהָ.

וּמֵדֵאָה לֹא יָדְעָה מְנוּחָה מִן הָרֶגַע, אֲשֶׁר רָאֲתָה אֶת-פְּנֵי-יָזוֹן רֹאשׁ הַגִּבּוֹרִים.

וַתִּשְׁכַּב מֵדֵאָה עַל-מִשְׁכָּבָהּ, כִּי אָמְרָה: תְּנַחֲמֵנִי עַרְשִׂי¹⁴⁹. וַתִּישַׁן וַתַּחֲלֹם חֲלוֹם: וְהִנֵּה יָזוֹן מְזֻיָּן מִכַּף רַגְלוֹ וְעַד-רֹאשׁוֹ וְהוּא נָכוֹן לָצֵאת לַמִּלְחָמָה עִם הַפָּרִים. וַיְהִי כִראוֹתוֹ אוֹתָהּ וַיִּגַּשׁ אֵלֶיהָ וַיִּשְׁתַּחוּ וַיֹּאמַר:אָנָא, גְּבִרְתִּי, הַטִּי-נָא אֹזֶן לְדִבְרֵי עַבְדֵּךְ; מֵאֶרֶץ רְחוֹקָה בָּאתִי הֵנָּה לָקַחַת אֶת-גִּזַּת-הַזָּהָב מִיַּד אָבִיךְ. וַיְהִי בִרְאוֹתִי אוֹתָךְ וַתִּקָּשֵׁר נַפְשִׁי בְנַפְשֵׁךְ. וְעַתָּה, גְּבִרְתִּי, אִם יְקָרָה גַם נַפְשִׁי בְּעֵינַיִךְ וְעָזַרְתְּ לִי בְּמִלְחַמְתִּי, כִּי קוֹסֶמֶת אַתְּ וּמַפְלִיאָה לַעֲשׂוֹת. וְהָיָה בְצֵאתִי מִן הַמִּלְחָמָה וְיָדִי עַל הָעֶלְיוֹנָה וּלְקַחְתִּיךְ לְאִשָּׁה וַהֲבִיאוֹתִיךְ אֶל-יָוָן אֶרֶץ מוֹלַדְתִּי.

וַתַּעַן מֵדֵאָה וַתֹּאמַר: טוֹב הַדָּבָר, אֲשֶׁר דִּבַּרְתָּ. עָזֹר אֶעֱזָר-לְךָ וְכָל אֲשֶׁר תֹּאמַר אֵלַי אֶעֱשֶׂה כִּי אֲהַבְתִּיךָ.

וַתַּעַשׂ מֵדֵאָה בְחָכְמָתָהּ וַתְּלַמֵד אֶת-יָזוֹן אֶת-הַמַּעֲשֶׂה, אֲשֶׁר יַעֲשֶׂה, לְמַעַן יִבְלֹם אֶת-הַפָּרִים בְּעֹל וְהִכְנִיעָם לַעֲבוֹדָתוֹ.

וַיְהִי כַאֲשֶׁר בִּצַּע יָזוֹן אֶת-מַעֲשֵׂהוּ וַיִּגַּשׁ אֶל-אַיִט לִדְרשׁ מֵאִתּוֹ אֶת-שְׂכָרוֹ – אֶת-גִּזַּת-הַזָּהָב וְגַם אֶת-מֵדֵאָה בִּקֵּשׁ מִמֶּנּוּ לְאִשָּׁה.

וַיְמָאֵן אַיִט לָתֵת אֶת-הַגִּזָּה לְיָזוֹן וְגַם אֶת-מֵדֵאָה בִּתּוֹ מָנַע מִמֶּנּוּ. וַיָּרִיבוּ שְׁנֵיהֶם בְּחָזְקָה. וַיִּוָּעֲצוּ אַיִט וְיָזוֹן לְהַגִּישׁ אֶת-דְּבַר רִיבָם אֶל-מֵדֵאָה וְכַאֲשֶׁר תּוֹצִיא מִשְׁפָּט, כֵּן יִהְיֶה.

וַתִּשְׁמַע מֵדֵאָה אֶת-דִּבְרֵי-בַּעֲלֵי-הַדִּין וַתֹּאמֶר לְאָבִיהָ: יָזוֹן הַצַּדִּיק וְאַתָּה הָרָשָׁע;

וַיִּכְעַס אַיִט כַּעַס גָּדוֹל וַיַּרְעֵם בְּקוֹלוֹ…

בָּרֶגַע הַזֶּה הֵקִיצָה מֵדֵאָה וַתִּזְכֹּר אֶת-הַחֲלוֹם וַתִּתְפָּעֵם רוּחָהּ מְאֹד. וַתֵּצֵא מֵחֲדָרֶיהָ לָלֶכֶת אֶל-אֲחוֹתָהּ וְלִשְׁפֹּךְ לִבָּהּ בְּחֵיקָהּ. וְלֹא הִרְהִיבָה מֵדֵאָה עֹז לָבֹא חֲדָרֶיהָ. וַיְהִי בְעָמְדָה בְּפֶתַח הַבַּיִת, אֲשֶׁר אֲחוֹתָהּ יוֹשֶׁבֶת בּוֹ, וַתָּשָׁב עַל-עֲקֵבָהּ. כֵּן עָשְׂתָה אַרְבַּע פְּעָמִים. וַתֵּתַע מֵדֵאָה בֶחָצֵר וְלֹא יָדְעָה נַפְשָׁהּ. וַתָּשָׁב מֵדֵאָה אֶל-בֵּיתָהּ וַתִּתְנַפֵּל עַל-מִשְׁכָּבָהּ וְתֵּבְךְ תַּמְרוּרִים.

וַתִּשְׁמַע שִׁפְחַת מֵדֵאָה הַנֶּאֱמָנָה אֶת-בְּכִי גְבִרְתָּהּ וַתֶּחֱרַד חֲרָדָה גְדוֹלָה וַתְּמַהֵר וַתַּגֵּד לְחַלְקְיֹפָּה. וַתָּרָץ חַלְקְיֹפָּה אֶל-מֵדֵאָה וַתְּחַבְּקֶנָּה וַתִּשְׁאַל אוֹתָהּ: מַה-לָךְ, אֲחוֹתִי, כִּי תִבְכִּי?

הֶחָלִית? אִם רוּח רָעָה בִּעֲתָתֶךְ מֵאֵת הָאֵלִים? אוֹ אוּלַי גִּלָּה אָבִי אֶת-אָזְנֵךְ, כִּי חוֹשֵׁב הוּא מַחְשָׁבוֹת רָעוֹת עָלַי וְעַל-בָּנָי? הָהּ! מִי יִתֵּן וְהוֹצִיאַנִי הַגּוֹרָל מִבֵּית אָבִי! מִי יִתֵּן וּמָצָאתִי מְנוּחָה בְּאֶרֶץ אַחֶרֶת, אֲשֶׁר לֹא שָׁמְעוּ שָׁם אֶת-שֵׁמַע עַם הַקּוֹלְחִים!

יג. הַבְטָחַת מֵדֵאָה לַעֲזֹר לַשַּׁיָּטִים.    🔗

וַיְהִי כִשְׁמֹעַ מֵדֵאָה אֶת-דִּבְרֵי אֲחוֹתָהּ וַיִּהְיוּ פָנֶיהָ לִפְנֵי-לְהָבִים¹⁵⁰ וַתַּסְתִּירֵם בְּיָדֶיהָ וְלֹא גִלְּתָה לָהּ אֶת-כָּל-לִבָּהּ כִּי נִכְלָמָה. וַתַּחֲרֵשׁ מֵדֵאָה רְגָעִים אֲחָדִים וְאַחַר אָמְרָה: כֵּן אֲחוֹתִי! לִבֵּךְ נִבָּא לָךְ דָּבָר רַע וַיָּבֹא, כִּי כֹה הָיָה לִי דְבַר הֵקָטָה בַּחֲלוֹם הַלַּיְלָה: לְכִי אֶל-אֲחוֹתֵךְ וְאָמַרְתְּ לָהּ: אָבִיךְ אַיִט מִתְנַכֵּל לְבָנַיִךְ וְלָאַרְגָּתִים לְהָרְגָם. וְאַתְּ דְּעִי, מַה-תַּעֲשִׂי. וַיְהִי בַּהֲקִיצִי מִשְּׁנָתִי וַתִּתְפָּעֵם רוּחִי וָאֵבְךְּ, כִּי לִבִי חָרֵד לְגוֹרַל בָּנָיִךְ.

וַתֶּחֱרַד חַלְקְיֹפָּה חֲרָדָה גְדוֹלָה וַתֹּאמַר:יָדַעְתִּי, כִּי שׂוֹנֵא אָבִי לְבָנַי, כִּי עַל-כֵּן בָּאתִי לְבַקֵּשׁ עֶזְרָה מִיָּדֵךְ. וְאֶת-יָדִי הֲרִימוֹתִי אֶל אֵל-עֶלְיוֹן, כִּי אִם תִּמְנַע אֶת-עֶזְרָתֵךְ מֵאִתִּי, אִם לֹא מִשְׁאוֹל תַּחְתִּיָּה אֶעֱלֶה בִּדְמוּת פוּרִיָּה¹⁵¹ עִם רוּחוֹת בָּנַי הַהֲרוּגִים וּרְדַפְתִּיךְ עַד חָרְמָה.

וַיְהִי כְכַלּוֹתָהּ לְדַבֵּר וַתִּפֹּל לְרַגְלֵי-מֵדֵאָה וַתִּכְבּשׁ אֶת-פָּנֶיהָ בְּחֵיקָהּ וַתֵּבְךְּ בְּכִי גָדוֹל; וַתֵּבְךְּ עִמָּהּ גַם מֵדֵאָה. וַתֹּאמַר: אַל-תִּירְאִי, אֲחוֹתִי; הִנְּנִי לְעָזְרֵךְ וְאָעִידָה בִי אֶת-הַשָּׁמַיִם וְאֶת-הָאָרֶץ, כִּי אַצִּיל אוֹתָךְ וְאֶת-בָּנַיִךְ מִמָּוֶת. וַתּוֹסֶף עוֹד חַלְקְיֹפָּה וַתֹּאמַר: עִזְרִי-נָא לְמַעַן בָּנַי גַּם לְבֶן-הַנֵּכָר וְעוּצִי עֵצָה, לְבַל יִפֹּל חָלָל בְּמִלְחַמְתּוֹ עִם הַפָּרִים. הֵן כְּאוֹרֵחַ בָּא אֶל-בֵּיתֵנוּ וְגַם הֲלֹא יָדַעְתְּ, כִּי חָלַץ אֶת-בָּנַי מִצָּרָה.

וַתְּשַׂמַּח בַּקָּשַׁת חַלְקְיֹפָּה הָאַחֲרוֹנָה אֶת-לֵב מֵדֵאה, כִּי נִקְשְׁרָה נַפְשָׁהּ בְּנֶפֶשׁ יָזוֹן. וַיִּתְאַדְּמוּ פִתְאֹם פָּנֶיהָ הַיָּפִים וְעֵינֶיהָ הִזְהִירוּ מִשָּׂשׂוֹן וַתִּשָּׁבַע לֵאמֹר: אַל-אֶרְאֶה בְעַפְעַפֵּי שַׁחַר, אִם לֹא אָשִׂים אֶת-גּוֹרָלֵךְ וְגוֹרַל בָּנַיִךְ לְרֹאשׁ דַּאֲגָתִי. הֵן יָדֹעַ אֵדַע מִפִּי אִמִּי, כִּי בִּהְיוֹתִי תִינֹקֶת רְפַת כֹּחַ הֵינַקְתְּ אוֹתִי מֵחֲלֵב שָׁדַיִךְ יַחַד עִם בָּנָיִךְ. וְעַל-כֵּן אָהַבְתִּי אוֹתָךְ לֹא כְאַהֲבַת אָחוֹת אֶת-אֲחוֹתָהּ, כִּי אִם כְּאַהֲבַת בַּת אֶת-אִמָּהּ. וְעַתָּה לְכִי הַבַּיְתָה וַאֲנִי אַשְׁכִּים מָחָר בַּבֹּקֶר וְהָלַכְתִּי אֶל-מִקְדַּשׁ הֵקָטָה וְשָׁם אָכִין שִׁקּוּי לַעֲשׂוֹת אֶת-הַפָּרִים נוֹחִים לְבֶן-הַנֵּכָר¹⁵².

וַתִּפָּרֵד חַלְקְיֹפָּה מֵעִם-אֲחוֹתָהּ וַתֵּלֶךְ אֶל-בֵּיתָה וַתַּגֵּד לִבְנָהּ אֶת-דִּבְרֵי-מֵדֵאָה.

וּמֵדִאָה שָׁכְבָה עַל-מִשְׁכָּבָהּ וַתִּדַּד שְׁנָתָהּ מֵעֵינָהּ, כִּי אָמְרָה בְלִבָּהּ:

הֲטוֹב עָשִׂיתִי, בְּהַבְטִיחִי לַעֲזֹר לָאוֹרֵחַ כְּנֶגֶד אָבִי? אַךְ יַעֲבֹר עָלַי מָה, וַאֲנִי אַצִּילֶנּוּ וְהָלַךְ בְּשָׁלוֹם אֶל-אֲשֶׁר יַעֲלֶה בּוֹ הָרוּחַ לָלֶכֶת. וְאוּלָם הַיּוֹם, בּוֹ יְפָאֵר אֶת-רֹאשׁוֹ בְּזֵר הַנִּצָּחוֹן, יִהְיֶה הָאַחֲרוֹן בְּחַיֵּי מֵדֵאָה.

וַתֵּרֶד מֵדֵאָה מֵעַל-מִשְׁכָּבָהּ וַתִּגַּשׁ אֶל-הַתֵּבָה, אֲשֶׁר שָׁמְרָה בָהּ אֶת-עִשְׂבוֹת הָרְפוּאָה וְאֶת-סַמְמָנֵי הַפֶּלֶא, לְהָכִין לָהּ סַם מָוֶת לְיוֹם הַמָּחֳרָת.

וּפִתְאֹם עָמְדוּ לְפָנֶיהָ כְּמוֹ חַיּוֹת כָּל-שִׂמְחוֹת הַנֹּעַר וַתִּשְׁמַע פִּתְאֹם קוֹל שְׂחוֹק בַּחוּרִים וְצַהֲלַת בְּתוּלוֹת. וַתִּתְגַּעְגַּע מֵדֵאָה עַל-אוֹר הַשֶּׁמֶשׁ וַתִּירָא מְאֹד אֶת הַמָּוֶת. וַתָּשָׁב מֵדֵאָה וַתִּסְגֹּר אֶת-הַתֵּבָה וַתִּשְׁכַּב וּפָנֶיהָ לֹא הָיוּ לָהּ עוֹד.

וְאֶת הַחֶזְיוֹנוֹת הָאֵלֶּה הֶעֱבִירָה לְפָנֶיהָ הֵרָה, מָגִנַּת יָזוֹן; וַיַּרְחִיבוּ הַחֶזְיוֹנוֹת אֶת-דַּעַת הֵרָה וַתְּצַפֶּה בְּכִלְיוֹן עֵינַיִם לְצֵאת הַשֶּׁמֶשׁ, כִּי חָפְצָה לַעֲשׂוֹת אֶת-מַעֲשֵׂי הַקֶּסֶם וּלְהַצִּיל מִמָּוֶת אֶת הַגִּבּוֹר.

יד. הַשִּׂיחָה בֵּין יָזוֹן וּמֵדֵאָה.    🔗

וַיְהִי אַךְ עָלָה הַשַּׁחַר בִּשְׁמֵי-מִזְרָח וַיְמַהֵר אֶרֶג אֶל-הָאֳנִיָּה לְבַשֵּׂר לַשַּׁיָּטִים אֶת-הַבְּשׂוֹרָה הַנְּעִימָה. וּמֵדֵאָה הִשְׁכִּימָה גַם הִיא וַתִּשְׂרק אֶת-שְׂעָרָהּ הָאָרֹךְ, אֲשֶׁר נִסְתַּר¹⁵³ מִטִּלְטוּלֵי-הַלַּיְלָה וּמִן-הַנְּדוּדִים, אֲשֶׁר שָׂבֵעָה. אַחַר מָחֲתָה אֶת-עִקְבוֹת הַדְּמָעוֹת מֵעַל-לְחָיֶיהָ הָאֲדֻמּוֹת וַתָסָךְ אֶת-בְּשָׂרָהּ בְּשֶׁמֶן הַמּוֹר וּבְתַמְרוּקֵי-הַנָּשִׁים. וּמִמֶּלְתַּחְתָּהּ¹⁵⁴ לָקְחָה אַדֶּרֶת יְקָרָה וַתִּלְבְּשֶּׁנָּה וַתִּרְכְּסֶנָּה בְּקַרְסֵי-זָהָב וּלְרֹאשָׁהּ צָנְפָה צְנִיף וְעֵינוֹ כְעֵין עֲרָפֶל בָּהִיר.

וַתֵּלֶךְ בַּת-הַמֶּלֶךְ קַלַּת הָרַגְלַיִם דֶּרֶךְ כָּל-הַחֲדָרִים הָרַבִּים וַתִּקְרָא לִשְׁתֵּים-עֶשְׂרֵה נַעֲרוֹתֶיהָ וַתְּצַו עֲלֵיהֶן לְמַהֵר וּלֶאֱסֹר אֶת-הַפְּרָדִים בַּעֲגָלָה, לְבַל-תְּאַחֵר לָבֹא אֶל-מִקְדַּשׁ הֵקָטָה הַנַּעֲרָצָה.

וַתְּמַהֵרְנָה הַנְּעָרוֹת אֶל-הָאֻרְוֹת וּמֵדֵאָה, הוֹצִיאָה מִתֵּבָה נִסְתָּרָה סַם-פֶּלֶא עָשׂוּי מִמִּיץ שָׁחוֹר, אֲשֶׁר לֹא יְסֻלֶּה בְזָהָב מְחִירוֹ; וְאֶת-הַמִּיץ הַזֶּה מָצְתָה מֵדֵאָה בְּעֶצֶם יָדֶיהָ מִתּוֹךְ עִקָּר¹⁵⁵ אֲשֶׁר צָמַח מִדְּמֵי-פְרוֹמִית בֶּן-הָאֵיתָנִים עַל-כֵּיפֵי¹⁵⁶ הָרֵי קַוְקַז. וּסְגֻלָּה נִפְלָאָה לַשֶּׁמֶן הַזֶּה, כִּי כָל-אִישׁ, אֲשֶׁר יִתְפַּלֵּל לְהֵקָטָה אֵלַת שְׁאוֹל וְאַחַר יָסוּךְ בּוֹ אֶת-בְּשָׂרוֹ וְהָיָה כָל-הַיּוֹם חָזָק מִצּוּר, לֹא יִירָא חֶרֶב וְאֵשׁ לֹא תִבְעַר בּוֹ וְכֹחוֹ יִגְדַּל, עַד-אֲשֶׁר לֹא יָקוּם אִישׁ בְּפָנָיו.

וַתַּשְׁקֵף מֵדֵאָה בְּעַד-הַחַלּוֹן וַתֵּרֶא וְהִנֵּה הַמֶּרְכָּבָה עוֹמֶדֶת בַּפָּתַח. וַתְּמַהֵר מֵדֵאָה וַתֵּשֶׁב בָּהּ וּשְׁתֵּי נַעֲרוֹתֶיהָ הַצְּעִירוֹת עִמָּהּ. וַתֹּאחַז מֵדֵאָה בַּמּשְׁכוֹת בְּיָדֶיהָ הַחֲזָקוֹת; וַתְּרַקֵּד הַמֶּרְכָּבָה וַיִּשְׁתַּקְשְׁקוּ¹⁵⁷ אוֹפַנֶּיהָ בִּרְחוֹבוֹת הָעִיר; וְכָל הָעָם, בְּרְאוֹתָם אֶת-בַּת-הַמֶּלֶךְ, כּוֹרְעִים וּמִשְׁתַּחֲוִים לָהּ וְסָרִים הַצִּדָּה.

וַיְהִי בַעֲבֹר הַמֶּרְכָּבָה אֶת-הָעִיר וַתַּעֲמֹד עַל-יַד-שַׁעַר בֵּית-הֵקָטָה וַתִּקְפֹּץ בַּת-הַמֶּלֶךְ מֵעַל-הַמֶּרְכָּבָה וַתִּתֵּן אוֹת לְנַעֲרוֹתֶיהָ לָגֶשֶׁת אֵלֶיהָ וַתְּדַבֵּר אֲלֵיהֶן בְּעָרְמָה לֵאמֹר: שֻׁשְׁבִּינוֹתַי¹⁵⁸ הַיְקָרוֹת! הֲלֹא יְדַעְתֶּן, כִּי בָאוּ הַיְוָנִים אֶל-אַרְצֵנוּ לָקַחַת מִיָדֵנוּ אֶת-הַחֲטִיבָה¹⁵⁹, אֲשֶׁר לָנוּ, אֶת-גִּזַּת-הַזָּהָב; וְיָזוֹן רֹאשָׁם קָנָה בְדִבְרֵי-חֲלָקוֹת אֶת-לֵב אֲחוֹתִי וְאֶת-לֵב בָּנֶיהָ לַעֲזָר-לוֹ בַּדָּבָר הַזֶּה. וַתִּמְעַט עוֹד זֹאת בְּעֵינָיו וַיַּכְבֵּד אֶת-יָדוֹ עַל-אֲחוֹתִי לְדַבֵּר עַל-לִבִּי, כִּי אֶעֱזָר-לוֹ בִּלְהָטַי בְּמִלְחַמְתּוֹ עִם-הַפָּרִים, וְהוּא יָבִיא שַׁי לְהֵקָטָה אֵלָתִי. וָאֶעֱשֶׂה בְעָרְמָה וָאַעֲמִיד אֶת-פָּנַי כִּנְכוֹנָה לַעֲשׂוֹת אֶת-בַּקָּשָׁתוֹ. וּמָקוֹם יָעַדְתִּי לוֹ בְּבֵית-מִקְדַּשׁ הָאֵלָה לְהָבִיא שָׁמָה אֶת-מַתְּנוֹתָיו וּלְדַבֵּר עִמִּי אֶת-דְּבָרָיו¹⁶⁰. וְאוּלָם אָנֹכִי אֲסַכֵּל אֶת-עֲצָתוֹ: אוֹתוֹ אָמִית בַּסַּם, אֲשֶׁר הֲכִינוֹתִי, וְאֶת הַמַּתָּנוֹת נְחַלֵּק חֵלֶק כְּחֵלֶק.

וְעַתָּה נְעָרוֹת, לֵכְנָה מִזֶּה, לְבַל יִתְעוֹרֵר בְּלִבּוֹ כָּל-חֶשֶׁד, וַאֲנִי אֲקַדֵּם אֶת-פָּנָיו, כַּאֲשֶׁר הִתְנֵינוּ¹⁶¹.

וַתִּשְׂמַחְנָה הַנְּעָרוֹת לִקְרַאת הַמַּתָּנוֹת, אֲשֶׁר תִּפֹּלְנָה לָהֶן חֶבֶל, וַתֵּלַכְנָה וַתִּשָּׁאֶר מֵדֵאָה לְבַדָּה.

וְיָזוֹן שָׂם פְּעָמָיו אֶל-מִקְדַּשׁ הֵקָטָה וְאֶרֶג וּמֹרְסִי לִוּוּ אוֹתוֹ בַדָּרֶךְ.

וְהֵרָה, אֵשֶׁת זוּז הַמְּפֹאָרָה, שָׂמָה בַיּוֹם הַהוּא אֶת-עֵינָהּ עָלָיו לְטוֹבָה וַתַּגְבַּהּ אֶת-קוֹמָתוֹ וַתּוֹפַע אוֹר עַל-פָּנָיו וַיִּדְמֶה בְיָפְיוֹ לְשׁוֹכֵן אוֹלִימְפְּ. וַיַּבִּיטוּ אֵלָיו רֵעָיו וַיִּשְׁתּוֹמְמוּ, כִּי הוֹד אֵלִים חוֹפֵף¹⁶² עָלָיו וּמֵעֵינָיו נִשְׁקְפוּ עֹז וְגָאוֹן.

וַיָּבֹא יָזוֹן אֶל-מִקְדַּשׁ הָאֵלָה. וַתִּשְׁתּוֹמֵם גַּם מֵדֵאָה לְיָפְיוֹ. וַיֵּשְׁבוּ זְמָן רַב מַחֲרִישִׁים. אַחֲרֵי-כֵן פָּתַח יָזוֹן אֶת-פִּיו וַיַּעַן וַיֹּאמַר:

מֵדֵאָה! לֹא כְאוֹיֵב בָּאתִי הֵנָּה, כִּי אִם לְבַקֵּשׁ מִמֵךְ עֶזְרָה: יַד-הַגּוֹרָל הָאַכְזָר הָיְתָה בִי וּבְרֵעַי וַתְּבִיאֵנוּ אֶל-אַרְצֵךְ וַאֲנַחְנוּ צְפוּיִם פֹּה לְחֶרֶב וְלִשְׁבִי; רַק בְּיָדֵךְ לְהַצִּילֵנוּ, וְזָכַרְתְּ, כִּי שָׁם עַל-חֻפֵּי-אַרְצִי הָרְחוֹקָה יוֹשְׁבוֹת אִמּוֹת הַגִּבּוֹרִים וּנְשֵׁיהֶם וְאַחְיוֹתֵיהֶם וְאֵינָן נוֹתְנוֹת פוּגָה¹⁶³ לְעֵינֵיהֶן, בְּחָשְׁבָן, כִּי לֹא תִרְאֶינָה עוֹד אֶת-הַנְּפָשׁוֹת הַיְקָרוֹת לְלִבָּן; וּבְיָדֵךְ, מֵדֵאָה, לַהֲפֹךְ אֶת-יְגוֹנָן לְשִׂמְחָה וּשְׁמֵךְ יִהְיֶה לִבְרָכָה בְפִי כָל-הַיְוָנִים.

וַיְהִי כְּכַלּוֹת יָזוֹן לְדַבֵּר אֶת-דְּבָרָיו וַתּוֹצֵא מֵדֵאָה מִבְּגָדֶיהָ הַנּוֹטְפִים מוֹר קֻפְסָה קְטַנָּה. וַיִּשְׁלַח הַגִּבּוֹר אֶת-יָדָיו הַחֲמוּמוֹת¹⁶⁴ וַיְמַהֵר לָקַחַת אוֹתָהּ.

וּמֵדֵאָה שָׁתְקָה רְגָעִים אֲחָדִים וְאַחַר אָמְרָה:

שִׂימָה, יָזוֹן, לֵב לִדְבָרַי וְעָשִׂיתָ כְּכָל-אֲשֶׁר אֲצַוֶּךָ. בְּקַחְתְּךָ מִיַּד-אָבִי אֶת-שִׁנֵּי-הָרַהַב, אֲשֶׁר עָלֶיךָ לִזְרֹעַ, וּמִהַרְתָּ וְהָלַכְתָּ בַּסֵּתֶר אֶל-הַנָּהָר. וְרָחַצְתָּ אֶת-בְּשָׂרְךָ בְּמֵימֵי הַנָּהָר וְלָבַשְׁתָּ שְׁחוֹרִים וְעַגְתָּ עוּגָה¹⁶⁵ עֲמֻקָּה. וְעָרַכְתָּ בָעוּגָה מְדוּרָה וְשָׁחַטְתָּ כִּבְשָׂה וְהַעֲלֵיתָ אוֹתָה עוֹלָה לְהֵקָטָה. וְנָסַכְתָּ עַל-הָעוֹלָה כּוֹס מֵי-דְּבַשׁ וְאַחַר תֵּלֵךְ מִשָּׁם. וּבְלֶכְתְּךָ וְשָׁמְעוּ אָזְנֶיךָ קוֹל שַׁעֲטַת פַּרְסוֹת-סוּסִים וּנְבִיחַת-כְּלָבִים וּשְׁרִיקָה וְהֶמְיָה; וְאַתָּה אַל-תָּשִׂים לֵב לְכָל-הַדְּבָרִים הָאֵלֶּה וְאַל תַּבֵּט אַחֲרֶיךָ, פֶּן לֹא יֵרָצֶה קָרְבָּנֶךָ. וּבְיוֹם הַמָּחֳרָת תַּשְׁכִּים וּמָשַׁחְתָּ אֶת-בְּשָׂרְךָ בְּשֶׁמֶן הַמִּשְׁחָה אֲשֶׁר בַּקֻּפְסָה; וְגַם אֶת-חֲנִיתְךָ וְאֶת-חַרְבְּךָ וְאֶת-מָגִנְּךָ תִּמְשַׁח בַּשֶּׁמֶן, כִּי בְהַשְׁבָּעוֹת גְּדוֹלוֹת הוּכַן וְכֹחַ נִפְלָא בוֹ. וְהָיָה בַעֲשׂוֹתְךָ אֶת-כָּל-הַדְּבָרִים, אֲשֶׁר צִוִּיתִיךָ, וְהָיָה גֵוְךָ בַּרְזֶל וְכֹחֲךָ יִגְדַּל מְאֹד וְשָׂרִיתָ עִם אֵלִים וְעִם אֲנָשִׁים וְתוּכָל. וְלָכֶן אַל-תִּירָא וְאַל-תִּרְהֶה, חֲזַק וֶאֱמַץ וְנִלְחַמְתָּ עִם הַפָּרִים וְיָכֹלְתָּ לָהֶם. אֲבָל זְכֹר וְאַל תִּשְׁכַּח, כִּי כֹחֲךָ הַנִּפְלָא יֶאֱרַךְ רַק יוֹם אֶחָד וְכַעֲבֹר הַיּוֹם יָסוּר וְהָיִיתָ כְּאַחַד הָאָדָם.

וְעַתָּה שְׁמַע עוֹד אֶת-הַדָּבָר, אֲשֶׁר אֹמַר לָךְ:

כַּאֲשֶׁר תְּכַלֶּה לַחֲרשׁ אֶת-הַשָּׂדֶה וְלִזְרֹעַ אֶת-שִׁנֵּי הָרַהַב, אַל-נָא תִגְרַע עֵינְךָ מִן-הָאֲדָמָה וְחִכִּיתָ עַד-עֲלוֹת מִמֶּנָּה הַזֶּרַע הַנּוֹרָא. וְאַךְ תִּרְאֶה אֶת-הַחַיָּלִים מְבַצְבְּצִים וְעוֹלִים מִן-הָאָרֶץ וְלָקַחְתָּ אֶת-הַגָּדוֹל בַּסְּלָעִים וְזָרַקְתָּ בֵינֵיהֶם. וְהָיָה כַאֲשֶׁר יִזְרֹק אִישׁ עֶצֶם בֵּין עֲדַת-כְּלָבִים וְהִתְנַפְּלוּ כֻלָּם עָלֶיהָ וְנָשְׁכוּ אִישׁ אֶת-רֵעֵהוּ, כֵּן יִתְנַפְּלוּ הַחַיָּלִים עַל-הַסֶּלַע בְּחֵמָה שְׁפוּכָה¹⁶⁶ וְהִכּוּ אִישׁ אֶת-אָחִיו וְהִתְלַכְּדוּ לְגוּשׁ¹⁶⁷ אֶחָד. וּמִהַרְתָּ וְקַמְתָּ עֲלֵיהֶם וְהִכִּיתָם וְלֹא תַשְׁאִיר מֵהֶם שָׂרִיד וּפָלִיט. וְלָקַחְתָּ אֶת-גִּזַּת-הַזָּהָב וְהָלַכְתָּ אֶל-אֲשֶׁר יִהְיֶה רוּחֲךָ לָלֶכֶת.

כֵּן דִּבְּרָה מֵדֵאָה וּדְמָעוֹת יָרְדוּ עַל-לְחָיֶיהָ הַיָּפוֹת וַיֵּצֶר לָהּ מְאֹד בְּזָכְרָהּ, כִּי יִסַּע הַגִּבּוֹר לְאֶרֶץ רְחוֹקָה וְלֹא תִרְאֶה אֶת-פָּנָיו עוֹד לְעוֹלָם. וַתֹּאחַז בְּיָדוֹ, כִּי נָבְקָה¹⁶⁸ רוּחָהּ, וַתֹּאמַר אֵלָיו:

בֶּן-נֵכָר! לֹא אֵדַע אֶת-שֵׁם הָאָרֶץ, אֲשֶׁר תִּשָּׂאֲךָ שָׁמָה בְקָרוֹב אֳנִיָּתְךָ הַמְּהִירָה. אֲבָל דַּע לְךָ, כִּי לְעוֹלָם לֹא אֶשְׁכָּחֲךָ, אַף כִּי יַמִּים גְּדוֹלִים וַאֲרָצוֹת רְחוֹקוֹת יַפְרִידוּ בֵינֵינוּ. וְגַם אַתָּה, בְשׁוּבְךָ בְשָׁלוֹם אֶל-בֵּיתְךָ, אָנָּא הַעֲלֵה נָא אֶת-זִכְרוֹנִי לִפְעָמִים עַל-לִבֶּךָ.

וַיִּכְאַב גַּם לֵב יָזוֹן בְּשָׁמְעוֹ אֶת-דִּבְרֵי מֵדֵאָה וַיַּעַן וַיֹּאמַר:

אַל תְּדַבְּרִי, גְּבֶרֶת עֲדִינָה, כַּדְּבָרִים הָאֵלֶּה, וּבְזוּז, אֵל יָוָן אֶרֶץ מוֹלַדְתִּי נִשְׁבַּעְתִּי, אִם אֶשְׁכָּחֵךְ כָּל-יְמֵי-חַיָּי. וּמִי יִתֵּן וּבָאת לְאַרְצִי וְהָיָה הַיּוֹם הַזֶּה יוֹם חַג לְכָל בְּנוֹת-עַמִּי וְנָתְנוּ לָךְ כְּבוֹד אֵלָה בַת-אַלְמָוֶת, כִּי הִצַּלְתְּ אֶת-בַּעֲלֵיהֶן, בְּנֵיהֶן וַאֲחֵיהֶן מֵרֵדֵת שַׁחַת, וְלִי תִּהְיֶה רַעֲיָה¹⁶⁹ אֲהוּבָה וְרַק הַמָּוֶת יַפְרִיד בֵּינִי וּבֵינֵךְ.

וַתִּתְעוֹדֵד מֵדֵאָה וַיִּמָּלֵא לִבָּהּ שִׂמְחַת אשֶׁר וּפָנֶיהָ לֹא הָיוּ¹⁷⁰ לָהּ עוֹד. וַתִּשְׁכַּח בְּחָפְזָה, כִּי עֶת-לָהּ לָשׁוּב אֶל-נַעֲרוֹתֶיהָ הַמְּחַכּוֹת לָהּ וְלָלֶכֶת הַבַּיְתָה. וַיֹּאמַר לָהּ יָזוֹן:

הִנֵּה יָצָא הַשֶּׁמֶשׁ עַל-הָאָרֶץ וְעָלֵינוּ לְהִזָּהֵר לְבַל-נְעוֹרֵר חֶשֶׁד בְּלֵב הַמֶּלֶךְ. וְעַתָּה נִפָּרְדָה-נָא וְיָעַדְתְּ לִי זְמָן, אֲשֶׁר אוּכַל לְהִתְעַנֵּג עַל-אוֹר-פָּנָיִךְ.

 

טו. אֵיךְ מִלֵּא יָזוֹן אֶת-דְּרִישַׁת אַיִט.    🔗

וַיִּפָּרֵד יָזוֹן מֵעִם מֵדֵאָה וַיֵּלֵךְ שָׂמֵחַ וְטוֹב לֵב אֶל-רֵעָיו, אֲשֶׁר בָּאֳנִיָּה, וּמֵדֵאָה הָלְכָה אֶל-נַעֲרוֹתֶיהָ; וַתָּרֹצְנָה הַנְּעָרוֹת לִקְרָאתָה. וְלֹא רָאֲתָה אוֹתָן מֵדֵאָה וְלֹא שָׁמְעָה אֶת-קוֹל-צַעֲדֵיהֶן, כִּי הָיְתָה שְׁקוּעָה בְמַחְשְׁבוֹתֶיהָ, כְּחוֹלֶמֶת בְּהָקִיץ. וַתִּקְפֹּץ בְּרַגְלַיִם קַלּוֹת אֶל-מֶרְכַּבְתָּהּ; וַיָּשׁוּטוּ הַפְּרָדִים וַיְבִיאוּהָ אֶל-אַרְמוֹן הַמֶּלֶךְ וַתִּמְצָא שָׁם אֶת-אֲחוֹתָהּ מְצַפָּה וַחֲרֵדָה לְגוֹרַל בָּנֶיהָ. וַתֵּשֶׁב מֵדֵאָה עַל-הֲדוֹם¹⁷¹ וַתַּשְׁעֵן אֶת-רֹאשָׁהּ עַל-יָדָהּ וּמֵעֵינֶיהָ יָרְדוּ דְמָעוֹת; וַתֵּדַע מֵדֵאָה, כִּי יַד-הַגּוֹרָל הָיְתָה בָהּ לְתָמְכֶנָּה בְחַבְלֵי¹⁷² רֶשֶׁת וְכִי דְרָכֶיהָ יוֹרְדוֹת חַדְרֵי מָוֶת.

בֵּינוֹתַיִם עָלָה יָזוֹן עַל-הָאֳנִיָּה וַיַּקְהֵל אֶת-רֵעָיו. וַיַּגֵּד לָהֶם יָזוֹן אֶת-דְּבַר הַסַּם, אֲשֶׁר הֵכִינָה בַת הַמֶּלֶךְ, וַיַּרְאֵם אֶת-הַקֻּפְסָה. וַיִּשְׂמְחוּ כָל-הַגִּבּוֹרִים שִׂמְחָה גְדוֹלָה. רַק אִידָס לְבַדּוֹ נִשְׁאַר סָר וְזָעֵף וַיָּסָר הַצִּדָּה וַיַּחֲרֹק שֵׁן מִכָּעַס.

וַיְהִי בַבֹּקֶר וַיִּשְׁלְחוּ הַשַּׁיָטִים שְׁנֵי אֲנָשִׁים מִקִּרְבָּם אֶל-אַיִט לֵאמֹר: תְּנָה לָנוּ אֶת-שִׁנֵּי-הָרַהַב, כַּאֲשֶׁר דִּבַּרְתָּ וּזְרַעְנוּן. וַיִּתֵּן הַמֶּלֶךְ לַמַּלְאָכִים מִשִּׁנֵי הָרַהַב, אֲשֶׁר הִשְׁמִיד קֶדֶם מְיַסֵּד עִיר תֵּבָה, וְלֹא דָאַג הַמֶּלֶךְ דָּבָר, כִּי יָדַע אֶת-כֹּחַ הַפָּרִים הַנּוֹרָא וַיִּבְטַח, כִּי יָמוּת יָזוֹן, בְּטֶרֶם יִגַּשׁ לִזְרֹעַ.

וַיְהִי כִי נָטָה הַיּוֹם וְהַלַּיְלָה פָרַשׂ אֶת-כְּנָפָיו עַל-הָאָרֶץ וַיִּתְגַנֵּב יָזוֹן מִן הָאֳנִיָּה וַיֵּלֵךְ בַּסֵּתֶר אֶל-חֹף-הַנָּהָר וַיִּרְחַץ אֶת-בְּשָׂרוֹ בַמָּיִם. וַיַּקְרֵב יָזוֹן קָרְבָּנוֹת לְהֵקָטָה וַיַּעַשׂ, כַּאֲשֶׁר צִוְּתָה אוֹתוֹ מֵדֵאָה, וַיִּתְחַנֵּן אֵלֶיהָ, כִּי תָבֹא לְעֶזְרָתוֹ; וַתֵּעָתֶר לוֹ הָאֵלָה וַתֵּצֵא מִמַּעֲמַקֵּי מְעָרוֹתֶיהָ בְּלִוְיַת אֵימִים וּרְהָבִים וּבְמִידֶם הַנּוֹרָא אוּדֵי אַלּוֹן בּוֹעֲרִים; וְחֶבֶל כְּלָבִים אֲיֻמֵּי הַמַּרְאֶה רָצוּ אַחֲרֶיהָ וַיְנַבְּחוּ וַיֵּילִילוּ. וַיִּרְעֲדוּ הַכָּרִים וְהָאֲפָרִים¹⁷³ לְקוֹל צַעֲדֵי אֵלַת שְׁאוֹל וַתְּיַלֵּלְנָה בְּנוֹת הַגַּלִּים¹⁷⁴, אֲשֶׁר בִּנְהַר פִיזִיס. וַיִּרָא יָזוֹן יִרְאָה גְדוֹלָה. וְלֹא הִבִּיט יָזוֹן מֵאַחֲרָיו, כִּי זָכַר אֶת-אַזְהָרַת מֵדֵאָה. וַיְהִי כְּכַלּוֹתוֹ לְהַקְרִיב אֶת-קָרְבָּנוֹ וַיָּשָׁב אֶל-רֵעָיו לִפְנוֹת בֹּקֶר, כַּאֲשֶׁר עָלָה הַשַּׁחַר וַיַּזְהֵב אֶת-פִּסְגוֹת קַוְקַז הַמָּשְׁלָגוֹת.

וְאַיִט הִשְׁכִּים וַיִּלְבַּשׁ אֶת-שִׂרְיוֹנוֹ¹⁷⁵ וַיַּחְבּשׁ לְרֹאשׁוֹ אֶת-קוֹבַע זְהָבוֹ הַמְּקֻשָּׁט נוֹצוֹת וַיֹּאחַז בְּאַלָּתוֹ הַחֲזָקָה הַמְצֻפָּה עוֹר קְפוּל אַרְבַּע. וְהָאַלָּה כְבֵדָה מְאֹד וּבֵין הַגִּבּוֹרִים אֵין אִישׁ, אֲשֶׁר יוּכַל לַהֲזִיזָהּ מִמְּקוֹמָהּ, מִלְּבַד הֵרַקְלֶס בֶּן-זוּז. וּבֶחָצֵר יָשַׁב בֶּן-הַמֶּלֶךְ בַּמֶּרְכָּבָה וַיִּבְלֹם בְּרֶסֶן אֶת-פִּי-הַסּוּסִים הָאֲבִּירִים. וַיִּקְפֹּץ אַיִט וַיֵּשֶׁב בַּמֶּרְכָּבָה וַיָּשׁוּטוּ הַסּוּסִים וַיְגַמְּאוּ אֶרֶץ¹⁷⁶ וַיֵּצְאוּ מִחוּץ לָעִיר. וַיִּנְהֲרוּ אַחֲרָיו הֲמוֹנֵי עָם. וַיָּבֹא אַיִט אֶל-הַכִּכָּר מְזֻיָּן מִכַּף רַגְלוֹ וְעַד-רֹאשׁוֹ, כְּמוּ לוּ הִתְכּוֹנֵן לִקְרָב.

וְיָזוֹן עָשָׂה כִּדְבַר מֵדֵאָה וַיִּמְשַׁח אֶת-חֲנִיתוֹ וְאֶת-חַרְבּוֹ וְאֶת-מָגִנּוֹ בְּשֶׁמֶן הַמִּשְׁחָה, וַיִּתְאַמְּצוּ רֵעָיו לִשְׁבֹּר אֶת-חֲנִיתוֹ וְלֹא יָכְלוּ וְלֹא הִשְׁאִירוּ הַמַּכּוֹת, אֲשֶׁר הִכּוּ הַגִּבּוֹרִים עָלֶיהָ, כָּל-סִמָּן וְלֹא כְפָפוּהָ אַף כִּמְלֹא נִימָה¹⁷⁷ כְּמוֹ לוּ נֶהְפְּכָה לְחַלְמִישׁ צוּר בִּידֵי הַגִּבּוֹר הַמֻּצָּקוֹת. וַיִּחַר הַדָּבָר לְאִידָס בֶּן-אֲפָרָה וַיַּךְ בְּכָל-כֹּחוֹ בְּעֵץ הַחֲנִית בֵּין הַדְּבָקִים¹⁷⁸. וַתִּקְפֹּץ הַחֲנִית מִמְּקוֹמָה, כְּפַטִּישׁ מִסְּדָנוֹ, וְכָל-קִלְקוּל לֹא הָיָה בָהּ. וַיָּרִיעּו הַגִּבּוֹרִים תְּרוּעַת שִׂמְחָה וַיַּאֲמִינוּ בְנִצְחוֹן יָזוֹן.

וַיָּסָךְ יָזוֹן אֶת-בְּשָׂרוֹ בְשֶׁמֶן הַפְּלָאִים, וַיַּרְגֵּשׁ יָזוֹן, כִּי נֶהְפַּךְ לְאִישׁ אַחֵר, וַיִּמָּלֵא כֹחַ גָּדוֹל וּזְרוֹעוֹת יָדָיו פָּזְזוּ¹⁷⁹ וַיִּשְׁאַף לַקְּרָב.

וַיֵּלֵךְ הַגִּבּוֹר בְּצַעֲדֵי אוֹן וַיְעוֹרֵר אֶת-חֲנִיתוֹ וַיְנַפְנֵף נוֹרָאוֹת אֶת-מָגִנּוֹ וַיִּדְמֶה לְסוּס אַבִּיר, אֲשֶׁר יִצְהַל קוֹלוֹ, וְזָקַף אָזְנָיו וְרָקַע בְּרַגְלָיו בַּהֲרִיחוֹ מִלְחָמָה. וַיֵּשֶׁב יָזוֹן בָּאֳנִיָּה. וַיַּחְתְּרוּ הַגִּבּוֹרִים אֶל-חֹף שְׂדֵה אָרֵס, אֲשֶׁר שָׁם נוֹעֲדוּ יָזוֹן וְאַיִט. וַיְהִי כַּאֲשֶׁר קָרְבוּ אֶל-הַחֹף וַיִּרְאוּ וְהִנֵּה הַמֶלֶךְ כְּבָר בָּא, וְהַקּוֹלְחִים כִּסּוּ אֶת-צוּרֵי-הַמָּצוֹק אֲשֶׁר לְהָרֵי קַוְקַז.

וַיִּקְשְׁרוּ הַגִּבּוֹרִים אֶת-הָאֳנִיָּה אֶל-הַחֹף וְיָזוֹן קָפַץ הָרִאשׁוֹן אֶל-הַיַּבָּשָׁה וּבְיָדוֹ הַחֲנִית וְהַמָּגֵן.

וַיִּתְּנוּ לוֹ הַגִּבּוֹרִים קוֹבַע נְחשֶׁת מַבְרִיק מָלֵא שִׁנֵּי רַהַב מִן הַקָּצֶה אֶל-הַקָּצֶה. וַיַּחְגֹּר יָזוֹן אֶת-חַרְבּוֹ עַל-יְרֵכוֹ וַיִּיף מְאֹד וַיִּדְמֶה בְמַרְאֵהוּ לְאָרֵס אוֹ לְאַפּוֹלָה.

וַיַּבֵּט יָזוֹן כֹּה וָכֹה וַיַּרְא עַל-הָאָרֶץ אֶת-עֻלֵּי-הַנְּחשֶׁת, אֲשֶׁר לַפָּרִים, וְעַל-יַד-הָעֻלִּים אֶת-הַמַּחֲרֵשָׁה וְאֶת-הַלֶּמֶךְ¹⁸⁰ הָעֲשׂוּיִם בַּרְזֶל. וַיּוֹרֶד יָזוֹן אֶת-קוֹבָעוֹ וַיְחַזֵּק אֶת-בַּרְזֶל חֲנִיתוֹ עַל-הָעֵץ הֶחָזָק וַיְסוֹכֵךְ עַל-לִבּוֹ בַּמָּגֵן וַיֵּלֵךְ הָלְאָה לְבַקֵּשׁ אֶת-עִקְבוֹת-הַפָּרִים.

וּפָרֵי-הַנְּחשֶׁת קָפְצוּ מִמָּקוֹם אַחֵר לְגַמְרִי, כִּי הִתְפָּרְצוּ מִתַּחַת לָאָרֶץ, מִמְּעָרָה, אֲשֶׁר הָיוּ כְלוּאִים בָּהּ. וַיִּרְעֲדוּ הַכָּרִים לְקוֹל צַעֲדֵיהֶם וַיְכֻסּוּ אֵשׁ וְעָשָׁן.

וְלֹא קָמָה רוּחַ בְּרֵעֵי-יָזוֹן, בִּרְאוֹתָם אֶת-פָּרֵי-הָאֵימָה אַךְ יָזוֹן לֹא פָחַד וְלֹא רָהָה וַיֹּאחַז בְּאַלָּתוֹ וַיַּעֲמֹד הָכֵן עַל-מְקוֹמוֹ, כְּצוּר אֵיתָן, אֲשֶׁר נַחְשׁוֹל-יָם קָם עָלָיו לַהֲצִיפוֹ. וַיְמַהֲרוּ הַפָּרִים וַיָּרוּצוּ אֵלָיו בַּחֲמַת-כֹּחָם וַיְנַגְּחוּהוּ בְּקַרְנֵיהֶם. וְלֹא נָע הַגִּבּוֹר וְלֹא זָע מִמְּקוֹמוֹ וְלֹא יָכְלוּ הַפָּרִים לַעֲשׂוֹת לוֹ רָעָה. וַיִּלָחֲמוּ הַפָּרִים בְּיָזוֹן בְּשֶׁצֶף קֶצֶף: יֵשׁ אֲשֶׁר יִסּוֹגוּ אָחוֹר וְיֵשׁ אֲשֶׁר יִתְמַרְמְרוּ אֵלָיו בְּחֵמָה וּנְגָחוּהוּ בְקַרְנֵיהֶם וְיָרְקוּ בוֹ אֵשׁ; וַיִּדְמוּ לְמַפּוּחֵי-סַדְנָה¹⁸¹ עֲנָקִיִּים, אֲשֶׁר פַּעַם יַתִּיזוּ לֶהָבוֹת וּפַעַם יַעַצְרוּ אֶת-נְשִׁימָתָם.

וַיַּחְשְׁבוּ כָל-הַגִּבּוֹרִים, כִּי מֵת יָזוֹן. וַיְהִי כַאֲשֶׁר הִתְפַּזֵר הֶעָשָׁן. וַיִּשְּׂאוּ אֶת-עֵינֵיהֶם וַיִּרְאוּ וְהִנֵּה יָזוֹן בָּרִיא וְשָׁלֵם, כִּי קִסְמֵי מֵדֵאָה שְׁמָרוּהוּ מִכָּל רָעָה. וַיִּצְלַח בְּיַד יָזוֹן לֶאֱחֹז בְּקַרְנֵי-הַפָּר אֲשֶׁר מִצַּד יְמִינוֹ. וַיִּמְשֹׁךְ אֶת-הַפָּר בְּכֹחַ אֶל-הָעֻלִּים וַיַּךְ אוֹתוֹ מַכָּה גְדוֹלָה עַד-אֲשֶׁר רָבָץ. וַיַּעַשׂ כָּכָה גַם לַפָּר הַשֵּׁנִי וּבִמְחִי¹⁸² יָד אֶחָד הִפִּילוּ לָאָרֶץ. וַיַּשְׁלֵךְ יָזוֹן מִפָּנָיו אֶת-מָגִנּוֹ וַיַּחְזֵק בְּיָדָיו הַחֲזָקוֹת בִּשְׁנֵי הַפָּרִים הָרוֹבְצִים וְלֹא הִשְׁגִּיחַ בָּאֵשׁ, אֲשֶׁר יָרְקוּ בוֹ. וַיַּעֲמֹד אַיִט מַחֲרִישׁ וּמִשְׁתָּאֶה לְמַרְאֵה הַגִּבּוֹר וְכֹחוֹ הַנִּפְלָא.

וַיְמַהֲרוּ קַסְטוֹר וּפוֹלוּקְסְ אֶל-יָזוֹן, כַּאֲשֶׁר נִדְבְּרוּ אִתּוֹ, וַיָּרִימוּ אֶת-עֻלֵּי הַנְּחשֶׁת וַיִּתְּנוּ לוֹ וַיֵּלְכוּ חִישׁ מִשָּׁם, כִּי בְשָׂרָם לֹא הָיָה בָטוּחַ מֵאֵשׁ הַלֶּהָבָה, כִּבְשַׂר אֲדוֹנָם.

וַיִּקַּח יָזוֹן אֶת-הָעֻלִּים וַיְשִׂימֵם חִישׁ עַל-צַוְּארֵי הַפָּרִים אֲשֶׁר הִכְנִיעָם לְמִשְׁמַעְתּוֹ.

וַיֶּאֱסֹר יָזוֹן אֶת-הַפָּרִים בְּמַחֲרֶשֶׁת הַבַּרְזֶל וַיָּרֶם אֶת-מָגִנּוֹ מֵעַל-הָאָרֶץ וַיִּקְשֹׁר אֵלָיו רְצוּעַת עוֹר חֲזָקָה וַיְשִׂימֵהוּ עַל-כְּתֵפָיו. אַחַר לָקַח בְּיָדוֹ הָאַחַת אֶת-הַקּוֹבַע הַמָּלֵא שִׁנֵּי רַהֶב וּבַשְׁנִיָּה אָחַז בַּחֲנִית. וַיְדַרְבֵּן יָזוֹן בִּקְצֵה הַחֲנִית הַחַד אֶת-הַפָּרִים הַפְּרָאִים הַיּוֹרְקִים אֵשׁ וַיַּכְרִיחֵם לִמְשֹׁךְ בַּמַּחֲרֵשָׁה.

וַיֵּלְכוּ הַפָּרִים בְּצַעֲדֵי אוֹן וַתַּעְמֵק הַמַּחֲרֵשָׁה לַחֲרשׁ בָּאֲדָמָה וַתְּהַפֵּךְ אֶת גּוּשֵׁי-הֶעָפָר.

וְיָזוֹן הָלַךְ אַחֲרֵיהֶם בִּמְנוּחָה וַיִּזְרַע אֶת-הַשָּׂדֶה הֶחָרוּשׁ אֶת-שִׁנֵּי-הָרַהַב וּמִדֵּי פַעַם בְּפַעַם יַבִּיט אַחֲרָיו לָדַעַת, הֲצָמַח הַזֶרַע אִם לֹא.

וַיְהִי אַךְ נָטָה הַשֶּׁמֶשׁ מִצַּד דָּרוֹם וַיְכַל הַחוֹרֵשׁ לַחֲרשׁ אֶת-כָּל-הַשָּׂדֶה וְלֹא עָיֵף, אַף כִּי הָיוּ בוֹ אַרְבָּעָה צְמָדִים¹⁸³. וַיְהִי כְּכַלּוֹתוֹ לַחֲרשׁ אֶת-הַשָּׂדֶה וַיְפַתַּח אֶת-הַפָּרִים וַיַּךְ אוֹתָם פְּעָמִים אֲחָדוֹת בִּכְלֵי-זֵינוֹ וַיָּנוּסוּ הַפָּרִים בְּבֶהָלָה. וְהַגִּבּוֹר הָלַךְ אֶל-הָאֳנִיָּה לָנוּחַ מְעַט, כִּי עוֹד לֹא זָעָה הָאֲדָמָה וְלֹא הִצְמִיחָה אֶת-זֶרַע-הָעֲנָקִים הַנּוֹרָא.

וַיְקַדְּמוּ הַשַּׁיָּטִים אֶת-פָּנָיו בְּקוֹל תְּרוּעָה גְדוֹלָה וַיִּשְׂמְחוּ מְאֹד. וְלֹא עָנָה אוֹתָם יָזוֹן דָּבָר, כִּי צָמֵא מְאֹד וַיָּסַר אֶת-קוֹבָעוֹ וַיִּשְׁאַב מַיִם מִן הַיְאוֹר וַיִּשְׁבֹּר צְמָאוֹ וַיְנַס אֶת-פְּזִיזוּת¹⁸⁴ זְרוֹעוֹתָיו וְרַגְלָיו וַיִּשְׁאַף שֵׁנִית לִקְרָב, כַּחֲזִיר מִיָּעַר, אֲשֶׁר יַעֲלֶה קֶצֶף מִפִּיו וְיַחֲרֹק שִׁנָּיו בִּרְאוֹתוֹ צַיָּדִים.

בֵּינוֹתַיִם הִצְמִיחָה הָאֲדָמָה זֶרַע מָגִנִּים, קוֹבָעוֹת וַחֲנִיתוֹת חַדוֹת; וַיַּזְהַר הָאוֹר מִבְּרַק הַחֲנִיתוֹת וַיִּסְגֹּר כָּל-אִישׁ אֶת-עֵינָיו, כִּי לֹא יָכְלוּ לְהַבִּיט בָּהֶן. וַיִּזְכֹּר יָזוֹן אֶת-הָעֵצָה הַחֲכָמָה, אֲשֶׁר יָעֲצָה אוֹתוֹ מֵדֵאָה. וַיַּעֲקֹר מִן הָאֲדָמָה סֶלַע עֲנָקִי, אֲשֶׁר יִבָּצֵר מִידֵי אַרְבָּעָה גִבּוֹרִים, לַהֲזִיזוֹ מִמְּקוֹמוֹ, וַיָּרֶם יָזוֹן אֶת-הַסֶּלַע, כְמוֹ בְאֶפֶס יָד¹⁸⁵, וַיִּזְרְקֵהוּ בְכֹחַ. וַיִּשְׁרֹק הַסֶּלַע בָּאַוֵּר וַיָּעָף וַיִפֹּל אַרְצָה בְּקֶרֶב הַחֲיָּלִים הַצּוֹמְחִים מִן הָאֲדָמָה.

וַיַּשְׁמִיעוּ הַקּוֹלְחִים קוֹל גָּדוֹל, כְּקוֹל שְׁאוֹן-גַּלֵּי הַיָּם בְּהִתְנַגְּפָם בְּצוּרֵי-אֵימָה. וְגַם אַיִט הִשְׁתּוֹמֵם מְאֹד וַיַּבֵּט אַחֲרֵי-הַסֶּלַע הָעֲנָקִי הַמִּתְגַּלְגֵּל בֵּין הַחֲיָלִים. וַיָּקוּמוּ הָאֲנַשִׁים, אֲשֶׁר צָמְחוּ מִן הָאֲדָמָה וַיָּרוּצוּ אֶל-הַסֶּלַע וַיִּדְמוּ לְחֶבֶר כְּלָבִים, אֲשֶׁר הִתִּירוּ אוֹתָם זֶה עַתָּה מִן הַחֶבֶל. וַיִּתְנַפְּלוּ אִישׁ עַל-רֵעֵהוּ וַיַּרְעִימוּ בְקוֹלָם אִישׁ עַל-אָחִיו וַיִּלָּחֲמוּ בְחָזְקָה. וַיִּפְּלוּ מֵהֶם חֲלָלִים רַבִּים עַל-הָאֲדָמָה, אֲשֶׁר יְלָדָתָם. וַיִּדְמוּ לְאַלּוֹנִים וּלְאַשּׁוּחִים, אֲשֶׁר הִתְחוֹלְלָה בָהֶם הַסְּעָרָה וַתְּשָׁרְשֵׁם מִמְּקוֹמָם.

וַיְהִי כַאֲשֶׁר הִגִּיעָה הַמִּלְחָמָה לְעֶצֶם תָּקְפָּהּ וַיִּשְׂתָּעֵר עֲלֵיהֶם יָזוֹן וַיִּגְזֹר בְּחַרְבּוֹ עַל-יְמִין וְעַל-שְׂמֹאל וַיַּהַרְגֵם וְלֹא הִשְׁאִיר מֵהֶם שָׂרִיד וּפָלִיט. וַיְכֻסֶּה כָל-הַשָּׂדֶה גְוִיּוֹת וּפַלְגֵי-דָם וְגַם הַמַּעֲנִיּוֹת¹⁸⁶ מָלְאוּ דָם.

וַיַּרְא אַיִט, כִּי הִצְלִיחַ בִּידֵי יָזוֹן לְבַצַּע אֶת-הַמַּעֲשֶׂה הַקָּשֶׁה הַזֶּה, וַיִּחַר לוֹ מְאֹד. וְלֹא דִבֶּר אַיִט דָּבָר וַיְמַהֵר לָלֶכֶת הָעִירָה.

וַיַּחְשֹׁב הַמֶּלֶךְ מַחֲשָׁבוֹת. אֵיזֶה הַדֶּרֶךְ יוֹרִיד אֶת-יָזוֹן לַשָּׁחַת.

וְהַיּוֹם נָטָה לַעֲרֹב. וַיֵּלֶךְ יָזוֹן בִּקְהַל גִּבּוֹרָיו הַשְּׂמֵחִים אֶל הָאֳנִיָה לָנוּחַ מֵעֲמָלוֹ הַקָּשֶׁה וַיָּשִׁירוּ שִׁירֵי עז וּגְבוּרָה לִכְבוֹד הָאֵלִים וְלִכְבוֹד נְגִידָם הַמַּפְלִיא לַעֲשׂוֹת.

טז. רְכִישַׁת הַגִּזָּה.    🔗

וְהַמֶּלֶךְ אַיִט בָּא אֶל-בֵּיתוֹ סָר וְזָעֵף, וַתָּבֹא אֵלָיו נַעֲרָה מִנַּעֲרוֹת מֵדֵאָה וַתַּגֶּד-לוֹ, כִּי נוֹעֲדָה גְבִרְתָּהּ עִם יָזוֹן בְּבֵית-מִקְדַּשׁ-הֵקָטָה וְכִי אֶל-נָכוֹן עָזְרָה לוֹ לְבַצֵּעַ אֶת-מַעֲשֵׂהוּ הַקָּשֶׁה.

וַיִקְצֹף הַמֶּלֶךְ מְאֹד וַיְצַו לַעֲבָדָיו לֶאֱסֹר אֶת-מֵדֵאָה בַבֹּקֶר. וּלְזִקְנֵי עַמּוֹ קָרָא וַיֹּאמֶר לָהֶם: הִנֵּה גְדוּד גִּבּוֹרִים בָּא אֵלֵינוּ מֵאֶרֶץ נָכְרִיָּה לְחַלֵּל אֶת-קֳדָשֵׁנוּ וְלָקַחַת אֶת-גִּזַת-הַזָּהָב הַמָּקְדֶּשֶׁת לְאָרֵס וְעַתָּה הָבוּ לִי דָבָר וְעֵצָה הֲלוֹם.

וַיַּמְתִּיקוּ הַמֶּלֶךְ וְהַזְקֵנִים סוֹד כָּל-הַלַּיְלָה וַיְהוֹתְתוּ¹⁸⁷ עַל-הַגִּבּוֹרִים לְהַשְׁמִידָם מִבְּלִי הַשְׁאִיר מֵהֶם שָׂרִיד וּפָלִיט.

וַתֵּרֶא הֵרָה, כִּי כָלְתָה עַל-יָזוֹן הָרָעָה מֵאֵת הַמֶּלֶךְ, וַתְּנַדֵּד אֶת-שְׁנַת מֵדֵאָה. וַתֶּחֱרַד מֵדֵאָה חֲרָדָה גְדוֹלָה וַתִּרְעַד, כִּרְעֹד אַיָּלָה בִּרְדֹף אַחֲרֶיהָ חֶבֶר כְּלָבִים עַזֵי-נָפֶשׁ. וַתָּבֶן מֵדֵאָה, כִּי לֹא נִסְתַּר הַמַּעֲשֶׂה, אֲשֶׁר עָשְׂתָה, מֵאָבִיהָ, וַתִּירָא יִרְאָה גְדוֹלָה וַיֵּצֶר לָהּ עַד לְהִתְחַלּוֹת. וַיִּכְבַּד¹⁸⁸ רֹאשָׁהּ עָלֶיהָ וַיִּפָּרַע שְׂעָרָהּ וַיֵּרֶד עַל-כְּתֵפֶיּהָ, כְּאִלּוּ סָפְדָה עַל-מוֹת קָרוֹב הַיָּקָר לְלִבָּה. וַיְהִי בִּרְאוֹתָהּ, כִּי לֹא הֻקַּל לָהּ, וַתֹּאמֶר לִטְרֹף אֶת-נַפְשָׁה בְּכַפָּהּ. וַתְּמַלֵּא אֶת-הַסַּף¹⁸⁹ רַעַל¹⁹⁰ וַתַּגֵּשׁ אֶל-פִּיהָ לִשְׁתּוֹתוֹ. וְאוּלָם לֹא כֵן גָּזַר הַגּוֹרָל, כִּי אַךְ הִגִּישָׁה אֶת-שִׁקּוּי הַמָּוֶת אֶל-שְׂפָתֶיהָ וְהִנֵּה הֵרָה בָאָה וַתְּאַמֵץ אֶת-לִבָּהּ וַתְּחַדֵּשׁ אֶת-רוּחָהּ בְּקִרְבָּהּ.

וַתִּתְאוֹשֵׁשׁ מֵדֵאָה וַתִּגְמֹר לַעֲזֹב אֶת-בֵּית-אֲבוֹתֶיהָ. וְאוּלָם לִבָּהּ נְקָפָהּ¹⁹¹ וַתֵּבְךְ תַּמְרוּרִים בְּהִפָּרְדָהּ מֵעֶרֶשׂ מִשְׁכָּבָהּ וּמִכָּתְלִי-חַדְרָהּ הַשּׁוֹקְטִים. וַתִּגַּשׁ מֵדֵאָה אֶל-דַּלְתוֹת חַדְרָהּ וַתִּשַּׁק לָהֶן וַתְּגַפְּפֵן¹⁹² בְּיָדֶיהָ. אַחַר גָּזְזָה תַּלְתַּל אֶחָד מִתַּלְתַּלֵּי-שְׂעָרָה וַתַּשְׁאִירֵהוּ לְאִמָּהּ לְזִכָּרוֹן וַתֵּבְךְ וַתֹּאמַר: הֱיִי שָׁלוֹם, הוֹרָתִי הַנְּעִימָה! הֱיִי שָׁלוֹם, אֲחוֹתִי הַטּוֹבָה! בָּרוּךְ תִּהְיֶה, בֵּית-אָבִי! מִי יִתֵּן, בֶּן-נֵכָר, וְיָרַדְתָּ מְצוּלָה, בְּטֶרֶם תָּבֹא אַרְצָה קוֹלְחִידָה.

כָּכָה עָזְבָה מֵדֵאָה אֶת-בֵּית אֲבוֹתֶיהָ וַתִּדְמֶה לִשְׁבוּיָה, אֲשֶׁר שִׁבְּרָה אֶת-נְחֻשְׁתֶּיהָ וְהִיא מְמַהֶרֶת לָנוּס מִבֵּית-כִּלְאָהּ. וַתִּלְחַשׁ מֵדֵאָה לַחַשׁ¹⁹³ וַיִּפָּתְחוּ לְפָנֶיהָ שְׁעָרִים. וַתָּרָץ יְחֵפַת רַגְלַיִם בְּמִשְׁעוֹלִים עֲקַלְקַלִּים וַתְּכַס בְּיָדָהּ הָאַחַת אֶת-פָּנֶיהָ בְצָעִיף וּבַשְׁנִיָּה הֶחֱזִיקָה בְּשִׂמְלָתָהּ הַמְּנַפְנֶפֶת. וְלֹא הִכִּירוּהָ אַנְשֵׁי הַמִּשְׁמָר וַיִּתְּנוּהָ לָצֵאת מִן הָעִיר.

וַיְהִי בִהְיוֹתָהּ מִחוּץ לָעִיר וַתִּמְצָא שְׁבִיל צַר הַמּוֹלִיךְ אֶל-חֹף-הַיָּם, אֶל-מְקוֹם חֲנָיַת אַרְגָּה וַתֵּלֶךְ בּוֹ בְּלֵב נָכוֹן¹⁹⁴; וְלֹא יָרְאָה מֵדֵאָה פֶּן תֵּתַע בַּדָּרֶךְ, כִּי בִהְיוֹתָהּ רַקַּחַת הָיְתָה מְהַלֶּכֶת בְּכָל-סְבִיבוֹת הָעִיר לִמְצֹא עֲשָׂבִים וְכָל הַשְּׁבִילִים הָיוּ נְהִירִים¹⁹⁵ לָהּ כִּשְׁבִילֵי-אַרְמוֹנָהּ.

וַתִּשָּׂא מֵדֵאָה עֵינֶיהָ וַתֵּרֶא וְהִנֵּה מַשְּׂאַת-עָשָׁן עוֹלָה הַשָּׁמַיְמָה; וְאֶת מַשְּׂאַת-הֶעָשָׁן הַזֹּאת הֶעֱלוּ רֵעֵי-יָזוֹן לְכַבְּדֵהוּ עַל הַנִּצָּחוֹן, אֲשֶׁר נָחַל בַּיּוֹם הַזֶּה. וַתָּרָץ בַּת-הַמֶּלֶךְ לִקְרַאת הָאֵשׁ. וַיְהִי בְקָרְבָהּ אֶל-הָאֳנִיָּה וַתִּקְרָא שָׁלשׁ פְּעָמִים לִפְרוֹנְטִיס בֶּן-אֲחוֹתָהּ הַצָּעִיר. וַיַּכֵּר פְּרוֹנְטִיס אֶת-קוֹלָהּ וְגַם יָזוֹן הִכִּירָהוּ. וַיַּעַן פְּרוֹנְטִיס וַיִּשְׁנֶה וַיְשַׁלֵּשׁ: הִנֵּנִי. וַיִּשְׁתּוֹמְמוּ הַגִּבּוֹרִים, כִּי לֹא צִפּוּ לְבוֹאָהּ, וַיֹּאחֲזוּ בַּמִּשּׁוֹטִים וַיַּחְתְּרוּ וַיָּשׁוּטוּ אֶל-הַמָּקוֹם, אֲשֶׁר הִגִּיעַ מִשָּׁם קוֹל מֵדֵאָה לְאָזְנֵיהֶם. וַיִּקְפְּצוּ יָזוֹן, פְּרוֹנְטִיס וְאֶרֶג מֵעַל-הָאֳנִיָּה וַיִּקְרְבוּ אֵלֶיהָ וַיִּשְׁאֲלוּ אוֹתָהּ, מַה-לָּהּ.

וַתִּפֹּל בַּת-הַמֶּלֶךְ עַל-בִּרְכֶּיהָ וַתְּחַבֵּק אֶת-רַגְלֵי-בְּנֵי-אֲחוֹתָהּ וַתִּתְחַנֵן לֵאמֹר: מַלְּטוּ אֶת-נַפְשִׁי וְאֶת-נַפְשְׁכֶם מִכַּף-אָבִי, כִּי הֻגַּד לוֹ הַכֹּל. וְעַתָּה נְמַהֵר נָא וְנַעֲלֶה עַל-הָאֳנִיָּה וְהָלַכְנוּ מִזֶּה, בְּטֶרֶם יִרְכַּב אָבִי עַל-סוּסָיו הַשּׁוֹטְפִים¹⁹⁶ וְרָדַף אַחֲרֵנוּ. וַאֲנִי אֵלֵךְ אֶל-אֵלוֹן אָרֵס וְהִפַלְתִּי תַּרְדֵּמָה עַל-הָרַהַב וְהֵבֵאתִי לָכֶם אֶת-גִּזַת-הַזָּהָב. אַךְ הִשָּׁבְעוּ לִי בָאֵלִים, כִּי לֹא תִתְעַמְּרוּ¹⁹⁷ בִי בְּאֶרֶץ נֵכָר.

וַיִּגְחַן¹⁹⁸ יָזוֹן וַיְקִימֶהָ מֵעַל-הָאָרֶץ וַיִּשָּׁבַע לֵאמֹר:

מֵדֵאָה בַת-הַמֶּלֶךְ! כֹּה יַעֲשו לִי זוּז וְהֵרָה, מָגִנֵּי-הַנְּשׂוּאִים, וְכֹה יוֹסִיפוּ, אִם אֶבְגֹּד בָּךְ וְאֶשְׁקֹר בִּבְרִיתֵךְ. וְהָיָה אַךְ תִּדְרֹךְ כַּף רַגְלִי בְּיָוָן אֶרֶץ מוֹלַדְתִּי וְאֵרַשְׂתִּיךְ וּלְקַחְתִּיךְ לְאִשָּׁה וְאַתֶּם, גִּבּוֹרֵי יָוָן, עֵדִים.

וַיִּתְקַע יָזוֹן אֶת-יָדוֹ בְּכַף-מֵדֵאָה.

וַתְּצַו מֵדֵאָה לִנְהֹג אֶת-הָאֳנִיָּה אֶל-חֹף הָאֵלוֹן הַקָּדוֹשׁ אֲשֶׁר שָׁם גִּזַּת-הַזָּהָב.

וַיּאֹחֲזוּ הַגִּבּוֹרִים בִּמְשׁוֹטֵיהֶם וַיַּחְתְּרוּ אֶל-הָאֵלוֹן וּמֵדֵאָה וְיָזוֹן הָלְכוּ שָׁמָה דֶּרֶךְ הַשָּׂדֶה. וַיִּשְׂאוּ אֶת-עֵינֵיהֶם וַיִּרְאוּ אֶת-הָאַלּוֹן הָרָם וְהָעֲנָקִי וְאֶת-הַגִּזָּה הַתְּלוּיָה עָלָיו.

וְהַגִּזָּה מַזְהִירָה בְחשֶׁךְ הַלַּיְלָה, כְּעָנָן בָּהִיר, אֲשֶׁר יִשְׁפֹּךְ עָלָיו שֶׁמֶשׁ הַבֹּקֶר אֶת-אוֹרוֹ. וּמִתַּחַת לָאַלּוֹן עָמַד הָרַהַב וַיַּבֵּט בְּעֵינָיו, אֲשֶׁר לֹא יָדְעוּ שֵׁינָה. וַיְהִי בִרְאוֹתוֹ אֶת-יָזוֹן וְאֶת-מֵדֵאָה הוֹלְכִים וּקְרֵבִים אֵלָיו וַיִּפְשֹׁט אֶת-צַוָּארוֹ הָאָרֹךְ וַיִּנְהַם כְּנַהֲמַת-יָם. וַיִּרְעַד הָאַלּוֹן וַיִּרְעֲדוּ חֻפֵּי-הַנָּהָר.

וְאוּלָם בַּת-הַמֶּלֶךְ הָלְכָה קָדִימָה וְלֹא יָדְעָה מָגוֹר¹⁹⁹ וַתִּקְרָא בְּקוֹל עָרֵב לְאֵל הַשֵּׁנָה הֶחָזָק מִכָּל-הָאֵלִים, כִּי יִסְגֹּר אֶת-שְׁמוּרוֹת²⁰⁰ הָרַהַב וַתִּתְפַּלֵל גַם לְאֵלַת שְׁאוֹל הַנּוֹרָאָה, כִּי תַעֲזָר-לָהּ בַּעֲבוֹדָתָהּ הַקָּשָׁה. וְיָזוֹן הָלַךְ אַחֲרֵי הַנַּעֲרָה וְלִבּוֹ הָגָה אֵימִים.

וַתָּחֶל שִׁירַת-הַקֶּסֶם, אֲשֶׁר שָׁרָה בַת-הַמֶּלֶךְ, לִפְעֹל אֶת-פְּעֻלָּתָהּ עַל-הָרַהַב. וַיִּכֹּף גַּבּוֹ הַמְּאֻמָּץ וַיִּתְמַתְּחוּ פִּתּוּלֵי-גֵווֹ הָאֵימְתָנִי. וְרַק רֹאשׁוֹ פְּעוּר²⁰¹ הַלּוֹעַ הָרָחָב יֵרָא עֲלֵיהֶם אֵימָה. וַתֹּאחַז מֵדֵאָה בַּעֲנַף אֵלָה וַתַּשְׁבַּע הַשְׁבָּעוֹת נִמְרָצוֹת וַתִּזְרֹק עַל-עֵינֵי-הָרַהַב מִמֵּי-הַקְּסָמִים, וַיִּדַּף²⁰² הָרֵיחַ וַיַּפֵּל תַּרְדֵּמָה עַל-שׁוֹמֵר הָאוֹצָר. וַיִּסְגֹּר הָרַהַב אֶת לוֹעוֹ הָעֲנָקִי וַיִּשְׂתָּרַע בְּכָל-גֵּווֹ עַל-פְּנֵי-הָאֵלוֹן הַקָּדוֹשׁ וַיִּישָׁן.

וַתִּקְרָא מֵדֵאָה לְיָזוֹן וַתְּצַוֵּהוּ לְמַהֵר וְלָקַחַת אֶת-גִּזַּת-הַזָּהָב. וְלֹא חָדְלָה מֵדֵאָה מֵהַזּוֹת אֶת-מֵי-הַקְּסָמִים עַל-רֹאשׁ הָרַהַב, עַד-אֲשֶׁר הוֹרִיד יָזוֹן אֶת-הַגִּזָּה מִן הָעֵץ וַיְמַהֲרוּ שְׁנֵיהֶם וַיֵּלְכוּ מִן הָאֵלוֹן. וַיִּשָׂא יָזוֹן בְּשִׂמְחָה אֶת-גִּזַּת-הַזָּהָב הַכְּבֵדָה. וַיֵּצֵא אוֹר מִן הַגִּזָּה וַיָּאֶר אֶת-פְּנֵי-הַגִּבּוֹר הַיָּפִים וְאֶת-שְׂעַר-רֹאשׁוֹ הַכָּתֹם וַיַּרְאֵם אֶת-הַדֶּרֶךְ אֶל הָאֳנִיָּה. וְהַגִּזָּה, אֲשֶׁר שָׂם יָזוֹן עַל-כְּתֵפָיו יָרְדָה עַד-כַּפּוֹת רַגְלָיו. וַיְהִי בְיָרְאוֹ פֶּן יִפְגַּע בּוֹ אֵל אוֹ בֶן-אָדָם גִּבּוֹר וְקִנֵּא בוֹ וְגָזַל מִיָּדוֹ אֶת-הַגִּזָּה וַיִּכְרֹךְ אוֹתָהּ וַיֹּאחַז בָּהּ בִּשְׁתֵּי יָדָיו.

וְעַמּוּד הַשַּׁחַר כְּבָר עָלָה עַל-הָאָרֶץ וַיַּאֲדֵם פְּנֵי-מִזְרָח. וַיְהִי כַעֲלוֹת יָזוֹן וּמֵדֵאָה עַל-הָאֳנִיָּה, וַיְמַהֲרוּ אֵלָיו הַגִּבּוֹרִים וַיַּעַמְדוּ מַחֲרִישִׁים וּמִשְׁתָּאִים לְמַרְאֵה הַגִּזָּה, אֲשֶׁר אוֹר בְּרַק זוּז לָהּ. וַיִּשְׁלַח כָּל-אֶחָד אֶת-יָדוֹ לִנְגֹּעַ בַּגִּזָּה וְלֹא נְתָנָם יָזוֹן לַעֲשׂוֹת זֹאת וַיְכַסֶּנָּה בְּאַדֶּרֶת חֲדָשָׁה.

וַיְבַקֵּשׁ יָזוֹן וַיִּמְצָא מוֹשָׁב מְרֻוָּח לְמֵדֵאָה וַיִּפֶן אֶל-רֵעָיו וַיַּעַן וַיֹּאמַר:

חֲבֵרַי וְרֵעָי! נְמַהֲרָה-נָא לָשׁוּב אֶל-אֶרֶץ מוֹלַדְתֵּנוּ, כִּי אֶת-הַגִּזָּה, מַטְּרַת נְסִיעָתֵנוּ, רָכַשְׁנוּ לָנוּ בְּעֶזְרַת בַּת-הַמֶּלֶךְ. וְהָיָה בְשׁוּבִי הַבַּיְתָה וְאֵרַשְׂתִּי אֶת-מֵדֵאָה וּלְקַחְתִּיהָ לְאִשָּׁה.

וְאַתֶּם, רֵעַי, עִמְדוּ עַל-יָדִי, וְהָגֵנּוּ עַל-חַיֵּי הַנַּעֲרָה, אֲשֶׁר עָזְרָה לָנוּ בַעֲבוֹדָתֵנוּ הַקָּשָׁה, וְיָדֹעַ תֵּדְעוּ, כִּי עוֹד סַכָּנָה גְדוֹלָה צְפוּיָה לָנוּ, כִּי לֹא יִוָּאֵשׁ אַיִט מִן הַגִּזָּה וְאָסַף אֶת-כָּל-חֵילוֹ וְרָדַף אַחֲרֵינוּ וְגָדַר לִפְנֵיי-הָאֳנִיָּה אֶת-הַדֶּרֶךְ אֶל-תּוֹצְאוֹת הַנָּהָר. וְעַתָּה רֵעַי, נֵחָצֶה נָא לִשְׁנֵי מַחֲנוֹת וְהָיָה בַחֲתֹר הַמַּחֲנֶה הָאֶחָד בַּמִּשּׁוֹטִים וְסוֹכֵךְ הַשֵּׁנִי בְּמָגִנָּיו עַל-הָאֳנִיָּה מֵחִצֵּי-הָאוֹיֵב. וְאֵלֵי-הַחֶסֶד יִהְיוּ עִמָּנוּ וֶהֳשִׁיבוּנוּ בְּשָׁלוֹם הַבָּיְתָה.

וַיְהִי כְּכַלּוֹת יָזוֹן לְדַבֵּר אֶת-דְּבָרָיו וַיִּגְזֹר אֶת-הַקְּלָעִים, אֲשֶׁר קָשְׁרוּ אֶת-הָאֳנִיָּה אֶל-הַחֹף, וַיָּשֶׂם אֶת-כְּלֵי-זֵינוֹ עָלָיו וַיַּעֲמֹד הוּא וּמֵדֵאָה עַל-יַד-אָנְקֶה הַמְּהַגֶּה. וַיַּחְתְּרוּ הַשַּׁיָּטִים בִּמְשׁוֹטֵיהֶם וַתָּשָׁט הָאֳנִיָּה כְּחֵץ אֶל-תּוֹצְאוֹת הַנָּהָר.

יז. אֵיךְ נִמְלְטוּ הָאַרְגָּתִים מִיַּד רוֹדְפֵיהֶם.    🔗

וַיֵּדַע אַיִט מֶלֶךְ קוֹלְחִידָה וְכָל עַמוֹ, כִּי אָהֲבָה מֵדֵאָה אֶת-יָזוֹן, וְכִי מָסְרָה בְיָדוֹ אֶת-גִּזַּת-הַזָּהָב וַיָּנוּסוּ. וַיִּקָּהֵל כָּל-הָעָם בְּשׁוּק הָעִיר וַיֵּחָלְצוּ²⁰³ חִישׁ וַיְמַהֲרוּ אֶל-גְּדוֹת הַנָּהָר.

וַיֵּלֶךְ אִתָּם גַּם אַיִט וְהוּא יוֹשֵׁב בְּמֶרְכֶּבֶת מִלְחָמָה רְתוּמָה לְסוּסִים קַלִּים²⁰⁴, אֲשֶׁר נָתַן לוֹ אָבִיו אֵל-הַשֶּׁמֶשׁ; וּבִימִין הַמֶּלֶךְ לַפִּיד בּוֹעֵר לְהָאִיר אֶת-הַדֶּרֶךְ וּבִשְׂמֹאלוֹ מָגֵן מַבְרִיק וּלְרַגְלָיו חֲנִית גְּדוֹלָה וּמְגֻדֶּלֶת. וּבֶן-הַמֶּלֶךְ אַבְסֶרֶת אוֹחֵז בַּמּוֹשְׁכוֹת וְנוֹהֵג בַּמֶּרְכָּבָה.

וַיָבֹאוּ הַקּוֹלְחִים חִישׁ אֶל-גְּדוֹת הַנָּהָר וְלֹא מָצְאוּ אֶת-הָאֳנִיָּה, כִּי חָתְרוּ הַמַּלָּחִים בְּכֹחַ וַיַּעֲבְרוּ מִשָּׁם וַיָּבֹאוּ בְּלֵב הַיָּם. וַיִּפְרֹשׂ אַיִט אֶת-כַּפָּיו הַשָּׁמַיְמָה וַיָּעֶד עֵדִים אֶת-זוּז אֲדוֹן-הָעוֹלָם וְאֶת-הֵלִי אָבִיו אֵל-הַשֶּׁמֶשׁ בֶּעָוֶל, אֲשֶׁר נַעֲשָׂה לוֹ. וְאֶל-הַקּוֹלְחִים פָּנָה וַיְדַבֵּר בְּאָזְנֵיהֶם לֵאמֹר: רִדְפוּ אַחֲרֵי מֵדֵאָה וְתִפְשׂוּהָ וְהַצִּיגוּהָ לְפָנַי חַיָּה אוֹ מֵתָה וְאַל-תִּמָּלֵט מִיֶּדְכֶם; כִּי אִם הִמָּלֵט תִּמָּלֵט מִיֶּדְכֶם, חֵי אָבִי הֵלִי, אִם תִּחְיוּ עַד-אוֹר הַבֹּקֶר.

וַיִּפֹּל פַּחַד הַמֶּלֶךְ עַל-הַקּוֹלְחִים וַיְמַהֲרוּ אֶל-אֳנִיּוֹתֵיהֶם וַיְתַקְּנוּן לְדֶרֶךְ וַיִּצְטַיָּדוּ²⁰⁵. וַיֵּשְׁבוּ כֻלָּם בָּאֳנִיּוֹת וַיִּפְרְשׂוּ אֶת-הַמִּפְרָשִׂים וַתָּשֹׁטְנָה וַתָּבֹאנָה בְלֵב הַיָּם. וְהָאֳנִיּוֹת רַבּוּ וְעָצְמוּ מְאֹד וַתְּכַסֶּינָה אֶת-עֵין²⁰⁶ הַמַּיִם וַתִּדְמֶינָה לַעֲדַת צִפֳּרִים גְּדוֹלָה הַפּוֹרְשׂוֹת כַּנְפֵיהֶן וּמְרַחֲפוֹת עַל-פְּנֵי הַיָּם. וּבֶן-הַמֶּלֶךְ אַבְסֶרֶת שַׂר-הַצָּבָא מְנַצֵּחַ²⁰⁷ עַל-כָּל-הָעֲבוֹדָה.

וְהֵרָה חָפְצָה לְהָחִישׁ אֶת-בּוֹא מֵדֵאָה אֶל-בֵּית-פְּלִיאָס אוֹיְבָהּ וּלְהָבִיא עָלָיו שׁוֹאָה וַתַּעֲבֵר רוּחַ לְוָי וַיִּשָּׂא אֶת-אַרְגָּה לְמֶרְחֲקֵי-תְכֵלֶת. וַיְהִי בְּבֹקֶר יוֹם הַשְּׁלִישִׁי וַיַּשְׁלִיכוּ הַגִּבּוֹרִים עֹגֶן בִּגְדוֹת נְהַר הֵלִיס בְּאֶרֶץ הַפַּפְּלְגוֹנִים. וַתִּיעַץ אוֹתָם מֵדֵאָה לְהַקְרִיב בַּמָּקוֹם הַזֶּה עוֹלָה וּמִנְחַת תּוֹדָה לְהֵקָטָה עַל הַהַצָּלָה, אֲשֶׁר הִצִּילָה אוֹתָם. וַיַּעֲשׂוּ הַגִּבּוֹרִים כֵּן.

וַיִּזְכֹּר יָזוֹן וְיֶתֶר הַגִּבּוֹרִים, כִּי פִנִּי הַקּוֹסֵם הַזָּקֵן יָעַץ אוֹתָם לָשׁוּב הַבַּיְתָה בְּדֶרֶךְ אַחֶרֶת. וְאוּלָם אִישׁ לֹא יָדַע לִמְצֹא אֶת-הַדֶּרֶךְ. עוֹדָם חוֹשְׁבִים כֹּה וָכֹה וְהִנֵּה נִרְאֲתָה הַקֶּשֶׁת עַל-פְּנֵי-הַשָּׁמַיִם וַתַּרְא אוֹתָם אֶת-הַדֶּרֶךְ יֵלְכוּ²⁰⁸ בָהּ. וַיִּיטַב לֵב הַגִּבּוֹרִים וַיַּחְתְּרוּ בִּמְשׁוֹטֵיהֶם. וַתָּאֶר לָהֶם הַקֶּשֶׁת וְרוּחוֹת הַלְוָי נָשְׂאוּ אֶת-הָאֳנִיָּה וַיְבִיאוּהָ אֶל-תּוֹצְאוֹת נְהַר אִסְטֵר²⁰⁹ הַנִּשְׁפָּךְ אֶל-יַם-הַיְוָנִים.

וָאֳנִיּוֹת הַקּוֹלְחִים קַלּוֹת מֵאַרְגָּה וַתְּקַדֵּמְנָה לָבֹא אֶל-תּוֹצְאוֹת הַנָּהָר, בְּטֶרֶם יָבֹאוּ שָׁמָה הַגִּבּוֹרִים. וַיָּשִׂימוּ הַקּוֹלְחִים מַאֲרָב לָאַרְגָּתִים וַיִּסְתַּתְּרוּ בִּלְשׁוֹנוֹת הַנָּהָר הָרַבּוֹת וְעַל-אִיָּיו הַקְּטַנִים. וַיְהִי בְהֵעָגֵן²¹⁰ אַרְגָּה בְּתוֹצְאוֹת הַנָּהָר וַיִּגְדְּרוּ הַקּוֹלְחִים אֶת-הַדֶּרֶךְ בַּעֲדָהּ. וַיִּשְׂאוּ הָאַרְגָּתִים אֶת-עֵינֵיהֶם וַיִּרְאוּ אֶת-חֵיל-הָאוֹיֵב הָרַב וְהֶעָצוּם וַיִּירְאוּ מְאֹד וַיַּעַרְכוּ²¹¹ עַל-אֶחָד מֵאִיֵּי-הַנָּהָר. וַיֵּצְאוּ הַקּוֹלְחִים לִקְרָאתָם וַיַּעַמְדוּ מַעֲרָכָה מוּל מַעֲרָכָה.

וַיִשְׁלַח יָזוֹן מַלְאָכִים אֶל-הַקּוֹלְחִים לֵאמֹר:

מֶה-עָשִׂיתִי לָכֶם וּמֶה-חָטָאתִי, כִּי דְלַקְתֶּם²¹² אַחֲרָי? הֲלֹא אֶת-כָּל-אֲשֶׁר אָמַר לִי אַיִט מַלְכְּכֶם עָשִׂיתִי, לֹא נֶעְדַּר דָּבָר וָאֶרְכּשֹ אֶת-הַגִּזָּה בְּתֹם לֵבָב וּבְנִקְיוֹן כַּפַּיִם, — וְעַתָּה מַה-לָּכֶם, כִּי נִזְעָקְתֶּם?

וַיַּעֲנוּ אוֹתוֹ הַקּוֹלְחִים לֵאמֹר:

גַּם אֲנַחְנוּ יָדַעְנוּ, כִּי בְתֹם לְבָבְךָ רָכַשְׁתָּ אֶת-הַגִּזָּה; אֲבָל מַדּוּעַ גָּנַבְתָּ²¹³ אֶת-לֵב מַלְכֵּנוּ וַתְּנַהֵג אֶת-בִּתּוֹ כִּשְׁבוּיַת חָרֶב? וְעַתָּה אִם יֵשׁ אֶת-נַפְשְׁךָ לַחֲדֹל מֵרִיב וְהֵבֵאתָ אֶת-בַּת-הַמֶּלֶךְ אֶל-מִקְדַּשׁ אַרְטְמִידָה, אֲשֶׁר עַל-אַחַד הָאִיִּים, וַאֲנַחְנוּ נַגִּישׁ מִשְׁפָּטֵנוּ לְמֶלֶךְ הָאָרֶץ הַשְּׁכֵנָה, כִּי אִישׁ צַדִּיק הוּא וְלֹא יִשָּׂא פָנִים; וְיָשְׁבָה מֵדֵאָה בְמִקְדַּשׁ אַרְטְמִידָה, עַד-הוֹצִיא הַמֶּלֶךְ אֶת-מִשְׁפָּטָהּ, הֲתָשׁוּב אֶל-בֵּית-אָבִיהָ אִם תֵּלֵךְ אַחֲרֶיךָ אֶל-אֶרֶץ מוֹלַדְתֶּךָ.

וַיִּיטַב הַדָּבָר בְּעֵינֵי-יָזוֹן וְרֵעָיו. וַיֵּצֶר לְמֵדֵאָה מְאֹד וַתִּתְעַצֵּב אֶל-לִבָּהּ. וַתַּט אֶת-יָזוֹן הַצִּדָּה, לְבַל-יִשְׁמַע אִישׁ אֶת-דְּבָרֶיהָ וַתֵּבְךְ וַתֹּאמַר:

יָזוֹן הַגִּבּוֹר! הָאֻמְנָם יֵשׁ אֶת-נַפְשְׁךָ לְהַגִּישׁ אֶת מִשְׁפָּטִי אֶל-מֶלֶךְ-הָאָרֶץ הַשְּׁכֵנָה! הָאֻמְנָם שָׁכַחְתָּ אֶת-שְׁבוּעָתְךָ, אֲשֶׁר נִשְׁבַּעְתָּ לִי בַּצַּר לְךָ? הֲלֹא בִקְסָמַי רָכַשְׁתִּי לְךָ אֶת-גִּזַּת-הַזָּהָב וּלְמַעַנְךָ עָזַבְתִּי אֶת-בֵּית-אָבִי וְאֶת-אֶרֶץ מוֹלַדְתִּי וְהִנְּנִי תוֹעָה בְּלֶב-יָם — וְאַתָּה אוֹמֵר לְהַסְגִּירֵנִי בִידֵי-אָבִי! הֵן הָמֵת יְמִיתֵנִי אָבִי עַל-הַבֶּגֶד, אֲשֶׁר בָּגַדְתִּי בוֹ! וְאֵיךְ תָּשׁוּב אֶל-בֵּיתְךָ, בְּדַעְתְּךָ אֶת-הַשּׁוֹאָה, אֲשֶׁר הֵבֵאתָ עָלַי בְּעָרְמָתֶךָ? וְהֵרָה²¹⁴ מְגִנָּתְךָ הֲתִשְׂבַּע רָצוֹן, כִּי עֲזַבְתַּנִי לְנַפְשִׁי בְעֵת צָרָה? וְדַע לְךָ. כִּי לֹא יְכֻפָּר לְךָ הֶעָוֹן הַזֶּה עַד-עוֹלָם: גִּזַּת-הַזָהָב תַּחֲלֹף כַּחֲלוֹם לַיְלָה וּבָלַע אוֹתָהּ הָדֵס²¹⁵ וְרוּחוֹת הַנְּקָמָה תַּדְרֵכְנָה אוֹתְךָ מְנוּחָה עַד-רִדְתְּךָ שְׁאוֹלָה.

כֵּן דִּבְּרָה מֵדֵאָה בְּקֶצֶף צִדְקָהּ וַתֹּאמֶר לְהַבְעִיר אֵשׁ בָּאֳנִיָּה וּלְהִתְנַפֵּל אֶל-תּוֹךְ הַלֶּהָבָה.

וַיִּכָּלֵם יָזוֹן וַיְיַסְרוּהוּ כִלְיוֹתָיו עַל-הָרָעָה, אֲשֶׁר אָמַר לַעֲשׂוֹת לָהּ, וַיַּעַן וַיֹּאמַר:

אַל-תִּירְאִי, אֲהוּבַת נַפְשִׁי, כִּי לֹא אֶתְּנֵךְ בְּיַד אָבִיךְ וְרַק לְמַעַן הַרְוִיחִי זְמָן וּלְהִמָּנַע מִמִּלְחָמָה בָּאתִי בִּדְבָרִים עִם הַקּוֹלְחִים, כִּי רַבִּים הֵם וַעֲצוּמִים מְאֹד וְיוֹשְׁבֵי-הָאִיִּים אַנְשֵׁי בְרִיתָם; וְהָיָה אִם נֵצֵא עַתָּה לַמִּלְחָמָה עֲלֵיהֶם וְהִכּוּנוּ וְאַתְּ תֵּלְכִי שְׁבִי לִפְנֵי-צָר. וְלָכֵן אָמַרְתִּי; נְדַבְּרָה-נָא בְּפִינוּ שָׁלוֹם אֲלֵיהֶם וּבְקִרְבֵּנוּ נָשִׂים אָרְבֵּנוּ ²¹⁶. וְהָיָה כַאֲשֶׁר יִפְּלוּ בַפַּח, אֲשֶׁר נִטְמֹן לְרַגְלֵיהֶם, וִיָרִאוּ אַנְשֵׁי-הָאָרֶץ מִפָּנֵינוּ וְלֹא יָבֹאוּ אֲלֵיהֶם לְעֶזְרָה.

וַתִּשְׁמַע מֵדֵאָה אֶת-דִּבְרֵי יָזוֹן וַתַּעַן וַתֹּאמַר:

הִנֵּה חָטָאתִי לְאָבִי חֲטָאָה גְדוֹלָה וְעַתָּה אוֹסִיף חֵטְא עַל-פִּשְׁעִי, כִּי אֶעֱשֶׂה בִּלְהָטַי וְהַעֲבַרְתִּי רוּחַ עַל-אָחִי וּבָא וְהִסְגִּיר אֶת-נַפְשׁוֹ בְיָדֶיךָ. וְעַתָּה שְׁלַח-נָא מַלְאָכִים וּמִנְחָה בִידֵיהֶם אֶל-אָחִי לֵאמֹר: לָמָּה נִלָּחֲמָה? בֹּאָה אֵלַי וְנִכְרְתָה בְרִית שָׁלוֹם וְכָל-אֲשֶׁר תֹּאמַר אֵלַי אֶעֱשֶׂה. וַאֲנִי אֲדַבֵּר עַל-לֵב אֲנָשָׁיו וּפִתּוּ אוֹתוֹ לְהִוָּעֵד אִתְּךָ בְּמִקְדַּשׁ אַרְטְמִידָה וְשָׁם תַּעֲשֶׂה לוֹ, כַּאֲשֶׁר תִּמְצָא יָדֶךָ.

וַיַּעַשׂ יָזוֹן כֵּן וַיִּשְׁלַח מַלְאָכִים אֶל-אַבְסֶרֶת וּבֶגֶד אַרְגָּמָן בִּידֵיהֶם לְכַפֵּר פָּנָיו. וְהַבֶּגֶד מַעֲשֵׂי-יְדֵי-אֵלוֹת הָאִיִּים, אֲשֶׁר אָרְגוּ לִדְיוֹנִיס. וַתִּרְקוֹמְנָה בוֹ הָאֵלוֹת רֵיחוֹת נִפְלָאִים. וְהָיָה כַאֲשֶׁר יָרִיחַ דְּיוֹנִיס אֶת-הָרֵיחוֹת הָעֲדִינִים הָאֵלֶּה וְנָפְלָה עָלָיו תַּרְדֵּמָה וְיָשֵׁן. אֶת-הַבֶּגֶד הַזֶה שָׁלַח יָזוֹן מִנְחָה לְאַבְסֶרֶת אֲחִי-מֵדֵאָה.

וַיָּשֶׂם יָזוֹן בְּפִי-הַמַּלְאָכִים דִּבְרֵי שָׁלוֹם אֶל-אַבְסֶרֶת.

וַיַּאֲמֵן אַבְסֶרֶת וַיָּבֹא עִם אֲנָשָׁיו אֶל-מַחֲנֶה הַיְוָנִים. וַתֵּצֵא מֵדֵאָה לִקְרַאת הַקּוֹלְחִים וַתְּדַבֵּר בְּאָזְנֵיהֶם לֵאמֹר: דַּבְּרוּ בְאָזְנֵי-אָחִי לֵאמֹר: כֹּה אָמְרָה מֵדֵאָה: לַשָּׁוְא תָּשִׂים אָשָׁם נַפְשִׁי, כִּי לֹא חָטָאתִי לְאָבִינוּ, רַק בְּנֵי-פְרִיקְסְ הִכְבִּידוּ אֶת-יָדָם עָלַי לָתֵת אֶת-הַגִּזָּה לִנְגִיד-הַיְוָנִים. וְעַתָּה לֵךְ נָא אֶל-בֵּית-מִקְדַּשׁ אַרְטְמִידָה וְאִיעָצְךָ, אֵיךְ לְהוֹצִיא אֶת-הַשּׁלָל מִיַּד-בְּנֵי-הַנֵּכָר וְלַהֲשִׁיבוֹ לְאָבִינוּ.

וַיַּאֲמִינוּ הַקּוֹלְחִים לִדְבָרֶיהָ וַיַּאֲמֵן גַּם אַבְסֶרֶת וַיֵּלֶךְ אֶל-מְקוֹם הַמּוּעָדָה.

וַתִּפֹּל מֵדֵאָה עַל-צַוָּארוֹ וַתְּחַבְּקֵהוּ, וַתְּנַשְּׁקֵהוּ וַתְּדַבֵּר אֵלָיו מַחְמָאוֹת²¹⁷. וְהוּא לֹא יָדַע, כִּי פַח טָמוּן לְרַגְלָיו.

עוֹדָם מְדַבְּרִים וְיָזוֹן קָפַץ מִמַּאֲרָבוֹ וַיִתְנַפֵּל עַל-אַבְסֶרֶת בְּחֶרֶב שְׁלוּפָה. וַתַּסֵּב מֵדֵאָה אֶת-פָּנֶיהָ, לְבַל-תִּרְאֶה בְרֶצַח אָחִיהָ. וַיִּפֹּל אַבְסֶרֶת חָלָל וַיֵּז דָּמוֹ עַל-בִּגְדֵי-מֵדֵאָה וְעַל-צְעִיפָהּ. וַתֵּרֶא אֵלַת-הַנָּקָם אֶת-מַעֲשֵׂה הַשַּׁעֲרוּרִיָּה וַתִּשָּׁבַע לֵאמֹר: חֵי-זוּז, אִם לֹא אֶת-גְּמוּלָם עַל-רֹאשָׁם אָשִׁיב.

וַיְמַהֵר יָזוֹן וַיִּרְחַץ אֶת-יָדָיו וַיְכַבֵּס אֶת-בְּגָדָיו לְהָסִיר מֵעֲלֵיהֶם אֶת-כִּתְמֵי-הַדָּם. וּמֵדֵאָה הִבְעִירָה לַפִּיד וַתִּתֵּן אוֹת לַשַּׁיָּטִים, כַּאֲשֶׁר נִדְבְּרוּ בֵינֵיהֶם. וַיִּשְׂתָּעֲרוּ הַשַּׁיָּטִים עַל-אַנְשֵׁי-אַבְסֶרֶת וַיַּהַרְגוּם וְלֹא הִשְׁאִירוּ מֵהֵם אַף אֶחָד.

יח. הָאַרְגָּתִיים בַּדֶּרֶךְ אֶל-אֶרֶץ מוֹלַדְתָּם.    🔗

וַיְהִי אַחֲרֵי הַדְּבָרִים הָאֵלֶּה וַיִּיעַץ פֶּלֶא אֶת-הַגִּבּוֹרִים לָצֵאת מִבֵּין-הָאִיִּים וּלְמַהֵר וְלָשׁוּט אֶל-מֶרְחֲבֵי-יָם, בְּטֶרֶם יִתְעַשְּׁתוּ הַקּוֹלְחִים הַנִּשְׁאָרִים וְהִתְנַפְּלוּ עֲלֵיהֶם לִגְאֹל אֶת-דְּמֵי אֲחֵיהֶם. וַיַּעֲשׂוּ הַשַּׁיָּטִים כֵּן. וַיִּפְרְשׂוּ אֶת-הַמִּפְרָשִׂים וַיֹּאחֲזוּ בַּמִּשּׁוֹטִים וַיַּחְתְּרוּ בְּכָל-מַאֲמַצֵּי כֹחָם וַיִּתְרַחֲקוּ מִן הָאִיִּים מֶרְחָק רָב. וַיִּוָּדַע הַדָּבָר לַקּוֹלְחִים, כִּי הָרַג יָזוֹן אֶת-נְגִידָם בְּעָרְמָה, וַיָּקוּמוּ וַיִּרְדְּפוּ אַחֲרֵי-גִבּוֹרֵי יָוָן. וַתַּבְרֵק עֲלֵיהֶם הֵרָה בְרָקִים נוֹרָאִים וַתְּסַמֵּא²¹⁸ אֶת-עֵינֵיהֶם. וַיִּרְאוּ הַקּוֹלְחִים כִּי כֵן וַיַּחְדְּלוּ מֵרְדֹף אַחֲרֵי יָזוֹן וְרֵעָיו וַיֵּאָחֲזוּ עַל-בְּאִי-יאַנָּה וַיֵּשְׁבוּ שָׁם; וְלֹא שָׁבוּ קוֹלְחִידָה, כִּי מִצְוַת הַמֶּלֶךְ עֲלֵיהֶם חֲזָקָה: אַל-תָּשׁוּבוּ הֵנָּה, בִּלְתִּי אִם מֵדֵאָה אִתְּכֶם.

וַיְמַהֲרוּ הָאַרְגָּתִים וַיָּשׁוּטוּ וַיַּעַבְרוּ עַל-פְּנֵי-אֲרָצוֹת רַבּוֹת וְאִיִּים רַבִּים. וַיְדַמּוּ לִרְאוֹת²¹⁹ בְּמֶרְחַק הַתְּכֵלֶת אֶת-פִּסְגוֹת-הָרֵי-אֶרֶץ מוֹלַדְתָּם. וַתִּתְחוֹלֵל פִּתְאֹם רוּחַ-סְעָרָה וַתִּשָּׂא אֶת-הָאֳנִיָּה אֶל-חֹף אִי-אֶלֶּקְטְרִיס הַשּׁוֹמֵם; וְאֶת-רוּחַ הַסְּעָרָה הַזֹּאת חוֹלְלָה הֵרָה בְדַאֲגָתָהּ לְיָזוֹן וּלְרֵעָיו, כִּי רָאֲתָה, כִּי כָלְתָה עֲלֵיהֶם הָרָעָה מֵאֵת זוּז, עַל-אֲשֶׁר הָרְגוּ אֶת-אַבְסֶרֶת וַיָּשִׂימוּ דְמֵי מִלְחָמָה בְשָׁלוֹם²²⁰.

וְעַל-הָאֳנִיָּה הָיְתָה מְהוּמָה וּמְבוּכָה, כִּי פָתַח הַקֶּרֶשׁ הַמְּנַבֵּא, אֲשֶׁר קָבְעָה בָאֳנִיָּה אַתּוּנָה בְעֶצֶם יָדָהּ, אֶת-פִּיו וַיְדַבֵּר לֵאמֹר:

לֹא תִמָּלְטוּ מֵחֲמַת-זוּז הַנּוֹרָאָה וְלֹא תֶחְדְּלוּ מִתְּעוֹת בְּמֶרְחַב-הַיָּם עַד-אֲשֶׁר תִּרְחַץ אֵלַת-הַמְּכַשֵּׁפוֹת אֶת-דְּמֵי-אַבְסֶרֶת מִבְּשַׂרְכֶם. וְעַתָּה אֵם יֵשׁ אֶת-נַפְשְׁכֶם לָשׁוּב אֶל-אַרְצְכֶם, יָקוּמוּ-נָא קַסְטוֹר וּפוֹלוֹקְסְ אֲהוּבֵי-הָאֵלִים וְהִתְפַּלְּלוּ אֶל-שׁוֹכְנֵי-אוֹלִימְפְּ, כִּי יִבְקְעוּ לָכֶם דֶּרֶך בַּיָּם וֶהֱבִיאוּכֶם אֶל-אִי-מוֹשַׁב-קִרְקָה.

וַיְהִי כִשְׁמעַ הַגִּבּוֹרִים אֶת-דִּבְרֵי-הַקֶּרֶשׁ הַמְּנַבֵּא וַיִּבָּהֲלוּ וְלֹא קָמָה בָהֶם עוֹד רוּחַ. וַיֶּחְוְרוּ כָל-פָּנִים וַיִּדְפֹּק כָּל-לֵב בְּחָזְקָה. רַק שְׁנֵי הַתְּאוֹמִים קַסְטוֹר וּפוֹלוּקְסְ לֹא חַתּוּ וְלֹא זָעוּ וַיָּקוּמוּ מִמְּקוֹמָם וַיִּתְחַנְּנוּ לִפְנֵי-אֵלֵי-אַלְמָוֶת, כִּי יָחִישׁוּ לָהֶם עֶזְרָה וּפְדוּת.

וַתּוֹסֶף הָאֳנִיָּה וַתָּשָׁט וַתָּבֹא אֶל-מִפְרַץ-נְהַר-אֵרִידוֹן²²¹, אֶל-הַמָּקוֹם, אֲשֶׁר נָפַל שָׁם פָיֵטוֹן הַבּוֹעֵר מִמֶּרְכֶּבֶת הֵלִי; וּמִן הַיּוֹם הַהוּא וְהָלְאָה יֶחְמְרוּ²²² שָׁם הַמַּיִם תָּמִיד וְהִכּוּ גַּלִּים וְהֶעֱמִידוּ נַחְשׁוֹלִים. וְהִתְאַבְּכוּ שָׁם תָּמִיד עַמּוּדֵי עָשָׁן וּמַשְּׂאַת אֵשׁ תַּעֲלֶה עַד-עָבֵי-רָקִיעַ. וָאֳנִיָּה לֹא תַעֲבֹר בַּמָּקוֹם הַהוּא, כִי תֹאחַז בָּהּ הָאֵשׁ וּשְׂרָפַתָּהּ.

וְעַל-הַחֹף תִּצְמַחְנָה צַפְצָפוֹת²²³ כִּפְּחוֹת²²⁴ וּגְבֹהוֹת-קוֹמָה וְנֶאֶנְחוּ בְּלִי חָשָׂךְ, — הֲלֹא הֵן הַהֵלִיאָדוֹת, אַחְיוֹת פָיֵטוֹן, אֲשֶׁר נֶהְפְּכוּ מִיָגוֹן עַל-מוֹת אֲחִיהֶן לְעֵצִים; וְהַצַּפְצָפוֹת תַּעֲמֹדְנָה וְתִשְׁפֹּכְנָה דִמְעוֹת קִטְרוֹן²²⁵; וְיִבְּשָׁה הַשֶּׁמֶשׁ אֶת-הַדְּמָעוֹת וְגַלֵּי-הַיָּם יִסְחָפוּן לְמַעֲמַקֵּי-מֵי הַנָּהָר.

וַתְּהִי הַסַּכָּנָה גְדוֹלָה לָאֳנִיָּה וַיִּמַּס לֵב הַגִּבּוֹרִים וַיְהִי לְמָיִם. וְלֹא יָכְלוּ לֶאֱכֹל אֶת-מַאֲכָלָם וְלִשְׁתּוֹת אֶת-מַשְׁקֵיהֶם וְגַם שֵׁנָה לֹא נָתְנוּ לְעֵינֵיהֶם, כִּי יוֹמָם הִדְרִיכָתַם מְנוּחָה הַצַּחֲנָה, אֲשֶׁר עָלָה מִגְּוִיַּת פָיֵטוֹן הַבּוֹעֶרֶת, אֲשֶׁר עַל-קַרְקַע הַנָּהָר, וּבַלַּיְלָה שִׁבְּרוּ אֶת-חֲצִי-גוּפָם אַנְחוֹת הַהֵלִיאָדוֹת וְדִמְעוֹתָן, דִּמְעוֹת הַקִּטְרוֹן, אֲשֶׁר צָלְלוּ כְּאֶבֶן בְּמֵי אֵרִידוֹן הָאַדִּירִים.

וַתֵּרֶא הֵרָה בְעָנְיָם וַתַּעַט אֶת-הָאֳנִיָּה מַעֲטֵה עֲרָפֶל וַתְּשִׁיטֶנָּה יָמִים רַבִּים וַתְּבִיאֶנָּה אֶל-נֵמֶל הָאִי, אֲשֶׁר יָשְׁבָה עָלָיו הַמְּכַשֵׁפָה קִרְקָה.

וּבַלַּיְלָה הַזֶּה חָלְמָה קִרְקָה חֲלוֹם וּבַחֲלוֹמָהּ: וְהִנֵּה חֶדְרָהּ וְכָל-אַרְמוֹנָהּ מְלֵאִים דָּם וְאֵשׁ יָרְדָה מִשָּׁמַיִם וַתִּבְעַר בַּסַּמִּים וּבַמְשָׁחוֹת, אֲשֶׁר נָתְנוּ לָהּ שְׁלִיטָה עַל-בְּנֵי-הָאָדָם, וַתִּשְׂרְפֵם. וַתָּקָם וַתִּשְׁאַב בְּחָפְנֶיהָ מִן הַדָּם הַנּוֹזֵל וַתְּכַבֶּה אֶת-הָאֵשׁ.

וַיְהִי בַהֲקִיצָהּ מִשְׁנָתָהּ וַתִּזְכֹּר אֶת-הַחֲלוֹם וַתָּרָץ בְּחֶרְדַּת-לֵב אֶל-חֹף-הַיָּם לְכַבֵּס אֶת-בְּגָדֶיהָ וְלִרְחֹץ אֶת-בְּשָׂרָה וְאֶת-שְׂעַר-רֹאשָׁהּ בַמַּיִם, כְּמוֹ לוּ טָבְלָה בֶאֱמֶת בְּדָם.

וַיִשְּׂאוּ הַגִּבּוֹרִים אֶת-עֵינֵיהֶם וַיִּרְאוּ וְהִנֵּה קִרְקָה עוֹמֶדֶת עַל-הַחוֹל וְרוֹחֶצֶת אֶת-שְׂעַר רֹאשָׁהּ הָאָרֹךְ בְּמֵי-הַיָּם. וּמִימִין קִרְקָה וּמִשְּׂמֹאלָהּ בְּנֵי-שַׁחַץ, אֲשֶׁר לֹא רָאֲתָה עֵין אָדָם מִיָּמָיו; וַיֵּלְכוּ בְּנֵי-הַשַּׁחַץ אַחֲרֶיהָ כְּצֹאן אַחֲרֵי הָרוֹעֶה. וַיִּפֹּל פַּחַד גָּדוֹל עַל-הַגִּבּוֹרִים, כִּי הָיוּ פְנֵי-קִרְקָה כִפְנֵי-אַיִט וַיָּבִינוּ, כִּי אָחוֹת הִיא לוֹ.

וַיְהִי כְּכַלּוֹת קִרְקָה לִרְחוֹץ אֶת-בְּשָׂרָה וּלְכַבֵּס אֶת-בְּגָדֶיהָ בַמַּיִם וַתֹּאמֶר לָשׁוּב הַבָּיְתָה. וַתִּקְרָא לַחַיּוֹת בְּנוֹת-לִוְיָתָהּ וַתָּרֹצְנָה אֵלֶיהָ וַתְּכַשְׁכֵּשְׁנָה בְּזַנְבוֹתֵיהֶן וַתְּלֻקֶּנָה אֶת-יָדֶיהָ, כִּכְלָבִים הַמְּצַפִּים לְלִטּוּפֵי-אֲדוֹנָם.

וַיְצַו יָזוֹן עַל-אֲנָשָׁיו לְהִשָּׁאֵר בָּאֳנִיָּה. וְאֶל-מֵדֵאָה דִבֶּר לֵאמֹר: קוּמִי וְנֵלְכָה אֶל-קִרְקָה וְחִלִינוּ אֶת-פָּנֶיהָ, כִּי תִרְחַץ אֶת-בְּשָׂרֵנוּ מִדַּם אַבְסֶרֶת הַשָּׁפוּךְ.

וְלֹא אָבְתָה מֵדֵאָה לָלֶכֶת. וַיִּכְבַּד עָלֶיהָ דְבַר-יָזוֹן וַתֵּלֶךְ אַחֲרָיו. וַיָבֹאוּ אֶל-אַרְמוֹן קִרְקָה. וַתָּאֶר לָהֶם קִרְקָה פָנִים, כִּי לֹא יָדְעָה, מִי הֵם הָאֲנָשִׁים, אֲשֶׁר בָּאוּ אֶל-בֵּיתָהּ, וַתֹּאמֶר לָהֶם לָשֶׁבֶת. וְלֹא יָשְׁבוּ יָזוֹן וּמֵדֵאָה עַל-הַמְּקוֹמוֹת, אֲשֶׁר נָתְנָה לָהֶם קִרְקָה, וַיִּגְּשׁוּ אֶל-בֵּית-הַמּוֹקֵד²²⁶ וַיֵּשְׁבוּ שָׁם. וַתּוֹרֶד מֵדֵאָה אֶת-רֹאשָׁהּ וַתַּחֲזֶק-בּוֹ בִשְׁתֵּי-יָדֶיהָ וְיָזוֹן נָעַץ בָּאָרֶץ אֶת-חַרְבּוֹ, אֲשֶׁר הִכָּה בָהּ אֶת-אַבְסֶרֶת וַיָּשֶׂם אֶת-כַּף יְמִינוֹ עָלֶיהָ וְאֶת-רֹאשׁוֹ כָבַשׁ בַּקַּרְקַע.

וַתֵּרֶא קִרְקָה וַתָּבֶן, כִּי שָׁפְכוּ הָאֲנָשִׁים דָּם נָקִי וְכִי בָאוּ לְבַקֵּשׁ עֶזְרָה מִיָּדָהּ. וַתְּמַהֵר וַתִּתְפַּלֵּל לְזוּז הַמַּאֲמִין לִתְפִלַּת קוֹיָו וַתָּרָץ וַתִּקַּח כַּלְבָּה, אֲשֶׁר זֶה עַתָּה הִמְלִיטָה גוּרִים, וַתִּשְׁחָטֶנָּה וַתַּקְרִיבֶנָּה לְאֵל-הָאֵלִים הַסּוֹלֵחַ עֲוֹנוֹת. וְהַנַּיָּדוֹת, נַעֲרוֹת קִרְקָה וּמְשָׁרְתוֹתֶיהָ, נָשְׂאוּ אֶת-הַקָּרְבָּן מִבֵּיתָהּ אֶל-חֹף-הַיָּם. אַחַר נִגְּשָׁה קִרְקָה אֶל-בֵּית-הַמּוֹקֵד וַתֶּרֶב תְּפִלּוֹת וְהַשְׁבָּעוֹת וַתַּשְׁלֵךְ לְתוֹךְ הַלֶּהָבָה מִנְחַת לֶחֶם לְכַפֵּר אֶת-פְּנֵי-הַפוּרִיּוֹת וּלְהָשֵׁךְ אֶת-אַפָּן.

וַיְהִי כְּכַלּוֹתָהּ אֶת-מַעֲשֵׂה הַטֶּקֶס²²⁷ וַתִּתֵּן לָהֶם מוֹשָׁבוֹת כְּבוּדִים לָשֶׁבֶת וַתֵּשֶׁב גַּם הִיא עַל-יָדָן. וַתַּעַן קִרְקָה וַתֹּאמַר: מֵאַיִן אַתֶּם וְאָנָה תֵלֵכוּ וּמַה-הֱבִיאֲכֶם הֲלוֹם אֶל-אִי-מוֹשָׁבִי?

וַתָּרֶם מֵדֵאָה אֶת-רֹאשָׁהּ וַתִּתְבּוֹנֵן בִּפְנֵי-קִרְקָה. וַתֵּרֶא קִרְקָה אֶת-עֵינֵי-מֵדֵאָה הַמַּזְהִירוֹת²²⁸ וַתָּבֶן, כִּי קְרוֹבָה היא אֵלֶיהָ וְכִי מִמִּשְׁפַּחַת הֵלִי הִיא, וַתִּדְרשׁ מֵאֵת הָאוֹרְחִים כִּי יְדַבְּרוּ אֵלֶיהָ בִּשְׂפַת עַמָּם. וַתְּדַבֵּר אֵלֶיהָ מֵדֵאָה קוֹלְחִית וַתַּגֶּד-לָהּ אֶת-הַכֹּל, רַק אֶת-דְּבַר רֶצַח אַבְסֶרֶת הִכְחִידָה מִמֶּנָּה.

וְלֹא נֶעֱלַם הַדָּבָר מֵעֵינֵי-קִרְקָה, כִּי זָכְרָה אֶת-חֲלוֹמָהּ, אֲשֶׁר חָלְמָה וַאֲשֶׁר הֶחֱרִיד אֶת-שְׁנָתָה; וַיִּכָּמְרוּ רַחֲמֶיהָ עַל-מֵדֵאָה הָאֻמְלָלָה וַתַּעַן וַתֹּאמַר: הוֹי אֻמְלָלָה! חֵטְא גָּדוֹל חָטָאת, כִי גָנַבְתְּ אֶת-לֵב אָבִיךְ וַתָּנוּסִי מִבֵּיתוֹ. וַתִּמְעַט עוֹד זֹאת מִמֵּךְ וַתּוֹסִיפִי עַל-פִּשְׁעֵךְ וַתַּהַרְגִי אֶת-אָחִיךְ; וְעַתָּה דְמֵי אָחִיךְ צוֹעֲקִים מִן-הָאֲדָמָה. וְאוּלָם מִפָּנַי אַל-תִּירָאִי, כִּי עַל-כֵּן בָּאת בְּצֵל קוֹרָתִי לְבַקֵּשׁ מֵאִתִּי מָגֵן וּמַחֲסֶה. אֲבָל גַּם עָזֹר לֹא אֶעֱזֹר-לְָך, כִּי יָרַט²²⁹ דַּרְכֵּךְ לְנֶגְדִי.

וַיְהִי כִשְׁמֹעַ הַנַּעֲרָה אֶת-דִּבְרֵי קִרְקָה וַתְּכַס פָּנֶיהָ בַּצָּעִיף וַתֵּבְךְּ וַתֵּצֵא מִבֵּיתָהּ אֲבֵלָה וַחֲפוּיַת רֹאשׁ. וַתִּתְנוֹדֵד מֵדֵאָה בְלֶכְתָּהּ, וַיִּתְמֹךְ בָּהּ יָזוֹן בִּזְרֹעַ עֻזּוֹ.

וַתּבֹא הֵרָה לְעֶזְרַת בְּחִירֶיהָ וַתְּצַו לְאִירִיס²³⁰ וַתָּרָץ עַל-פְּנֵי-הַקֶּשֶׁת רַבַּת-הַצְּבָעִים וַתֵּרֶד אֶל-טֵטִיס אֵלַת הַיָּם וַתְּדַבֵּר אֵלֶיהָ לֵאמֹר: כֹּה אָמְרָה הֵרָה גְבִרְתִּי: הִנֵּה גִבּוֹרֵי יָוָן, אֲשֶׁר בָּאֳנִיַּת אַרְגָּה, שָׁבִים לְאֶרֶץ מוֹלַדְתָּם. וְעַתָּה שִׁמְרִי אֶת-הָאֳנִיָּה מִכָּל-מִשְׁמָר וּרְאִי, לְבַל-תֹּאבַד דֶּרֶךְ בְּעֶקְמוֹן²³¹ הַיָּם.

וַיְהִי אַךְ עָלוּ יָזוֹן וּמֵדֵאָה עַל-הָאֳנִיָּה וַתָּבֹאנָה רוּחוּת לְוָי. וַיִּשְׂמְחוּ הַגִּבּוֹרִים וַיַּעֲלוּ אֶת-הָעֹגֶן וַיִּפְרְשׂוּ אֶת-הַמִּפְרָשִׂים וַתָּשָׁט הָאֳנִיָּה עַל-פְּנֵי-הַיָּם הַחֲלָקִים.

וַיַּעַבְרוּ הַגִּבּוֹרִים עַל-פְּנֵי-אִי נֶחְמָד כְּגַן אֵלִים. וּפִתְאֹם הִגִּיעַ לְאָזְנָם קוֹל שִׁיר; וַיִּנְעַם הַשִּׁיר מְאֹד וְלֹא מָלְאָה אָזְנָם מִשְּׁמֹעַ. וַיִּשְׂאוּ הָאַרְגָּתִים אֶת-עֵינֵיהֶם לִרְאוֹת, מִי הוּא הַשָּׁר, וַיִּרְאוּ וְהִנֵּה בְתוּלוֹת יָם צָפוֹת עַל-יַד הַחֹף; וְהַבְּתוּלוֹת נֶחְמָדוֹת לְמַרְאֶה וּשְׂעָרָן הַכָּתֹם וְהָאָרֹךְ פָּרוּעַ וּמְנַפְנֵף וַיִדְמֶה לְמִפְרַשׂ-אֳנִיָּה, אֲשֶׁר יְנַפְנֵף אוֹתוֹ הָרוּחַ. וְקוֹל הַשִּׁיר הוֹלֵךְ הָלֹךְ וְחָזֹק, הָלֹךְ וְעָרֹב וּמוֹשֵׁךְ אֶת-הַלֵּב בְּקֶסֶם מָתְקוֹ. וַיִּשְׁלְחוּ הָאַרְגָּתִים אֶת-יָדָם לִזְרֹק אֶת-הַקְּלָעִים הֶעָבִים אֶל-הַחֹף הַפּוֹרֵחַ וְלַעֲלוֹת שָׁמָּה. וְאַרְפִי יָדַע, כִּי אַךְ יִקְרְבוּ הַגִּבּוֹרִים אֶל-הַחֹף וּמְשָׁכוּם בְּתוּלוֹת הַיָּם אֶל-הַמְּצוּלָה וְלֹא יִרְאוּ עוֹד אֶת-אוֹר-הַשֶּׁמֶשׁ.

וַיַּרְא אָרְפִי אֶת-הַסַּכָּנָה הַמְּרַחֶפֶת עַל-רֹאשָׁם וַיֹּאחַז בְּכִנּוֹרוֹ וַיַּךְ עַל-מֵתָרָיו וַיָּשַׁר שִׁירַת עֹז וַיַּחֲרֵשׁ בִּצְלִילֵי זִמְרָתוֹ אֶת-קוֹל הַמֵּימִיּוֹת הֶעָרֵב. וְגַם רוּחַ חָזָק, סוֹאֵן בָּרַעַשׁ שָׁלְחוּ הָאֵלִים וַיִּנְהַג אֶת-הָאֳנִיָּה וַיַּרְחִיקֶנָּה מֵחֻפֵּי-בְנוֹת-הַגַּלִּים הַקּוֹסְמוֹת.

וְאוּלָם בּוּטִיס בֶּן-טַלְיוֹן הַגִּבּוֹר לֹא עָמַד בִּפְנֵי-הַשִּׁירָה הַמַּקְסִימָה וַיִּקְפֹּץ מֵעַל-הָאֳנִיָּה וַיִּשְׂחֶה אֶל-הָאִי. וַיֵּעָרְמוּ עָלָיו גַּלֵּי-הַיָּם הַסּוֹעֲרִים וַיּוֹרִידוּהוּ מְצוּלָה. וַתַּחֲמֹל עָלָיו אַפְרוֹדִיטָה מוֹשֶׁלֶת הַר אֵרִיקְסְ, אֲשֶׁר בְּסִצִּילִיָּה, וַתִּשְׁלַח אֶת-יָדָהּ וַתּוֹצִיאֵהוּ וַתַּעֲלֵהוּ מִמְּצוּלַת יָם וַתְּשִׂימֵהוּ בְּתַחְתִּית הָהָר. וַיֵּאָחֵז בּוּטִיס בְּאִי סִצִילִיָּה וַיִּקַּח אִשָּׁה וַיּוֹלֶד בָּנִים וּבָנוֹת.

וְרֵעָיו חָשְׁבוּ, כִּי מֵת בּוּטִיס וַיִּסְפְּדוּ עָלָיו מִסְפֵּד גָּדוֹל.

וַיָּשׁוּטוּ הָאַרְגָּתִים הָלְאָה וַיַּגִּיעוּ עַד-רְצוּעַת הַיָּם, אֲשֶׁר מֵעֶבְרָהּ הָאֶחָד הִתְנַשְּׂאוּ צוּקֵי סְקִלָּה²³² הַנּוֹרָאִים וּמֵעֶבְרָהּ הַשֵׁנִי גָּלְשׁוּ²³³ עַרְבֹּלוֹת²³⁴ חָרִבְּדָה הָאֲיֻמּוֹת. וַיַּכּוּ הַמַּיִם גַּלִּים וַיַּעַמְדוּ נַחְשׁוֹלִים. וּבַגַּלִים הִתְהַפְּכוּ צוּרֵי-מָגוֹר, אֲשֶׁר חָצַב הֵפֵסְטְ בְפַטִּישׁוֹ הֶחָזָק וּמִמַּפַּחְתּוֹ עָלוּ תִּמְרוֹת עָשָׁן וַתִּכַסֶּינָה אֶת-עֵין-הַשָּׁמָיִם.

וַתָּבֹאנָה בְּנוֹת-נֵרִי לַעֲזֹר לָאַרְגָּתִים. וְטֵטִיס אָחֲזָה בְעֶצֶם יָדֶיהָ בַהֶגֶה. וּמִשְּׁנֵי-עֶבְרֵי-הָאֳנִיָּה שָׂחוּ הַנִּמְפוֹת לְשָׁמְרָהּ מִצּוּרֵי-מִכְשׁוֹל. וַיְהִי בִקְרֹב הָאֳנִיָּה אֶל-הַצּוּרִים וַתִּמְסֹרְנָה גְבִירוֹת הַמַּיִם אֶת-הָאֳנִיָּה מִיָּד לְיָד כְּכַדּוּר מִשְׂחָק וַתִּדְחַפְנָה אוֹתָהּ בְּכֹחַ פַּעַם לְעֵבֶר זֶה וּפַעַם לְעֵבֶר זֶה. וְהַגַּלִּים הַסּוֹעֲרִים יֵשׁ אֲשֶׁר יַעֲלוּ אֶת-הָאֳנִיָּה אֶל-כַּרְבָּלְתָּם הַמַּקְצִיפָה וְיֵשׁ אֲשֶׁר יוֹרִידוּ אוֹתָה אֶל-לוֹעַ הַתְּהוֹם הַפָּעוּר.

וְהֵפֵסְטְ יָשַׁב עַל-שֶׁן-סֶלַע מָצוֹק וּפַטִּישׁוֹ הָעֲנָקִי עַל-שִׁכְמוֹ וַיִּתְעַנֵּג עַל-הַמַּרְאֶה הַזֶּה. וּמִשְּׁמֵי-כוֹכָבִים הִשְׁקִיפָה הֵרָה. וַיִּתָּעֶה לִבָּהּ מִשְּׁאוֹן הַגַּלִּים, מִקּוֹל הַצּוּרִים הַמִּתְנַפְּצִים וְהַנַּחְשׁוֹלִים הַמִּתְנַשְּׂאִים עַד-שְׁמֵי-רָקִיעַ וַתֹּאחַז בְּיַד אַתּוּנָה הָאֱמוּנָה וַתִּשָּׁעֶן עָלֶיהָ.

וַיַּעַבְרוּ הַגִּבּוֹרִים אֶת-דֶּרֶךְ הַחַתְחַתִּים וַיָּשׁוּטוּ עַל-פְּנֵי-הַיָּם הַחֲלָקִים וַיָּבֹאוּ אֶל-אִי, אֲשֶׁר יָשְׁבוּ שָׁם הַפֵאָקִים. וְהַפֵאָקִים אוֹהֲבֵי-עֲבוֹדָה וּמַכְנִיסֵי-אוֹרְחִים וּמַלְכָּם אַלְקִינִי אִישׁ צַדִּיק וּמְכַבֵד אֶת-הָאֵלִים.

יט. הַרְדִיפָה הַחֲדָשָׁה.    🔗

וַיְקַבְּלוּ הַפֵאָקִים אֶת-הָאַרְגָּתִים בְּסֵבֶר פָּנִים יָפוֹת וַיַּאֲכִילוּם וַיַּשְׁקוּם וְגַם מָקוֹם לָלוּן נָתְנוּ לָהֶם. וַיַּחְפְּצוּ הָאַרְגָּתִים לָנוּחַ מְעַט עַל-הָאִי מֵעֲמָלָם הַקָּשֶׁה וּמֵהַתְּלָאוֹת, אֲשֶׁר מָצְאוּ אוֹתָם בַּדָּרֶךְ. וַיְהִי בְאָכְלָם וַיָּבֹא אֶל-הַמֶּלֶךְ מַלְאָךְ²³⁵ מֵאֵת-הַקּוֹלְחִים, אֲשֶׁר שָׁטוּ בְּדֶרֶךְ אַחֶרֶת וַיַּדְבִּיקוּ אֶת-הַגִּבּוֹרִים. וַיֹּאמֶר הַמַּלְאָךְ אֶל-אָלְקִינִי: הַקּוֹלְחִים שְׁלָחוּנִי אֵלֶיךָ לֵאמֹר: תְּנָה לָנוּ אֶת-מֵדֵאָה וְשַׁבְנוּ אֶל-אַרְצֵנוּ. וְאִם תַּקְשֶׁה עָרְפְּךָ וְלֹא תַחְפֹּץ לְתִתָּהּ וְיָדַעְתָּ, כִּי מוֹת תָּמוּת אַתָּה וְכָל-עַמְךָ כִּי חַיִל רַב לָנוּ. רְאֵה הַעִידוֹנוּ בָךְ.

וַיֹּאמְרוּ הַיְוָנִים לָצֵאת לִקְרָאתָם. וְלֹא נְתָנָם אָלְקִינִי לָלֶכֶת. וַתִּפֹּל מֵדֵאָה לְרַגְלֵי-אֶרֶת אִשְׁתּוֹ וַתִּתְחַנֵּן לֵאמֹר:

אָנָּא, גְבִרְתִּי, יִכָּמְרוּ-נָא רַחֲמַיִךְ עָלַי וְאַל-תִּתְּנִי לְהַסְגִּירֵנִי בִידֵי-אָבִי, כִּי הָמֵת יְמִיתֵנִי עַל-כָּרְתִי בְרִית עִם יָזוֹן בֶּן-הַנֵּכָר לִהְיוֹת לוֹ לְאִשָּׁה. וְאֵלֵי-הַנֵּצַח יִגְמְלוּךְ חֶסֶד עַל-חַסְדֵּךְ, אֲשֶׁר תַּעֲשִׂי עִמָּדִי.

וְגַם לִפְנֵי-הָאַרְגָּתִים הִתְחַנְּנָה מֵדֵאָה, כִּי לֹא יַעַזְבוּהָ בַּצַּר לָהּ. וַיִּשָּׁבְעוּ לָהּ הָאַרְגָּתִים לֵאמֹר: חֵי הָאֵלִים, אִם יִפֹּל מִשַּׂעֲרַת רֹאשֵׁךְ אָרְצָה, כִּי נָגֵן עָלַיִךְ, כָּל-עוֹד נַפְשֵׁנוּ בָנוּ.

וַיְהִי כַאֲשֶׁר בָּא הַלַּיְלָה וַיִּוָעֶץ הַמֶּלֶךְ עִם אִשְׁתּוֹ מַה-לַּעֲשׂוֹת בַּנַּעֲרָה הַקּוֹלְחִית.

וַתֹּאמֶר אֶרֶת לַמֶּלֶךְ: הִיא עָזְבָה אֶת-בֵּית-אָבִיהָ וְאֶת-אֶרֶץ מוֹלַדְתָּה וַתִּתֵּן אֶת-בְּרִיתָהּ²³⁶ לְיָזוֹן, כִּי נִקְשְׁרָה נַפְשָׁהּ בְּנַפְשׁוֹ; וְעַתָּה אַל-נָא תַפְרִיד בֵּינֵיהֶם וְאַל-תִּתְּנֶנָּה בִידֵי-אָבִיהָ, כִּי כָלְתָה אֵלֶיהָ הָרָעָה מֵעִמּוֹ.

וְאָלְקִינִי אִישׁ טוֹב וְצַדִּיק וַיַּט אֹזֶן קַשֶּׁבֶת לְדִבְרֵי-אִשְׁתּוֹ וַיֹּאמַר:

לֹא אוּכַל לַעֲשׂוֹת רָעָה לָאַרְגָּתִים, כִּי עַל-כֵּן בָּאוּ בְצֵל קוֹרָתִי. וְאוּלָם גַּם אֶת-פְּנֵי הַקּוֹלְחִים לֹא אַכְלִים, כִּי אוֹרְחִים הֵמָה בְאַרְצִי; גַּם יָרֵא אֲנִי אֶת-חֲמַת אַיִט, כִּי מֶלֶךְ גִּבּוֹר הוּא וְחֵילוֹ רַב וְעָצוּם. כִּי עַל-כֵּן אָמַרְתִּי: אִם נַעֲרָה בְתוּלָה²³⁷ הִיא, מֵדֵאָה וַהֲשִׁיבוֹנוּהָ לְאָבִיהָ, כִּי לוֹ הִיא; וְאִם אֵשֶׁת יָזוֹן הִיא, לֹא אֲשִׁיבֶנָּה וְהָיִיתִי לָהּ לְמָגֵן, כִּי פָקְעָה²³⁸ זְכוּת אָבִיהָ עָלֶיהָ.

וַתְּמַהֵר אֶרֶת וַתִּשְׁלַח מַלְאָךְ לְיָזוֹן לְהַגִּיד לוֹ אֶת-עֲצַת²³⁹-בַּעֲלָהּ, אֲשֶׁר יָעַץ עֲלֵיהֶם, וְתְּצַו לְיָזוֹן, לָקַחַת אֶת-מֵדֵאָה לְאִשָּׁה עוֹד בַּלַּיְלָה הַזֶּה.

וַיַּעַשׂ יָזוֹן כֵּן. וַיֵּלֶך הוּא וּמֵדֵאָה וְכָל-רֵעָיו עִמּוֹ אֶל-מִנְהָרָה²⁴⁰ קְדוֹשָׁה לָחֹג אֶת-חַג-חֲתוּנָתוֹ. וְאָרְפִי נִגֵּן עַל-כִּנּוֹרוֹ לִכְבוֹד הֶחָתָן וְהַכַּלָּה.

וַיְהִי כַאֲשֶׁר עָלָה הַשַּׁחַר וַיַּשְׁכִּימוּ הַפֵאָקִים וַיֵּחָלְצוּ וַיֵּעָרְכוּ לִגְדוּדִים וַיְמַלְּאוּ אֶת-רְחוֹבוֹת הָעִיר. וּבִקְצֵה-הָעִיר הִתְיַצְבוּ הַקּוֹלְחִים בַּמַּעֲרָכָה וַיִּתְכּוֹנְנוּ לִקְרָב. וַיֵּצֵא אָלְקִינִי מֵאַרְמוֹנוֹ וּבְיָדוֹ שַׁרְבִיט זָהָב וַיֵּלֶךְ אֶל-מַחֲנֵה-הָאַרְגָּתִים.

וַיֵּלְכוּ אַחֲרָיו שָׂרָיו וַעֲבָדָיו. וְגַם אֲנָשִׁים וְנָשִׁים הַרְבֵּה נָהֲרוּ אַחֲרָיו, כִּי שָׁמְעוּ אֶת-שֵׁמַע הָאַרְגָּתִים הַגִּבּוֹרִים וַיָּבֹאוּ לִרְאוֹתָם.

וּמִחוּץ לְחוֹמַת-הָעִיר כְּבָר נִגְמַר דְּבַר הַחֲתוּנָה וְתִמְרוֹת עֲשַׁן הַמְּדוּרוֹת עָלוּ הַשָּׁמָיְמָה.

וַיֵּצֵא אָלְקִינִי אֲלֵיהֶם וַיַּגֵּד לָהֶם אֶת-מִשְׁפָּטוֹ, אֲשֶׁר חָרָץ. וַיִּגַּשׁ יָזוֹן אֶל-הַמֶּלֶךְ וַיִּשְׁתַּחוּ וַיִּשָּׁבַע, כִּי מֵדֵאָה הִיא רַעֲיָתוֹ וְאֵשֶׁת בְּרִיתוֹ, וַיָּעַד עֵדִים אֶת-רֵעָיו הַגִּבּוֹרִים.

וַיְהִי כִשְׁמֹעַ הַמֶּלֶךְ אֶת-שְׁבוּעַת יָזוֹן וְאֶת-דִּבְרֵי-הָעֵדִים וַיָּנֶף עֲלֵיהֶם אֶת-שַׁרְבִיטוֹ לְאוֹת, כִּי יִהְיֶה לָהֶם לְמָגֵן. וְאֶל-הַקּוֹלְחִים אָמַר: אֵשֶׁת יָזוֹן הִיא מֵדֵאָה: פָּקְעָה זְכוּת אַיִט עָלֶיהָ.

וַיְיָרְאוּ הַקּוֹלְחִים עַל-אָלְקִינִי אֵימִים. וַיַּעַן אוֹתָם הַמֶּלֶךְ וַיֹּאמַר: אִם כְּאוֹרְחִים בָּאתֶם אֵלַי שְׁבוּ בְּבֵיתִי וַחֲסוּ בְצִלִּי, וְאִם לֹא וּמִהַרְתֶּם וַעֲזַבְתֶּם אֶת-אַרְצִי, פֶּן אַכְבִּיד אֶת-יָדִי עֲלֵיכֶם.

וְלֹא חָפְצוּ הַקּוֹלְחִים לְהִלָּחֵם עִם הַפֵאָקִים וְגַם לָשׁוּב אֶל-אַרְצָם לֹא יָכְלוּ, כִּי יָרְאוּ אֶת-חֲמַת-אַיִּט מַלְכָּם וַיֵּאָחֲזוּ בָּאִי וַיֵּשְׁבוּ שָׁם.

וַיְהִי בַיּוֹם הַשְּׁבִיעִי וַיַּעֲלוּ הָאַרְגָּתִים אֶת-הָעֹגֶן וַיִּפָּרְדוּ מֵעִם אָלְקִינִי. וַיַּעֲנֵק לָהֶם אָלְקִינִי מִכָּל-הַטּוֹב אֲשֶׁר לוֹ וַיְבָרְכֵם, כִּי יַצְלִיחוּ הָאֵלִים אֶת-דַּרְכָּם.

כ. הַמְּאֹרָעוֹת²⁴¹ הָאַחֲרוֹנִים אֲשֶׁר אֵרְעוּ²⁴² אֶת-הַגִּבּוֹרִים.    🔗

וַתָּשָׁט אַרְגָּה הַמְּפֹאָרָה עַל-פְּנֵי-חֻפֵּי-אִיִּים רַבִּים וַאֲרָצוֹת רַבּוֹת. וּמִתּוֹךְ עַרְפְּלֵי-הַתְּכֵלֶת נִרְאוּ לְעֵינֵי-הַגִּבּוֹרִים חֻפֵּי-אֶרֶץ מוֹלֶדֶת פֵּלֹפְּסְ. וַיָּבֹא פִתְאֹם מִצָּפוֹן רוּחַ שׁוֹאָה נוֹרָאָה וַיִּצְרֹר אֶת-הָאֳנִיָּה בִּכְנָפָיו הָעֲנָקִיּוֹת וַיְטַלְטְלֶנָּה טַלְטֵלָה, כִּקְלִפָּה קַלָּה, עַל-פְּנֵי-יַם-לוֹב. תִּשְׁעָה יָמִים נָשָׂא הָרוּחַ אֶת-הָאֳנִיָּה, עַד שֶׁהֱבִיאָהּ אֶל-חֻפֵּי-אַפְרִיקָה הַשּׁוֹמְמִים וְהַמְּכֻסִּים חוֹל.

וַתָּבֹא אַרְגָּה אֶל-הַמִּפְרָץ; וּמֵי-הַמִּפְרָץ שׁוֹקְטִים כְּאִלּוּ הָיוּ שְׁקוּעִים בְּשֵׁנָה עֲמֻקָּה, וּמְכֻסִּים סוּף וְחִלְפֵי²⁴³ יָם. וּמִסָּבִיב לְכָל מְלֹא עֵינֵיהֶם הִשְׂתָּרְעוּ רַק חוֹלוֹת, אֲשֶׁר נִכְמְרוּ²⁴⁴ כַתַּנוּר מֵחֹם הַשָּׁמֶשׁ. וְכָל חַיָּה וְכָל עוֹף לֹא יֵרָאוּ וְלֹא יִמָּצְאוּ בַּמָּקוֹם הַזֶּה. וַיִּדְחֲפוּ הַגַּלִּים אֶת-הָאֳנִיָּה אֶל-הַיַּבָּשָׁה וַיִּטְבַּע חַרְטֻמָּהּ²⁴⁵ וַיַּעֲמֵק בַּחוֹל. וַיֶּחֶרְדוּ הָאַרְגָּתִים חֲרָדָה גְדוֹלָה וַיְמַהֲרוּ וַיִּקְפְּצוּ מֵעַל-הָאֳנִיָּה עַל-הַחֹף הַפֶּרֶא וַיַּבִּיטוּ מִסָּבִיב, וְהִנֵּה מִדְבַּר שְׁמָמָה וְיַם חוֹל בְּלִי תַכְלִית.

וַיֵּצֶר לַגִּבּוֹרִים מְאֹד וַיִּקְרְאוּ: אוֹי לָנוּ, כִּי אָבָדְנוּ! הֲלֹא נְשָׂאַתְנוּ הָרוּחַ אֶל-אֶרֶץ שְׁמָמָה, אֲשֶׁר שְׁכֵחוּהָ הָאֵלִים — אֶרֶץ, אֲשֶׁר לֹא יִצְמַח בָּהּ עֵשֶׂב, לֹא יַעֲבֹר בָּהּ אִישׁ וְרוֹעֶה לֹא יַרְבִּיץ בָּהּ אֶת-עֶדְרוֹ! מִי יִתֵּן וּמַתְנוּ בֵין-צוּרֵי-הַמָּגוֹר הָשָּׁטִים אוֹ לוּ נֶאֱסַפְנוּ בַמִּלְחָמָה, כָּרָאוּי לְאַנְשֵׁי-חָיִל! וְלָמָּה הֱבִיאָנוּ זוּז הֵנָּה לָמוּת בָּרָעָב וּבַצָּמָא?

וַיַּעַן אָנְקֶה הַמְּהַגֶּה וַיֹּאמַר: אָמְנָם שְׁטָפַתְנוּ הַשִּׁבֹּלֶת²⁴⁶ אֶל-בֵּין-הַחוֹלוֹת, אֲבָל לַמֶּרְחָב לֹא תוֹצִיאֵנוּ מִן הַמֵּצַר! לֹא נִפְרֹשׂ עוֹד מִפְרָשִׂים, לֹא נַחְתֹּר עוֹד בַּמִּשׁוֹטִים וְאֶת-בֵּיתֵינוּ לֹא נִרְאֶה עוֹד לְעוֹלָם! אָבְדָה תִקְוָתֵנוּ וְלָמָּה לִי הַהֶגֶה? וַיּוֹצֵא אָנְקֶה אֶת-הַהֶגֶה מִיָּדוֹ וַיִּכְבּשׁ אֶת-פָּנָיו בַּקַּרְקַע וַיֵּבְךְּ מָרָה.

וְיֶתֶר הַשַּׁיָּטִים תָּעוּ עַל-הַחֹף אוֹבְדֵי-עֵצוֹת וַיִּהְיוּ כְאַנְשֵׁי-עִיר, אֲשֶׁר דָּבְקָה בָהֶם מַחֲלָה רָעָה, וַאֲשֶׁר רָפוּ יְדֵיהֶם בְּאֶפֶס תִּקְוָה; וְכַאֲשֶׁר בָּא הָעֶרֶב, חִבֵּק אִישׁ אֶת-יַד-אָחִיו בְּחָזְקָה וַיִּפָּרְדוּ אִישׁ מֵעַל-רֵעֵהוּ בְּאֵין אֹמֶר וְאֵין-דְּבָרִים. וְלֹא אָכְלוּ וְלֹא שָׁתוּ דָבָר וַיִּתְעַטְּפוּ בְּאַדְּרוֹתֵיהֶם וַיְחַכּוּ לַמָּוֶת, וְכָל הַלַּיְלָה נָדְדָה שְׁנָתָם מֵעֵינֵיהֶם. וּמֵרָחוֹק גָּנְחוּ²⁴⁷ נַעֲרוֹת-פֵאָקִיָּה, אֲשֶׁר שֵׁרְתוּ אֶת-מֵדֵאָה בִּפְקוּדַת אָלְקִינִי. וַתְּסֻבֶּינָה הַנְּעָרוֹת אֶת-גְּבִרְתָּן וַתְּקוֹנֵנָּה וַתִּדְמֶינָה לְבַרְבּוּרוֹת הַשָּׁרוֹת אֶת-שִׁירָתָן הָאַחֲרוֹנָה לִפְנֵי-מוֹתָן.

וַתִּרְאֶינָה שְׁלשׁ בְּנוֹת הָאֵלִים הַמּוֹשְׁלוֹת בְּלוֹב בְּצָרוֹת הַגִבּוֹרִים וַיִּכָּמְרוּ רַחֲמֵיהֶן עֲלֵיהֶן. וַתָּבֹאנָה לְבוּשׁוֹת עוֹר עִזִּים מִכַּף רַגְלָן וְעַד-צַוָּארָן וַתַּעֲמֹדְנָה לִפְנֵי-יָזוֹן וַתָּסֵרְנָה בִּתְנוּעַת יָדַיִם קַלָּה אֶת-הָאַדֶּרֶת, אֲשֶׁר הִתְעַטֵּף בָּהּ, מֵעַל רֹאשׁוֹ. וַיִּקְפֹּץ הַגִּבּוֹר וַיָּקָם וַיַּעֲמֹד עַל-רַגְלָיו. וַיְהִי כַאֲשֶׁר רָאָה אֶת-בְּנוֹת הָאֵלִים וַיַּשְׁפֵּל אֶת-רֹאשׁוֹ בְּעַנֲוַת-חֵן וַיּוֹרֶד אֶת-עֵינָיו. וַתַּעֲנֶינָה הָאֵלוֹת וַתֹּאמַרְנָה:

רָאֹה רָאִינוּ בְּעָנְיְכֶם וַנֵּרֶד לְהַצִּילְכֶם וּלְהַעֲלוֹתְכֶם מִן הָאָרֶץ הַזֹּאת אֶל-אֶרֶץ מוֹלַדְתְּכֶם. וְעַתָּה אַל-תֵּעָצְבוּ, כִּי יְשׁוּעַתְכֶם קְרוֹבָה. קוּמוּ מִמִּשְׁכַּבְכֶם וּרְאִיתֶם אֶת-אֲדוֹנַת-הַיָּם מְפַתַּחַת אֶת-עֶגְלַת פּוֹסִידוֹן. וּמִהַרְתֶּם וְהִקְרַבְתֶּם מִנְחָה לְאִמְּכֶם, אֲשֶׁר נְשָׂאַתְכֶם בְּחֵיקָהּ יָמִים רַבִּים כָּאֵלֶּה, וְאַחֲרֵי-כֵן תָּשׁוּבוּ אֶל-אֶרֶץ מוֹלַדְתְּכֶם.

וַתֵּעָלַמְנָה הָאֵלוֹת. וַיַּקְהֵל יָזוֹן אֶת-רֵעָיו וַיַּגֵּד לָהֶם אֶת-הַדְּבָרִים, אֲשֶׁר דִּבְּרוּ בְּאָזְנָיו הָאֵלוֹת. וַיִּשְׁתּוֹמְמוּ הַגִּבּוֹרִים, כִּי לֹא הֵבִינוּ אֶת-פֶּשֶׁר הַדְּבָרִים. וַיִּשְׁמְעוּ פִתְאֹם קוֹל שְׁאוֹן-גַּלִּים. וַיִּשְׂאוּ אֶת-עֵינֵיהֶם וַיִּרְאוּ, וְהִנֵּה סוּס גָּדוֹל וּמְגֻדָּל מְזַנֵּק מִתּוֹךְ הַיָּם עַל-הַחֹף. וְרַעֲמַת-זָהָב לַסּוּס הַמְּנַפְנֶפֶת מִשְּׁנֵי עֶבְרֵי-גַבּוֹ וְחַשְׁרַת²⁴⁸-קֶצֶף יוֹרֶדֶת מִצַּלְעוֹתָיו וּמֵחָזֵהוּ. וַיִּרְקַע הַסּוּס בְּרַגְלָיו וַיִּצְהָל.

וַיִּפְתַּח פֶּלֶא אֶת-פִּיו וַיַּעַן וַיֹּאמַר:

הִנֵּה בָאָה הַנְּבוּאָה וְנִהְיָתָה! הֲלֹא זֶה הוּא הַסּוּס אֲשֶׁר פִּתְּחָה אֵלַת-הַיָּם; וְהָאֵם, אֲשֶׁר נְשָׂאַתְנוּ בְחֵיקָהּ, הֲלֹא הִיא אַרְגָּה אֳנִיָּתֵנוּ. וְעַתָּה נְשִׂימָה נָא אֶת-אֳנִיָּתֵנוּ עַל-שִׁכְמֵנוּ וּנְשָׂאנוּהָ אֶל-הַמָּקוֹם, אֲשֶׁר יַרְאֵנוּ.

וַיַּעֲשׂוּ כֵן הָאַרְגָּתִים וַיִּשְּׂאוּ אֶת-הָאֳנִיָּה עַל-כִּתְפֵיהֶם וַיֵּלְכוּ אַחֲרֵי הַסּוּס בְּמִדְבַּר הַחוֹל שְׁנֵים-עָשָׂר יוֹם וּשְׁנֵים-עָשָׂר לַיְלָה, לֶחֶם לֹא אָכְלוּ וּמַיִם לֹא שָׁתוּ, כִּי שׁוֹכְנֵי-אוֹלִיְמְּפ הָיוּ עִמָּהֶם, וַיַּגִּיעוּ עַד לְשׁוֹן²⁴⁹ יָם.

וַיְהִי כִי בָאוּ אֶל-לְשׁוֹן הַיָּם וַיּוֹרִידוּ אֶת-הָאֳנִיָּה מֵעַל-שִׁכְמָם וַיֵּלְכוּ לְבַקֵּשׁ מַיִם²⁵⁰, כִּי צָמְאוּ מְאֹד. וַיִּפְגַע אָרְפִי מְנַגֵּן הָאֵלִים בַּהֶסְפְּרִידוֹת²⁵¹-נִימְפוֹת מֵיטִיבוֹת לָשִׁיר וַיִּתְחַנֵּן אֲלֵיהֶן אָרְפִי וַיֹּאמַר:

אָנָּא, נִימְפוֹת טוֹבוֹת לֵב! חֲמֹלְנָה עָלֵינוּ וֶאֱמֹרְנָה לָנוּ, אֵיפֹה נִמְצָא מַיִם לִשְׁתּוֹת, לְבַל נָמוּת בַּצָּמָא.

וַתַּחְמֹלְנָה הַהֶסְפְּרִידוֹת עַל-הַיְוָנִים הָאֻמְלָלִים וַתֹּאמַרְנָה:

אֵין זֹאת, כִּי הַשּׁוֹדֵד עַז הַנֶּפֶשׁ, אֲשֶׁר בָּא אֶתְמוֹל אֵלֵינוּ וַיַּהֲרֹג אֶת-הָרַהַב וַיִּגְזֹל מִיָּדֵינוּ אֶת-תַּפּוּחֵי-הַזָּהָב — אֵין זֹאת, כִּי בָא לַעֲזָרְכֶם, בְּנֵי נֵכָר! פֶּרֶא אָדָם הוּא וְאִישׁ קָשֶׁה! עֵינָיו גֶּחָלִים לִהֵטוּ; עוֹר הָאֲרִי, אֲשֶׁר עָלָיו, נִתְלָה מֵעַל-כְּתֵפָיו; וּבְיָדָיו אָחַז עֲנַף-עֵץ זַיִת וּבְנֵי רֶשֶׁף²⁵², אֲשֶׁר הָרַג בָּהֶם אֶת-הָרַהַב. וְהוּא בָא מִן הַמִּדְבָּר וַיִּצְמָא מְאֹד לְמַיִם, כִּי אֵין-מַעְיָן מִסָּבִיב. וַיַּךְ בַּעֲקֵבוֹ אֶת הַצּוּר וַיָּזוּבוּ מַיִם רַבִּים. וַיִּשְׁתַּטַּח הָאִישׁ הַנּוֹרָא עַל-הָאָרֶץ וַיֹּאחַז בִּשְׁתֵּי יָדָיו בַּצּוּר וַיְגַמַּע מַיִם רַבִּים אֶל-קִרְבּוֹ. וַיְהִי כַאֲשֶׁר שָׁתָה, לִרְוָיָה וַיִּשְׁכַּב וַיֵּרָדֵם וַיַּשְׁמַע קוֹל נַחֲרָה כְּקוֹל נַחֲרַת-שׁוֹר פָּר.

וַתּוֹלֵכְנָה הַהֶסְפְּרִידוֹת אֶת-הַגִּבּוֹרִים וַתַּרְאֶינָה אוֹתָם אֶת הַמַּעְיָן. וַיְמַהֲרוּ הַגִּבּוֹרִים וַיִּשְׁתּוּ מַיִם חַיִּים.

וַיְהִי כַאֲשֶׁר שָׁבְרוּ הָאַרְגָּתִים אֶת-צְמָאָם וַיֵּלְכוּ לְבַקֵּשׁ לָהֶם דֶּרֶךְ לָצֵאת מִן הַמִּפְרָץ אֶל-מֶרְחַב-הַיָּם. וַיָּבֹא רוּחַ נֶגֶד וַיִּשָּׂא אֶת-הָאֳנִיָּה אֶל-הַיַּבָּשָׁה וַיְטַלְטְלֶנָּה מִצַּד אֶל-צַד. וַתִּדְמֶה לְנָחָשׁ לֹא יֵדַע מְנוּחָה, אֲשֶׁר לֹא יוּכַל לָצֵאת מִמְּאוּרָתוֹ וַאֲשֶׁר יָרִים אֶת רֹאשׁוֹ וְלָחַשׁ וְהִבְרִיק בְּעֵינָיו וְלַשָּׁוְא יְבַקֵּשׁ מוֹצָא.

וַיִּיעָצֵם אָרְפִי הַמְּנַגֵּן הַנָּבִיא לָרֶדֶת מֵעַל-הָאֳנִיָּה הַיַּבָּשָׁה וּלְהַקְרִיב קָרְבָּנוֹת לְאֵלֵי הָאָרֶץ. וַיַּעֲשׂוּ הַגִּבּוֹרִים כֵּן וַיַּשְׁאִירוּ עַל-הַחֹף אֶת-הַגְּדוֹלָה בַּחֲצוּבוֹת²⁵³, אֲשֶׁר הָיוּ עַל הָאֳנִיָּה. וַיְהִי כַאֲשֶׁר מִהֲרוּ לָשׁוּב אֶל-הָאֳנִיָּה וַיִּפְגְּעוּ בִּטְרִיטוֹן אֵל-הַיָּם, אֲשֶׁר הִתְחַפֵּשׁ לְעֶלֶם יְפֵה עֵינַיִם.

וַיִּגְחַן טְרִיטוֹן מְלֹא חָפְנָיו אֲדָמָה וַיִּתְּנֶהָ לְאוֹפָם לְאוֹת אַהֲבָה וְרֵעוּת. וַיְקַבֵּל הַגִּבּוֹר אֶת-הַמִּנְחָה בְּתוֹדָה וַיַּסְתִּירֶנָּה עַל-לִבּוֹ. וַיַּעַן הָאֵל וַיֹּאמַר:

אָבִי שָׂמַנִי לְאָב וּלְמוֹשֵׁל הַיָּם הַזֶּה. וְעַתָּה הַבִּיטוּ נָא וּרְאוּ אֶת-הַגַּלִּים הַשְּׁחוֹרִים הַמַּכִּים מִמַּעֲמַקֵּי-מְצוּלָה. שָׁם תִּמְצְאוּ רְצוּעַת-דֶּרֶךְ צָרָה, אֲשֶׁר תּוֹצִיאֲכֶם מִן הַמִּפְרָץ אֶל-מֶרְחַב-יָם. פִּרְשׂוּ אֶת-הַמִּפְרָשִׂים וְשׁוּטוּ שָׁמָּה וַאֲנִי אֶשְׁלַח לָכֶם רוּחַ לְוָי לְלַוֹּתְכֶם. וּדְעוּ לָכֶם, כִּי קְרוֹבָה אֲלֵיכֶם אֶרֶץ פֵּלוֹפְּסְ.

וַיַּעֲלוּ הַגִּבּוֹרִים בְּשִׂמְחָה וּבְהָמוֹן חוֹגֵג עַל-הָאֳנִיָּה וּטְרִיטוֹן הֶעֱמִיס אֶת-הַחֲצוּבָה הַכְּבֵדָה עַל-שִׁכְמוֹ וַיֵּרֶד מְצוּלָה. וַתָּשָׁט אַרְגָּה חִישׁ אֶל-אֶרֶץ יָוָן. וַיַּעַבְרוּ יָמִים אֲחָדִים וַיָּסֹבּוּ אֶת-אִי-הַטְּרָשִׁים²⁵⁴ קַרְפַּט וַיֹּאמְרוּ לַעֲשׂוֹת דַּרְכָּם אֶל-אִי-כְּרֵתִים הַנֶּחְמָד. וְשׁוֹמֵר הָאִי הָיָה עֲנָק נוֹרָא וּשְׁמוֹ תָל, הוּא תָל, אֲשֶׁר נִשְׁאַר לִפְלֵטָה מִדּוֹר הַנְּחשֶׁת. וַיִּתֵּן אוֹתוֹ זוּז לְאוֹרֹפָּה אִשְׁתּוֹ לְעֶבֶד וַיְצַוֵּהוּ לְהַקִּיף שָׁלשׁ פְּעָמִים מִדֵּי יוֹם בְּיוֹמוֹ אֶת-הָאִי בְּרַגְלֵי-נְחָשְׁתּוֹ. וְהָעֲנָק הַנּוֹרָא הַזֶּה כֻּלּוֹ נְחשֶׁת מִלְבַד הָעֶצֶם, אֲשֶׁר בְּכַף רַגְלוֹ הַמְּכֻסָה בָּשָׂר וְגִיד מְפַכֶּה דָם. וְכָל-כְּלִי יוּצָר עָלָיו לֹא יִצְלַח, בִּלְתִּי אִם יִפְגַּע הָאִישׁ בְּכַף רַגְלוֹ בִּמְקוֹם-תָּרְפּוֹ²⁵⁵ וֶהֱמִיתוֹ, כִּי לֹא הָיָה תָל בֶּן-אַלְמָוֶת.

וַיְהִי כַאֲשֶׁר קָרְבָה הָאֳנִיָּה אֶל-הַחוֹף וַיִּרְאֶהָ הַעֲנָק הַנּוֹרָא, אֲשֶׁר עָמַד עַל-מִשְׁמָרוֹ עַל-כֵּיף-הַסְּלָעִים. וַיָּחֶל לַחֲצֹב בְּיָדָיו צוּרִים מֵהָרֵי-הַטְּרָשִׁים וּלְזָרְקָם בָּהּ. וַיֶּחֶרְדוּ הַגִּבּוֹרִים חֲרָדָה גְדוֹלָה וַיֹּאמְרוּ לַהֲפֹךְ אֶת-הָאֳנִיָּה מֵעֵבֶר הָאִי וְלַעֲשׂוֹת אֶת-דַּרְכָּם הָלְאָה. וְאוּלָם הָעָם צָמֵא מְאֹד לְמָיִם. וַתָּקָם מֵדֵאָה וַתַּעֲמֹד עַל-רַגְלֶיהָ וַתִּפְתַּח אֶת-פִּיהָ וַתֹּאמַר: הֵרָגְעוּ, גִּבּוֹרִים, וְשִׁמְעוּ לִדְבָרָי! אֲנִי אֶשְׁרֶה²⁵⁶ עִמּוֹ וְאוּכָל. וְאוּלָם שִׂימוּ לֵב, לְבַל יִפְגְּעוּ הַצּוּרִים בָּאֳנִיָּה.

וַתֹּאחַז בְּכִפְלֵי-שִׂמְלַת הָאַרְגָּמָן אֲשֶׁר לָהּ וַתִּשָּׁעֵן עַל-כֶּתֶף יָזוֹן וַתֵּלֶךְ אֶל-חֵלֶק-הָאֳנִיָּה הַקְּדוּמַנִּי. וַתַּעֲמֹד וַתֶּרֶב לְחָשִׁים וַתַּשְׁבַּע שְׁבוּעוֹת נִמְרָצוֹת אֶת-הַמּוֹרוֹת הַמְּהַלְּכוֹת דֶּבֶר²⁵⁷ וְאֶת-כַּלְבֵי-שְׁאוֹל קַלֵּי-הָרַגְלַיִם, אֲשֶׁר לֹא יִיעֲפוּ וְלֹא יִיגָעוּ וַאֲשֶׁר יָבִיאוּ רוּחַ אַרְסִי לְהַשְׁמִיד אֶת-כָּל-אֲשֶׁר רוּחַ חַיִּים בְּקִרְבּוֹ.

וַתַּעַשׂ מֵדֵאָה בִּלְהָטֶיהָ וַתַּפֵּל תַּרְדֵּמָה עַל-תָּל. וַתֵּאָחַזְנָה²⁵⁸ שְׁמוּרוֹת-עֵינָיו וַיָּנַע וַיִּפֹּל אֲחוֹרַנִּית וּבְנָפְלוֹ נִפְצְעָה כַף רַגְלוֹ בְצוּר חַד. וַיִּפָּקַע²⁵⁹ הַגִּיד וַיִּזַּל הַדָּם וַיָּזָב בְּחָזְקָה. וַיֵּעוֹר הָעֲנָק מֵרֹב מַכְאוֹבָיו וַיֹּאמֶר לָקוּם וְלֹא יָכֹל. וַיְפַרְפֵּר גּוּף הָעֲנָק אֶת-פִּרְפּוּרוֹ הָאַחֲרוֹן וַיִּתְגַּלְגֵּל וַיִּפֹּל בְּרַעַשׁ אֶל-מְצוּלַת-הַיָּם.

וַיֵּרְדוּ הָאַרְגָּתִים מֵעַל-הָאֳנִיָּה וַיַּעֲלוּ הַיַּבָּשָׁה וַיָּנוּחוּ שָׁם עַד-עֲלוֹת הַשָּׁחַר. וַיְהִי כַאֲשֶׁר הִרְחִיקוּ הַסַּפָּנִים מִן הָאִי וַיֵּעָלֵם מֵעֵינֵיהֶם וַיְהִי חשֶׁךְ אֲפֵלָה וַיָּמֶשׁ²⁶⁰ חשֶׁךְ; וַיֶּאֱסֹף הַיָּרֵחַ אֶת-נָגְהוֹ וְכוֹכָבִים לֹא יָהֵלּוּ²⁶¹ אוֹרָם. וַיִּדְמֶה²⁶² לַסַּפָּנִים כִּי נִבְקְעוּ מַעְיְנוֹת תְּהוֹם וַיֵּצְאוּ מִשָּׁם כָּל-אוֹצְרוֹת חשֶׁךְ וְכִי לֹא עַל-פְּנֵי-מֶרְחַב יָם הֵם שָׁטִים, כִּי אִם עַל-פְּנֵי-גַלֵּי-שְׁאוֹל הַסּוֹעֲרִים.

וַיִּפְרֹשׂ יָזוֹן אֶת-כַּפָּיו הַשָּׁמַיְמָה וַיִּקְרָא לְאַפּוֹלָה, כִּי יוֹצִיא אוֹתָם מִן הַמֵּצַר. וַיֵּעָתֶר לוֹ אַפּוֹלָה וַיֵּרֶד מֵהַר אוֹלִימְפְּ וַיִּקְפֹּץ עַל-צוּק-סֶלַע וַיִּשָּׂא בְּכַפָּיו אֶת-קַשְׁתּוֹ הַמָּזְהָבָה וַיִּיר חִצִּים לְכָל-עֵבֶר. וַיֵּצֵא אוֹר נִפְלָא וַיָּאֶר אֶת-הַחשֶׁךְ. וַיִּשְּׂאוּ הַגִּבּוֹרִים אֶת-עֵינֵיהֶם וַיִּרְאוּ אִי-קָטָן. וַיְמַהֲרוּ הַשַּׁיָּטִים וַיַּחְתְּרוּ בִּמְשׁוֹטֵיהֶם וַיָּשׁוּטוּ אֵלָיו. וַיַּעַגְנוּ שָׁם אֶת-הָאֳנִיָּה וַיְחַכּוּ, עַד אֲשֶׁר יַאֲדִים הַשַּׁחַר פְּנֵי-מִזְרָח.

וַיהִי כַאֲשֶׁר בָּא הַבֹּקֶר וְקַרְנֵי-הַשֶּׁמֶשׁ שִׂחֲקוּ בְגַלֵּי הַיָּם וַיִּזְכֹּר אוֹפָם אֶת-חֲלוֹמוֹ אֲשֶׁר חָלָם. וּבַחֲלוֹמוֹ וְהִנֵּה חֹפֶן הָאֲדָמָה, אֲשֶׁר נָתַן לוֹ טְרִיטוֹן, הֵחֵל לְפַרְכֵּס וּלְפַרְפֵּר²⁶³ עַל-לִבּוֹ. וַיִּצְנַח חֹפֶן הָאֲדָמָה עַל-הָאָרֶץ וַיֵּהָפֵךְ לְעַלְמָה יָפָה. וַתַּעַן הָעַלְמָה וַתֹּאמַר: בַּת-טְרִיטוֹן וְלוֹב הִנֵּנִי. תְּנֵנִי לִבְנוֹת נֵרִי²⁶⁴ וְיָשַׁבְתִּי בְחֵיק-הַיָּם עַל-יַד-חוֹפֵי אֲנָפָה. וְהָיָה בְאַחֲרִית הַיָּמִים וְיָצָאתִי לְאוֹר הָעוֹלָם וְהָיִיתִי לְנַחֲלָה לְזַרְעֶךָ.

וְאוֹפָם זָכַר אֶת-חֲלוֹמוֹ, כִּי שֵׁם הָאִי אֲשֶׁר צִפּוּ עָלָיו לְאוֹר הַבֹּקֶר, הָיָה אֲנָפָה.

וַיְהִי כִשְׁמֹעַ יָזוֹן אֶת-מִסְפַּר הַחֲלוֹם וַיִּיעָצֵהוּ לִזְרֹק אֶת-הָאֲדָמָה הַמַּיְמָה. וַיַּעַשׂ כֵּן אוֹפָם. וַיְהִי בְזָרְקוֹ אֶת-הָאֲדָמָה הַמַּיְמָה וַיַּעַל מִמַּעֲמַקֵּי-מְצוּלָה אִי נֶחְמָד וּפוֹרֶה. וַיִּקְרָא אוֹפָם לָאִי קָלִּיסְטָה לֵאמֹר: הַיָּפֶה בָאִיִּים. וַיְהִי כַאֲשֶׁר עָבְרוּ יָמִים רַבִּים וַיֵּאָחֵז אוֹפָם בָּאִי וַיֵּשֶׁב עָלָיו הוּא וְזַרְעוֹ עַד הַיּוֹם הַזֶּה.

וַיָּשׁוּטוּ הַגִּבּוֹרִים הָלְאָה וַיָּבֹאוּ שְׁלֵמִים עִירָה יָלְקוֹס. וַיְהִי כְבוֹאָם אֶל-רְצוּעַת-יָם קוֹרִינְטְ וַיַּקְרֵב יָזוֹן אֶת-אַרְגָּה מִנְחָה לְפוֹסִידוֹן שַׂר-הַיָּם. וַתֵּהָפֵךְ הָאֳנִיָּה מִקֵּץ יָמִים הַרְבֵּה לְאֵפֶר וַיִּצָּבֵר הָאֵפֶר וַיְהִי לְכוֹכָב מַזְהִיר בִּפְאַת-תֵּימָן.

כא. אַחֲרִית יָזוֹן.    🔗

וַיְהִי כַאֲשֶׁר עָלוּ הָאַרְגָּתִים עַל-הַחוֹף וַיָּרָץ אִישׁ וַיָּבֹא יָלְקֹסָה לְהַגִּיד בָּעִיר. וַתִּרְעַשׁ כָּל-הָעִיר. וַיִּשְׁמַע פְּלִיאָס אֶת-קוֹל הַשָּׁאוֹן וַיֹּאמַר: מַהּ-קּוֹל הֶהָמוֹן הַזֶּה. וַיַּעֲנוּ אוֹתוֹ עֲבָדָיו לֵאמֹר: שָׁב יָזוֹן הֵנָּה וּבְיָדוֹ גִּזַת-הַזָּהָב. וַיְהִי כְהַזְכִּירָם אֶת-יָזוֹן וַיִּפֹּל מֵעַל-הַכִּסֵּא אֲחוֹרַנִּית וַיָּמָת, כִּי זָקֵן הָאִישׁ וְכָבֵד.

אָז יֵחָלְקוּ הַיָּלְקוֹסִים לַחֵצִי: חֲצִי הָעָם הָיָה אַחֲרֵי יָזוֹן לְהַמְלִיכוֹ וְהַחֵצִי אַחֲרֵי אֲקַסְטְ בֶּן-פְּלִיאָס. וַיֶּחֱזַק הָעָם אֲשֶׁר אַחֲרֵי אֲקַסְטְ מִן הָעָם אֲשֶׁר אַחֲרֵי יָזוֹן. וַיִּבְרַח יָזוֹן הוּא וְאִשְׁתּוֹ וְכָל אוֹהֲבָיו וַיָּנוּסוּ קוֹרִינְטָה וַיֵּשְׁבוּ שָׁם בשלום עֶשֶׂר שָׁנִים. וַיְכַלְכֵּל קְרֵאוֹן מֶלֶךְ קוֹרִינְטְ אֶת-יָזוֹן וְאֶת-בֵּיתוֹ וַיִּתְעַנְּגוּ עַל-רָב-טוּב. וַתֵּלֶד מֵדֵאָה לְיָזוֹן תְּאוֹמִים: אֶת-טֵסָל וְאֶת-אַלְקִימֵן. וְאַחַר יָלְדָה לוֹ עוֹד בֵּן וַתִּקְרָא אֶת-שְׁמוֹ טִיסַנְדֵר. וַיֶּאֱהַב יָזוֹן אֶת-אִשְׁתּוֹ וַיְכַבְּדֶנָּה, כִּי הָיְתָה יִקְרַת-רוּחַ וְטוֹבַת-לֵב.

וַיְהִי כַאֲשֶׁר עָבְרוּ עֶשֶׂר הַשָּׁנִים וַתִּגַּעְנָה שִׁנֵּי-הַזְּמָן בִּפְנֵי מֵדֵאָה וַיָּסָר יָפְיָם מֵעֲלֵיהֶם. וַיַּרְא זֹאת יָזוֹן וַיִּמְאַס בָּהּ וַיַּעֲגֹב עַל-גְּלוֹקָה הַיְפֵה-פִיָּה בַּת קְרֵאוֹן וַיְדַבֵּר עַל-לִבָּהּ. וַתֵּאוֹת גְּלוֹקָה לִהְיוֹת לְיָזוֹן לְאִשָּׁה וְגַם בְּעֵינֵי-אָבִיהָ מָצָא חֵן. וַיִּקְבַּע קְרֵאוֹן אֶת-יוֹם הַחֲתוּנָה. וַיֵּלֶךְ יָזוֹן אֶל-מֵדֵאָה וַיִּתְחַנֵּן לָהּ, כִּי תֵלֵךְ מֵאִתּוֹ בִרְצוֹנָה הַטּוֹב. וַיִּשָּׁבַע לָהּ יָזוֹן שְׁבוּעֵי-שְׁבוּעוֹת, כִּי לֹא אֶת-טוֹבָתוֹ הוּא דוֹרֵשׁ בְּהִתְחַתְּנוֹ בִּקְרֵאוֹן, כִּי אִם אֶת-טוֹבַת-בָּנָיו.

וַיֶּעֱשַׁן אַף מֵדֵאָה וַתָּעַד אֶת-אֵלֵי אַלְמָוֶת בָּעָוֶל, אֲשֶׁר אָמַר יָזוֹן לַעֲשׂוֹת לָהּ, וַתְּיָרֵא עָלָיו אֵימִים. וַיִּכְבַּד לֵב יָזוֹן וַיֹּאמַר, כִּי לֹא יָשׁוּב מִמַּחֲשַׁבְתּוֹ וְיַעֲבֹר עָלָיו מָה. וַיַּעֲזֹב יָזוֹן אֶת-מֵדֵאָה וַתֵּשֶׁב בְּאַרְמוֹנוֹ אַלְמָנָה צְרוּרָה, סוּרָה וְגַלְמוּדָה.

וַתִּמְרֹט מֵדֵאָה אֶת-שְׂעָרָהּ וַתִּקְרָא בְּיֵאוּשָׁהּ לֵאמֹר: שָׁמַיִם, נִפְלוּ עָלַי! הַרְעֵם נָא, זוּז אַדִיר, בְּרַעַמְךָ וּפוֹצְצֵנִי, כִּי לָמָּה לִי חַיִּים, אַחֲרֵי הַחֶרְפָּה, אֲשֶׁר חֵרְפַנִי יָזוֹן? הֲלֹא לְמַעֲנוֹ בָגַדְתִּי בְאָבִי וּבְאֶרֶץ מוֹלַדְתִּי, לְמַעֲנוֹ שָׁפַכְתִּי אֶת-דְּמֵי-אָחִי —, וְעַתָּה שִׁלֵּם לִי כִּגְמוּלִי וְיַד-יָזוֹן הִיא הַיָּד הָעוֹנֶשֶׁת אוֹתִי.

וְעַתָּה, תְמִידָה, אֵלַת-הַמִּשְׁפָּט, הֲלֹא טְהוֹרַת-עֵינַיִם אַתְּ מֵרְאוֹת רָע וְהַבִּיט אֶל-עָמָל²⁶⁵ לֹא תוּכָלִי! לָמָּה תַבִּיטִי בוֹגְדִים! רְדִי-נָא מִמְּכוֹן אוֹלִימְפְּ וְשִׁפְכִי חֲמָתֵךְ עָלָיו וְעַל-גְּלוֹקָה בְחִירָתוֹ וְהַשְׁחִיתִים וְיָדְעוּ כָל-שׁוֹכְנֵי-עָפָר כִּי יֵשׁ אֵלָה שׁוֹפֶטֶת בָּאָרֶץ.

עוֹד הִיא מְדַבֶּרֶת עַל-לִבָּהּ וְהִנֵּה נִפְתְּחָה הַדֶּלֶת וּקְרֵאוֹן אֲבִי-גְלוֹקָה בָא. וַיִּפֶן קְרֵאוֹן אֶל-מֵדֵאָה וַיַּעַן וַיֹּאמַר: הוֹי אִשָּׁה רָעַת-עַיִן וּבַת נַעֲוַת הַמַּרְדּוּת²⁶⁶! מַהֲרִי וּקְחִי אֶת-בָּנַיִךְ וְעִזְבִי אֶת-אַרְצִי, כִּי לֹא אֶדְרֹךְ עַל-מִפְתַּן-בֵּיתִי בְּטֶרֶם אֲגָרְשֵׁךְ.

וַתִּכְבּשׁ מֵדֵאָה אֶת-כַּעֲסָהּ וַתַּעֲנֵהוּ בְנַחַת:

מַדוּעַ תִּירָא מִפָּנַי, קְרֵאוֹן? הַחֵטְא חָטָאתָ לְפָנַי, אִם מָצָא בַּעֲלִי חֵן בְּעֵינֶיךָ, וַתִּתֶּן אֶת-בִּתְּךָ בְּחֵיקוֹ? אָמְנָם שָׂנֹא אֶשְׂנָא אֶת-יָזוֹן, כִּי לֹא הֶחֱזִיק טוֹבָה לִי²⁶⁷. אֲבָל עָלֶיךָ אֵין לִי חֵמָה. וְעַתָּה יִשְׂמַח נָא יָזוֹן בְּבִתְּךָ אֲשֶׁר אָהֵב, וְאוֹתִי אַל תְּגָרֵשׁ מֵאַרְצְךָ, כִּי קְשַׁת-רוּחַ אָנֹכִי וּמַכְאוֹבִי אָנוּשׁ, — וְלָמָה תּוֹסִיפָה עוֹד מַכְאוֹב עַל-מַכְאוֹבִי.

וְלֹא הֶאֱמִין קְרֵאוֹן בִּדְבָרֶיהָ. וַתִּפֹּל מֵדֵאָה לְרַגְלָיו וַתַּשְׁבִּיעֵהוּ בְּחַיֵּי-גְלוֹקָה בִתּוֹ, כִּי יַחֲמֹל עָלֶיהָ וְלֹא יְגָרְשֶׁנָּה. וַיַּרְא קְרֵאוֹן אֶת-עֵינֵי-מֵדֵאָה הַבּוֹעֲרוֹת מִכַּעַס וַיֹּאמֶר לָהּ: לֹא, כִּי מֵאַרְצִי תֵּלְכִי וְאָנוּחָה מֵרָגְזִי.

וַיְהִי כִרְאוֹת מֵדֵאָה, כִּי כָבֵד לֵב הַמֶּלֶךְ, וַתִּתְחַנֵּן לוֹ, כִּי יִתְּנֶנָּה לָשֶׁבֶת בְּאַרְצוֹ עוֹד יוֹם אֶחָד, לְמַעַן תִּרְאֶה אֶת-הַדֶרֶךְ תֵּלֵךְ-בָּהּ וְאֶת-הָאָרֶץ, אֲשֶׁר תִּבְחַר, לְהָנִיחַ שָׁם אֶת-רֹאשָׁהּ הֶעָיֵף.

וַיַּחֲמֹל עָלֶיהָ קְרֵאוֹן וַיֹּאמַר אֵלֶיהָ:

לוּ יְהִי כִדְבָרַיִךְ, מֵדֵאָה; וְיָדֹעַ אֵדַע, כִּי אִנָּחֵם בְּאַחֲרִיתִי עַל-שָׁמְעִי לְקוֹל תַּחֲנוּנָיִךְ; וְאוּלָם לִבִּי לֹא יִתְּנֵנִי לְהָשִׁיב אֶת-פָּנַיִךְ רֵיקָם.

כָּכָה הִרְוִיחָה מֵדֵאָה אֶת-הַזְּמָן הַדָּרוּשׁ לְהוֹצִיא אֶת-מַחֲשַׁבְתָּהּ לִפְעוּלָה. וַתִּגְמֹר לָקַחַת מֵאֵת אִישָׁהּ וּמֵאֵת אֲהוּבָתוֹ נָקָם, אֲשֶׁר כָּל-שׁוֹמְעוֹ תְּצִלֶּינָה שְׁתֵּי אָזְנָיו.

וַתְּנַס מֵדֵאָה אֶת-הַנִּסָּיוֹן הָאַחֲרוֹן וַתִּתְחַנֵּן לְיָזוֹן לָשׁוּב מִמַּחְשַׁבְתּוֹ הָרָעָה, כִּי אָמְרָה בְּלִבָּה: מִי יוֹדֵעַ, אוּלַי יִתְגַּלְגְּלוּ²⁶⁸ רַחֲמָיו עָלַי לְמַרְאֵה עָנְיִי. וַתֹּאמֶר מֵדֵאָה לְיָזוֹן: הוֹי אִישִׁי וְאַלּוּף נְעוּרַי! הֵן בָּגַדְתָּ בִּי וַתִּמאָסֵנִי, כִּי נָתַתָּ עֵינֶיךָ בְּאַחֶרֶת! וְאוּלָם לַדָּבָר הַזֶּה סָלַחְתִּי לָךְ; אֲבָל אֵיךְ יִתֶּנְךָ לִבְּךָ לַעֲזֹב אֶת-שְׁלשֶׁת יְלָדֶיךָ, אֲשֶׁר יָלַדְתִּי לָךְ? הֲתַחֲשֹׁב, כִּי אֵין עַיִן רוֹאָה וְאֹזֶן שׁוֹמָעַת? הֶחָדְלוּ אֵלִים בְּאוֹלִימְפְּ? אִם אָפְסוּ²⁶⁹ שׁוֹפְטֵי-צֶדֶק?

וְעַתָּה אֱמָר-נָא לִי: אָנָה אֵלֵךְ מִזֶּה? הֲתֵדַע מְנוּחָה, בְּהַעֲלוֹתְךָ עַל-לִבְּךָ, כִּי אִשְׁתְּךָ הָרִאשׁוֹנָה וּשְׁלשֶׁת בָּנֶיךָ יַחְזְרוּ עַל-הַפְּתָחִים לְבַקֵּשׁ פַּת לָחֶם? אוֹ אוּלַי תֹּאמַר לַהֲשִׁיבֵנִי אֶל-אָבִי, אֲשֶׁר בָּגַדְתִּי בוֹ וַאֲשֶׁר הָרַגְתִּי אֶת-בְּנוֹ לְמַעֲנֶךָ?

אֲבָל אֹזֶן יָזוֹן עָרְלָה מִשְּׁמֹעַ אֶת-קוֹל תַּחֲנוּנֶיהָ וַיַּקְשַׁח אֶת-לִבּוֹ מִמֶּנָּהּ.

וַתִּקְצֹף עָלָיו מֵדֵאָה וַתֹּאמַר:

לֵךְ אֶל-אֲהוּבָתְךָ, אֲבָל דַּע לְךָ, כִּי תִנָּחֵם בְּאַחֲרִיתֶךָ.

וַתִּנָּחֵם מֵדֵאָה עַל-הַדְּבָרִים, אֲשֶׁר דִבְּרָה בְאָזְנֵי-יָזוֹן, כִּי אָמְרָה, פֶּן יִתְעַשֵּׁת²⁷⁰, בִּרְאוֹתוֹ אֶת-אַפָּהּ הָעַז, וְצִוָּה לִשְׁמֹר עָלֶיהָ וְלֹא תוּכַל לִנְקֹם בּוֹ אֶת-נִקְמָתָהּ. וַתִּשְׁלַח לִקְרֹא לוֹ וַתֹּאמֶר אֵלָיו:

סְלַח נָא, יָזוֹן, עַל-אֲשֶׁר הֶעֱצַבְתִּי אֶת-לִבְּךָ, כִּי מֵרֹב שִׂיחִי²⁷¹ וְכַעֲסִי דִבַּרְתִּי אֶת-דְּבָרָי. וְעַתָּה אַחֲרֵי דַבְּרִי נִחַמְתִּי וְרָאֹה אֶרְאֶה, כִּי כַוָּנָתְךָ לְטוֹבַת-בָּנֶיךָ. הֵן כְּגֵרִים בָּאנוּ הֵנָּה וְלֶחֶם חֶסֶד אֲנַחְנוּ אוֹכְלִים —, וּמַה יִהְיֶה בְסוֹפָם? וְאוּלָם בְּקַחְתְּךָ אֶת-גְּלוֹקָה לְאִשָּׁה וְהוּטַב מַצָּבָם, כִּי הֵן לֹא תָמִיד תַּסְתִּיר פָּנֶיךָ מֵהֶם. וְעַתָּה, יְלָדַי, גְּשׁוּ אֶל-אֲבִיכֶם וְחַבְּקוּהוּ וְשִׁכְחוּ אֶת-הֶעָוֶל, אֲשֶׁר עָשָׂה לִי, כַּאֲשֶׁר שָׁכַחְתִּי אָנִי.

וַיַּאֲמֵן יָזוֹן, כִּי הִשְׁלִימָה מֵדֵאָה אִתּוֹ, וַיִּשְׂמַח מְאֹד וַיַּבְטִיחֶנָּה, כִּי יִדְאַג לָהּ וּלְבָנֶיהָ. וַתֵּרֶא מֵדֵאָה, כִּי טוֹב לֵב יָזוֹן, וַתֵּבְךְּ וַתִּתְחַנֵּן לוֹ וַתְּדַבֵּר אֵלָיו לֵאמֹר:

זְכָר-נָא לִי, יָזוֹן, אֶת-חַסְדִּי, אֲשֶׁר עָשִׂיתִי לְךָ, וְחוּסָה עַל-בָּנֶיךָ וְאַל-תִּתְּנֵם לָנוּד בְּאֶרֶץ נָכְרִיָּה —, וַאֲנִי אֵלֵךְ לִי אֶל-אֲשֶׁר יִשָּׂאוּנִי רַגְלָי.

וּלְמַעַן הָפִיס אֶת-דַּעַת גְּלוֹקָה הוֹצִיאָה מֵחַדְרָהּ אַדֶּרֶת זָהָב וַתִּשְׁלָחֶנָּה לָהּ מַתָּנָה לְיוֹם חֲתוּנָתָהּ. וְהַמַּתָּנָה הַזֹּאת הָיְתָה מַתְּנַת מָוֶת, כִּי הִרְעִילַתָּהּ מֵדֵאָה בִּלְהָטֶיהָ.

וַיֵּלֶךְ יָזוֹן וּבָנָיו אֶל-אַרְמוֹן הַמֶּלֶךְ. וַתִּשְׂמַח גְּלוֹקָה לִקְרָאתוֹ וַתֹּאמֶר לְחַבְּקֵהוּ. וַתִּשָּׂא אֶת-עֵינֶיהָ וַתֵּרֶא אֶת-בְּנֵי-יָזוֹן וַתַּרְעֵם פָּנִים וַתְּצַו לְהוֹצִיאָם מִבֵּיתָהּ.

וַיְּדַבֵּר יָזוֹן עַל-לִבָּהּ וַיַּרְאֶנָּה אֶת-הָאַדֶּרֶת, אֲשֶׁר שָׁלְחָה לָהּ מֵדֵאָה לְמִנְחָה. וַיְעַוֵּר יְפִי הָאַדֶּרֶת אֶת-עֵינֶיהָ וַיַּעֲבֹר כַּעֲסָהּ וּפָנֶיהָ לֹא הָיוּ עוֹד. וַתְּדַבֵּר לַיְלָדִים דְּבָרִים רַכִּים, דְּבָרִים נִחוּמִים וַתִּשָּׁבַע, כִּי תִהְיֶה לָהֶם כְּאֵם רַחֲמָנִיָּה.

וַיְהִי כַאֲשֶׁר עָזְבוּ יָזוֹן וּבָנָיו אֶת-חַדְרָהּ וַתְּמַהֵר וַתֹּאחַז בְּיָדֶיהָ הַחֲמוּמוֹת בָּאַדֶּרֶת וַתָּשֶׂם אוֹתָהּ עַל-כְּתֵפֶיהָ וּלְרֹאשָׁהּ חָבְשָׁה עֲטֶרֶת זָהָב וַתַּעֲמֹד לִפְנֵי הַמַּרְאָה לְהִתְעַנֵּג עַל-יָפְיָהּ. וְאַחַר יָצְאָה מֵחֶדְרָהּ וַתִּתְהַלֵּךְ בָּאַרְמוֹן מֵחֶדֶר לְחֶדֶר וַתִּשְׂמַח עַל-בְּגָדֶיהָ הַחֲמוּדוֹת כְּיַלְדָּה קַלַּת-דָּעַת.

פִּתְאֹם הִרְגִּישָׁה גְּלוֹקָה כְּאֵשׁ צָרֶבֶת בִּבְשָׂרָהּ וַתָּנַע כְּנוֹעַ עֲצֵי הַיַּעַר מִפְּנֵי-הָרוּחַ. וַיַּחֲוִירוּ פָנֶיהָ וַתֵּהָפַכְנָה עֵינֶיהָ בְחוֹרֵיהֶן וְקֶצֶף לָבָן נִרְאָה עַל-שְׂפָתֶיהָ. וַתִּזְחַל בְּבִרְכַּיִם כּוֹשְׁלוֹת אֶל-הַכִּסֵּא וַתִּפֹּל עָלָיו וַתִּצְעַק מֵרֹב מַכְאוֹבֶיהָ. וַיָּרוּצוּ הָעֲבָדִים וַיַּגִּידוּ אֶת-הַדָּבָר לַמֶּלֶךְ וּלְיָזוֹן. וַיָּבֹאוּ וַיִּרְאוּ וְהִנֵּה עֲטֶרֶת הַזָּהָב, אֲשֶׁר עַל-רֹאשׁ גְּלוֹקָה בּוֹעֶרֶת בָּאֵשׁ. וַתֹּאחַז הָאֵשׁ גַּם בִּבְשָׂרָהּ וַיָּבֹא הָרַעַל אֶל-קִרְבָּהּ. וַיְהִי כִרְאוֹת הַמֶּלֶךְ אֶת-גְּוִיַּת-בִּתּוֹ הַבּוֹעֶרֶת וַיִּפֹּל עָלֶיהָ. וַיִּדְבַּק גַּם בּוֹ הָרַעַל וַיָּמָת גַּם הוּא. וַיִּמָּלֵט רַק יָזוֹן לְבַדּוֹ, כִּי נִזְהָר.

וּמֵדֵאָה יָשְׁבָה בְחַדְרָהּ וַתְּחַכֶּה לְבֹא עַבְדָהּ הַנֶּאֱמָן, אֲשֶׁר שָׁלְחָה לִרְאוֹת וְלָדַעַת, מַה-יֵּעָשֶׂה בִגְלוֹקָה צָרָתָהּ.

וַיְהִי כַעֲבֹר שָׁעוֹת אֲחָדוֹת וַיָּבֹא הָעֶבֶד בְּחִפָּזוֹן וַיִּקְרָא אֵלֶיהָ לֵאמֹר:

מַהֲרִי, מֵדֵאָה, וְחוּשִׁי וְהַצִּילִי אֶת-נַפְשֵׁךְ, כִּי מֵתָה גְלוֹקָה צָרָתֵךְ וְאָבִיהָ.

וַתִּשְׂמַח מֵדֵאָה לִבְשׂוֹרַת-הָעָבֶד. בְּכָל-זֹאת לֹא שָׁב אַפָּהּ וַתָּשָׁט כְּפוּרִיָּה אֵלַת הַנְּקָמָה לִטְרֹף בְּכַפָּהּ אֶת נֶפֶשׁ יָזוֹן וּבָנֶיהָ. וַתְּמַהֵר וַתָּרָץ אֶל-הַחֶדֶר, אֲשֶׁר יָשְׁנוּ שָׁם יְלָדֶיהָ, כִּי כְבָר בָּא הַלַּיְלָה, וַתִּקְרָא וַתֹּאמַר:

לִבִּי! הֱיֵה קָשֶׁה מִצּוּר! יָדִי! אַל-תִּרְעֲדִי וּבַצְּעִי אֶת-אֲשֶׁר נִגְזַר מִשָּׁמַיִם. שִׁכְחִי רֶגַע, אֻמְלָלָה, כִּי בָנַיִךְ הֵם, אֲשֶׁר יָלַדְתְּ. יָדֹעַ אֵדַע, כִּי אֶתְאַבֵּל עַל-מוֹתְכֶם כָּל-יְמֵי-חַיָּי. אֲבָל הֲלֹא רַק אֶת-טוֹבַתְכֶם אֶדְרשׁ, כִּי אִם לֹא אֲמִיתְכֶם אֲנִי, וּמַתֶּם מָוֶת נוֹרָא בִּידֵי אוֹיְבֵיכֶם.

וְיָזוֹן רָץ אֶל-בֵּיתוֹ כְּמַהֵר חֵץ לָקַחַת נָקָם מִידֵי הָאִשָּׁה, אֲשֶׁר רָצְחָה אֶת-בְּחִירָתוֹ. וַיְהִי כְדָרְכוֹ עַל-מִפְתַּן-בֵּיתוֹ וְהִנֵּה קוֹל גְּנִיחוֹת הִגִּיעַ לְאָזְנָיו, וַיִּקְפֹּץ אֶל-חַדְרוֹ וַיַּרְא וְהִנֵּה גְוִיּוֹת בָּנָיו מִתְגּוֹלְלוֹת עַל-הָאָרֶץ מִתְבּוֹסְסוֹת בְּדָם, כִּי חֶרֶב מֵדֵאָה בָּאָה בְלִבָּם. וַיְבַקֵּשׁ יָזוֹן אֶת-מֵדֵאָה בְּכָל-חַדְרֵי-הָאַרְמוֹן וְלֹא מְצָאָהּ. וַיְמַהֵר יָזוֹן וַיֵּצֵא מִן הַבַּיִת. וַיִּשְׁמַע פִּתְאֹם קוֹל רַעַשׁ גָּדוֹל. וַיִּשָּׂא אֶת-עֵינָיו וַיַּרְא אֶת-מֵדֵאָה יוֹשֶׁבֶת בְּמֶרְכָּבָה רְתוּמָה לִרְהָבִים, אֲשֶׁר בָּאוּ לְקוֹל קְרִיאָתָהּ. וַתָּשָׁט הַמֶּרְכָּבָה וַתִּשָּׂא אֶת-מֵדֵאָה מִמְּקוֹם הָרֶצַח. וַיָּבֶן יָזוֹן, כִּי לֹא תַשִּׂיג יָדוֹ הַנּוֹקֶמֶת לְעוֹלָם אֶת-מֵדֵאָה הַמִּרְשָׁעַת. וַיָּבֹא עָלָיו רוּחַ יֵאוּשׁ וַיִּזְכֹּר אֶת-הָרֶצַח, אֲשֶׁר רָצַח אֶת-אַבְסֶרֶת, וַיִּקַּח אֶת-חַרְבּוֹ וַיִּפֹּל עָלֶיהָ וַיָּמָת עַל-מִפְתַּן-בֵּיתוֹ.