א    🔗

יְסֻפַּר עַל מֶלֶךְ אֲהוּב הָעָם / עַל כִּי שִׁלְטוֹנוֹ לַכֹּל נָעַם

יְסֻפַּר כִּי הַמֶּלֶךְ נַרְשׁוּאָן, אַחַד מַלְכֵי פָּרַס וּמָדַי הַקְּדוּמִים, הַנִּקְרָא בְּפִי בְּנֵי עַמּוֹ “אֲהוּב הָעָם” – הָיָה מוֹשֵׁל גְּדוֹל־חֶסֶד, רַב־פְּעָלִים וַחֲכַם־לֵבָב. מֵאָז וְעַד הַיּוֹם – כֵּן יְסַפְּרוּ יוֹדְעֵי קוֹרוֹת הַדּוֹרוֹת – לֹא הָיוּ יְמֵי טוֹבָה וּבְרָכָה בָּאָרֶץ כִּימֵי מַלְכוּתוֹ, כִּי דָרשׁ דָּרַשׁ הַמֶּלֶךְ אֶת הַטּוֹב וְאֶת הַחֶסֶד לְעַמּוֹ וּלְאַרְצוֹ בְּכָל עֵת וּבְכָל חֵפֶץ, בַּקְּטַנּוֹת וּבַגְּדוֹלוֹת. וְיוֹתֵר מִכֹּל חָפַץ הַמֶּלֶךְ כָּל הַיָּמִים בִּשְׁלשׁ מִשְׁאֲלוֹת לִבּוֹ, בָּהֶן הָגָה וְלָהֶן נָתַן כָּל חֶפְצוֹ וְכֹחוֹ.

הָאַחַת – כִּי מִשְׁפַּט אֱמֶת יִכּוֹן בְּכָל מְדִינוֹת מַמְלַכְתּוֹ לְמִן הָעִיר הַגְּדוֹלָה, רַבַּת הָעָם, וְעַד עָרֵי הַפְּרָזוֹת הַקְּטַנּוֹת אֲשֶׁר בָּאָרֶץ.

הַשְׁנִיָּה – כִּי תִּגְבַּר עֲבוֹדַת הָאֲדָמָה בְּאַרְצוֹ עֲדֵי יִהְיֶה עוֹבֵד הָאֲדָמָה הֲכִי נִכְבָּד בֵּין אֶזְרְחֵי הָאָרֶץ.

וְהַשְּׁלִישִׁית – כִּי יִשְׁכְּנוּ בְּמַמְלַכְתּוֹ שָׁלוֹם וְשַׁלְוָה וְלֹא תַעֲבֹר חֶרֶב־מִלְחָמָה בָּאָרֶץ בְּחַיָּיו.

וַיִּשְׁקֹד הַמֶּלֶךְ כָּל הַיָּמִים בְּרֹב בִּינָתוֹ וּבְתֹקֶף חֶפְצוֹ לָטַעַת אֶת שָׁלשׁ הַמִּשְׁאָלוֹת הָאֵלֶּה בְּלֵב בְּנֵי עַמּוֹ בְּכָל גְּבוּלוֹת מַמְלַכְתּוֹ.

לְמַעַן יוּכַן מִשְׁפַּט אֱמֶת בָּאָרֶץ יָצָא הַמֶּלֶךְ בְּעַצְמוֹ לִרְאוֹת בְּעֵינָיו וְלִשְׁמֹעַ בְּאָזְנָיו אֵיכָה יִשְׁפְּטוּ הַשּׁוֹפְטִים מִשְׁפָּטָם וּמַה פָּעֳלָם וּמַה חֵפֶץ לִבָּם. וְאוּלָם לֹא בְּגָלוּי עָשָׂה הַמֶּלֶךְ דְּבָרוֹ, כִּי בַּסֵּתֶר. מִפַּעַם לְפַעַם הִתְחַפֵּשׂ בִּלְבוּשׁ זָר וְנָתַן עַל פָּנָיו מַסְוֶה, פַּעַם בְּכֹה וּפַעַם בְּכֹה, וַיָּבֹא בֵּין הֲמוֹן הָעָם בַּשְּׁוָקִים וּבָרְחוֹבוֹת, בְּמַקְהֵלוֹת־עָם וּבְבָתֵּי־עֲצָרָה בֶּעָרִים הַגְּדוֹלוֹת וּבְעָרֵי־הַשָּׂדֶה, וַיֵּט אָזְנוֹ בָּזֶה וּבָזֶה וַיִּשְׁמַע לַאֲשֶׁר יְדֻבַּר וְלַאֲשֶׁר יְסֻפַּר עַל הַמֶּלֶךְ, עַל הַשָּׂרִים וְעַל הַשּׁוֹפְטִים. וְהָיָה בְּשָׁמְעוֹ וּבְדַעְתּוֹ נְכוֹנָה דְבַר־עַוְלָה אֲשֶׁר עָשָׂה אַחַד הַשּׁוֹפְטִים אוֹ הַשּׂרִים אֲשֶׁר בָּאָרֶץ וַיָּשָׁב אֶל אַרְמוֹנוֹ וַיִּקְרָא לַשּׁוֹפֵט הַחוֹטֵא וַיּוֹכִיחֵהוּ עַל פָּנָיו וַיְיַסְּרֵהוּ וַיִּשְׁפְּטֵהוּ אִם לְמָוֶת וְאִם לְמַאֲסָר.

וַתְּהִי חִתַּת הַמֶּלֶךְ עַל כָּל הַשּׁוֹפְטִים וְהַשָּׂרִים אֲשֶׁר בָּאָרֶץ כִּי יָדְעוּ אֲשֶׁר בְּאֹרַח פֶּלֶא יִגָּלֶה לַמֶּלֶךְ אֶת אֲשֶׁר יְעַוֵּת דִּין שׁוֹפֵט רָשָׁע גַּם בְּחַדְרֵי חֲדָרִים. עַל כֵּן שָׁמַר נַפְשׁוֹ כָּל שׁוֹפֵט וְכָל קָצִין וְכָל מוֹשֵׁל וַיַּעַשׂ מִשְׁפַּט אֱמֶת וּצְדָקָה בָּאָרֶץ. וַיְהִי בַּעֲשׂוֹתָם זֹאת יָמִים רַבִּים מִיִּרְאֶה וַיַּעֲשׂוּ אַחַר כֵּן מִלֵּב טוֹב וְנֶפֶשׁ חֲפֵצָה.

וְאֶת הַיִּתְרוֹן לַעֲבוֹדַת הָאֲדָמָה אֲשֶׁר בְּעֵינֵי הַמֶּלֶךְ וְאַהֲבָתוֹ אֶת אִישׁ הָאֲדָמָה מִכָּל עוֹבֵד אַחֵר – הוֹכִיחַ הַמֶּלֶךְ לְעֵינֵי בְּנֵי עַמּוֹ פַּעַם אַחַר פַּעַם: מִדֵּי שָׁנָה בְּשָׁנָה עִם בּוֹא עוֹנַת עֲבוֹדָה בַּשָּׂדֶה, בֶּחָרִישׁ, בַּקָּצִיר אוֹ בַּבָּצִיר, יָצָא הַמֶּלֶךְ אֶל אַחַת אֲחֻזּוֹתָיו וַיָּחֶל הוּא בְּעַצְמוֹ אֶת עוֹנַת הָעֲבוֹדָה. לִפְנֵי קְהַל עַם רַב, לְעֵינֵי שָׂרָיו וְרוֹאֵי פָּנָיו וּלְקוֹל נְגִינַת שָׁרִים וְשָׁרוֹת, אָחַז הַמֶּלֶךְ אֶת הַמַּחֲרֵשָׁה בְּיָדוֹ וַיַּחֲרשׁ מַעֲנִית אַחַת וּשְׁתַּיִם. וְכֵן שָׁלַח הַמֶּלֶךְ רִאשׁוֹנָה אֶת יָדוֹ בַּקָּצִיר וּבַבָּצִיר וּבְכָל עֲבוֹדָה בַּשָּׂדֶה לִהְיוֹת מוֹפֵת לְכָל הָעָם בְּאַהֲבָתוֹ אֶת עֲבוֹדַת הָאֲדָמָה. וְאוּלָם לֹא רַק בָּאֵלֶּה הֶרְאָה הַמֶּלֶךְ אֶת אַהֲבָתוֹ לַעֲבוֹדַת הַשָּׂדֶה כִּי אִם בְּגָמְלוֹ שָׂכָר לִתְהִלָּה וּבְהַנְחִילוֹ כָּבוֹד וִיקָר לְכָל אִישׁ אֲדָמָה אֲשֶׁר הִשְׂכִּיל לִמְצֹא יְבוּל רַב וְיָפֶה מֵאַדְמַת שָׂדֵהוּ.

וְאֶת הַשָּׁלוֹם וְאֶת הַשַּׁלְוָה הִשְׁכִּין בָּאָרֶץ בִּימֵי מַלְכוּתוֹ בְּהַרְאוֹתוֹ לְכָל מְבַקֵּשׁ מְדָנִים וְרוֹדֵף מִלְחָמָה מִן הָעַמִּים הַשּׁוֹכְנִים בִּגְבוּלוֹת אַרְצוֹ כִּי גְדוֹלָה וַחֲזָקָה יָדוֹ לַעֲנוֹת מִלְחָמָה הַשַּׁעְרָה. אֶפֶס כִּי הוֹכֵחַ הוֹכִיחַ תָּמִיד לְאַנְשֵׁי רִיבוֹ אֶת דְּבָרוֹ בְּצִדְקַת לָשׁוֹן וּבִתְבוּנָה רַבָּה. וְכֵן הִרְחִיק רָעָה וְאָסוֹן מִקֶּרֶב אַרְצוֹ.

ב    🔗

בֶּן הַמֶּלֶךְ קוֹנֶה עֵצָה יְקָרָה / בִּמְחִיר דִּינָרִים עֲשָׂרָה

וְהַמֶּלֶךְ נֵרְשׁוּאָן לֹא הָיָה לוֹ כִּי אִם בֵּן אֶחָד, הוּא רָמִיז, אֲשֶׁר יָלְדָה לוֹ אִשְׁתּוֹ אַחַר הַגִּיעוֹ לִשְׁנוֹת הַחֲמִשִּׁים לְחַיָּיו. וַיֹּאהַב הַמֶּלֶךְ אֶת בְּנוֹ אַהֲבָה רַבָּה לְאֵין קֵץ, וְגַם בְּנֵי הָעָם אֲשֶׁר בְּכָל מְדִינוֹת מַלְכוּתוֹ אָהֲבוּ אֶת יוֹרֵשׁ הָעֶצֶר אַהֲבָה נֶאֱמָנָה, כִּי בִּגְדוֹל הַיֶּלֶד וַיְהִי לְנַעַר וַיִּוָּדַע בְּכָל מְדִינוֹת פָּרַס וּמָדַי כִּי נָבוֹן בֶּן הַמֶּלֶךְ לִמְאֹד וְחָרוּץ הוּא בְּכָל פָּעֳלוֹ וְגַם יְפֵה־תֹאַר וְטוֹב־מַרְאֶה הוּא כְּכָל אֲשֶׁר יָאֲתָה לְבֵן הַמֶּלֶךְ הַטּוֹב נֵרְשׁוּאָן.

וַיְהִי בִּהְיוֹת הַנַּעַר עֶלֶם וַיֹּאהַב אַף הוּא לַהֲלֹךְ בָּאָרֶץ כְּמִשְׁפַט אָבִיו וַיֵּצֵא מִפַּעַם לְפַעַם יְחִידִי בְּאֵין אִישׁ עִמּוֹ וַיִּתְחַפֵּשׂ כְּאֶחָד זָר וְנָכְרִי וַיֵּלֶךְ הָלֹךְ וְעָבֹר בְּכָל רְחוֹבוֹת עִיר הַבִּירָה רַבַּת הָעָם וַיַּקְשֵׁב וַיִּשְׁמַע וַיֶּאֱסֹף דַּעַת.

וַיְהִי הַיּוֹם וַיֵּצֵא בֶּן הַמֶּלֶךְ כְּמִשְׁפָּטוֹ לָשׁוּט בָּעִיר וּלְהִתְהַלֵּךְ בָּהּ וְהוּא לָבוּשׁ מַדֵּי פִּשְׁתָּן כְּאֶחָד בְּנֵי הַכְּפָרִים וּמִצְנֶפֶת אֲרֻכָּה גְדוֹלָה עַל רֹאשׁוֹ. וַיְהִי בְּעָבְרוֹ בְּאַחַד הָרְחוֹבוֹת הַסּוֹאֲנִים מֵאָדָם רַב וַיַּרְא אִישׁ עִוֵּר דַּל־פָּנִים וּרְזֵה־בָּשָׂר יוֹשֵׁב לְיַד גָּדֵר עַל אֵם הַדֶּרֶךְ וְהוּא נוֹשֵׂא קוֹלוֹ וּמַכְרִיז:

אֵתָיוּ, אִישִׁים, אֵלַי אֵתָיוּ!

מִי חָפֵץ לִשְׁמֹעַ עֵצָה יְקָרָה

יִשְׁקֹל לְיָדִי דִינָרֵי זָהָב עֲשָׂרָה.

וְאִישׁ אִישׁ מִן הָעוֹבְרִים בָּרְחוֹב יַקְשִׁיבוּ רֶגַע לִדְבָרוֹ וְאַחַר “יַפְטִירוּ בְּשָׂפָה יָנִיעוּ רֹאשׁ” – וְיֵלְכוּ לְדַרְכָּם. מִי אִישׁ וְיִתֵּן לִבּוֹ לְדִבְרֵי הָאִישׁ הַלָּז? וּמִי פֶּתִי יְסַכֵּן כַּסְפּוֹ עַל עֵצָה אַחַת מִפִּי אִישׁ אֶבְיוֹן? אֶל נָכוֹן – חָשְׁבוּ בְּלִבָּם – אֱוִיל הָאִישׁ וַחֲסַר לֵב.

וְאוּלָם הֶעָנִי לֹא חָדַל כָּל הָעֵת מִשֵּׂאת דְּבָרוֹ וַיָּשָׁב וַיִּקְרָא בְּלִי חֲדָל:

מִי הָאִישׁ חָפֵץ עֵצָה יְקָרָה

יִשְׁקֹל לְיָדִי דִּינָרִים עֲשָׂרָה.

וּבֶן הַמֶּלֶךְ שָׁמַע לִדְבָרָיו פְּעָמִים מִסְפָּר וַיִּתְאַוֶּה לָדַעַת מַה בְּפִי הָאִישׁ הַלָּז וּמִי הוּא, הַחֲסַר־לֵב הוּא אוֹ אִישׁ־בִּינָה? וּמֵאֲשֶׁר לֹא יִכְבַּד עַל בֶּן הַמֶּלֶךְ לְהוֹצִיא מִכְסַת כֶּסֶף זוֹ נִגַּשׁ אֵלָיו וַיֹּאמֶר לְאָזְנָיו:

– הָבָה, אִישׁ עָנִי, הַשְׁמִיעֵנִי אֶת עֲצָתְךָ וַאֲנִי אֶשְׁקֹל הַכֶּסֶף בְּיָדֶךָ.

– רַב תּוֹדוֹת לְךָ, עֶלֶם טוֹב. אוּלָם רִאשׁוֹנָה שְׁקֹל לְיָדִי הַכֶּסֶף וְאַחַר אַשְׁמִיעֲךָ עֲצָתִי.

וַיְהִי בְּקַבְּלוֹ אֶת עֲשֶׂרֶת דִּינָרֵי הַזָּהָב וַיִּמְנֵם אֶחָד לְאֶחָד וַיִּשְׁמְרֵם וַיִּקְשְׁרֵם בִּצְרוֹר וַיַּטְמִינֵם בְּחֵיקוֹ. וְאַחַר אָמַר לָעֶלֶם כַּדְּבָרִים הָאֵלֶּה:

שְׁמַע, בְּנִי, אִם בֶּן רוֹזְנִים אַתָּה

אוֹ בֶּן אֶבְיוֹנִים,

אִם אִישׁ גִּבּוֹר אוֹ אִישׁ חָכָם –

תִּהְיֶה אֲשֶׁר תִּהְיֶה –

בְּיָדֶיךָ כְּמַתְכֻּנְתָּהּ לְמַד לַעֲשׂוֹת

מְלָאכָה אַחַת מִן הַמְּלָאכוֹת.

וַיָּקָם הָעִוֵּר עַל רַגְלָיו וַיֹּאמֶר לָלֶכֶת לְדַרְכּוֹ.

– וְזֹאת הִיא הָעֵצָה הַיְקָרָה – אָמַר בֶּן הַמֶּלֶךְ כְּמִתְרַעֵם – אֲשֶׁר בִּמְחִירָהּ קִבַּלְתָּ עֲשָׂרָה דִינָרִים?

– זֹאת הִיא, בְּנִי. אֲקַוֶּה כִּי תִיקַר בְּעֵינֶיךָ פִּי אֶלֶף. יְהִי שָׁלוֹם לְךָ.

הָלַךְ הַזָּקֵן לְדַרְכּוֹ וְרָמִיז בֶּן הַמֶּלֶךְ צָעַד לְאִטּוֹ וַיַּהֲלֹךְ כְּמִתְעַצֵּב אֶל לִבּוֹ. עִם עֵת הַצָּהֳרַיִם הִגִּיעַ לָאַרְמוֹן.

וַיְהִי בְּשִׁבְתּוֹ אֶל שֻׁלְחַן הַצָּהֳרַיִם עִם אָבִיו וְעִם אִמּוֹ וְעִם רוֹאֵי פְּנֵי הַמֶּלֶךְ וַיִּתְבּוֹנֵן אָבִיו וַיַּכֵּר כִּי פְּנֵי הָעֶלֶם אֲפֵלִים הַיּוֹם וְהוּא כְּמוֹ נָבוֹךְ וּתְפוּס מַחֲשָׁבוֹת, וַיִּשְׁאָלֵהוּ:

– מָה לְךָ, בְּנִי, כִּי שֻׁנּוּ פָּנֶיךָ הַיּוֹם מִכָּל הַיָּמִים?

– אָכֵן, אָבִי, מִקְרֶה זָר קָרַנִי הַיּוֹם וְהוּא אֲשֶׁר יָצִיק לִי כָּל הָעֵת.

– מָה הַדָּבָר, בְּנִי?

– הִנֵּה הֵתֵל בִּי אִישׁ עָנִי וְעִוֵּר וְהוֹצִיא בְּמִרְמָה מִיָּדִי עֲשָׂרָה דִינָרֵי זָהָב.

– הַאֻמְנָם? אֵיכָה הָיְתָה זֹאת, רָמִיז בְּנִי?

וַיְסַפֵּר בֶּן הַמֶּלֶךְ לְאָבִיו אֶת כָּל הַדְּבָרִים לְתֻמָּם, וַיּוֹסֶף לֵאמֹר: וַאֲנִי דִמִּיתִי כִּי הַגֵּד יַגִּיד לִי הָאִישׁ דָּבָר עָמֹק וְרַב בִּינָה, אוֹ כִּי גַלֵּה יְגַלֶּה לִי הָאִישׁ בַּעֲצָתוֹ דְבַר פֶּלֶא אֲשֶׁר לֹא יְדַעְתִּיו וְלֹא שְׁמַעְתִּיו מֵעוֹדִי. אוּלָם – הֲלָזֹאת יִקְרָא עֵצָה? וְהַעַל זֹאת יִדְרשׁ אִישׁ עֲשָׂרָה דִינָרִים?

וַיַּקְשֵׁב הַמֶּלֶךְ רַב קֶשֶׁב לְדִבְרֵי הָעֶלֶם וַיַּחֲרֵשׁ רְגָעִים מִסְפָּר. וְאַחַר אָמַר לְאָזְנֵי בְּנוֹ: הֲתֵדַע, בְּנִי? לִבִּי יֹאמַר לִי כִּי לֹא אִישׁ־מִרְמָה הָאִישׁ הַלָּז. אֲדַמֶּה אֲשֶׁר דְּבַר חָכְמָה צָפוּן בַּעֲצָתוֹ, וְאַךְ מֵאִתָּנוּ נִבְצַר לְהָבִין לְשִׂיחוֹ. וּמַה מִמְּךָ יַהֲלֹךְ אִם תְּמַלֵּא אַחַר דְּבָרוֹ? הֵן קָנֹה קָנִיתָ בְּכֶסֶף מָלֵא אֶת עֲצָתוֹ – מַדּוּעַ לֹא תְקַיְּמֶנָּה?

וַיִּשְׁאַל הַמֶּלֶךְ אֶת פִּי שָׂרָיו הַיּוֹשְׁבִים עִמּוֹ: אֵיזוֹ מְלָאכָה מִן הַמְּלָאכוֹת נִבְחַר לְרָמִיז לְמַעַן יְמַלֵּא אַחַר עֲצַת הָאִישׁ? הֲיִלְמַד חֲרשֶׁת־עֵץ? אוֹ יִהְיֶה חָרַשׁ בַּרְזֶל אוֹ יִלְמַד תְּפֹר בְּגָדִים – אוֹ מָה?

וַיִּשְׁקְלוּ דִבְרֵיהֶם וַיָּדוּנוּ כֹּה וָכֹה וַיֹּאמֶר אַחַד הַשָּׂרִים הַזְּקֵנִים: יִלְמַד יוֹרֵשׁ הָעֶצֶר אֲרִיגַת שְׁטִיחִים. הַמְּלָאכָה נָאָה וּנְקִיָּה וּמְלֶאכֶת מַחְשֶׁבֶת הִיא – אֵין טוֹבָה מִמֶּנָּה.

כֵּן דִּבְּרוּ וְכֵן גָּמְרוּ אֹמֶר.

עַד מְהֵרָה הוּבָא אֶל אַרְמוֹן הַמַּלְכוּת אֻמָּן חֲכַם־לֵב בִּמְלֶאכֶת הַשְּׁטִיחִים הַמְּפֻרְסָם בְּכָל אֶרֶץ פָּרַס לִהְיוֹת מוֹרֶה לְבֶן הַמֶּלֶךְ. וּבִקְצֵה גִנַּת הַבִּיתָן הוּעַד אוּלָם גָּדוֹל לְבֵית מְלָאכָה וַיּוּכַן עַל כֵּלָיו וְעַל חֲפָצָיו וְעַל חָמְרֵי הָעֲבוֹדָה הָרַבִּים וְהַשּׁוֹנִים.

וַיִּשְׁקֹד בֶּן הַמֶּלֶךְ יוֹם יוֹם עַל עֲבוֹדָתוֹ וַיַּעַשׂ בָּהּ חַיִל וּמִקֵּץ שָׁנָה תְּמִימָה לָמַד אֶת מְלֶאכֶת הַשְּׁטִיחִים כְּתִקּוּנָהּ וַתִּהְיֶינָה יָדָיו אֲמוּנוֹת לַעֲשׂוֹת שְׁטִיחִים וּמַרְבַדִּים הֲדוּרִים וְנָאִים וַיִּהְיוּ בְּעֵינֵי כֹּל כְּלִילֵי תִּפְאָרָה וּתְהִלָּה.

וְאַחַר לָמְדוֹ אֶת הַמְּלָאכָה עַד תֻּמָהּ וַיָּשָׁב בֶּן הַמֶּלֶךְ אֶל אֹרַח חַיָּיו כְּמֵאָז. עִתִּים יֵצֵא אֶל מַסָּעָיו וְאֶל מֶחְקָרָיו בְּעִנְיְנֵי הַמְדִינוֹת וְהַמַּמְלָכָה, וְיֵשׁ וְיַהֲלֹךְ בַּעֲנָוָה וּבְלֵב עֵר בֵּין שָׂרֵי הַמַּלְכוּת וַיַּקְשֵׁב לְשִׂיחָם וַיַּרְא לְפָעֳלָם וַיִּלְמַד דַּעַת וַיּוֹסֶף לֶקַח וַיָּכֶן לִבּוֹ לְהָבִין מִשְׁפָּט וְלָדַעַת בִּינָה. וּדְבַר מְלֶאכֶת הַשְּׁטִיחִים כְּמוֹ נִשְׁכַּח מִלִּבּוֹ וּמִלֵּב אַנְשֵׁי בֵּית הַמַּלְכוּת.

כֵּן עָבְרוּ יָמִים רַבִּים עַד מְלֹאת לָעֶלֶם עֶשְׂרִים שָׁנָה.

ג    🔗

פַח נִטְמַן לְיוֹרֵשׁ הָעֵצֶר / וְלִבּוֹ עָלָיו יֵצֶר

וַיְהִי הַיּוֹם וַיִּתְאַו בֶּן הַמֶּלֶךְ לָצֵאת כְּמִשְׁפָּטוֹ מִפַּעַם לְפַעַם לָתוּר בְּעִיר הַבִּירָה הָרַבָּה בְּאָדָם וַיִּתְחַפֵּשׂ כְּאַחַד הַבַּחוּרִים מִבְּנֵי הַסּוֹחֲרִים הַזָּרִים הַבָּאִים מֵאֲרָצוֹת נָכְרִיּוֹת. וַיֵּצֵא מִן הָאַרְמוֹן לְעֵת הַבֹּקֶר בַּלָאט דֶּרֶךְ אַחַד הַשְּׁעָרִים הַנִּסְתָּרִים אֲשֶׁר לֹא יָדַע אִישׁ מוֹצָאָם וּמְבוֹאָם וַיָּשֶׂם פָּנָיו אֶל הָרְחוֹבוֹת הַגְּדוֹלִים אֲשֶׁר מִמִּזְרַח־צָפוֹן לָעִיר. וַיְהַלֵּךְ כֹּה וָכֹה עֵת רַבָּה, מִן הַבֹּקֶר עַד חֲצִי הַיּוֹם, הָלֹךְ וְהִתְבּוֹנֵן, הָלֹךְ וְשָׁמֹעַ לַאֲשֶׁר יְדֻבַּר וְלַאֲשֶׁר יְסֻפַּר בְּפִי רַבִּים.

וַיְהִי כִּי הִגִּיעָה עֵת הַצָּהֳרַיִם וַיִּרְעַב מְאֹד. וּמִהְיוֹתוֹ רָחוֹק מִן הָאַרְמוֹן כִּשְׁתַּיִם שָׁעוֹת וַיֹּאמֶר לָסוּר אֶל אַחַד בָּתֵּי הָאֹכֶל אֲשֶׁר יִמְצָא בְּדַרְכּוֹ לִשְׁבּוֹר רַעֲבוֹנוֹ. וַיְחַפֵּשׂ כֹּה וָכֹה בֵּית אֹכֶל. וַיַּרְחֵק עוֹד לֶכֶת כִּי אָמְרוּ לוֹ הָאֲנָשִׁים אֲשֶׁר בִּקְצֵה קְצוֹת הָעִיר יֵשׁ בֵּית אֹכֶל גָּדוֹל.

וַיְהִי בְּהִכָּנְסוֹ לַבַּיִת וַיַּרְא וַיִּתְבּוֹנֵן כִּי בַּעֲלֵי הַמָּקוֹם זָרִים הֵמָּה – לֹא פַּרְסִים – וּבְדַבְּרָם עִמּוֹ בִּשְׂפָתָם וַיַּכֵּר כִּי מֵאַרְצוֹת הַתַּתָּרִים הֵמָּה.

וּמְשָׁרְתֵי הַבַּיִת קִבְּלוּ אֶת פָּנָיו בְּכָבוֹד וּבִיקָר כִּי נִרְאֹה נִרְאָה לְעֵינֵיהֶם כְּאַחַד הַסּוֹחֲרִים הָעֲשִׁירִים הַנָּכְרִים הַבָּאִים לִסְחוֹר בָּאָרֶץ, וַיֹּאמְרוּ בְּלִבָּם, אֶל נָכוֹן זָהָב וָכֶסֶף עִמּוֹ לְמַכְבִּיר.

חִישׁ מַהֵר לְקָחוּהוּ לִפְנִים הַבַּיִת וַיּוֹבִילוּהוּ אֶל חֶדֶר מְיֻחָד לְעַצְמוֹ וַיַּעַרְכוּ לְפָנָיו שֻׁלְחָן מָלֵא כָּל טוּב וַיֹּאכַל וַיֵּשְׁתְּ וַיִּיטַב לִבּוֹ.

וַיְהִי בְּאָמְרוֹ לָקוּם מִמְּקוֹמוֹ – וַיִּתְחַלְחֵל. נִדְמֹה נִדְמָה לוֹ כְּמוֹ מוֹט תִּתְמוֹטֵט הָאֲדָמָה מִתַּחְתָּיו וַיָּחָשׁ וַיֵּדַע כִּי הַחֶדֶר הַקָּטָן עַל כָּל אֲשֶׁר בּוֹ יַחֲרֹג מִתַּחְתָּיו וְיִשְׁקַע הָלֹךְ וְשָׁקֹעַ מַטָּה מָטָּה. אָז יִתַּר בֶּן הַמֶּלֶךְ מִמְּקוֹמוֹ וַיֹּאמֶר לִפְתֹּחַ אֶת הַדֶּלֶת – וְהִנֵּה נְעוּלָה הִיא וְאֵין לְפָתְחָהּ. וַיִּתֵּן בֶּן הַמֶּלֶךְ קוֹלוֹ וַיִּקְרָא וַיִּגְעַר – לַשָּׁוְא! וַיִּדְפֹּק בְּיָדָיו וַיִּרְקַע בְּרַגְלָיו – לָרִיק! אִישׁ לֹא שָׁמַע, אִישׁ לֹא עָנָה. וְהַחֶדֶר עוֹדֶנּוּ יוֹרֵד וְשׁוֹקֵעַ מַטָּה מַטָּה עַד כִּי הִגִּיעַ לַמַּעֲמַקִּים וַיָּנַח שָׁם.

אֲפֵלָה רַבָּה וְדוּמִיָּה גְדוֹלָה מִסָּבִיב – וְאֵין קוֹל וְאֵין קָשֶׁב.

וַיֵּדַע בֶּן הַמֶּלֶךְ כִּי אֵין הַבַּיִת הַזֶּה כִּי אִם מִשְׁכַּן בְּנֵי בְּלִיַּעַל מְרַצְּחִים, הָאוֹרְבִים בְּנִכְלֵיהֶם לְטֶרֶף אָדָם. וַיֵּשֶׁב תַּחְתָּיו בַּאֲפֵלָה בְּדוּמִיָּה וּבְעִצָּבוֹן.

וּבְכָל אֲשֶׁר אָרְכָה עָלָיו הָעֵת כֵּן חָרְדָה נַפְשׁוֹ בְּקִרְבּוֹ. מָה חֵפֶץ בְּנֵי בְּלִיַּעַל אֵלֶּה לַעֲשׂוֹת בּוֹ? הֲיֹאמְרוּ לְרָצְחֵהוּ נֶפֶשׁ? אוֹ אוּלַי בְּחֶפְצָם לִשְׁבּוֹתוֹ שֶׁבִי? וְאֵיכָה וּבַמֶּה יַחֲלֹץ נַפְשׁוֹ? הֲיְגַלֶּה אֶת אָזְנָם כִּי בֶּן הַמֶּלֶךְ הוּא? אוּלַי בְּדַעְתָּם זֹאת וּבְפַחְדָּם מֵאֲשֶׁר עָשׂוּ יְרַצְּחוּהוּ וְיִקְבְּרוּהוּ בָּאֹפֶל. וְאִם יַסְתִּיר וְיַעֲלִים מֵהֶם כִּי בֶּן מֶלֶךְ הוּא – אֵיכָה יַצִּיל אֶת נַפְשׁוֹ? וַיְהִי אוֹבֵד עֵצוֹת וְלִבּוֹ צַר עָלָיו עַד כִּי דָמָה לְהִתְפַּלֵּץ.

לְאַחַר עֵת אֲרֻכָּה, בַּחֲצוֹת הַלַּיְלָה, נִשְׁמַע קוֹל שָׁאוֹן וּתְנוּעָה מִסָּבִיב. וְאַחַר רֶגַע – נִפְתְּחָה הַדֶּלֶת וַיַּעַמְדוּ שְׁלשָׁה אֲנָשִׁים לְפָנָיו: הָאֶחָד נָשָׂא אֲבוּקָה גְדוֹלָה בְּיָדוֹ לְהָאִיר הַחשֶׁךְ וְהַשֵּׁנִי, אִישׁ־מִדּוֹת וּרְחַב־כְּתֵפַיִם, נָשָׂא חֶרֶב שְׁלוּפָה בְּיָדוֹ, וְהַשְּׁלִישִׁי, הוּא אֲדוֹנֵיהֶם, רַב־בָּשָׂר, זְעוּם־פָּנִים וְרַע־עֵינַיִם – קָרַב אֵלָיו וַיְחַפֵּשׂ בִּבְגָדָיו וַיִּקַּח אֶת הַכֶּסֶף אֲשֶׁר מָצָא וְאֶת הַטַּבָּעוֹת אֲשֶׁר בְּאֶצְבְּעוֹתָיו וְאֶת הַקֶּסֶת אֲשֶׁר בַּחֲגוֹרָתוֹ וַיְהִי רוֹגֵז בְּדַרְכּוֹ כִּי לֹא מָצָא עִם הָאִישׁ הַרְבֵּה כֶּסֶף כַּאֲשֶׁר דִּמָּה.

וַיְהִי כְּכַלּוֹתוֹ אֶת מַעֲשֵׂהוּ וַיְצַוֶּה לְנוֹשֵׂא הַחֶרֶב לֵאמֹר: קָחֵהוּ שָׁם וְשָׁחְטֵהוּ!

– אָנָּא, אֲדוֹנִי, – נָשָׂא דְבָרוֹ הָעֶלֶם – שְׁמָעֵנִי אַךְ רֶגַע וְאַחַר עֲשֵׂה בִּי כְּחֶפְצְךָ. לָמָּה תֹּאמַר לְהָרְגֵנִי? מַה יּוֹעִיל מוֹתִי לְךָ?

– הַחֲרֵשׁ כְּסִיל! – גָּעַר בּוֹ הָאִישׁ בְּחֵמָה – הַבָּא לַבּוֹר הַזֶּה לֹא יָשׁוּב לִרְאוֹת חַיִּים!

– הֲבִינוֹתִי אֲדוֹנִי אֶת דְּבָרֶיךָ. וְאוּלָם אֶדְמֶה כִּי אַתֶּם עֲשִׂיתֶם אֶת אֲשֶׁר עֲשִׂיתֶם אַךְ לְמַעַן הַשֵּׂג כֶּסֶף לָכֶם. וַאֲנִי – אִם לֹא תַּהַרְגוּנִי אוּכַל לְהַמְצִיא לָכֶם כֶּסֶף רָב.

– אֵיכָה תַּמְצִיא הַכֶּסֶף וְאַתָּה אַסִּיר בְּבוֹר שַׁחַת? הֲתְדַמֶּה, בָּחוּר פֶּתִי, כִּי נִתֵּן לְךָ לָצֵאת מִזֶּה לְהָבִיא לָנוּ כֶּסֶף?

– לֹא, אֲדוֹנִי, לֹא עָלְתָה עַל לִבִּי לְבַקֶּשְׁךָ לְהוֹצִיאֵנִי מִזֶּה. פֹּה בֵּין יְדֵיכֶם אֶשָּׁאֵר כָּל הַיָּמִים וְעִם זֹאת אַזִּיל כֶּסֶף לְיֶדְכֶם.

– הַגִּידָה, אֵיךְ?

הִנֵּה אֻמָּן חָרוּץ וּמְהִיר יָד אָנֹכִי בִּמְלֶאכֶת הַשְּׁטִיחִים. אִם תָּבִיאוּ לִי הֵנָּה כְּלֵי עֲבוֹדָה וְצֶמֶר וָשֵׁשׁ – אֶגְמֹר בְּיָמִים מִסְפָּר שָׁטִיחַ הָדוּר אֲשֶׁר תִּמְכְּרוּהוּ אֶל נָכוֹן בְּמֵאָה דִינְרֵי זָהָב. נַסּוּנִי פַּעַם שָׁבוּעַ יָמִים, וְהָיָה אִם נְכוֹנִים דְּבָרַי וְאוֹסִיף לַעֲשׂוֹת שְׁטִיחִים כָּל הַיָּמִים. אַתֶּם תַּרְבּוּ לָכֶם כֶּסֶף וְזָהָב, וַאֲנִי – תִּהְיֶה לִי נַפְשִׁי לְשָׁלָל, וְאִם תַּהַרְגוּנִי – מַה בֶּצַע! מַה טּוֹבָה תִּצְמַח לָכֶם?

שָׁמַע הָאִישׁ וַיִּשְׁאַל אֶת בֶּן הַמֶּלֶךְ לֵאמֹר:

– מִי אַתָּה? וּמֵאַיִן אַתָּה? וּמָה הֱבִיאֲךָ הֲלוֹם?

– בֵּן לְסוֹחֲרִים בִּשְׁטִיחִים אָנֹכִי מֵאֶרֶץ הֶהָרִים (אֲרָרָט). רְחוֹקָה עִיר מוֹלַדְתִּי מִזֶּה מַהֲלָךְ עֶשְׂרִים יוֹם. וָאָבֹא הַיּוֹם לִסְחוֹר בִּשְׁטִיחִים וְלָדַעַת אֶת הַדָּרוּשׁ בִּשְׁוָקֵי פָּרָס.

הֶחֱרִישׁ הָאִישׁ הַשָּׁמֵן וַיַּחֲשֹׁב מַחֲשָׁבוֹת. אָז אָמַר לְרֵעָיו: נְנַסֵּהוּ שָׁבוּעַ יָמִים וְנִרְאֶה אִם נָכוֹנוּ דִבְרֵי הַלָּז. קָחוּהוּ אֶל הַמַּרְתֵּף הַגָּדוֹל – שָׁם יַעֲשֶׂה אֶת מְלַאכְתּוֹ.

ד    🔗

מַה מִּיּוֹם מַה מִּלֵּיל / הַשָּטִיחַ שִׂיחַ יְמַלֵּל

לְמָחֳרַת הַיּוֹם וּבְנֵי הַבְּלִיַּעַל הֵבִיאוּ אֶת כָּל הַדָּרוּשׁ לִמְלֶאכֶת הַשְּׁטִיחִים. וַיֵּשֶׁב הָעֶלֶם בַּמַּרְתֵּף וַיַּעֲבֹד מִבֹּקֶר עַד עֶרֶב, מֵעֶרֶב עַד בֹּקֶר וַיַּעֲצֹם עֵינָיו אַךְ שָׁעוֹת מִסְפָּר בַּלַּיְלָה.

וְהַמַּרְתֵּף מֻקָּף חוֹמוֹת גְּבוֹהוֹת אֲטוּמוֹת מֵאַרְבַּעַת עֲבָרָיו וְאוֹר הַשֶּׁמֶשׁ לֹא יַגִּיעַ אֵלָיו כִּי אִם שָׁעָה קְצָרָה בַּיּוֹם. וַיַּעַשׂ הָעֶלֶם אֶת עֲבוֹדָתוֹ לְאוֹר שְׁתֵּי מְנוֹרוֹת, אַחַת מִימִינוֹ וְאַחַת מִשְּׂמֹאלוֹ.

וַיְהִי מִקֵּץ שִׁבְעַת הַיָּמִים וַיַּתֵּם אֶת מְלַאכְתּוֹ וְהִנֵּה שָׁטִיחַ הָדוּר וְנָאֶה שָׁלשׁ אַמּוֹת אָרְכּוֹ וְאַמָּתַיִם רָחְבּוֹ וְהוּא עָשׂוּי מְלֶאכֶת מַחֲשֶׁבֶת מַרְהִיבָה עַיִן: בַּשָּׁטִיחַ בָּאֶמְצַע – תְּמוּנַת בְּרֵכַת מַיִם קְטַנָּה, עֲגֻלָּה, וְצִבְעָהּ כְּחַלְחַל־בָּהִיר וּדְגֵי זָהָב בּוֹרְקִים כְּמִתְלַהְלְהִים בְּתוֹךְ הַמַּיִם, וּמִסָּבִיב לַבְּרֵכָה סִבְכַת שִׂיחֵי יֶרֶק עִם פְּרָחִים.

וַיְהִי בְּהַצִּיג בְּנֵי הַבְּלִיַּעַל אֶת הַשָּׁטִיחַ בַּשׁוּק הַגָּדוֹל וַתִּמָּשֵׁךְ כָּל עַיִן אֶל הֲדַר הַשָּׁטִיחַ וְיָפְיוֹ. וְאִישׁ עָשִׁיר מִנִּכְבַּדֵּי הָאָרֶץ עָבַר בָּרְחוֹב וַיָּשֶׂם עֵינָיו וַיִּשְׁתּוֹמֵם לְיָפְיוֹ וּלְטִיב עֲבוֹדָתוֹ וַתֶּחֱשַׁק נַפְשׁוֹ בּוֹ וַיְשַׁלֵּם מְחִירוֹ מֵאָה דִינָרִים זָהָב כַּאֲשֶׁר דָּרְשׁוּ בְּעָלָיו.

אָז יָבוֹאוּ אַנְשֵׁי הָרֶשַׁע שְׂמֵחִים וְצוֹהֲלִים וַיְדַבְּרוּ טוֹבוֹת לָעֶלֶם וְגַם מַטְעַמִּים הֵבִיאוּ לוֹ כִּי יֹאכַל וְיַרְבֶּה כֹּחַ לַעֲשׂוֹת בַּמְּלָאכָה כַּדָּרוּשׁ.

וּכְתֹם שְׁבוּעַיִם יָמִים כִּלָּה אֶת הַשָּׁטִיחַ הַשֵּׁנִי וְהוּא פִּי שְׁנַיִם בְּגָדְלוֹ וּבְיָפְיוֹ מִן הָרִאשׁוֹן וַיִּמְכְּרוּהוּ בְּמָאתַיִם דִּינְרֵי זָהָב.

אָז יֹאמַר הָעֶלֶם לִבְעָלָיו: בְּחֶפְצִי עַתָּה לַעֲשׂוֹת שָׁטִיחַ גָּדוֹל, רְחַב יָדַיִם, כַּשְּׁטִיחִים הַפְּרוּשִׂים בָּאוּלָמוֹת הַגְּדוֹלִים אֲשֶׁר לַנִּכְבָּדִים בָּאָרֶץ. וְלֹא אָפוּנֶה כִּי אַחַד שָׂרֵי הַמַּלְכוּת אוֹ הַמֶּלֶךְ בְּעַצְמוֹ יְשַׁלֵּם בִּמְחִירוֹ חָמֵשׁ מֵאוֹת דִּינָרִים.

וַיָּבִיאוּ לוֹ אֶת הַצֶּמֶר, אֶת הַקְּטִיפָה וְהַמֶּשִׁי וַיֵּשֶׁב יָמִים עַל יָמִים בַּעֲבוֹדָתוֹ. וַתֶּאֱרַךְ עֲבוֹדַת הַשָּׁטִיחַ חֹדֶשׁ יָמִים לַיְלָה וָיוֹם כִּי לֹא נָתַן הָעֶלֶם מָנוֹחַ לְנַפְשׁוֹ עַד הֲתִמּוֹ אֶת מְלַאכְתּוֹ וַיִּעַף וַיִּרֶז עַד מְאֹד.

וַיְהִי בְּתֵת אַנְשֵׁי הָרֶשַׁע אֶת עֵינֵיהֶם בַּשָּׁטִיחַ הַפָּרוּשׂ וַיִּשְׂמְחוּ וַיִּפְרְחוּ מְאֹד וַיֹּאמְרוּ: אָכֵן, עַיִן לֹא רָאֲתָה מְלָאכָה מְפֹאֶרֶת וּמֻפְלָאָה כָּזֹאת.

וּבֶן הַמֶּלֶךְ עָשָׂה אֶת הַשָּׁטִיחַ כְּתַבְנִית הַשָּׁטִיחַ הָאַחֲרוֹן אֲשֶׁר עָשָׂה עֵת לָמְדוֹ אֶת הַמְּלָאכָה וַיְהִי פָּרוּשׂ לְמַזְכֶּרֶת בַּחֲדַר הַמֶּלֶךְ אָבִיו. וְזֹאת דְּמוּת הַשָּׁטִיחַ: מַרְאֶה נוֹף אֲשֶׁר בְּאֶרֶץ פָּרַס. טוּר הָרִים מִזֶּה וְנָהָר עוֹבֵר עַל גְּדוֹתָיו מִזֶּה וְחֹרְשַׁת עֵצִים עִם צִפֳּרִים הֲדוּרֵי כָּנָף בִּשְׁלַל צְבָעִים. וְזֵר סָבִיב סָבִיב לַשָּׁטִיחַ מַעֲשֵׂה צִיּוּרִים פְּתַלְתֻּלִּים וּבָהֶם רְשׁוּמוֹת אוֹתִיּוֹת כְּתָב. וְהַכְּתָב כְּתָב סוֹד לְבֵית הַמַּלְכוּת וְאִישׁ זָר לֹא יֵדָעֵהוּ. וַיִּכְתֹּב סָבִיב סָבִיב כַּדְּבָרִים הָאֵלֶּה:

אֲנִי שָׁבוּי בְּבוֹר שַׁחַת בְּתוֹךְ בֵּית אֹכֶל

בִּקְצֵה הָעִיר מִזְרָחָה־צָפוֹנָה. עֲשׂוּ

כְּחָכְמַתְכֶם וְהַצִּילוּנִי.

יוֹרֵשׁ הָעֶצֶר רָמִיז

וּבְנֵי הַבְּלִיַּעַל נָשְׂאוּ אֶת הַשָּׁטִיחַ עַל גָּמָל כִּי כָּבֵד הַשָּׁטִיחַ מְאֹד, וַיִּגְמְרוּ אֹמֶר לַהֲבִיאוֹ אֶל אַרְמוֹן הַמֶּלֶךְ כִּי אָמְרוּ: קַבֵּל נְקַבֵּל כֶּסֶף רַב תְּמוּרָתוֹ.

ה    🔗

לֵב אֵם רָחַשׁ דָּבָר / וּמַטֵּה רְשָׁעִים שָׁבַר

וַיְהִי בְּבוֹאָם אֶל שַׁעַר הָאָרְמוֹן וְהַמַּלְכָּה יוֹשֶׁבֶת עַל הָאֶשְׁנָב הַגָּדוֹל הָעֶלְיוֹן מִמּוּל הַשַּׁעַר. וַתַּרְא מֵרָחוֹק שְׁנֵי אֲנָשִׁים נוֹהֲגִים גָּמָל עֲמוּס מַשָּׂא וְהֵם קְרֵבִים לָאַרְמוֹן. וַתְּצַפֶּה לָדַעַת מָה חֶפְצָם וּמַה מְבֻקָּשָׁם.

וּבְאַרְמוֹן הַמֶּלֶךְ רַב הָאֵבֶל וְהַיָּגוֹן. מֵאָז נֶעֱלְמוּ עִקְּבוֹת יוֹרֵשׁ הָעֶצֶר – הָיְתָה הַמַּמְלָכָה כְּמֶרְקָחָה. הָרָצִים יָצְאוּ דְחוּפִים גְּדוּדִים גְּדוּדִים וַיְחַפְּשׂוּ וַיָתוּרוּ אַחַר בֶּן הַמֶּלֶךְ יוֹמָם וָלַיְלָה אֶל כָּל אֲשֶׁר נְשָׂאוּם רַגְלֵיהֶם.

וַיְהִי כִּי חָלַף שָׁבוּעַ יָמִים וְלֹא נוֹדַע דָּבָר וְשֶׁמֶץ דָּבָר מִמֶּנּוּ וַיִּקְרָא הַמֶּלֶךְ הַזָּקֵן נֵרְשׁוּאָן לְאֵבֶל וּלְמִסְפֵּד וַיֵּבְךְּ בְּכִי מַר וַיִּשְׁאַל אֶת נַפְשׁוֹ לָמוּת, כִּי אָמַר מַה שָּׁוִים חַיַּי וּמַה נִּקְלָה מַלְכוּתִי בְּעֵינַי וּמֶה אָפְסָה אֱמוּנָתִי בְּאֵל וְאָדָם אִם כָּזֹאת הָיְתָה בְּאַחֲרִיתִי. הֵן הֶבֶל הַמַּמְלָכָה, שֶׁקֶר הָאָדָם וְכָל הַחַיִּים – כָּזָב.

וַיְמָאֵן הַמֶּלֶךְ לָדַעַת דָּבָר וְלִשְׁמֹעַ דָּבָר מִכָּל אֲשֶׁר בַּמַּמְלָכָה וַיֵּשֶׁב בְּחֶדֶר תּוֹךְ חֶדֶר עַל הָאָרֶץ מַשְׁמִים וְנוּגֶה כָּל הַיָּמִים.

וְהַמַּלְכָּה בְּגֹדֶל שִׁבְרָהּ וּמַר רוּחָהּ – שָׁמָה מְקוֹמָהּ מִבֹּקֶר עַד עֶרֶב בָּאֶשְׁנָב הַגָּדוֹל, אֲשֶׁר מוּל שַׁעַר הָאַרְמוֹן וְהִיא צוֹפָה מוּלָהּ, מַחֲרִישָׁה וּבוֹכִיָּה וַתְּצַפֶּה כָּל הַיָּמִים אֶל בְּנָהּ כִּי יָבוֹא… כִּי יָבוֹא…

וַיְהִי בִּקְרֹב שְׁנֵי הָאֲנָשִׁים הַנּוֹהֲגִים בַּגָּמָל אֶל הָאַרְמוֹן – וַיִּמְנָעוּם הַשּׁוֹעֲרִים מֵהִכָּנֵס כִּי אָמְרוּ: הַעֵת לְבֵית הַמַּלְכוּת לִקְנוֹת כַּיּוֹם שְׁטִיחִים? וַיְשִׁיבוּם לְדַרְכָּם. וְהַמַּלְכָּה בִּרְאוֹתָהּ כִּי שָׁבוּ כַּאֲשֶׁר בָּאוּ וַתִּשְׁלַח אֶחָד מִשּׁוֹמְרֵי הַסַּף לָדַעַת מַה זֶּה וְעַל מַה זֶּה?

וַיָּשָׁב הַשּׁומֵר וַיֹּאמַר: אֵין דָּבָר זוּלַת כִּי אַנְשֵׁי־כֶּסֶל אֵלֶּה בָּאוּ כַּיּוֹם לִמְכּוֹר שָׁטִיחַ גָּדוֹל לְבֵית הַמַּלְכוּת. אָכֵן אֲנָשִׁים גֵּרִים הֵמָּה בָּאָרֶץ וְעַל כֵּן לֹא יָבִינוּ דָבָר.

וַיְהִי כִּשְׁמוֹעַ הַמַּלְכָּה אֶת שֵׁמַע הַשָּׁטִיחַ וַיִפָּעֵם לִבָּהּ, כִּי נִזְכּוֹר נִזְכְּרָה בַּמְלָאכָה אֲשֶׁר לָמַד בֶּן הַחֲמוּדוֹת בַּיָּמִים עָבְרוּ וַיְהִי הַחֵפֶץ בְּלִבָּהּ לְהֵיטִיב לִשְׁנֵי הָאֲנָשִׁים הָעוֹבְדִים בַּמְּלָאכָה אֲשֶׁר עָשׂוּ יְדֵי בְּנָהּ. וַתֹּאמַר: יוּבָא הַשָּׁטִיחַ הֵנָּה וְהָאֲנָשִׁים יְחַכּוּ בַּשַּׁעַר.

וַיִּשְׂאוּ אֶת הַשָּׁטִיחַ אַרְבָּעָה מֵאַנְשֵׁי הַצָּבָא וַיַּעֲלוּהוּ אֶל הַמַּלְכָּה. וַיְהִי אַךְ פַּרְשׂוּ הַשָּׁטִיחַ עַל הָאָרֶץ וְלֵב הַמַּלְכָּה כְּמוֹ נִתַּק מִקִּרְבָּהּ. אַךְ הִיא אָזְרָה כָּל חֵילֶיהָ וַתֹּאמֶר כָּל עוֹד מִלָּתָהּ עַל לְשׁוֹנָהּ: הָבִיאוּ… אֶת הַמִּשְׁנֶה לַמֶּלֶךְ… יָבוֹא… חִישׁ מַהֵר!…

וַיֵּחָפְזוּ שְׁנַיִם מִשּׁוֹמְרֵי הַסַּף וַיִּקְרְאוּ לְמִשְׁנֵה הַמֶּלֶךְ מִבֵּית הַשָּׂרִים אֲשֶׁר בָּאַרְמוֹן. וַיְהִי בִּצְעוֹד רַגְלֵי הַמִּשְׁנֶה עַל מִפְתַּן הָאוּלָם וַתִּקְרָא הַמַּלְכָּה: “הַבִּיטָה נָא!” וְלֹא יָסְפָה, כִּי לֹא יָכְלָה דַבֵּר.

וְהַמִּשְׁנֶה תָּמַךְ בְּיָדָהּ וַיִּגְשׁוּ וַיִּתְבּוֹנְנוּ וַיַּכִּירוּ כִּי הַמְלָאכָה מְלֶאכֶת יוֹרֵשׁ הָעֶצֶר הִיא. וּבְתֵת הַמִּשְׁנֶה אֶת לִבּוֹ כֹּה וָכֹה וַיְגַלֶּה אֶת הָאוֹתִיּוֹת הַכְּתוּבוֹת בַּכְּתָב הַסּוֹדִי, וַיְחַפֵּשׂ וַיִּמְצָא אֶת רֵאשִׁיתָן וַיִּקְרָא חֶרֶשׁ בִּשְׂפָתָיו כָּל הַמִּשְׁפָּט הַכָּתוּב.

אָז יִפְקֹד לֶאֱסֹר בִּכְבָלִים אֶת שְׁנֵי הָאֲנָשִׁים. וַיִּשְׁלַח גְּדוּד צָבָא אֶל קְצֵה הָעִיר אֶל בֵּית הָאֹכֶל וַיָּסֹבּוּ לְפֶתַע עַל הַבַּיִת וַיַּאַסְרוּ בְּכַבְלֵי בַּרְזֶל אִישׁ וָאִישׁ מִן הַנִּמְצָאִים בַּבַּיִת, וַיִּדְרְשׁוּ כִּי יַרְאוּ לָהֶם אַיֵּה נִמְצָא עוֹשֶׂה הַשְּׁטִיחִים, וְאִם לֹא יְגַלּוּ דְבָרָם – דְּמֵי כָּל הָאֲנָשִׁים יֻגְּרוּ לָאָרֶץ וְאֶת הַבַּיִת יַהַרְסוּ.

כִּרְאוֹת בַּעֲלֵי הַמָּקוֹם כִּי נִגְלְתָה רָעָתָם וַיַּרְאוּ אֶת הַמְבוֹאוֹת הַנִּסְתָּרִים אֲשֶׁר לְמַעֲמַקֵּי הַבַּיִת וַיֵּרְדוּ מִשְׁנֵה הַמֶּלֶךְ וְשָׂרָיו עַד תַּחְתִּית הָאֲדָמָה וַיִּרְאוּ אֶת בֶּן הַמֶּלֶךְ יוֹשֵׁב עַל מְלַאכְתּוֹ לְיַד מַסֶּכֶת הָאוֹרְגִים וְהוּא חִוֵּר־פָּנִים, דַּל־בָּשָׂר וּשְׂעָרוֹ גָּדַל פֶּרַע. וַיִּשְׁתַּחֲווּ מִשְׁנֵה הַמֶּלֶךְ וְשָׂרָיו אַפַּיִם אַרְצָה וְאַחַר נָשְׁקוּ לְפָנָיו וַיִּקָּחוּהוּ וַיּוֹבִילוּהוּ אֶל בֵּית הַמֶּרְחָץ וַיַּלְבִּישׁוּהוּ בִּגְדֵי מַלְכוּת.

וְאֶת חֶבֶר הַפּוֹשְׁעִים הִשְׁמִידוּ וַיְכַלּוּם עַד אֶחָד.

ו    🔗

שִׂמְחָה וְשָׂשׂוֹן / כִּי נָס אָסוֹן

וְטֶרֶם יוּבָא בֶּן הַמֶּלֶךְ לְאַרְמוֹן הַמַּלְכוּת – עָרַךְ מִשְׁנֵה הַמֶּלֶךְ דְּבָרוֹ בְּהַשְׂכֵּל וּבְבִינָה לְבַל יִוָּדַע דְּבַר הַבְּשׂוֹרָה לַמֶּלֶךְ הַזָּקֵן לְפֶתַע פִּתְאֹם פֶּן יִקְרֵהוּ אָסוֹן. וַיְהִי דְבָרוֹ עִם יוֹרֵשׁ הָעֶצֶר כִּי יִכְתֹּב הַבֵּן לְאָבִיו אִגֶּרֶת מְדֻמָּה לְמַעַן הָקֵל עַל הַמֶּלֶךְ אֶת דְּבַר הַבְּשׂוֹרָה הַגְּדוֹלָה.

וַיָּבוֹא הַמִּשְׁנֶה אֶל הַמֶּלֶךְ בְּמוֹשָׁבוֹ אֲשֶׁר בְּחַדְרֵי חֲדָרִים וַיַּגֵּד לוֹ בַּלָּאט: יִתְבַּשֵׂר אֲדוֹנִי הַמֶּלֶךְ כִּי הִנֵּה בָּאוּ אֲנָשִׁים מֵאֶרֶץ רְחוֹקָה וַיָּבִיאוּ אִגֶּרֶת מֵאֵת יוֹרֵשׁ הָעֶצֶר, וּבָאִגֶּרֶת כָּתוּב לֵאמֹר כִּי בָּרִיא הוּא וְשָׁלֵם אַךְ מִקְרֵה פֶּגַע קָרָהוּ וַיּוּבַל בִּידֵי אֲנָשִׁים נוֹכְלִים אֶל אֶרֶץ הֶהָרִים הָרְחוֹקָה. וְאוּלָם בְּעוֹד יָמִים מִסְפָּר יֵצֵא אֶת הָאָרֶץ וָיָבוֹא אֵלֵינוּ.

וַיִּקַּח הַמֶּלֶךְ אֶת הָאִגֶּרֶת וַיִּתְבּוֹנֵן בָּהּ, הִתְבּוֹנֵן וְקָרוֹא, וַיֹּאמַר: עַתָּה אוֹדֶה לֵאלֹהִים עַל חַסְדָּם עִמָּדִי. וַתָּשָׁב רוּחַ הַמֶּלֶךְ אֵלָיו וַיֵּצֵא מִמּוֹשַׁב אֶבְלוֹ וַיְקַבֵּל אֶת פְּנֵי הַשָּׂרִים בְּשִׂמְחָה וּבְטוּב לֵבָב.

וַיְהִי מִמָּחֳרַת הַיּוֹם עֵת רָאָה הַמִּשְׁנֶה כִּי חָזַק לֵב הַמֶּלֶךְ וְרוּחוֹ טוֹבָה עָלָיו וַיְסַפֶּר לוֹ לְאַט לְאַט אֶת כָּל הַקּוֹרוֹת לְתֻמָּם מֵהָחֵל וְעַד כַּלֵּה.

אָז יוּבָא יוֹרֵשׁ הָעֶצֶר בְּמַקְהֵלוֹת עַם רַבּוֹת בְּשִׁיר וּבְזִמְרָה אֶל אַרְמוֹן הַמֶּלֶךְ וַתְּהִי שִׂמְחַת הַפְּגִישָׁה גְדוֹלָה וְרַבָּה לְמַכְבִּיר. וַיֹּאמַר הַמֶּלֶךְ: עַתָּה יָדַעְתִּי כִּי טוֹבָה עֵין הָאֱלֹהִים עָלַי אֲשֶׁר לֹא נְתָנַתְנִי לָרֶדֶת בְּיָגוֹן שְׁאוֹלָה.

וְהַבְּשׂוֹרָה הַגְּדוֹלָה עָבְרָה כְּרוּחַ טוֹבָה שְׁלוּחָה מִמָּרוֹם בְּכָל עִיר וָעִיר וּבְכָל פִּנָּה וּפִנָּה בְּכָל מֶרְחֲבֵי הַמַּמְלָכָה, וַתְּהִי שִׂמְחַת הָעָם גְּדוֹלָה לְאֵין קֵץ וַיִּקְרְאוּ שִׁבְעַת יְמֵי חַג בְּכָל הָאָרֶץ.

וַיְהִי בַּלַּיְלָה הָרִאשׁוֹן לְשׁוּב בֶּן הַמֶּלֶךְ הָאַרְמוֹנָה וַיִּקְרָא הַמֶּלֶךְ לְמִשְׁתֶּה וּלְשִׂמְחָה לְכָל הַשָּׂרִים הַגְּדוֹלִים וּלְכָל חַכְמֵי הַמֶּלֶךְ וּלְשִׁבְעַת רוֹאֵי פְּנֵי הַמֶּלֶךְ. וַיְהִי מִסְפָּרָם שְׁמוֹנִים וְשִׁבְעָה שָׂרִים.

וְלֵב אִישׁ וָאִישׁ רָחַב מִשִּׂמְחָה מֵרְאוֹת אֶת יוֹרֵשׁ הָעֶצֶר לְיַד הַמֶּלֶךְ וְהַמַּלְכָּה, וַיֵּאוֹרוּ פְּנֵיהֶם. וַיְהִי טֶרֶם יִשְׁלְחוּ יָדָם אֶל לֶחֶם הָעֶרֶב וַיִּתֵּן הַמֶּלֶךְ אוֹת וַתִּפֹּל דְּמָמָה גְדוֹלָה בֵּין הַקְּרוּאִים הָרַבִּים וַיִּתְַנוּ אָזְנָם לְהַקְשִׁיב אֶל מוֹצָא פִּי מַלְכָּם.

אָז יִשָּׂא דְבָרוֹ הַמֶּלֶךְ וַיֹּאמַר:

– הַאֲזִינוּ כֻּלְכֶם, רַעֲיָתִי הַמַּלְכָּה וְיוֹרֵשׁ עֶצְרִי הַנֶּאֱהָב וְאַתֶּם שָׂרַי וְרוֹזְנַי! הֲשַּׂמְתֶּם אֶל לִבְּכֶם כִּי כָּל הַטּוֹבָה וְהַחֶסֶד אֲשֶׁר עָלֵינוּ כַּיּוֹם – מִידֵי אִישׁ אֶחַָד בָּאוּ אֵלֵינוּ? וְהוּא אֵינֶנּוּ אִתָּנוּ כַּיּוֹם! מַה יִדְאַב לִבִּי כִּי נִפְקָד מְקוֹם הָאִישׁ מֵעִמָּנוּ הַיּוֹם!

וַיִּתְמְהוּ הָאֲנָשִׁים וַיֹּאמְרוּ בְּלִבָּם: מִי הוּא זֶה וְאֵיזֶה הוּא? אֶל מִי יִרְמְזוּ דִבְרֵי הַמֶּלֶךְ?

וַיָּבֶן הַמֶּלֶךְ לְרוּחָם וַיֹּאמַר:

– הֵן הוֹדוֹת לָאִישׁ הָעִוֵּר אֲשֶׁר יָעַץ לִבְנִי לְלַמֵּד יָדָיו לְאַחַת הַמְלָאכוֹת וְהוֹדוֹת לִמְלֶאכֶת הַשְּׁטִיחִים אֲשֶׁר לָמַד בְּנִי – הִגִּיעָה אֵלֵינוּ הַתְּשׁוּעָה הַגְּדוֹלָה הַזֹּאת!

וְאָמְנָם גַּם אֲנִי וְגַם בְּנִי חָטָאנוּ לָאִישׁ הַזֶּה. אֲנִי – כִּי לֹא שָׁלַחְתִּי וְקָרָאתִי לָאִישׁ הַהוּא לָדַעַת מִי הוּא וּמָה עִמָּדוֹ? וּבְנִי – אָמַר הַמֶּלֶךְ בִּצְחוֹק – עַל כִּי דִמָּה כִּי רַמֵּה רִמָּהוּ הָאִישׁ וַיִּקַּח תְּמוּרַת עֲצָתוֹ עֲשָׂרָה דִינָרִים שְׁלֵמִים! מַה טּוֹב הָיָה לוּ הִכַּרְנוּ אֶת הָאִישׁ וְאֶת שִׂיחוֹ!

עוֹד הַמֶּלֶךְ מְדַבֵּר וְאֶחָד מִשּׁוֹמְרֵי הַסַּף בָּא וְהִשְׁתַּחֲוָה לִפְנֵי הַמֶּלֶךְ וַיֹּאמַר:

– אִישׁ עִוֵּר עוֹמֵד בְּשַׁעַר הָאַרְמוֹן וְהוּא מְבַקֵּשׁ לָבוֹא לִפְנֵי אֲדוֹנִי הַמֶּלֶךְ.

– אִישׁ עִוֵּר? – תָּמַהּ הַמֶּלֶךְ וָכָל הַקְּרוּאִים בַּמִּשְׁתֶּה – תְּנוּהוּ וְיָבוֹא לְפָנַי.

וַיְהִי בְּהוֹבִיל שׁוֹמֵר הַסַּף אֶת הָעִוֵּר אֶל מִפְתַּן הָאוּלָם הַגָּדוֹל וַיָּקָם יוֹרֵשׁ הָעֶצֶר מִמְּקוֹמוֹ וַיֹּאמַר: זֶה הָאִישׁ! וַיֵּלֶךְ וַיִּקָּחֵהוּ לִפְנֵי הַמֶּלֶךְ. וַיִּשְׁתַּחוּ הָאִישׁ וַיִּשַּׁק שׁוּלֵי בִּגְדֵי הַמֶּלֶךְ.

אָז יוֹשִׁיבֵהוּ יוֹרֵשׁ הָעֵֶצֶר מִשְּׂמֹאלוֹ – וַתִּפֹּל דּוּמִיָּה רַבָּה בְּקֶרֶב מוֹשַׁב שָׂרֵי הַמַּלְכוּת.

מָה הֵיטַבְתָּ לַעֲשׂוֹת – פָּתַח הַמֶּלֶךְ דְּבָרוֹ – כִּי בָּאתָ אֵלֵינוּ לְעֵת כָּזוֹ – הֱיֵה בָּרוּךְ בְּבוֹאֶךָ. אֲדַמֶּה כִּי אִישׁ אֱלֹהִים אַתָּה אֲשֶׁר תֵּיטִיב לִרְאוֹת אֶת הַנּוֹלָד וַאֲשֶׁר תֵּיטִיב לָדַעַת לֵב אָדָם. כִּי הִנֵּה נִכְסוֹף נִכְסַפְתִּי לִרְאוֹתְךָ עִמָּנוּ בְּמוֹשָׁב זֶה אֲשֶׁר קָם וְהָיָה כְּתוֹצָאוֹת מִדְּבַר פִּיךָ. וּבְרֶגַע הַעֲלוֹתִי אֶת זִכְרְךָ בְּפִי – הוֹפַעְתָּ לְפָנֵינוּ – הֵן אִישׁ אֱלֹהִים אַתָּה!

וַיַּעַן הָעִוֵּר לֵאמֹר:

– יַרְשֵׁנִי נָא אֲדוֹנִי הַמֶּלֶךְ וַאֲדַבֵּרָה.

וַיֹּאמַר: דַבֵּר.

– לֹא אִישׁ אֱלֹהִים אָנֹכִי כִּי אִם אִישׁ מְלָכִים, כִּי גַם הַטּוֹב וְגַם הָרַע אֲשֶׁר יָדַעְתִּי בִּימֵי חֶלְדִי מִידֵי מְלָכִים בָּא אֵלַי. וְזֹאת אֲשֶׁר אָמַרְתִּי לְסַפֵּר לְאָזְנֵיכֶם.

וַיַּעַן הַמֶּלֶךְ וַיֹּאמַר: עַתָּה כִּי בָּאתָ הֲלוֹם סְעַד לִבְּךָ עִמָּנוּ וְהָיָה כַּהֲתִימֵנוּ לִסְעוֹד וְדִבַּרְתָּ אֵלֵינוּ כְּכָל אֲשֶׁר בְּפִיךָ, כִּי לְמוֹצָא פִּיךָ תְּשׁוּקָתִי וּתְשׁוּקַת יוֹרֵשׁ הָעֶצֶר וְשָׂרַי וַחֲכָמַי.

ז    🔗

הַחָכְמָה – גָדוֹל כְּבוֹדָהּ / אַךְ תְּשׁוּעָה – בָּעֲבוֹדָה

וַיְהִי כַּאֲשֶׁר כִּלּוּ לִסְעוֹד וַיִּתֵּן הַמֶּלֶךְ אוֹת וַיַּחֲרִישׁוּ הַקְּרוּאִים וְהָעִוֵּר פָּתַח אֶת פִּיו וַיֹּאמַר:

יְלִיד אֶרֶץ הַבַּבְלִים אָנֹכִי. וּמִשְׁפַחְתִּי – רֶזֶנְדָאן – מִשְׁפַּחַת אֲצִילִים אֲשֶׁר בָּאָרֶץ הַקְּרוֹבִים לַחֲצַר הַמֶּלֶךְ נֶבּוֹ־חַדוּן. שִׁבְעָה אָחִים אֲנַחְנוּ בְּנֵי אָב אֶחָד וְאֵם אַחַת. אָבִי, מִשְׁנֵה הַמֶּלֶךְ הָיָה לַאֲבִי נֶבּוֹ־חַדוּן וַיִּקְנֶה לָנוּ תּוֹרָה וָדַעַת, חָכְמָה וּבִינָה מִפִּי מוֹרִים וַחֲכָמִים גְּדוֹלֵי שֵׁם וְרַבֵּי תְּהִלָּה. וַיְהִי כַּאֲשֶׁר גָדַלְנוּ וַנְהִי לַאֲנָשִׁים וַיִּמְלֹךְ נֶבּוֹ־חַדוּן, רֵעֵנוּ וַחֲבֵרֵנוּ מִימֵי יַלְדוּתֵינוּ, אֲשֶׁר יַחַד גָּדַלְנוּ וְהִשְׁתַּעֲשַׁעְנוּ בִּהְיוֹתֵנוּ יְלָדִים בְּגִנַּת בִּיתַן הַמֶּלֶךְ אוֹ בְאַרְמוֹנֵנוּ, וּבְמָלְכוֹ וַיִּבְחַר בָּנוּ לְשָׂרָיו וְיוֹעֲצָיו.

אָחִי הַבְּכוֹר הָיָה הַמְשׁוֹרֵר אֲשֶׁר בַּחֲצַר הַמֶּלֶךְ.

הַשֵּׁנִי הָיָה מִשְׁנֶה לַמֶּלֶךְ.

הַשְּׁלִישִׁי הָיָה הַמְבַדֵּחַ אֲשֶׁר לִפְנֵי הַמֶּלֶךְ.

הַרְבִיעִי – אָנֹכִי – הָיִיתִי הַהוֹבֵר וְחוֹזֶה בַּכּוֹכָבִים לְיַד הַמֶּלֶךְ.

הַחֲמִישִׁי, אַךְ הוּא הָיָה חֲסַר דַעַת וְלֹא אָבָה קְנוֹת חָכְמָה וּבִינָה וַיְהִי לְסַנְדְּלָר. וַיְגָרְשֵׁהוּ אָבִי מֵעִם פָּנָיו וְהוּא נַעַר וַיֵּלֶךְ לַמֶּרְחַקִּים.

הַשִּׁישִׁי הָיָה הַצַּיָּר לְבֵית הַמֶּלֶךְ.

וְהַשְּׁבִיעִי לֹא אָבָה כְּהֻנָּה וַיְהִי לְסוֹחֵר וַיִּגְדַּל עָשְׁרוֹ וַיִּרֶב כַּסְפּוֹ וּזְהָבוֹ מִכָּל אִישׁ אֲשֶׁר בְּאֶרֶץ בָּבֶל.

וְאוּלָם כַּיּוֹם הִנֵּה אָנוּ כֻּלָּנוּ – זוּלַת הָאֶחָד אֲשֶׁר נִפְרַד מֵעִמָּנוּ – דַּלִּים וְחַסְרֵי כֹּל, אֻמְלָלִים וּמְעֻנִּים, מִי עִוֵּר וּמִי אִלֵּם, מִי קִטֵּעַ וּמִי גִדֵּם וְכַיּוֹם הַזֶּה, זֶה לָנוּ שָׁנִים חָמֵשׁ, אֲשֶׁר אָנוּ חוֹסִים בְּצֵל קוֹרַת אָחִינוּ הַחֲמִישִׁי, הוּא הַסַּנְדְּלָר, אֲשֶׁר נָדַד וַיֵּשֶׁב בְּאַרְצְכֶם. מֵרַחֲמָיו וּמֵחַסְדּוֹ עִמָּנוּ חַיִּים אָנוּ כַּיּוֹם הַזֶּה.

וַיִּקְרָא הַמֶּלֶךְ לֵאמֹר: מַה יִכָּמְרוּ רַחֲמַי לְשֵׁמַע דְּבָרֶיךָ. הַגִּידָה וְנֵדְעָה אֵיכָה הָיְתָה זֹאת עִמָּכֶם.

וַיּוֹסֶף הָעִוֵּר וַיֹּאמַר: בַּעֲלוֹת נֶבּוֹ חַדוּן רֵעֵנוּ עַל כִּסֵּא הַמְּלוּכָה וַנִּתֵּן אֲנַחְנוּ שֵׁשֶׁת הָאַחִים אֶת יָדֵנוּ וְאֶת חֵפֶץ לִבֵּנוּ בְּאַהֲבָה וּבֶאֱמוּנָה לַמֶּלֶךְ נֶבּוֹ חַדוּן לְהַגְדִּיל עֻזּוֹ וּלְפָאֵר שְׁמוֹ.

אָחִי הַמִּשְׁנֵה לַמֶּלֶךְ שָׁמַר אֶת פְּקֻדַּת מַלְכּוֹ בְּכָל נַפְשׁוֹ וּמְאֹדוֹ. וַיְהִי לִבּוֹ עֵר וְרוּחוֹ נְכוֹנָה תָּמִיד לִפְעֹל וּלְמַלֵּא אֶת דְּבַר מַלְכּוֹ, וַיַּעַשׂ אֶת הַצֶּדֶק וְאֶת הַטּוֹב בְּכָל מְדִינוֹת הַמֶּלֶךְ.

וְאָחִי הַמְשׁוֹרֵר – עַד מָה הֵיטִיב לֵאמֹר שִׁיר! אֶזְכֹּר כָּעֵת אֶת מוֹשְׁבֵי הַשִּׂמְחָה בְּאַרְמוֹן הַמֶּלֶךְ עִם הַשָּׂרִים וְהַשָּׂרוֹת, הַפִּילַגְשִׁים וְהַגְּבִירוֹת – עֵת שָׁר אָחִי אֶת שִׁירוֹ. מַה נָּעֲמוּ דְבָרָיו וּמַה שָּׁפְרוּ אֲמָרָיו, אֵיךְ הִפְלִיא חֲרוּזוֹ לְשַׂמֵּחַ לְבָבוֹת! הֵן אָמְרוּ עַל אָחִי הַמְשׁוֹרֵר אֲשֶׁר אִם יֵשׁ בְּתֵבֵל דָּבָר הֶחָזָק כַּבַּרְזֶל וְרַךְ כַּדּוֹנַג כְּאֶחָד, גַּם מַשְׁכִּיר כַּיַּיִן הַטּוֹב וּמַאֲשִׁיר כָּאַהֲבָה הַבְּרוּכָה – אֵין זֶה כִּי אִם שִׁירוֹ שֶׁל רָדִין רֶזֶנְדָאן אָחִי. וְאָמְנָם כָּל עוֹד אָמַר אָחִי אֶת שִׁירוֹ כְּמוֹ רָפָה מְעַט כֹּחַ הָאָסוֹן וְהַיָּגוֹן עַל פְּנֵי הָאֲדָמָה.

וְאָחִי הַבַּדְחָן – מַה יָּקְרָה סְגֻלַּת רוּחוֹ! מִדֵּי שַׁלְּחוֹ דִבְרֵי שַׁעֲשׁוּעָיו לְאָזְנֵינוּ וְהָיָה כְּמוֹ נָדַף רֵיחַ בֹּשֶׂם טוֹב מִדְּבָרָיו. דְּבָרוֹ לֹא רַק הִצְחִיק וְהִצְהִיל אֶת רוּחַ שׁוֹמְעָיו כִּי אִם מִלֵּא וְהֶעֱשִׁיר אֶת לֵב הַשּׁוֹמֵעַ בִּתְבוּנָה וּבְחָכְמָה.

וְאוּלָם לֹא אָסֵב דְּבָרַי עַל כָּל אַחַי כִּי תֶּאֱרַךְ מִדַּי הָעֵת. אַךְ זֹאת עָלַי לְהוֹסִיף: אוֹתִי אָהַב הַמֶּלֶךְ נֶבּוֹ חַדוּן מִכָּל אַחַי כִּי בְּנֵי גִיל אֶחָד הָיִינוּ. בְּיוֹם אֶחָד נוֹלַדְנוּ וְכִמְעַט בְּשָׁעָה אֶחָת.

וּבְלָמְדִי אֶת חֵקֶר כּוֹכְבֵי הַשָּׁמַיִם וְכָל צִבְאוֹתָם מִפִּי מוֹרִים גְּדוֹלֵי דַעַת – הָיְתָה עֲצָתִי לַמֶּלֶךְ בְּכָל עִנְיָן וְחֵפֶץ אֲשֶׁר אָמַר לִפְעֹל וְלַעֲשׂוֹת. אֱלֹהֵי הַשָּׁמַיִם הֶעֱנִיקוּ לִי מִסּוֹד חֶפְצָם וְרַבּוֹת חָזִיתִי לַאֲדוֹנִי הַמֶּלֶךְ אֲשֶׁר יֶאֱתֶה וַאֲשֶׁר יִקְרֶה וְעַל פִּי חֲזוֹנִי וּדְבָרִי פָּעַל וְעָשָׂה אוֹ חָדַל וְנִמְנַע מֵעֲשׂוֹת מָה.

וּבְהִוָּלֵד לַמֶּלֶךְ בָּנִים וּבָנוֹת – כִּי נָשִׁים רַבּוֹת הָיוּ לוֹ – וְחָזִיתִי וְגִלִּיתִי בַּכּוֹכָבִים בְּעֵת הֻלַּדְתָּם וְיָדַעְתִּי מַזָּלָם וְרָאִיתִי פָּעֳלָם לְעֵת גָּדְלָם.

וְהִנֵּה נוֹלַד לַמֶּלֶךְ בְּאַחַד הַלֵּילוֹת יֶלֶד לְאִשָּׁה אַשּׁוּרִית אֲשֶׁר אֲהֵבָהּ אַהֲבַת נֶפֶשׁ, וָאֶחֱזֶה בַּכּוֹכָבִים וָאֵרֶא אוֹתוֹת דָּמִים וְחֻרְבָּן וְתַהְפּוּכוֹת, וְאַף קָרָאתִי נְכוֹנָה כִּי צְפוּיָה יָדוֹ לִרְצֹחַ אֶת הַמֶּלֶךְ אָבִיו. וָאֶתְעַצֵּב מְאֹד אֶל לִבִּי, וָאֶשְׁאַל אֶת נַפְשִׁי לָמוּת, כִּי אֵיךְ אֲגַלֶּה לַמֶּלֶךְ אֶת אֲשֶׁר צָפִיתִי וְאֶת אֲשֶׁר נִגְלָה לִי וְהוּא כֹּה יֶאֱהַב אֶת אִשְׁתּוֹ? וַיְהִי כַּאֲשֶׁר קְרָאַנִי הַמֶּלֶךְ אַחֲרֵי צְפוֹתִי עֵת רַבָּה בַּכּוֹכָבִים וַיִּשְׁאָלֵנִי דָבָר וְהוּא שָׂמֵחַ וְצוֹהֵל עַל הַיִּלּוֹד הֶחָדָשׁ וַיִּפְּלוּ פְּנַי וָאַחֲרִישׁ. וְאוּלָם הַסְתֵר לֹא יָכֹלְתִּי אֶת אֲשֶׁר עִמִּי וָאַגֵּד לַמֶּלֶךְ כָּל אֲשֶׁר נִרְאָה לִי.

יָמִים רַבִּים הָיָה לֵב הַמֶּלֶךְ מַר עָלָיו וַיִּתְהַלֵּךְ עָצוּב וּנְכֵה רוּחַ. וְכִי שַׁבְתִּי לְעֵת יְדוּעָה לַחֲזוֹת בַּמַּזָּרוֹת וְרָאִיתִי בְּיֶתֶר שְׂאֵת דָּם וָאֵשׁ וְהֶרֶס וּמַאְפַּלְיָה לְנֶגֶד עֵינַי, וְיַד הַבֵּן הוֹיָה בָּאָב!

וַיְהִי בְּהִמָּלֵא לַיֶּלֶד שָׁלֹשׁ שָׁנִים וַיָּשָׁב הַמֶּלֶךְ וַיִּשְׁאָלֵנִי: מַה בְּפִיךָ כָּעֵת, שַׂרְאֶצֶר אָחִי?

וָאֹמַר: אֲדוֹנִי הַמֶּלֶךְ, אֲשֶׁר הָיָה אֶתְמוֹל וְאֶתְמוֹל שִׁלְשׁוֹם.

וַיֹּאמֶר הַמֶּלֶךְ: מָה עֲצָתְךָ, אָחִי?

וָאַעַן וָאֹמַר: הָרְגֵהוּ, אֲדוֹנִי הַמֶּלֶךְ וְהַצֵּל אֶת נַפְשְׁךָ וְאֶת מַמְלַכְתְּךָ.

וַיֹּאמַר הַמֶּלֶךְ: לֹא אוּכַל כָּזֹאת. אֶאֶסְרֶנּוּ הַרְחֵק בְּאִי אֶחָד מֵאִיֵּי הֹדּוּ וְאָשִׂים עָלָיו שׁוֹמְרִים נֶאֱמָנִים מִשּׁוֹמְרֵי רֹאשִׁי אֲשֶׁר לֹא יָסוּרוּ לָעַד מִבֵּין יָדָיו. הַטּוֹבָה עֵצָה זוֹ בְּעֵינֶיךָ?

וָאֹמַר: לֹא, אֲדוֹנִי הַמֶּלֶךְ.

וְהַמֶּלֶךְ אָמַר: אֶדְמֶה כִּי טוֹבָה עֲצָתִי וְכֵן אֶעֱשֶׂה.

וָאֹמַר: אַתָּה הַמֶּלֶךְ, אֲדוֹנִי, עֲשֵׂה כְּחֶפְצְךָ.

וַיַּעַשׂ הַמֶּלֶךְ כְּחֶפְצוֹ.

חֲמֵשׁ עֶשְׂרֵה שָׁנָה הָיָה הַנַּעַר – פַּדְשׁוּר – בִּמְקוֹם שִׁבְיָתוֹ וְהוּא לֹא יָדַע כִּי בַּשִּׁבְיָה הוּא, כִּי מַלֵּא מִלֵּא הַמֶּלֶךְ אֶת כָּל מַחְסוֹרוֹ, וְהַמֶּלֶךְ וְאִמּוֹ פָּקְדוּ אֶת מְקוֹמוֹ אַחַת בַּקַּיִץ וְאַחַת בַּחֹרֶף.

וַיְהִי בִּהְיוֹת פַּדְשׁוּר בֶּן שְׁמוֹנֶה עֶשְׂרֵה שָׁנָה – וּבְבֵית הַמַּלְכוּת קָם אִישׁ בְּלִיַּעַל וְרַע תְכָכִים, הוּא מַרְפַעַל, אֲשֶׁר קִנֵּא קִנְאַת אֵשׁ אוֹכֵלָה בְּאִָחִי הַמִּשְׁנֵה לַמֶּלֶךְ.

וַיְחַפֵּשׂ וַיָּתָר וַיִּמְצָא אֶת מְקוֹם שִׁבְיַת פַּדְשׁוּר וַיִּקְשֹׁר קֶשֶׁר וַיֵּלֵךְ בַּסֵּתֶר עִם גְּדוּדִים רַבִּים מֵעוֹשֵׂי דְבָרוֹ וַיִכְבּשׁ אֶת הָאִי וַיְסַפֵּר לַנַּעַר כָּל הַקּוֹרוֹת עִמּוֹ וַיָּבֹא חֶרֶשׁ אֶל אַרְמוֹן הַמֶּלֶךְ וַיִּתְחוֹלֵל לְפֶתַע קְרַב דָּמִים בָאַרְמוֹן וַיִּרְצַח פַּדְשׁוּר אֶת אָבִיו וַיַּעֲלוּהוּ עַל כִּסֵּא הַמְּלוּכָה.

אָז יֹאמַר פַּדְשׁוּר הַמֶּלֶךְ לְמַגֵּר בַּחֶרֶב אֶת כֻּלָּנוּ, שֵׁשֶׁת הָאַחִים שָׂרֵי הַמֶּלֶךְ, וּבְרֹאשׁ כֻּלָּם אוֹתִי אֲשֶׁר מֵאִתִּי הָיְתָה עִמּוֹ כְּכָל אֲשֶׁר הָיְתָה. וְאוּלָם מִשְׁנֵהוּ הָרַע וְהַזֵּד יְעָצוֹ לֵאמֹר: אַל תַּהַרְגֵם, כִּי מַה יָּחוּשׁ אִישׁ עִם רִדְתּוֹ אֱלֵי קֶבֶר? הַשְׁאִירֵם חַיִּים וּתְנֵם לִזְוָעָה וּלְחֶרְפָּה וְלִמְנוֹד רֹאשׁ. אַךְ אֶת מִשְׁנֵה הַמֶּלֶךְ הֲרוֹג. וְאוּלָם אֶת הַחוֹזֶה בַּכּוֹכָבִים – עַוֵּר אֶת עֵינָיו וְלֹא יִרְאֶה עוֹד אוֹר הַיּוֹם. וְלַמְשׁוֹרֵר – חֲתוֹךְ לְשׁוֹנוֹ וְקַטַּע אֶת יָדָיו לְבַל יֹאמַר עוֹד וְלֹא יִכְתֹּב שִׁיר, וְאֶצְבְּעוֹת הַצַּיָר – חֲתוֹךְ. וְלַמְבַדֵּחַ – חֲתוֹךְ לְשׁוֹנוֹ וְלֹא יַשְׁמִיעַ קוֹלוֹ. וּמִן הֶעָשִׁיר קַח שְׁתֵּי רַגְלָיו וְאַל יִצְעַד צַעַד בְּדֶרֶךְ חַיָּיו. וְאֶת בְּנֵיהֶם וּבְנוֹתֵיהֶם וְאֶת כָּל הַנֶּפֶשׁ אֲשֶׁר לָהֶם הֲרוֹג וְהַשְׁמֵד לְמַעַן יִכְאֲבוּ וְיִדְאֲבוּ כָּל יְמֵי חַיֵּיהֶם. וְכָל רְכוּשָׁם הָרַב הַחֲרֵם לְאוֹצַר הַמַּמְלָכָה, וְאוֹתָם גָּרֵשׁ מֵאֶרֶץ מוֹלַדְתָּם וְלֹא יוֹסִיפוּ לִרְאוֹתָהּ עַד עוֹלָם. כֹּה יִתְהַלְכוּ נִקְלִים וְאֶבְיוֹנִים בְּאַרְצוֹת נֵכָר.

וַיַּעַשׂ הַמֶּלֶךְ כְּכָל דִּבְרֵי הַיּוֹעֵץ הַבְּלִיַעַל.

וַנִּדֹּד אָז, חֲמֵשֶׁת הָאַחִים, נְגוּעִים וְדַלִּים מֵאֶרֶץ לְאֶרֶץ וּמִגּוֹי אֶל גּוֹי עַד בּוֹאֵנוּ אֶל אַרְצְךָ כִּי יָדַעְנוּ אֲשֶׁר פֹּה שָׂם מִשְׁכָּנוֹ אָחִינוּ – וַנְחַפְּשֶׂנּוּ עַד מָצְאֵנוּ אוֹתוֹ. וְאָכֵן גַּלֵּה גִלָּה לָנוּ אִָחִינוּ אֶת טוּבוֹ וְאֶת אַהֲבָתוֹ וַנִּמְצָא בְּצֵל קוֹרָתוֹ מַחֲסֶה וּמִפְלָט. מִיגִיעַ כַּפָּיו נֹאכַל וּמִן מְעַט הַטּוֹב אֲשֶׁר לוֹ יָשִׁיב אֶת נַפְשֵׁנוּ.

וַאֲנִי בִּרְאוֹתִי כִּי אֲנַחְנוּ הַחֲכָמִים וְהַנְּבוֹנִים וְהָעֲשִׁירִים מָצָאנוּ מִחְיָה וּמִקְלָט בְּבֵית הָאָח אִישׁ הַמְּלָאכָה וָאָבֶן וָאֵדַע כִּי אִם אָמְנָם טוֹבָה וְשַׁלְוָה בַּחָכְמָה אַךְ בָּעֲבוֹדָה אוֹרָה וּתְשׁוּעָה.

אָז אָמַרְתִּי: אֵצֵא נָא אֶל חוּצוֹת קִרְיָה וְאַכְרִיז עַל עֲצָתִי. וּבִצְדִיָּה קָבַעְתִּי מְחִיר עֲשָׂרָה דִינָרִים לַעֲצָתִי לְמַעַן תִּיקַר עֲצָתִי בְּלֵב שׁוֹמְעָהּ. כִּי יָדוֹעַ יָדַעְתִּי אֲשֶׁר דַּלַּת הָעָם נְתוּנִים מֵעוֹדָם לִמְלַאכְתָּם וְאוּלָם שׂוּמָה גַם עַל בְּנֵי הַגְּבִירִים וְהָאֲצִילִים לָדַעַת גַּם הֵמָּה מְלֶאכֶת יָדַיִם.

וְעַתָּה בְּשָׁמְעִי אֶת הַתְּשׁוּעָה אֲשֶׁר הִגִּיעָה לְבֶן הַמֶּלֶךְ מִדַּעַתּוֹ אֶת מְלַאכְתּוֹ וָאָבֶן כִּי מִפִּי קָנָה אֶת הָעֵצָה וָאָבוֹא לְהוֹדוֹת לָאֵל וּלְגַלּוֹת אֶת אָזְנְכֶם כְּכָל אֲשֶׁר הִגַּדְתִּי לָכֶם.

וַיִּדֹּם הָאִישׁ וַיַּחֲרֵשׁ וְכָל הַקְּרוּאִים הִקְשִׁיבוּ וְהָיוּ כְּחוֹלְמִים.

וַיֹּאמֶר הַמֶּלֶךְ: הֱיֵה מְבֹרָךְ כִּי בָּאתָ הֲלוֹם וְהִגַּדְתָּ לָנוּ אֶת כָּל אֲשֶׁר בְּפִיךָ, וְעַתָּה אַתָּה וְאַחֶיךָ בּוֹאוּ בֵּית הַמַּלְכוּת וְלַחְמְכֶם וּמֵימֵיכֶם מִבֵּית הַמֶּלֶךְ כָּל יְמֵי חַיֵּיכֶם. וְאוּלָם מַה בַּקָּשָׁתְךָ אַתָּה, שַׂרְאֶצֶר, עַל כָּל הַטּוֹבָה אֲשֶׁר הַסִבּוֹתָ לָנוּ בַּעֲצָתְךָ? הַגִּידָה וְאֶעֱשֶׂנָּה.

וַיֹּאמֶר שַׂרְאֶצֶר: מַה לִּי עוֹד אַחֲרֵי אֲשֶׁר מָצָאנוּ חֵן בְּעֵינֶיךָ וְאָסַפְתָּ אוֹתִי וְאֶת אַחַי לְבֵית הַמַּלְכוּת? וּמַה דָּרוּשׁ עוֹד לְאִישׁ אֲשֶׁר כָּמוֹנִי אֲשֶׁר אוֹר הַיּוֹם גָּזוּל מֵעֵינַי? וְאוּלָם אִם עַל הַמֶּלֶךְ טוֹב יוֹסִיף נָא עַל שְׁלשֶׁת מִשְׁאֲלוֹת לִבּוֹ אֲשֶׁר יְטַפְּחֵן בְּאַהֲבָה גַּם אֶת הָרְבִיעִית: תְּהִי שׂוּמָה לְחֹק כִּי עַל כָּל אִישׁ וָאִישׁ, מִן הָעֲנִיִּים וְעַד הָעֲשִׁירִים, מִן הַחֲכָמִים וְעַד הַתְּמִימִים, לִלְמֹד מְלֶאכֶת יָדַיִם אַחַת כְּמַתְכֻּנְתָּהּ.

וַיְשִׂימֶהָ הַמֶּלֶךְ לְחֹק בְּאַרְצוֹת פָּרַס וּמָדַי עַד עוֹלָם.