¹

מֵאִיר הָאֹפֶל שׁוֹפֵט הַשָּׁמָיִם

מַכְחִיד הָרָעָה בַּמְּרוֹמִים וּבַשָּׁפֶל:

שַׁמַשׁ מֵאִיר הָאֹפֶל שׁוֹפֵט הַשָּׁמָיִם

מַכְחִיד הָרָעָה בַּמְּרוֹמִים וּבַשָׁפֶל:

אוֹרְךָ כְּרֶשֶׁת יְרַפֵּד הָאָרֶץ

קַרְנֶיךָ תֵּצֶאנָה אֶל תּוֹעֲפוֹת הָרִים:

כָּלַ הַחַיָּה תָגִיל לִקְרָאתְךָ בְּצֵאתֶךָ

עָלֶיךָ יָשִׂישׂוּ כָּל צְבָא הֶהָרִים:

אַתָּה תַעֲלוּמַת־עוֹלָם לְכָל הָעוֹרְגִים לָבוֹא

עַד חֵקֶר הֲוָיָתֶךָ:

בְּקַרְנֵי נָגְהֲךּ אֲשׁוּרֵיהֶם לֹא יִמְעָדוּ:

זַרְחֲךָ מְלֵאִים הַשָּׁמַיִם וְהָאָרֶץ

כָּל אַרְבַּע כַּנְפוֹת הָאָרֶץ תִּבְרֹקְנָה כַלָּהַב:

פְּתוּחִים הַשְּׁעָרִים לְכָל בְּרוּאֶיךָ:

שַׁי לְךָ יוֹבִילוּ כָל הָאִיגִיגִים:

יוֹשְׁבֵי שָׁמַיִם יִשְׁתַּחֲווּ לְךָ בְּצֵאתְךָ

שַׁמַשׁ הַנָּגִיד הַגָּדוֹל לְךָ יָגִילוּ:

הָרִים אַדִּירִים גָּדְלְךָ יַקִּיפֵם:

זַרְחֲךָ הָאָיֹם מְכַסֶּה כָּל הָאֲרָצוֹת:

תַּבִּיט לָאָרֶץ תִּגְהַר עַל רָאשֵׁי הָרִים:

תָּלִיתָ כַנְפוֹת תֵּבֵל בְּמֶרְחַקֵי שְׁחָקִים:

אַתָּה שׁוֹמֵר כָּל הָאָדָם הַיּוֹשְׁבִים בַּמְּדִינוֹת:

כָּל בְּרוּאֵי הַמֶּלֶךְ אֵאָה אַתָּה נוֹטְרָם:

כָּל אֲשֶׁר נְשָׁמָה בְאַפּוֹ אַתָּה תִרְעֵם:

אַתָּה רוֹעָם בַּמָּרוֹם וּבַשָּׁפֶל אֵין מִבַּלְעָדֶיךָ:

אַתָּה הוֹלֵךְ וְסוֹבֵב שָׁמַיִם בְּלִי הֶרֶף

אֲדָמָה רַחֲבַת־יָדַיִם תַּעֲבֹר יוֹם יוֹם:

בְּיָם וְאוֹקְיָנוֹס בְּהָרִים אֶרֶץ וְשָׁמָיִם

תַּעֲבֹר יוֹם יוֹם:

אַתָּה נוֹטֵר מַלְכוּת־מַעֲמַקִּים אֲשֶׁר לַנָּגִיד קוֹבוֹ וְהָאֲנוּנָקִים:

אַתָּה מוֹשֵׁל בְּמִשְׁכְּנוֹת עוֹלַם־מְרוֹמִים:

אַתָּה רוֹעֶה עוֹלָם תַּחְתּוֹן עוֹלָם עֶלְיוֹן:

אַתָּה נָגִיד וְאוֹר־עוֹלָם אֵין מִבַּלְעָדֶיךָ שַׁמַשׁ:

אַתָּה עוֹבֵר אֶת הַיָּם הרָחוֹק וּרְחַב־הַיָּדַיִם

אֲשֶׁר בְּמִסְתְּרֵי מַעֲמַקָּיו לֹא יַחְדְּרוּ הָאִיגִיגִים:

קַרְנֶיךָ הָאַדִּירוֹת בּוֹקְעוֹת חֵיק אוֹקְיָנוֹס:

מִפְלְצוֹת־יַמִּים יֶחֱזוּ בְנָגְהֶךָ:

מֵעוֹלָם לֹא עָמְמוּ פָנֶיךָ לֹא קָדָרוּ:

תִּשְׂבַּע לַיְלָה לַיְלָה תַּצִּית אוֹרֶךָ:

לַאֲרָצוֹת זָרוֹת וּרְחוֹקוֹת עַל־פְּנֵי מֶרְחַבְיָה

תָּשִׂים פְּעָמֶיךָ תִּצְעַד יוֹמָם תִּסֹּב לָיְלָה:

מִי בְיוֹשְׁבֵי־שָׁמַיִם יַעֲמֹל כָּמוֹךָ

מִי בָאֵלִים נֶאְדָּר כָּמוֹךָ:

בְּצֵאתְךָ יִתְקַבְּצוּ אֱלֹהֵי כָל הָאָרֶץ

נֹגַהּ זַרְחֲךָ הָאָיֹם עוֹטֵף כָּל הַיְקוּם:

כָּל הָאֲרָצוֹת הַשּׁוֹנוֹת לִלְשׁוֹנוֹתֵיהֶן

אַתָּה יוֹדֵעַ אֹרְחוֹתָן מֵבִין מְזִימּוֹתָן:

עָלֶיךָ יָשִׂישׂוּ בְנֵי־תְמוּתָה כֻלָּם:

הוֹי שַׁמַשׁ כָּל הַיְקוּם צָמֵא לְאוֹרֶךָ:

אַתַּה מֵאִיר כּוֹס־הַנְּבוּאוֹת לַעֲרֹךְ עֵץ־אֶרֶז:

אַתָּה מְגַלֶּה לַחוֹזִים תַּעֲלוּמוֹת חֲלוֹם־לָיְלָה:

לְפָנֶיךָ יִכְרְעוּ טוֹבִים וְרָעִים:

עַל רָעִים וְעַל טוֹבִים תַּחֲרֹץ מִשְׁפָּטֶךָ:

תפּיל אֵימָתְךָ עַל רַע־מַעֲלָלִים וְעִקֵשׁ

מִמַּעֲמַקִּים תּוֹצִיא אֶת מְחַלֵּל הָאֱמֶת:

בְּמִשְׁפַּט צֶדֶק אֲשֶׁר חָרַצְתָּ

נִשְׂגָּב שְׁמֶךָ רְצוֹנְךָ יָקוּם לָעַד:

אַתָּה מַטֶּה לְעוֹבֵר אֹרַח וְדֶרֶךְ קָשָׁה

נוֹטֵעַ גְּבוּרָה בְעוֹבֵר יַמִּים בְּיִרְאָה:

תּוֹרֶה לַצַּיָּד נְתִיבוֹת נַעֲלָמוֹת:

יִצְעַד עַל רָמוֹת נִמְשַׁל לֵאלֹהֵי־הָרִים:

שַׁמַשׁ מֵרִשְׁתוֹתֶיךָ לֹא יִמָּלֵט חוֹטֵא:

רַע־מַעֲלָלִים לֹא יְפַלֵּט נַפְשׁוֹ מִיקוּשֶׁךָ:

תְּמַהֵר וּתְיַסֵּר אֶת מְחַלֵּל הַשְּׁבוּעָה:

הַבּוֹזֶה לַמִּקְדָּשׁ לֹא יָנוּס מִמֶּךָּ:

מְצוּדוֹתֶיךּ הַגְּדוֹלוֹת פְּרוּשׂוֹת לָרָשָׁע

לְנוֹשֵׂא עֵינָיו אֶל אֵשֶׁת רֵעֵהוּ:

יִמְצָאֵהוּ נִשְׁקְךָ לֹא יִרְאֶה מְפַלֵּט:

בְּעָמְדוֹ למשפט אָבִיו לֹא יְמַלְּטֵהוּ

גַּם אָחִיו לֹא יָעֵז לְדַבֵּר אֶל שׁוֹפְטוֹ:

לְפֶתַע פִּתְאֹם יִלְכְּדֶנּוּ מוֹקֵשׁ־הַבַּרְזֶל:

קֶרֶן חוֹמֵס־מְזִמּוֹת אַתָּה מְגַדֵּעַ:

הַמְכַסֶּה מְרֵעִים יִצְעַד וְלֹא יִבְטָח:

לְשׁוֹפֵט עַוָּל תַּרְאֶה מוֹסֵרוֹת:

תְּיַסֵּר אוֹהֵב בֶּצַע וּמְחַלֵּל אֱמֶת:

אֲשֶׁר שֹׁחַד לֹא יִקַּח וְרָב רִיב חַלָּשִׁים

שַׁמַשׁ יִרְצֵהוּ וְיַאֲרִיךְ יָמִים:

לַאֲשֶׁר יִשְׁפֹּט בֶּאֱמוּנָה וּבְצֶדֶק יִשְׁפֹּט

נְכוֹנִים אַרְמְנוֹת מִשְכְּנוֹתָיו הֵיכְלֵי נָסִיךְ:

כְּמֵי עֵינוֹת־מַעֲמַקִים לֹא יִכְלֶה זֶרַע

צַדִּיק וְתָמִים לֹא יֵדַע שָׁקֶר:

שֵׁם עָנָן יֵחָרֵת בְּחֶרֶט עַל לוּחַ

זֶרַע פּוֹעֲלֵי רָע נָכוֹן לַאֲבַדּוֹן:

אַתָּה בָז לֶאֱנוֹשׁ שֶׁקֶר עַל שְׂפָתָיו

תִּשְׂרֹף מִשְׁפָּטוֹ תַּשֶּׁנּוּ אֶת כֹּחוֹ:

תַּאֲזִין לַנִּלְחָץ תּוֹצִיא לָאוֹר אֲמִתּוֹ:

כָּל הָאָדָם בִּזְרוֹעֲךָ נִתָּן לֹא נֶעְדָּר:

בְּיָדְךָ הַנְּבוּאָה תַתִּיר צְרוֹרוֹת:

תַּאֲזִין תְּפִלָּה תְחִנָּה וּתְהִלָּה

קִדַּת עֲנָוִים שִׂיחַ תַּחֲנוּנִים:

בְּקוֹל רָם יְשַׁוַּע אֵלֶיךָ הָאֻמְלָל

חוֹלֶה וְכוֹשֵׁל עָנִי וְרָצוּץ:

בְּשִׁירִים יֶעְתְּרוּ לְךָ וּבְכִתְבֵי תְשׁוּבָה:

רוֹעֶה לְבָדָד רָחוֹק מִמְּיֻדָּעָיו וּבֵיתוֹ

אֵלֶיךָ יִקְרָא בִזְוָעוֹת בַּשָּׂדֶה

נַעַר רוֹעֶה נָבוֹךְ רוֹעֶה־עֲדָרִים בְּקֶרֶב צָרִים:

אֹרְחָה בְדֶרֶךְ־זְוָעוֹת תִּקְרָא אֵלֶיךָ שַׁמַשׁ

סוֹחֵר נוֹדֵד רוֹכֵל עִם יַלְקוּטוֹ:

דַּיָּג עַל מִכְמַרְתּוֹ יִקְרָא אֵלֶיךָ שַׁמַשׁ:

גַּנָּב וְרוֹצֵחַ יְרֵאֵי פְנֵי־שַׁמַשׁ

פִּרְחִי בַשָּׂדֶה אֵלֶיךָ יִקְרָא:

מֵת תּוֹעֶה צֵל חֲסַר־מַחְסֶה

אֵלֶיךָ שַׁמַשׁ יִקְרָא:

אֶת הַכּוֹרְעִים בֶּרֶךְ תְּטַהֵר בִּקְדֻשָּׁה

תְּקַבֵּל תַּחֲנוּנֵי הַמְבַקְשִׁים בְּיִרְאָה:

הֵמָּה יְכַבְּדוּךָ יְהַלְלוּ לִשְׁמֶךָ

יִשְׁתַּחֲווּ לַהֲדָרְךָ לְעוֹלָם וָעֶד: