מָשָׁל רִאשׁוֹן.    🔗

הָיֹה הָיָה רַצְעָן אֲשֶׁר רֻשַּׁשׁ וְהוּא לֹא אָשֵׁם, כִּי בֶאֱמוּנָה שָׁקַד עַל מְלַאכְתּוֹ, וַיֵּלֶךְ הָרַצְעָן הָלֹךְ וְדַל וְלֹא נוֹתַר לוֹ מִכָּל אֲשֶׁר לוֹ זוּלָתִי מְעַט עוֹר לְזוּג־נִעָלִים אֶחָד. וַיְהִי בָעֶרֶב וַיִּגְזֹר אֶת הָעוֹר לִגְזָרִים לִהְיוֹת נְכוֹנִים לְמָחֳרָת הַיּוֹם לַעֲשׂוֹת בָּהֶם אֶת הַנְּעָלִים, וְהָיָה בִּהְיוֹת לִבּוֹ טָהוֹר וְרוּחוֹ נָכוֹן, וַיַּעַל עַל מִשְׁכָּבוֹ בְשָׁלוֹם וַיַּפְקֵד רוּחוֹ בְּיַד אֱלֹהִים וַיִּישַׁן לָבֶטַח. וְכַאֲשֶׁר עָלָה הַשַּׁחַר וַיָּקָם הָאִישׁ וַיִּתְפַּלֵּל וַיֹּאמֶר לָגֶשֶׁת אֶל הַמְּלָאכָה, וְהִנֵּה שְׁתֵּי הַנְּעָלִים נִצָּבוֹת עַל הַשֻּׁלְחָן שְׁלֵמוֹת וּנְכוֹנוֹת. וַיִּשִׁתָּאֶה הָאִישׁ מְאֹד־מְאֹד וְלֹא יָדַע אֶת אֲשֶׁר הָיָה. וַיִּקַּח אֶת הַנְּעָלִים בְּיָדוֹ וַיְּמַשֵּׁשׁ אוֹתָן פַּעַם בְּכֹה וּפַעַם בְּכֹה, וַיַּרְא וְהִנֵּה הַמְּלָאכָה נְקִיָּה וְטוֹבָה, אֵין תְּפָר אֲשֶׁר לֹא יִהְיֶה בִמְקוֹמוֹ הַנָּכוֹן, וְהַנְּעָלִים עֲשׂוּיוֹת לְהַפְלִיא אֶת הָעָיִן. הוּא עוֹדוֹ מִשִׁתָּאֶה לְמַרְאֵיהֶן וְאִישׁ בָּא הַבַּיְתָה לִקְנוֹת אֶת הַנְּעָלִים, וַיְהִי בְּמָצִאָן חֵן בְּעֵינָיו מְאֹד וַיְשַׁלֵּם בִּמְחִירָן פִּי־שְׁנָיִם. וְהָרַצְעָן קָנָה בַּכֶּסֶף הַזֶּה עוֹר חָדָשׁ. וְהָיָה לוֹ לִשְׁנֵי זוּגֵי־נְעָלִים, וּבָעֶרֶב גָּזַר אֶת הָעוֹר לִגְזָרִים לִהְיוֹת נָכוֹן לְמָחָר. אַךְ מִמָּחֳרָת בַּבֹּקֶר וַיַּרְא וְהִנֵּה מְלַאכְתּוֹ רַק לְמוֹתָר, כִּי הַנְּעָלִים הָיוּ שְׁלֵמוֹת בַּכֹּל. וְקוֹנִים בָּאוּ גַם הַפַּעַם וַיַּרְבּוּ בִמְחִירָן וַיְשַׁלְּמוּ דֵּי קְנוֹת בְּכֶסֶף הַמִּמְכָּר עוֹר חָדָשׁ לְאַרְבָּעָה זוּגֵי־נְעָלִים. וְאַרְבַּעַת זוּגֵי־הַנְּעָלִים הָיוּ גַם הֵם שְׁלֵמִים וּנְכוֹנִים מִמָּחֳרָת הַיּוֹם בַּבֹּקֶר, וְכַמִּשְׁפָּט הַזֶּה הָיָה כָּל הַיָּמִים: כֹּל אֲשֶׁר גָּזַר בָּעֶרֶב לִגְזָרִים, וְהָיָה בַבֹּקֶר וְהִנֵּה נְעָלִים שְׁלֵמוֹת. כָּכָה עָשָׂה הָאִישׁ חַיִל וַיִּמְצָא אֶת לַחְמוֹ לִרְוָחָה, וּבָאַחֲרוֹנָה גָדַל וַיַּעֲשִׁיר. וַיְהִי לִתְקוּפַת הַיָּמִים לְמוֹעֵד חַג הַחֲנֻכָּה, וַיֵּשֶׁב הָרַצְעָן בָּעֶרֶב לִגְזֹר עוֹר לִגְזָרִים כְּפַעַם בְּפַעַם, וְהָיָה בְּטֶרֶם יִשְׁכַּב וְאָמַר לְאִשְׁתּוֹ: “הַאִם לֹא טוֹב נַעֲשֶׂה לוּ עֵרִים נִהְיֶה הַלַּיְלָה הַזֶּה, לְבַעֲבור נִרְאֶה מִי הוּא זֶה הַנּוֹתֵן לָנוּ כְּפַעַם בְּפַעַם אֶת יָדוֹ הַנְּדִיבָה לְעָזְרֵנוּ?” וְהָאִשָּׁה גַם הִיא אָמְרָה טוֹב לַדָּבָר הַזֶּה, וַתַּעַל נֵר, וַיֵּלְכוּ וַיִּתְחַבְּאוּ בְּפִנּוֹת הַבַּיִת מִתַּחַת לַבְּגָדִים הַתְּלוּיִם שָׁם וַיֵּשְׁבוּ בְּעֵינַיִם פְּקוּחוֹת. וַיְהִי בַּחֲצוֹת הַלַּיְלָה וְהִנֵּה שְׁנֵי גַמָּדִים עֲרֻמֵּי־בָּשָׂר וּמְלֵאֵי־חֵן בָּאוּ הַבַּיְתָה, וַיֵּשְׁבוּ אֶל שֻׁלְחַן הָרַצְעָן וַיִּקְחוּ אֶת גִּזְרֵי הָעוֹר הַמּוּכָנִים וַיָּחֵלּוּ לַעֲשׂוֹת בְּאֶצְבְּעוֹתֵיהֶם הַקְּטַנּוֹת אֶת הַמְּלָאכָה וַיַּעֲשׂוּ אוֹתָהּ בְּחִפָּזוֹן נִמְרָץ, רָצְעוּ, זִפְּפוּ¹, תָּפְרוּ, סִמְּרוּ וְלֹא יָכול הָרַצְעָן לְהָסֵב אֶת עֵינָיו מֵהֶם, כִּי לִבּוֹ הִשְׁתּוֹמֵם בּוֹ אֶל הַמַּרְאֶה. וְהַגַּמָּדִים לֹא חָדְלוּ עַד אִם שָׁלְמָה כָּל הַמְּלָאכָה וְעַד עֲמֹד הַנְּעָלִים שְׁלֵמוֹת עַל הַשֻּׁלְחָן, וַיָּקוּמוּ פִתְאֹם וַיֵּעָלֵמוּ.

וּמִמָּחֳרָת בַּבֹּקֶר וַתֹּאמֶר הָאִשָּׁה אֶל אִישָׁהּ: “רְאֵה, הִנֵּה הָאֲנָשִׁים הַקְּטַנִּים הֶעֱשִׁירוּ אוֹתָנוּ, הַעַל זֹאת לֹא נַרְאֶה אוֹתָם אוֹת תּוֹדָה וּבְרָכָה? הִנֵּה הֵם עֲרֻמִּים וְהַקֹּר אוֹכֵל אֶת בְּשָׂרָם, לָכֵן זֶה הַדָּבָר אֲשֶׁר אֹמַר אֵלֶיךָ: אֶתְפָּר־נָא לָהֶם כֻּתָּנוֹת וּמְעִילִים וּמִכְנָסַיִם וְגַם פֻּזְמָקוֹת² אֶעֱשֶׂה לָהֶם וְאַתָּה עֲשֵׂה לָהֶם זוּג נְעָלִים לְאִישׁ”. וַיִּמְצָא הַדָּבָר חֵן בְּעֵינֵי הָאִישׁ, וַיַּעֲשׂוּ כֵן. וַיְהִי בִּהְיוֹת כָּל אֵלֶּה נְכוֹנִים, וַיַּנִיחוּ אוֹתָם בָּעֶרֶב עַל פְּנֵי הַשֻּׁלְחָן, וְגִזְרֵי עוֹר לֹא הִנִּיחוּ, וַיִּתְחַבְּאוּ גַם הַפַּעַם בְּפִנּוֹת הַבַּיִת לִרְאוֹת אֶת אֲשֶׁר יַעֲשׂוּ הַגַּמָּדִים בְּבֹאָם. וְהַגַּמָּדִים בָּאוּ בַּחֲצוֹת הַלַּיְלָה וַיְבַקְשׁוּ גִזְרֵי־עוֹר נְכוֹנִים לְבַעֲבוּר עֲשׂה אֶת הַמְּלָאכָה וְלֹא מָצְאוּ, וַיִּמְצְאוּ תַחְתֵּיהֶם בְּגָדִים יָפִים. וַיִּשְׁתָּאוּ הַגַּמָּדִים מְאֹד בָּרִאשׁוֹנָה וְאַחֲרֵי־כֵן שָׂמְחוּ שִׂמְחָה גְדוֹלָה. וַיְמַהֲרוּ וַיִּלְבְּשׁוּ אֶת הַבְּגָדִים וַיַּחֲלִיקוּ אוֹתָם לְפִי בְשָׂרָם וַיְזַמְּרוּ:

"הָאֵין אָנוּ נְעָרִים יְפֵי־תֹאַר וִיפֵי־פָנִים?

לֹא נוֹסִיף עוֹד לִהְיוֹת עַד עוֹלָם רַצְעָנִים!"

וַיְפַזְּזוּ וַיְכַרְכְּרוּ, וַיְרַקְּדוּ עַל־פְּנֵי הַכִּסְאוֹת וְהַשֻּׁלְחָנוֹת, וַיָּבֹאוּ עַד פֶּתַח הַדֶּלֶת מִדֵּי רַקְּדָם, וַיַּחְלפוּ וַיֵּעָלֵמוּ. וְלֹא יָסְפוּ עוֹד הַגַּמָּדִים לָבוֹא עַד עוֹלָם, וְהָרַצְעָן הָלַךְ מֵחַיִל אֶל חָיִל, וַיִּגְבַּר וַיֶּעֱשַׁר וַיַּעַשׂ הוֹן רַב וּבְכֹל אֲשֶׁר פָּנָה הִצְלִיחַ.

מָשָׁל שֵׁנִי.    🔗

הָיֹה הָיְתָה שִׁפְחָה עֲנִיָּה, וַתְּהִי הַשִּׁפְחָה חָרוּצָה בִמְלַאכְתָּהּ וְאֹהֶבֶת נִקָּיוֹן, וַתְּטַאטֵא יוֹם־יוֹם אֶת הַבַּיִת וְאֶת הַדֹּמֶן הִשְׁלִיכָה הַחוּצָה וַיְהִי שָׁם לַעֲרֵמָה³ גְדוֹלָה. וַיְהִי הַיּוֹם וַתִּגַּשׁ בַּבֹּקֶר לַעֲשׂוֹת אֶת מְלָאכְתָּהּ כְּפַעַם בְּפַעַם וַתִּמְצָא עַל־פְּנֵי הָעֲרֵמָה מִכְתָּב, וְהִיא לֹא יָדְעָה לִקְרֹא וַתַּצֵּג אֶת הַמַּטְאֲטֵא בַקָּצֶה וַתֵּלֶךְ וַתָּבֵא אֶת הַמִּכְתָּב לַאדוֹנֶיהָ, וַיִּקְרָאוּהוּ לְפָנֶיהָ וַיִּמְצְאוּ וְהִנֵּה הַגַּמָּדִים כּוֹתְבִים אֶל הַנַּעֲרָה כִּי קֹרְאִים הֵם לָהּ לָבוֹא לִבְרִית־מִילָה לִהְיוֹת שָׁם לְסִנְדָּקִית. וְהַנַּעֲרָה לֹא יָדְעָה מַה־לַּעֲשׂוֹת, וַיְהִי כִּי הִרְבּוּ הָאֲנָשִׁים לְדַבֵּר עַל לִבָּהּ וּלְהַגִּיד לָהּ כִּי לֹא יֵעָשֶׂה כֵן לְהָשִׁיב פְּנֵי גַמָּדִים וַתֵּאוֹת⁴ לָלֶכֶת. וּשְׁלֹשָׁה גַמָּדִים בָּאוּ וַיָּבִיאוּ אוֹתָהּ אֶל הַר תָּלוּל⁵ אֲשֶׁר שָׁם מִשְׁכַּן הַקְּטַנִּים. וְהָיָה כָּל אֲשֶׁר רָאֲתָה וְהִנֵּה הוּא קָטָן וּמְעַט, וְרַק מָלֵא כָל דָּבָר חֵן וְתִפְאֶרֶת אֲשֶׁר קָצְרָה לְשׁוֹן אִישֹ מֵהַגִּיד. וְהַיּוֹלֶדֶת שׁוֹכֶבֶת בְּמִטַּת הָבְנִים⁶ שְׁחוֹרָה, מְעֻלֶּפֶת⁷ כַּפְתּוֹרִים וּפְנִינִים, וְהַכְּסָתוֹת מְרֻקָּמוֹת⁸ זָהָב וְהָעֶרֶשׂ עֲשׂוּיָה שֵׁן⁹ וְסִיר הָרַחַץ – זָהָב. וְהַנַּעֲרָה הָיְתָה לְסִנְדָּקִית לְהָבִיא אֶת הַנִּמּוֹל לְכִסֵּא אֵלִיָּהוּ, וַתָּקָם אַחֲרֵי־כֵן וַתֹּאמֶר לָשׁוּב הַבָּיְתָה. אַךְ הַגַּמָּדִים לֹא נְתָנוּהָ לָלֶכֶת וַיִּפְצְרוּ בָהּ לָשֶׁבֶת עִמָּם עוֹד שְׁלֹשָה יָמִים, וַתֵּאוֹת לָהֶם, כִּי יָרְאָה לְהַכְלִימָם, וַתֵּשֶׁב עִמָּם שְׁלֹשֶת יָמִים. וַהַיָּמִים הָיוּ יְמֵי שִׂמְחָה וְשָׂשׂוֹן וְתַּעֲנוּגוֹת רַבִּים, כִּי לֹא מָנְעוּ הַגַּמָּדִים מִמֶּנָּה דָבָר. וַיְהִי מִקֵּץ שְׁלֹשֶת יָמִים וַתָּקָם הַנַּעֲרָה לָלֶכֶת וַיְמַהֲרוּ הַגַּמָּדִים וַיִּתְּנוּ לָהּ זָהָב וּפְנִינִים וַאֲבָנִים יְקָרוֹת, כְּכָל אֲשֶׁר יָכִיל כִּיסָהּ, וַיָּבִיאוּ אוֹתָהּ אֶל מִחוּץ לָהָר. וַתֵּלֶךְ הַנַּעֲרָה וַתָּבוֹא אֶל בֵּיתָהּ, וַתֹּאמֶר לָגֶשֶׁת אֶל הַמְּלָאכָה כְּפַעַם בְּפָעַם, וַתִּקַּח אֶת הַמַּטְאֲטֵא אֲשֶׁר עָמַד בַּקָּצֶה וַתָּחֶל לְטַאטֵא. אָז יָצְאוּ אֲנָשִׁים זָרִים מִן הַבַּיִת, אֲשֶׁר לֹא רָאֲתָה אֶת פְּנֵיהֶם מֵעוֹדָהּ, וַיִּשְׁאֲלוּ אוֹתָהּ מַה־הִיא וּמִי הִיא וּמַה־מַּעֲשֶׂיהָ פֹה. וַיִּגָּלֶה הַדָּבָר כִּי לֹא יָשְׁבָה בָהָר עִם הַגַּמָּדִים שְׁלֹשָה יָמִים, כַּאֲשֶׁר חָשְׁבָה, כִּי אֵם שֵׁבַע שָׁנִים תְּמִימוֹת, וְהַאֲנָשִׁים אֲשֶׁר עָבְדָה אוֹתָם לְפָנִים מֵתוּ בְּקֶרֶב הַשָּׁנִים הָרַבּוֹת וַיָּבוֹאוּ אֲחֵרִים תַּחְתֵּיהֶם.

מָשָׁל שְׁלִישִׁי.    🔗

וַתְּהִי אִשָּׁה וְלָהּ יֶלֶד, וַיָּבוֹאוּ הַגַּמָּדִים בַּלַּיְלָה וַיִּקְחוּ אֶת הַיֶּלֶד הַשּׁוֹכֵב בָּעֶרֶשׂ וַיַּשְׁכִּיבוּ תַחְתָּיו יֶלֶד אַחֵר, מִפֶלֶצת הָיָה, עִם קָדְקֹד עָב וְעֵינַיִם קָמוֹת, אֲשֶׁר לֹא יָדַע דָּבָר בִּלְתִּי־אִם אָכֹל וְשָׁתֹה. וַיְהִי כַּאֲשֶׁר הִתְעַצְּבָה הָאִשָּׁה אֶל לִבָּהּ מְאֹד־מְאֹד עַל הָאָסוֹן אֲשֶׁר קָרָה אוֹתָהּ, וַתֵּלֶךְ לִדְרֹש אֶת שְׁכֶנְתָּהּ, אוּלַי תֵּדַע עֵצָה. וּשְׁכֶנְתָּה הִגִּידָה לָהּ: לְכִי וּקְחִי אֶת בֶּן־הַנֵּכָר וִשָׂאִיהוּ אֶל הַמְבַשְׁלוֹת וְהוֹשַׁבְתְּ אוֹתוֹ עַל פְּנֵי הַכִּירַיִם, וְשַׂמְתְּ אֵשׁ עַל הָאָח וּבִשַּׁלְתְּ מַיִם בִּשְׁתֵּי קְלִפּוֹת בֵּיצָה, וְהָיָה בִּרְאוֹת הַיֶּלֶד אֶת הַמַּרְאֶה הַזֶּה וְנָתַן בִּשְׂחוֹק קוֹלוֹ, כִּי לֹא יוּכַל לְהִתְאַפֵּק, וּבָזֹאת יָבֹא קִצּוֹ, כִּי שׂוּמָה עָלָיו מֵעִם הַגַּמָּדִים לְבִלְתִּי שַׂחֵק לְעוֹלָם. וְהָאִשָּׁה עָשְׂתָה כַּאֲשֶׁר אָמְרָה שְׁכֶנְתָּהּ, וַיְהִי כַּאֲשֶׁר שָׂמָה אֶת קְלִפּוֹת הַבֵּיצָה עִם הַמַּיִם עַל הָאָח הַמְּבֹעֶרֶת, וַיָּחֶל עַב־הַקָּדְקֹד לְדַבֵּר וַיֹּאמַר:

"זָקַנְתִּי וְשַׂבְתִּי,

בַּיַּעַר שֶׁעָזַבְתִּי,

וְלֹא רָאִיתִי קְלִפּוֹת בֵּיצָה וּבָהֶן יְבֻשַּׁל נָזִיד".

וַיִּתֵּן קוֹלוֹ בִּשְׂחוֹק גָּדוֹל, כִּי הָיָה לוֹ הַדָּבָר לִשְׂחוֹק, וַיָּבוֹאוּ פִתְאֹם הַגַּמָּדִים בְּהָמוֹן רַב מְאֹד, וַיָּבִיאוּ עִמָּם אֶת בֶּן הָאִשָּׁה אֲשֶׁר לָקְחוּ, וַיּוֹשִׁיבוּהוּ עַל הַכִּירַיִם, וְאֶת הַיֶּלֶד עִם הַקָּדְקֹד הָעָב וְעִם הָעֵינַיִם הַקָּמוֹת לָקְחוּ עִמָּם וַיֵּלֵכוּ.